AKTUALITETE 2012 www.ereniku.net Vistër lajmesh-marrë nga agjencitë e ndryshme informative shqiptare dhe botërore.

- Lajmet E premte, 18 maj, 2012 ...shkurt e trup: Dikoviç: Ushtria serbe, e gatshme të mbrojë qytetarët në Kosovë “Vatra” bën thirrje për demilitarizim të Kosovës Lindore Kosova punon për vete, jo për BE-në S’ka kampe stërvitore në Kosovë Rexhep Boja emërohet ambasador i Kosovës në Mbretërinë e Arabisë Saudite Dik Marti pritet të dëshmojë në Rastin Medikus Bllokohet çdo hyrje dalje në fshatin Dobrasin Përfundon protesta e serbëve në veri Ulen tarifat kufitare për qytetarët e Luginës së Preshevës “Vatra” bën thirrje për demilitarizim të Kosovës Lindore 18 maj, 2012 Përfaqësues të Shoqatës të të shpërngulurve nga Kosova Lindore “Vatra” me seli në Gjilan, praninë e shtuar të forcave ushtarake dhe xhandarmërisë serbe në fshatin Qarr të Malësisë së Bujanocit e vlerësuan të premten të qëllimshme për të nxitur shpërnguljen e pak shqiptarëve të mbetur aty. Dikoviç: Ushtria serbe, e gatshme të mbrojë qytetarët në Kosovë 18 maj, 2012 Shefi i ushtrisë serbe, Ljubisa Dikoviç ka thënë se situata në Kosovë është e ndjeshme dhe se ajo mund të bëhet edhe më komplekse. Ai ka thënë se gjëja më e rëndësishme është që qytetarët duhet ta dinë se ushtria serbe është e gatshme për t’iu përgjigjur çdo lloj misioni për të ruajtur sigurinë e vendit dhe interesat kombëtare. Në një intervistë për Vecernje novosti Dikoviç ka thënë: “Mundësia për ndonjë ndërhyrje ushtarake është zvogëluar pasi që tani vendi po shion kah aspiratat drejt Bashkimit Evropian kështu që mund të them se situate në Serbi ndryshon nga vendi në vend” ka thënë Dikoviç duke iu referuar edhe Kosovës me “situatën e sigurisë në Serbi”. Ai ka thënë se ushtria serbe është e gatshme ti përgjigjet çdo lloj misioni në mbrojtje të sigurisë nacionale. “Sfida më e madhe për ne është shpallja e njëanshme e pavarësisë së Kosovës”, ka thënë ai. Dikoviç ka thënë se ushtria serbe ka potenciale dhe plan edhe për ndonjë paqëndrueshmëri të mundshme në veriun e Kosovës. “Ushtria ka plan për parandalimin e krizave dhe ajo është e aftë të përmbushë rolin e saj kushtetues. Sa i përket Kosovës, në bazë të marrëveshjes KFOR-i është autoriteti kryesor për sigurinë. Mirëpo edhe ne jemi të gatshëm dhe kemi aftësi kur vije në pyetje mbrojtja e qytetarëve tonë”, ka thënë Dikoviç./burimi: Indeksonline/ BLLOKOHET ÇDO HYRJE DALJE NË FSHATIN DOBRASIN 18 maj, 2012 Në fshatin Dobrosin të Bujanocit që nga mëngjesi i sotëm jashtë shtuar forcat e xhandarmërisë dhe ushtrisë serbe që kanë bllokuar çdo hyrje dalje të fshatit. ... Sipas korrespodentit tonë atje situata tani për tani është e qetë. Ndërkohë ministri i Brendshëm i Serbisë, Ivica Daçiq, që ka qëndruar sot në Dobrosin ka kërkuar reagimin e komunitetit ndërkombëtar dhe të forcave ndërkombëtare në Kosovë për sulmin në stacionin e policisë në këtë fshat. Sërish protestë në veriun e Mitrovicës, i arrestuari në ndalim policor 18 maj, 2012 Burime nga veriu i Mitrovicës, njoftojnë se serbët sërish do të protestojnë të premten në mesditë duke kundërshtuar arrestimin e Milkovic-it. S’KA KAMPE STËRVITORE NË KOSOVË 18 maj, 2012 Deklaratave të presidentit sirian, Bashar al Assad për gjoja kampe stërvitore të rebelëve sirianë, iu është kundërpërgjigjur zëvendëskryeministri i Kosovës, Hajredin Kuçi. Ai ka thënë se në Kosovë nuk ka kampe të tilla, duke shtuar se dhuna është krijuar në Siri dhe duhet të zgjidhet në Siri... “Është një deklaratë e pabazë. Siç ka thënë edhe ministri i Jashtëm, Kosova mbështet lëvizjet demokratike kudo në botë, por Kosova nuk është një oazë ku mund të stërviten njerëzit për çfarëdo qëllimi tjetër. Kosova i ka forcat e veta të rregullta, Forcën e Sigurisë dhe Policinë e Kosovës; Kosova e ka një prezencë ndërkombëtare, KFOR-in dhe EULEX-in, që janë përgjegjës për siguri dhe kanë informacione edhe për zhvillime të tilla. Kosova krijon paqe dhe stabilitet. Kosova nuk prodhon kriza. Unë besoj që edhe rasti konkret, dhuna, është prodhuar në Siri dhe duhet të zgjidhet në Siri”, ka thënë zëvendëskryeministri Kuçi. KOSOVA PUNON PËR VETE, JO PËR BE-në 18 maj, 2012 Tërë procesi evropian i Kosovës nuk është për BE-në, por është për ta bërë Kosovën evropiane, ka thënë përfaqësuesi special i BE-së në Kosovë, Samuel Zbogar. Ndërsa, ministrja për Integrime Evropiane, Vlora Çitaku, ka pohuar se nuk mund të hyjmë në BE “duke mbajtur fjalime të mira, por duke i bërë reformat që janë të nevojshme për t’u bërë”. “Tërë procesi evropian i Kosovës nuk është për BE-në, por është për të bërë për Kosovën evropiane dhe kjo është ajo që ne dëshirojmë të bëjmë. Kjo është ajo që jemi duke bërë së bashku, duke e bërë Kosovën më shumë evropiane, hap pas hapi. Është një ndihmë nëse kemi perspektivë të mirë, e cila ka filluar me studimin e fizibilitetit dhe le të shpresojmë në ata për veten e tyre”, ka thënë ai duke shtuar se qëllimi kryesor është për t’u bashkuar me BE-në, jo vetëm sepse e pëlqejmë BE-në si institucion, por sepse është institucion ku gjërat funksionojnë, ku njerëzit janë të lumtur e të punësuar, ku ambienti dhe energjetika janë në nivel, ndërsa gjykatat dhe sundimi i ligjit funksionojnë. Çitaku ka thënë se nuk mund të bëhemi pjesë e BE-së duke mbajtur fjalime të bukura, por duke i bërë reformat që na kërkohen. Reforma e administratës publike, sipas saj, është një nga elementet kryesore që duhet të adresohet në procesin e integrimit evropian. Ulen tarifat kufitare për qytetarët e Luginës së Preshevës 18 maj, 2012 Asambleja e përgjithshme e kompanive të sigurimeve ka vendosur dje që tarifat kufitare për veturat me targa të Serbisë, ku bëjnë pjesë edhe qytetarët e Luginës së Preshevës të ulën. Lajmi u bë publik gjatë një takimi që zëvendëskryeministri dhe ministri i Drejtësisë, Hajredin Kuçi, zhvilloi sot me drejtorin e Bordit të Byrosë Kosovare të Sigurimeve, Rrahim Pacolli. - Lajmet E enjte, 17 maj, 2012 ...shkurt e trup: - PRIZREN, PROMOVOHET ABETARJA E PERBASHKET - Abetarja Kombëtare, Berisha: Fqinj, çlirohuni nga shqiptarofobia - Arrestimi i një serbi në Mitrovicë, protesta dhe të shtëna armësh - POLICIA E KOSOVES NUK POSEDON INFORMACIONE PËR TË SHTËNA NË GJILAN - NË DOBROSIN TË BUJANOCIT TË SHTËNA ME ARMË - BE-JA NUK MIRËPRET KUSHTËZIMIN E DIALOGUT - HURUGLICA DHE RAFUNA LIROHEN NGA AKUZAT - ARRESTIME LIDHUR ME SHPËRTHIMIN NË BULEVARDIN BILL KLINTON - DK FTON QYTETARËT TA DENONCOJNË KRIMIN - SULMOHEN GAZETARËT SHQIPTARË NË VERI, DËNOHET NGA AGPK E SHGM - Ndahet nga jeta koreografi Agron Aliaj - HAGË: SHTYHET GJYKIMI KUNDËR MLADICIT - KA PROVA KUNDËR MLLADIQIT - GJYKATA EVROPIANE NIS PROCESIN GJYQËSOR KUNDËR MAQEDONISË ...hapur: Prizren, promovohet abetarja e përbashkët 17 maj, 2012 Promovohet në Prizren abetarja e përbashkët Shqipëri-Kosovë. Në ceremoni ishin të pranishëm krerë të qeverive të dy vendeve, ministrat e arsimit, hartuesit e abetares dhe dhjetëra qytetarë. Kryeministri Sali Berisha e cilësoi abetaren e përbashkët si kryevepër të dijes që i dhurohet kombit shqiptar. "Jam shumë i lumtur për hartimin e këtij libri. Rruga e dijes është rruga e dritës, për të cilën kanë shumë nevojë shqiptarët", tha Berisha, duke shtuar se abetarja mbart ëndrrat, sakrificat dhe idealin e bashkimit të shqiptarëve. Ndërsa Thaci e konsideroi këtë si ditë historikë për kombin shqiptar, ndërsa është një shprehje e ndergjegjes dhe emancipimit. Abetarja Kombëtare, Berisha: Fqinj, çlirohuni nga shqiptarofobia Prizren, 17 maj, 2012 Tiranë – Nxënësit e klasave të para të Shqipërisë dhe Kosovës do të mësojnë tashmë me një abetare të përbashkët. Ceremonia e promovimit të abetares së përbashkët u zhvillua sot në Qendrën Sportive “Sezai Surroi”, ku përveç Kryeministrit të Shqipërisë, Sali Berisha, ishin të pranishëm edhe Presidentja e Kosovës, Atifete Jahjaga dhe Kryeministri kosovar Hashim Thaçi. Kryeministri Sali Berisha e cilësoi abetaren e përbashkët si një kryevepër. “Abetarja është margaritari i kurorës së 100 vjetorit të Shqipërisë së pavarur, dhurata më e bukur që mund t’i bëni Shqipërisë dhe shqiptarëve”, u shpreh Kryeministri. Berisha falenderoi hartuesit e abetares, Shezai Rrokaj, Mimoza Gjokutaj dhe 2 përfaqësuesit nga Kosova, Islam Krasniqi dhe Saranda Kumonova Pozhegu, për përkushtimin “që dëshmuan për hartimin e abetares së parë të të gjithë shqiptarëve, këtij libri të të gjithë librave”. Kryeministri Berisha, shtoi se “rruga e dijes është rruga e lirisë, për të cilën ka më shumë nevojë se çdo gjë tjetër çdo shqiptar”. Duke iu drejtuar fëmijëve, Kryeministri u shpreh se “libri që ju merrni sot është abetarja më e re që botohet në trevat shqiptare, por ajo, së bashku me termat, figurat e mrekullueshme, mbart emrin e dhjetra, qindra gjenerata shqiptarësh, të cilët do donin të kishin abetare të përbashkët. Ajo mbart idealin e lirisë së shqiptarëve, idealin e bashkimit të tyre, si idealin e përjetësisë kombëtare”. Sot, vijoi Kryeministri, “jemi më të vendosur se kurrë të punojmë për projektin e bashkimit kombëtar të shqiptarëve, në projektin e madh evropian. Sot jemi më të vendosur se kurrë të punojmë me përkushtim për paqen, stabilitetin në rajon dhe më gjerë. Nga Prizreni u themi fqinjëve tanë, lirohuni nga shqiptarofobia. Ajo është një mbeturinë e primitivizmit të shkuar”. Kryeministri i Kosovës Hashim Thaci gjatë fjalës së tij në në ceremoninë e promovimit të abetares së përbashkët Shqipëri-Kosovë, e cilësoi një ditë historike për të gjithë shqiptarët. “Më lejoni të uroj këtë ditë të madhe për shqiptarët. Sot është një ditë historike për kombin, kulturën dhe qytetërimin shqiptar. Sot ju prezantojmë abetaren e përbashkët të shqiptarëve, të ardhmen e kombit shqiptar. Thaci deklaroi se jo rastësisht ceremonia po mbahet në Prizren kryeqytetin shpirtëror të shqiptarëve, pasi sipas tij ai është qyteti i bashkimit të shqiptarëve në një komb. “Sot të gjithë shqiptarët ku jetojnë, janë me ne, janë me abetaren e parbashkët. Jemi mbledhur në kryeqytetitin shpirtëror të shqiptarëve në qytetin mes kryeqyteteve poliike dhe administrative, Tiranës dhe Prishtinës, në qytetin e bashkmit të shqiptarëve në një shtet të vetëm. Kjo është abetarja e kombit, kjo është arritje për të gjtihë shqiptarët. Këtë mund ta bëjë një shtet i lirë dhe sovran”,- deklaroi Thaci. Sipas Thacit fati i abetares është i njëjtë me fatin e shqiptarëve, dhe falë përpjekjeve shekullore tashmë shqiptarët do keni një gjuhë dhe një flamur. “Në themele të Rilindjes qëndron patrioti Naum Vexhilharxhi, fati i librit ishte i ngjashëm me fatin e popullit shqiptar. Sot pas 100 vjetësh shteti shqiptar është vend demokratik anëtar i NATO dhe me prespektivë për në BE. Sot Kosova ka hyre në 13 vjetorin e lirisë dhe 5 vjetorin e pavarësisë. Kosova ka të ardhme të ndritur. Abetarja e përbashkët është një përpjeje e jona shekullore, dhe shqiptarët tashmë do kenë abetare të përbashkët gjuhë dhe flamur”,- deklaroi Thaci. Abetarja e Përbashkët Shqipëri-Kosovë do t’u ofrohet edhe fëmijëve të emigrantëve shqiptarë që jetojnë e punojnë në diasporë. Ministria e Arsimit ka theksuar se unifikimi i teksteve shkollore është një nismë mes dy ministrive dhe do të vijojë edhe me tekste të tjera shkollore. (burimi:LajmeShq) Arrestimi i një serbi në Mitrovicë, protesta dhe të shtëna armësh Ereniku, 17 maj, 2012 Mitrovicë – Breshri të shtënash nga armët automatike dhe revolet janë duke u dëgjuar në protestën e rreth 100 serbëve, që po mbahen para objektit ku është vendosur administrata e komunës paralele serbe në veri të Mitrovicës. Protestuesit serbë po kërkojnë lirimin e Jovica Milkoviçit, i cili është arrestuar sot nga policia e Kosovës, me dyshimin se kishte shkatërruar kontenjerin e punktit policor te Tre rrokaqiejt. Situata aty, raporton gazetari i ‘Kohës Ditore’ është shumë e tensionuar. Derisa para shtëpive të tyre po zhvillohet protesta e serbëve, banorëve shqiptarë u është vështirësuar lëvizja për në jug të Mitrovicës. Në zonën e Tre rrokaqiejve gjenden disa patrulla të Policisë së Kosovës dhe KFOR-it, ndërsa askund nuk vërehen pjesëtarë të EULEX-it. Milkoviç është arrestuar sot në orët e mëngjesit, në fshatin Suhadoll të Mitrovicës, ndërsa është shoqëruar në Drejtorinë rajonale të Policisë në Mitrovicë. Tani është në fazën e intervistimit në prani të avokatit të tij. Ai po hetohet në cilësi të të dyshuarit për përfshirje në grup në vepra penale “dëmtim të pronës së luajtshme” të Policisë së Kosovës, dhe “mosrespektim të urdhrave të zyrtarëve të Policisë së Kosovës”. Protestuesit serbë në prani të Policisë së Kosovës dhe KFOR-it kanë sulmuar fizikisht gazetarët shqiptarë, të cilat kanë dalë për të përcjellë situatën. Gazetarët e ‘Koha Ditore’ dhe agjencisë së lajmeve ‘Kosovapress’ janë sulmuar nga një serb i moshuar dhe nga një grup të rinjsh serb. Korrespondenti i “Kohës Ditore” njofton se një pjesëtar i Policisë së Kosovës gjithashtu ka mbajtur anën e protestuesve serbë duke akuzuar gazetarët “Pse kanë dalë këtu? Çfarë kërkoni?”, ndërsa pjesëtarët e KFOR-it as që kanë lëvizur nga vendi, ku ishin të stacionuar. (burimi:LSh) Rasti Sekiraça, EULEX konfirmon arrestimin e 4 personave Prishtinë- Katër persona janë arrestuar në kuadër të një hetimi lidhur me shpërthim në Bulevardin Bill Klinton, që kishte ngjarë në shtator të vitit 2007, bën të ditur EULEX-i përmes një komunikate për media. Gjatë operacioneve të sotme, policia e EULEX-it e ka arrestuar një të dyshuar në rajonin e Gjilanit, ndërsa janë bastisur edhe dy prona. Policia e Kosovës i ka arrestuar edhe tre të dyshuar. Në mesin e tyre ka pjesëtarë aktualë dhe ish-pjesëtarë të PK-së. Hetimet është duke i zhvilluar një prokuror i EULEX-it nga Prokuroria Speciale e Kosovës (PSRK), thuhet në njoftim. (Lsh) POLICIA NUK POSEDON INFORMACIONE PËR TË SHTËNA NË GJILAN 17 maj, 2012 Zëdhënësi i Policisë së Kosovës, Baki Kelani, ka thënë se nuk posedon informacione, që flasin për të shtëna në Gjilan. Zyrtarë të Serbisë kanë thënë se “grupe të armatosura shqiptare” kanë sulmuar nga kjo hapësirë stacionin e policisë në Dobrosin të Bujanocit. Kelani ka thënë se Policia e Kosovës nuk komenton deklaratat e politikanëve serbë. NË DOBROSIN TË BUJANOCIT TË SHTËNA ME ARMË 17 maj, 2012 Sipas policisë serbe, në orët e hershme të mëngjesit të sotëm, është shtënë me refale automatiku mbi punktin policor në fshatin Dobrosin të komunës së Bujanocit. “Sulmi mbi policinë, respektivisht punktin policor, në orën 3:00, ishte akt terrorist”, ka thënë zëdhënësi i policisë së Vranjës, Dragan Stamenkoviq, duke shtuar se në këto momente nuk është në gjendje të komunikojë të dhënë të tjera për këtë sulm, raportojnë mediet serbe. Fshati Dobrosin, në të cilin është punkti kontrollues serb, në drejtim të Kosovës, ndodhet 16 kilometrat në jugperëndim të Bujanocit. BE-JA NUK MIRËPRET KUSHTËZIMIN E DIALOGUT 17 maj, 2012 Bashkimi Evropian insiston në vazhdimin pa kushte të dialogut Prishtinë-Beograd. Përfaqësuesi special i BE-së në Prishtinë, Samuel Zhbogar, ka deklaruar se Kosova dhe Serbia kanë edhe shumë çështje që duhet t’i zgjidhin mes vete. Para së gjithash, ai ka deklaruar se nga dialogu varet edhe procesi i përafrimit të këtyre dy vendeve me familjen evropiane. “Dialogu duhet të vazhdojë pasi që ka ende gjëra që duhet bërë. Ne e kemi thënë se progresi i Kosovës dhe i Serbisë drejt BE-së do të maten edhe nëpërmjet dialogut dhe marrëdhënieve ndërmjet vete. Andaj është në interes të të dyja palëve që të angazhohen në mënyrë konstruktive në këtë dialog”, ka thënë Zhbogar, raporton Koha Ditore. Vazhdimi i dialogut teknik është kushtëzuar nga Kuvendi i Kosovës me zbardhjen e fatit të të pagjeturve. Zhbogar nuk ka parapëlqyer të lëshohet në komentime të zhvillimeve në Kuvend, por ka rikujtuar se dialogu mes Prishtinës dhe Beogradit është kërkuar edhe me Rezolutë të OKB-së. HURUGLICA DHE RAFUNA LIROHEN NGA AKUZAT 17 maj, 2012 Një trupi gjykues i përbërë nga dy gjykatës të EULEX-it dhe një vendas në Gjykatën e Qarkut në Prishtinë, i ka liruar sot nga akuza Naim Huruglicën dhe Lulzim Rafunën për veprën penale të keqpërdorimit të pozitës apo autoritetit zyrtar. Huruglica, drejtor i Përgjithshëm në Doganën e Kosovës, dhe Rafuna, drejtor i Departamentit Ligjor në Doganën e Kosovës, ishin akuzuar për lejimin e importeve shtesë të duhanit në Kosovë që i tejkalonin kufijtë e lejuar të importit për vitin 2008. ARRESTIME LIDHUR ME SHPËRTHIMIN NË BULEVARDIN BILL KLINTON 17 maj, 2012 Katër persona janë arrestuar në kuadër të një hetimi lidhur me të ashtuquajturin shpërthim në Bulevardin Bill Klinton që kishte ngjarë në shtator të vitit 2007. Gjatë operacioneve të sotme, policia e EULEX-it e ka arrestuar një të dyshuar në rajonin e Gjilanit, ndërsa janë bastisur edhe dy prona. Policia e Kosovës i ka arrestuar edhe tre të dyshuar. Në mesin e tyre ka pjesëtarë aktual dhe ish pjesëtarë të PK-së. Hetimet është duke i zhvilluar një prokuror i EULEX-it nga Prokuroria Speciale e Kosovës (PSRK), njofton EULEX. DK FTON QYTETARËT TA DENONCOJNË KRIMIN 17 maj, 2012 Lidhja Demokratike e Kosovës (LDK), u ka bërë thirrje qytetarëve që të denoncojnë veprat kriminale dhe të kontribuojnë në zbardhjen e krimeve të rënda. "Në ditët e fundit kanë dalë deklarata të hapura për dy tentim-atentate ndaj themeluesit e kryetarit të LDK-së, dr Ibrahim Rugovës, në vitin 2004 dhe në vitin 2005, pikërisht në kohën kur Rugova ishte president i Republikës së Kosovës. Ne besojmë fort se do t’i shërbente drejtësisë në Kosovë dhe besimit në shtetin e Kosovës që Prokuroria e Kosovës dhe Prokuroria e EULEX-it të trajtojnë të gjitha këto raste të vrasjeve dhe tentim-vrasjeve dhe të sjellin para drejtësisë, për të marrë dënimin e merituar, ekzekutorët e krimeve të rënda dhe frymëzuesit e tyre”, thuhet në njoftim. SULMOHEN GAZETARËT SHQIPTARË NË VERI, DËNOHET NGA AGPK E SHGM 17 maj, 2012 Protestuesit serbë në prani të Policisë së Kosovës dhe KFOR-it kanë sulmuar të enjten gazetarët shqiptarë të cilët ishin duke përcjell protestën në veri. Gazetari i Agjencisë së Lajmeve Kosovapress dhe i të përditshmes Koha Ditore janë sulmuar nga një grup huliganësh serbë, duke u penguar në kryerjen e detyrës së tyre, ndërsa një pjesëtar i Policisë së Kosovës të stacionit veri ka akuzuar gazetarët që po fotografonin. Falë një pjesëtari tjetër të policisë është tejkaluar më e keqja, ndërsa ushtarët e KFOR-it kanë qenë vetëm spektatorë. Shoqata e Gazetarëve të Mitrovicës (SHGM) dënon ashpër sulmin e ekstremistëve serbë ndaj gazetarëve Alidin Damati dhe Musa Mustafa, anëtarë të kësaj Shoqate. Gazetarët Alidin Damati nga Agjencia e Pavarur e Lajmeve Kosovapress dhe Musa Mustafa Koha Ditore, janë sulmuar të enjten në pjesën veriore të qytetit nga një grup ekstremistësh serbë, në momentin kur këta po e bënin punën e tyre, duke përcjellur një protestë të serbëve, për shkak të arrestimit të një serbi nga Policia e Kosovës, si të dyshuar për dëmtimin e kontejnerit të vendosur nga policia në zonën e “Tre rrokaqiejve”. Damati e Mustafa janë fyer mbi baza etnike dhe janë penguar në punën e tyre, si dhe janë detyruar të largohen nga vendi i ngjarjes për të shpëtuar nga më e keqja. E tëra kjo ka ndodhur para syve të ushtarëve të KFOR-it, të cilët nuk kanë reaguar fare, ndërsa që ju ka dalur në ndihmë vetëm njëri nga dy policët e Kosovës që gjendeshin aty. Duke e dënuar ashpër atakimin e gazetarëve, Shoqata kërkon nga organizatorët e protestave të mos e pengojnë punën e gazetarëve, por të ndihmojnë ata në realizimin e misionit të tyre. SHGM-ja ka kërkuar nga përfaqësuesit e KFOR-it dhe ata të Policisë së Kosovës, të krijojnë kushte për gazetarë dhe në rastet e protestave të ndryshme, të mbrojnë ata kur rrezikohen nga njerëz me prirje kriminale. Edhe Asociacioni i Gazetarëve Profesionistë të Kosovës (AGPK) ka reaguar të enjten ndaj sulmit mbi gazetarët në Mitrovicë. “AGPK me shqetësim ka marrë lajmin se dy gazetarë, Musa Mustafa dhe Alidin Damati, janë sulmuar derisa po e kryenin punën e tyre”, thuhet në një komunikatë të këtij asociacioni. Gazetarët Musa Mustafa nga “Koha Ditore” dhe Alidin Damati nga “Kosovapress” janë sulmuar nga një grup ekstremistësh serbë, në momentin kur po e përcillnin një protestë të serbëve, të organizuar në pjesën veriore të Mitrovicës. “Siç është njoftuar AGPK, Mustafa e Damati janë fyer mbi baza etnike dhe janë penguar në punën e tyre”, thuhet më tej në komunikatë. AGPK shprehet e shqetësuar edhe me sjelljen indiferente të ushtarëve të KFOR-it, të pranishëm gjatë incidentit, ndërkaq që shpreh shqetësim edhe për mosreagimin profesional të policëve të Kosovës, pasi që vetëm njëri nga ta ka ndihmuar gazetarët. “Pengimi i gazetarëve në punën e tyre është sulm i rëndë ndaj lirisë së shtypit. Të gjitha institucionet e sigurisë e kanë për oglibim që të mundësojnë punën e gazetarëve, në gjithë territorin e Kosovës”, përfundon komunikata e AGPK-së. Ndahet nga jeta koreografi Agron Aliaj 17 maj, 2012 Ndahet nga jeta koreografi Agron Aliaj. Mjeshtri i koreografisë shqiptare ndërroi jetë në reanimacionin e spitalit, ku ndodhej pas një aksidenti rrugor të ndodhur më 7 mars të këtij viti. Ditën e aksidentit, maestro Aliaj po punonte për premierën e re që ishte parashikuar të shfaqte në Teatrin e Operas dhe Baletit, në fund të marsit, “Plaga e dhjetë e Gjergj Elez Alisë". Pas provave të gjata, në mbrëmje, teksa kalonte trotuarin në qendër të kryeqytetit, një makinë e ka përplasur duke i shkaktuar plagë të rënda. 79-vjeçari Aliaj nuk u ka mbijetuar plagëve dhe ka ndërruar jetë mesditën e sotme. Maestro Aliaj ka një karrierë 50-vjeçare në Teatrin e Operave dhe Baletit. Krijimtaria e mjeshtrit të skenës shqiptare Jeta e baletmaestros Agron Aliaj ishte e destinuar plotësisht t‘i dedikohej artit të bukur të baletit. Për mjeshtrin e skenës, të bërit art ishte një dhunti ku njeriu ka aftësinë të shprehë botën dhe ndjenjat në tërë vizionin dhe labirintin e jetës njerëzore. Ai ka realizuar disa kryerole të literaturës së baletit kombëtar dhe atij botëror: “Halili dhe Hajrija” (1963), “Delina” (1964), “Cuca e maleve” (1970), apo tek baletet klasike: “Kujdesi i kote” (1957), “Romeo dhe Zhulieta” (1957), “Franceska da Rimini” (1962), “Lola” (1958), “Paganini” (1963), “Fadeta” (1960), etj. Pas realizimit të shumë valleve dhe numrave koncertore, është autori i shumë baleteve kombëtare, si: “Cuca e maleve” (1970), “Tokë e pamposhtur” (1977), “Para stuhisë” (1982), “Plaga e dhjetë e Gjergj Elez Alisë”, “Halili dhe Hajria” (1966), si dhe baletet klasike “Zhizel” (1988), “Don Kishoti” (1990), “Romeo dhe Zhulieta” (1996), “Hirushja” (2002), “Katedralja e Parisit” (2003) etj. Është nderuar me Çmimin e Republikës dhe mban titullin e lartë “Artist i Popullit”. HAGË: SHTYHET GJYKIMI KUNDËR MLADICIT 17 maj, 2012 Alfons Ori, kryesuesi i panelit gjyqësor në gjykimin e Ratko Mlladiqit, ka shtyrë për një afat të pacaktuar procesin gjyqësor, për shkak të mënyrës së paraqitjes së provave nga prokuroria. ... Prokuroria e Tribunalit Ndërkombëtar në Hagë nuk ia ka dorëzuar disa dëshmi mbrojtjes së Mlladiqit, për çka ka qenë ligjërisht e detyruar ta bëjë këtë. KA PROVA KUNDËR MLLADIQIT 17 maj, 2012 Në ditën e dytë të gjykimit të ish-komandantit të ushtrisë serbe të Bosnjës, Ratko Mlladiq, prokurorët e Tribunalit të Hagës kanë thënë se ka prova që tregojnë se trupat e komanduara nga ai, kanë qenë përgjegjëse për vrasjen e rreth 8,000 burrave dhe djemve myslimanë në Srebrenicë. Masakra në qytetin verilindor të Bosnjës është vlerësuar si mizoria më e madhe në Evropë pas Luftës së Dytë Botërore. Gjykimi kundër Mlladiqit ka nisur dje. Nëse shpallet fajtor, Mlladiq mund të përballet me burgim të përjetshëm. GJYKATA EVROPIANE NIS PROCESIN GJYQËSOR KUNDËR MAQEDONISË 17 maj, 2012 Gjykata Evropiane për të Drejtat e Njeriut ka nisur procesin gjyqësor kundër Qeverisë së Maqedonisë, e cila akuzohet për abuzime të të drejtave të njeriut të një shtetasi gjerman.... Khaled el-Masri, 48 vjeç, me origjinë libaneze, është arrestuar në Maqedoni në dhjetor të vitit 2003, nën dyshimet për lidhje me sulmet terroriste të 11 Shtatorit në SHBA. Ai është mbajtur më shumë se tre javë në Shkup, para se u është dorëzuar zyrtarëve të CIA-s. Këta të fundit thuhet ta kenë dërguar në Afganistan, ku dyshohet se është torturuar për pesë muajt e ardhshëm. CIA më vonë ka kuptuar se ka bërë gabim, duke pohuar se ka qenë në kërkim të një personi tjetër me të njëjtin emër. Dhoma e Gjykatës Evropiane të të Drejtave të Njeriut në Strasburg ka nisur gjykimin e çështjes së ngritur nga avokatët e El Masrit, të cilët pretendojnë për shkelje të të drejtave të Konventës Evropiane me anë të torturës. - Lajmet E mërkurë, 16 maj, 2012 - Sot mbushen 13 vjet që nuk dihet ende për fatin e profesorit dhe veprimtarit Ukshin Hoti. Ndërkaq sivjet janë ndërmarrë disa iniciativa për të lartësuar figurën e tij. Këtë vit shtëpia e Ukshin Hotit po bëhet “Shtëpi Muze”, ndërkohë studentët e Universitetit të Prizrenit, kërkojnë që ky universitet të mbajë emrin Ukshin Hoti. - Lunaçek: Shtete anëtare në BE, zvarrisin proçeset në Kosovë. Raportuesja për Kosovën në Parlamentin Evropian, Ulrike Lunacek, në një intervistë ekskluzive për radio Kosovën, thotë se kryeministri i Kosovës, Hashim Thaçi, ka të drejt kur kritikon Brukselin, lidhur me vonesat që po shkaktohen në procesin integrues të Kosovës për në BE. - Kryeministri Hashim Thaçi, edhe njëherë përsëriti se çdo vonesë e Bashkimit Evropian, për Ballkanin në përgjithësi dhe Kosovën në veçanti, do të rrezikonte paqen dhe stabilitetin në rajon. Këto deklarata kryeministri i bëri pas mbledhjes së qeverisë. Ish-ministri i Punëve të Jashtme, Skënder Hyseni, i ka quajtur të vonuara kritikat e kryeministrit Hashim Thaçi në drejtim të Brukselit. Hyseni ka thënë se kryeministri e ka bërë një veprim jo të duhur dhe në kohën e gabuar. Ai ka vlerësuar se këto deklarata është dashur të thuhen para arritjes së koncesioneve në kuadër të dialogut me Serbinë. “Deklaratat e kryeministrit i konsideroj të vonuara, shumë të vonuara, sepse këto kritika është dashur të bëhen shumë kohë më parë, e jo tani, aq më tepër në këtë formë dhe për konsum publik”, ka deklaruar Hyseni, për “Epokën e re”. Kryetari i Kuvendit të Kosovës, Jakup Krasniqi ka kërkuar nga deputetët e Parlamentit të Portugalisë që të ushtrojnë ndikimin e tyre në mënyrë që edhe 5 vendet e BE-së ta njohin Kosovën. FITU: KOSOVA DHE SERBIA DUHET T’I NORMALIZOJNË MARRËDHËNJËT Kosova dhe Serbia duhet t''i normalizojnë marrëdhënjët e tyre dhe t''i përmbushin kriteret për antarësim në Bashkimin Evropian, pa e bllokuar njëra tjetrën, sepse kjo do të kishte pasoja për të dy vendet. Kështu deklaruar ambasadori francez në Kosovë, Zhan Fransua Fitu, gjatë një vizite që i bëri komunës së Gjakovës. “Gjëndja e ekonomisë botërore”, Topi niset në SHBA Tiranë – Presidenti i Republikës, Bamir Topi, së bashku me Zonjën e Parë, Teuta Topi, me ftesë të Sekretarit të Përgjithshëm të OKB-së, Ban Ki-mun dhe Presidentit të Asamblesë së Përgjithshme, Nasir Abdulaziz Al-Naser u nis të mërkurën drejt SHBA-së, për të marrë pjesë në Debatin e Nivelit të Lartë që do të zhvillohet në Nju-Jork, më 17-18 maj. - Lajmet E marte, 15 maj, 2012 DREWS: NDRYSHIMI I KUFIJVE TË KOSOVËS, SJELL NDARJE TË REJA NË BALLKAN 15 maj, 2012 Ndryshimi i kufijve të Kosovës do të shpie deri te ndarjet e reja në Ballkan dhe kjo do të ishte kërcënim për paqen në rajon. Kështu ka deklaruar komandanti i KFOR-it, Erhard Drevs, gjatë një konference për media në Pejë, ku ka lavdëruar punën e forcave paqeruajtëse në Kosovë. Familiarët e të pagjeturve dhe OJQ-të, protesta para Kuvendit 15 maj, 2012 Prishtinë – Përfaqësuesit e familjeve dhe OJQ-ve të të pagjeturve të Kosovës kërkojnë nga kryetari dhe deputetet e Kuvendit të Republikës së Kosovës që të mos shfuqizojnë rekomandimet dhe votimin për kushtëzimin e bisedimeve me Serbinë deri në zbardhjen e fatit të të pagjeturve. Familjarët e të pagjeturve: Jo shfuqizimit të mocionit 15 maj, 2012 Prishtinë- Shume familjarë te te pagjeturve kishin dalë për të protestuar sot para ndërtesë së Kuvendit, duke kërkuar nga ky institucion që t`i kushtëzoj bisedimet me Serbinë deri sa të dihet për fatin e familjarëve të tyre të humbur gjatë luftës së fundit në Kosovë. Ata shprehen te habitur se si edhe pas 13 vjetësh, institucionet e Kosovës nuk po bëjnë aq sa duhet për zbardhjen e fatit të të pagjeturve. “Si do ta ndjenin veten ata sikur ta kishin një person të zhdukur, e sidomos një fëmijë 13 vjeçar. Si do të ndiheshin ata ditë e natë siç ndihemi ne. Kjo është shumë e dhimbshme për ne”. Në anën tjetër, kryetarja e organizatës për persona të pagjetur “Thirrjet e Nënave” nga Gjakova, Nysrete Kumnova, tha se institucionet e Kosovës do të duhej ta kushtëzonin Serbinë që nga përfundimi i luftës në Kosovë. “Kuvendi nuk duhet që ta shfuqizojë vendimin e marrë me datën 3 dhe 10 maj. Ne familjarët që 13 vjet kërkojmë që Serbia të kushtëzohet dhe të zbardhet fatit i të pagjeturve”. Ndërkohë, Kuvendi vazhdon sot mbledhjen sipas rendit të ditës të paraparë për mbledhjen e ndërprerë të premten, pasi PDK u tërhoq nga kërkesa që të rivotohej mocioni për të pagjeturit, i miratuar me shumicë votash dhe me të cilin kushtëzohej vazhdimi i dialogut me Serbinë.(burimi:LajmeSh/ KOSOVA NUK DUHET TË FRUSTROHET ME BRUKSELIN 15 maj, 2012 Duhet pritur përfundimi i rrethit të dytë të zgjedhjeve në Serbi, për të nisur pastaj bisedimet me përfaqësuesit e banorëve serbë që e njohin autoritetin e Prishtinës, ka theksuar ambasadori britanik në Prishtinë, Ian Cliff. Sipas tij, bisedimet fillimisht duhet të kenë si rezultat sigurimin e lëvizjes së lirë për të gjithë, përfshirë edhe lëvizjen e pjesëtarëve të EULEX-it. Cliff ka deklaruar se për të pasur sukses në veri duhet të ketë bashkëpunim ndërmjet partive më të mëdha në Kosovë. “Kosova nuk duhet të frustrohet me Brukselin, pasi që edhe Britania e Madhe ka raste kur bie në një frustrim të tillë”, ka thënë për “Tribuna Shqiptare” ambasadori britanik Cliff, duke komentuar kritikat e kryeministrit Thaçi në adresë të BE-së. KOSOVA TË TRAJTOHET NJËJTË SI SHTETET TJERA 15 maj, 2012 Presidentja e Republikës së Kosovës, Atifete Jahjaga, në takimin me ministrin për çështje evropiane të Danimarkës, Nicolai Wammen, tha se është me rëndësi për Kosovën që procesi i liberalizimit të vizave të fillojë sa më shpejt të jetë e mundur. Ministri Wammen tha se Kosova është në rrugë të mbarë në proceset integruese por theksoi se është e nevojshme që të përshpejtohet procesi i reformave në veçanti në fushën e sundimit të ligjit. Ai tha se duhet të ndërmerren hapa të rëndësishëm për të përmbushur standardet e nevojshme dhe gjithashtu vlerësoi qasjen konstruktive të Kosovës në dialogun me Serbinë, si një përpjekje për normalizimin e marrëdhënieve ndërmjet dy vendeve. E ARDHMJA E KOSOVËS ËSHTË FAMILJA EVROPIANE 15 maj, 2012 “Serbia nuk ka nevojë që ta njoh Kosovën, si kusht për tu integruar në Bashkimin Evropian”. Kështu deklaroi sot ministri për çështje evropiane i Danimarkës, Nicolai Wammen pas takimit me ministren e Integrimeve Evropiane, Vlora Çitaku, me ç’rast u tha se e ardhmja e Kosovës është familja evropiane. Ministrja e Integrimeve Evropiane, Vlora Çitaku, përsëriti sot qëndrimin e shefit të saj Hashim Thaçi, se Kosova ka nevojë për trajtim të njëjtë me vendet tjera të Ballkanit karshi procesit për integrim në Bashkimin Evropian. Rusia e shqetësuar për “trajnimin” e sirianëve në Kosovë 15 maj, 2012 Ambasadori i Rusisë në OKB Vitaly Churkin i tha Këshillit të Sigurimit se vendi i tij është i shqetësuar rreth njoftimeve se kryengritësit sirianë po trajnohen në Kosovë. Churkin, siç raporton Radio Evropa e Lirë, tha se nëse këto raporte janë të vërteta, prania e luftëtarëve sirianë në Kosovë do të minojë përpjekjet ndërkombëtare për të rivendosur paqen në Siri. Churkin shtoi se “duke e kthyer Kosovën në një qendër ndërkombëtare të trajnimit për kryengritësit e njësive të ndryshme të armatosura, ajo kthehet edhe një faktor serioz destabilizues që shkon përtej rajonit të Ballkanit”. Ai i bëri këto komente gjatë seancës së Këshillit të Sigurimit, ku u debatua për situatën në Kosovë. Ndërkaq, Ministri i Jashtëm i Kosovës Enver Hoxhaj ka pranuar se Qeveria e Kosovës është në kontakt me opozitën siriane, por, siç raporton REL, shpjegoi se Kosova ishte “ndër qeveritë e para në Evropë që mbështeti opozitën në Libi dhe në vendet tjera arabe”, në vitin 2011, sepse “ne kemi luftuar për të njëjtat aspirata”. Hoxhaj hodhi poshtë pretendimet se luftëtarët e opozitës siriane po trajnohen në Kosovë. “Institucionet ta kushtëzojnë Serbinë me të pagjeturit” 15 maj, 2012 Derisa mbahej seanca e Kuvendi të Kosovës familjarët e të pagjeturve, kanë protestuar para ndërtesës së Kuvendit me kërkesën që të mos shfuqizohen rekomandimet për kushtëzimin e bisedimeve me Serbinë deri në zbardhjen e fatit të të pagjeturve. Rrezarta Jahaj nga Suhareka, ka të humbur vëllanë e saj. Ajo së bashku me familjarë të tjerë, kishin dalë për të protestuar sot para ndërtesë së Kuvendit, duke kërkuar nga ky institucion që t`i kushtëzoj bisedimet me Serbinë deri sa të dihet për fatin e familjarëve të tyre të humbur gjatë luftës së fundit në Kosovë. Rrezarta shprehet e habitur se si edhe pas 13 vjetësh, institucionet e Kosovës nuk po bëjnë aq sa duhet për zbardhjen e fatit të të pagjeturve. “Si do ta ndjenin veten ata sikur ta kishin një person të zhdukur, e sidomos një fëmijë 13 vjeçar. Si do të ndiheshin ata ditë e natë siç ndihemi ne. Kjo është shumë e dhimbshme për ne”, theksoi ajo. Në anën tjetër, kryetarja e organizatës për persona të pagjetur “Thirrjet e Nënave” nga Gjakova, Nysrete Kumnova, tha se institucionet e Kosovës do të duhej ta kushtëzonin Serbinë që nga përfundimi i luftës në Kosovë. “Kuvendi nuk duhet që ta shfuqizojë vendimin e marrë me datën 3 dhe 10 maj. Ne familjarët që 13 vjet kërkojmë që Serbia të kushtëzohet dhe të zbardhet fatit i të pagjeturve”, tha ajo. Rekomandimet për kushtëzimin e dialogut me Serbinë derisa të zgjidhet fati i të pagjeturve u votuan javën e kaluar në Kuvendin e Kosovës pas interpelancës së zëvendëskryeministres dhe shefes së ekipit negociator, Edita Tahiri. Ajo pati theksuar se Serbia vazhdon t’i fsheh krimet në arkivat e ish ushtrisë jugosllave dhe mekanizmave të tjerë të përfshirë në luftën në Kosovë. Sipas saj, çështja e të pagjeturve është diskutuar në raundin e katërt të bisedimeve në Bruksel me këtë rast delegacioni i Kosovës ka paraqitur platformën e qeverisë për zgjidhjen e këtij problemi. MPJ PËRKRAH KONFERENCËN DEDIKUAR PËRVJETORIT TË KONSTANTINIT TË MADH 15 maj, 2012 Universiteti Amerikan në Kosovë (AUK) në bashkëpunim me Ministrinë e Punëve të Jashtme të Republikës së Kosovës dhe me përkrahje financiare nga Fondacionit ”Tony Blair” dhe Ambasada e Norvegjisë, organizon një konferencë shkencore mbi fenë dhe politikën në rajon. Konferenca do të mbledhë akademikë dhe teologë të njohur botërorë për të diskutuar legatën fetare dhe traditën në Ballkan si dhe impaktin që ka feja në formësimin e diskursit politik në rajon. Gjatë konferencës dyditore, akademikë dhe mysafirë, përfshi zëvendësmyftiun e Indonezisë, Muhyidin Junaidi, përfaqësuesi i shoqatës Shën Exhidio nga Vatikani, profesori Andras Riedlemayer nga Harvard, profesori Ivo Banac nga Yale, profesori Zef Mirdita nga Zagrebi, përfaqësues të tri feve në Kosovë dhe dhjetëra të tjerë nga mbarë bota do të diskutojnë tri tema të ndryshme që ndërlidhën me përvjetorin që po afrohet të Betejës Milviane dhe legalizimit të Krishterimit në Perandorinë Romake nga ana e perandorit me prejardhje ilire Konstantinit të Madh. Në konferencë marrin pjesë profesorë nga universitetet Yale, Harvard, Boston, Universiteti i Zagrebit, i Kajros, ndërsa konferenca ka mbledhur edhe fytyra të njohura fetare ekumenike nga Kosova, Indonezia, Rumania, Egjipti, SHBA-të, Britania, etj, thuhet në njoftimin e MPJ-së. KE: Bashkëpunoni dhe mbyllni reformat para 24 majit 15 maj, 2012 Tiranë – Përfundoi në Bruksel takimi i katërt i Këshillit të Stabilizim Asocimit BE-Shqipëri, forumi më i lartë ku përfaqësohen vendet anëtare, i cili diskutoi mbi ecurinë e zhvillimeve në Shqipëri. Në konferencën e përbashkët për shtyp, Komisioneri për Zgjerimin, Stefan Fyle, duke e konsideruar takimin konstruktiv, kërkoi nga partitë politike në Shqipëri që të bashkëpunojnë për përmbylljen e reformave, përpara nisjes së procedurave për zgjedhjen e Presidentit të ri të Republikës. “Është me rëndësi që marrëveshja e nëntorit të përmbushet. Ka një kohë të përcaktuar në përmbushjen e kritereve dhe këto duhet të arrihen përpara 24 majit. Duhet të zbatohet marrëveshja e arritur mes palëve politike në mënyrë që të arrihet edhe zbatimi i saj”, u shpreh Fyle. Ai vuri në dukje progresin e arritur nga Shqipëria sa i takon reformave, por, sipas tij, duhet më shumë punë në përmbushjen e 12 prioriteteve të kërkuara nga Bashkimi Europian. Delegacioni shqiptar në këtë takim përfaqësohej nga ministri i Jashtëm, Edmond Haxhinasto, ministrja e Integrimit, Majlinda Bregu dhe nga kryetari i komisionit të Integrimit, Ditmir Bushati. Ndërsa delegacioni i BE-së në takim kryesohej nga Ministri i Jashtëm i Danimarkës, Villy Sovndal, në emër të Përfaqësueses së Lartë për Politikën e Jashtme dhe Sigurinë, Komisioneri për Zgjerimin dhe Politikën e Fqinjësisë, Stefan Fyle dhe Drejtori për Ballkanin Perëndimor në Shërbimin e Jashtëm Evropian, Fernando Xhentilini. /LSh/ - Lajmet E hënë, 14 maj, 2012 ROHAN: TË ZBATOHET PLOTËSISHT PLANI AHTISAARI, VEÇMAS NË VERI 14 maj, 2012 Presidentja e Republikës së Kosovës, Atifete Jahjaga, e ka siguruar ish të dërguarin e OKB-së për statusin e Kosovës, Albert Rohan, se ”Republika e Kosovës është shtet i ndërtuar mbi parimin qytetar që garanton të drejtat e barabarta për qytetarët e të gjitha komuniteteve”. mbasadori Rohan edhe njëherë shprehu bindjen e tij që shteti i Kosovës është një storie suksesi dhe e ardhmja e Kosovës pas asnjë dyshim do të jetë anëtarësimi në Bashkimin Evropian dhe në NATO. THAÇI: VONESAT E BRUKSELIT JANË TË PAJUSTIFIKUESHME 14 maj, 2012 Kryeministri Hashim Thaçi ka kërkuar nga kabineti i tij që në afat të caktuar të plotësojë Pyetësorin e studimit të fizibilitetit, i cili tashmë ka arritur në Kosovë. Kryeministri Thaçi tha se krahas angazhimit të Kosovës në përmbushjen e kritereve për integrim, vonesat e Brukselit karshi Kosovës janë të pajustifikueshme. Kryeministri Thaçi tha sot se e ardhmja e Kosovës është në Evropë. Duke folur para ministrave dhe sekretarëve të ministrive, kreu i Qeverisë foli për angazhimin e vendit në implementimin e gjitha kritereve të nevojshme për liberalizimin e vizave, marrëdhëniet tregtare dhe përgatitjet për stabilizim asociim, duke theksuar më tej se Brukseli po i stërgjatë proceset. “Por, e vërteta është që dinamika në Prishtinë dhe Bruksel nuk përputhen. Vonesat e Brukselit janë të pajustifikueshme. Kosova mjaft është vonuar për një shekull padrejtësisht. Përderisa Kosova që nga shpallja e pavarësisë ka punuar njëanshëm në përafrimin e saj me strukturat e Bashkimit Evropian, Bashkimi Evropian ka vepruar me hapa shumë të ngadaltë. Entuziazmit dhe politikës të institucioneve, të qytetarëve të Kosovës për integrim, për fat të keq Brukseli po i përgjigjet ftohtë dhe me procese të stërzgjatura. Kosova nuk kërkon trajtim të privilegjuar, as procese të përshpejtuara. Ne vetëm kërkojmë trajtim të barabartë, sikurse të gjitha vendet e Ballkanit Perëndimor. Bashkimi Evropian nuk duhet të toleroj vrima të zeza në kontinentin evropian. Parimi i lirisë dhe barazisë është vlerë mbi të cilën është ndërtuar Bashkimi Evropian dhe ne nuk po kërkojmë asgjë më shumë e as më pak se liri të lëvizjes së njerëzve, mallrave dhe ideve dhe barazi në trajtim” – theksoi ndër tjerash kryeministri Hashim Thaçi në takimin me zëvendëskryeministrat, ministrat dhe sekretarët e përgjithshëm. Me 7 maj në Kosovë ka arritur Pyetësori për studimin e fizibilitetit, dokument ky që i paraprinë Marrëveshjes së stabilizim-asociimit. Pyetësori me 450 pyetje duhet të plotësohet nga të gjitha institucionet e vendit, prandaj kryeministri Thaçi kërkoi angazhim serioz, në përmbushjen e tij. “Kërkoj nga ju që gjatë muajit maj dhe qershor prioritet kryesor të jetë plotësimi i Pyetësorit për studimin e fizibilitetit dhe realizimin e sukseshëm të misionit faktmbledhës të Komisionit Evropian. Ju inkurajoj që të mbani takime të veçanta dhe intensive me sekretarë, drejtorë dhe zyrtarë relevantë me qëllim të përfshirjes personale në plotësimin e pyetësorit”, tha kryeministri me këtë rast. Bazuar në përgjigjet e institucioneve, deri me 1 qershor, Ministria e Integrimit Evropian do të konsolidojë dokumentin final i cili duhet t’i dorëzohet Komisionit Evropian më 8 qershor. Ndërkaq pas dorëzimit të përgjigjeve, me 18 qershor në Kosovë arrin një mision i gjerë faktmbledhës i Komisionit Evropian me qëllim të verifikimit të përgjigjeve. QEVERIA FILLON KONTAKTET ME SERBËT E VERIUT 14 maj, 2012 Qeveria e Kosovës në kuadër të planit për veriun, ka filluar kontaktet e para me banorët serbë në këtë pjesë të Kosovës, përmes të cilëve dëshiron joshjen e qytetarëve të kësaj ane për t’i pranuar institucionet e Kosovës. Burime të gazetës “Tribuna Shqiptare” brenda kabinetit të kryeministrit Hashim Thaçi, bëjnë të ditur se kohëve të fundit është rritur numri i qytetarëve në veri të cilët kanë shprehur vullnetin për të bashkëpunuar me institucionet e Kosovës. Qeveria e Kosovës ka kërkuar nga serbët në veri, që t’i zgjedhin përfaqësuesit e tyre të cilët do të bisedonin me institucionet e Kosovës për integrimin e veriut. Por sipas këtyre burimeve, Qeveria e Kosovës assesi nuk do të pranojë të bisedojë me përfaqësuesë serbë të cilët kanë dosje në polici dhe dyshohen për veprime kriminale edhe nëse qytetarët serbë do të insistonin në përfaqësimin e tyre, shkruan kjo gazetë. KUÇI: ZYRTARISHT NUK KANË FILLUAR BISEDIMET ME SERBËT E VERIUT 14 maj, 2012 Zëvendëskryeministri dhe ministri i Drejtësisë, Hajredin Kuçi, ka thënë se ende zyrtarisht nuk kanë filluar bisedimet me serbët e veriut, por sipas tij, ka pasur disa kontakte me qytetarët e Kosovës të asaj pjese. Këto deklarata Kuçi i bëri pas nënshkrimit të marrëveshjes në fushën e bashkëpunimit juridik ndërkombëtar “Transferim të personave të dënuar”, me ambasadoren e Zvicrës në Kosovë, Krystyn Marty. Sipas tij, Qeveria është e gatshme që të dialogojë me qytetarët serb sa herë që është nevoja. Por, dialogimi do të jetë në përputhje me Kushtetutën e Kosovës dhe implementimin e pakos së Ahtisaarit. “Ne nuk kemi filluar formalisht bisedat me serbët e veriut. Por, paraprakisht atje ka nevojë për rend dhe ligj, kontroll më të më madh të kufijve, forcim të zinxhirit komandues, funksionim të rendit dhe ligjit dhe krijimin e kushteve që qytetarët të mendojnë dhe të veprojnë lirshëm”, theksoi Kuçi. Po ashtu, Kuçi, tha se ka nënshkruar kërkesën e EULEX-it, që Dick Marty të dëshmojë në rastin “Medikus”. “Unë kërkesën e EULEX-it ka kohë që e kam nënshkruar që ai të vijë dhe të dëshmojë në Kosovë”, tha ai. Mirëpo, ambasadorja e Zvicrës në Kosovë Krystyn Marty, tha se nuk është në dijeni nëse Dick Marty do të vijë për të dëshmuar në Kosovë ose jo. “Nuk e di, nuk kam informacione nëse ai do të vijë të dëshmojë në Kosovë ose jo. Por, për këtë duhet të pritet vendimi i Këshillit të Evropës, sepse Dick Marty është anëtarë i këshillit”, tha ajo. Ndërkohë, zëvendëskryeministri Kuçi dhe ambasadorja Marty, nënshkrimin e marrëveshjes në fushën e bashkëpunimit juridik ndërkombëtar “Transferim të personave të dënuar”, e vlerësuan të suksesshëm në fushën e bashkëpunimit juridik. Me anë të kësaj marrëveshje të nënshkruar të burgosurit e Kosovës në Zvicër, mund të kërkojnë të kthehen në Kosovë për ta vuajtur dënimin si dhe anasjelltas. KRASNIQI VIZITË NË PORTUGALI 14 maj, 2012 Kryetari i Kuvendit, Jakup Krasniqi, fillon sot një vizitë zyrtare në Portugali, gjatë të cilës do të takohet me kryetaren e Kuvendit të Portugalisë, Maria da Assunçao Andrade Esteves dhe personalitete tjera të larta portugeze. Hetuesia në dilemë për Bukoshin 14 maj, 2012 Tashmë kur janë mbushur katër muaj që ish-sekretari i Ministrisë së Shëndetësisë, Ilir Tolaj po mbahet në paraburgim, hetuesia në kuadër të hetimeve është mes dilemave nëse bashkëpunëtorin e dikurshëm të Tolajt, ish-ministrin Bujar Bukoshi ta cilësojë si të pandehur, apo të njëjtin ta shpallë dëshmitar në këtë proces. Bukoshi, i cili tashmë mban pozitën e zëvendëskryeministrit në Qeverinë e Kosovës, sipas burime të gazetës në hetuesi, ka shfaqur gatishmërinë e tij që të jetë dëshmitar, porse prokuroria ende nuk e ka marrë vendimin. “Prokuroria aq sa ka elemente akuzuese për ta akuzuar edhe Bujar Bukoshin, i cili vazhdon të jetë i dyshuar në rastin Tolaj, aq ka prova që të njëjtin ta shpallë dëshmitar në këtë rast, por ndonëse kanë kaluar katër muaj nga arrestimi i Tolajt, ende nuk është marrë vendim edhe pse Bukoshi e ka shfaqur gatishmërinë që të jetë dëshmitar”, ka thënë një zyrtar i afërt me rastin. Ilir Tolaj, dikur sekretar në Ministrinë e Shëndetësisë, është arrestuar më 12 janar të këtij viti, së bashku me shefin e Zyrës së Prokurimit, Zenel Kuçi, drejtorin e Departamentit farmaceutik, Bekim Fusha dhe Hajrullah Fejzën, shef i divizionit të cilësisë së shërbimeve dhe arkivit në MSH. Ata janë arrestuar nën dyshimin për korrupsion, që ndërlidhet me shpërdorimin e detyrës zyrtare, manipulimin me tenderë dhe lidhjen e kontratave të dëmshme....shkruan zeri. ISH-KRYENGRITËSIT LIBIANË TRAJNOHEN NË KOSOVË 14 maj, 2012 Një grup prej 29 personash për një javë janë trajnuar në Akademinë e Kosovës për Siguri Publike në Vushtrri. Ata thonë se janë të impresionuar me shtetin e ri të Europës. Mundoheshin të mësojnë edhe detajet më të vogla nga shteti më i ri i Europës. Një grupi luftëtarësh nga Libia, të dielën në mesditë, u kishin mbetur edhe pak orë që të fluturonin nga Kosova për në atdheun e tyre. Në fakt, 29 pjesëtarë të ish-revolucionit të Pranverës Arabe që rrëzoi diktatorin Muhamer Gadafi, ka një javë që po qëndronin në Kosovë. Të ardhur në mënyrë të organizuar, ata ishin këtu me një qëllim. Të trajnohen nga kolegët e tyre nga Kosova në lidhje me transformimin nga jeta ushtarake në atë civile. Për ta është fascinuese se si është transformuar ish-UÇK-ja. Në vendlindje thanë se ktheheshin duke marrë një përvojë të jashtëzakonshme. PE, Kukan: Vazhdoni dialogun politik, duhen rezultate të prekshme 14 maj, 2012 Bruksel- Në seancën kushtuar Shqipërisë, shefi i Delegacionit për Ballkanin, Eduard Kukan ka deklaruar se vetëm zbatimi i reformave mund të sjellë progres në proçesin e integrimit në Bashkimin Evropian. “Vlerësoj dialogun dhe bashkëpunimin politik. Shqipëria po ndryshon për mirë në prag të 100-vjetorit të Pavarësisë. Vetëm zbatimi i reformave sjell ecjen përpara”, ka deklaruar Kukan. “Është mirë që po marrim lajme të mira nga Tirana kishte ardhur koha! Koha po ecën shpejt. Ka nevojë për rezultate të prekshme. Personalisht jam i kënaquër që tani situata ka ndryshuar. Dua të vlerësoj punën e komisionit. Nuk kam durim… do të doja të shikoja vendin tuaj të ecë përpara. Vetëm kur këto reforma të jenë materializuar, vetëm atëherë do të jetë e mundur për të ecur përpara. Mesazhi im i vërtetë është se ne jemi të kënaqur që situata është duke ndryshuar për mirë në shqipëri. Unë e besoj këtë. Ne do të ishim më të lumtur sikur kjo të ishte një trend i vazhdueshëm”, tha anëtari I Parlamentit Europian, Eduard Kukan. - Lajmet E premte, 11 maj, 2012 ...shkurt e trup: - Përvjetori i 134-të i LSHP kremtohet nën logon e 100 vjetorit të Pavarësisë së Shqipërisë - Opozita kundërshtoi kërkesën për rivotim të PDK-së, seanca plenare u shty për të martën - Shqipëria do të vazhdojë ta mbështes FSK-në në procesin e ngritjes së mëtejme. Kryeministri i Kosovës, Hashim Thaçi, ka vlerësuar shumë të rëndësishme mbështetjen e plotë që Kosova e ka nga Shqipëria në të gjitha fushat, e sidomos në përkrahjen për avancimin e Forcës së Sigurisë së Kosovës. - Zoran Kolić shpallet fajtor për krime të luftës. Një trup gjykues i përbërë nga gjykatës të EULEX-it dhe vendas në Gjykatën e Qarkut në Prishtinë e ka shpallur Zoran Kolić-in fajtor për kryerjen e krimeve të luftës kundër të burgosurve në Burgun e Lipjanit në maj të vitit 1999 dhe e ka dënuar atë me një dënim të përgjithshëm prej 14 vite burgim. - Mitingu i Poezisë 2012 vazhdon me promovime librash Dita e dytë e javës së Mitingut të Poezisë në Gjakovë ka vazhduar të premten me promovimin e përmbledhjes me tregime “Dritë e zezë” e autorit Muharrem Kurti, për të cilën vepër u tha se pasqyron një periudhë të vështirë për shqiptarët. - Nënshkruhet granti 36.5 mil. € i Bankës Botërore i përqendruar në politikat e punësimit - “Berza e punësimit”, rast i volitshëm për të papunët e Gjakovës - Bëhet ndërrimi solemn i komandës në Aeroportin Ushtarak të Gjakovës - Barazia gjinore dhe luftimi kundër dhunës në familje, prioritet për Gjakovën - Arrestohen dy persona për vrasjen në Selac.Policia në Mitrovicë, ka konfirmuar të premten se ka arrestuar të dyshuarin, si kryes i mundshëm i vrasjes që ka ndodhur një ditë më parë në fshatin Selac të Shalës, e bashkë me të edhe vëllaun e tij. - Kosova dhe Kroacia kanë nënshkruar marrëveshje në fushën penale - Qindra ankesa të pejanëve për faturat e tatimit në pronë - Nga përkrahja e BE-së përfitojnë 24 biznese të vogla dhe të mesme - Një delegacion i komunave të vogla kosovare vizitoi Ulqinin - Lajmet E enjte, 10 maj, 2012 FOKUS : Haziri pranoi, i vozita vrasësit e Smillkovcës deri në vend! Ereniku, enjte, 10 maj, 2012 E përditshmja maqedonase Fokus në numrin e të sotëm (e enjete) shkruan se Haki Haziri para gjykatësi jo vetëm që ka dhënë deklaratë dhe në detaje e ka përshkruar rrugën përmes së cilës kanë kaluar të dyshuarit për vrasjen, por edhe ka insistuar të flasë sepse ka thënë se është dobësuar 20 kg pas ngjarjes pasi e ka brejt ndërgjegjja se është bërë pjesë nga grupi që e ka kryer vrasjen, pa e ditur. “Haziri në hetimin ka pohuar se nuk ka ditur se përgatitet vrasje dhe nuk ka parë që vrasësit të kenë armë. Ai i ka pritur në veturë, ndërsa ka filluar të dyshojë në qëllimin e tyre kur ka parë se maskohen dhe armatosen. Pas vrasjes e kanë braktisur vendin, e kanë lënë veturën që më pas e ka gjetur policia, ndërsa me veturë tjetër janë drejtuar te fshatrat e Kumanovës ku xhaxhai i tij u ka ndihmuar që në mënyrë ilegale të kalojnë në Kosovë”. Njëri prej tyre i dyshuar se është ekzekutor direkt është kushëriri i tij, ndërsa tjetri për të cilin pohohet se u ka ndihmuar të dyshuarve të parë të shkojnë në Kosovë është xhaxhai tij. Pas arrestimit të grupit Haziri në procedurë policorë ka filluar të rrëfejë ngjarjen me çka policia ka propozuar, ndërsa prokurori ka pranuar që ti caktohet status të dëshmitarit të mbrojtur dhe për këtë arsye emri i tij nuk u bë i ditur në grupin e 20 të arrestuarve. Ajo që është e çuditshme në gjithë këtë ngjarje është se Haziri vetë ka parashtruar ankesë dhe ka kërkuar që ti hiqet statusi i dëshmitarit të mbrojtur dhe të mbajë përgjegjësi si të tjerët për vrasjen, shtron pyetjen Fokus. Rasti i të arrestuarit në aksionin Monstrum, Haki Haziri sa vjen dhe bëhet më misterioz, sepse ai në fillim u arrestua, më pas mbeti mister se ku gjendet sepse MPB nuk deklarohej ku është, për t’u paraqitur sërish para dy ditëve dhe atë pasi që Gjykata penale përmes kumtesës dhe avokati i tij shpalosën se është dërguar në Prilep. /Indeksonline/ Kufijtë e Kosovës mund të ndryshojnë?! Ereniku, enjte, 10 maj, 2012 Serbia mundet ta ndërmarrë iniciativën për të gjetur zgjidhjen për “rrëmujën kosovare”, përmes një marrëveshjeje të përbashkët “për korrigjim të kufijve”, thotë ish-ambasadori britanik në Serbi, Ivor Roberts. Në një tekst autorial për revistën NIN, Roberts ka thënë se çelësi i problemit ballkanik është në duar të fuqive të mëdha, dhe se qëndrimi i Londrës dhe Washingtonit se nuk duhet të ndahet Kosova, nuk do të mbetet gjithmonë i tillë. "Nuk ishte edhe moti kur SHBA-të dhe Britania e Madhe janë angazhuar për integritetin territorial të ish RSFJ-së, e ndërsa para 10 vitesh për integritetin e ish SRJ-së, gjë që është garantuar edhe me Rezolutën e KS të OKB-së, e cila është ende në fuqi. Porosia është se qëndrimet e ‘pandryshuara’ të bashkësisë ndërkombëtare shpesh mund të ndryshojnë”, vlerëson ai. Sipas tij, mungesa e fleksibilitetit shpie deri te shpërbërja, prandaj “fleksibiliteti është më i mirë që të mos shpartallohet gjithçka copa-copa". Roberts ka shtuar se Serbia ka një bazë për ta sfiduar pavarësinë e Kosovës dhe të njëjtën kohë t’i bashkohet BE-së, gjithmonë përderisa kundërshtimet i bënë në mënyrë diplomatike dhe pa dhunë. Serbia pa rol në ‘ofertën’ për veriun Ereniku, enjte, 10 maj, 2012 Qeveria e Kosovës nuk do të pranojë që Serbia të këtë ndonjë rol në dialogun që pritet të ndodhë ndërmjet përfaqësuesve të institucioneve të Kosovës dhe banorëve serbë që jetojnë në veri të Kosovës, ashtu siç ka kërkuar përfaqësuesi i Bashkimit Evropian Samuel Zbogar. Ministrja e Integrimeve Evropiane, Vlora Çitaku në një prononcim për “Tribuna Shqiptare”, ka thënë se janë duke e përgatitur një plan nëpërmjet të cilit synojnë joshjen e qytetarëve serbë për të bashkëpunuar me institucionet e Kosovës, mirëpo kundërshtojnë që pjesë e bisedimeve të jetë edhe Serbia. Ajo ka thënë se dialogu me Serbinë për veriun e Kosovës është vijë e kuqe për Qeverinë e Kosovës, duke kërkuar nga Serbia që t’i shpërbëjë strukturat paralele që veprojnë në veri të Kosovës. Sipas ministres Çitaku, plani i Qeverisë është i bazuar në planin gjithëpërfshirës të presidentit Ahtisaari dhe se asgjë nuk do të këtë jashtë këtij plani. “Ne jemi të vetëdijshëm se duhet të ndërtojmë një qasje të re të komunikimit me qytetarët tanë në veri, të përgatisim një platformë socio-ekonomike për integrimin e tyre dhe jemi duke punuar në këtë drejtim. Por, assesi nuk do ta ndryshojmë infrastrukturën tonë ligjore. Çdo gjë që do ta bëjmë do të jetë në kuadër të Kushtetutës së Kosovës dhe ligjeve në fuqi”, ka thënë ministrja Çitaku, duke shtuar se Qeveria nuk do të lejojë dhënien e ndonjë statusi special për veriun. “Ne nuk krijojmë ndonjë autonomi, nuk do të krijojmë shtet brenda shtetit, as status special, por as nuk do të krijojmë dy kategori serbësh në Kosovë, serbët e jugut dhe ata të veriut. Ne do të bashkëbisedojmë me qytetarët tanë atje, do t’i dëgjojmë brengat dhe shqetësimet e tyre, por e tërë kjo do të jetë në kuadër të kornizës kushtetuese aktuale”, ka thënë Çitaku. /burimi:Indeksonline/ Haradinaj nesër kthehet në Prishtinë Ereniku, enjte, 10 maj, 2012 Ramush Haradinaj vjen sot në Kosovë. Ai u lirua nga Tribunali i Hagës që të mbrohet në liri. Vendimi përfundimtar në këtë proces gjyqësor pritet të merret pas disa javësh. Ardhja e Ramush Haradinajt, ish Kryeministër i Kosovës dhe aktualisht kryetar i Aleancës për Ardhmërinë e Kosovës, u konfirmua nga familjarët e tij. Express ka kontaktuar me njërin nga anëtarët e familjes Haradinaj, dhe ata konfirmojnë se të enjten, Ramush Haradinaj do të zbresë nga avioni në Aeroportin Ndërkombëtar “Adem Jashari” në Prishtinë. Pritet që mbërritja e tij të ndodh rreth orës 11-te të së enjtes. Vendimi i trupit Gjykues të Tribunalit të Hagës për lirim të Haradinajt, nuk është kundërshtuar as nga Prokuroria e Tribunalit. Pas marrjes së këtij vendimi, prokuroria ka pasur të drejtë ligjore që deri të mërkurën në orën 12 të paraqesë ankesë ndaj vendimit për mbrojtje në liri Ramush Haradinajt. Mirëpo këtë veprim, prokuroria nuk e ka bërë dhe kjo do të thotë se ish kryeministri Haradinaj, të enjten mbërrin në Kosovë. ________________ Burime të afërta të Indeksonline me Tribunalin e Hagës kanë bërë me dije se Ramush Haradinaj mund të vijë në Kosovë, për tu mbrojtur në liri, nesër , ose më së largu pasnesër. ------------------------------ Zyra për Informim e Tribunalit të Hagës nuk e ka konfirmuar lajmin e lirimit të Ramush Haradinajt deri në aktgjykim. „Nuk di unë çfarë kanë shkruar mediat e juaja, vetëm mund ta konfirmoj se nga Haga nuk ka ende ndonjë vendim për rastin Haradinaj..“ ka thënë për “Presheva Jonë” Nerma Jelacic, një zëdhënëse e Tribunalit të Hagës. _______ Indeksonline ka kontaktuar me mbrojtjen e Ramush Haradinajt, dhe avokati i tij, Michael O'Reilly tha: "Unë e kuptoj që është duke u folur në Kosovë që Ramush Haradinaj mund të lirohet me kusht nga Tribunali i Hagës. Mbrojtja e zotit Haradinaj nuk është në gjendje të komentojë për shkak të një urdhri të gjykatës që çdo procedurat e tilla duhet të jenë konfidenciale. Në rast se materiali sekret duhet të vijnë në duar të medias, mbrojtja e Haradinunajt kërkon që kjo procedurë e konfidencialitetit të respektohet”. ________ Gjykata për krime lufte në ish-Jugosllavi, ka marrë vendim që ta liroj Ramush Haradinajn, nga paraburgimi deri në vendimin lidhur me aktakuzën ndaj tij. Lajmin për Klan Kosovën e kanë bërë të ditur burime të sigurta, sipas të cilave prokuroria nuk ka bërë ankesë ndaj këtij vendimi. Procesi i rigjykimit ndaj ish-eprorit të UCK-së dhe dy bashkëluftëtarëve të tij, Idriz Balaj dhe Lahi Brahimaj, pritet të përfundoj diku kah fillimi i gushtit./burimi:indks/ SHBA-ja E SHQETËSUAR PËR RASTIN ”BYTYÇI” Ereniku, enjte, 10 maj, 2012 SHBA-ja është shumë e shqetësuar që deri më sot askush nuk është dënuar për vrasjen e vëllezërve Bytyçi, shtetas amerikanë, në vitin 1999 dhe e fton qeverinë serbe që “pa vonesë t’i vërë përgjegjësit para drejtësisë”, i është thënë agjencisë Beta në Ambasadën Amerikane në Beograd, pas shfajësimit të të pandehurve në këtë rast. Ereniku, enjte, 10 maj, 2012 “Vendimi i sotëm, në gjykimin e përsëritur kundër dy të akuzuarve se kanë dërguar vëllezërit Bytyçi në një kamp në Serbinë Lindore, ku edhe janë vrarë, tregon se ata që kanë ndihmuar dhe kryer këto vrasje, ende nuk janë arrestuar dhe s’janë sjellë para drejtësisë”, ka thënë ambasada amerikane. “Presim që autoritetet serbe, pa vonesa tjera, të sjellin para gjyqit të gjithë indivdët të të gjitha niveleve, që janë përgjegjës për këto vdekje. Ky mbetet prioritet i lartë në marrëdhëniet tona dypalëshe”, citohet të ketë thënë Ambasada amerikane. Kjo e fundit, ka thënë se vëllezërit Agron, Ylli dhe Mehmet Bytyçi në Serbi janë kapur si robër të luftës, derisa kanë bërë përpjekje që t’ia shpëtojnë jetën një familjeje rome nga Kosova dhe, siç thuhet, “janë ekzekutuar” pa gjykimin e duhur. Aleanca Kuq e Zi nuk qëndron pas protestave në Maqedoni Ereniku, enjte, 10 maj, 2012 Janë paralajmëruar protesta masive nëpër rrjetet sociale në të gjitha qytetet shqiptare të vendit. Arsyeja siç dihet është ngritja e zërit kundër dhunës së policisë dhe proceseve të montuara. Në komentet që figurojnë nëpër rrjetet sociale, protestat synohen të mbahen menjëherë pas faljes së namazit të xhumasë. Në mënyrë masive ata paralajmërohen të organizohen në Shkup, Kumanovë, Tetovë, Gostivar, por nuk përjashtohen edhe qytetet si Strugë, Kërçovë e Dibër. Edhe pse nuk dihet se kush zyrtarisht qëndron pas këtyre protestave lajmi me gjithë është përhapur, ndërsa paralajmërohen edhe kundër protesta, pra nga ana e palës maqedonase. Edhe pse një link i krijuar në “Facebook”, nga Aleanca Kuq e Zi-Maqedoni, flet për kinse organizimin e protestës kjo është demantuar nga ana e tyre, pra nga vetë i pari i kësaj Lëvizje, Kreshnik Spahiu. “Jo nuk i kemi organizuar ne këto protesta, ne kemi protesta në Tiranë edhe atë për arrestimet serbe ne Luginën e Preshevës, ku do të marrë pjesë edhe Ragmi Mustafa. Kurse sa i përket arrestimeve në Maqedoni, ne si Aleancë kemi pas dy apo tre reagime brenda javës, por edhe një editorial, kështu që ne shprehim keqardhje për arrestimet në Maqedoni”, tha lideri i AKZ-së, Kreshnik Spahiu për Zhurnal. Nga policia e Maqedonisë pohojnë se edhe pse këto protesta janë të organizuara përmes rrjeteve sociale, ministria është duke e përcjellë situatën me seriozitetin më të madh. Sepse siç thonë ata, “ka pasur raste që përmes këtyre rrjeteve, protestat të eskalojnë në dhunë”. “Edhe pse protestat janë paralajmëruar që të mbahen në më shumë qytete, koncentrimi jonë do të jetë i gjithanshëm dhe në gjitha qytetet, sepse këto protesta edhe pse organizohen përmes rrjeteve sociale, ato dinë të marrin trajektore të padëshiruar. Prandaj ne jemi duke e përcjellë gjendjen me seriozitetin më të madh të mundshëm, që të mos ndodhin skenarë. MPB është në përcjellje të rrjeteve sociale “Facebook”, dhe gjuha që përdoret aty është e pahijshme. Institucione përgjegjëse do të ndërmarrin gjitha masat për të mbrojtur sundimin e së drejtës. Do të reagojmë ndaj çdokujt që do të shkelë rendin dhe ligjin”, tha zëdhënësi i MPB Ivo Kotevski. Këto protesta publikisht deri tani nuk janë përkrahur nga asnjë prej partive qoftë shqiptare apo maqedonase. Përmes rrjeteve sociale, janë paralajmëruar protesta edhe para selisë së BDI-së në Tetovë, por të njëjtin organizim të protestave për vetëm një ditë më vonë e kanë bërë edhe shumë të rinj maqedonas të cilët kanë ftuar qytetarët në protesta kundër shqiptarëve. Ky grup i maqedonasve apostrofohet si grupi “Protestë para Qeverisë”, ndërsa si përkrahës janë regjistruar mbi 1000 persona, ku komentet janë kryesisht anti-shqiptare./burimi:bs/ Policia serbe liron Kastratin, e arrestuan ‘gabimisht’ Ereniku, enjte, 10 maj, 2012 Haxhi Kastrati është liruar nga burgu i Krushevcit në Serbi, i cili ishte arrestuar më 3 maj. Vëllai i Haxhi Kastratit, Bedri Kastrati, i ka thënë të mërkurën KTV-së se Haxhiu është liruar të martën dhe i vetmi shpjegim që i është dhënë atij është se “është arrestuar gabimisht”. Haxhi Kastrati ishte arrestuar nga forcat policore serbe gjersa vinte nga Austria për në Kosovë nëpërmjet Serbisë. /burimi:Telegrafi/ Haliti: Prokuroria të më hetoj për akuzën e Hotit Ereniku, enjte, 10 maj, 2012 Deputeti nga radhët e Partisë Demokratike të Kosovës, Xhavit Haliti ka reaguar të mërkurën lidhur me akuzat e Agim Hotit, se Haliti e ka urdhëruar atë të kryej atentat ndaj ish –presidentit Ibrahim Rugova, duke e cilësuar si shpifje. Ai i ka bërë thirrje publike Prokurorisë së shtetit që ta hetoj për akuzën e Hotit ndaj tij. “Dëshiroj të sqaroj opinion publik se akuza që bën ndaj meje qytetari i panjohur për mua, Agim Hoti, në gazetën ‘Express’ të datës 9 maj, se gjoja unë e paskam urdhëruar atë të kryej atentat ndaj ish –presidentit Ibrahim Rugova, është një shpifje e radhës kundër meje. Agim Hotin, kurrë nuk e kam takuar, kurrë nuk kam pirë qoftë edhe një kafe me të, e as që ia kam dhënë dorën ndonjëherë. Jam i bindur se e Hoti i porositur nga dikush tjetër, duke shpifur ndaj meje, ka për qëllim që të më dëmtoj në opinion”, shprehet Haliti. Derisa po vuan dënimin e tij në burgun e Dubravës, për një atentat tjetër, ndaj Anton Berishës, ish-shefit të Autoritetit Rregullativ të Telekomunikacionit (ART), Hoti thotë se ka vendosur t’i hedhë në shesh të gjitha ato që ka bërë pas përfundimit të luftës në Kosovë./bs/ Azem Syla çregjistrohet nga vendbanimi i tij në Zvicër Ereniku, enjte, 10 maj, 2012 Azem Syla sot është çregjistruar nga vendbanimi i tij zyrtar i deritashëm në komunën Biberist të Kantonit të Solothurnit, në Zvicër. Me këtë ai ka shpallur edhe kthimin përfundimtar në Kosovë, duke plotësuar detyrimin që ka marrë nga Gjykata Administrative e Soloturnit. Kjo e fundit i pati caktuar Sylës 15 majin 2012 si datë për lëshimin e Zvicrës. “Azem Syla me bashkëshorten e tij Hysnije Sylën janë çregjistruar përfundimisht nga komuna e Biberistit”, ka thënë kryetari i komunës Martin Blaser për gazetën “Aargauer Zeitung”. Ai, vazhdon Blaser, ka biseduar personalisht me të dhe ka kumtuar se do të kthehet në Kosovë. Me këtë akt po përmbyllet kapitulli me lejen e qëndrimit në Zvicër të deputetit kosovar, transmeton albinfo.ch. Siç është njoftuar tashmë, Azem Syla ka jetuar në Zvicër nga viti 1994 ndërsa në vitin 1999 është pajisur me lejen e përhershme të qëndrimit (C). Pasi që aktivitetet e tij politike të kryera në Kosovë u bënë të njohura për publikun, Zyra për Migracion e Solothurnit e kishte anuluar atij lejen e qëndrimit. Shuma prej më shumë se 400 mijë frangash për të cilën ai ngarkohet se e ka marrë pa të drejtë nga ndihmat sociale është objekt i një hetimi penal që po e zhvillon Prokuroria publike e Solothurnit./burimi: bs/ BE kërcënon Greqinë me prerjen e borxhit Ereniku, enjte, 10 maj, 2012 Athinë -Paralajmerimi behet nga nje prej zyrtareve me te larte te saj, Asmusen qe dikur ka qene krahu i djathte i ministrit te Financave te Gjermanise Shcauble, i cili ka lene te nenkuptohet se Greqia mund te mos marre as parate e kestit te rradhes per muajin maj. Boshlleku politik ne Greqi vazhon te krijoje nje klime negative per euron ne tregjet financiare. Udhekryqi ku kane arritur pas zgjedhjeve te 6 Majit forcat politike cilesohet si teper i rrezikshem per te ardhmen e vendit dhe me pas per zonen e Euros. New York Times’ ne se vazhdon ky destabilitet politik ne Greqi,pritet falimentimi i saj i sigurt ne muajin gusht dhe nje finale kaotike ne Eurozone,ndersa Gjermania dhe Franca do te demtohen me shume si arkitekte te marreveshjes se shpetimit. Samsung Galaxy S III, telefoni zyrtar i Lojërave Olimpike Ereniku, enjte, 10 maj, 2012 Telefoni më i ri i Samsung në Android, Galaxy SIII është emëruar si telefoni zyrtar i Lojërave Olimpike 2012, ndërsa prodhuesi më i madh i telefonave në botë, Samsung ka arritur marrëveshje me Visa për të ofruar pagesat e bazuara në NFC, payWave. Samsung dhe Visa do të lansojnë edhe edicionin e limituar të Samsung Galaxy S III Olympic, gjatë kohës kur mbahen lojërat olimpike, edhe pse ky model thuhet se do të jetë në dispozicion vetëm për atletët që marrin pjesë në këtë garë botërore. Atletët e olimpiadës do të mund të përdorin funksionin payWave të mundësuar në Samsung Galaxy S III Olympic për të bërë pagesa, ndërsa Visa është duke planifikuar të ketë rreth 140 mijë pika terminali pa kontakt, anembanë Mbretërisë së Bashkuar. - Lajmet E mërkurë, 09 maj, 2012 ZHBOGAR: QEVERIA DUHET VEPROJË PËR INTEGRIMIN E VERIUT Shefi i Zyrës së Bashkimit Evropian në Kosovë, Samuel Zhbogar, tha se nuk është ai që duhet t’u tregoj institucioneve të Kosovës, se çfarë plani të bëjnë për veriun. Ai tha se qeveria e njeh mirë situatën atje dhe duhet të veprojë për të integruar atë pjesë. LB: DIALOGU PËR VERIUN ËSHTË I PASHMANGSHËM Lëvizja për Bashkim konsideron se dialogu për veriun është i pashmangshëm, mirëpo, sipas saj, Kosova duhet të insistojë që të gjitha të drejtat që mund të kërkohen për serbët e veriut të plotësohen edhe për shqiptarët e Luginës së Preshevës. Në kumtesën për media, Lëvizja për Bashkim thekson se Kosova ndodhet para një ballafaqimi serioz në veriun e saj. Sllovenia: Është koha që Shqipëria të marrë statusin Kryeministri slloven Janez Jansha tha se është koha që Shqipëria të marrë statusin e vendit kandidat si një hap konkret përpara në integrimin në BE dhe të vijojë me hapjen e negociatave. “Unë sot nisem për Gjermani dhe do të flas me kancelaren gjermane për progresin e bërë nga ana juaj. Shpresoj edhe vendet e tjera të BE-së të jenë të një mendimi. Shqipëria është një vend në NATO, me një rol konstruktiv dhe ndikues në rajon. Brukseli duhet të ketë një politikë meritë për ato vende që nuk krijojnë probleme. Ne e mbështetëm fort lëvizjen e lirë të shqiptarëve si një dimension për një Evropë të hapur që heq kufijtë për qytetarët tanë”, u shpreh Jansa. Paralajmërohen protesta në Maqedoni Ereniku. 09 maj, 2012 Në Maqedoni nga fundi i kësaj jave janë paralajmëruar protesta të vetëorganizuara të ndara nga shqiptarët dhe në anën tjetër nga maqedonasit, informon INA. Protestat po organizohen përmes rrjeteve sociale, ku siç paralajmërohet të premten do të mbahen protesta të shqiptarëve në të gjitha qytetet e Maqedonisë Veriperëndimore me moton “Stop Rasteve të Montuara”. Protestat që thirren përmes rrjeteve sociale, sidomos në Facebook, tashmë kanë marrë jehonën e tyre dhe se janë publikuar edhe oraret e mbajtjes së tyre në Shkup, Tetovë, Gostivar, Kumanovë, Strugë, Dibër, Kërçovë, etj. Ndërkohë, thirrje për protesta janë bërë edhe nga maqedonasit. Në një nga thirrjet që ka marrë mbështetje masive është ajo e një grupi të ashtuquajtur “Protesta para qeverisë”, ku thirren qytetarët për të protestuar të shtunën para Qeverisë. Sipas mesazheve të bëra ky organizim do të jetë në formën e kundërprotestës kundër shqiptarëve, ku nuk kanë shpëtuar fyerjet e rënda antishqiptare dhe antifetare. Ministrja e Brendshme, Gordana Jankullovska deklaroi se po ndjekë të gjitha porositë në internet lidhur me organizimin e protestave të paralajmëruara. “MPB po ndjek këto porosi dhe gjuha që përdoret në ato portale është e pahijshme. Si institucione përgjegjëse do të ndërmarrin të gjitha masat për të mbrojtur sundimin e së drejtës. Do të reagojmë ndaj çdokujt që do të shkelë rendin dhe ligjin”, ka theksuar ministrja Jankullovska. Protestat deri tani nuk janë mbështetur nga asnjë parti politike, por ato janë vetëorganizuar. Të izoluar, festojmë Ditën e Evropës Ereniku. 09 maj, 2012 Të festosh ditën e organizatës që as nuk ta njeh statusin e shtetit tënd, padyshim është një karakteristikë që e dallon Kosovën nga të gjitha vendet e tjera, që Bashkimin Evropian e kanë një nga opsionet. Në fakt, BE-ja për Kosovën është alternativa e vetme, ndërsa nuk ka të regjistruar asnjë grup, i cili do hidhte në dyshim këtë gjë, pra mungon në tërësi grupi i skeptikëve ndaj BE-së. Madje njohës të rrethanave në Kosovë, e mendojnë se një gjë e tillë edhe po ta dëshironte dikush, është një luks i paarritshëm. Në fakt dashurinë që Kosova dhe kosovarët e kanë shprehur rregullisht për BE-në, rrallëherë e kanë marrë nga Brukseli, kjo pak a shumë e ndikuar dhe nga mosnjohja e Kosovës si shtet nga të gjitha vendet anëtare të BE-së, shkruan “Zëri”. Bile ministrja për Integrime e Kosovës, Vlora Çitaku, marrëdhënien me BE-në thotë se disa e quajnë edhe “platonike”. Një nga sqarimet për këtë “marrëdhënie platonike” është të dashurosh pa lidhje fizike, një marrëdhënie spekulative apo thjesht teorike. Kosova ende nuk ka marrëdhënie kontraktuale me BE-në, ndërsa premtimet evropiane që po i bëhen tani Kosovës, janë përsëritje e asaj që i është ofruar edhe para disa vitesh. Megjithëse, nga institucionet e vendit thuhet se është çështje kohe, Kosova vazhdon të jetë i vetmi vend në Ballkan ndaj të cilës BE nuk ka politika afirmative (udhërrëfyes) për lehtësimin e vizave dhe si pasojë është ndër vendet më të izoluara. S’ka strategji të re për veriun Ereniku. 09 maj, 2012 Institucionet e Kosovës nuk e kanë ndërmend të hartojnë plan të ri për veriun e vendit. Thirrjet e përfaqësuesve të Bashkimit Evropian dhe të vendeve të ndryshme perëndimore që Qeveria e Kosovës duhet të nxjerrë një strategji apo plan konkret për pjesën problematike të vendit, nuk do të përfillen nga qeveritarët e kosovarë. Institucionet e Kosovës nuk e kanë ndërmend të hartojnë plan të ri për veriun e vendit. Thirrjet e përfaqësuesve të Bashkimit Evropian dhe të vendeve të ndryshme perëndimore që Qeveria e Kosovës duhet të nxjerrë një strategji apo plan konkret për pjesën problematike të vendit, nuk do të përfillen nga qeveritarët e kosovarë. Ata thonë se nuk e kanë ndërmend që të merren me hartimin e dokumenteve të reja për atë pjesë të vendit, por do ta rishikojnë strategjinë e hartuar së bashku me Zyrën Civile Ndërkombëtare. Zëvendësministri i Punëve të Brendshme, Ilmi Zeka, tha për “Zëri” se kjo strategji nuk është hedhur poshtë, ajo do të realizohet vetëm se do të ketë nevojë për rishqyrtime, në mënyrë që të gjenden forma më të pranueshme për të arritur deri tek qytetarët serbë në veri. Ndërkaq, të hënën përfaqësuesi special i Bashkimin Evropian (BE) në Kosovë, Samuel Zbogar, kërkoi nga Qeveria e Kosovës që të përgatisë një agjendë për veriun. Zhbogar po ashtu ka kujtuar institucionet e Kosovës që BE është duke kërkuar një plan veprimi qysh në tetor të vitit të kaluar, kur është lëshuar Raporti i Progresit, një plan që do të bënte që serbët në atë pjesë të ndihen më mirë dhe të pranojnë realitetin e ri në Kosovë. Por, i dyti i MPB-së ka thënë se pavarësisht kërkesave të ndërkombëtarëve për strategji për veriun, Qeveria e ka agjendën e vet. “Ne kuptojmë dhe respektojmë kërkesat e ndërkombëtarëve, por Qeveria e Kosovës e ka agjendën e saj për veri, dhe ne tani do ta rishikojmë edhe njëherë planin e veprimit, në mënyrë që të gjejmë forma për të arritur me hapa më të shpejtë në veri të vendit”, tha Zeka. “Në veri ka nevojë dhe duhet të implementohet vetëm pakoja e Ahtisaarit, e cila është e mjaftueshme dhe paraqet kompromis”, tha në anën tjetër edhe zëvendëskryeministri i Kosovës, Hajredin Kuçi. Në anën tjetër, Samuel Zbogar, përfaqësuesi i BE-së për Kosovë, saktësoi për “Zëri” se me kërkesën e tij nuk ka menduar të bëhet një plan i ri për veriun, apo listë që do të saktësojë gjërat që duhen të ndërmerren, por thjesht ka kërkuar që Qeveria të gjejë një rrugë me të cilën do të arrijë tek qytetarët në veri. “BE nuk po kërkon një plan të ri dhe as përgatitjen e një liste e cila do t’ i tregojë Kosovës se çfarë të bëjë me veriun, e as nuk po kërkon që t’i imponojnë Qeverisë ndonjë gjë. Ajo që ka për obligim Qeveria dhe autoritetet e saj është që të mendojnë të gjejnë një rrugë e cila do t’i shpie ata deri tek qytetarët në veri”, u shpreh për “Zëri” përfaqësuesi i BE-së, Zhbogar. Kërkesë të njëjtë me shefin e BE-së kanë edhe përfaqësuesit e ICO-së. “Ashtu siç ka bërë thirrje përfaqësuesi i BE – së, edhe përfaqësuesit e tjerë ndërkombëtarë, Qeveria e Kosovës duhet të bëjë më tepër për t’u angazhuar që të fillojë një dialog me serbët në Kosovë”, tha në anën tjetër Christian Palme, zëdhënës i ICO-së në Kosovë, zyrë kjo që ka marrë pjesë në përpilimin e strategjisë së Kosovës për integrimin e veriut. Të pyetur se pse strategjia nuk po gjen zbatueshmëri, Palme tha se “ICO ka konstatuar se konsultimi me komunitetin është kyç për projekte të qëndrueshme dhe për krijimin e lidhjeve mes Qeverisë së Kosovës dhe popullatës në veri të Kosovës”. FOL KËRKON NDRYSHIMIN E NENIT 410 Ereniku. 09 maj, 2012 Lëvizja FOL ka këkruar nga ligjvënësve kosovarë që përveç nenit 37 dhe 38, ta rishikojnë edhe nenin 410, i cili sipas përkufizimit aktual, sitc thotë Fol, lë mundësi të ndryshme interpretimi dhe si i tillë bie ndesh me normat demokratike. Neni 410 që përkufizon “Thirrjen për Rezistencë, sipas Lëvizjes, krijon mundësinë që pushtetet e ndryshme në Kosovë t’a keqinterpretojnë këtë nen, ndërkohë që pasojat t`i bartin qytetarët e Kosovës. “Kushdo që thërret të tjerët për rezistencë apo mosbindje ndaj vendimeve apo masave të ligjshme të nxjerra nga organi apo zyrtari kompetent, dënohet me burgim deri në tre vjet. Ndërsa, paragrafi tjetër vazhdon: 2. Nëse vepra penale nga paragrafi 1 i këtij neni rezulton me vështirësi të mëdha apo pamundësi të zbatimit të vendimit, masës apo veprimit zyrtar të ligjshëm, kryesi dënohet me burgim prej gjashtë muaj deri në pesë vjet”, thuhet në nenin në fjalë. Lëvizja FOL, e shesh si të domosdoshme rishikimin e formulimit të këtij neni nga ana e Komisionit për Legjislacion dhe Gjyqësi, si dhe nga deputetet e Kuvendit të Kosovës, në mënyrë që të evitohet çfarëdo mundësie e shkeljes së të drejtave të njeriut, të lirisë së tubimit, të protestimit si dhe të demonstrimit të vullnetit të qytetarëve të Kosovës, thuhet në komunikatë. - Lajmet E marte, 08 maj, 2012 HOXHAJ: KUFIJTË NË BALLKAN TË PAPREKSHËM Kufijtë në Ballkan tashmë janë vendosur dhe ata janë të paprekshëm, ka thënë shefi i diplomacisë kosovare, Enver Hoxhaj, në një intervistë për gazetën gjermane “Frankfurter Allgemajne Cajtung. Ai tha se Kosova tashmë ka bërë përparime të dukshme dhe është në pritje të udhërrëfyesit për liberalizimin e vizave. MURTEZAJ: ZGJIDHJA PËR VERIUN-ASGJË JASHTË PAKOS SË AHTISARIT Profesori i Diplomacisë dhe Negocimit në Paris, dr. Valon Murtezaj, deklaroi se, çfarëdo plani për veriun, duhet të jetë në linjë me Pakon e Ahtisarit.. NË KOSOVË U SHËNUA DITA BOTËRORE E ASTMËS Autoritetet shëndetësore bëjnë thirrje që qytetarët dhe institucionet të kujdesen për një ambient më të pastër. AGPK-JA E UGK E MIRËPRITEN VENDIMIN E PRESIDENTES Asociacioni i Gazetarëve Profesionistë të Kosovës mirëpret vendimin e Presidentes së Kosovës Atifete Jahjaga që të kthejë Kodin e Ri Penal në Parlamentin e Kosovës. OSBE MIRËPRET VENDIMIN PËR TË RISHIKUAR DISPOZITAT E KODIT PENAL Shefi i Misionit të OSBE-së në Kosovë, ambasadori Werner Almhofer mirëpriti sot vendimin për të kthyer në rishikim në Kuvendin e Kosovës dispozita të caktuara të kodit të ri penal të cilat kërcënojnë të zvogëlojnë lirinë e mediave. FRANCA KËRKON HAPA KONKRET NË VERI Franca kërkon hapa konkret në veri të Kosovës dhe plan i cili ofron mundësinë e integrimit të asaj pjese të vendit "Qeveria i është përgjigjur pozitivisht planit për veriun por ende nuk kemi hapa kokret. Ne presim dhe shpresojmë në ketë plan që të ofrojë mundësi për integrimin e veriut. Është koha tani që ky plan të bëhet dhe të gjithë e dimë se nuk është lehtë”, tha Ambasadori Zhan Fransoa Fitu, duke shtuar se plani për integrimin e veriut do të duhet të gjejë mbështetjen nga të gjithë që të jetë gjeneroz dhe i relaizueshëm. Ai ritheksoi mbështetjen e Francës për Kosovën, pavarësisht ndryshimeve që kanë ndodhur në kreun shtetëror, në zgjedhjet e fundit presidenciale. ”Edhe kryetari im i porsazgjedhur do të vazhdojë mbështetjen sikur edhe kryetari Sarkozi, por edhe nga ana humane ne do të jemi afër për të vazhduar mbështetjen”, tha ai. Fitu tha se Parisi zyrtar mbështet përmbylljen e mbikqyrjes së pavarësisë që planifkohet të bëhet brenda këtij viti. Ndryshe, gjatë vizitës në Gjilan, Fitu mbajti një debat me qytetarë dhe ndau libra të kulturës franceze për shkollat dhe bibliotekën e qytetit. QEVERIA DO TA RISHIKOJË PLANIN PËR VERIUN Qeveria e Kosovës edhe më herët ka pasur një strategji për veriun, por tani do ta rishikojë atë në mënyrë që të gjendet një opsion me i përshtatshëm për qytetarët e veriut të Kosovës, u shpreh zëvendësministri i Punëve të Brendshme, Izmi Zeka. ..informacione te hapura: Prishtina: Strategjia për veriun do të rishikohet 08 Maj, 2012 Prishtinë – Strategjia e Qeverisë për veriun e Kosovës, duhet të rishikohet në atë mënyrë që të gjendet forma më e mirë për integrimin e qytetarëve të veriut, tha për Radio Kosovën, zëvendësministri i Punëve të Brendshme Izmi Zeka. Ai i bëri këto komente, duke u përgjigjur në deklaratat që përfaqësuesi i BE-së, Samuel Zhbogar i bëri një ditë më parë, ku kërkoi nga Qeveria e Kosovës që të ketë një agjendë për veriun, përmes të cilës, serbët e veriut do ta pranonin realitetin e krijuar në Kosovë. Zëvendësministri Zeka tha se Qeveria ka pasur strategji, por ajo duhet të rishikohet. “Qeveria e Kosovës edhe më herët e ka pasur një strategji për veriun, por duke pasur parasysh ndryshimet edhe në Kosovë edhe në rajon, ne do të shikojmë që atë strategji që e kemi pasur në një mënyrë ta rishikojmë dhe të gjejmë një mënyrë më të mirë dhe më të përshtatshme dhe ju përshtatet interesave të qytetarëve të Kosovës, natyrisht edhe të pjesës veriore” Kryetari i Komisionit parlamentar për punë të brendshme dhe siguri, Ahmet Isufi, thotë se një strategji e tillë nuk është zbatuar asnjëherë, prandaj kërkohet një plan i realizueshëm për veriun. Ai tha se duhet të ndërmerren masa të shpejta, në mënyrë që mos lejohet që çështja e veriut të Kosovës, të jetë temë në bisedime qoftë me Serbinë apo me këdo tjetër. Përfaqësuesi i BE-së në Kosovë, Samuel Zhbogar, një ditë më parë tha se Qeveria e Kosovës duhet të përgatis një agjendë për veriun, në mënyrë që serbët atje ta pranojnë realitetin e ri në Kosovës. (LSh) ZHBOGAR: UDHËRRËFYESI DERI NË FUND TË PRANVERËS Shefi i Zyrës së Bashkimit Evropian në Kosovë, Samuel Zhbogar, ka thënë se deri në fund të pranverës së këtij viti pritet që Brukseli të sjellë lajme të mira për Kosovën sa i përket udhërrëfyesit për liberalizimin e vizave. 08 maj, 2012 Zhbogar, ka thënë se dorëzimin e udhërrëfyesit tek institucionet e Kosovës në pranverë të këtij viti e ka paralajmëruar gjatë vizitës së saj në Kosovë, komisarja evropiane për Punë të Brendshme, Cecilia Malmstrom. Me optimizëm për këtë çështje ka folur edhe Ministrja e Integrimit Evropian, Vlora Çitaku. Sipas saj, janë dhënë shumë premtime për këtë çështje, megjithatë, pritet që udhërrëfyesi të dorëzohet shumë shpejt në Kosovë nga BE-ja. PRESIDENTJA KTHEN NË RISHQYRTIM KODIN PENAL Presidentja Atifete Jahjaga mori vendim që t’ia kthejë për rishqyrtim kuvendit Kodin Penal të Republikës së Kosovës, të miratuar në seancën plenare të kuvendit më 20 prill. 08 maj, 2012 Bazuar në kompetencat e Presidentes së Republikës së Kosovës, sipas nenit 84 pika 6 të Kushtetutës së Republikës së Kosovës, vendimi për rishqyrtimin e Kodit Penal u mor pasi u vlerësua se Neni 37 dhe Neni 38 i Kodit Penal janë në kundërshtim të plotë me Nenin 40 dhe Nenin 42 të Kushtetutës së Republikës së Kosovës, që rregullojnë lirinë e shprehjes dhe lirinë e medieve si dhe me Nenin 22, pika 2 të Kushtetutës së Republikës së Kosovës që obligon përmbushjen e Konventës Evropiane për mbrojtjen e të Drejtave dhe Lirive Themelore të Njeriut dhe Protokollet e saj, thuhet në njoftimin lëshuar nga Presidenca./rtk/ GJYKATA SUPREME IA KONFIRMON DËNIMIN XHABIR ZHARKUT Trupi gjykues i përzier i kryesuar nga një gjykatës i EULEX-it në Gjykatën Supreme, sot në përgjithësi e vërtetoi aktgjykimin për fajësinë e Kryetarit të Komunës së Kaçanikut, Xhabir Zharku. 08 maj,2012 Më 21 prill 2011, Gjykata e Qarkut në Prishtinë e kishte shpallur Xhabir Zharkun fajtor për kryerjen e veprës penale të zhvatjes dhe posedimit të paligjshëm të armës. Ai ishte dënuar me tri vite burgim dhe i ishte shqiptuar gjoba prej 1,500 Euro për akuzën e posedimit të paligjshëm të armës. Ankesa e avokatit mbrojtës u pranua pjesërisht, duke lejuar që koha e kaluar në paraburgim të llogaritet si pjesë e kohës së dënimit me burgim të shqiptuar në formën e prerë. Ankesat e avokatëve mbrojtës të paraqitura për të pandehurit tjerë Arsim Klolshi, Besnik Hasani dhe Nusret Cena kundër aktgjykimit në fjalë u refuzuan. Fillimisht në këtë rast, tre të pandehurit tjerë Arsim Kolshi, Besnik Hasani dhe Nusret Cena ishin shpallur fajtor për kryerjen e veprës penale të zhvatjes. Arsim Kolshi ishte dënuar me tri vite burgim dhe i ishte shqiptuar gjoba prej 1.500 Euro për akuzën e posedimit të paligjshëm të armës. Besnik Hasani ishte dënuar me një vit e dy muaj burgim dhe Nusret Cena ishte dënuar me një vit e dy muaj burgim. - Lajmet E hënë, 07 maj, 2012 - Zgjedhjet serbe, VV: Qeveria e Kosovës shkeli Kushtetutën - Prishtina: Zgjedhjet serbe, sipas standardeve ndërkombëtare Mediat Kosovë: Është zhdukur 20 vjeçari nga Peja 12:47 / E hënë, 07 Maj 2012 Është zhdukur pa gjurmë tashmë pesë ditë i riu Fidan Shabi nga Peja, bëjnë të ditur familjarët e personit, kërkimin e të cilit e ka filluar edhe policia e Kosovës, e cila zhdukjen e tij, e vlerëson si rast të rrezikshmërisë së lart. Fidani (23.02.1992) është i lindur dhe banor i Pejës, rruga “Fan Noli” nr.4. Fidani për herë të fundit është parë më 01.05. 2012, ndërsa për zhdukjen e tij është njoftuar policia nga familjarët më 02.05.2012 rreth orës 20:00 në Stacionin Policor të Pejës. Familja e Fidanit është katër anëtarëshe. Ai jetonte me nënën, vëllain më të madh dhe me një motër më të vogël, ndërsa babai i ka vdekur kur Fidani ishte katër vjet, nga infarkti në zemër, shkruan në numrin e sotëm gazeta “Bota sot”. Sipas tezes së tij, Fidani, nuk është as i martuar, as i fejuar dhe për aq sa është në dijeni familja, ai nuk asnjë lidhje me ndonjë femër. Fidani së fundi ka punuar me dajën e vet në kasaphanën “Buquki”. Sipas tezes, besohet se policia tashmë ka arrestuar një person në lidhje me zhdukjen e Fidanit. “Në Kosovë është një i arrestuar, por policia po i vazhdon hetimet”, thotë tezja, që jeton jashtë. Sipas tregimit të tezes, Fidani është zhdukur pasi ka dalur nga shtëpia me taksi, të martën rreth orës 24.00 pas mesnate, pasi e kishte marrë një telefonatë, që nuk dihet nga kush është bërë. “Të martën pas mesnate rreth orës 12.00, e ka marrë një telefonat dhe ka dal nga shtëpia, ka shku me taxi. Prej, atij momenti nuk dijmë gjo për to”, thotë ajo. Sipas përshkrimit të tezes së tij dhe policisë, Fidan Shabi, “është zeshkan, i gjatë 1.85 m, peshon rreth 73 kg, ngjyrën e syve e ka kafe. Në momentin e largimit nga shtëpia ka pas veshur bluz me mëngë të shkurtra, të kuqe, pantallona të zeza, patika bardh e zi, kapuç kaçket ngjyrë kremi, i ka pas dy telefona me veti, njëri me numër të Ipko-s dhe tjetrin me numër të Vala-s”. Sipas tezës, Fidani ka vazhduar të kishte qasje në numrin e Valës, edhe për rreth 24 orë, por jo edhe në Ipko. “Prej atij momenti Ipko ka qenë i ndalun, e vala ka pas qasje në rrjet deri të mërkurën në mbrëmje. Në ora 22:00 kanë provuar me thirrë, i kan çu sms, po pa sukses. Nuk osht lajmruar, që nga e martja nuk dimë kurgjo”, thotë tezja Besarta. Ndërsa, policia nuk thotë nëse ka ndonjë të arrestuar, por ajo ka shpërndarë disa të dhëna nëpërmjet një komunikate vetëm sot, pas katër ditësh, ndërsa kërkon ndihmën e qytetarëve që ta gjejnë Fidanin. “Njësitet përkatëse kanë ndërmarrë të gjitha veprimet operacionale në vazhdim për gjetjen e tij, dhe është vlerësuar si rast serioz me rrezikshmëri të lartë. Rasti është duke u hetuar nga njësitet e specializuara për Krime Serioze dhe Njësiti për Persona të Zhdukur në bashkëpunim me Prokurorin përkatës të çështjes”, thuhet në një njoftim të Policisë së Kosovës. Raporti, Ban Ki Mun: Tensione mes Prishtinës dhe Beogradit Monday, 07 May 2012 18:30 Nju-Jork – Sekretari i përgjithshëm i KB-së Ban Ki-mun paralajmëroi në raportin e ri në tensione dhe rreziqe që kërcënohen për ta rrezikuar stabilitetin e Kosovës dhe vlerësoi se hapësira për dialog midis Prishtinës dhe Beogradit do të zvogëlohet. Tensionet dhe konfrontimet paraqesin rrezik serioz për stabilitetin e Kosovës dhe rajonit, theksoi Ban në raportin të cilin KS-ja do ta shqyrtojë më 14 maj. “Tensionet janë prodhim i mendimit se nuk zgjidhen çështjet kyçe në lidhje me problemet themelore të konfliktit”, vlerësoi Ban. Shtoi se bashkësia ndërkombëtare ka shpresë se përparimi i rrugës drejt BE-së dhe normalizimi i marrëdhënieve midis Prishtinës dhe Beogradit gradualisht do t’i zvogëlojnë burimet e tensioneve. Ban vlerëson se hapësira për dialog në muajt e ardhshëm do të zvogëlohet që do të mund të rezultojë me tensione të përforcuara. “Hapësira për negociata mund të zvogëlohet veçanërisht nëse nuk ruhet paqja ose përmes reagimeve jo të nevojshme të opinionit të identiteteve dhe provokimeve. Arrestimet pa arsye ose deklaratat luftarake shpien drejt rritjes së tensioneve dhe dhunës”, thekson Ban në raportin. (burimi: LajmeShqip) Mobilizohet diaspora shqiptaro - amerikane për zhvillimet në Maqedoni E HËNË 07 MAJ 2012 Komuniteti Shqiptaro - Amerikan (KSHA) dhe shoqata të tjerë shqiptaro -amerikane në shtetet e Illinionist, Uiskonsit dhe shtetet përreth kanë përshëndetur dhe janë vënë në dispozicion të thirrjes së Lidhjes Qytetare Shqiptaro - Amerikane (LQSHA) të Joe DioGuardit, për unifikimin e faktorit politik shqiptar dhe zgjidhjen e çështjeve të hapura të shqiptarëve karshi fushatës sistematike serbe dhe asaj maqedonase kundër shqiptarëve. Lidhja Qytetare Shqiptaro - Amerikane pritet të riaktivizojë masivisht aktivitetin dhe punën e saj në drejtim të alarmimit dhe shpalosjes së çështjes shqiptare pranë administratës amerikane. "Duke e përkrahur nismën e LQSHA-së në Nju Jork,takimi në Çikago ka vënë në dukje se koha shqiptare në atdhe kërkon në të gjitha rrafshet shqiptaro-amerikane aktivitet të unifikuar për të dalë në ballë të kauzës së kombit që ende po përballet me skenarët e shtypjes dhe të përdhosjes nga ana e institucioneve shteterore në Maqedoni. E gjithë kjo po bënë që jeta e popullit shqiptar në trojet e veta të bëhet e rëndë dhe e pasigurt u tha në takimin e sotëm të Çikagos", thuhet në një deklaratë pas këtij takimi. KSHA i bën thirrje të gjitha shoqatave tjera shqiptaro -amerikane të përkushtojnë vëmendjen dhe të organizohen për zhvillimet e fundit në Ballkan dhe në trojet ku shqiptarët po vijojnë të jenë pre e diskriminimit sistematik. KSHA-ja thekson se i bashkohet aktivitetit të LQSHA-së të ish-kongresistit Joe DioGuardi dhe i bënë thirrje të gjitha asociacioneve politiko-kombëtare,kulturore dhe sportive të shqiptarëve në Amerikë dhe botë që të formojnë degët e këtij asociacioni të rëndësishëm që ndër vite ka senzibilizuar çështjen shqiptare në Ballkan dhe për lirinë dhe pavarësinë e Kosovës. Programi kombëtar për çështjen shqiptare të Joe DioGuardit është projekti tashmë i njohur edhe në qarqet e administratës amerikane ku ka gjetur përkrahjen në Senat dhe Kongres në Uashington. "Unifikimi i aktivititit të diasporës shqiptare nëAmerikë dhe botë u tha në takimin e Çikagos,do të krijojë mundësinë që institucionet demokratike të shtetit amerikan me kahet e vijave diplomatike dhe në bashkëpunim me BE-në të vënë në shqyrtim problemin e pazgjidhur shqiptar në Ballkan me theks të veçantë çështja shqiptare në Maqedoni që po nëpërkëmbet nga institucionet shtetërore,ku subjekti shqiptar në të gjitha nivelet po merrë pjesë vetëm me numër në ulëset paralamentare dhe te institucioneve qeveritare. Kjo po shihet këtyre ditëve kur me gjuhën e urrejtjes pa asnjë mbeshtetje kushtetuese, populli shqiptar është vënë para aktit si problem kolektiv për shtetin e Maqedonisë dhe me gjerë,kështu u tha në takimin me verpimtarët shqiptaro-amerikan në Çikago", thekson komunikata. KSHA do të kërkojë me ngulm nga administrata amerikane në Uashington rivlerësimin e Marrëveshjes se Ohrit, e cila më shumë ka shërbyer në këto vite si marketing të ashtuquajtur,,demokratik,,në Maqedoni karshi çështjes ndërkombëtare me pozitën e popullit shqiptar në konturat si në kohën e sistemit komunist. (burimi: Skender Karaçica/INA) Arrestimet në Shkup, BDI: Paragjykime ndaj të akuzuarve 07 May 2012 16:20 Arrestimet në Shkup, BDI: Paragjykime ndaj të akuzuarve Tetovë – Kryesia e Bashkimit Demokratik për Integrim në mbledhjen e kryesisë qëndrore ditën e shtunë, e cila u thërrit për të shqyrtuar situatën në vend, të krijuar pas arrestimeve të 1 majit, nxori tre konkluzione. Në këto konkluzione cilësohet se Bashkimi Demokratik për Integrim përcjell nga afër rrjedhën e aksionit “Monstra” dhe çdo detaj lidhur me të, BDI i cilëson si të dëmshme paragjykimet e parakohshme të të akuzuarve se janë kryerësit e krimit dhe se Bashkimi Demokratik për Integrim kërkon nga qytetarët që të ruajnë gjakftohtësinë dhe me urtësi të ndjekin zhvillimin e këtij procesi. rtk: GJENDET I VDEKUR ISH USHTARI I UÇK-SË, DYSHOHET PËR VETËVRASJE Pranë trupit të të ndjerit, Arsim Berisha (33), është gjetur një armë automatike e tipit AK 47, ndërsa dyshohet se i ndjeri ka kryer vetëvrasje. Varrimi i të ndjerit do të bëhet nesër në orën 16:00 në varrezat e fshatit Drenoc të Rahovecit. Postuar: 07:39:24 / 06.05.2012 Sipas zyrës për informim të Policisë së Kosovës në Prizren, në orët e para të datës 6 maj, në Drenoc të Rahovecit është gjetur i vrarë Arsim Berisha (33). Pranë trupit të të ndjerit është gjetur një armë automatike e tipit AK 47, ndërsa dyshohet se i ndjeri ka kryer vetëvrasje. Arsimi ka qenë pjesëtar i UÇK-së dhe sipas burimeve familjare, kohëve të fundit është përballur me kriza financiare, kurse që nga paslufta ka qenë i papunë. Varrimi i të ndjerit do të bëhet nesër në orën 16:00 në varrezat e fshatit Drenoc. Organizata e veteranëve të UÇK-së në Rahovec ka paralajmëruar ceremoni të organizuar të varrimit të ish-pjesëtarit të UÇK-së Arsim Berisha. THAÇI: NUK DO TË KETË KËMBIM TERRITORESH Kryeministri i Kosovës, Hashim Thaçi, ka përsëritur qëndrimin e tij se nuk do të ketë këmbime të territoreve dhe nuk do të ketë autonomi speciale në pjesën veriore të Kosovës. Postuar: 03:41:40 / 07.05.2012 Duke folur për revistën Time, ai ka thënë se ”kohërat e luftërave në Kosovë dhe në Ballkan kanë perënduar”. ”E tëra për çka unë luftoj është të ruajmë integritetin dhe sovranitetin e Kosovës, si një vend i pavarur, por me kufij të hapur dhe të integruar plotësisht në Bashkimin Evropian dhe në NATO”, ka thënë kreu i ekzekutivit, duke tërhequr vërejtjen se ndryshimi i kufijve do të kishte efekte zinxhirore. ”Nëse dikush në Bruksel ka dalë me këtë ide për ndryshim të kufijve, atëherë kjo nuk do të ndalet vetëm në Kosovë ose në vendet fqinje. Do të vazhdojë në mbarë Ballkanin Perëndimor. Do të prekte të paktën gjashtë shtete. Secili shtet në rajon e ka nga një Mitrovicë të vogël brenda”, ka thënë mes tjerash kryeministri Thaçi. ZHBOGAR: QEVERIA TË MENDOJË PËR MUNDËSINË E DIALOGUT ME SERBËT E VERIUT Përfaqësuesi i BE-së në Kosovë, Samuel Zhbogar, ka thënë se Qeveria e Kosovës duhet të fillojë të mendojë për mundësinë e dialogut me serbët e veriut. Postuar: 06:35:57 / 07.05.2012 Ai ka deklaruar se BE-ja do të jetë krah i qeverisë që të mundësohet një nismë e tillë, për t’i bindur serbët atje ta pranojnë realitetin e ri në Kosovë. Sa i përket zgjedhjeve serbe, Zhbogar ka deklaruar se ndihet i lumtur që ato i mundësoi OSBE-ja, mirëpo përshëndeti edhe qëndrimin e Qeverisë së Kosovës dhe të popullit që ishin të qetë gjatë kësaj kohe. NË LUGINËN E PRESHEVËS PRINË PARTITË SHQIPTARE Rezultatet paraprake të zgjedhjeve në Luginën e Preshevës në Serbi, nxjerrin fituese partitë shqiptare. Postuar: 12:34:17 / 07.05.2012 Në bazë të të dhënave, partitë shqiptare kanë arritur të dominojnë ndjeshëm ndaj subjekteve politike serbe. ..nga mediat ne Maqedoni: Xhaferi:Me durim dhe pa eufori E HËNË 07 MAJ 2012 Pse Ministria e Brendshme u nxitua në konstatimet e saj lidhur me operacionin “Monstra” dhe cila do të jetë përgjegjësia që duhet të mbajë ajo, nuk ka përgjigje as zëvendëskryeministri Musa Xhaferi. Sipas numrit dy të ekzekutivit, më prioritare është menaxhimi i situatës momentale dhe shmangia e dëmeve më të mëdha që mund të sjellin situatat euforike. I pyetur për qëndrimet zyrtare që vijnë si nga organet e rendit, ashtu edhe nga Prokuroria, klasifikimi i vrasjes në Smillkovc si akt terrorist, ndërkohë që çështja nuk është mbyllur nga gjykata, Xhaferi pohon se pavarësisht se janë në koalicion me VMRO-në, BDI ka qëndrimet e veta të pavarura. Sipas tij, kjo nënkupton se pavarësisht deklaratave të deritanishme dhe rrjedhës së zhvillimeve, ata nuk do të lejojnë montimin e ngjarjeve, apo mungesën e transparencës gjatë proceseve hetimeve. nga: Telegrafi: Krasniqi: Duan të na frikësojnë! 8:22 / 6.05.2012 Kryetari i Kuvendit të Kosovës, Jakup Krasniqi, ka kërkuar nga të gjithë shqiptarët e Ballkanit që t’ju japin një përgjigje të përbashkët politike arrestimeve të fundit të shqiptarëve në Serbi dhe Maqedoni. Kryeparlamentari Krasniqi u ka bërë thirrje dy shteteve fqinje që të kenë kujdes me shqiptarët, pasi pozita e tyre nuk është më sikur kishte qenë në shekujt e mëparshëm. Në një intervistë për Express, Krasniqi shprehet se disa popuj nuk po mund të pajtohen me pozitën e avancuar të shqiptarëve dhe po e mbajnë rajonin të trazuar. "Sigurisht se janë konfliktet e vjetra, janë ideologjitë nacionaliste dhe dominuese që ende janë në skenat politike në Ballkan. Këto ideologji dhe filozofit mitomaniste të dominimit nuk po mund të pajtohen me realitetin e ri që është krijuar në Ballkan dhe s’po mund ta pranojnë një pozicion të avancuar që e ka kombi shqiptar në Ballkan", ka thënë Krasniqi. Krasniqi thotë se aksionet e arrestimeve në Maqedoni dhe në Serbi kanë për qëllim frikësimin e shqiptarëve. Ndërsa, për ta tejkaluar këtë situatë thotë se duhet t’u jepet një përgjigje kombëtare dhe ndërkombëtare vendeve fqinje. "Konsideroj që edhe institucionet e Shqipërisë, edhe të Kosovës por edhe të BE-së duhet të bëjnë diçka që ta sigurojnë dhe ta garantojnë jetën e qytetarëve që jetojnë në atë pjesë të Ballkanit”. /Telegrafi/ - Lajmet E premte, 04 maj, 2012 Obama: Kosova, shtet i ri me të ardhme premtuese Ereniku, maj 04, 2012 Ambasadori Akan Ismaili, u takua me Presidentin e Shteteve të Bashkuara të Amerikës Barack Obama dhe zyrtarisht ia dorëzoi Letrat Kredenciale si Ambasador i Republikës së Kosovës në SHBA.... Presidenti Obama i uroi Ambasadorit dhe familjes së tij mirëseardhje dhe tha se pret që të punojnë së bashku në thellimin e marrëdhënieve tashmë të afërta në mes të dy vendeve. Më tej, në fjalën e tij, Presidenti Obama theksoi se Kosova është shtet i ri me të ardhme premtuese. Sipas tij, në katër vitet që nga pavarësia, Kosova ka pasur arritje të mëdha, duke i realizuar obligimet e veta për krijimin e një shteti sovran, të pavarur dhe për të ndërtuar institucione demokratike dhe multietnike në shërbim dhe mbrojtje të interesave të të gjithë qytetarëve. Ai shtoi se mbetet edhe shumë punë për t’u bërë, dhe se iu bën thirrje liderëve të Kosovës që të mbeten të përkushtuar për vazhdimin e përparimit. Sipas Presidentit Obama, Shtetet e Bashkuara do të mbeten përkrahë Kosovës në përmbushjen e detyrave të vështira të domosdoshme për avancimin e reformave. Ai poashtu shtoi se Shtetet e Bashkuara mbeten të përkushtuara për sovranitetin, integritetin territorial dhe pavarësinë e Kosovës. Sipas tij, SHBA-të do të vazhdojnë të ofrojnë mbështetjen e tyre për integrimin e plotë të Kosovës në institucionet rajonale dhe ndërkombëtare, që të mund të marrë vendin e saj që i takon brenda Evropës, e tërësishme, e lirë dhe në paqe. Në fjalën e tij, Ambasadori Ismaili përcolli përshëndetjet e Presidentes Jahjaga dhe urimet e sinqerta të popullit dhe të qeverisë së Kosovës. Ai poashtu ritheksoi orientimin e përhershëm të Kosovës që si shtet i pavarur dhe demokratik të vazhdojë të zhvillojë marrëdhënie sa më të afërta me SHBA-të, bazuar në miqësinë dhe respektin e përhershem për popullin amerikanë dhe SHBA-të. Në ceremoninë në Shtëpinë e Bardhë, Ismaili u shoqërua nga bashkëshortja dhe femijët e tij. Që nga arritja e tij në kryeqytetin e SHBA-ve, Akan Ismaili tashmë i ka dorëzuar kredencialet tek zëvendës sekretarja e Departamenti të Shtetit Wendy Sherman. Ambasadori Ismaili është Ambasadori i dytë i Kosovës në SHBA, thuhet në njoftimin e Ambasadës. Jahjaga takoi zyrtarët vendorë e ndërkombëtar të sigurisë Ereniku, maj 04, 2012 Presidentja Atifete Jahjaga, në takim me përfaqësuesit ndërkombëtarë dhe vendorë të mekanizmave të sigurisë në Kosovë, shqyrtoi situatën e sigurisë në vend në prag të zgjedhjeve parlamentare dhe presidenciale të Serbisë. OSBE-ja ndërkaq rikonfirmoi se do të bëjë lehtësimin e mbajtjes së këtyre zgjedhjeve, ndërkohë që paralajmëroi se rezervon të drejtën e tërheqjes nëse njëkohësisht mbahen edhe zgjedhjet lokale. Me 8 maj përurohet Abetarja unike Ereniku, maj 04, 2012 Në Prizren, më 8 maj, përurohet Abetarja unike për të gjithë nxënësit shqiptarë, në kuadër të shënimit të 100 vjetorit të Pavarësisë së Shqipërisë. Të pranishëm në këtë manifestim do të jenë kryeministrat e të dyja shteteve, i Kosovës Hashim Thaçi dhe i Shqipërisë, Sali Berisha. Të shtëna me armë zjarri në veri të Mitrovicës Ereniku, maj 04, 2012 Të shtëna me armë zjarri të cilat kanë shqetësuar tej mase banorët shqiptarë të veriut janë dëgjuar, herë pas here, pas mesnate në veri të Mitrovicës, njofton Kosovapress. Mësohet se nuk ka të lënduar, ndërsa të shtënat dyshohet të kenë ndodhur ndërmjet grupeve rivale në veri, si dhe përkrahësve të rrymave të ndryshme të partive politike serbe. Arrestime të shqiptarëve në Bujanoc Ereniku, maj 04, 2012 Forca të shumta policore të Serbisë që nga orët e hershme të mëngjesit të sotëm kanë bërë disa arrestime shqiptarësh në Bujanoc dhe fshatrat Tërnoc dhe Breznicë. Sipas medieve serbe, të arrestuarit akuzohen për krime lufte ndaj serbëve në jug të Serbisë. Aksioni është duke vazhduar edhe në këtë kohë./burimi: KosovaPress/ Vdekje e dyshimtë në Leposaviq Ereniku, maj 04, 2012 Policia e Kosovës ka njoftuar për një vdekje të dyshimtë në fshatin Jarinje të Ultë, ndërsa në bazë të raporteve preliminare të hetuesve policor, rasti është kualifikuar si vdekje e dyshimtë, ndërkaq familjarët e viktimës, të cilët janë intervistuar nga hetuesit policor, kanë deklaruar se babai i tyre, gjatë ditës kishte konsumuar një sasi të shtuar të alkoolit. Në bazë të deklaratave të siguruara nga hetuesit policor, thuhet se viktima M. Marinkoviq, 1943, është identifikuar nga familjarët e tij, i shtrirë për tokë, afër automjetit të tij, rreth 200 metra, larg shtëpisë së tij, ndërsa gjurmë të gjakut janë vërejtur në gojë dhe në hundë të viktimës, që dyshohet se janë shkaktuar gjatë përplasjes së tij për tokë. Familjarët e viktimës, të cilët janë intervistuar nga hetuesit policorë, kanë deklaruar se babai i tyre, gjatë ditës kishte konsumuar një sasi të shtuar të alkoolit. Mjekët kujdestarë, të cilët kanë konfirmuar vdekjen e viktimës, kanë cilësuar vdekjen si natyrale, pa ndonjë element të veprës penale. Prokurori Publik, i cili është informuar lidhur me rastin, ka urdhëruar kualifikimin e rastit si vdekje e dyshimtë deri në përcaktimin e rrethanave të plota të vdekjes. Shërbimet serbe të zbulimit paralajmërojnë dhunë në Kosovë Ereniku, maj 04, 2012 Drejtori i Agjencisë së Inteligjencës Ushtarake të Serbisë, Dragan Vlladisavlevic tha se situata e tanishme në Kosovë është e karakterizuar me tensione ndëretnike, që mund të rezultojë me rritje të dhunës. Kësaj, sipas tij i kontribuojnë dukshëm “kërcënimet” e autoriteteve të Kosovës për të parandaluar me forcë mbajtjen e zgjedhjeve të Republikës së Serbisë dhe të shpërbëjnë strukturat paralele serbe. Ai në një intervistë për gazetën serbe “Politika”, vuri në dukje se “në jug të lumit Ibër është shënuar një presion i madh mbi popullsinë serbe dhe po arrestohen personat që punojnë në institucionet e Serbisë”. Sipas tij, “në zonat e përziera në veri dhe rreth enklavave në jug të Ibrit, janë vërejtur grupe të shqiptarëve të armatosur”. “Vetëm prania e tyre është faktor frikësimi, dhe disa grupe ekstreme publikisht kërcënojnë se me forcë do të parandalojnë mbajtjen e zgjedhjeve serbe,” tha Vladisavlevic. Ngjashëm, më herët, ka paralajmëruar dhunë në Kosovë, edhe ministri i Punëve të Brendshme të Serbisë, Ivica Daçic.|burimi: LajmiFundit| Shtyhet për shtator publikimi i rezultateve të regjistrimit të popullsisë Ereniku, maj 04, 2012 Enti i Statistikave të Kosovës, më 21 shtator do të bëjë publikimin e të dhënave zyrtare sa i përket regjistrimit të popullsisë dhe të ekonomive familjare, ka bërë të ditur për “Tribuna Shqiptare”, drejtori i zyrës për regjistrim të popullsisë në Entin e Statistikave, Sabri Zabërgja. Sipas tij, numri i popullsisë nuk do të ndryshojë shumë nga të dhënat paraprake që janë bërë të ditur në vitin 2011. “Pastrimi i të dhënave përfundon më 15 maj. Kurse më 21 shtator do të publikojmë zyrtarisht të gjitha të dhënat. Do të mbahet me këtë rast edhe një konferencë e madhe ndërkombëtare”, tha Zabërgja. Anketa e BE-së: Populli më intelegjent në botë janë Shqiptarët, Serbët në vendin e 37-të Ereniku, maj 04, 2012 Sipas një sondazhi të bërë nga BE, ku përmes një testi online që mat intelegjencën e njeriut, populli shqiptar është vlerësuar me koefiçientin më të larët, duke lënë mbrapa plot 46 shtete pjesmarrëse. Shqipëria ndodhet ne krye të listës me një koeficent 114.95 pikësh, e ndjekur nga Spanja me 111.79 pikë, ndërsa vendi i tretë mbahet nga Hong Kongu me 111.69. Pastaj lista vazhdon me Gjermaninë, Qipron, Zvicrën, Kanadanë, SHBA, ndërsa në vend të fundit renditet Moldavia me një koeficient inteligjence prej vetëm 63.00 pikë. Testi i cili zhvillohet online, ka të bëjë me zbulimin e figurave gjeometrike apo simboleve që mungojnë. Sondazhet në formë loje testuese, kryhen on-line, në dy kategori të ndryshme. E para është seksioni i inteligjencës së lindur ku testi përbëhet nga ushtrime për të gjetur aftësitë tuaja të mendimit në mënyrë logjike në sferën e simboleve gjeometrike, ka ushtrime me mbledhje dhe zbritje gjeometrike, deformim, etj. Në këtë anketë deri tani kanë marrë pjes 1.183.155 persona. Duhet të theksohet se Shqipëria deri me datën 03.05.2012 ka qenë e para, ndërsa për momentin ka rënë në vendin e tretë. Ja linku i faqes ku shihen qartë statistikat(http://www.iq-test.eu/stats/). Më në fund edhe bota po e nnjeh Shqipërinë siç është e jo siç e kanë përshkruar të tjerët deri tani./burimi: albtime/ OSBE: Qeveritë të sigurojnë liri të fjalës Ereniku, maj 04, 2012 Në Ditën Botërore të Lirisë së Shtypit, Organizata për Siguri dhe Bashkëpunim në Evropë (OSBE), kërkon nga 56 qeveritë e shteteve anëtare, që të ndërmarrin hapa realë në sigurimin e lirisë së fjalës. Eshton: I papranueshëm censurimi dhe kërcënimi ndaj mediave Ereniku, maj 04, 2012 Censurimi dhe kërcënimi i redaktorëve, shkrimtarëve, gazetarëve ose kolumnistëve është i papranueshëm, ashtu siç është edhe përdorimi i dhunës dhe arrestimeve të nxitura nga shteti që u bëhen atyre. Kështu thuhet në deklaratën e përfaqësueses së lartë për politikë të jashtme të BE-së, Ketrin Eshton në ditën botërore të lirisë së shtypit. Eshton e vlerëson lartë punën e guximshme të gazetarëve, të cilët, shpesh në kushte shumë të rrezikshme, vazhdojnë të japin informacione të pavarura. Grant prej 23 milionë eurosh për projektet në Kosovë Ereniku, maj 04, 2012 Bordi i drejtorëve ekzekutivë të Bankës Botërore miratoi dje një grant prej 23 milionë eurosh për projektet e zhvillimit në Kosovë, SEDPO -2. Fondi i Bankës do të shoqërohet edhe me dy grante të tjera, njëri prej 12.1 milionë eurosh nga Komisioni Evropian, Republika Çeke, Danimarka, Estonia, Finlanda, Italia, Norvegjia, Suedia dhe Zvicra dhe tjetri prej 1.8 milionë dollarësh nga Shtetet e Bashkura . Në njoftimin për shtyp, Banka Botërore thonë se SEDPO mbështet reforma të rëndësishme të politikave për Kosovën, duke patur si objektiv përmirësimet në mjedisin e biznesit për të nxitur invenstimet nga brenda dhe jashtë vendit, për forcimin e praktikës së prokurimit dhe menaxhimin financiar për të shtuar transparencën dhe përgjegjshmërinë; për të forcuar institucionet e tregut të punës për t’u ofruar shërbime personave të papunë dhe ndihmë sociale për ata që kanë nevojë, duke i vënë theksin institucioneve të arsimit profesional dhe konsolidimit të shërbimit civil të Kosovës. SEDPO-1 për Kosovën kapi shumën e 30.9 milionë dollarëve dhe iu dha vendit më 30 vjetor 2011. Disbursimi i fondeve u derdh në buxhetin e Kosovës pasi ajo zbatoi me sukses reformat e përqendruara në punësimin dhe rritjen e qendrueshme ekonomike, thuhet në njoftimin e Bankës Botërore. /VoA/ - Lajmet - E enjte, 03 maj, 2012 Maqedoni, publikohen emrat e të arrestuarve Ereniku, e enjte, 03 Maj 2012 08:42 Pak ditë pas arrestimeve të 20 të personave për vrasjen e pesëfishtë në Smilkovc të Shkupit, janë bërë publikë emrat e të dyshuarve. Sipas Ministrisë së Punëve të Brendshme maqedonase autorët kryesorë janë Halil Demiri, 27 vjeç dhe Afrim Ismailovic, 32 vjeç, së bashku me Agim Ismailovic, 33 vjeç. Ndërkohë që ky i fundit është arrestuar nga policia maqedonase dy autorët e tjerë, vëllai i tij, Afrim Ismailovic dhe Halil Demiri, ndodhen ende nën kërkim. Nga burimet e para bëhet e ditur se Halil Demiri është me prejardhje nga Haracina, ndërsa vëllezërit Ismailovic nga Hasanbegi. Gjithashtu forcat policore të shtetit fqinj kanë vënë në pranga edhe Fejzi Azirin, 54 vjeç dhe Rami Sejdiun, 24 vjeç. Duket se këta dy të fundit kanë ndihmuar autorët e vrasjes. Nga ana tjetër mediat maqedonase kanë publikuar edhe fotot e të dyshuarve të vrasjes së pesëfishtë. Gazetarët bojkotojnë institucionet dhe partitë politike Gazetarët sot, me rastin e 3 Majit -Ditës së lirisë së shprehjes, do të bojkotojnë institucionet qendrore dhe subjektet politike, për të kërkuar kthimin në Kuvend të Kodit të ri penal, pasi sipas tyre, nenet 37 dhe 38 cenojnë lirinë e shprehjes.... Postuar: 08:45:45 / 03.05.2012 Bojkot, sepse liria e shtypit nuk negociohet. Bojkot, sepse me Kodin e ri Penal, liria e shtypit fundoset. Bojkot, sepse Kodi i ri Penal duhet të rikthehet në Kuvend dhe nenet 37 e 38 duhet të hiqen. Asociacioni i Gazetareve Profesionistë të Kosovës, Ditën e Lirisë së Shtypit, do ta shënojë më një sërë aktivitetesh që do të mbahen në kryeqytetin e Kosovës, në Kinemanë ''ABC'' dhe sheshin në qendër të Prishtinës. Në mesin e tyre ka debate, tryeza të rrumbullakëta, aktivitete kulturore, por do të shfaqet edhe një film dokumentar i përgatitur enkas për këtë ditë. Edhe Unioni i Gazetarëve të Kosovës, me rastin e Ditës Botërore të Lirisë së Shtypit, organizon tryezë me temën: “Sfidat e tanishme të gazetarisë në Kosovë”. Kurse Freedom House edhe këtë vit e ka vlerësuar lirinë e shtypit në Kosovë si pjesërisht të lirë, por me një përparim modest duke ia dhënë notën 49 nga 51, sa e kishte në vitin e kaluar. Për Kosovën është përmendur si përmirësim rënia e trendit të sulmeve ndaj gazetarëve si dhe transparenca më e madhe e pronësisë së mediave. Në tabelën e radhitjes së vendeve të anketuara, Serbia së bashku me Malin e Zi hyjnë në vendin e 75-të, Kroacia në të 83-tin, Bosnjë e Hercegovina në të 95-in, Kosova në vendin e 97, Shqipëria në vendin e 107 si dhe Maqedonia e fundit në atë të 115-in. Ahmeti: Nenet 37 dhe 38 rrezikojnë punën dhe lirinë e gazetarëve Mediat e Kosovës sot në Ditën botërore të lirisë së shtypit, po vazhdojnë të bojkotojnë të gjitha institucionet e Kosovës. Deri në orën 24, nuk do të ketë asnjë raportim nga asnjë institucion.... Postuar: 10:14:14 / 03.05.2012 Kryetari i Asociacionit të Gazetarëve Profesionistë të Kosovës (AGPK), Arben Ahmeti tha se kjo protestë e mediave bëhet për shkak të futjes në Kodin penal të Kosovës nenet 37 e 38, që vlerësohen se rrezikojnë seriozisht punën dhe lirinë e gazetarëve në të ardhmen. OSBE-ja angazhon rreth 500 veta për zgjedhjet serbe në Kosovë Misioni i OSBE-së do të angazhojë rreth 500 veta në procesin e lehtësimit për zgjedhjet parlamentare dhe presidenciale serbe në Kosovë. ... Postuar: 10:30:31 / 03.05.2012 Zyrtarë të këtij misioni i kanë thënë Radio Kosovës se OSBE- ja do t’u mundësojë të gjithë atyre që e kanë të drejtën e votës në këto zgjedhje ta shfrytëzojnë atë. OSBE-ja ka thënë se nuk do të ketë votime për zgjedhjet lokale serbe në Kosovë. Kurse kreu i trupave paqeruajtëse në Kosovë, Erhard Drevs, ka theksuar se në ditën e zgjedhjeve parlamentare dhe presidenciale serbe në Kosovë KFOR-i do të jetë neutral, pasi nuk është as mbështetës e as organizues i tyre. EULEX-i planifikon aksion për arrestimin e bandave kriminale të veri EULEX-i mësohet se së shpejti do të dërgoj njësite speciale policore për arrestime masive të kriminelëve në pjesën veriore të Kosovës. ... Postuar: 10:34:57 / 03.05.2012 Burime diplomatike të afërta me misionin e BE-së në Prishtinë bëjnë të ditur se rreth 300 policë të cilat i përkasin njësiteve elitare do të fillojnë aksionin për arrestimin e kriminelëve serb të cilët veprojnë në këtë pjesë, dhe që përmes kontrabandës dhe veprave tjera penale përfitojnë miliona në dëm të shtetit të Kosovës dhe qytetarëve të saj. “Në mesin e këtyre grupeve kriminale janë edhe shqiptarë, që bashkëpunojnë me botën e krimit në veriun e Kosovës”, tha diplomati perëndimor, duke paralajmëruar se një aksion i tillë do të zhvillohet pas zgjedhjeve të 6 majit në Serbi. Vendimi i Brukselit vjen pas protestave të të rinjve Mitrovicas kundër sjelljeve të EULEX-it në raport me kriminelët serb në veriun e Kosovës. Një muaj më parë dhjetëra studentë dhe nxënës, anëtarë të Këshillit të Veprimit Rinor Lokal të Mitrovicës në bashkëpunim me Lëvizjen “Koha”, kanë protestuar para selisë së EULEX-it në Mitrovicë, në shenjë pakënaqësie me punën e këtij misioni i cili sipas tyre po i mbyll sytë para ngjarjeve makabre në këtë pjesë të territorit të Republikës së Kosovës.(INA) Gjermania zgjat edhe një1 vit mandatin e trupave në Kosovë Thursday, 03 May 2012 07:01 Berlin – Trupave gjermane që veprojnë në Kosovë në kuadër të misionit të KFOR-it do të qëndrojnë edhe për një vit, sipas miratimit që bëri dje qeveria gjermane. Qeveria gjermane ka miratuar të mërkurën një vendim që parashikon zgjatjen e mandatit të trupave gjermane që veprojnë në Kosovë në kuadër të misionit të KFOR-it. Vendimi në fjalë, që mundëson zgjatjen me një vit të misionit paqeruajtës, duhet të miratohet brenda muajit nga Parlamenti gjerman. Ushtarët gjermanë që shërbejnë si pjesë e KFOR-it janë 900 nga 5.700 trupa gjithësej, duke përbërë edhe kontigjentin më të madh në Kosovë. Pak ditë më parë qeveria gjermane, me mbështetjen e Bundestagut, vendosi dërgimin e 550 trupave shtesë në Kosovë, nga të cilat 250 mbërritën më 25 prill. Trupat në fjalë do të kujdesen për sigurinë gjatë zgjedhjeve legjislative dhe presidenciale të Serbisë, të cilat do të shtrihen edhe në territorin e Kosovës, konkretisht në zonat me shumicë serbe. Autoritetet gjermane kanë parashikuar se zgjatja e misionit të trupave do t’i kushtojë buxhetit të shtetit të paktën 68 milionë euro. /burimi: LSh/ 11 miliardë njerëz në Tokë deri në vitin 2050 Në studimin “Njerëzit dhe planetet” të nobelistit-biolog Xhon Salston, thuhet se civilizimi njerëzor i shekullit 21 do të jetë në periudhë kritike me sfidat e të ushqyerit, pasi numri i banorëve do të arrijë 11 miliard brenda 2050 - Lajmet - E mërkurë, 02 maj, 2012 BE po e ndjek operacionin "Monstër" Publikuar: 02.05.2012 - 12:45 Shkup, 2 maj - Bashkimi Evropian (BE) ka bërë të ditur sot se po vazhdon të ndjekë nga afër arrestimet nga operacioni "Monstër" lidhur me vrasjen e pesëfishtë në Smilkovc të Shkupit. "Jemi të njohur se hetimet për vrasjen e pesëfishtë tek Liqeni i Smilkovcit më 12 prill, ka sjellë deri tek arrestime në kuadër të një operacioni policor të realizuar më 1 maj. Vazhdojmë të ndjekim nga afër aktivitetet", thuhet në një komunikatë të Delegacionit të BE-së në Shkup. Zyra e BE-së më tej thekson se institucionet shtetërore kanë punën e tyre për të kryer aktivitetet e duhura, pa dallim nga përkatësia etnike apo fetare e viktimave apo kryerësve. "Mbetet që në qetësi të presim organet gjyqësore të sjellin vendim të drejtë në një afatin e caktuar kohor", thuhet në komunikatën e Delegacionit të BE-së në Shkup. ARRESTRIME NE MAQEDONI. Të arrestuarit në aksionin policor "Monstrum" të Ministrisë së Punëve të Brendshme sot janë dërguar në Gjykatën penale të Shkupit. Pritet t'u shqiptohet masë paraburgimi. Për të gjithë për të cilët MPB ka dëshmi se kanë qenë pjesë e vrasjes së katër djelmoshave dhe burrit në moshë mesatare MPB-ja do të ngritë padi penale për "terrorizëm". Janë arrestuar 20 persona nga Shkupi, pjesëtarë të islamit radikal, pjesa më e madhe e tyre janë shtetas të Maqedonisë. Në bazë të dëshmive materiale, nga MPB-ja pohojnë se ato janë kryerësit e vrasjes makabre të pesë qytetarëve të pafajshëm. Midis 20 të arrestuarve, ka persona të cilët drejtpërdrejtë janë të involvuar në vrasjen në Smillkovcë, sqaroi Jankulloska, por edhe persona për të cilët nuk ka të dhëna se kanë qenë në vendin e ngjarjes. Gjatë kryerjes së bastisjeve dje në 26 objekte, në një pjesë më të madhe të territorit të Qytetit të Shkupit dhe në aktivitetet në aksionin policor "monstrum", në të cilin morën pjesë mbi 800 pjesëtarë të MPB-së (DSK dhe BSSH), është gjetur një sasi e madhe e armëve, literaturës e cila tregon përkatësinë ideologjike të këtyre personave dhe mjete të tjera, të cilat mund të jenë ose të shfrytëzuara gjatë kryerjes së veprës penale. Në vijim është ekspertiza nëse arma e gjetur është shfrytëzuar në vrasjen e pesëfishtë njofton “ShqipMedia”. VIDEO shkoqitje nga komentet ne indeksonline: Kendi i komenteve: mendje hapuri 02.05.2012 / 16:20 Me duhet te ju them se shqiptaria dhe feja islame nuk bashkejetojne. Shqiptaret ne Maqedoni duhet me iu kthye librit e jo fese sepse shume mbrapa kane mbete me dije.Si shembull po e ilustroj se mjeket me emer jane maqedone sllave, inxhenieret po ashtu etj etj. Ec vetem pak rrugeve te Tetoves dhe do e shohesh orientimin aziatik te shqiptareve ne Maqedoni. Po ju lutem te gjithe shqipetareve te maqedonise qe te fillojne e te dalin para status se Aleksandrit te Madh ne qender te Shkupit se ai eshte i joni e jo sllav. Filloni te silleni si evropian sepse ne azi ka mjaft popullat e nuk na done asnje popull i tyre. Feja eshte mjet i arabeve per shtrirje te interesit se kush ka qene ne shtetet arabe mund te e shohe se si shfrytezohet puntori ( i po te njejtes fe -islame). Vendosni pra ku do te shkojme: Ne evrope apo azi. Xhevati 02.05.2012 / 16:03 Kështu kishte ndodhur shumë më parë kur në APJ në kazermen e Pozharevcit KOS-si vrau një ushtar të Maqedonisë, një të Sllovenisë, një të Kroacisë një të B e H., në të Serbisë një të Malit të Zi dhe për këtë e fajësuan Aziz Kelmendin, shqiptarin nga Lipjani të cilion edhe e vranë. Edhe kjo ngjarje është e ngjashme, sepse ka dalë nga kuzhina e sebo-maqedonëve. E vërteta megjithatë do dalë në shesh. dreni 02.05.2012 / 15:22PROFILI I TE ARRESTUARVE QANI AZIRI 64 vjeç, Shutkë Zdrukthëtar i pensionuar FEJZI AZIRI 50 vjeç, Shutkë Bujk HAKI AZIRI 32 vjeç, Shutkë Shofer kamioni MERVAN MEMETI 32 vjeç, Seravë Pronar i një librarie fetare RAMI XHAVITI 24 vjeç, Haraçinë Automekanik ISNI ASANI 34 vjeç, Haraçinë Taksist XHELAL ZENDELI 26 vjeçar, Gazi Babë I punësuar në firmë private PALLAVRA 02.05.2012 / 15:24KJO ESHTE POLITIKE E SERBIS ,SEPSE NJEHERE THA JANKULLOVSKA SE VRASESIT JANE PROFESIONIST DHE TANI NA DOLEN PLEQ GRA ,DHE BUJQ...KETA PO MUNDOHEN QE T'IA M'VESHIN FAJIN DIKUJT SEPSE NUK PO MUNDEN QE TI FAJESOJNE SHERBIMIN SEKRET SERB PER KETE VEPER. NGRIHUNI SHQIPTAR ,KENI PERKRAHJEN TONE NGA KOSOVA E SHQIPERIA ,JU VETEM FILLONE SEPSE ATJE DO TE JEMI ME JU. ...lajmet tjera: KFOR: S’dimë asgjë për kamion. Zëdhënësi i KFOR-it, Uwe Nowitzki, ka thënë se ai nuk është i informuar që në Mitrovicë ka hyrë një kamion rus, që sipas medieve serbe bartte medikamente. Ai i ka bërë këto komente një ditë pasi ministri i Punëve të Brendshme, Bajram Rexhepi, është shprehur i indinjuar me KFOR-in që ka lejuar futjen e një kamioni nga Serbia, dërgesë nga Rusia, gjoja se bartte barna dedikuar Spitalit të Mitrovicës. “Nuk kam koment. Nuk jam në dijeni për atë kamion. Përndryshe shikoni Rezolutën 1244 dhe aty mundeni me e pa se kush është përgjegjës për kontrollimin e kamionëve. Ne kontrollojmë shumë kamionë brenda ditës, por nëse ministri Bajram Rexhepi e ka përmendur atë kamion, atëherë duhet të pyesni atë, sepse unë nuk di se ka ardhur ndonjë kamion nga Rusia”, ka thënë Nowitzki. Por sipas ministrit Rexhepi, ai kamion mund të ketë pasur edhe armatim brenda. Ndaj Qeveria e Kosovës, ka thënë ai, ka vendosur t’i dërgojë një notë proteste NATO-s pasi që nuk po e respekton marrëveshjen e shtatorit për të mbyllur rrugët alternative në veriun e vendit, nëpërmjet të cilave po zhvillohet kontrabanda. OSBE: Nuk do të ketë zgjedhje lokale serbe. Zëdhënësi i Misionit të OSBE-së në Kosovë, Nikolla Gaon, ka mohuar kategorikisht mundësinë e mbajtjes së zgjedhjeve lokale serbe në lokalitetet ku OSBE-ja organizon zgjedhjet parlamentare dhe presidenciale të Serbisë. Fitou: Qeveria e Kosovës duhet ta propozojë planin për veriun mbi projektin Ahtisaari. Ambasadori francez në Kosovë, Jean François Fitou, të mërkurën në Prizren vlerësoi si zemërgjerësi të Qeverisë kosovare, qëndrimin ndaj zgjedhjeve serbe në veri të vendit, përderisa theksoi se vetë Qeveria e Kosovës apo njerëzit e këtushëm duhet ta propozojë planin për veriun, ndërsa ky projekt gjithsesi duhet mbështetur në idenë e Planit të Presidentit Ahtisaari. Kryeministri i Kosovës, Hashim Thaçi, ka përshëndetur vendimin e Gjykatës së Qarkut të Prishtinës për lirimin si të pafajshëm të komandantit të UÇK-së, deputetit të Kuvendit të Kosovës, Fatmir Limaj dhe bashkëluftëtarëve të tij Naser Krasniqi, Nexhmi Krasniqi dhe Naser Shala. Fatmir Limaj shpallet i pafajshëm. Trupi gjykues i Gjykatës së Qarkut në Prishtinës ka shpallur të pafajshëm të akuzuarit e rastit “Kleçka”, deputetin e Kuvendit të Kosovës, Fatmir Limajn dhe tre bashkëluftëtarëve të tij, Nexhmi Krasniqi, Naser Shala dhe Naser Krasniqi. Sot konferencë statusore për Haradinajn. Tribunali i Hagës sot do të mbajë një konferencë statusore për rastin e ish kreut të UÇK së, Haradinaj Ramush, dhe bashkëpunëtorëve të tij, Idriz Balaj dhe Lahi Brahimaj. Ditë më parë, Prokuroria e Tribunalit të Hagës njoftoi se më 20 prill ka mbyllur çështjen ndaj ish komandantit të UÇK së, Ramush Haradinaj, Lahi Brahimaj dhe Idriz Balaj, sa i përket thirrjes së dëshmitarëve. Me këtë vendim Tribunali i Hagës ka ardhur në përfundim të procesit gjyqësor ndaj ish kryeministrit të Kosovës. Prokuroria e Tribunalit po ashtu njofton se më 2 maj në sallën e gjyqit do të jepen detaje të tjera rreth këtij rasti. Dorëzohet Azem Syla braktis Zvicrën.Azem Syla, i cili përmes bazës së individualitetit ka përfituar mbështetje materiale prej 426 mijë frangash dhe krahas kësaj ka ndërtuar karrierë politike në Kosovë, duhet ta braktisë Zvicrën. Këtë e ka vërtetuar edhe Gjykata Federale, e cila nuk e ka marrë fare në shqyrtim ankesën e Sylës kundër vendimit për dëbim, njofton albinfo.ch. Siç bën të ditur zyra e avokatëve që përfaqëson Azem Sylën, klienti i tyre do të zbatojë vendimin e institucioneve gjegjëse. "Ai, deri më 15 maj do të jetë jashtë Zvicrës", i është thënë gazetës "Solothurner Zeitung" nga kjo zyrë. Sipas gazetës, Syla aktualisht gjendet ende në Zvicër ku po i nënshtrohet marrjes në pyetje nga Prokuroria e Përgjithshme. Ndërkaq, kundër tij është duke u zhvilluar procedura për shkelje të të drejtës së të huajve dhe për abuzim me ndihmat sociale dhe ajoo do të vazhdojë edhe pas kthimit të Sylës në Kosovë. Ndërkohë që ana juridike e çështjes po kristalizohet, problemi ka shkaktuar shumë kokëçarje në strukturat politike e institucionale të komunës Biberist ku ka jetuar Azem Syla dhe në Kantonin e Solothurnit. Institucionet përgjegjëse i hedhin fajin njëri tjetrit për neglizhencën në rastin e dhënies, siç thuhet, pa të drejtë të ndihmave politikanit kosovar. Në këtë shkëmbim akuzash nuk mbetet i paprekur as niveli federal, i cili, sipas gazetës, duhej të mbante në dijeni institucionet kantonale mbi veprimtarinë politike të Sylës jashtë vendit (në Kosovë). Qeveria e Gjermanisë ka marrë vendim për zgjatjen edhe për një vit të mandatit të forcave të armatosura në Kosovë, të cilat ndodhen në përbërje të misionit paqeruajtës KFOR. Avokati i Popullit i akuzon institucionet për “hakmarrje”. Avokati i Popullit, Sami Kurteshi, ka fajësuar institucionet e vendit se ia kanë zvogëluar pagën si veprim hakmarrjeje ndaj reagimeve të fundit që janë bërë në lidhje me pakënaqësitë rreth shumës së pagave të pesë zëvendësve të tij. Zviceranë dhe shqiptarë nga Zvicra ndihmojnë Amsera Rekën. Me iniciativë të Luljeta Bislimit, e cila jeton në Zvicër për dy muaj rresht në shtetin helvetik është organizuar një fushatë humanitare nga e cila janë mbledh 4 005 (katër mijë e pesë franga zvicerane). Faktet bankare për këtë donacion Luljeta Bislimi ia dorëzoi gjyshit të Amsera Rekës, i cili e falënderoi Luljetën për këtë gjest shumë humanitar. Një studim i realizuar së fundmi ka treguar se njerëzit e lumtur i marrin shumë më shpejtë vendimet e logjikshme. Ekspertët pranë Universitetit New Hampshire kanë realizuar një hulumtim për të vërtetuar ‘nëse’ dhe ‘sa’ ndikon disponimi në aftësinë e marrjes së vendimeve. Grykësi institucionale. Nëse do t’u jepeshin paratë, çmimi i një aparati për fotokopje, për Prokurorinë e Shtetit, do të ishte 20 mijë euro. Për kabinetin e Ministrit Enver Hoxhajt janë planifikuar të blihen 260 mijë euro mobile, pa llogaritur edhe 16 mijë të tjera për kompjuterë. Këto janë vetëm disa nga planifikimet e shpenzimeve që në total arrijnë 286 milionë euro, të hartuara nga të gjitha institucionet e vendit vetëm për tre muajt e parë të këtij viti. Rrafsh 260 mijë euro janë parashikuar nga Ministria e Punëve të Jashtme për blerjen e mobileve, vetëm për kabinetin e ministrit Enver Hoxhaj. Për tre muajt e parë të këtij viti, në përgjithësi, pa llogaritur pagat e mëditjet e zyrtarëve të saj, kjo ministri ka bërë plan të harxhojë më shumë se 2 milionë e 200 mijë euro, por prej të cilave në dispozicion i ka pak më shumë se 1 milion euro. Bazuar në raportin zyrtar tremujor të shpenzimit të buxhetit të siguruar nga Express, e të hartuar nga Ministria e Financave, del se aq shumë pajisje teknologjike kishte planifikuar të blejë ky dikaster, sa duket sikur dëshiron t’i bëjë konkurrencë edhe Qendrës Amerikane për Kërkime në Gjithësi. Për tre muaj, përveç parave për mobile të kabinetit Hoxhaj, sërish për të njëjtin kabinet, kjo ministri kishte parashikuar të harxhojë edhe 16 mijë euro të tjera në blerjen e pajisjeve kompjuterike, prej të cilave në dispozicion i ka vetëm 7 mijë e 500 euro. Përveç tyre, MPJ-ja ka menduar sërish të harxhojë edhe 336 mijë e 500 euro për të blerë “pajisje të tjera teknologjike”, por pa treguar se për çfarë bëhet fjalë. Paratë për këtë ajo i ka të zotuara./burimi: express/ ...speciale: Ligj special, Berisha: Prokuroria e BE-së, hetim akuzave të Marty-t Ereniku, e mërkurë, 02 Maj 2012 Tiranë – Qeveria shqiptare miratoi të mërkurën një ligj të veçantë, që synon të lejojë grupin hetimor të EULEX-it për të hetuar në Shqipëri, lidhur me akuzat e ish-senatorit Dick Marty, për trafik organesh në vendin tonë. Duke folur në mbledhjen e sotme të qeverisë, kryeministri Sali Berisha theksoi se ky ligj do të bëjë të mundur një hetim të plotë ndaj akuzave të ngritura nga Marty. “Dua të faktoj që këto akuza shumë të rënda që bëhen për udhëheqjen politike të Kosovës, por dhe për Shqipërinë të zbardhen me vërtetësinë më të madhe. Për këtë, Ministria e Drejtësisë ka bashkëpunuar me ekspertët e EULEX dhe ligji do të bëjë të mundur një hetim të plotë, ndërsa baza ligjore do të japë një mbështetje të fuqishme”, theksoi Berisha. Ndërsa i cilësoi të pavërteta akuzat e ish-senatorit Dick Marty, kryeministri nënvizoi se akuza të tilla nuk janë bërë as në kohën e Sllobodan Millosheviçit. “Ky dokument nuk bazohet në asnjë fakt evident. Dick Marty ka zgjedhur Fushë-Krujën për qëllimet e tij, por hetimi do të nxjerrë të vërtetën”. Ai vuri në dukje se dokumenti dëshmon qartë qëllimet politike dhe ish-senatori Marty është i njohur për qëndrimet e tij antishqiptare. (burimi: LSh) ..nga bota: Strauss Kahn pa imunitet, padi civile kundër tij. Gjykata në Nju York rrëzoi kërkesën e Strauss-Kahn duke i mohuar pretendimin e tij për imunitet, që do të thotë se ndaj tij do të zhvillohet gjyqi për padinë civile që ka ngritur një punonjëse hoteli duke e akuzuar për sulm seksual . - Lajmet - E marte, 01 maj, 2012 Nesër konferencë statusore për Haradinajn Ereniku, 01 maj, 2012 Tribunali i Hagës nesër do të mbajë një konferencë statusore për rastin e ish-kreut të UÇK-së Ramush Haradinaj dhe bashkëpunëtorët e tij, Idriz Balaj dhe Lahi Brahimaj. Kështu ka njoftuar për agjencinë Preshevajone.com, zëdhënësja e Tribunalit, Nerma Jelaçiq. Sipas saj, ndaj ish-kryeministrit të Kosovës dhe dy ish-anëtarët e UÇK-së, Balaj dhe Brahimaj “po zhvillohet rigjykim i parë në historinë e gjykatës së Hagës për krime kundër njerëzimit dhe shkelje të ligjeve ose zakoneve të luftës në Kosovë në vitin 1998”. Zgjedhjet serbe, Daçiç: Grupet shqiptare po planifikojnë sulme Ereniku, 01 maj, 2012 Beograd -Ministri i Punëve të Brendshme i Serbisë, Ivica Daçiç, ka deklaruar se posedon informacione, se siç i ka quajtur ai, “ ekstremistët shqiptarë dhe formacionet paraushtarake kërcënojnë me aksione, që kanë për qëllim pengimin e zgjedhjeve të Serbisë më 6 maj”. Ai iu ka thënë gazetarëve në Beograd se eksiztojnë informacione të shërbimeve serbe dhe të huaja se jo vetëm “Qeveria e Prishtinës, por edhe grupacione të ndryshme ekstreme të shqiptarëve, që nuk janë nën kontrollin e KFOR-it dhe EULEX-it, planfikojnë aksione të caktuara”. Shefi i policisë serbe, ka thënë se këto grupe planifikojnë “sulme fizike ndaj vendvotimeve serbe, konfiskim dhe djegie të materialit zgjedhor, si dhe arrestime e sulme ndaj njerëzve që marrin pjesë në komisionet zgjedhore”. Daçiç ka thënë se për shkak të këtyre aksioneve, KFOR-i e ka forcuar praninë në Kosovë. Ai ka vlerësuar se për Serbinë është sukses i madh, që zgjedhjet në Kosovë do të mbahen sipas ligjeve serbe dhe me ndihmën e OSBE-së. (ereniku,lajmeshqip,REL) Atmosferë feste për 1 Maji. Në Kosovë sot festohet Dita Ndërkombëtare e Punës. Me këtë rast, si edhe në vitet e tjera, shumica e qytetarëve këtë ditë po e kalojnë në parkun e Gërmisë. Protestohet kundër BSPK-së. Lëvizja Studentore për Barazi, Studim, Kritikë dhe Veprim organizoi sot aksion simbolik, përmes së cilës i bënë thirrje BSPK-së që t`i mbrojë më shumë të drejtat e punëtorëve. Ndërkaq, zyrtarë të BSPK-së thanë se punëtorët janë ata të cilët duhet të organizojnë protesta. Kemi një porosi për të gjithë qytetarët që kalojnë këndej pari “shhhhhh, BSPK-ja po flenë”, kështu u protestua. Kjo ishte motoja e aksionit simbolik që Lëvizja Studentore për Barazi, Studim, Kritikë dhe Veprim organizoi para zyrave të Bashkimit të Sindikatave të Pavarura të Kosovës. Si shenjë proteste për mos angazhimin e këtij institucioni për t`i mbrojtur të drejtat e punëtorëve, studentët shkruan në murin e zyrës “BSPK-ja po flenë”, dhe vendosën një kolltuk para hyrjes së zyrave. Kodi i ri Penal, i miratuar nga Kuvendi i Kosovës më 20 prill 2012, në të cilin gjenden edhe dy nene, ai 37 dhe 38, që kriminalizojnë shpifjen dhe detyrojnë gazetarët që të zbulojnë burimet e tyre të informacionit në raste të procedimeve kriminale, ende nuk ka arritur në zyrën e presidentes së Kosovës. Në Universitetin e Prishtinës, disa profesorë japin lëndë të fushave që nuk u takojnë. Kjo bëhet për arsye se ata duhet të plotësojnë normën, që është vendosur nga Universiteti, ku thuhet se një profesorë duhet të ketë tri lëndë në semestrin e parë dhe tri lëndë në semestrin e dytë. Për këtë çështje, Sindikata e Universitetit të Prishtinës, ka shprehu shqetësimin e saj, duke kërkuar nga rektorati, që të bëhen ndryshime. Regjistrohen raste të shtuara nga pickimi i rriqrave. 01 maj, 2012 Në Klinikën Infektive në Prishtinë, regjistrohen raste të shtuara nga pickimi i rriqrave. Ndërkohë, zyrtarë të Institutit Kombëtar të Shëndetit Publik të Kosovës, thonë se janë të përgatitur për trajtim mjekësor të rasteve. Për Institutin Kombëtar të Shëndetit Publik të Kosovës, kjo stinë është serioze ku qytetaret mund të pësojnë nga pickimi i rriqrave, por edhe përgatitjet janë serioze, tha drejtori I INKSH-së Naser Ramadani. “Si çdo vit tjetër INKSH ka bërë të gjitha përgatitjet për tu mbrojtur nga rriqrat dhe pickimet si dhe ethet hemorragjike në rajonin e Malishevës, Suharekës, Therandës, ku tashmë pas luftës thuajse janë zona endemike”, theksoi Ramadani. Sipas tij, diagnostifikimi i hershem pas pickimit, shpëton jetë, andaj INKSH, tani ka arritur në këtë aspekt. “Ne kemi laboratorët qe diagnostimi behet për një dite dhe çdo diagnostim i hershem është një lehtësi për shërim”, theksoi ai. Dr Sali Ahmeti këshillon qytetaret, sidomos ata të zonave më të rrezikuara siç janë: Rahoveci,Theranda,Prizreni dhe Klina, te jenë të kujdesshëm dhe ne rast të pickimit nga rriqrat paraqiten sa me par të mjeku me i afërt. FH: 21 janari dhe gjykimi i Metës, Shqipëria vend me liri të cunguar 01 maj, 2012 Tiranë-Respektimi i lirive civile dhe të drejtave politike në Shqipëri vazhdon të lërë shumë për të dëshiruar. Në raportin e këtij viti të Freedom House, grupit pro demokracisë me seli në SHBA, Shqipëria ka pësuar rënie. Shkak për këtë ishte vrasja e katër protestuesve në protestat e 21 janarit, dhe paanshmëria në gjykimin ndaj ish zëvendëskryeministrit Ilir Meta. Por edhe procesi elektoral me të meta i zgjedhjeve të majit ka ndikuar negativisht në gjykimin e Shqipërisë. ..SPORT: Katar-Shqipëri, miqësore me 22 maj 2012 01 maj, 2012 Kombëtarja shqiptare e futbollit do të ketë mundësinë të luajë një miqësore në muajin maj, pasi më në fund nga FSHF është konfirmuar që është gjetur akordi për të luajtur një ndeshje. Kuqezinjtë e drejtuar nga Xhani de Biasi do të vihen përballë përfaqësueses së Katarit, në një takim që është planifikuar që të luhet ne Madrid, me datë 22 maj. FSHF kërkonte prej kohësh një kundërshtar për miqësoren por pasi kanë dështuar marrëveshje të njëpasnjëshme me ekipet evropiane, sytë janë kthyer te kombëtaret e Lindjes së Mesme, të cilat përveç të tjerave paguajnë shuma relativisht të mëdha për të luajtur me skuadra evropiane. Si rrjedhojë, Katari, organizator i Botërorit 2022, ka pranuar menjëherë të luajë me përfaqësuesen tonë në një ndeshje e cila shihet si shumë e rëndësishme pasi trajneri i tyre i sapozgjedhur, Paulo Autuori do të shohë gjendjen e futbollistëve të tij. Ndërkohë, kjo do të jetë një mundësi shumë e mirë e Xhani De Biasit për të parë edhe një herë nga afër shumë kandidatë për kombëtaren shqiptare të futbollit, pasi deri tani ka zhvilluar vetëm një takim në drejtimin e përfaqësueses kuqezi, humbjen 2-1 në Gjeorgji ndaj ekipit vendas. Kombëtarja shqiptare ka në program edhe një tjetër miqësore në muajin gusht kur do të vihet përballë ekipit të Moldavisë. - Lajmet - E hënë, 30 prill, 2012 ...shkurt e trup: Fule: I zhgënjyer për moszbatimin e marrëveshjes Serbi-Kosovë. Komisoneri për çështje zgjerimi pranoi se kjo marrëveshje i mundësoi Serbisë marrjen e statusit të kandidatit. Mungesa e vullnetit për implementim të marrëveshjes, sipas tij, do ketë vetëm pasoja negative në aspiratat e Serbisë për integrime evropiane. Rusia përkujdeset për furnizimin e spitalit në veri të Mitrovicës. Të hënën me aparaturë dhe barna të ndryshme nga Rusia të cilat kanë hyrë në Kosovë me një kamion, vlera e të cilave thuhet të jetë rreth 200 mijë euro. Serbët në Mal të Zi kërkojnë flamur të popullit, shqiptarët thonë se kjo nuk i pengon. Opozita serbe ka kushtëzuar përkrahjen e ndryshimeve dhe plotësimeve të Kushtetutës, me ndryshimin e simboleve shtetërore, duke kërkuar që flamuri trengjyrësh të jetë flamur i popullit, shkurtimin e tekstit të himnit dhe shpalljen e gjuhës serbe gjuhë zyrtare. Presidentja e Republikës së Kosovës, Atifete Jahjaga ka mirëpritur vendimin e Bordit Ekzekutiv të Fondit Monetar Ndërkombëtar (FMN) për aprovimin e Marrëveshjes së re Stand-By me Kosovën. Thaçi e Rassmusen kanë biseduar për sigurinë në Kosovë. Kryeministri i Republikës së Kosovës, Hashim Thaçi ka zhvilluar sot një bisedë telefonike me Sekretarin e Përgjithshëm të NATO-s, Anders Fogh Rasmussen. “Në këtë bashkëbisedim Thaçi dhe Rasmussen kanë biseduar për gjendjen e sigurisë në Kosovë dhe rajon, për mbështetjen e vazhdueshme të NATO-s për forcimin e sundimit të rendit dhe ligjit në tërë territorin e Kosovës dhe për tema tjera”, njofton Qeveria. Qeveria: Vendim i OSBE-së është i bazuar në parimet dhe vlerat evropiane. Qeveria e Republikës së Kosovës mirëpret vendimin e OSBE-së për lehtësimin e votimit për qytetarët serbë me shtetësi të dyfishtë, në zgjedhjet e 6 majit. Gjatë kësaj dite do të hapen qendra mobile votimi, do të ketë vetëm simbole të OSBE-së, ndërsa numërimi do të bëhet jashtë territorit të shtetit të Kosovës, në mungesë aktuale të Ambasadës së Serbisë në Republikën e Kosovës, dhe anasjelltas. Në 13-vjetorin e rënies së komandantit të Ushtrisë Çlirimtare të Kosovës, heroit Ilaz Kodra, në Prekaz të Skenderajt është bërë inaugurimi i Kullës dhe zbulimi i bustit të tij. Një grup mërgimtarësh nga Kosova që jetojnë në Zvicër janë organizuar për të mbledh ndihma për familjen e Selver Haradinajt të vrarë me 8 prill në banesën e tij në veri të Mitrovicës. Duke mos parë ndonjë shpresë nga zgjedhjet, një bujk ferizajas në vend të votës, të dielën mbolli patate. Një punëtor i KEK-ut në Skenderaj, N. Kabashi (1981), ka mbetur i vdekur në vend pas kontaktit me energjinë elektrike, derisa po tentonte të rregullonte një defekt në një shtyllë në fshatin Polac, ndërsa i ndjeri në momentin e aksidentit ndodhej jashtë detyrës së tij zyrtare. - Lajmet - E dielë, 29 prill, 2012 Turqia ia dhuron 10 milion euro Serbisë E dielë, 29 prill 2012 Turqia ia dhuroi Serbisë 10 milion euro për projektin e aeroportit civil në Kraljev. Ambasadori tuk në Beograd, Ali Riza Colak dhe ministri i Brendshëm serb, Dragan Sutanovaç kanë firmosur marrëveshjen e donacionit këtë të diel. Paratë do të përdoren për të riparuar aeroportin e Moravës në jug të Serbisë. Sutanoçak falënderoi Turqinë për mbështetjen dhe tha se rreth dy milion do të kenë mundësi të udhëtojnë në mënyrë moderne pas riparimit të aeroportit. Ambasadori Colak tha se projekti është simbol i marrëdhënieve mes Turqisë dhe Serbisë, duke shtuar se të tilla projekte do të ketë edhe në të ardhmen ku parashikohet që investimet turke të rriten. /shekulli,fs/ Nju Jork: Vatra, 100 vjet në shërbim të kombit Ereniku, New York, 29 prill 2012 Në një nga hotelet e njohura në Manhattan, The Helmsley Park Lane, dje më 28 prill u zhvillua Konferenca Shkencore “Federata Pan-shqiptare e Amerikës ”VATRA, 100 vjet në shërbim të Kombit”. Në konferencë paraqitën kumtesa studiues të njohur të botës akademike shqiptare, të cilët me analizat e tyre ritheksuan rolin e kësaj federate që nga arritja e saj thelbësore, themelimi i shtetit shqiptar, deri në këtë 100 vjetor. Shqiptarët në New York vazhdojnë festimet me rastin e 100 vjetorit të krijimit të federatës Vatra. Mes tyre ndodhen këto ditë shqiptarë nga të gjitha anët e Amerikës por edhe nga Shqipëria, Kosova, Maqedonia, Mal i Zi e Lugina e Preshevës. Në konferencën shkencore dje, që zgjati thuajse gjithë ditë, morën pjesë ose përshëndetën edhe kryeministri i Shqipërise, Sali Berisha, nën kryeministrja e Maqedonisë, Teuta Arifi, ministri i Kosovës për diasporën Ibrahim Makolli, përfaqësues të arbëreshëve të Italisë dhe udhëheqës nga të katër besimet fetare. I pranishëm ndodhej gjithashtu ambasadori amerikan në Shqipëri, Aleksander Arvizu. Kisha Ortodokse e Rusisë gati të dërgojë përfaqësuesin e saj në Kosovë E dielë, 29 prill 2012 Kisha Ortodokse e Rusisë është gati të dërgojë në Kosovë peshkopin e saj. Një gjë të tillë ka deklaruar kreu për marrëdhëniet me jashtë në departamentin e patriarkut të Moskës. “Ne e mbështesim një ide të tillë dhe ashtu siç kemi thënë edhe më parë, jemi gati të dërgojmë përfaqësuesin tonë në Kosovë”, ka thënë peshkomi Hilarion. Sipas tij është situata në Kosovë është e komplikuar pasi disa manastire janë në territorin e shqiptarëve të Kosovës, të cilët janë armiq të Serbisë, popullit të saj dhe kishës. “Çdo manastir ka rëndësinë e vet sa i takon sigurisë, sepse nuk është vetëm e rëndësishme për të mbrojtur trashëgiminë kulturore por edhe për edhe për të mbajtur murgj atje. Po bashkëpunojmë me Kishën Ortodokse të Serbisë, për të mbrojtur prezencën Ortodokse në krahinën e Kosovës dhe për të mbrojtur manastiret e mrekullueshme atje”, ka shtuar peshkopi Hilarion Alfeyev. /shekulli,fs/ Terror në Athinë, një shqiptar tërhiqet zvarrë ndërsa një tjetër vritet me armë E dielë, 29 prill 2012 Një 58-vjeçar shqiptar është masakruar duke u tërhequr zvarrë nga një makinë me targa greke. Ngjarja ka ndodhur në kryeqytetin Helen sot rreth orës 8 të mëngjesit në rrugën “Sevastoupoleos 22″, bëjnë të ditur për “Shekullin” burime nga Athina. Sipas të dhënave paraprake, të bëra publike edhe nga policia e Athinës, një shofer ende i pa identifikuar, tërhoqi zvarrë me makinë dhe plagosi rëndë një 58-vjeçar shqiptar. Kjo solli irritimin e bashkëkombësve të tij, të cilët iu vërsulën shoferit duke u përleshur me të. Për t’iu shmangur turmës, shoferi largohet menjëherë, por rikthehet përsëri, këtë herë me një armë zjarri tip pistoletë, duke qëlluar drejt të pranishmëve pa dallim. Si rezultat i sulmit gjeti vdekjen një 53-vjeçar nga Shqipëria dhe një pakistanez 35-vjeç mbeti i plagosur rëndë pas një plumbi të marrë në këmbë. Si 53-vjeçari shqiptar po ashtu dhe 35-vjeçari nga Pakistani u transferuan menjëherë për në spitalin e “Evagjelismos” të Athinës, ku dhe u vërtetua nga mjekët vdekja e 53-vjeçarit shqiptar, ndërsa 35-vjeçari nga Pakistani ndodhet jashtë rrezikut për jetën. Në vendngjarje kanë mbërritur efektivë të policisë, si dhe inspektorë të kriminalistikës të cilët po punojnë për zbardhjen shkaqeve të këtij incidenti të rëndë dhe për arrestimin e autorit. /Shekulli/ Kryeministri kanadez: Të mësojmë nga besa e shqiptarëve. “Kemi shumë për të mësuar nga shembulli i shqiptarëve...BESA” E dielë, 29 prill 2012 “Kemi shumë për të mësuar nga shembulli i tyre”, kështu është shprehur kryeministri i Kanadasë, Stephen Harper, në fjalën e tij mbajtur në një ceremoni përkujtimore të Holokaustit. “Pas pushtimit nazist në 1943, shqiptarët refuzuan të japin listën e hebrenjve që hynë në kufirin e tyre. Ata u dhanë hebrenjve dokumente false, në mënyrë që t’i ndihmonin për t’iu shmangur zbulimit. Ky vend nuk mbrojti vetëm qytetarët e vet hebrenj; ata mirëpritën një numër të madh refugjatësh hebrenj që erdhën nga vendet fqinje. Rezultati ishte, se thuajse të gjithë ata u shpëtuan”, është shprehur Harper. Kryeministri kanadez më tej ka vënë theksin se “besa” e shqiptarëve duke thënë se ajo është kodit etik më i lartë në Shqipëri. Cila është arsye për këtë shembull madhështor? Është besa, kodi i nderit, kodi më i lartë etik në Shqipëri. Besa germë për germë do të thotë ‘të mbash premtimin’”, ka nënvizuar Harper. Ceremonia e ditës përkujtimore ndaj Holokaustit u mbajt në Muzeun e Luftës në Otava, ku u prezantuar dhe një ekspozitë kushtuar shqiptarëve myslimanë të cilët shpëtuar hebrenjtë gjatë pushtimit nazist. Ndërkohë, Kanadanë me 10 dhe 11 maj pritet ta vizitojë zv.kryeministri dhe ministri i Jashtëm, Edmond Haxhinasto, vizitë e cila do të zhvillohet me ftesë së homologut të tij kanadez, John Baird. Gjatë këtij takimi mes tyre pritet të diskutohen çështje politike. /The Canadian Jewish news/ OSBE organizon zgjedhjet serbe në Kosovë E dielë, 29 prill 2012 Duke anashkaluar institucionet e Kosovës, misioni ndërkombëtar në Kosovë, OSBE, ka bërë marrëveshje direkte me Qeverinë e Serbisë për mbajtjen e zgjedhjeve parlamentare serbe në Kosovë. Arritjen e kësaj marrëveshjeje e kanë konfirmuar burime ndërkombëtare të Zërit, sipas të cilave burime kjo marrëveshje është bërë në mes të Qeverisë së Serbisë dhe OSBE-së, të shtunën. "OSBE do të organizojë zgjedhjet parlamentare serbe në Kosovë. Marrëveshja është arritur të shtunën mes OSBE së dhe Qeverisë së Serbisë", tregojnë këto burime. Arritjen e kësaj marrëveshjeje e ka konfirmuar edhe i ashtuquajturi ministër për Kosovë në Qeverinë e Serbisë, Goran Bogdanovic. "Po, është e vërtetë. Sot kemi arritur marrëveshje me OSBE-në. Ata do të merren me organizimin e zgjedhjeve parlamentare dhe presidenciale në Kosovë. Kaq mund të them për momentin", tha Bogdanovic./zeri/ Daçiq: Përkundër kërcënimeve, zgjedhjet në Kosovë sipas ligjeve serbe E dielë, 29 prill 2012 Zëvendëskryeministri dhe ministri serb i Punëve të brendshme Ivica Daçiq ka deklaruar sot se për Serbinë është sukses i madh që zgjedhjet në Kosovë do të mbahen sipas ligjeve serbe me ndihmën e OSBE-së Ai ka përsëritur se ka informata se ekstremistë shqiptarë dhe formacionet paraushtarake kërcënojnë me aksione me qëllim pengimit të zgjedhjeve, njoftojnë medie serbe. Daçiq konsideron se aktivitetet e ekstremistëve nuk zhvillohen pa përkrahje të autoriteteve të Kosovës, ndërsa ka thënë se "mbajtja e zgjedhjeve me përkrahjen e OSBE-së e sipas ligjeve serbe dhe Rezolutës 1244 të KB-së për ne është një sukses i madh, madje ndoshta arritja më e madhe në këto zgjedhje kur bëhet fjalë për Kosovën"./koha/ Daçiq: Janë planifikuar sulme fizike në vendvotime në Kosovë E dielë, 29 prill 2012 Shërbime serbe dhe të jashtme të sigurimit kanë informacione për përgatitjen e aksioneve për pengimin e zgjedhjeve në Kosovë, ka deklaruar Ivca Daçiq, ministër e Brendshën serb, raportojnë mediat serbe. Daçiq iu ka thënë gazetarëve në Beograd se janë planifikuar sulme fizike në vendvotime në Kosovë, konfiskim i materialit zgjedhor si dhe arrestime dhe sulme mbi njerëzit të cilët marrin pjesë në këshillat zgjedhore. "Ekzistojnë informata të cilat nuk janë vetëm tonat, por edhe të shërbimeve të jashtme, se jo vetëm autoritetet e Prishtinës, por edhe grupacione të ndryshme, të cilat assesi nuk mund të radhiten në grupacionet të cilat kanë ndonjë kontroll nga EULEX-i dhe KFOR-i, se po përgatisin aksione të caktuara për pengimin e zgjedhjeve në Kosovë”, ka thënë Daçiq, raporton gazeta serbe “Blic”. Ai ka theksuar se për këtë arsye është me rëndësi që të arrihet marrëveshja me bashkësinë ndërkombëtare për mbajtjen e zgjedhjeve në Kosovë. Sipas Daçiq, sulmet po i planifikojnë ekstremistët nga Kosova, të cilët janë në organizatat ekstreme politike dhe në formacione të ndryshme paraushtarake, të cilat, siç tha ai, gjithnjë mbahen diku në rezervë. "Kjo sigurisht nuk bëhet pa dijeninë e zyrtarëve të Prishtinës”, ka thënë kryepolici serb./koha/ Pa koordintor për Veriun? E dielë, 29 prill 2012 Qeveria e Kosovës ende nuk e ka gjetur dikë që do ta zëvendësojë Ylber Hysën në postin e koordinatorit për Veriun. Burime të Expressit thonë se ka shanse që ekzekutivi të mos emërojë fare koordinator të ri. Por zyrtarë të Qeverisë thonë se megjithatë fjalën e fundit për këtë do ta thotë Kryeministri Thaçi. Ylber Hysa, në fund të shkurtit të vitit 2010 ishte emëruar koordinator i Qeverisë së Kosovës për integrimin e Veriut. Menjëherë pasi pati marrë detyrën, ai kishte thënë se misioni i tij mund të ketë sukses, për të zbatuar strategjinë e Qeverisë për Veriun. Por dy vjet më vonë, pjesa mbi lumin Ibër në Mitrovicë vazhdon të funksionojë jashtë Kushtetutës dhe ligjeve të Kosovës. “Të gjithë ata që janë disfatistë dhe që tash i kanë çuar duart përpjetë, besoj që nuk janë pjesë e kësaj strategjie”, kishte thënë Hysa, për Express. Por, ish-Nënkryetari i ORA’s nuk e çoi deri në fund misionin që i ishte ngarkuar - integrimin e pjesës veriore në sistemin ligjor dhe kushtetues të Kosovës. Ylber Hysa, prej të mërkurës, është emëruar në detyrën e re, si ambasador i Kosovës në Maqedoni. Gjatë mandatit të tij, përpos disa takimeve që ka pasur dhe hartimit të disa raporteve, puna e tij nuk ka dhënë rezultate. Qeveria e Kosovës ende nuk ka gjetur një zëvendësim për këtë detyrë. Zëvendëskryeministri Hajredin Kuçi ka thënë se nuk e di, nëse do të ketë koordinator të ri, sikurse nuk e di nëse do të ketë edhe strategji të re për Veriun. “Kryeministri vendos këtë”, ka qenë përgjigjja e Hajredin Kuçit. Edhe pse kohë më parë Kuçi kishte thënë se njeriu që pritet të emërohet në postin e koordinatorit të ri duhet të jetë i pranueshëm për serbët lokalë. Presidentja: Riformulojini nenet E dielë, 29 prill 2012 Presidentja e Kosovës, Atifete Jahjaga ka vendosur t’ia kthejë Kuvendit nenet të cilat kanë të bëjnë me përgjegjësinë e mediave. Presidentja ka përgatitur shkresën me të cilën do ta arsyetojë kthimin e Kodit Penal, duke kërkuar riformulimin e neneve 37 dhe 38, por jo edhe heqjen e tyre. Atifete Jahjaga e ka të qartë se çka do të bëje më Kodin Penal, në të cilin janë kontestuar nenet 37 dhe 38 që kanë të bëjnë me përgjegjësinë e gazetarëve. Sipas burimeve të Expressit, Presidentja gjatë javës së ardhshme do t`ia kthejë Kuvendit Kodin Penal dhe do të kërkojë riformulimin e dy neneve të kontestuara. “Presidentja nuk do të kërkojë heqjen e tërësishme të neneve 37 dhe 38. Përgjigjja e Jahjagës është që ato nene të riformulohen”, ka thënë një zyrtari i Presidencës, pa dashur t`i përmendet emri. Ndryshe, Presidentja gjatë javës së kaluar ka takuar përfaqësuesit e gazetarëve, të cilët i kanë kërkuar të rikthejë Kodin Penal në Kuvend. Por, nuk janë vetëm gazetarët që kanë bërë presion mbi Presidenten. Zyrtarë të Presidencës kanë thënë se edhe përfaqësuesit ndërkombëtarë në Kosovë i kanë kërkuar Jahjagës që të rikthejë Kodin në Parlament dhe të kërkojë qartësimin e neneve që kanë të bëjnë me mediat./express/ Kuçi; E kam seriozisht E dielë, 29 prill 2012 Hajredin Kuçi e ka përnjëmend punën e dorëheqjes nëse nenet që cenojnë median hyjnë në fuqi. Thotë se nuk po e bën këtë për ndonjë përfitim, por vetëm për faktin se nuk dëshiron të mbahet në mend si kufizues i lirisë së gazetarëve. Për paralajmërimin që ka bërë, pohon se e ka edhe mbështetjen e Kryeministrit. Por ai beson se Presidentja nuk do t’i mbështesë këto nene. Në të kundërtën, Kuçi jep dorëheqje nga Qeveria. ...extra: Zidane i dhuron Shqipërisë një milion franga Futbollisti i njohur, Zinedin Zidane, ka vendosur t’i dhurojë Shqipërisë një milion franga, pasi ai e konsideron vendin tonë një nga vendet më të varfra në Europë. Zinedin Zidane prej disa vitesh është emëruar si ambasador i parë i OKB-së në fushatën kundër varfërisë. “Shqipëria di që është vendi më i varfër në Europë dhe po vazhdon të vuajë nga varfëria. Kjo ishte arsyeja jonë në misionin për të ndihmuar arsimin shqiptar dhe të fëmijëve të të gjithë rajonit, si pjesë e Europës”, tha Zidane. Gjatë një interviste për gazetën “Shqip”, ai është pyetur nëse e njeh Kosovën dhe ja si është përgjigjur ambasadori i parë i OKB-së: “Sigurisht që po, kush është ai që nuk e njeh sot Kosovën, e cila këto vitet e fundit ishte në epiqendër të mediave botërore, pasi regjimi serb ushtronte një terror të paparë kundër popullatës civile të pambrojtur në rajon. Sot, falë komunitetit ndërkombëtar, shqiptarët e Kosovës jetojnë të çliruar, të pa diskriminuar, pa dhunë, pa spastrime etnike, pa brenga. Pra në liri, demokraci dhe në pavarësinë e tyre” është shprehur futbollisti francez. Zidane ka treguar se futbollistët shqiptarë janë teknikë dhe të shkathët, por në Shqipëri nuk ka kushte për zhvillimin e sportit. “Mendoj se perspektiva e një sporti, sado që të jesh i aftë e i shkathët, varet edhe nga kushtet dhe zhvillimi ekonomik e shoqëror i atij vendi. Fatkeqësisht në Shqipëri, këto kushte ende mungojnë. Kjo bën që të mos kemi një sport apo futboll të mirëfilltë, përkundër talenteve dhe shkathtësive të të rinjve shqiptarë si në Shqipëri, po ashtu edhe në Kosovë”, thotë Zidane. - Lajmet - E premte, 27 prill, 2012 Në Kosovë shënohet Dita Kombëtare e të pagjeturëve 27 prill, 2012 Me shumë aktivitete sot në Kosovë shënohet 27 prilli Dita Kombëtare e të pagjeturëve. Me këtë rast në Meje të Gjakovës, ku është kryer masakra më e madhe e paramiltarëve serbë ndaj civilëve shqiptarë, mbahet një akademi përkujtimore. Akademia mbahet nën përkujdesjen e kryeministrit të Kosovës, Hashim Thaçi. Po sot do të vendoset edhe gur-themeli i Kompleksit Memorial “27 Prill 1999 Është gjetur i vetëvarur publicisti Ardian Klosi 27 prill, 2012 Në orët e para të mëngjesit të sotëm është gjendur i vetëvarur në banesën e tij në Tiranë publicisti i njohur, Ardian Klosi. Ende nuk dihen shkaqet, ndërkohë që bëhet e ditur se ai kishte tentuar dhe më parë të vetëvritet. Klosi prej disa kohësh kishte shfaqur shenja depresioni. Policia e Tiranës ka dalë në në vendgjarje për të kryer procedurat dhe hetimet e nevojshme ..me hapur nga tch: Publicisti, përkthyesi dhe mendimtari i njohur, Ardian Klosi, u gjet i vetvarur në orët e vona të së enjtes në banesën e tij në Tiranë. 55-vjeçari alarmoi të afërmit duke mos u përgjigjur për disa orë me radhë në telefon dhe pas hyrjes në banesë, policia mundi vetëm të konstatonte vdekjen e tij. Klosi vuante prej disa kohësh nga një gjendje e rënduar psikologjike dhe kishte tentuar të vriste veten edhe më parë, nëpërmjet helmimit me ilaçe. Kjo tentativë kishte bërë që publicisti të shtrohej për një periudhë të shkurtër në spitalin psikiatrik, ku mori një trajtim kundër depresionit, me sa duket pa rezultate të frytshme. 55-vjeçari, njëkohësisht autor i disa librave dhe përkthyes i literaturës gjermane në shqip, lë pas gruan e tij gjermane, Jutta Benzenberg dhe dy fëmijë. Topi ngushëllime familjes Presidenti i Republikës Bamir Topi shprehu ngushëllimet për ndarjen nga jeta në mënyrë të parakohshme të përkthyesit, kritikut letrar, publicistit dhe aktivistit të shquar, Ardian Klosi. “Të nderuar familjarë të të ndjerit Ardian Klosi! Më lejoni të ndaj me ju dhimbjen dhe hidhërimin për ndarjen nga jeta në mënyrë tragjike të Ardianit! Largimi i parakohshëm nga kjo jetë i shkrimtarit, analistit letrar, përkthyesit, publicistit dhe aktivistit të njohur publik të shoqërisë civile, është një humbje e madhe dhe e pazëvendësueshme për ju - familjen e të afërmit, por edhe për mbarë shoqërinë tonë, e cila sot më tepër se kurrë ka nevojë për intelektualë të mirëfilltë dhe zëra të pavarur e të guximshëm që marrin përsipër të kryejnë misione altruiste në të mirë të qytetarëve shqiptarë", thuhet në mesazhin e Presidentit. Kush ishte Ardian Klosi? Ardian Klosi ishte publicist, shkrimtar, përkthyes, aktivist i shoqërisë civile dhe mendimtar i njohur. Klosi lindi në vitin 1957 dhe u diplomua në vitin 1981 në degën Gjuhë-Letërsi në Universitetin e Tiranës. Më pas, në vitin 1990 mbrojti me sukses studimet doktorale. Në vitet e para të demokracisë, në 1993, ai u transferua ne Gjermani ku jetoi pesë vite. Atje Klosi u njoh me fotografen Jutta Benzenberg e cila do të bëhej edhe bashkëshortja e tij. Nga kjo martesë Klosi pati dy vajza. Pas 1998-s, Klosi u rikthye në atdhe, dhe nga ajo kohë u angazhua fuqishëm në aktivitetet e shoqërisë civile, në botën e letrave dhe të mendimit. Vitet e fundit të jetës publicisti Klosi u shfaq edhe si ambientalist. Ai dha një mbështetje të madhe kauzave të shoqërisë civile edhe sa i përket mbrojtjes së trashëgimisë kulturore, ku vecojmë aktivizimin e zotit Klosi kundër shembjes së piramidës. Veprimtaria e Ardian Klosit është e lidhur vecanërisht me librat. Krijimtaria e tij është shumë e pasur dhe midis librave të ndryshëm, veçohen “Refleksione” , “Shqipëria, zgjim i dhunshëm”, “Quo vadis Shqipëri” dhe “Shqipëria ç’mund të jetë”. Ai gjithashtu publikoi vepra në gjermanisht, si “Mbijetesë Shqiptare” dhe botoi fjalorin gjermanisht-shqip, në bashkëpunim me disa autorë të tjerë, në vitin 1997. Një kontribut të madh Klosi ka dhënë edhe në fushën e përkthimit. Për punën e tij në këtë aspekt Klosi është vlerësuar disa herë me cmime si përkthyesi më i mirë. Në vitin 2008 me përkthimin e veprës “Skënderbeu” të studiuesit Oliver Jens Schmitt, Ardian Klosi solli një imazh të ri të Heroit Kombëtar dhe ngjalli shumë debate në opinionin publik. Në vitet e fundit, Klosi kishte formuar një profil të njohur si një opinionist dhe mendimtar i temave politike dhe sociale në vend, duke u shndërrua në një figurë mediatike të njohur për publikun shqiptar. - Lajmet - E enjte, 26 prill, 2012 Implementimi i Pakos së Ahtisarit agjenda e vetme për veriun 26 prill, 2012 Implementimi i Pakos së Ahtisarit është agjenda e vetme që ka Qeveria e Republikës së Kosovës për veriun.Kështu u shpreh ministri i Punëve të Jashtë të Kosovës Enver Hoxhaj, pas takimit që pati më zëvendëskryeministrin e Republikës së Maqedonisë Musa Xhaferin. Ndërsa, Xhaveri tha se nëse Mitrovica do të kishte status special atëherë kostoja e sajë do të jetë shumë e lartë. KFOR-i nuk garanton sigurinë e zgjedhjeve serbe 26 prill, 2012 KFOR-i i ka kthyer përgjigje negative serbëve të veriut lidhur me sigurimin e votimeve në zgjedhjet e 6 majit. Zëdhënësi i KFOR-it, Uve Novicki, ka thënë se kërkesa e serbëve të veriut që KFOR-i t’u mundësojë daljen në zgjedhje më 6 maj, është dërguar në adresë të gabuar. “Nuk është në kompetencën tonë të përcjellim zgjedhjet. Misioni ynë është të sigurojmë mjedis të qetë dhe liri të lëvizjes. Kjo është detyra jonë”, ka thënë Novicki. Trupat austriake nesër zbarkojnë në Kosovë 26 prill, 2012 Grupi i parë i ushtarëve austriak nga Forcat rezerve operative që ka kërkuar KFOR për përforcim nesër do të zbarkojë në Kosovë. Mihael Bauer, zëdhënës i Ministrisë së Mbrojtjes deklaroi se kontigjenti përbëhet prej 125 ushtarëve, që do të mbështesin forcat e KFOR-it. Misioni i tyre nis nga 1 maji, ndërsa ato do të qëndrojë për rreth tetë javë, por kohëzgjatja e pranisë së tyre do të vlerësohet në të ardhmen e afërt, varësisht nga situata e sigurisë. Komandanti i KFOR, gjenerali Erhard Drevs ka kërkuar përforcimet për shkak të zgjedhjeve serbe dhe tensioneve të fundit në veriun e Kosovës. Forcat shtesë austriake dhe ato gjermane që mbërritën dje në Kosovë do të rrisin praninë e KFOR-it në 6200 ushtarë nga 29 shtete të botës. EULEX-i të ndihmojë, jo të ndërhyjë 26 prill, 2012 Presidenti i Parlamentit Evropian, Martin Schultz, ka thënë se EULEX-i nuk duhet të ndërmarrë rolin e një policie mbi-kombëtare, duke ndërhyrë drejtpërdrejt në çështjet e brendshme të Kosovës. AI: Koha që t’iu jepet prioritet krimeve të luftës 26 prill, 2012 Amnesty International ka publikuar raportin e ri “Kosova: Koha që EULEX-i t’iu japë prioritet krimeve të luftës”. Organizata konsideron se misioni evropian për sundimin e ligjit në Kosovë duhet të adresojë në mënyrë efektive mosndëshkimin e vazhdueshëm të krimeve në shtetin e ri. Raporti thekson se kudo në Ballkan, mosndëshkimi i krimeve të luftës mbetet një nga shqetësimet më serioze të të drejtave të njeriut. Në Kosovë, mosndëshkueshmëria vazhdon “për krime lufte të kryera nga të dyja palët në konfliktin e armatosur të vitit 1999”. “Vetëm disa policë serbë, forca militare dhe paramilitare, përgjegjëse për krime lufte kundër shqiptarëve kosovarë, janë sjellë para drejtësisë. Megjithatë, edhe më pak anëtarë të Ushtrisë Çlirimtare të Kosovës, përgjegjës për krime lufte kundër serbëve kosovarë, romëve dhe anëtarëve të komuniteteve të tjera pakicë, janë ndjekur penalisht apo janë dënuar”, thuhet në raportin e Amnesty International. Një grup i opozitës siriane premton njohjen e Kosovës 26 prill, 2012 Ministri i Jashtëm i Kosovës, Enver Hoxhaj, ka pritur në një takim disa përfaqësues të opozitës siriane. Udhëheqësi i delegacionit, Amar Abduhamid, aktivist pro demokracisë, tha se nëse opozita do të qeverisë me Sirinë, kjo e fundit shumë shpejt do ta njohë pavarësinë e Kosovës. Grupi sirian ka qëndruar sot në Kosovë me ftesë të Klubit për Politikë të Jashtme. Reforma zgjedhore, Kuvendi shtyn afatin deri më 15 maj 26 prill, 2012 Tiranë – Kuvendi vendosi të enjten të shtyjë deri më 15 maj mandatin e komisionit të posaçëm parlamentar për reformën zgjedhore. Kryetarja e Kuvendit, Jozefina Topalli, tha se me kërkesë të dy bashkëkryetarëve të komisionit, Ilir Rusmali (PD) dhe Damian Gjiknuri (PS), është kërkuar shtyrja dhe me dy javë e punës së këtij komisioni, i ngritur me vendim të Kuvendit më 17 nëntor, me qëllim amendimin e kodit zgjedhor në bazë të rekomandimeve të OSBE/ODIHR. Ky është mandati i dytë shtesë në veprimtarinë e këtij komisioni, i cili deri tani ka miratuar me konsensus një sërë amendamentesh, si ato që lidhen me përfshirjen e grave në listat zgjedhore në masën 30%; financimin e partive politike në fushatat zgjedhore; ashpërsimin e sanksioneve për komisionerët që dëmtojnë procesin, numërimin elektronik, ndryshimet e dispozitave për listat e zgjedhësve, etj. Nga 1 maji stop importit me adresë “UNMIK/Kosovo 26 prill, 2012 Komuniteti i biznesit pajtohet me Ministrinë e Tregtisë dhe Industrisë për ndalimin e importeve UNMIK/Kosova, por kërkon prolongim për stoqet e brendshme. Emërtimi UNMIK/Kosova akoma po aplikohet me rastin e importimit të produkteve nga shtetet fqinje, e në veçanti të produkteve nga Serbia. Kryeinspektori i Tregut, Ruzhdi Shehu, i ka informuar bizneset se MTI që nga data 1 Maj, 2012 do të filloj ndalimin e importimit të produkteve të cilat në tiketat mbi deklaracionin e mallit bartin në vete mbishkrimin UNMIK/Kosova, dhe se në këto deklaracione duhet të vendoset emërtimi zyrtar i shtetit-Kosova, konform dispozitave ligjore të parapara me ligjet në fuqi, Ligjit mbi Tregtinë e Brendshme dhe Ligjit mbi Konsumatorin. Gjithashtu, etiketat e deklaratës së prodhimeve duhet të jenë të shkruara në gjuhën zyrtare dhe në to duhet të figuroj dhe emri i importuesit apo distributorit për Kosovë. Nën organizimin e Odës Ekonomike, në takim prezantuan përfaqësues të bizneseve si: Buçaj, Kosmonte Foods, Delfini, Migros, Passable, etj. Bizneset e kanë përshëndetur një hap të tillë, mirëpo kanë kërkuar mirëkuptim nga ana e MTI-së sa i përket produkteve të cilat gjenden në stoqe dhe tregun e brendshëm. Ata kanë kërkuar që për këto produkte të jepet një afat shtesë tre muaj, në mënyrë që të sigurohet vendosja e tiketave me përmirësimet plotësuese tek të gjitha produktet që gjenden në qarkullimin e brendshëm. Thaçi dhe Ahmeti nuk u paraqitën në gjykatë për dosjet 26 prill, 2012 Liderët e dy partive shqiptare Ali Ahmeti i BDI-së dhe Menduh Thaçi i PDSH-së, sot nuk janë paraqitur në gjykatën penale të Shkupit lidhur me rastin e dosjeve. Kryetari i PDSH-së vitin e kaluar ka denoncuar me kallëzim penal kreun e BDI-së Ali Ahmeti, pas akuzave se Thaçi kishte lëshuar në opinion dosjet e ashtuquajtura që ngarkonin krerët kryesor të BDI-së si bashkëpunëtor të shërbimeve sekrete të së kaluarës –UDB-së, informon agjencia e lajmeve INA. Thaçi kërkon që Ahmeti para gjykatës të thekson dhe sqaron deklaratën e tij publike që akuzon kreun e PDSH-së për dosjet e njohura me nofkat Ibri, Daja, Mama dhe Shigjetari. Kabineti i Ahmetit ka sqaruar gjykatën se nuk është paraqitur në procesin gjyqësor për shkak se nuk kishte pranuar me rregull ftesën e gjykatës. Nga ana tjetër, Thaçi përmes avokatit të tij ka sqaruar se ai do të paraqitej menjëherë në gjykatë në rast se do të fillonte procesin. Dosjet e lartëpërmendura të nxjerrura në tetor të vitit 2010 nxitën debate midis partive politike dhe opinionit, për shkak të përmbajtjes së tyre që ngarkonin ish-kreun e UÇK-së dhe BDI si bashkëpunëtorë të ish-shërbimit UDB. Por, Komisioni për Lustrimit dosjet e tilla të pranuar nga profesori tetovar Shpend Lushi, i hodhi poshtë si të paligjshme dhe të paverifikuara. Një muaj më vonë lidhur me këto dosje u arrestua ish-punonjësi i shërbimit sekret Hisen Musliu, me akuzën se ka falsifikuar dosjet e lartëmpërmendura. /...ereniku,burimi lajmeve te sotme: INA,lamjeshqip,rtk,ereniku/ - Lajmet - E mërkurë, 25 prill, 2012 Brunei Darussalam njohu pavarësinë e Kosovës 25.04.2012 Ministri i Punëve të Jashtme dhe i Tregtisë i Brunei Darussalam, Mohamed Bolkiah përmes një letre dërguar Ministrit të Punëve të Jashtme të Republikës së Kosovës, Enver Hoxhaj ka konfirmuar njohjen zyrtare të Republikës së Kosovës nga ky shtet Sot, ministri Hoxhaj po ashtu ka zhvilluar një bisedë telefonike me Ambasadorin e këtij shteti në Organizatën e Kombeve të Bashkuara në New York, Latif Tuha, i cili ka përcjell përshëndetjet të përzemërta të ministrit të jashtëm dhe i ka konfirmuar ministrit Hoxhaj njohjen e zyrtare nga Brunei Darussalam. Me këtë rast, Ministri Hoxhaj është ftuar në një vizitë zyrtare në këtë shtet, njofton MPJ. Brunei Darussalam, i njohur në botë si Brunei, është shtet sovran që shtrihet në Azinë Juglindore. Popullsia e Bruneit në vitin 2011 ka qenë 401,890 banorë, ndërsa aktualisht konsiderohet si shtet i ri i industrializuar, që ka vendin e dytë për nga rritja e indeksit të zhvillimit human në mesin e shteteve të Azisë Juglindore dhe klasifikohet si shtet i zhvilluar. Kryeqyteti i Bruneit është Bandar Seri Begawan, kurse është shtet anëtar i Organizatës së Kombeve të Bashkuara që nga 21 shtatori 1984. 250 trupa shtesë të batalionit rezervë të KFOR-it zbarkuan në Kosovë 25.04.2012 250 trupa shtesë të batalionit rezervë të KFOR-it sot zbarkuan në vendin tonë. Këta trupa përbehen nga ushtarët gjerman. Ndërkaq zbarkimi i tërësishëm do të bëhet deri ditën e hënë. Këtë e bëri të ditur sot Majori Marc Stumler, pas zbarkimit të grupit të parë në aeroportin e Prishtinës KFOR-i do të përforcohet me 700 trupa të batalionit rezervë, të cilët duhet të vijnë në Kosovë deri ditën e hënë. Majori Marc Stumler, tha se trupat e batalionit rezervë kanë zbarkuar në Kosovë sipas kërkesës së Komandanti të KFOR-it i cili ka vlerësuar se situata në Kosovë është e tensionuar. KFOR-i tash ka trupa të mjaftueshme për të ruajtur rendin dhe qetësin shtoi Majori Stumler, por ai nuk saktësoi se ku do të vendosen këta trupa. “Ne nuk mund të diskutojmë për çështje operacionale. Batalioni rezervë është nën komandën e Komandantit të KFOR-it dhe ai do të vendosë se ku do të vendosen këta trupa”, tha ai. Pyetjes së gazetarëve nëse këta trupa zbarkuan për shkak të situatës së krijuar lidhur me zgjedhjet presidenciale serbe, Stumler, tha se Komandanti i KFOR-it ka vlerësuar se kemi situatë të tensionuar dhe ka bërë kërkesë për shtimin e trupave të KFOR-it. Jahjaga takoi ambasadorët e rinj, Ahmetin, Kallabën e Hysen 25.04.2012 Presidentja e Republikës së Kosovës, Atifete Jahjaga priti sot në takime të ndara tre ambasadorë të shtetit tonë që janë emëruar dhe që kanë marrë letrat kredenciale për të shërbyer në shtetet e tjera. Ambasadorët në këto takime erdhën të përcjellë nga Ministri i Punëve të Jashtme i Kosovës, Enver Hoxhaj. Presidentja Jahjaga priti në takim përcjelljes para nisjes në detyrë ambasadoren fuqiplotë të Republikës së Kosovës në Republikën e Sllovenisë, zonjën Mimoza Ahmetaj, të cilën e udhëzoi për detyrën në shërbim të vendit në një vend mik çfarë është Republika e Sllovenisë, duke i përcjellë urimet dhe dëshirat më të mira për Presidentin e Republikës së Sllovenisë, Danillo Tyrk, duke shprehur përkushtimin që marrëdhëniet ndërmjet dy vendeve tona të zhvillohen dhe të përparohen më tej, si dhe duke falënderuar për ndihmën dhe përkrahjen që po e jep shteti slloven në rrugën e integrimeve euroatlantike për Kosovën. Jahjaga priti në takim përcjellës përpara nisjes për në Sofje ambasadorin fuqiplotë të Republikës së Kosovës në Republikën e Bullgarisë, Shpend Kallaba, duke i përcjellë urimet për Presidentin e Republikës së Bullgarisë Rosen Plevneliev dhe për të gjithë qytetarët e këtij vendi, me përkushtimin që marrëdhëniet e mira ndërmjet dy vendeve tona të zhvillohen në të gjitha fushat. Ambasadorja e deritashme e Republikës së Kosovës në Republikën e Bullgarisë, Ariana Zherka, është dekretuar në detyrë të re në kuadër të shërbimit diplomatik të Kosovës. Jahjaga priti në takim përpara marrjes së detyrës së re ambasadorin fuqiplotë të Republikës së Kosovës në Republikën e Maqedonisë, Ylber Hysa. Ajo i përcolli përshëndetjet për Presidentin e Republikës së Maqedonisë, Gjorgji Ivanov, për angazhimin e forcimit të marrëdhënieve bilaterale, me përkushtimin që këto marrëdhënie ndërmjet dy shteteve fqinje të zhvillohen e të përparohen në të gjitha fushat në të mirë të paqes, stabilitetit dhe të prosperitetit në rajon dhe më gjerë. Ylber Hysa është ambasadori i parë i Republikës së Kosovës në Shkup, pasi deri tash përfaqësia diplomatike ishte në nivel të të ngarkuarit me punë. Petroviq kundër politikës së barrikadave 25.04.2012 Politika e barrikadave, e bojkotit dhe e izolimit nuk është në të mirën e askujt, tha ministri i Pushtetit Lokal, Sllobodan Petroviq, pas një takimi që zhvilloi sot me drejtorin në Departamentin amerikan të Shtetit për zhvillimin e politikave rajonale, Rafi Gregorien. “Shumica e banorëve ne veri nuk e përkrah këtë politikë. Ato që ne mund t’ju ofrojmë atyre janë alternativat për një jetë më të mirë”, u shpreh Petroviq. Ministri i Administrimit të Pushtetit Lokal, Sllobodan Petroviç tha sot se pas mbajtjes së zgjedhjeve në Serbi më 6 maj, situata do të ndryshojë edhe në veri të Kosovës. Gjatë një takimi me drejtorin në Departamentin e Shtetit për zhvillimin e politikave rajonale në SHBA, Raffi Gregorian, Petroviç e quajti të parëndësishme mbajtjen eventuale të zgjedhjeve të Serbisë në Kosovë. “Asgjë që nuk e ka përkrahjen e faktorit ndërkombëtarë nuk duhet ti jepet rëndësi e madhe. Në kemi pas zgjedhje në vitin 2009 dhe ne punojmë vetëm në këtë drejtim. Dhe jam shumë i bindur se pas zgjedhjeve që do të mbahen në Serbi, situata d të ndryshojë në veri ”, tha Petroviç. Ndërkaq lidhur me zhvillimin e ndonjë dialogu të mundshëm për veriun e Kosovës, ministri Petroviç tha se është i gatshëm të jetë pjesë e çfarëdo dialogu që ka të bëjë me përmirësimin e jetës së qytetarëve serbë dhe integrimin e tyre në shoqërinë kosovarë. “Zbatimin e planit Ahistaari në Kosovë, jo pse ne mendojmë se ky është plani ideal por ngase mendojmë se kjo është zgjidhja më e mirë e mundshme për të gjithë qytetarët e Kosovës. Në këto rrethana, në të cilat jetojmë edhe ne në jug, nën të njëjtat kushte jam në gjendje të bisedoj me serbët në veri” , tha Petroviç. Sipas Petroviçit, prioritet i Qeverisë së Kosovës vazhdon të mbetet formimi i komunës së Mitrovicës veriore, e cila mbetet komuna e vetme që nuk është formuar deri më tani, që është parapa më pakon e Ahistaarit. Një i vrarë dhe një i plagosur në Mitrovicë 25.04.2012 Një është vrarë dhe një është i plagosur nga të shtënat me armë zjarri sot në qendër të qytetit të Mitrovicës. Zëdhënësi i policisë, Besim Hoti, tha se kjo tragjedi ka ndodhur kur katër persona nga një veturë e tipit Opel kanë sulmuar me armë zjarri një veturë tjetër të tipit Mercedes, ku si pasojë ka vdekur Florim Islami, 33 vjeçar dhe një tjetër person ka marrë plagë të rënda. Hoti tha se dyshohet se rasti ndërlidhet me mosmarrëveshje kriminale mes grupeve. Policia është vënë në ndjekje të sulmuesve, të cilët janë të njohur për policinë. Gjysmë milioni euro për rindërtimin e shtëpive në veri 25.04.2012 Qeveria e Kosovës ka ndarë 500 mijë euro për rindërtimin e shtëpive në pjesën veriore të Kosovës. Vendimi është marrë në mbledhjen e sotme të ekzekutivit dhe në kohën kur janë rritur kritikat drejtuar institucioneve vendore e ndërkombëtare për qasjen e deritashme ndaj problemeve të qytetarëve që jetojnë në atë pjesë të vendit. Qeveria do të mbështesë shqiptarët e Luginës së Preshevës 25.04.2012 Qeveria e Kosovës do të mbështesë shqiptarët e Luginës së Preshevës për avancimin substancial të pozitës së tyre, ka thënë kryeministri Hashim Thaçi gjatë takimit të sotëm me kryetarin e Komunës së Preshevës, Ragmi Mustafa. Thaçi citohet të ketë thënë se institucionet e vendit do të krijojnë lehtësira për të gjithë qytetarët e kësaj ane që dëshirojnë të studiojnë në Kosovë, thuhet në një njoftim të zyrës së kryeministrit. Liria e shtypit, Jahjaga do të rishqyrtoj kodin e ri penal 25.04.2012 Prishtinë – Përfaqësues të Asociacionit profesionist të gazetarëve në Kosovë dhe të mediave kanë marrë përgjigjeje pozitive sot nga presidentja Atifete Jahjaga për të rishqyrtuar Kodin e ri penal. Arben Ahmeti kryetar i AGPK-së tha se kemi praktikat më të mira evropiane për të kundërshtuar dy nenet që cënojnë punën dhe lirinë e mediave” Ai tha se në shenjë pakënaqësie të votimit të këtij projektligji në ditën ndërkombëtare të lirisë së shtypit do të bojkotohet puna e institucioneve të Kosovë” Ahmeti tha se presidentja ende nuk e ka pranuar Ligjin në fjalë dhe sipas afatit kushtetues pas tetë dite pritet një qëndrim zyrtar nga ana e presidentes për ndryshime të këtij Ligji Përurohet pika grumbulluese për pemë dhe perime në Xërxë 25.04.2012 Rahoveci, Mamusha, Prizreni dhe Suhareka tashmë kanë një pikë grumbulluese për pemë dhe perime që u përurua sot në fshatin Xërxë. Ky projekt ka kushtuar 339 mijë euro dhe është financuar nga Zyra Ndërlidhëse e Komisionit Evropian dhe Komuna e Rahovecit. Kjo pikë grumbulluese ka kapacitete deri në 300 tonë me frigoriferët ku mund të ruhet perimet e freskëta. Ministri i Bujqësisë, Blerand Stavileci ka thënë se fermerët përmes pikave grumbulluese do të përfitojnë shumë. - Lajmet - E marte, 24 prill, 2012 Në Prishtinë u mbajt protesta “Stop terrorizmit” Ereniku, 24 prill, 2012 Me parullën e vetme “Stop terrorizmit” Organizata jo qeveritare dhe qytetarët në heshtje protestuan sot në Prishtinë kundër akteve terroriste që ndodhën ditë më parë në veri të vendit. Zef Shala nga organizata humanitare “Nënë Tereza” protestën e sotme e sheh si formë parandaluese ndaj akteve tjera të mundshme terroriste. Sipas tij, institucionet e sigurisë duhet të ndërmarrin hapa konkret për të siguruar lirinë e lëvizjes në atë pjesë të vendit. Protestojnë studentët e Fakultetit të Arteve të UP-së Ereniku, 24 prill, 2012 Me siguri larg prej muzikës që është mësuar ta dëgjojë, rektori i UP-së, Mujë Rugova sot ka pasur rastin të “shurdhohet” nga një protestë e studentëve e Fakultetit të Arteve. Ata janë mbledhur tek Rekotrari dhe kanë kërkuar kushte dhe hapësirë të nevojshme studimit, duke e bërë këtë nën nën tingujt e instrumenteve muzikore. Organizatorët e protestës kanë thënë se neglizhenca dhe mos përgjegjësia e rektoratit i ka shtyrë ata të dalin në rrugë Studentët e Fakultetit të Arteve të UP-së, kanë protestuar sot, e marte, duke kërkuar nga rektorati i UP-së, kushte dhe hapësirë të nevojshme për studime. Pashtu kanë bërë të ditur se do të protestojnë deri në plotësimin e të gjitha kushteve të nevojshme, pasi që kushtet në të cilat po i kryejnë studimet, janë mjaftë të vështira. Organizatorët e protestës kanë thënë se neglizhenca dhe mos përgjegjësia e rektoratit i ka shtyrë ata të dalin në rrugë. Kurti takon përfaqësuesin e BE-së, Samuel Zhbogar Ereniku, 24 prill, 2012 Kryetari i Lëvizjes Vetëvendosje Albin Kurti ka shprehur pakënaqësinë me reagimin e butë dhe joadekuat të përfaqësuesit të Zyrës së BE-së në Kosovë Samuel Zhbogar rreth vrasjes së Selver Haradinajt në veri të Mitrovicës. Gjatë një takimi që Kurti kishte me Zhbogar, ky i fundit ka shprehur shqetësimet e tij për çështjen e Mitrovicës, duke pyetur për mundësitë që sipas Vetëvendosjes do të ndihmonin në ndryshimin e gjendjes aktuale në Mitrovicë. “Fillimisht, në këtë takim, Kurti ngriti shqetësimin lidhur me situatën në Mitrovicë, posaçërisht pas vrasjes së Selver Haradinajt përmes aktit terrorist dhe sulmeve të vazhdueshme të Serbisë atje. Kurti shfaqi pakënaqësinë e VETËVENDOSJE!-s me reagimin e butë dhe joadekuat të Zbogar me rastin e këtij sulmi terrorist dhe kriminal. Zbogar shprehu shqetësimet e tij për çështjen e Mitrovicës duke pyetur për mundësitë që sipas Lëvizjes VETËVENDOSJE! do të ndihmonin në ndryshimin e gjendjes aktuale në Mitrovicë. Kurti tha se luftimi i strukturave ilegale shtetërore të Serbisë do të duhej të bëhej paralelisht me zhvillimin e një plani për të luftuar papunësinë në Mitrovicë. “, thuhet në një njoftim. SHBA-ja përkrahë FSK-në drejt NATO-s Ereniku, 24 prill, 2012 Ministri i FSK-së Agim Çeku dhe Komandanti i FSK-së gjenerallejtënant Kadri Kastrati e pritën zëvendësdrejtorin e Zyrës për Evropën Qendrore dhe Jugore në Departamentin e Shtetit, Raffi Gregorian, i cili po qëndron në një vizitë pune Krerët e FSK-së e njoftuan zyrtarin e lartë të Departamentit Amerikan të Shtetit për zhvillimet dhe të arriturat e Forcës së Sigurisë të Kosovës, si dhe për objektivat e zhvillimit të FSK-së për të ardhmen. Ministri Çeku e njoftoi mysafirin për bashkëpunimin bilateral dhe multilateral të FSK-së, në përgjithësi. Ndërsa, Raffi Gregorian shprehu gatishmërinë e SHBA-ve që edhe në të ardhmen të ndihmojnë FSK-në, në përmbushjen e të gjitha detyrave dhe kapaciteteve operacionale si dhe do të kontribuojë për integrimin e FSK-së në të gjitha organizmat e sigurisë dhe në NATO, thuhet në njoftimin e lëshuar nga zyra për informim e Ministrisë së Forcës së Sigurisë. Jahjaga: Nuk do të mbahen zgjedhjet serbe në Kosovë Ereniku, 24 prill, 2012 Presidentja e Republikës së Kosovës, Atifete Jahjaga, priti sot në takim shefin e Zyrës Civile Ndërkombëtare (ICO), Pieter Feith.. Presidentja Jahjaga dhe Feith diskutuan për situatën e përgjithshme në Kosovë, për përfundimin e fazës së mbikëqyrjes ndërkombëtare të pavarësisë së Kosovës dhe plotësimin e legjislacionit, sipas Propozimit Gjithëpërfshirës për Statusin e Kosovës, që parasheh afatin kohor për përfundimin e kësaj faze. Presidentja Jahjaga dhe Fieth diskutuan edhe për zgjedhjet e Republikës së Serbisë dhe Presidentja e Republikës së Kosovës theksoi se zgjedhjet lokale të Republikës së Serbisë dhe çfarëdo zgjedhjesh të një shteti tjetër, nuk mund dhe nuk do të organizohen në territorin e Republikës së Kosovës, sepse ato shkelin sovranitetin e shtetit, sfidojnë fuqishëm integritetin territorial dhe provokojnë rritje të tensioneve ndëretnike në Kosovë. Ajo tha se Institucionet e Republikës së Kosovës e njohin të drejtën e dyshtetësisë dhe angazhohen për respektimin e normave dhe të konventave ndërkombëtare në rastin e dyshtetësisë. KFOR-i do të përforcohet me 700 trupa të batalionit rezervë Ereniku, 24 prill, 2012 700 trupa shtesë të batalionit rezervë të KFOR-it do të zbarkojnë deri të premten në Kosovë, bëri të ditur sot komandanti i KFOR-it Erhard Drews. Gjatë një vizite në Podujevë, Drevs nuk ka saktësuar se ku do të sistemohet ky kontingjent. Media maqedonase: Veriu i Kosovës do të merret me forcë Ereniku, 24 prill, 2012 Shkup – Me titullin “Maqedonia në kazanin kosovar”, e përditshmja maqedonase ‘Fokus’ e ditës së martë shkruan se në rajonin e Likovës dhe përgjatë kufirit Maqedoni – Kosovë ka grupe të uniformuara dhe të armatosura. Këto grupe të uniformuara, sipas gazetës, i kanë parë edhe policia dhe me këtë janë të njohur instancat më të larta të Ministrisë së Punëve të Brendshme. ‘Fokus’ ka kontaktuar ish-ministrin e Punëve të Brendshme të Maqedonisë Pavle Trajanov i cili për gazetën në fjalë ka thënë se sipas informatave që ka ai, përgatitet destabilizimi i Kosovës pasi përgatitet marrja me forcë të veriut të Mitrovicës. “Bëhet fjalë për një operacion të gjerë që përfshin në plan edhe destabilizimin e Maqedonisë dhe Luginës së Preshevës me të cilën do të tentohet të tërhiqet vëmendja e ndërkombëtarëve për zgjidhjen e problemit të Kosovës. Jo rastësisht NATO ka kërkuar trupa shtesë në Kosovë”, ka thënë për gazetën Trajanov. Dje në artikullin e tij të përjavshëm gazetari i “Veçer”, Dragan Pavloviq-Latas, i cili njihet si mik i ngushtë i kryeministrit Gruevski, për vrasjen e 5 maqedonasve para disa javësh në Shkup drejtoi gishtin nga kosovarët. Wollfarth: Zgjedhja e presidentit në dorë të qytetarëve Ereniku, 24 prill, 2012 Durrës – Ambasadori i OSBE-së, Eugen Wollfarth, tha sot në Durrës se, “është në dorë të qytetarëve shqiptarë dhe palëve politike, që të zgjedhin presidentitn e tyre”. Haxhinasto: Stabiliteti i veriut të Kosovës, sfidë për Naton Ereniku, 24 prill, 2012 Tiranë – Zv.Kryeministri dhe ministri i Punëve të Jashtme, Edmond Haxhinasto, theksoi sot në ditën e dytë të Konferencës së Asamblesë parlamentare të NATO-s, “Mbrojtja inteligjente në Europën Juglindore” të mbajtur në Tiranë se, “një sfidë shumë e madhe e Aleancës, e theksuar edhe gjatë Ministerialit të fundit në Bruksel, është dhe konsolidimi i stabilitetit në Kosovë, në veri të Mitrovicës”. Miratohet monumenti, posterat dhe logo e 100 vjetorit të pavarësisë Ereniku, 24 prill, 2012 Tiranë – Nën drejtimin e kryeministrit Berisha u zhvillua sot mbledhja e radhës së Komitetit Ndërministror për 100 vjetorin e pavarësisë, në të cilën u prezantuan veprat më të mira të përzgjedhura nga Juria për Monumentin e 100 vjetorit të pavarësisë, si dhe posterat e 100 vjetorit që do të përdoren në aktivitete të ndryshme artistike, kulturore, me rastin e këtij Jubileu. Gjithashtu në mbledhje u miratua vendimi për përdorimin e Logos së 100 vjetorit. ..kuriozitete nga shkenca: Sahara “noton” mbi ujë Ereniku, 24 prill, 2012 Londër -Shkretëtira e Saharasë ‘noton mbi ujë’, kështu mund të thuhet pas publikimit të rezultateve të një studimi që tregon se kontinenti afrikan ka nën sipërfaqe rreth 100 herë më shumë ujë se sa mbi tokë. Që ta themi ndryshe, aq ujë sa ta mbulojë Afrikën me një thellësi prej 75 metrash. Studimi është publikuar në Environment Research Letters, shoqëruar me një hartë të rezervave ujore nëntokësore të kontinetit të thatë ku 300 milionë njerëz nuk kanë akses të sigurt të ujit të pijshëm dhe vetëm 5% e tokës së punueshme është nën ujitje. Ekipi britanik që ka kryer studimin thotë se shumë nga basenet nëntokësore të ujit janë krijuar që nga koha e ndryshimeve klimaterike që e kthyen në shkretëtire një pjesë të Afrikës, domethënë në këto basene ruhet ujë i grumbulluar aty para 5 mijë vjetësh. Këto basene janë të varrosura nën shtresa rëre dhe basenet më të mëdha ndodhen pikërisht në shkretëtirë, në territoret e Libisë, Algjerisë dhe Çadit. Por shqetësimi i madh që shprehin vetë shkencëtarët që kanë bërë zbulimin është si do të jetë menaxhimi i këtyre burimeve. Ata janë skeptikë në lidhje me proçesin e shpimit pasi thonë se shpimet ansjëherë nuk duhet të nisin pa e kuptuar qartë natyrën e çdo baseni nëntokësor. - Lajmet - E hënë, 23 prill, 2012 - Aktori i njohur suedez Gert Fylking: serbet psikopate, te retarduar dhe derra te mallkuar. /Video/ - Gazetaret me protestë kërkuan nga Presidentja e Kosovës që të mos e nënshkruaj Kodin Penal përderisa i përmban nenet 37 dhe 38. ..informacione me hapur: - Nysret Mehmeti, nga policia rajonale e Kosovës: Që sot (e hënë), pjesëtarët e policisë së Kosovës dhe ata të EULEX-it do të fillojnë patrullimet këmbë në zonat më të ndjeshme me popullatë të përzierë në veri të qytetit, që do të bëhen nga ora 8.00 mëngjesit deri në orën 16.00. - Jakup Krasniqi, kryetari i Kuvendit të Kosovës: Unë jam i zhgënjyer me EULEX-in në Kosovë. EULEX-i ka bërë më shumë paradë në mbrojtje të ligjit sesa që e ka mbrojtur ligjin. Sistemi i drejtësisë e ndanë drejtësinë dhe e kam thënë edhe publikisht, nuk dua që sistemi i drejtësisë të jetë i politizuar dhe drejtësia të luaj rolin e sulmit në ndjekje të shtrigave. Sistemi i drejtësisë duhet të funksionojë dhe të gjithë njerëzit që kanë rënë ndesh me ligjin duhet të përgjigjen”, ka thënë Krasniqi, transmeton RTK. - Presidentja e vendit, Atifete Jahjaga ka vlerësuar të hënën se Turqia vazhdon të luajë një rol të rëndësishëm në mbështetje të sovranitetit dhe integritetit të Kosovës si dhe në konsolidimin ndërkombëtar të vendit. - Ministri i Punëve të Brendshme, Bajram Rexhepi është takuar me ministrin e Punëve të Brendshme të Turqisë, Naim Sahin, ndërsa ky i fundit shprehu gatishmërinë e shtetit të tij që t’i trajnojë pilotët e ardhshëm të Policisë së Kosovës. - Ministri i Punëve të Jashtme i Republikës së Kosovës, Enver Hoxhaj, është takuar me përfaqësuesin special të BE-së, Samuel Zbogar, me të cilin ka biseduar për proceset integruese të Kosovës. - Kryeparlamentari Krasniqi viziton Turqinë Me ftesë të kryetarit të Kuvendit të Madh të Turqisë, z. Cemil Çiçek, kryetari i Kuvendit të Kosovës, dr. Jakup Krasniqi, nga 24 deri më 28 prill do të qëndrojë në një vizitë zyrtare në Republikën e Turqisë. Me këtë rast kryeparlamentari Krasniqi do të takohet me kryetarin e Kuvendit të Madh të Turqisë, z. Cemil Çiçek, presidentin e shtetit z. Abdullah GÜL, ministrin e Punëve të Jashtme z. Ahmet DAVUTOĞLU dhe me personalitete tjera të larta të Republikës së Turqisë, njofton Zyra për media dhe marrëdhënie me publikun e Kuvendit te Republikes se Kosoves. - Ministri i Diasporës në Qeverinë e Republikës së Kosovës, Ibrahim Makolli, do të qëndrojë për një vizitë në Itali. Gjatë tri ditë qëndrimit në shtetin italian, ministri Makolli, do të zhvillojë një takim me Zëvendësministren e Punës dhe Politikave Sociale, përgjegjëse për Çështje të Diasporës, Maria Cecilia Guerra. Ministri i Diasporës, Ibrahim Makolli, gjatë qëndrimit në Itali do takojë edhe bashkatdhetarë dhe përfaqësues të shoqatave të diasporës sonë në qytetet Firence dhe Trieste. Në takime do të bisedohet për gjendjen e diasporës sonë në Itali, problemet që ata mund të kenë, format e bashkëpunimit të MeD me mërgimtarët, si dhe organizimi i mësimit plotësues për fëmijët tanë që jetojnë në Itali, thuhet në njoftimin e Ministrisë së Diasporës - Ka disa ditë që 17 refugjatë nga Afganistani po qëndrojnë në zonën neutrale mes Kosovës e Serbisë. Ata u përzunë nga Serbia drejt Kosovës, por autoritetet kosovare nuk i lanë të hyjnë pa dokumente në Kosovë. Sipas TV Klan Kosova, zyrtarët e policisë së Kosovës kanë thënë se ata që nuk kanë dokumente nuk mund të hyjnë në Kosovë, ndërsa të trafikuarit tashmë janë të vendosur në zonën e përgjegjësisë së Serbisë. Pasditen e së dielës, njëri nga fëmijët ka rënë në zjarr, duke djegur këmbën. ..nga bota: - Ankara – Turqia ka vënë veton ndaj pjesëmarrjes së Izraelit në takimin e kreut të NATO-s në Çikago, që do të mbajet më 20 dhe 21 maj, shkruan gazeta “Radikal”. Sipas gazetës “Hyriet dejli njuz”, sekretari i përgjithshëm i NATO-s, Anders Fog Rasmusen dhe pjesëmarrës të tjerë në këtë takim e kritikuan moslejimin e Izraelit për të marrë pjesë në forumin në Çikago, pa e pëmendur konkretisht Turqinë. Disa prej ministrave paralajmëruan se nuk duhet që problemet e ndërsjellta të Turqisë dhe Izraelit të mbarten në Aleancë. Vitin e kaluar Turqia nuk lejoi emërimin e një përfaqësuesi diplomat izraelit në NATO. Gazeta “Radikal” citon një funksionar të lartë nga MPJ e Turqisë, i cili ka theksuar se vendet të cilat dëshirojnë që Turqia t’i përmirësojë marrëdhëniet me Izraelin, duhet ta përkujtojnë Tel Avivin se së pari duhet t’i kërkojë falje Ankarasë për sulmin në anijen “Mavi Marmara”, me ç’rast u vranë nëntë punonjës humanitar turq, si dhe t’u paguhet dëmshpërblimi familjeve të viktimave. ...speciale: Fylking: Serbët janë psikopatë dhe derra të mallkuar (Video) Ereniku, 23 prill, 2012 Aktori i njohur suedez, Gert Fylking, ka barazuar popullin serb me Anders Breivikun. Moderatori i emisionit “Bota e Gertit” në Radio 1 të Stokholmit, i ka “qerasur” serbët edhe me epitete si: psikopatë, të retarduar dhe derra të mallkuar. Kjo ka ndodhur të martën e kaluar, kur në programin e tij ka komentuar gjykimin e Breivikut në Norvegji. Dëgjuesve të tij, në mesin e të cilëve ka edhe serbë, aktori - i cili merret edhe me politikë - ka thënë se “serbët janë breivika”. Në një moment, ai ka dhënë komentet se "bota është plot me të tillë", pas së cilës ndërpritet nga bashkëbiseduesja me konstatimin: “Sidoqoftë, këtë Breivik e kemi zënë”. “I kemi kapur shumë të tjerë, i kemi zënë atë serbë që sillen si derra të mallkuar, të cilët kanë vrarë qindra-mijëra njerëz e që kanë dëbuar miliona. Ata i kemi kap. A mendoni se serbët i gjykojnë? Jo, serbët i glorifikojnë si heronj. Kush janë atëherë psikopatët? A është e retarduar pra pjesa më e madhe e popullit serb? Apo janë të retarduar vetëm ata që kanë kryer krime?”, ka thënë Fylking i zemëruar. Sipas përfaqësuesve të shoqatave serbe në Suedi, akuzat e tilla kundër serbëve janë gjithnjë e më të pranishme në mediat e Skandinavisë. Srbislav Ilic, nga Iniciativa Ndërkombëtare për monitorimin e të ashtuquajturit “anti-serbizmit”, ka thënë për Press të Beogradit se do ta iniciojnë një aktivitet - si më herët në Spanjë - kur për “incidentin e njëjtë, përmes mjeteve juridike është kërkuar falja në televizionin nacional spanjoll” “Epilogu do të jetë kërkimi i faljes nga Gert Fylking, në Radio 1”, thotë ai. Përndryshe, në Suedi, sipas disa vlerësimeve, ka më shumë se 300 mijë banorë me prejardhje serbe. Gert Fylking ka luajtur role në dhjetëra filma suedezë. Pos aktrimit dhe gazetarisë, ai merret edhe me politikë. Është anëtar i Partisë së Krishterë, e cila në Parlamentin suedez i ka 19 deputetë. Fylking është 61 vjeç, i martuar dhe ka gjashtë fëmijë. lexo: Fylking: Serbët janë psikopatë dhe derra të mallkuar kliko dhe: degjoje ne youtube Maltretojnë shqiptarin që goditi serbin me veturë 23 prill, 2012 Një shqiptar nga Mitrovica e ka goditur me makinën e tij një serb, i cili bashkë me serbë të tjerë po bllokonte rrugën e kalimit në barrikadën e vendosur në fshatin Zupc. Zëdhënësi i Policisë së Kosovës në Mitrovicë, Besim Hoti ka konfirmuar për mediat serbe se më pas serbët e kanë maltretuar shqiptarin, të cilit ia kanë dëmtuar makinën. Siapas Hotit incidenti ka ndodhur kur shoferi që drejtonte veturën ka kaluar nëpër barrikadën në Zupc dhe më pastaj ka provuar që të kthehet mbrapa në jug të Mitrovicës. “Ai më këtë rast ka goditur një automobil, në të cilin ishte një grua shtatzënë, por e cila nuk është lënduar dhe poashtu ka goditur një të ri serb. Pas kësaj serbët e mbledhur në barrikadë në u Zupc kanë rrahur vozitësin dhe kanë dëmtuar automjetin e tij”, ka thënë Hoti për mediat serbe. Zëdhënësi Hoti ka thënë për mediat serbe se në automjetin që drejtohej nga shqiptari ishte edhe një grua të cilën serbët nuk e kanë sulmuar. Serbi i lënduar D.R, 25 vjeç, pas trajtimit mjekësor, është lëshuar në shtëpi. Shqiptari i përfshirë në incident është dërguar për trajtim mjekësor në ambulancën në Zubin Potok dhe pastaj është shoqëruar për në stacionin policor atje. /burimi: Telegrafi/ Gazetarët protestuan Me 15 minuta heshtje, për të treguar se akti i deputetëve të Kuvendit për ta miratuar nenin 37 dhe 38 të Kodit të ri Penal të Kosovës, është i turpshëm dhe i ka lënë pa asnjë fjalë. Më pas 15 minuta fishkëllima për t’u treguar pikërisht atyre se e kanë të kot nëse çdo ditë kërcënojnë dhe frikësojnë me kode dhe nene që mund t’i dërgojnë edhe në burg gazetarët, ata ngritën zërin e tyre para Kuvendit dhe para Presidencës. Me shpresën se nuk do të nënshkruhen nga presidentja Atifete Jahjaga, e që ka mbetur instanca e fundit që do të vendos, gazetarët treguan edhe një herë se nuk mund të përdhunohet dhe nuk mund të fundoset liria e shtypit, ngase pikërisht këtë e bënë neni 37 dhe 38 i Kodit të ri Penal të Kosovës, transmeton Kosovapress. Kryetari i Asociacionit të Gazetarëve Profesionist të Kosovës (AGPK), Arben Ahmeti ka thënë se shpresat i kanë edhe tek ndërkombëtarët, duke i quajtur rrenacakë ata që kanë premtuar se kjo nuk do të ndodh. Ahmeti thotë se është e papranueshme se si i kanë detyruar të dalin në rrugë për të kërkuar të drejtat e tyre, dhe për të kërkuar që kjo shoqëri të mos ketë diktaturë. Në protestë ishin gazetarët e të gjitha mediumeve të Kosovës, e nuk munguan as drejtuesit e tyre. Drejtuesit e mediave thënë se nuk do ndalen me këtë protestë. Sipas tyre, do të mblidhen të gjithë përfaqësuesit e mediave dhe do t’u drejtohen edhe instancave më të larta. Por, u panë edhe shoqëria civile. Ata kishin dal në përkrahje, ngase edhe sipas tyre, Kodi i ri Penal cenon dhe rrezikon lirinë e të shprehurit. ...njoftoi keshtu telegraf, ndersa RTK thote: Gazetarët protestojnë kundër Kodit Penal Rreth 200 përfaqësues të mediave protestuan sot para ndërtesës së Qeverisë së Kosovës, duke kundërshtuar nenin 37 dhe 38 të Kodit të ri Penal të Kosovës. Ky ligj obligon që gazetarët ta zbulojnë burimin si dhe në raste të caktuara ndiqen penalisht për punën e tyre. Gazetaret vlerësojnë se në Kosovë është cenuar fjala e lirë. Kryetari i AGPK-së tha me këtë rast se fjala e lirë po i pengon jo vetëm pozitës, por edhe opozitës. “Kjo tregon se të gjithë ata që e kanë provuar pushtetin, të gjithë ata që kanë qenë në pozita të ndryshme dhe që janë në pushtet, kanë qenë pjesë e trajtimit të mediave në Kosovë, të cilat kanë raportuar për keqpërdorime të ndryshme të tyre dhe kjo vetëm sa na motivon se kjo tregon se mediat se kanë lënë rehat edhe opozitën”, tha Arben Ahmeti, kryetar i AGPK-së. Për Shkumbin Ahmetgjekaj, për disa arsye, miratimi i këtij kodi nga Kuvendi i Kosovës është shokues. “Ajo çka më duket shumë e çuditshme se si ky Kuvend i Kosovës që e ka të miratuar planin e veprimit për integrime evropiane ndërmerr një veprim që nuk është në frymën evropiane. A mund të imagjinohet sot në këto kushte çfar kanë krijuar me kodin e ri që gazetari të ketë një burim në Kosovë. Absolutisht asnjë zyrtarë nuk flet sepse e din se identiteti i tij zbulohet”, tha Ahmetgjekaj. Ndërsa, Avni Abazi, nga shoqëria civile tha se, vitit 2012, për fjalën lirë, po i vije era komunizëm. “Era i vie sikur se jemi në një regjim komunist, i cili tenton që fjalën e lirë dhe punën e gazetarit ta monitoroj në bazë të interesave klanore”, theksoi Abazi. Jemi tradhtuar, jemi gënjyer, sepse, para miratimit të ligjit ka pasur premtime tjera që shkojnë në favor të shprehjes se lirë, tha Ahmeti nga AGPK: “Deri tash kam thanë se na kanë gënjy, e tash po them se na kanë rrejt”. AGPK, apelon tek Presidentja që të mos e nënshkruajë ligjin, përndryshe protestat nuk do të ndalen. - Lajmet - E premte, 20 prill, 2012 Reagime rreth miratimit të Kodit Penal të Kosovës 20.04.2012 Miratimi i një pike tjetër në seancën e sotme, la të pakënaqur deputetë të Vetëvendosjes por edhe asociacionet që përfaqësojnë gazetarët. Ata e cilësuan të dëmshëm për lirinë e mediave miratimin e Kodit Penal të Kosovës. Grupi parlamentar i “Vetëvendosjes” reagoi rreth miratimit të Kodit Penal të Kosovës. Deputetja Alma Lama tha se me futjen e nenit 37 dhe 38 në këtë ligj, është sanksionuar e drejta e lirës së shprehjes. Sipas saj me këtë ligj as gazetarët nuk do të jenë komod në punën e tyre. “ Vlerësimi im është që me miratimin e këtyre dy neneve sot u vulos shteti me nuanca diktatoriale sepse do ta gjatë punës suaj se nëse do të jeni të detyruar të tregoni burimin e informacionit, atëherë të gjitha burimet e informacionit nuk do t’ju besojnë më juve dhe do të vendosin që të mos flasin më për mediat dhe puna juaj do të cenohet” , tha Lama. I menjëhershëm ka qenë edhe reagimi i Asociacionit të Gazetarëve Profesionist të Kosovës. Kryetari i këtij asociacioni, Arben Ahmeti, tha se nuk janë respektuar marrëveshjet e arritura me komisionin për legjislacion. Ai tha se deputetët e Kuvendit të Kosovës me votimin pro këtij ligji, kanë fundosur lirinë e shtypit. “ Ky kod në formën në të cilën është votuar përveç që rrezikon burgosjen e përditshme të gazetarëve, madje edhe kur i teket pushtetit dhe edhe në rastet kur gazetarët mund të jenë shumë profesionist, mundëson që burgosjet të jenë edhe të mëtutjeshme që për përgjegjësi të marrin edhe redaktorët, kryeredaktorët e besa edhe ata që punojnë nëpër shtypshkronjë” , tha Ahmeti. Vetëvendosje dhe AGPK i kanë bërë thirrje presidentes, Atifete Jahjaga që të mos e nënshkruaj këtë ligj. Ambasada e SHBA-ve përshëndet të arriturat legjislative të Kosovës 20.04.2012 Ambasada e Shteteve të Bashkuara është e kënaqur që Kuvendi i Kosovës sot ndërmori veprim për ta lëvizur shtetin më afër qëllimit të përfundimit të pavarësisë së mbikëqyrur.... “Miratimi i katër ligjeve të mbetura të kërkuara nga Propozimi Gjithëpërfshirës për Statusin (PGjS) dhe të pranuara si obligime nga ana e Kuvendit në kohën e pavarësisë, paraqet një kthesë të rëndësishme. Aq më tepër, ligjet për Prizrenin, Hoçën e Madhe, Procedurat e Admimistratës Tatimore, dhe për Ndryshimin dhe Plotësimin e Ligjit për Ndërmarrjet Publike janë vetvetiu të mirë për Kosovën dhe kjo ishte gjëja e duhur për të bërë”, thuhet në një komunikatë të Ambasadës Amerikane në Republikën e Kosovës. “Ne e urojmë Kuvendin Kombëtar dhe udhëheqjen e tij për angazhimin dhe diskutimin konstruktiv gjatë seancës së sotme. Ne i drejtojmë lëvdata Qeverisë së Kosovës për përkushtimin e saj në propozimin e legjislacionit që i sjellë dobi popullit të Kosovës dhe që i përmbushë zotimet ndërkombëtare të shtetit, dhe për pasjen e kurajos që t’i realizojë të gjitha këto masa. Ne i shprehim mirënjohje të gjithë atyre që punuan sot për të vënë interesin e Kosovës të parin”. “Ne poashtu i shprehim mirënjohje Kuvendit për miratimin e Kodit të ri Penal të Kosovës. Kodi vendosë për Kosovën një drejtësi dhe kornizë për zbatimin e ligjit të shekullit të 21-të dhe kështu hapë rrugën për një sundim më të madh të ligjit dhe avancimin e integrimit Euro-Atlantik të Kosovës. Shtetet e Bashkuara zotohen të vazhdojnë mbështetjen gjersa Kosova forcon institucionet kombëtare dhe punon drejt stabilitetit dhe prosperitetit të ardhshëm për të gjithë njerëzit e Kosovës”, thuhet në komunikatë. Kuvendi i Kosovës ka miratuar të premten ligjin për Hoçën e Madhe dhe Qendrën e Prizrenit pas shumë kundërshtimeve dhe pakënaqësive të opozitës, por edhe të disa deputetëve të pozitës. Armata: Kupa u mbush, do ta zbrazim mbi kokat e sllavo-maqedonasve dhe serbëve Transmetuar më 20.04.2012 02:37 Mitrovicë, 20 prill 2012 Armata për Çlirimin e Trojeve të Okupuara Shqiptare (AÇTOSH), kërkon të ndalet patrullimi maqedonas në Tetovë dhe Strugë dhe lëshon paralajmërimin: “Kupa u mbush dhe do ta zbrazim mbi kokat e sllavo-maqedonasve dhe serbëve dhe mbi kokat e tradhtarëve të kombit tonë”. Kjo organizatë publikisht me pamje filmike ende nuk ka dalë, por përmes rrugëve elektronike të komunikimit këmbëngul se është aktive dhe se angazhohet për çështjen kombëtare, raporton noa.al. Për Shtabin e Përgjithshëm të Armatës për Çlirimin e Trojeve të Okupuara Shqiptare (AÇTOSH), ka folur sot Shefi i Shtabit të Përgjithshëm, Kushtrim Mitrovica tha sot se “sikur të mos mjaftonin tensionet e fundit në trojet etnike shqiptare nën IRJM, të shkaktuara nga Gruevski dhe banda e tij, tani u shtohet edhe patrullimi i policisë serbe në Tetovë dhe Strugë, në kuadër të „marrëveshjes” Jankullovska –Daçiç për bashkëpunim midis policive sllave, për të shtypur sa më egër shqiptarët të pushtuar dhe të kolonizuar nga Ilirida”. Në këtë pikë siç citon agjencia noa.al, vjen thirrja nga Mitrovica: “I bëjmë thirrje kryebanditit Gruevski dhe bandës së tij serbofilësh të mos bëjë këtë hap, pra patrullimin e policëve serbë në trojet tona arbërore se përndryshe nuk do të gjejnë veç trupa të civilëve, por edhe të paramilitarëve të tyre!”. LEXONI GJITHASHTU: Ultimatumi, Armata për Çlirimin e Trojeve: 2 javë kohë, ndryshe sulmojmë serbët, maqedonasit e grekët Një tjetër paralajmërim, është: “Mos shkelni mbi trojet tona se na detyroni të ndërmarrim aksione dhe me çdo kush do t’i largojmë sllavët nga trojet tona etnike, pavarësisht sa kohë mund të marrë. I kërkojmë popullit shqiptar të mos i braktise tokat e veta siç ka ndodhur ditë më parë, por të rezistojë dhe të jetë më të bashkuar se kurrë. Kupa u mbush dhe do ta zbrazim mbi kokat e sllavo-maqedonasve dhe serbëve dhe mbi kokat e tradhtarëve të kombit tonë”. Thirrja nga Mitrovica mbyllet kështu: “Ju paralajmërojmë ende një herë: tërhiquni nga trojet tona etnike ose përballuni me pasojat e një lufte të dytë më të madhe se ajo e vitit 2001, se tani jemi më të bashkuar se kurrë”. /burimi: e.t/noa.al/ “Serbia synon destabilizimin e rajonit” Botuar nga faqa Zgjohu Shqiptar !!! Diten e premte, 20 prill 2012 ora 6.54.MD “Nuk lejuam që Serbia të na i prish marrëdhëniet ndëretnike. As maqedonasit e as shqiptarët nuk duan destabilizim të Maqedonisë. Po shihet fare mirë se kush dëshiron destabilizim të rajonit”, është shprehur diplomati maqedonas Sllobodan Çashule. Ai e mbështet këtë qëndrim me spekulimet e bëra në mediet serbe lidhur me vrasjen e pesë maqedonasve në Shkup. Analisti ka bërë një deklaratë të tillë për gazetën maqedonase “Zhurnal Plus”. Sipas tij, qytetarët arritën të mbajnë një qëndrim të unifikuar duke i bërë secilit me dije se krimi nuk ka ngjyrë etnike. “Shoqëria jonë tregoi pjekuri, maturi, dhe të gjithë qytetarët bashkë pa dallim shqiptarë, maqedonas, turq e të tjerë qëndruam dhe e menaxhuam mirë situatën pas vrasjes së pesëfishtë në Smillkovç të Shkupit”, ka thënë Çashule. Maqedonasi: Vëllanë tim nuk e kanë vrarë shqiptarët! Botuar nga faqa Zgjohu Shqiptar !!! Diten e premte, 20 prill 2012 ora 3.12.MD Ne akoma kontaktojmë me ata, edhe në varrimin e vëllait tim erdhën shqiptarë. Kam miq nga të gjitha nacionalitetet dhe urrejtja nuk mbizotëron tek unë. Tek unë urrejtja është vetëm ndaj vrasësve", thote vellau i te ndjerit Borçe Stevkovski, Cvetan Stevkovski. Cvetan Stevkovski, vëllai i Borçe Stevkovski nga Creshova, njërit prej pesë të vrarëve në Smilkovc, thotë se nuk beson që vrasësit e vëllaut të tij të jenë shqiptarë. Në një deklaratë ekskluzive për “Lajm” ai thotë se familjarisht me shqiptarët gjithmonë kanë pasur raporte të mira. “Nga ana jonë nuk ka urrejtje ndaj shqiptarëve. Unë kam miq shqiptar, edhe vëllai im i ndjerë kishte miq shqiptarë. Ne akoma kontaktojmë me ata, edhe në varrimin e vëllait tim erdhën shqiptarë. Kam miq nga të gjitha nacionalitetet dhe urrejtja nuk mbizotëron tek unë. Tek unë urrejtja është vetëm ndaj vrasësve", thote vellau i te ndjerit Borçe Stevkovski, Cvetan Stevkovski. New Europe: Berisha akuzohet për komplot me biznesmenin serb të energjisë E premte, 20 prill 2012 ora 3.09.MD Ky është artikulli i botuar nga gazeta New Europë, që njihet edhe si Gazeta Politike Europiane. Prej 19 vitesh ajo ofron artikuj sa i përket politikave dhe çështjeve të BE Lideri socialist i opozitës, Edi Rama, i bëri thirrje kryeministrit shqiptar që të sqarojë pse operatori shtetëror i transmetimit të energjisë ka bllokuar tenderin për ndërtimin e një linje energjie mes Shqipërisë dhe Kosovës. Rama akuzoi më 17 prill qeverinë se ka bllokuar projektin për të përfituar tregtarët serbë të energjisë që dyshohet se kanë lidhje me familjen e Berishës. Linja e transmisionit është një projekt i konsideruar si kyç për Shqipërinë e Kosovës, dy vende importuese neto të energjisë që paguajnë qindra miliona euro çdo vit. E përditshmja e Prishtinës, Zëri, raportoi se biri i kryeministrit shqiptar, Shkëlzen Berisha, u takua me përfaqësues të kompanive serbe të tregtimit të energjisë në mënyrë që të bllokohej projekti. Si kryeministri, ashtu dhe biri i tij kanë hedhur poshtë akuzat dhe e kanë quajtur raportimin e Zërit si të pavërtetë. Dy kompani u futën në garë për projektin. Dalekovod i Kroacisë ofroi 36 milion euro për ndërtimin e linjës dhe boshnjakja Energo Invest 29 milion euro. Firma kroate, oferta e së cilës ishte më e lartë, u përzgjodh, por operatori shqiptar i transmetimit të energjisë refuzoi të nënshkruante marrëveshjen. Zëri raportoi se Shkëlzen Berisha arriti një marrëveshje me mogulin tejet kontrovers të energjisë, serbin Vuk Hamoviç, dhe me biznesmenin boshnjak, Damir Fazlliç, që dyshohet si një mik i familjes Berisha. E vetmja mënyrë për Kosovën që të importojë energji shkon përmes Serbisë, duke i thënë efektivisht operatorëve serbë të transmetimit monopolin. Zbulim tronditës, si torturohet një shqiptar në Policinë Greke Ereniku, premte, 20 prill 2012 ora 7.22.MD Kjo ngjarje, është denoncuar nga 35 vjeçari i cili tashmë kërkon nga gjykata greke drejtësi për atë që i bënë. Burime zyrtare nga Gjykata e Apelit në Athinë (në foto), bëjnë të ditur për noa.al se kanë vendosur të fillojnë shqyrtimin gjyqësor në ngarkim të tre policëve të drejtorisë rajonale Athinë, me akuzën e keqtrajtimit të kryer në bashkëpunim, ndaj shtetasit shqiptar. Nën proces duhet të ishin 5 policë që denoncoi emigranti, por vetëm tre po përballen me gjykatën. Ata janë shkarkuar nga detyra dhe presin vendimin penal. Emigranti me leje të rregullt qëndrimi, emri i të cilit nuk publikohet nga gjykata e Apelit të Athinës, ishte ndaluar nën dyshimet se kishte plagosur një polic gjatë një aksioni antidrogë. Por në të vërtetë autor doli se ishte një avokat grek që më tej u arrestua pasi po ndiqej nën dyshimet për trafik droge dhe plagosi me pistoletë një nga policët. Si nisi tmerri I riu ishte shoqëruar më 7 dhjetor 2005, me dyshimin e gabuar se ishte përgjegjës për plagosjen e një kolegu të tyre. Shoqërimi i tij u bë në sheshin “Imitu” nga policë të skuadrës antidrogë së Atikës (Athinë). Pikërisht këtu nisën telashet për shqiptarin krejtësisht të pambrojtur, citon noa.al. Përballja e parë, me të hyrë i prangosur në drejtorinë e Policisë së Athinës, ishte me një grua police e cila iu vërsul duke e qëlluar. Por në vijim të këtij operacioni në sheshin “Ipitu”, u arrestua edhe një avokat grek i dyshuar për trafik lëndësh narkotike. Avokati në vijim të hetimit, u akuzua se për t’i shpëtuar ndjekjes, qëlloi duke lënë të plagosur me pistoletë, një nga policët në aksion. Por më herët ishte arrestuar shqiptari për plagosjen e policit grek, duke u përballur me pa të drejtë me torturat. Rrëfen detajet e frikshme “Ishin pesë policë që më rrihnin. Njëri prej tyre, me pushkë më qëllonte në çdo pjesë të trupit dhe në kokë. Kurse grykën e pushkës ma fuste në sy. Pastaj më qëllonte në organin gjenital duke më shkaktuar dhimbje të forta që më mekën nga klithmat. Më godisnin sërish dhe më urdhëronin të ngrihesha në këmbë. Pastaj më rrëzonin në tokë dhe më hapnin këmbët duke më qëlluar sërish në organin gjenital. Më ngrinin sërish në këmbë duke më mbajtur nga supet dhe vazhdonin të më qëllonin”, - tregon i riu shqiptar tmerrin që ka përjetuar. Dhe vazhdon: “Fantazia e tyre nuk kishte të mbaruar. Më vinin me njërën këmbë dhe më detyronin të hidhesha si i çalë. Kur ndaloja, më qëllonin sa t’u hante krahu”. Rrëfimi bëhet edhe më rrëqethës: “Në një moment, mbaj mend se duhet të shkoja në banjë. Kërkova të më çonin, mu përgjigjën: “Jo mor paloshqiptar, aty ta bësh”. Më doli jashtëqitja dhe ata më vunë thesin e zi nga pas”. Gjatë gjithë kohës, më përsërisnin: “Nga këtu nuk del më i gjallë, *ythëmut, plehrë, paloshqiptar”. Sharjet ishin nga më të rëndat. Flet vëllai i të torturuarit Në gjykatë është depozituar dhe dëshmia e vëllait të 35 vjeçarit që thekson se vëllai i tij kishte dosje të bardhë penale dhe kurrë nuk ishte shoqëruar nga policia: “Kam shkuar në policinë e Athinës dhe kërkova të takoj tim vëlla. Arrita të shoh se gjendej në një birucë të paraburgimit. Ishte i lidhur nga duart dhe nga këmbët, kurse në mes e poshtë i ishte vënë një qese e zezë. Syri i ishte varur poshtë dhe mu duk sikur i kishte dalë nga vendi. Mjekësia Ligjore Sakaq, raporti mjekoligjor për 35 vjeçarin, përcakton: “Në kohëzgjatjen e qëndrimit në rajonin policor të Athinës, shtetasi 35 vjeçar paraqet dëmtime serioze në kokë dhe në trup. Ato janë shkaktuar nga goditje fizike dhe me mjete të forta. konstatohen gjurmë goditjesh në shpatulla, në fytyrë, në organet gjenitale, dëmtime serioze në të dy sytë dhe dëmtim më të rëndë në njërin prej tyre. Këto tregojnë se mbi personin është ushtruar jo rastësisht, por sistematikisht për disa orë, dhunë e vazhdueshme në formë torturash”. Reagojnë autoritetet Vetë drejtuesit e policisë greke, pranojnë se kjo çështje e ngritur, është rast tipik kur forcat policore ushtrojnë dhunë të egër dhe e cilësojnë si rastin më të frikshëm të 20 viteve të fundit në radhët e uniformave blu të Greqisë. Kurse shumë policë të marrë në pyetje nga prokuroria e Athinës kanë shprehur habinë për mënyrën si është torturuar shqiptari nga kolegët e tyre. SOT ROLET KANE NDRYSHUAR:SHQIPTRET BLLOKUES E GREKET ANKUES! Grekët dynden në Shqipëri për karburant E premte, 20 prill 2012 ora 7.18.MD Tension në kufi Kufitarët e Kapshticës dyshojnë për kontrabandë dhe ndalojnë hyrjen e 50 shoferëve Ka tension në kufirin shqiptaro-grek, të paktën në Pikën e Kalimit Kufitar të Kapshticës. Nuk ndodh për shkak të kthimit mbrapsht nga autoritetet greke të disa gjyqtarëve e prokurorëve të Korçës, as për ndonjë çështje tjetër me karakter politik. Bëhet fjalë për para dhe për tregti dhe si asnjëherë në këto dy dekadat e fundit, janë kufitarët shqiptarë ata që nuk lënë grekët të kalojnë kufirin dhe janë homologët grekë ata që ankohen e protestojnë. Kriza e rëndë ekonomike që ka pllakosur Greqinë, ka bërë që në harkun kohor të disa javëve, interesat e qytetarëve të dy vendeve për të lëvizur, të ndryshojnë. Banorët e fshatrave kufitare dhe qytezave të afërta të Greqisë Verilindore kanë zbuluar se është me shumë leverdi të furnizojnë makinat e tyre me karburant në Shqipëri. Një distributor që ndodhet fare pranë Pikës së Kalimit Kufitar të Kapshticës është duke jetuar ditë të arta. Njerëzit nisen enkas nga shtëpitë e tyre matanë kufirit për të mbushur serbatorët plot me karburant në këtë pikë, pasi në Greqi një litër naftë kushton rreth 2 euro, ndërsa në Shqipëri rreth 1,3 euro (180 lekë). Grekët kursejnë rreth 50 euro për një serbator benzinë dhe kjo nuk është pak në kohë krize. Por duket se jo të gjithë e marrin rrugën për në Shqipëri për të kursyer. Ka nga ata që po bëjnë tregti, apo më saktë kontrabandë, pasi nuk ka se si të shpjegohet që e njëjta makinë të mbushë serbatorin plot çdo ditë, apo edhe disa herë në ditë. Oficerë të policisë kufitare në Kapshticë i thanë gazetës “Shqip” se ka dyshime të forta se disa shtetas grekë po shfrytëzojnë këtë situatë për të bërë kontrabandë nafte. Por duke qenë se autoritetet kufitare nuk kanë mundësi ta vërtetojnë kontrabandën, e vetmja masë që mund të ndërmarrin është ndalimi i hyrjes në territorin shqiptar të personave të dyshimtë. I njëjti burim konfirmon se afro 50 shtetas grekë janë ndaluar të hyjnë në Shqipëri gjatë një jave nga policia kufitare në Kapshticë, pasi kanë rezultuar se në mënyrë të përsëritur kanë hyrë për t’u furnizuar me karburant në pikën më të afërt të tregtimit, që ndodhet thuajse brenda territorit të doganës shqiptare. Sipas këtij burimi, janë evidentuar raste kur i njëjti person me të njëjtën makinë ka ardhur më shumë se një herë brenda 24 orëve për t’u furnizuar me karburant dhe i vetmi shpjegim logjik për këtë është që ai ta zbrazë karburantin në shtëpi, ta shesë e të kthehet për t’u ngarkuar prapë. Kjo është kontrabandë! Por kufitarët grekë nuk janë dakord. Rastet e shpeshtuara të kthimeve në kufi kanë bërë që policët grekë të ankohen te homologët shqiptarë, duke e konsideruar shkelje të të drejtave të njeriut ndalimin e shtetasve të vendit të tyre për të hyrë në Shqipëri, për sa kohë që këta shtetas janë të pajisur me dokumentacion të rregullt. Pavarësisht ankesave, situata nuk ka ndryshuar, sepse në fund të fundit, ashtu si grekët, edhe kufitarët shqiptarë e kanë të drejtën të kthejnë mbrapsht persona që u duken të dyshimtë, pavarësisht rregullsisë së dokumentacionit. Kjo është një praktikë që grekët e njohin shumë mirë. Megjithatë kjo e ka rritur tensionin mes palëve në pikën kufitare, ku të gjithë janë mësuar t’i presin bllokimet nga ana jugore dhe ankesat nga ajo veriore. Deri pak kohë më parë, ishin drejtues të mjeteve nga Shqipëria ata që shkonin në Greqi për të furnizuar makinat me karburant, kryesisht të një lloji që përdoret vetëm për mjetet bujqësore, me çmim më të lirë në vendin fqinj. Edhe peshkatarët, kryesisht ata të Sarandës, kanë shfrytëzuar portet e afërta greke të Korfuzit dhe Igumenicës për t’u furnizuar me karburant më të lirë se në Shqipëri. Por sot rolet kanë ndryshuar dhe kufitarët që nuk bëjnë dot përjashtim, është dashur të përshtaten gjithashtu në rolet e reja, shqiptarët bllokues e grekët ankues. - Lajmet - E enjte, 19 prill, 2012 Serbët, frikë nga videot me shqiptarë të armatosur Një zëdhënës i KFOR-it tha se KFOR-i nuk ka asnjë informacion në lidhje me ekzistencën e ndonjë grupi të armatosur në Kosovë. Zëdhënësi Mark Stimmler tha se KFOR-i nuk ishte në dijeni të ndonjë dëshmie që tregon se ka pasur individë të armatosur në Kosovë më shumë se zakonisht. Duke komentuar kërkesën e ministrit serb për Kosovë, Goran Bogdanoviq, i cili u kërkoi përfaqësuesve të bashkësisë ndërkombëtare për të hetuar nëse ka pasur ndonjë grup të armatosur ekstremist në veri të Kosovës, zëdhënësi i KFOR-it i tha Tanjugut se nuk kishte marrë ndonjë kërkesë për të kryer ndonjë hetim eventual. Të mërkurën, Bogdanoviq i bëri thirrje komunitetit ndërkombëtar për të hetuar nëse ka pasur ndonjë grup të armatosur ekstremist në veri të Kosovës dhe për të çarmatosur ata nëse gjenden atje. Ministri tha për TV Most të Zveçanit se ka qenë një numër i videove të postuara në internet që tregojnë civilë të armatosur me tyta të gjata në veri të Kosovës dhe se rasti duhet të hetohet. Ai shtoi se kjo ishte një rezultat i përpjekjeve të Prishtinës për të marrë përsipër kontrollin e veriut përmes lëvizjeve të dhunshme. Stimmler ka cituar komandantin e KFOR Erhard DREËS të ketë thënë të mërkurën se situata në veri të Kosovës është duke u tensionuar me afrimin e zgjedhjeve serbe dhe u bëri thirrje të gjitha palëve për të ruajtur paqen. Komandanti i KFOR-it tha se tensioni është rritur. KFOR-i ka forcuar praninë e tij në veri për të ruajtur paqen atje, shtoi ai. KFOR ka dislokuar ushtarët e saj në anën veriore. Hetime ndaj shqiptarëve të armatosur në veri 19.04.2012 Në lidhje me publikimin e disa pamjeve të shqiptarëve me armë në veri të vendit nga ana e disa mediave, mësohet se janë duke u zhvilluar hetime dhe duke u analizuar këto pamje nga ana e Policisë së Kosovës në Mitrovicë. Këtë e ka konfirmuar të enjten për Kosovapress edhe zëdhënësi i policisë në Mitrovicë, Besim Hoti. Ai tha se bartja e armëve nga ana e civilëve paraqet shqetësim. “Jemi në fazën fillestare të mbledhjes së informacioneve, për të vërtetuar autenticitetin e xhirimeve të publikuara, ku shihen persona të panjohur me armë”, ka thënë Hoti. Ai theksoi se duhet të vërtetohet saktë nëse xhirimet janë bërë në veri apo në jug. Situata në veri nxitë përsëri debat në Kuvend 19.04.2012 Seanca e sotme ka filluar me akuza të kryeministrit të vendit, Hashim Thaçi ndaj opozitës për takime të fshehta me zyrtarët serb, ndaj të cilave kanë reaguar partitë opozitare. Por kryeministri nuk është ndalur se akuzuari partitë opozitare duke thënë se disa nga përfaqësuesit e tyre kanë deficit patriotik. Në kohën e deklarimeve, jashtë rendit të ditës, deputetët kanë ngritur disa çështje, por më pas ka kërkuar një fjalë rasti edhe kryeministri, Hashim Thaçi, i cili, përveç kritikave ndaj opozitarëve për mos qëndrimin në seancën e djeshme, ai ka vazhduar më pas me akuza për takime të deputetëve me zyrtarë nga kabineti i Tadiqit. Ai ka filluar me Lëvizjen Vetëvendosje, duke thënë se kanë deficite patriotike dhe duke u thënë atyre se shansi për të luftuar nuk do t’u vie më asnjëherë. “Por te ne ende jetojmë kur njerëzit kanë rënë në gjumë patriot e janë qu tradhtarë ose e kundërta. Flas për ata që kanë deficite patriotike dhe mundohen me i fut të gjithë në një thes. Sa i përket uniformës, komunikimi im me uniformën nëse se dini ju të rinjtë e Vetëvendosjes e din baballarët tuaj… Shansën e keni pas, e keni humbur, kurrë më ajo shansë nuk ka me ju ardhë. Kush o tut... pengu me shku në Preshevë e Ulqin”, ka thënë Thaçi. Po ashtu, ai ka thënë se vrasja e Selver Haradinajt ka qenë kryekëput akt terrorist e kriminal, ndërsa u ka thënë se, disa deputetët të Vetëvendosjes, me broshura i vlerësonin si akte terroriste aksionet e UÇK-së. Për më tepër kryeministri ka kërkuar nga deputetët që kur akuzojnë për takime me zyrtarë të Serbisë le të bëhen edhe atë të përgjegjshëm të tregojnë për takimet me ministrat e Qeverisë së Serbisë. “Të gjithë po takoheni. Nëse ju akuzoni për tradhti një takim publik në Bruksel unë ju them po deputetët tuaj takohen në konferenca ndërkombëtare me ministra të Qeverisë së Serbisë edhe me kryetar të komunave paralele në veri, edhe me këshilltar të autoriteteve të Serbisë, po flas edhe për LDK, PDK, VV edhe për AAK-në”, ka thënë ai. Menjëherë pas kryeministrit, ka reaguar deputeti i Vetëvendosjes, Liburn Aliut, i cili ka thënë se po mundohet me kuptuar kryeministri që po dëshiron që dikush në Kuvend të duket si akuzues i komunitetit duke shmangur strukturat e Serbisë në veri. Ndërsa për të kaluarën e Ushtrisë Çlirimtare të Kosovës, deputeti Aliu i ka thënë kryeministrit se ajo nuk është e tij, por e gjithë qytetarëve. “Për UÇK-në dhe të kaluarën UÇK-së nuk është personale. E juaja është e qytetarëve dhe fëmijëve tanë. Prandaj e mbrojmë atë e mbrojmë nga ju se është kjo politikë sot që e dëmton atë luftë. E ne në mbrojtje të vlerave kombëtare e kemi obligim me mbrojt atë. Sa i përket të kaluarës do të mund të debatojmë me një rast tjetër”, ka thënë deputeti Aliu. Nga ana tjetër, shefi i Grupit Parlamentar të AAK-së, Ardian Gjini ka thënë se, një ditë më parë, nuk ka mbet në seancë për ta dëgjuar kryeministrin. “Këta të Qeverisë po harrojnë çka po flasin e çka po bojnë. Zëvendësi i tij ka thirrur me i dërguar trupat në veri, jo opozita. I paska djeg fort që kena dal dhe i ka fol karrigeve. Nuk ka mbet asnjëfarë kënaqësia me nejt me ngu kah flet. Bon vaki as në të ardhmen nuk rri me iu ngu”, ka theksuar Gjini. Ai ka thënë se këto takime nuk kanë qenë të fshehta, duke shtuar se deputeti Berat Buzhala mirë paska informuar kryeministrin se edhe ai vet ka qenë. “Po flet për një konferencë edhe po akuzon e po them bukur Berat. E kisha nxit edhe kryeminsitrin me marr pjesë vet e mos me i qu veç këshilltarët. E keqja është me u taku tinëz, me u taku me përfaqësues të bizneseve me bo biznes tinëz”, ka thënë ai. Ndërkaq deputeti i PDK-së, Berat Buzhala ka replikuar duke thënë se në darkë ku ka qenë Gjini edhe Shpendi Ahmeti, ai ka munguar dhe nuk e dinë se çka është folur aty. Shefi i Grupit Parlamentar të LDK-së, Ismet Beqiri ka sugjeruar që kur të bëhen vlerësimet të përmend edhe emrat. “U përmendën strukturat paralele. Do të doja me dit kush është i LDK-së që takohet me struktura paralele. Diçka e tillë as s’e besojmë që ka ndodh. Është mirë me i thanë me emra konkret dhe ne as nuk jemi në pushtet e as nuk kemi dëshirë dhe vullnet të takohemi me struktura paralele”, ka thënë ai. Por kryeministri i është përgjigjur duke i thënë se në përgjigjja në këtë pyetje i takon kryetarit të LDK-së, Isa Mustafa. “Ju e dini se kritika letrare dhe politika janë dy bota të ndryshme. Kemi me të dhënë ndonjë çmim për merita”, ka qenë përgjigja e Thaçi ndaj reagimit të Sabri Hamitit. Pas përfundimit të pjesës për deklarime, jashtë rendit të ditës, shefi i Grupit Parlamentar të LDK-së, Ismet Beqiri ka kërkuar një puazë, për shkak të mbajtjes së një akademie për dëshmorin, Sali Çeku, kërkesë e cila është mbështetur edhe shefi i Grupit Parlamentar të PDK-së, Adem Grabovci, që seanca të vazhdojë, pasi të kryhet akademia./ereniku-burimi: rtk/ Distancohen KFOR-i e EULEX-i Vlerësimet në dhënien apo mosdhënien e lejes për hyrjen e zyrtarëve të Serbisë në territorin e Kosovës, bazuar në mandatin e misionit, bëhen vetëm për kalimin përmes pikave kufitare 1 dhe 31 në veri të Kosovës, thanë përfaqësues të misionit të Bashkimit Evropian për sundimin e ligjit. Ata ritheksuan se një kërkesë për vizitë zyrtare duhet të bëhet në zyrën e përfaqësuesit special të BE-së në Prishtinë për t’u proceduar më pas në EULEX. Zëdhënësi i këtij misioni, Blerim Krasniqi, tha se parandalimi i hyrjes së kujtdo nga Serbia përmes rrugëve alternative në veri, nuk hyn në kuadër të detyrave të EULEX-it. “Sa u përket rrugëve anësore që nuk janë pikë-kalime zyrtare, ne nuk kemi persona që merren këto kalime jozyrtare”, tha Krasniqi. Komenti i tij vjen pas qëndrimit në veri të Kosovës të ish-kryeministrit serb, Vojisllav Koshtunica - vizitë që pasoi me akuzat për “moskryerjen e detyrave” drejtuar KFOR-it dhe misionit evropian për sundimin e ligjit nga përfaqësuesit e Qeverisë, të cilët thanë se mekanizmat në fjalë e kanë “fuqinë dhe mandatin” për parandalimin e vizitave të tilla. Në kuadër të fushatës elektorale për zgjedhjet serbe të 6 majit në veri të Mitrovicës kishin qëndruar - pa leje zyrtare, edhe krerët e Partisë Përparimtare Serbe. Vizitat e politikanëve serbë në pjesën veriore të vendit, sipas autoriteteve kosovare, po i kontribuojnë përkeqësimit të situatës tashmë të tensionuar në atë zonë. Të mërkurën, përfaqësues të Qeverisë së Kosovës thanë se mbyllja e të gjitha rrugëve alternative të vijës së gjelbër të kufirit ndërmjet Kosovës e Serbisë është “obligim i KFOR-it”. Mirëpo, në misionin e NATO-s në vend thanë se nuk janë në dijeni rreth ndonjë kërkese të institucioneve kosovare për bllokimin e rrugëve alternative në veri të Mitrovicës. Zëdhënësi i KFOR-it, Uve Novicki, i tha Radios Evropa e Lirë se KFOR-i nuk kryen procedura policore apo doganore. “KFOR-i po e monitoron në tërësi vijën administrative kufitare - kjo është e saktë, por KFOR-i nuk është i mandatar të zbatojë çfarëdo procedurash apo punësh policore e doganore. Roli ynë është të përqendrohemi në sigurimin e një ambienti të qetë e të sigurt në tërë Kosovën”, u shpreh Novicki. Ekzistimi i një ambienti të sigurt në veri të Kosovës është vënë në pikëpyetje pas incidenteve të fundit në atë pjesë të vendit, si pasojë e të cilave vdiq një shqiptar, ndërsa u plagosën disa persona të tjerë.(rel) Policia kufitare maqedonase kthen disa qytetarë të Kosovës 19.04.2012 Policia kufitare maqedonase i ka kthyer sot disa qytetarë të Kosovës, të cilët po shkonin në Maqedoni. Atyre iu është kërkuar të aplikojnë për një vizë në ambasadën e Maqedonisë në Prishtinë. Ndalime të tilla janë bërë sot në pikën kufitare të Glloboçicës. Zyrtarë të ministrisë së punëve të brendshme i kanë thënë Radio Kosovës se studentët nga Kosova që studiojnë në dy universitet e Tetovës duhet të pajisen me leje të qëndrimit në ambasadën e Republikës së Maqedonisë në Prishtinë. Zyrtarë kufitarë maqedonas thonë se kjo është në inters të studentëve, në mënyrë që të mos kenë pengesa gjatë kalimit në kufij dhe gjatë qëndrimit në Maqedoni. Ka ndërruar jetë biznesmeni i plagosur nga Peja, Sali Kastrati 19.04.2012 Biznismeni Sali Kastrati i plagosur ditë më parë në shtëpinë e tij në qytetin e Pejës, ka ndërruar jetë. Që nga koha e plagosjes nga shpërthimi me mjet shpërthyes, ka qenë në trajtim në QKUK-Prishtine, dhe ai sot në mëngjes ka ndërruar jetë”, thuhet në komunikatën zyrtare të policisë në Pejë. Siç dihet, Sali Kastrati, biznesmeni i njohur nga Peja është plagosur më 15 mars të këtij viti, në oborrin e shtëpisë së tij, në rrugën “Mbreti Bardhyl“ në Pejë, pas një një shpërthimi/eksplodimi. Në Prishtinë organizohet konferenca ndërkombëtare “Kosova Thërret” Në Prishtinë nesër organizohet konferencë ndërkombëtare për marrëdhëniet e Kosovës me shtetet rajonale dhe të BE-së që hezitojnë ta njohin pavarësinë e Kosovës. Organizatorët thanë se qëllimi i konferencës është të kuptohen më mirë pozicionet e këtyre shteteve ndaj Kosovës dhe të prezantohet libri – udhërrëfyes diplomatik për qëndrimin e këtyre shteteve. Vitinë e ka marrë lumi jo uji 19.04.2012 Dje dhe sot ishin të mbushura gazetat dhe mediat tjera me lajmin interesant për Vitinë: “Vitinë e mori uji”, “Vitisë i hyri uji”, “Vitia u vërshua nga uji”!? Jo, unë si njohës mjaft i mirë i gjendjes, problemeve dhe zhvillimeve në këtë Komunë (që nga themelimi i kësaj Komune jam këshilltar komunal, gjatë mandatit dyvjeçar të PDK-së kam qenë nënkryetar i kësaj Komune…), do të thoja: “Vitinë e mori lumi”. Lexuesi i painformuar, sidomos jashtë kësaj Komune, por edhe gazetarët që nuk jetojnë në këtë Komunë, mund edhe të çuditen me këtë konstatim timin. Edhe lajmet që dëgjova, edhe ato që lexova nuk i kishin rënë pikës, nuk e kishin kuptuar shkakun e vërtetë të përmbytjes së qytetit. Zyrtarët komunalë kishin gënjyer dhe manipuluar edhe gazetarët, edhe opinionin me “shpjegimet” dhe “arsyetimet” e tyre për shkaqet e këtij vërshimi të paparë në qytetin e Vitisë. Kaq shumë ujë kishte në rrugët qendërore të qytetit, kaq e madhe ishte përmbytja sa shumë qytetarë nisën të besonin dhe të frikësoheshin se mos qenka ndërtuar ajo diga (penda) e famshme e Nexhmedin Arifit dhe, vaj halli, paska shpërthyer…!! Për ndërtimin e “sigurtë” të kësaj pende kryetari i kësaj Komune (N. Arifi) kishte mbajtur mbi njëzetë konferenca shtypi, “gazetarët” (argatët e tij) kishin bërë dhjetëra lajme e shkrime…!! Mashtrimi se kryetari po e bënë digën me një “ndërmarrje” (firmë) fantazmë gati ishte besuar nga qytetarët, që vërtetë e kuptonin dhe e dëshironin, sepse kjo do të ishte një vepër kapitale për Vitinë… Pastaj, ky N. Arifi bëhej edhe më bindës - manipulues kur thoshte se “fjala ime është ligj”!! Nga gjithë kjo “mbarsje” e Vitisë dhe e opinionit publik dhe megjithë paratë që janë dhënë për këtë digë, në fund “polli” vetëm një MAKET, i cili një ditë do të vendoset në muzeun e këtij qyteti (kur do ta kemi muzeun) me një shënim: “mashtrimi i madh”! Pra, Vitinë e ka marrë lumi me N. Arifin kryetar komune. Nuk do të zgjatem shumë te kjo qeverisje komunale ultra e keqe, e kundërligjshme dhe me nuance të dukshme mafioze, por po jap shpjegimet dhe shkaqet pse u përmbytë Vitia. Vite më parë, gjatë qeverisjes së LDK-së, me kryetar Samet Dalipin (mandati i parë dy vjeçarë pas lufte), një pjesë e kanalit (rreth dyqindë metra) të ujit, që vjen nga lumi Morava dhe kalon prapa Pallatit të kulturës, ishte mbuluar tërësisht me beton në emër të ndërtimit të një parkingu veturash! Ne, këshilltarët e PDK-së, e patëm kundërshtuar këtë “projekt” (parking) të pamenduar – kuturu, që po bëhejë për interesin e dikujt, por jo për interesin publik. Ky kanal i mbyllur fillon në krye të Vitisë, te kisha katolike shqiptare. Gjatë qeverisjes dy vjeçare të PDK-së, ai kontrollohejë dhe pastrohejë rregullisht. Madje, ne kishim paraparë edhe hapjen e tij pjesë – pjesë, sepse ndryshe kushtonte shumë mirëmbajtja e tij. Është e vërtetë, që përgjatë këtij kanali hidhen mbeturina, si kudo në Kosovë, nga qytetarë të pandërgjegjshëm, por edhe për këtë faji është i Komunës dhe jo i qytetarëve. Gjatë mandatit të PDK-së kishim propozuar miratimin e një takse (e para në Kosovë) për “mrojtjen e mjedisit dhe natyrës”, e cila do të përdorej vetëm për grumbullimin e plehrave (mbeturinave) dhe mirëmbajtjen e një mjedisi të pastër. Ajo taksë u miratua, por u harrua dhe nuk po zbatohet nga N. Arifi, i cili ka ikur nga radhët e PDK-së dhe është bashkuar me AAK-në, AKR-në (formalisht), PSDK-në dhe LDK-në (joformalisht), nuk zbaton politikat e PDK-së dhe nuk i mbanë premtimet zgjedhore. Pra, uji nuk doli nga kanalizimi i ujërave të zeza, sepse kanalizimi është bërë nga qeverisja e PDK-së dhe është bërë mirë, por nga mbyllja e kanalit (pjesa e mbuluar) të ujërave të bardha për fajin e Komunës, e cila nuk e ka mirëmbajtur këtë kanal të mbuluar nga Samet Dalipi, i cili tash është këshilltar (me pagë) i kundërligjshëm i kryetarit me legjitimitet të konsumuar, Nexhmedin Arifit. Kjo është e vërteta për përmbytjen e Vitisë: Vitinë nuk e ka marrë uji, por e ka marrë lumi qysh se N. Arifi u bë ktryetar i saj, duke uzurpuar dhe trafikuar mandatet e PDK-së dhe duke uzurpuar dhe trafikuar votën e lirë të qytetarit të Vitisë dhe të PDK-së./Xhevat Bislimi –Këshilltar komunal dhe përfaqësues i PDK-së në Komunë / - Lajmet - E mërkurë, 18 prill, 2012 ...trup e trup - Sabri Hamiti:Thaçi dha premtime pompoze. Herën e kaluar na u përmend Molla e Kuqe e ata na erdhën te Dardha e Kuqe. - Tensionet në Shkup, shqiptarët e Manastirit të shqetësu - Ndërkombëtarët apelojnë për qetësi - Gjyqi:Serbët inspiruan krimet e Breivikut-vrasjen per nje dite te 77 njerezve - Gazetari maqedonas M.Nedelkovski në Facebook: Ndaj shqiptarëve, na duhet një Breivik - Kosovë: Kuvendi po diskuton për situatën në veri - Jakshiq:Fjalet e B.Rexhepit janë kërcënim me pushkë të zbrazët,nuk mund t'i pengojë zgjedhjet serb. - Thaçi ripërsëritë se nuk ka zgjedhje serbe në Kosovë - Nowitzki: KFOR-i nuk flet publikisht për çështjet operacionale - Qeveria e Kosovës në dilemë për regjim të vizave ...hapur: Tensionet në Shkup, shqiptarët e Manastirit të shqetësuar Ereniku, 18 prill, 2012, 14:15 Manastir – Shqiptarët në Manastir kanë shprehur shqetësime lidhur me situatën e krijuar dhe dhunën e fundit nga protestuesit maqedonas, pas vrasjes së pesëfishtë në periferi të Shkupit. Shqetësimi i tyre vjen sidomos pas tensionimit të situatës dhe protestave të dhunshme nëpër rrugët e Shkupit si dhe për klimën e krijuar të pasigurisë. Vefki Bajrami, sekretari i Shoqatës “Kongresi i Bashkimit” në Manastir theksoi se në mesin e manastirasve po mbretëron shqetësimi dhe pasiguria, për shkak të tensioneve të fundit ndëretnike dhe vandalizmit dhe frymës raciste dhe antishqiptare, të krijuar pas vrasjes në Smilkovc të Shkupit. Shoqata “Kongresi i Bashkimit” apelon për kujdes dhe përgjegjësi nga individë dhe organizata që thirren në armata apo ushtri çlirimtare dhe që mund të dëmtojnë sidomos shqiptarët në trevat ku janë pakicë dhe janë pre e rreziqeve apo sulmeve për tu dëbuar nga shtëpitë e tyre. “Është lehtë që armata të tilla interneti të dalin dhe të kërcënojnë me komoditet, por realiteti është ndryshe, sepse ndryshe është të jesh shqiptar në Zvicër, Gjermani, Belgjikë apo Tiranë e Prishtinë dhe ndryshe në Manastir. Andaj apelojmë për kujdes dhe syçeltësi dhe të mos krijohet një farsë e rrejshme romantike që mund të ketë pasoja”, thekson kjo shoqatë. Banorët shqiptarë gjithashtu shprehin shqetësimin e tyre duke bërë thirrje që faktori politik shqiptar ti drejtojë sytë dhe të shtojë përkujdesjen për shqiptarët në Manastir. “Apelojmë që faktori politik shqiptar në qeveri, por edhe klasa politike të shtojë vëmendjen tek ne dhe të dërgojë mesazhe dhe praninë e tyre në vendin tonë, me qëllim që të krijohet një siguri dhe një solidaritet”, thekson Ramiz Asllani, mësues nga Manastiri. Shqiptarët në këtë qytet theksojnë se nuk ka acarim të klimës ndëretnike, por ekziston një heshtje e shoqëruar me tensione që po reflektohet nga situata e fundit në Shkup nga vrasja e pesëfishtë. (burimi: LajmeShqip) Ndërkombëtarët apelojnë për qetësi Ereniku, 18/04/2012 BE, NATO, OSBE dhe SHBA, të mërkurën përmes një deklarate të përbashkët kanë dënuar vrasjen e pesëfishtë në Smillkovc, ndërkohë që u kanë bërë thirrje të gjithë qytetarëve të qëndrojnë të qetë, të përmbahen nga spekulimit apo pohimet e pabazuara, sikurse edhe të tregojnë durim për rrjedhën e procesit hetimor Shkup, 18 prill, 2012 Krerët e misioneve të Bashkimit Evropian, NATO-s, OSBE-së dhe SHBA-së, të mërkurën përmes një deklarate të përbashkët kanë dënuar vrasjen e pesëfishtë në Smillkovc, ndërkohë që u kanë bërë thirrje të gjithë qytetarëve të qëndrojnë të qetë, të përmbahen nga spekulimit apo pohimet e pabazuara, sikurse edhe të tregojnë durim për rrjedhën e procesit hetimor. "Ne dënojmë vrasjet e tmerrshme që ndodhën në afërsi të fshatit Smillkovë dhe shprehim ngushëllimet tona më të thella për familjet e viktimave. Jemi në dijeni se autoritetet po hetojnë këtë krim dhe janë në kërkim të autorit apo autorëve. Ne mbështesim përpjekjet e qeverisë që të vazhdojë procedurat hetimore dhe juridike në mënyrë sa më të shpejtë të mundshme dhe inkurajojmë bashkëpunimin e qytetarëve në grumbullimin e të gjitha informacioneve në dispozicion lidhur me këto vrasje. U bëjmë thirrje të gjithë qytetarëve të qëndrojnë të qetë, të përmbahen nga spekulimet apo pohimet e pabazuara dhe të tregojnë durim për rrjedhjen e procesit hetimor. Kur qytetarët inkuadrohen në dhunë apo bëjnë përpjekje për të marrë ligjin në duart e tyre, kjo vetëm se largon policinë nga hetimi dhe e bën më të vështirë nxjerrjen e vrasësve para drejtësisë“, thuhet në deklaratën e përbashkët të krerëve të misioneve të BE-së, NATO-s, OSBE-së dhe SHBA-së në Shkup. (burimi: Koha) Gazetari maqedonas Milenko Nedelkovski në Facbook: Ndaj shqiptarëve, na duhet një Breivik Shkup, 18 April 2012, 12:51 Shkup- Në ditën kur terroristi norvegjez Anders Bering Breivik po gjykohet në Oslo për vrasjen e 77 personave të pafajshëm, gazetari maqedonas Milenko Nedelkovski, show-men në Televizionin “Kanal 5″, ka mbështetur publikisht përmes profilit të tij në Facebook, idenë e një Breiviku edhe në Maqedoni. Komenti i tij, që mund të lexohet nga fotografia e shkrepur në profilin e tij në rrjetin social, pason pas një komenti tjetër të njërit prej miqve, ku Breivik lartësohet në hero dhe thuhet se “maqedonasit kanë nevojë për një të tillë, sepse vetëm ai do të ‘kryente punë’ me ata që vranë katër fëmijët maqedonas”. Vetëm për dallim nga maqedonasit tanë, në Norvegji u gjet një person të reagojë kundër kësaj. Seriozisht të them, për mua një person i tillë në Maqedoni do të ishte hero! Hero i historisë bashkëkohore maqedonase. Dhe për gjithë të tjerët MAQEDONAS dhe njerëz normalë, përveç kuptohet sikur disa Sashe dhe Koche….”. “Jovan, nuk është se as mua nuk më ka shkuar mendja në të njëjtën. Një i tillë hero, në vendin dhe në kohën e duhur, do të zgjidhte shumë punë dhe shumë dilema”, – thotë në komentin e tij Nedelkovski. “ Kjo nuk është hera e parë që ky gazetar maqedonas shfryn publikisht të tërë urrejtjen patologjike që ndjen për shqiptarët”, – shkruan “Zhurnal”. (burimi:Facebook,Ereniku,LajmeShqip) Kuvendi po diskuton për situatën në veri Prishtinë, 18 prill, 2012 Kuvendi i Kosovës është mbledhur në një seancë të jashtëzakonshme për situatën në veri. Deputetët e opozitës kritikuan qeverinë se nuk ka ndërmarrë veprime për të integruar atë pjesë të vendit. Ndërkaq ministri i brendshëm Bajram Rexhepi deklaroi se në rast se KFOR-i dhe EULEX-i nuk ndërmerr masa për sigurinë e qytetarëve atëherë këtë do ta bëjë Policia e Kosovës. Hamiti: Ata na erdhën te Dardha e Kuqe Kuvendi i Kosovës është mbledhur për të dhënë të tjera fjalë për veriun. Ministri Rexhepi dha një raport me ato që po ndodhin, por pa ndonjë propozim se cka duhet bërë. E deputeti i LDK-së , Sabri Hamiti i tha Rexhepit se nëse Kosova e ka kapacitetin për t’i mbrojtur shqiptarët në veri, pse nuk po e bën një gjë të tillë menjëherë. Hamiti propozoi që me Serbinë të ndërpriten menjëherë cilatdo bisedimet, por e kënaqi fakti që Qeveria nuk dha shumë premtime. “Jam i inkurajuar edhe nga kryeministri. Nuk dha premtime pompoze. Herën e kaluar na u përmend Molla e Kuqe. E ata na erdhën te Dardha e Kuqe, na arrestuar policët tanë”, ka thënë Hamiti. Jakshiq: Rexhepi nuk mund t''i pengojë zgjedhjet serbe Mitrovicë, 18 prill, 2012 Njëri nga udhëheqësit e të ashtuquajturit Kuvend i komunave dhe vendbanimeve serbe, Marko Jakshiq, ka thënë se ministri i Punëve të Brendshme, Bajram Rexhepi nuk do të mund të realizojë kërcënimet se nuk do të mbahen zgjedhjet lokale në veri të Kosovës. “E para, lokaliteti është i paarritshëm për Rexhepin. Kështu që ai nuk mund të ndalojë serbët të votojnë më 6 maj”, ka thënë ai për mediat serbe. “Materiali zgjedhor tashmë ekziston dhe nuk ka se si Rexhepi të pengojë zgjedhjet. Ky është një kërcënim me pushkë të zbrazët”, ka thënë Jakshiq/rtk/ Thaçi ripërsëritë se nuk ka zgjedhje serbe në Kosovë Prishtinë, 18 prill, 2012 Serbia me pretendimin e vet për të organizuar zgjedhje në Kosovë, nuk do t’ia arrijë qëllimit, tha sot kryeministri Hashim Thaçi. Në mbledhjen e qeverisë ai theksoi se për këtë institucionet e Kosovës kanë qëndrim të qartë se duhet të respektojnë të gjitha dokumentet që janë aprovuar në Kuvendin e Kosovës dhe të drejtën e dyshtetësisë. Ndërkaq, zëvendëskryeministri Kuçi fajësoi KFOR-in dhe EULEX-i për mosangazhimin e duhur në veri. Nowitzki: KFOR-i nuk flet publikisht për çështjet operacionale Prishtinë, 18 prill, 2012 Zëdhënësi i KFOR-it, Uve Nowitzki i ka thënë Kosovapress-it se misioni i KFOR-it pas zhvillimeve të fundit është i vendosur për të siguruar një ambient të sigurt në gjithë Kosovën, madje kjo vlen edhe për mallrat që përbejnë rrezik për një ambient të sigurt. Megjithatë Nowitzki nuk ka treguar se a do të ketë ndonjë operacion për konfiskimin e armëve në veri. “Siç e dini, KFOR-i nuk flet publikisht për çështjet operacionale”, ka thënë ai. Qeveria e Kosovës në dilemë për regjim të vizave Prishtinë, 18 prill, 2012, Qeveria e Kosovës me dilema nëse Kosova duhet të aplikojë regjimin e vizave për shtetasit e huaj që hyjnë në shtetin e Kosovës. Ministrja e integrimeve evropiane, Vlora Çitaku tha se regjimi i vizave është rekomandim i Komisionit Evropian. Ndërkaq ministri i jashtëm, Enver Hoxhaj tha se kjo masë do të pengonte njohjet për Kosovën. BE do ta mbështes edhe më tej sektorin e energjisë Prishtinë, 18 pril2012 Bashkimi Evropian do ta mbështesë Kosovën në përmbushjen obligimeve dhe në zbatimin e standardeve të BE-së që janë pjesë e Traktatit të Komunitetit të Energjisë dhe si të tilla duhen të zbatohen edhe në Kosovë. Kështu ka premtuar shefi i Zyrës së Bashkimit Evropian Samuel Zhbogar gjatë vizitës që bëri sot Korporatën Energjetike të Kosovës ...editorial i shkurter-parahyrje informacioni: ..te tillet nuk i duruan as ne vendet e akullta karpatosiberiane-duket qe qellimisht i ndoqen per tua pare sherrin jo vetem NE, Ballkani, po dhe Evropa e Bota...Shkaktar te luftes se pare dhe te dyte. Ishte, ne zgripc edhe e treta /gjate luftes ne Kosove/. Edhe tani e gjithe diten, luajne me prestigjin e njerezimit e te botes... Mbetem i habitur si mund te lejohet nga njerezimi nje flliqesire e tille, qe vazhdon te njollos me shpifje e krime jo vetem, neve-SHQIPTAREVE, /duke trumbetuar para botes se shqiptaret jane myk i ardhur islamik qe rrezikon Evropen/, po dhe te tjeret me radhe..Kur butesisht ia vejne veshin e syrin, ja se çka i gjene edhe ata karshi tij kurreshtar e mbeshtetes te kanibalizmit serbe. JO VETEM NE PO DHE BALLKANI EVROPA DHE BOTA PO UA SHEH SHERRIN!!!...DERI KUR PERKEDHELJE TE TILLA, NDAJ TYRE?!!!.../ereniku/ Serbët inspiruan krimet e Breivikut Ereniku,18/04/2012 Gjykimi i vrasësit masiv norvegjez, Anders Breivik, ka vazhduar sot me pyetjet e prokurorëve. Breivik ka folur për kontaktet e tij me nacionalistët militantë, ndërkohë që prokuroria u përpoq të dëshmojë nëse vërtet ekziston organizata djathtiste “Kalorësit Tempullarë”. Breivik, i cili në sulmin e tij të përgjakshëm të 22 korrikut të vitit të kaluar vrau 77 njerë, dha përgjigje të shkurtra, ndërsa në një moment u ndje i ofenduar nga prokurorja, nga e cila kërkoi të mos “tallet”. Gjykatësi e ka paralajmëruar se ka të drejtë të mbetet i heshtur, por edhe se mungesa e përgjigjeve mund të përdoret kundër tij. "Çdokush mund të bëjë atë çfarë kam bërë unë", u tha Breivik të mbledhurve në sallën e gjyqit. "Jo gjithkush është i lindur me aftësi të tilla, por secili mund t’i zhvillojë ato". Breivik i tha se prokurorisë se në vitin 2001 ka shkuar për një vizitë në Liberi, ku u takua me nacionalistin serb i cili ishte një nga themeluesit e organizatës djathtiste, “Kalorësit Tempullarë”. Ai ka shtuar se ka udhëtuar për takime të grupit në Londër, por nuk ka dashur të flas për temat e diskutimit. Në Angli thotë se e ka takuar mentorin tjetër, të cilin e ka cilësuar si “Richard zemërluan”, por nuk ka dashur ta përmend emrin e vërtet të tij. Prokurorisë i ka thënë se emri i tij i koduar në takime ishte Sigurd, sipas mbretit norvegjez të shekullit XII. Prokurorja Svein Holden edhe një herë i tha se qëllimi i hulumtimit të saj është të provojë nëse ekzistojnë vërtet “Kalorësit Tempullarë”, pas së cilës Breivik reagoi dhe i tha që të kapet për fakte e të mos tallet. Holden gjyqit ia paraqiti manifestin e Breivikut me 1.500 faqe, ku ai i ka përshkruar kontaktet me “konservatorët kulturorë serbë”. Në manifest Breivik thotë se serbët kanë bërë hetime shtesë për të qenë të bindur se ai është ideal për organizatën e tyre. Sipas pohimeve të tij, grupi ka synuar të mbledhë qindra ekstremistë në Evropë, për t’i trajnuar për qëllimet e tyre. Në manifestin e tij, pjesë të të cilit janë botuar vitin e kaluar, Breivik flet edhe për shqiptarët, të cilët i cilëson si njerëz të pamëshirshëm dhe të vendosur. Sipas tij, shqiptarët drejtojnë botën e nëndheshme në Evropë. Ekstremisti i renditë shqiptarët, e në veçanti kosovarët, si pjesë të xhihadit islamik global, që ka si lajtmotiv islamizimin e popujve të Evropës. “Në planet e dëbimit të pastrimit të Evropës nga islamikët, trojet shqiptare do të jenë një zonë e rëndësishme transiti për një numër të madh të të larguarve”, ka shkruar ai. Në manifestin e tij ai ka shkruar se është takuar me një serb më 2002, në Monrovia të Liberisë. Sipas mediave norvegjeze, ai mund të jetë Milorad Ulemek Legija, ish komandat i njësitit famëkeq paramilitar serb, të njohur si Beretat e Kuqe. Se Legija mund të jetë serbi “i Monrovias”, këtë informatë e ka dhënë televizioni NRK1, e pastaj edhe ditorja "Dagbladet". Edhe në seancat e mëparshme Breivik nuk ka dhënë detaje tjera, pos që ka shtuar se “mentori i tij ishte hero lufte”. Avokati i Ulemekut, Aleksandar Zorica, ka thënë për NRK se Legija nuk është takuar kurrë me Breivikun. “Kur Ulemeku për herë të parë e ka dëgjuar këtë rrëfim, ka qeshur”, demanton këtë takim, për të shtuar se nuk ka dëgjuar kurrë as për organizatën “Kalorësit Tempullarë”. Ditorja britanike "Guardian" shkruan sot se Breiviku ka thënë se sulmet e verës së kaluar në Norvegji ishin të frymëzuara nga “nacionalistët serb”. Gjatë prezantimit të provave, ai është pyetur për filozofinë prapa fushatës së tij vrastare, si dhe të rrjetit të “"Kalorësve Tempullarë" dhe anti-islamikëve. "Sa për identitetin (e "Kalorësve Tempullarë”), esenca ishte te tentimi që të distancohet nga nacionalsocializmi. Që ekstremi i djathtë të mbijetojë në Evropë, duhet distancomi nga ideologjia e shkollës së vjetër. Është dashur identiteti i ri”, ka thënë Breivik. Sipas tij, identiteti “pjesërisht është importuar nga Serbia". "Serbët, të cilët luftuan dhe vdiqën gjatë bombardimeve të NATO-s në Kosovë në vitin 1999, kishin mentalitet të kryqëzatës që unë e doja”, shpjegon ai. (Ereniku,Koha,Telegrafi) - Lajmet - E marte, 17 prill, 2012 Situata e tensionuar, presidenti Topi vizitë në Maqedoni Tirane, 17 prill, 2012 Tiranë – Mbledhja e parashikuar për ditën e nesërme, ku do të zgjidhej nënkryetari i ri i KLD-së, do të shtyhet. Burimet brënda presidencës bëjnë me dije se presidenti Topi do të zhvillojë një vizitë në Maqedoni, e cila do të nisë nesër. Për këtë arsye, mbledhja do të shtyhet, për t’u caktuar pas kthimit të presidentit Topi nga Maqedonia. Vizita e këtij të fundit në Maqedoni bëhet në një moment delikat, pasi situata mes maqedonasve dhe shqiptarëve është tensionuar së tepërmi. Në qendër të diskutimeve që presidenti shqiptar do të zhvillojë me autoritetet maqedonase, pritet të jetë pikërisht situata e krijuar së fundmi. Nesër seancë e jashtëzakonshme për veriun 17 prill, 2012 Kuvendi i Kosovës nesër do të mbajë një seancë të jashtëzakonshme, e thirrur me kërkesën e Grupit Parlamentar të Partisë Demokratike të Kosovës, gjatë së cilës do të diskutohet për zhvillimet në pjesën veriore të Kosovës. “Në këtë javë kemi plotë seanca. Nesër do të jetë një seancë e thirrur e Grupit Partisë Demokratike me nënshkrimin e 46 deputetëve për seancë të jashtëzakonshme për zhvillimet në pjesën veriore të Kosovës. Të enjten dhe të premten kemi dy seanca njërën pas tjetrës, dy seanca të punës dhe kështu po e përmbyllim këtë javë me tri seanca”, ka theksuar kryetari i Kuvendit të Kosovës, Jakup Krasniqi, pas mbledhjes së Kryesisë së Kuvendit, transmeton Kosovapress. Në njoftimin e lëshuar nga zyra për Informim e Kuvendit thuhet se seanca e jashtëzakonshme thirret sipas kërkesës së nënshkruar nga 46 deputetë të Grupit Parlamentar i PDK-së dhe deputetë të tjerë nga radhët e koalicionit qeverisës. Ka mbetur që kërkesa për seancë të jashtëzakonshme të deponohet në Zyrën për parashtresa të Kuvendit, në mënyrë që ajo të quhet e ligjshme. Për Mitrovicën do të protestohet në Prishtinë 17 prill, 2012 Kuvendi i OJQ-ve të Kosovës fton gjithë qytetarët nga mbarë Kosova që të martën me 24 prill, nga ora 11.59 - 12.59, të protestojë qetas dhe me heshtje në sheshin Nënë Tereza në Prishtinë “Akti i fundit terrorist mbi familjen e Selver Haradinajt në veri të Mitrovicës tregoi se terrorizmi po troket në dyert kosovare. Pavarësisht përkatësisë etnike, politike, sociale e kulturore të terroristëve apo viktimave, Kosova duhet të reagojë si një shoqëri e pjekur dhe demokratike që i thotë STOP kësaj të keqeje të madhe”, thuhet në njoftim. “Protesta do ta ketë vetëm një parullë: STOP TERRORIZMIT dhe asnjë parullë tjetër. Në protestë nuk do të ketë asnjë lloj flamuri dhe askush nuk do të mbajë fjalim”. “Kuvendi i OJQ-ve të Kosovës nga sot e deri një ditë para protestës mbetet i hapur për të gjitha OJQ-të, partitë politike, institucionet, mediat, intelektualët, veprimtarët dhe individët e tjerë me ndikim që të bëhen bashkë-organizatorë të kësaj proteste”, thuhet në njoftimin e nënshkruar nga kryetari i Kuvendit të OJQ-ve të Kosovës, Nexhmedin Spahiu. Thaçi: Jo organizim të zgjedhjeve serbe në Kosovë 17 Prill, 2012 Kryeministri Hashim Thaçi theksoi se në asnjë rrethanë nuk do të lejohet mbajtja e zgjedhjeve lokale serbe edhe në Kosovë. Ndërsa, për zgjedhjet e përgjithshme të Serbisë, Thaçi tha se serbëve me dy nënshtetësi do t’u lehtësohet procedura e votimit në pika mobile, por sipas tij votat të numërohen në Serbi, e jo në Kosovë. Kreu i ekzekutivit gjithashtu ka bërë thirrje që në Maqedoni të mbretëroj paqja dhe stabiliteti. Kryeministri i Kosovës, Hashim Thaçi tha se pretendimet e Serbisë për të organizuar zgjedhje lokale në veri të Kosovës do të dështojnë, pasi sipas tij, do të përdorën të gjitha mjetet kushtetuese dhe ligjore për të penguar mbajtjen e tyre. Ndërsa, sa i përket zgjedhjeve të përgjithshme të Serbisë, Thaçi u shpreh se ka biseduar me ndërkombëtarët në Kosovë për t’iu mundësuar serbëve me dy nënshtetësi që të votojnë në disa pika mobile të votimit, në mënyrë që ato vota të numërohen në Serbi, e jo në Kosovë. Kryeministri Thaçi gjithashtu ka bërë thirrje që në Maqedoni të mbretëroje paqja dhe stabiliteti sepse sipas tij çdo përkeqësim i situatës atje reflektohet në Kosovë e rajon. Kryeministri po ashtu kërkoi që përderisa të drejtësia të mos e jap fjalën e vet për autorët e vrasjes askush nuk ka të drejtë të shprehet apo pretendojë t’i jap konotacione politike apo ndëretnike. Zhbogar vizitoi Gjykatën Kushtetuese 17 Prill, 2012 Kryetari i Gjykatës Kushtetuese të Republikës së Kosovës, Enver Hasani, ka pritur sot përfaqësuesin special të Bashkimit Evropian në Kosovë, Samuel Zhbogar. Kryetari Hasani e njohtoi z.Zhbogar me organizimin dhe funksionimin e Gjykatës Kushtetuese të Kosovës. Ndërsa , nga ana e tij, Zhbogar u shpreh i impresionuar me punën e deri tashme të kësaj gjykate dhe ka premtuar përkrahjen e BE-së në përpjekjet për konsolidimin e gjyqësisë kushtetuese në Kosovë. Rama: Berisha të përgjigjet për linjën 17 Prill, 2012 Partia Socialiste e Shqipërisë akuzoi sot qeverinë se ka bllokuar ndërtimin e linjës së energjisë elektrike të interkonjeksionit me Kosovën. Kryetari Edi Rama tha se socialistët do të kërkojnë interpelancë me kryeministrin Sali Berisha për arsyet e mosndërtimit të linjës së interkonjeksionit që theksoi se është me interes kombëtar për Kosovën dhe për Shqipërinë. Haxhinasto priti ambasadorin Selimi 17 Prill, 2012 Zv.Kryeministri dhe Ministri i Jashtëm i Shqipërisë, Edmond Haxhinasto, priti sot në një takim Ambasadorin e Jashtëzakonshëm dhe Fuqiplotë të Republikës së Kosovës në Tiranë, Sylejman Selimi, ku u shkëmbyen mendime për zhvillimet politike në Kosovë, veçanërisht ngjarjet e fundit në veri të Mitrovicës dhe Maqedoni. Autokrimet Hetojnë Manipulimet me Targa 17 Prill, 2012 Afro pesë mijë serbë kanë regjistruar veturat e tyre me targa të Kosovës. Për këto vetura nuk janë paguar taksat doganore. Njësiti i Auto Krimeve i Policisë së Kosovës dyshon se pronarët realë të veturave të regjistruara janë shqiptarët të cilët në aleancë me serbët i kanë ikur pagesës së taksës doganore duke dëmtuar buxhetin e Kosovës për miliona euro. Kroacia mund ta ndihmoj FSK-në 17 Prill, 2012 Presidentja e Kosovës, Atifete Jahjaga, sot e ka vlerësuar lart angazhimin dhe kontributin e pjesëtarëve të ushtrisë së Kroacisë, që shërbejnë në Kosovë, në kuadër të KFOR-it Këto komente ajo i bëri gjatë takimit me shefin e shtabit të ushtrisë së Kroacisë, Drago Llovriq, ka njoftuar presidenca. U tha se marrëdhëniet e mira ndërmjet dy vendeve mund të thellohen përmes ndihmës që Kroacia mund të ofroj në aftësimin dhe përgatitjen e Forcës së Sigurisë së Kosovës. Kosovë, do të themelohet Akademia e Drejtësisë 17 Prill, 2012 Prishtinë – Ministria e Drejtësisë, në bashkëpunim me Shoqërinë Gjermane për Bashkëpunim Ndërkombëtar (GIZ), ka mbajtur një takim konsultativ lidhur me themelimin e Akademisë së Drejtësisë, në të cilinë kanë marrë pjesë përfaqësues vendorë dhe ndërkombëtarë të institucioneve të drejtësisë. Zv/kryeministri dhe ministri i Drejtësisë, Hajredin Kuçi, tha së në vazhdën e aktiviteteve për fuqizimin e sistemit të drejtësisë, Ministria e Drejtësisë ka shfaqur idenë për themelimin e Akademisë së Drejtësisë. Festival i Filmit në Podujevë 17 Prill, 2012 Qyteti i Podujevës në Kosovë do të shndërrohet në një arenë të vërtet argëtimi dhe kjo falë organizimit të Festivalit Ndërkombëtarë të Filmit me metrazh të shkurtër. Katër ditë dhe netë pa gjumë për qytetarët e Podujevës, dhe kjo falë organizatorëve të “Llapi Film Fest”, eveniment që mbështetet nga OJF-ja “Alternativa Vizionare”, e cila ka përgatitur një axhendë të detajuar të ketij spektakli te filmit me metrazh te shkurter. Në këtë festival të filmit do të paraqiten rreth 50 filma me metrazh të shkurtër dhe pjesë e repertorit, të do të jetë nga shtete të ndryshme. Organizatorët rrëfejnë dhe detajet më pikante të këtij evenimenti të rëndësishëm të filmit në Ballkan dhe në Europë. Juria që do të caktojë dhe ndarjen e cmimeve përbëhet nga specialiste nga shtete të ndryshme. Në këtë eventimet të rëndësishëm Shqipëria përfaqësohet nga regjisori dhe njëherësh drejtori i “Festivalit Ndërkombëtar të Filmit të Fierit”, Ervis Koçi, gjithashtu ne këtë panel “gjyqtarësh” do të jenë dhe tre regjisore të tjerë që pritet të konfirmojnë pjesëmarrjen në ditët në vijm. “Filmat e metrazhit të shkurtër do të jenë nga shtetet si Kosova, Shqipëria, Amerika, Spanja, Bullgaria, Çekia, Anglia, Argjentina etj. Duhet theksuar se do shfaqen dhe filma dokumentarë, ku shfaqja e pare e festivalit do jetë pikërisht një film i shkurtër dokumentarë, i cili flet për jetën dhe veprën e Dëshmorit të Kombit Zahir Pajaziti, pastaj çmimi më i lartë në këtë festival do jetë çmimi që mbanë emrin e Dëshmorit të Kombit Zahir Pajaziti, si dhe çmimet tjera. Juria e festivalit do përbëhet nga Ervis Koçi, regjisor dhe drejtor i Festivalit Ndërkombëtarë të Filmit të Fierit, si dhe janë dhe katër emra tjerë nga të cilët presim konfirmimin e fundit. - Lajmet - E hënë, 16 prill, 2012 ...shkurt e trup: - Kreu i ushtrisë serbe Dikoviç paralajmëron policinë e Kosovës - Sulmohet një makinë e një serbi, KFOR shton praninë - Kandiq: Arrestimet kunder shqiptareve - trashëgimi e Millosheviqit - Zëri: Berisha, me “mafinë” serbe kundër Kosovës - Kukës, përkujtohet sot eksodi i vitit 1999 - Kurti: Për Mitrovicën të reagojmë si komb - Vlimet ne Maqedoni: Në Shkup,natë e tensionuar ...gjeresisht: Kreu i ushtrisë serbe Dikoviç paralajmëron policinë e Kosovës ereniku, 16 April 2012 14:00 Beograd- Shefi i Shtatmadhorisë së Ushtrisë së Serbisë Lubisha Dikoviç ka deklaruar se prania e pjesëtarëve të Policisë së Kosovës “në linjën administrative paraqet rrezik për sigurinë”. “Konsideroj se vetëm KFOR-i mund të garantojë sigurinë në Kosovë, dhe jo të ashtuquajturat organe të Kosovës”, ka thënë Dikoviq për gazetën “Politika”, duke komentuar arrestimin e mëhershëm të dy pjesëtarëve të Policisë së Kosovës nga ana e xhandarmërisë serbe në rajonin e Merdares. Dikoviç tha se “po duket qartas se Policia e Kosovës, duke rënë ndesh me marrëveshjet dëshiron që hap pas hapi të imponohet si faktor në atë rajon”. Ai ka vënë në pah se në lidhje me praninë e Policisë së Kosovës, ushtarët serbë lajmërojnë KFOR-in, duke kujtuar se sipas Marrëveshjes Ushtarako-Teknike të Kumanovës, Ushtria Serbe bashkëpunonon me trupat ndërkombëtare të sigurisë, në veçanti me KFOR-in. Duke u përgjigjur në pyetjet se përse nuk ka reaguar më herët ndaj akuzës së drejtoreshës së Fondit për të Drejtën Humanitare, Natasha Kandiç se nuk ka të kaluar të pastër të luftës, Dikoviç ka shpjeguar se padinë e ka bërë vetë si qytetar, ndërsa sipas tij ka marrë kohë që të përgatitet padia. Dikoviç ka thënë se nuk dëshiron që t’i japë jehonë tjetër siç ka thënë, “të pavërtetave të Fondit”, duke shtuar se gjykata do të thotë fjalën e saj. Dikoviç gjatë luftës së vitit 1999 ka qenë komandant i njësisë së motorizuar 37 të Rashkës, e cila ka vepruar në Kosovë, përkatësisht në Drenicë, bëjnë të ditur mediat serbe. Kandiç, e ka akuzuar Dikoviqin për krime të luftës në Kosovë gjatë luftës në vitet 1998-99. Organizata e saj ka thënë se shumë krime të rënda dhe masive ishin kryer në pjesën qendrore të Kosovës, ku Dikoviç ishte përgjegjës si komandant brigade në vitin 1999./burimi:Lajmeshqip/ Kukës, përkujtohet sot eksodi i vitit 1999 Ereniku, 16 prill 2012 12:08 Kukës-Hapja e ekspozitës prej 99 fotografive që lidhen me prillin e 99-tës dhe shfaqja e filmit dokumentarë që lidhet me ngjarjen janë disa nga aktivitetet që do të zhvillohen sot në Kukës. Qindra qytetarë nga Kosova kanë arritur në Kukës të cilët me aktivitete të ndryshme kulturore e artistike do të sjellin në kujtim eksodin e vitit 99 që ndodhi në qytetin e Mitrovicës . Nënkryetari i këtij manifestimi tashmë tradicional, Mustafë Kryeziu i tha se fillimisht qytetarët do të takohen me kreun e bashkisë së Kukësit dhe më pas do të vazhdojnë me aktivitetet e planifikuara me program. Qindra qytetarë mëngjesin e djeshëm duke u nisur Mitrovica kanë kaluar nëpër Prishtinë në drejtim të Prekazit më pas në Pejë e Glloxhan për të ndalur në Gjakovë dhe për të përfunduar në Xërxe. Nga Xërxa sot marshuan drejt Kukësit. Për të kujtuar këtë ngjarje, dy vite më parë në Kukës u përurua Kulla 25 metra e gjatë. Derisa pjesa e dedikuar për muze e këtij kompleksi e ndihmuar financiarisht nga Bashkia e Kukësit është në përfundim e sipër. (burimi: lajmeShqip Serbia çon në 5 numrin e kosovarëve të arrestuar Brenda 17 ditësh autoritetet serbe kanë arrestuar 5 qytetarë të Kosovës, përshirë këtu edhe dy policët që u liruan pas 48 orësh. Kurti: Për Mitrovicën të reagojmë si komb Në një intervistë dhënë gazetës ‘Shekulli” lideri i Vetëvendosjes Albin Kurti, thekson se rruga e vetme për të biseduar me Serbinë është aksioni mbarëkombëtar. Bangladeshi premton njohjen e Kosovës Ky shtet kishte premtuar disa herë njohjen pas sugjerimeve të vazhdueshme të ambasadorit amerikan atje. (INA KFOR-i amerikanë zhbllokon fshatrat shqiptare të Leposaviqit Ushtarët e NATO-së, të kontigjentit amerikanë, që janë të vendosur në veriun e Kosovë, të shtunën rreth mesditës kanë marr një aksion për të liruar rrugën që shpie për në tri fshatrat shqiptare të Leposaviqit - Bistricë, Cerajë dhe Koshtovë e Vllahisë, njofton korrespondenti i “Kohës Ditore” nga Mitrovica. KFOR-i që nga mesdita është duke i larguar barrikadat, të cilat 48 orë më parë i kishin vendosur grupet serbe, duke bllokuar tërësisht banorët shqiptarë të Leposaviqit. Amnesty International kërkon lirimin e Hasan Abazi Amnesty International (AI) ka dënuar sërish arrestimin e veprimtarit sindikal kosovar, Hasan Abazi nga ana e policisë serbe më 28 mars, 2012, derisa ai ishte duke udhëtar në një takim rajonal në Kroaci. Përfaqësuesja e AI-së, Shawn Johnson ka thënë se organizata e e saj do t’i dërgojë një letër qeverisë serbe për lirimin e Abazit. “AI konsideron se ai është i burgosur politik, sepse arsyeja e vetme që është arrestuar ka të bëjë me faktin se ai është shqiptar. Gjithçka tregon se bëhet fjalë për arrestim nga hakmarrja, pasi në Kosovë janë arrestuar paraprakisht katër serbë. Këtë e dëshmojnë edhe deklaratat e ministrit të Brendshëm serb, Ivica Daçiq, të cilat janë shumë shqetësuese”, ka thënë Johnson për REL. Lirimin e Hasan Abazit e kanë kërkuar edhe zyrtarë të Parlamentit Evropian. Zëri: Berisha, me “mafinë” serbe kundër Kosovës Kryeministri i Shqipërisë, Sali Berisha, ka më shumë se një vit që ka bllokuar projektin për ndërtimin e linjës 400 kilovoltëshe të interkonjeksionit, e cila lidh Kosovën me Shqipërinë, shkruan gazeta “Zëri. Sipas shkrimit të botuar sot në të përditshmen kosovare, bllokimi i këtij projekti nga ana e kryeministrit Berisha, i ka siguruar shtetit të Serbisë monopol në importin e energjisë në Kosovë, pasi për momentin, Kosova të vetmen rrugë për import të energjisë ka fqinjin verior. Burime të gazetës “Zëri” bëjnë të ditur se në mars të vitit 2011, është hapur tenderi për linjën e transmetimit të energjisë, Shqipëri-Kosovë, me kapacitet 400 kilovoltësh, projekt ky i cili financohet nga banka gjermane KFË, ku ndërtimi i kësaj linje midis Shqipërisë dhe Kosovës, do t’i sillte vendit pavarësinë nga linjat serbe. Sipas këtyre burimeve, biznesmeni serb, Vuk Hamoviç, njëri nga njerëzit më të pasur në Ballkan, i cili operon në këtë biznes, në bashkëpunim me Damir Fazlliç, janë takuar në Vjenë të Austrisë me djalin e kryeministrit, Shkëlzen Berisha. “Biznesmenët serbë kanë paguar shuma të mëdha në instanca të larta shtetërore në Shqipëri, për bllokimin e ndërtimit të linjës”, citon burimet e saj gazeta “Zëri”. Gjeresisht per: Vlimet ne Maqedoni: Nata e tensionuar në Shkup Një objekt i një pronari shqiptar në lagjen Radishan të Shkupit është djegur mbrëmë nga grupet maqedonase, që mbrëmë sërish kanë bllokuar rrugët. 16/04/2012 08:48:00 Dhjetëra të rinj, me kapela në kokë kanë qëndruar në rrugët kryesore të Radishanit, duke kërcënuar dhe kërkuar ndriçimin e vrasjes së pesëfishtë që ndodhi natën e së enjtes në afërsi të fshatit Smilkovc, informon agjencia e lajmeve INA. Banorët shqiptarë që janë në dalje të kësaj lagje kanë kaluar natën nën shqetësim dhe frikë, për shkak të rrezikut nga sulmet e mundshme të huliganëve maqedonas. Tensione kanë mbretëruar edhe në lagjen Butel, ku ka pasur tentim për eskalim të dhunës, për shkak se një grup huliganësh dhe protestuesish ishin nisur për të sulmuar shtëpi shqiptare, por ato janë ballafaquar me njësitet policore të ndërhyrjes së shpejtë. Një banor i lagjes Butel theksoi për agjencinë e lajmeve INA se situata ka qenë e tensionuar dhe se natën e kanë kaluar pa gjumë, për shkak të rrezikut nga sulmet e mundshme të huliganëve maqedonas. “Apelojmë që të ndërpriten këto skenare, sepse përndryshe rreziku mund të jetë me pasoja të mëdha dhe të eskalojë situatë e pakontrolluar. Turmat e çmendura patën si cak që të sulmojnë shtëpitë tona, por u evitua konflikti dhe qëllimet e tyre”, theksoi banori i Butelit, duke theksuar se janë dëgjuar edhe të shtëna. Në fshatin Luboten gjithashtu mbrëmë ka mbretëruar situatë shqetësuese, ndërsa protestuesit sërish kanë vënë barrikada në rrugën që lidh fshatin me lagjen Radishan dhe Shkupin. Në lagjen Draçevë në pjesën lindore të Shkupit sërish ishte vendosur një barrikadë me dhjetëra protestues maqedonas, të cilët kishin bllokuar rrugën që lidh Shkupin me fshatrat shqiptare të Karshiakës. Kryetari i komunës së Studeniçanit, Fati Iseni ka konfirmuar për INA barrikadën e vendosur sërish nga banorët maqedonas të Draçevës, duke theksuar se me këto skenare po pengohet lëvizja e lirë dhe po nxiten tensione të panevojshme. Barrikaduesit në Draçevë kanë theksuar se solidarizohen me bashkëkombasit e tyre të Radishanit për të zbardhur sa më shpejt vrasjen e pesëfishtë. Grupe të të rinjve maqedonas janë parë edhe nëpër lagje të tjera të Shkupit, si Lisiçe, Kisella Vodë, në një pjesë të lagjes Gazi Babë, etj. Nëpër rrugët e Shkupit kanë qenë të pranishme forca të shumta policie, të vendosura nëpër disa pika kontrolli. MPB ka vazhduar të mbajë të bllokuara disa akse rrugore që lidhin Radishanin dhe lagjen Butel. Kacin: Vrasësit kanë emër dhe mbiemër Raportuesi i Parlamentit Evropian dhe nënkryetar i delegacionit për Evropën Juglindore, Jelko Kacin sot ka dënuar vrasjen e pesë maqedonasve në Shkup. Ai përmes një deklarate me shkrim ka shkruar se organet hetuese dhe gjyqësore patjetër duhet që punën e tyre ta kryejnë në mënyrë efikase dhe në thelb. “E domosdoshme është që të vërtetohet se kush është përgjegjës për këtë vrasje mizore, me ç`rast do të shmanget atmosfera e pasigurisë dhe mosbesimit. Liderët e Maqedonisë dhe organet shtetërore patjetër duhet të bëjnë çmos që të parandalohet shpërthimi i përleshjeve etnike”, shkruan Kacin. Sipas tij, asnjë bashkësi etnike nuk ka lidhje me këtë krim dhe se siç tha ai, bëhet fjalë për vrasës me emër e mbiemër. (burimi: INA) Mediat serbe të fokusuara me inskenime dhe burime në Maqedoni Mediat serbe ditëve të fundit janë fokusuar në ngjarjet e fundit në Maqedoni, pas vrasjes së pesëfishtë në fshatin Smilkovc në periferi të Shkupit. Televizioni “Srpska Prva Televizija” raporton sot duke u thirrur në burime policore maqedonase, se ka një dëshmitar i mbijetuar për vrasjen që ndodhi natën e së enjtes në periferi të Shkupit, ku u vranë katër të rinj maqedonas dhe një 45 vjeçari maqedonas nga Radishani i Shkupit, transmeton INA. Sipas këtij televizioni serb, identiteti i dëshmitarit mbahet sekret i jashtëzakonshëm, ndërsa theksohet më tej se vrasësit kanë ikur në drejtim të Kosovës. Gjithashtu spekulohet se në afërsi të vendkalimit Bllacë është gjetur një makinë e tipit Jeep. Edhe mediat e tjera serbe, si kurir.rs raporton se AKSH po përgadit sulme në Maqedoni, Greqi dhe Kosovë, duke cituar një komunikatë të kësaj organizate e cila kohëve të fundit ishte deklaruar në mënyrë virtuale përmes emailit se do të vetëmbrohet në rastin e eskalimit të dhunës serbe në veriun e Kosovës. Plasimi i këtyre lajmeve nga vendi fqinj Serbia, po vlerësohet si një skenar që po përgaditet në Shkup, për të implikuar dhe akuzuar shqiptarët si vrasës të vrasjes në Smilkovc. Ministrja e MPB-së, Gordana Jankullovska ka theksuar se vrasja nuk është për motive etnike, por hetimet e ditëve të ardhshme do të nxjerrin në sipërfaqe se kush në të vërtetë qëndron pas vrasjes së pesëfishtë. (burimi: INA) FDBK: Në Smilkovc nuk kanë vrarë shqiptarët 16/04/2012 08:54:00 Fronti Demokratik për Bashkim Kombëtar (FDBK), një lëvizje politike e dalur nga formacioni ushtarak AKSH ka theksuar se vrasja e pesëfishtë në Smilkovc të Shkupit nuk është vepër e kryer nga shqiptarët. “FDBK me përgjegjësinë më të lartë moralo-politike, deklaron se, vrasja makabër e 5 (pesë) të rinjëve sllavo-maqedonas nuk është vepër e shqiptarëve, sepse shqiptaret, gjatë gjithë historisë së luftërave të tyre për liri dhe pavarësi kombëtare, asnjëherë nuk kanë vrarë pas shpine, siç kanë bërë të tjerët ndaj tyre”, thekson kjo lëvizje politike që drejtohet nga veprimtari Gafurr Adili nga Kërçova. Sipas komunikatës së kësaj lëvizje, kjo vrasje makabër do të jetë vepër vetëm e qarqeve serbo-greke. “Qarqe të cilat dëshirojnë që përmes skenarëve të tillë të realizojnë qëllimet e tyre ekspansioniste mbi krijesën artificiale pa emër dhe edhe pa mbiemër (IRJM-në), të cilës vetëm serbo-greket, dhe asnjëherë SHQIPTARËT, jo vetëm nën IRJM, por as edhe Republika e Shqipërisë dhe Republika e Kosovës, nuk ia kanë kontestuar as emrin, dhe as identitetin shtetëror e kombëtar, siç ka bërë dhe vazhdon të bëjë Greqia, apo Kisha Autoqefale, si Serbia”, thekson FDBK. Kjo lëvizje kërkon që në hetimet për zbardhjen e vrasjes të kyçen struktura inteligjente dhe hetimore ndërkombëtare, pasi që siç thuhet në organet e larta shtetërore dhe hetimore në Maqedoni kanë ndikim të madh segmentet serbe. (burimi:INA) Iseni: Barrikadat në Draçevë izolojnë shqiptarët e Karshiakës Kryetari i komunës së Studeniçanit, Fati Iseni sot ka shprehur publikisht shqetësimet mbi situatën e krijuar në zonën e Karshiakës, për shkak të barrikadave të vendosura ditëve të fundit nga turma të maqedonasve në lagjen e Draçevës. ereniku, 16/04/2012 13:04:00 “Dy netë me radhë jemi dëshmitarë të bllokimit të rrugës edhe ate nga ora 22.00 nga një grup prej 50 deri 100 protestues, që janë të njejtit me brohoritje më ofenduese kundër shqiptarëve, ku jam edhe vetë dëshmitar. Mbrëmë qëndrova në mesin e turmës dhe i pyeta se cili është qëllimi dhe askush s`flet dhe pse fshihen. Akoma nuk janë deklaruar publikisht lidhur me këto ngjarje funksionarët lokal, ata qeveritar dhe deputetët”, theksoi për INA, Fati Iseni. Ai shprehu shqetësimin se me këto akte po bllokohen banorët shqiptarë të fshatrave të komunës së Studeniçanit, sepse bllokada është vendosur në pikën që konsiderohet si udhëkryq dhe arterie që lidh këtë zonë me Shkupin. “Shqetësimi më i madh për qytetarët është dita e nesërme kur fillon shkolla, si prindërit ashtu edhe profesorët që ligjerojnë, sepse janë të shqetësuar se si do të veprojnë ditën e nesërme. Unë jam i bindur se nuk do të ndodhë asgjë e keqe, sepse kryesisht bllokimet ndodhin gjatë natës”, theksoi Iseni, duke ftuar banorët shqiptarë që të jenë të përmbajtur dhe të mos bien pre e provokimeve. Në shkollën e mesme “Braqa Milladinovci” në lagjen Draçevë, mësojnë mbi 250 nxënës shqiptarë në paralelet me mësim në gjuhën shqipe. Kryetari i komunës së Studeniçanit, Fati Iseni ka kërkuar takim me kryetarët e komunave Kisella Vodë dhe Zelenikovë , përfaqësues të protestuesve, kryeshefin e policisë për të biseduar lidhur me situatën e krijuar për të ulur tensioned dhe shmangur barrikadat e mëtejshme. (burimi: INA) Rrjetet sociale paralajmërojnë protesta në Shkup 16/04/2012 13:13:00 Qytetarë dhe organizata maqedonase përmes rrjeteve sociale të internetit kanë paralajmëruar për sot protesta kundër vrasjes së pesëfishtë në Shkup. Njëra nga protestat është paralajmëruar të zhvillohet në ora 17 para Qeverisë, mirëpo organizatorët e saj akoma nuk janë publikuar se a përfaqësojnë grupe apo lëvizje politike. Një protestë tjetër është paralajmëruar në qytetin e Velesit pas dite, ku gjithashtu ajo është bërë e ditur dhe është thirrur përmes rrjeteve sociale të internetit. Nga ana tjetër, është paralajmëruar edhe një marsh paqe i organizuar nga partia VMRO-DPMNE dhe kjo është konfirmuar përmes disa mediave maqedonase./burimi:INA/ NYT: Vrasja po rrit tensionet ndëretnike Gazeta amerikane “Nju Jork Tajms” ka shkruar sot se vrasja e pesëfishtë në periferi të Shkupit po rrit tensionet ndëretnike në Maqedoni. ereniku, 16/04/2012 16:52:00 “Gjatë kohës së festës ortodokse Pashkët, një nga festat më të shenjta të krishterëve këtu, maqedonasit ishin në zi, për shkak të vrasjes së pesë bashkëkombësve të tyre, në një situatë kur ka spekulime se vrasësit janë nga etniteti shqiptar, me ç`rast janë paralajmëruar shqetësimet për një raund të ri të dhunës midis komuniteteve”, shkruan gazeta “Nju Jork Tajms”, duke raportuar nga Sofja përmes korrespodentit të saj në Ballkan, Metju Brunvaser në një shkrim me titull “Vrasjet po rrisin tensionet etnike në Maqedoni”. Sipas gazetës NYT, vendi ishte i përfshirë në tensione gjatë fundjavës, derisa policia po kërkon vrasësit dhe motivet e mundshme. “Edhe pse nuk ka dëshmi se vrasja është e lidhur me tensionet etnike apo me dy episodet e dhunës etnike gjatë këtij viti, policia për të ulur tensionet ka dalë në terren të premten, derisa demonstruesit e nevrikosur kanë bllokuar rrugën, kanë thyer xhama të makinave dhe kanë gjuajtur gurë në drejtim të autobusëve”, thuhet në tekstin e gazetës. NYT citon deklaratën e ministres së MPB-së, Jankullovka për mungesën e informatës për përkatësinë etnike të vrasësve. Gazeta rikujton vrasjen në Gostivari, kur një polic që nuk ishte në detyrë vrau dy shqiptarë etnik, duke shtuar se këto vrasje shkaktuan demonstrata disaditëshe dhe rrahje midis të rinjve me shufra hekuri, shkopinj dhe thika, duke shkaktuar edhe një varg lëndimesh. “Gjykata akoma nuk është deklaruar se vrasja në Gostivar është e ndërlidhur me përkatësinë etnike të viktimave të vrara”, shkruan më tej gazeta duke dhënë një pasqyrë mbi pozitën dhe numrin e shqiptarëve, si dhe rikujtimin e konfliktit të vitit 2001, ku ishin vrarë rreth 80 veta. NYT përmend edhe Marrëveshjen e Ohrit, e cila siç thuhet nga nxitur shqiptarët që politikisht të integrohen, por ndarja në shoqëri edhe më tej ekziston. Edhe pse incidenti ka ndodhur në prag të Samitit të NATO-s në Çikago më 20 maj, analistët në Shkup theksojnë se kjo nuk do të ketë asnjë lloj ndikimi ndaj Maqedonisë, pasi që ata vlerësojnë se vendi nuk do të jetë i ftuar që ti bashkëngjitet Aleancës, për shkak të kontestit rreth emrit me Greqinë. NYT shkruan se, për shumë shqiptarë në Maqedoni, një pjesë e autonomisë dhe integrimit të premtuar përmes Marrëveshjes së Ohrit do të duhet të realizohet. “Një numër i madh vlerësojnë se Qeveria ku dominojnë maqedonasit etnik asnjëherë nuk kanë pranuar nevojën për rritjen e të drejtës së përdorimi të gjuhë dhe autonomisë dhe se Qeveria në mënyrë formale respekton Marrëveshjen e Ohrit, pa treguar vullnet politik për implementimin efektiv”, shkruan gazeta amerikane. Bekim Kadriu, profesor universitar për të Drejtën Ndërkombëtare thekson për gazetën se për këto 10 vite, Qeveria vetëm shtirej se po tenton të integroj grupet etnike, por sipas tij, ky proces po zvarritet. MPB publikon makinën e dyshuar për vrasjen e pesëfishtë Ministria e Punëve të Brendshme (MPB) ka publikuar sot fotot e makinës së gjetur të tipit “Opel Omega”, e cila ishte shfrytëzuar nga vrasësit e vrasjes së pesëfishtë në Smilkovc të Shkupit. 16/04/2012 16:33:00 Ministrja e MPB-së, Gordana Jankullovska theksoi se makina është gjetur 10 kilometra nga vendi ku ishte kryer ekzekutimi dhe se ajo konfirmoi se kjo makinë ishte shfrytëzuar nga vrasësit gjatë kryerjes së vrasjes në natën e së enjtes. “Makina është me targa të vjedhura, që një kohë i takonin një makine Mercedes, e cila nuk është në qarkullim. Kjo makinë që kemi informuar është sjellë nga jashtë, ajo nuk ishte e regjistruar në Maqedoni dhe nuk ishte në qarkullim të rregullt”, ka theksuar ministrja Jankullovska, duke apeluar që qytetarët që e kanë të njohur këtë makinë apo që e kanë hasur më parë, të lajmërojnë MPB-në në numrin 199 për informacionet. Ajo shtoi se hetimet po shkojnë në drejtim të duhur dhe se një pjesë e vogël e të dhënave është përpunuar, ndërsa për përpunim të hollësishëm nevojiten edhe disa ditë të tjera. Ministrja Jankullovska e pyetur rreth informatave të mediave serbe për gjoja ekzistimin e një dëshmitari të ngjarjes, ajo nënvizoi se “Dëshiroj të bëjë thirrje tek të gjitha mediat që të përmbahen nga spekulimet, për shkak se nuk përjashtohet që në këtë periudhë, derisa hetimet po vijojnë të ketë spekulime të ndryshme, që jo gjithëherë janë të dobishme dhe do të ketë lloj-lloj provokime për të nxjerrë detaje në opinion dhe që mund të dëmtojnë hetimet”. (burimi: INA) - Lajmet - E premte, 13 prill, 2012 ...shkurt e trup: - New York: Në prag të 100 vjetorit të VATRES, Zbulohen uniformat e “Trupi Vullnetar”apo “Garda Civile”/speciale ne fund te lajmeve te sotme/ - New York: Shqiptari pranon fajësinë për terrorizëm - Policia e Kosovës mohon ndalimin e ROSU-t nga EULEX dhe KFOR - Komisioni për siguri diskutoi për veriun - Të rinjtë në Mitrovicë protestojnë kundër EULEX-it - Thaçi: Serbia asnjëherë nuk do të mbajë zgjedhje në Kosovë - Thaçi kërkon koordinim për të vendosur rend në veri - Këtë muaj shpallet fituesi i tenderit të distribucionit të KEK-ut - Liderët partiak serbë përplasen për Kosovën ...informacione pak me te hapura: Shqiptari pranon fajësinë për terrorizëm Ereniku, New York, 13.04.2012 Agron Hasbajrami, një qytetar shqiptar 27 vjeçar me banim në Bruklin të Nju Jorkut, pranoi fajësinë në një gjykatë të Nju Jorkut për tentativë mbështetjeje të grupeve terroriste. Hasbajrami përballet deri me 15 vjet burgim. Si kusht për deklarimin e fajësisë, Hasbajrami ka rënë dakord që të deportohet nga Shtetet e Bashkuara. Njoftimi u bë i ditur nga prokuroria e Nju Jorkut. Sipas dokumenteve të gjykatës. Hasbajrami ishte përpjekur të shkonte në rajonet fisnore të Pakistanit për t''''u bërë pjesë e një grupi radikal xhihadist. Më 5 shtator 2011, Hasbajrami bleu një biletë pa kthim për në Turqi dhe nga komunikimet e tij me email rezultonte se ai do të shkonte në zonat fisnore kufitare të Pakistanit. Të nesërmen ai u arrestua në aeroportin Xhon Kenedi në Nju Jork. Pas arrestimit në banesën e tij u gjet mes të tjerash një shënim ku thuhej ”mos prit për pushtimin, është koha për martirizim”. Policia e Kosovës mohon ndalimin e ROSU-t nga EULEX dhe KFOR Ereniku, e premte, 13 prill 2012 14:45 Portali lajmeshqip njofton se;Policia e Kosovës mohon të ketë pasur ndonjë ndërhyrje të KFOR-it në bazën e njësive speciale të policisë së Kosovës (ROSU) në Mitrovicë. Situata e përgjithshme në Mitrovicë pas ngjarjeve të fundit paraqitet e qetë dhe nuk janë shënuar incidente që do të rrezikonin sigurinë e përgjithshme të qytetarëve. Kështu bëri të ditur zëdhënësi i Policisë së Kosovës për rajonin e Mitrovicës Besim Hoti. Ndërkaq sa i përket informacioneve që KFOR-i edhe EULEX-I ka kontrolluar bazën e njësive të specializuara të Policisë së Kosovës Hoti tha se kjo nuk ka ndodhur. Informacionet e ndryshme të cilat qarkullojnë nëpër portale të ndryshme dhe agjenci të ndryshme të lajmeve bëjnë të ditur forcat e KFOR-it dhe Eulex-it kanë ndërhyrë për bastisje dhe kontrolla në bazën e njësive të specializuara të PK-së. Mendohet se sipas një informacioni KFOR dhe EULEX dinin për përgatitjet e ROSU për të kryer arrestimin e disa serbëve në veri, për sulmin ndaj pikës statike të Policisë së Kosovës të vendosur në Mitrovicë. Ndërkaq, zëdhënësi i KFOR-it Uve Novicki tha se nuk ishte në dijeni nëse forcat paqeruajtëse kanë penguar një aksion të mundshëm të forcave speciale të policisë së Kosovës ROSU. Komisioni për siguri diskutoi për veriun Komisioni parlamentar për punë të brendshme dhe siguri i kërkoi qeverisë dhe policisë që të veprojë me të gjitha mjetet kushtetuese dhe ligjore për të vendosur rendin dhe ligjin në veri. Të rinjtë në Mitrovicë protestojnë kundër EULEX-it Dhjetëra studentë dhe nxënës, anëtarë të Këshillit të Veprimit Rinor Lokal të Mitrovicës në bashkëpunim me Lëvizjen “Koha”, kanë protestuar sot para selisë së EULEX-it në Mitrovicë, në shenjë pakënaqësie me punën e këtij misioni. Ata kanë shprehur revoltën e të rinjve mitrovicas ndaj EULEX-it dhe sjelljeve të këtij misioni në raport me kriminelët serbë në veri. Thaçi: Serbia asnjëherë nuk do të mbajë zgjedhje në Kosovë Kryeministri i Kosovës Hashim Thaçi vrasjen e qytetarit shqiptar ne veri të vendit e quan akt terrorist. Ai kërkon nga drejtësia që akterët e vrasjes të dalin para gjyqit. Kryeministri Thaçi pas kthimit nga SHBA-të edhe një herë ka thënë se nuk do të ketë zgjedhje të Serbisë në Kosovë. Thaçi kërkon koordinim për të vendosur rend në veri Kryeministri Hashim Thaçi, ka takuar komandantin e KFOR-it, gjeneralin Erhard Drews, zëvendës shefin e EULEX-it, Andy Sparkes, përfaqësuesin special të BE-së, njëkohësisht shef i Zyrës së BE-së në Kosovë, Samuel Zhbogar, si dhe zëvendësambasadorin e SHBA-së në Kosovë, Michael Marfy, me të cilët ka diskutuar për zhvillimet e fundit në veri të Kosovës. Këtë muaj shpallet fituesi i tenderit të distribucionit të KEK-ut Deri në fund të prillit do të shpallet fituesi i tenderit për privatizimin e distribucionit, ka thënë sot ministri i Zhvillimit Ekonomik Besim Beqaj, pas takimit me anëtarë të Odës Ekonomike Amerikane. Liderët partiak serbë përplasen për Kosovën Për Kosovën përplasën edhe liderët partiakë në Serbi të cilët po mbajnë fushatë parazgjedhore. Deklarata e liderit të Partisë Përparimtare Serbe, Tomisllav Nikoliq, se marrëveshjet që Serbia i ka arritur me Prishtinën nuk e obligojnë atë nëse bëhet president, për Qeverinë e Serbisë është skajmërisht e papërgjegjshme dhe e rrezikshme për shtetin, ka thënë Mihajlo Mihajloviq, drejtor i Zyrës për media në qeverinë e Serbisë. Sipas tij Qeveria e Serbisë me dialog dhe me rrugë paqësore i zgjidh problemet në Kosovë dhe mbron interesat kombëtare si dhe mbetjen e popullsisë serbe në Kosovë. ...speciale: UNIFORMA E NJË LUFTËTARI TË “TRUPIT VULLNETAR” APO TË “GARDËS CIVILE” Ereniku, New York: E premte,04/13/2012 ...nga: Beqir Sina: nergut-ekskluzive per ereniku.net Pjese e uniformes te Trupave Vullnetare te Vatres e restauruar Në prag të 100 vjetorit të VATRES, Zbulohen uniformat e “Trupi Vullnetar”apo “Garda Civile”, sic u quajt zyrtarisht më vonë, që në fillim të vitit 1920, erdhi në Shqipëri së bashku me Bandën “Vatra”! “Garda Civile”, metamorfozë e “Regjimentit Shqipëtar” i ideuar që në vitin 1918 nga Mehmet Bej Konica dhe i ftuar në 1920 nga kryeministri shqiptar i asaj kohe, Sulejman Delvina! Nga Frederik Stamati Po marr përsipër të shkruaj historinë e një uniforme ushtarake të vitit 1920, pa pretenduar se do të jetë e plotë, por duke u munduar ta shoqëroj me të gjitha kuriozitetet e mundëshme. Gjithashtu dua të shtoj, se gjetja e saj ishte frut i punës së katër vetave, ku ve? meje morën pjesë edhe Arjola Prifti, shefja e Fondit etnografik të Qendrë së Studimeve Albanologjike, Vilma Nallbani dhe Violeta Maloku, të dyja punonjëse të këtij fondi. Nga i gjithë ky grup asnjë nuk ishte i parë. *** Stendali thotë se rasti është gjeneral. Për ne rasti është treguar një fisnik bujar, zemërgjerësia e të cilit ledhatoi si rrallë herë sedrën muzeale të shtetit shqiptar. Ja, ndonja dy muaj më parë, tek rrënonim plot emocione për relike të harruara të Bandës “Vatra”, gjetëm në një grumbull objektesh, që nuk dihej se ?farë ishin, një uniformë të vjetër ushtarake. Ishte e palosur pa kujdes, gjithë rrudha, me sa dukej nuk i hynte askujt në punë, madje as që e tërhiqte, as sa për kuriozitet. Ë hë, as sa për kuriozitet! Mirëpo kurioziteti është kapri?ioz, është syth i fshehtësisë, apo lidhet me di?ka të rrallë, të cilën e di, e kërkon dhe nuk e gjen dot. E shpalosëm xhaketën. Në të dyja anët e jakës simboli kombëtar, shiriti kuq e zi dhe dy germa të mëdha prej bronzi T dhe V. O Zot! “Trupi Vullnetar”! “Trupi Vullnetar”apo “Garda Civile”, si? u quajt zyrtarisht më vonë, që në fillim të vitit 1920, erdhi në Shqipëri së bashku me Bandën “Vatra”! “Garda Civile”, metamorfozë e “Regjimentit Shqipëtar” i ideuar që në vitin 1918 nga Mehmet Bej Konica dhe i ftuar në 1920 nga kryeministri shqiptar i asaj kohe, Sulejman Delvina!(Te plote ne botimin special te Gazetes Dielli me rastin e 100 vjetorit te VATRES, me 100 faqe) - Lajmet - E enjte, 12 prill, 2012 ...shkurt e trup: - Kosovë, situata në veri vazhdon e tensionuar - Thaçi: Koha që Bosnja të njohë Kosovën - Sparks: Zgjidhja për veriun duhet të bëhet me mjete politike - Kosovë: Garda Kombëtare e IOWA-s do të ndihmojë FSK-në - Jahjaga: Korrupsioni po rrezikon shumë Kosovën - Krasniqi: Bllokimi i punës së Kuvendit, “terrorizëm politik” - Ka dhënë dorëheqje ambasadori i Kosovës në Çeki - Amnesty International do të kërkoj lirimin e Hasan Abazit ....info.-hapur: Kosovë, situata në veri vazhdon e tensionuar Ereniku, 10 prill 2012 /Kosove,ora:17:08 / Prishtinë-Situata në veri të Mitrovicës mbetet e tensionuar pasi banorët shqiptarë atje ndjehen të pasigurt për jetën e tyre dhe të familjarëve. Zonat e banuara me shqiptarë në disa lagje të veriut i vizitoi kryetari i komunës Avni Kastrati, i cili i inkurajoi ata të mos lëshojnë shtëpitë përderisa iu bëri thirrje për vetëmbrojtje. “Jemi marrë vesh se në situata të tilla nëse vjen deri te sulmi eventual nëpër shtëpi secili të mbrojë pragun e shtëpisë se mënyra tjera për momentin nuk ka”-tha ai. Kryetari Kastrati tha se për momentin nuk ka informacione se qytetarëve shqiptarë po u bëhet presion për të lëshuar shtëpitë. Ndërsa ka shtuar gjithashtu se, nuk kishte informacione nëse një pjesë e tyre i kanë vënë në shitje pronat. Vizitës së tij i parapriu një takim me banorët shqiptarë të pjesës veriore të cilët kërkuan më shumë siguri nga organet e rendit për jetën e tyre. Në anën tjetër, shefi i policisë rajonale Nehat Thaçi tha se policia po mundohet të ofrojë siguri në atë pjesë të vendit, mirëpo nuk bëri të ditura plane konkrete për këtë. Ai nuk qartësoi nëse do të vendosen sërish pikat statike të policisë të cilat dje u demoluan nga bandat kriminale serbe. Ai tha se policët e Kosovës janë të pranishëm në atë pjesë dhe se në bashkëpunim edhe me EULEX-in dhe KFOR-in po shikohen mundësinë për forcimin e sigurisë në veri...njoftoi portali lajmeshqip. Amnesty International /AI/ do të kërkojë lirimin e Hasan Abazit Organizata për të drejtat e njeriut, Amnesty International (AI), ka dënuar sërish arrestimin e kosovarit Hasan Abazi nga ana e autoriteteve serbe më 28 mars. Përfaqësuesja e organizatës, Shon Xhons, ka thënë se Amnesty International do t’i dërgojë letër Qeverisë së Serbisë për të kërkuar lirimin e Abazit, transmeton Rel. “AI konsideron se ai është i burgosur politik, sepse arsyeja e vetme që është arrestuar ka të bëjë me faktin se ai është shqiptar. Gjithçka tregon se bëhet fjalë për arrestim nga hakmarrja, pasi në Kosovë janë arrestuar paraprakisht katër serbë. Këtë e dëshmojnë edhe deklaratat e ministrit të Brendshëm serb, Ivica Daçiq, të cilat janë shumë shqetësuese”, ka thënë Xhons për Radion Evropa e Lirë. Policia e Kosovës, muajin e kaluar, ka arrestuar 4 pjesëtarë të komunitetit serb, të cilët bartnin material zgjedhor të Serbisë. Ivica Daçiq ka thënë se vendi i tij do të hakmerret ndaj arrestimeve që u ka bërë policia kosovare katër zyrtarëve serbë të Kosovës. Sindikalisti kosovar, Hasan Abazi, ishte në rrugë për një konferencë ndërkombëtare në Kroaci, kur është kapur në Konçul të Bujanocit, bazuar në një urdhër-arrest të lëshuar në vitin 1995, për, siç thuhet, “krime kundër kushtetutës dhe sigurisë së Republikës së Serbisë”. Lirimin e tij e kanë kërkuar edhe zyrtarë të Parlamentit Evropian. Sparks: Zgjidhja për veriun duhet të bëhet me mjete politike Zëvendësshefi i EULEX-it, Andi Sparks i tha Radio Kosovës se zgjidhja e problemit të veriut duhet të bëhet me mjete politike. Në një intervistë për Radio Kosovën, ai thotë se zgjidhja e statusit të veriut është brenda pakos së Ahisarit. Kosovë: Garda Kombëtare e IOWA-s do të ndihmojë FSK-në Ereniku,12 prill 2012 Prishtinë – Shefi i Shtabit të Gardës Kombëtare të IOWA-s, po qëndron në Kosovë, me një ekip nga IOWA dhe EUCOM-i, për caktimin e fushave të bashkëpunimit bilateral, për vitin 2013. Koloneli Gary Freese, ka premtuar që edhe në të ardhmen, Garda Kombëtare e IOWA-s, do ta ndihmojë FSK-në në të gjitha drejtimet, bën të ditur ministria kosovare në një komunikatë për media. Ministri i Forcës së Sigurisë të Kosovës, Agim Çeku dhe komandanti gjeneral lejtnant Kadri Kastrati kanë pritur sot shefin e Shtabit të Gardës Kombëtare të IOWA-s, kolonelin Gary Freese, në takime të ndara. Kjo vizitë realizohet në kuadër të thellimit të bashkëpunimit pas nënshkrimit të partneritetit shtetëror për bashkëpunimin mes FSK-së dhe Gardës Kombëtare të IOWA-s. Ministri Çeku dhe gjeneral lejtnant Kastrati kanë falënderuar SHBA-në dhe Gardën Kombëtare të IOWA-s për ndihmën që po japin për FSK-në. Ministri dhe Komandanti i FSK-së, gjithashtu e kanë njoftuar Shefin e Shtabit të Gardës Kombëtare të IOWA-s, kolonelin Freese për zhvillimet dhe arritjet e Forcës së Sigurisë të Kosovës, si dhe për objektivat e zhvillimit të FSK-së, për të ardhmen....njofton portali lajmeshqip Jahjaga: Korrupsioni po rrezikon shumë Kosovën Korrupsioni është një e keqe që po e kërcënon shoqërinë dhe institucionet tona. Kjo dukuri po rrezikon shumë procese madje edhe sigurimin e njohjeve nga shtetet e tjera. Kështu tha sot presidentja e vendit Atifete Jahjaga, në takimin e Këshilli Kombëtarë Kundër Korrupsionit. Thaçi: Koha që Bosnja të njohë Kosovën Kryeministri i Kosovës, Hashim Thaçi, ka thënë se është koha që Bosnjë e Hercegovina të njohë Kosovën, duke thënë se pavarësia e saj nuk është e drejtuar kundër askujt. Familjarët kërkuan përshpejtim të zbardhjes së fatit të të pagjeturve Mbledhja e Komisionit Qeveritar për persona të zhdukur sot u mbajt nën tensione, për shkak se familjarët kërkuan përshpejtim të zbardhjes së fatit të të pagjeturve.Ata akuzuan EULEX-in dhe Qeverinë e Kosovës që sipas tyre nuk po bëjnë sa duhet Në prag të 27 prillit, Ditës së të zhdukurve, familjarët e të pagjeturve kritikuan edhe njëherë qeverinë dhe institucionet ndërkombëtare që nuk po bëjnë sa duhet për zbradhjen e fatit të të pagjeturve. Në mbledhjen e sotme të Komisionit Qeveritar për persona të zhdukur, kryetari Preng Gjetaj tha se ky komision ka kompetenca dhe detyra për gjetjen e mbetjeve mortore ndërkaq përgjegjësia për zbardhjen e fatit të të zhdukurve u takon organeve tjera shtetërore vendore dhe ndërkombëtare. Muharrem Pajaziti nga shoqata “27 Prilli” duke paraqitur disa dëshmi të Masakres së Burgut të Dubravës, tha se çdo i burgosur që i ka mbijetuar asaj masakreje ka dhënë nga 10 herë dëshmi në UNMIK dhe në EULEX. Ndërkaq Bajram Qerkini, i cili është edhe anëtar i komisionit ngriti çështjen e mbi 50 trupave të gjetur në kazermën Meto Bajraktari në Mitrovicë. Ai tha se nëse këta trupa nuk identifikohen atëherë do t’i sjellë para ndërtesës së qeverisë. Ndërkaq për këtë vit është paraparë të bëhen gërmime në 36 lokacione. Krasniqi: Bllokimi i punës së Kuvendit, “terrorizëm politik” Kryetari i Kuvendit të Kosovës, Jakup Krasniqi bllokimin e punës së kuvendit e quajti “terrorizëm politik”. Kryeparlamentari Krasniqi ua sqaroi Vetëvendosjes se mbledhje të jashtëzakonshme të Kuvendit mund të thërras presidenti-ja, kryeministri, ose cilido grup parlamentar, që siguron nënshkrimin e kërkesës me 40 nënshkrime. Kurse LDK-ja ishte pro seancës së jashtëzakonshme por vetëm kur të jetë prezent edhe kryeministri, Hashim Thaçi. Ka dhënë dorëheqje ambasadori i Kosovës në Çeki I ngarkuari me punë në Ambasadën e Republikës së Kosovës në Çeki, Hilmi Zogiani, ka dhënë dorëheqjen e parevokueshme nga posti i tij. Zogiani i ka drejtuar një letër Ministrisë së Punëve të Jashtme të Kosovës, në Prishtinë, përmes së cilës ai njofton institucionet e Kosovës për dorëheqjen, ka konfirmuar Artan Behrami, këshilltar politik i ministrit Enver Hoxhaj. “Është e vërtetë që Ministria e ka pranuar letrën e Zogianit, përmes së cilës ai ofron dorëheqjen nga posti i shefit të misionit diplomatik në Ambasadën e Çekisë”, është shprehur Behrami. Behrami, i cili njëkohësisht është edhe zëdhënës në Ministrinë e Jashtme, ka pohuar se arsyet për këtë dorëheqje, sipas letrës që ka dërguar Zogiani, janë të natyrës private. Sipas tij, Zogiani do të vazhdojë të mbështesë Ministrinë e Punëve të Jashtme dhe diplomacinë e Kosovës në forma të ndryshme. - Lajmet - E mërkurë, 11 prill, 2012 ...trup e trup: - Mitrovicë, Komiteti i Sigurisë së qytetarëve të veriut thirrje për ndërhyrje urgjente - Nikoliq: Kosovën do ta bëjë Serbi - Lauka porositë Daçiqin: Mos luajë me kufij - Jahjaga po zhvillon takime me strukturat e sigurisë - OVL e UÇK-së: Do të vihemi në ballë të organizimit popullor - JO dialog për çështje të brendshme - “Vetëvendosje”, i kërkon Rasmussenit që KFOR-i të veprojë në veri - Të njëjtat të drejta edhe për Luginën - Thaçi falenderon Ban Ki Moon për refuzimin e organizimit të zgjedhjeve Serbe në Kosovë - S’ka seancë të jashtëzakonshme - Jahjaga nga fonfi i Zyres se Presidentes ka ndarë 5 000 euro për familjen Haradinaj - U mbajt akademi përkujtimore për heroin Agim Ramadani - Fundi i prillit, afati për reformën zgjedhore në Shqipëri - Thaçi falenderon Ban Ki Moon për refuzimin e organizimit të zgjedhjeve Serbe në Kosovë - Rona Nishliu promovon këngën  e Florent Boshnjakut “Suus” para Eurovizionit. ..hapur: Mitrovicë, Komiteti i Sigurisë së qytetarëve të veriut thirrje për ndërhyrje urgjente Qytetarët e veriut të Mitrovicës kërkojnë veprim urgjent Qytetarët shqiptarë dhe ata të komuniteteve joserbe të veriut të Mitrovicës, kërkojnë veprime urgjente të strukturave të sigurisë në mënyrë që të parandalohet përshkallëzimi i situatës. Ata kërkojnë veprime konkrete dhe të shpejta, meqë situata është në pikën kritike pas vrasjes së Selver Haradinajt në banesën e tij. Lauka porositë Daçiqin: Mos luajë me kufij Ambasadori i Republikë së Shqipërisë në Prishtinë, Islam Lauka ka porositur ministrin e Brendshëm serb, Ivica Daçiqit, që kufijtë janë të pa prekshëm, të pa lëvizshëm, të pa tundshëm dhe mos të tentojë të luajë me ta, pasi që Shqipëria e ka njohur dhe e njeh kufirin e vendosur në Koshare, ashtu siç njeh në Jarinjë dhe Bernjak. Nikoliq: Kosovën do ta bëjë Serbi Kryetari i Partisë Përparimtare serbe (SNS) Tomisllav Nikoliq, pasi ka hyr ilegalisht në Kosovë, ka premtuar para qytetarëve serbë të veriut se në rast të fitores së tij në zgjedhjet e 6 majit, do të respektojë kushtetutën serbe në të cilën precizohet se Kosova është pjesë përbërëse e Serbisë. Nikoliq ka akuzuar presidentin serb, Boris Tadiq për të cilin ka thënë se përmes Borisllav Stefanoviqit ka arritur në Bruksel marrëveshje shumë të dëmshme për serbët e Kosovës. Jahjaga po zhvillon takime me strukturat e sigurisë Presidentja e Kosovës, Atifete Jahjaga po zhvillon sot takime me drejtues të strukturave të sigurisë më qëllim të koordinimit të veprimeve institucionale pas zhvillimeve të fundit në veri të vendit ku mbeti i vrarë 38 vjeçari Selver Haradinaj. Këshilltari për media i presidentes, Arbër Vllahiu tha se presidentja po i zhvillon këto takime në kuadër të përgjegjësive kushtetuese dhe ligjore në përpjekje për të bashkërendurar veprimet institucionale. Presidentja Jahjaga ka takuar sot ministrin e brendshëm, Bajram Rexhepin, drejtorin e Agjensisë së Intelegjnecës, Bashkim Smakajn, ndërkaq në orët e pasdites ajo do të takohet edhe me zyrtarë të EULEX-it. OVL e UÇK-së: Do të vihemi në ballë të organizimit popullor Prishtinë, 11.04.2012 Organizatat e dala nga lufta e UÇK-ja nëpërmjet një letre të hapur drejtuar organeve përgjegjëse për sigurinë në Kosovë kanë kërkuar që të sigurohet popullata shqiptare në veri Në këtë letër të hapur thuhet: Kaluan më shumë se 12 vite që nga largimi i forcave okupuese e ne ende kemi një situatë okupimi në veri të Kosovës. Strukturat e Serbisë, në asnjë moment nuk pushuan së vepruari. UNMIK dhe KFOR, ishin në dijeni të plotë të situatës dhe me mosveprimet e tyre, lejuan funksionimin normal të këtyre strukturave, të cilat vazhduan traditën kriminale dhe gjenocidale të Millosheviqit. Në kohën kur Kosova kontrollohej ashpër nga UNMIK-u dhe KFOR-i dhe kur nuk kishte asnjë organ ekzekutiv vendor, natën në mes 3 dhe 4 shkurtit 2000, mbi 1500 familje shqiptare me rreth 12 mijë banor u deportuan me dhunë nga shtëpitë e tyre në veri të Kosovës, me ç’rast u vranë 10 persona dhe u plagosën shumë të tjerë. Që nga ajo kohë, organet përgjegjëse të sigurisë ndërkombëtare dhe vendore, kanë dështuar të sigurojnë popullatën shqiptare në atë pjesë, e dëbimet vazhduan dhe po vazhdojnë edhe më tutje me metoda nga më të ndryshmet, tanimë edhe në sytë e EULEX-it, i cili në vend se të kryejë detyrën e vet, vetëm se po e pengon shtetin e ri të Kosovës, që të marrë masat e duhura për të siguruar jetët e qytetarëve. Përderisa faktori shqiptar ka qenë i heshtur dhe i durueshëm, duke besuar në organet përgjegjëse të sigurisë, tani pas ngjarjeve të fundit, që argumentuan dështimin total të këtyre organeve, ne kërkojmë aktivitet e presion të shtuar nga Qeveria e Kosovës, unitet të të gjitha forcave politike shqiptare rreth situatës së krijuar. Organeve të sigurisë iu apelojmë që urgjentisht: - Të merren masat për kthimin e menjëhershëm të banorëve shqiptar në pronat e veta - Të shuhen strukturat e Serbisë dhe të arrestohen pjesëtarët e tyre Këto masa, sipas OVL e UÇK-së, janë parakusht i ruajtjes së sigurisë në Kosovë dhe do krijojnë kushtet për jetë të lirë e të qetë, për organizimin e pushtetit lokal legjitim dhe për mirëqenien ekonomiko-sociale të banorëve në atë pjesë. “Nëse KFOR-i, EULEX-i dhe Qeveria e Kosovës, do të rrinë edhe më tutje duarkryq, Organizatat e dala nga Lufta e UÇK-së, do të jenë në ballë të organizimit popullor. Përgjegjës të kësaj situate do të jenë vet organet e sigurisë, që me mosveprimin e tyre shkaktuan tërë këtë situatë”, thuhet në fund të letrën e hapur. Jo dialog për çështje të brendshme Zëvendëskryeministri i Republikës së Kosovës, Hajredin Kuçi, ka hedhur poshtë mundësin e dialogut ndërmjet Kosovës dhe Beogradin për çështje të brendshme të Kosovës. Sipas tij, në veri të Mitrovicës mbizotëron një gjendje e rënd e cila është trashëguar që 13 vite dhe se për tejkalimin e saj nevojitet një angazhim i të gjitha forcave politike, e posaçërisht një ndikim direkt i Uashingtonit dhe i Brukselit mbi qeverinë e Beogradit. “Unë e kam dhënë një sqarim të duhur dhe po e përsëris prapë se qeveria e Kosovë ka shprehë gatishmëri dhe është e gatshme që të dialogoj me qytetarët e vet të cilët kanë një breng. Por ajo nënkupton se do të kemi një qasje, për zbatimin e pakos së Ahtisarit, të kushtetutës së Republikës së Kosovës, por jo dialog mes Kosovës dhe Serbisë për çështjet të brendshme të Kosovës”, ka thënë Kuçi. “Vetëvendosje”, i kërkon Rasmussenit që KFOR-i të veprojë në veri Prishtinë,11.04.2012 Lëvizja “Vetëvendosje”, i ka dërguar letër Sekretarit të Përgjithshëm të NATO-s, Anders Fogh Rasmussen dhe Komandantit të Përgjithshëm të KFOR-it, Erhard Drews. VV-ja, thotë se gjatë javëve të fundit, Serbia ka arrestuar arbitrarisht përfaqësues të sindikatës së pavarur të metalurgëve të Kosovës, ka ekstraduar një ish-ushtar të UÇK-së nga Zvicra, dhe javën e kaluar xhandarmëria serbe ka kidnapuar dhe poshtëruar dy policë të Kosovës, brenda kufirit tonë. Policët u liruan – pasi që u lanë dy ditë pa ushqim dhe pasi armët e tyre dhe shenjat identifikuese të Policisë së Kosovës u ishin hequr. Në letër VV-ja, thekson se populli i Kosovës është shumë i shqetësuar nga përkeqësimi drastik i situatës së sigurisë. Nga ne kërkohet të qëndrojmë ”të qetë”, por ne nuk mund të jemi të qetë, duke qenë në dijeni të cënueshmërisë së skajshme të shqiptarëve që jetojnë në veri të Mitrovicës. “Ata janë pa mbrojtje institucionale dhe nën mëshirën e strukturave ilegale të Beogradit, të cilat vazhdojnë të përdorin forcën për të frikësuar shqiptarët që t’i braktisin shtëpitë e tyre. Shumica e tyre janë larguar që nga viti 1999, ndërkaq pas sulmit të fundit terrorist shumë nga ata që kanë mbetur janë duke menduar për ta bërë një gjë të tillë. Strategjia e strukturave ilegale të Serbisë e cila ka filluar që nga periudha e luftës, është për të ndryshuar përbërjen e popullsisë që jeton në veri të Mitrovicës, duke krijuar një realitet të ri në terren. Prandaj incidentet ka gjasa të vazhdojnë, për të ndërtuar një de-facto situatë atje, para fillimit të bisedimeve të paralajmëruara për veriun e Kosovës”, thuhet në letër. Strategjia e hapur e strukturave kriminale e të paligjshme për të spastruar veriun nga popullsia joserbe vetëm sa është inkurajuar nga heshtja dhe mosveprimi i institucioneve përgjegjëse të sigurisë në Republikën e Kosovës. KFOR-i është ende përgjegjës për ofrimin e një mjedisi të sigurtë për të gjithë popullin e Kosovës. Prandaj me anë të kësaj letre ju kërkoj që të merrni masa të menjëhershme për t’i vendosur forcat e KFOR-it për të parandaluar incidentet e mëtutjeshme që mund të ndodhin. Është jetike të veprohet tani, për të ofruar siguri për të gjithë, dhe për të bërë të mundur që Kosova të jetë një shtet i së drejtës. Strukturat ilegale dhe kriminale të Serbisë nuk duhet të lejohen që të lënë akoma jetimë në Mitrovicë apo kudo tjetër në Kosovë, thuhet në letrën e “Vetëvendosjes” , e nënshkruar nga lideri i saj, Albin Kurti. Të njëjtat të drejta edhe për Luginën Zëvendëskryeministri i Kosovës, Hajredin Kuçi, të mërkurën ka pritur në një takim kryetarin e Komunës së Preshevës, Ragmi Mustafa dhe nënkryetarin e Komunës së Bujanocit, Nagip Arifi. Me këtë rast, Kuçi i ka siguruar këta të fundit se të gjitha të ato të drejta që i ka etniteti serbë në Kosovë, do të kërkohet që t’i kenë edhe shqiptarët e Luginës së Preshevës. “Biseduam edhe për çështjen e arsimit dhe ne, qeverinë e Kosovës gjithmonë e kemi falënderuar për punën të cilën është duke e bërë për regjistrimin studentëve, marrëveshjen me palën serbe në Bruksel për pranimin e diplomave dhe morëm një garanci nga zv.kryeministri Kuçi që të gjitha të drejtat që i kanë serbët në Kosovës do të kërkohen të t’i kenë edhe qytetarët e Luginës së Preshevës”, ka thënë nënkryetari i Komunës së Bujanocit, Nagip Arifi. S’ka seancë të jashtëzakonshme Kërkesa e Lëvizjes Vetëvendosje për seancë të jashtëzakonshme nuk është përkrahur nga partitë opozitare kështu që edhe janë ulur gjasat për sigurimin e 40 nënshkrimeve të deputetëve, të nevojshme për thirrje të saj. Lëvizja Vetëvendosje konsideron se pas ngjarjeve të fundit dhe sulmeve ndaj shqiptarëve që po ndodhin në atë pjesë, duhet të ketë seancë të jashtëzakonshme. Ndërkohë, ende nuk dihet se a do të qëndroj opozita në seancë kur do të votohet Ligji për bankar dhe institucionet mikrofinanciare. “Ne konsiderojmë që nuk ka asnjë rezon që të bisedohet në Kuvendin e Republikës së Kosovës pa qenë në një mënyrë kryeprotagonisti ose më mirë me thënë kryeministri i Kosovës i cili është krye përgjegjësi në këtë situatë dhe unë nuk di se çfarë dialogu do të ketë aty kur nuk është ai që duhet me qenë”, ka thënë shefi i Grupit Parlamentar të LDK-së, Ismet Beqiri. 5 000 euro për familjen Haradinaj Presidentja e Republikës së Kosovës, Atifete Jahjaga ka ndarë 5 000 euro nga fondi i Zyrës së Presidentes për të ndihmuar familjen Haradinaj nga Mitrovica, e cila humbi kryefamiljarin e saj, Selver Haradinaj. Kjo familje shqiptare është sulmuar me një mjet shpërthyes, në banesën e tij private, në lagjen e Tre Rrokaqiejve në Mitrovicë, në orët e para të së dielës, sulm ky nga i cili e pësoi me jetë Selver Haradinaj, ndërsa me plagosje fëmijët dhe gruaja e tij. U mbajt akademi përkujtimore për heroin Agim Ramadani 11.04.2012 Në Prishtinë u mbajt akademi përkujtimore për heroin e kombit, Agim Ramadani. Me këtë rast, Ministri i Forcës së Sigurisë së Kosovës, Agim Çeku, ka deklaruar se duke nderuar jetën, kontributin dhe sakrificën e Agim Ramadanit, nderohen të gjithë luftëtarët e Brigadës 138, të rënët, por edhe të gjallët. “Nderojmë ata që me luftën e tyre, e bëjnë të pa vdekshme një betejë të lavdishme të UÇK-së, siç ishte Beteja e Kosharës”, ka theksuar ai. Çeku ka deklaruar se heroi i Kosovës, Agim Ramadani, ka pasur një rol kyç në krijimin e unitetit, por edhe në planifikimin, zbatimin dhe udhëheqjen e operacionit për thyerjen e kufirit shqiptaro-shqiptar. “Ky unifikim që mban vulën e emirit dhe gjakut të Agim Ramadanit, pa dyshim që përfaqëson një nga sukseset më të mëdha të luftës tonë për liri, prandaj çdo përpjekje për të ndarë betejën e lavdishme të Kosharës, nga lufta e lavdishme e UÇK-së, çdo përpjekje për të ndarë heronjtë, e saj është antikombëtare dhe antihistorike”, ka thënë Çeku. Akademi që u mbajt nën përkujdesjen e kryeministrit, Hashim Thaçi. Fundi i prillit, afati për reformën zgjedhore në Shqipëri Ambasadori i Shteteve të Bashkuara të Amerikës në Tiranë, Aleksandër Arvizu, ka takuar sot liderin e opozitës Edi Rama. Temë e diskutimit të tyre, siç raportojnë media shqiptare, ka qenë reforma zgjedhore. "Unë theksova se ne mbështesim plotësisht agjendën e reformave që është e rëndësishme për të vënë në veprim reformat, që të dyja procedurat parlamentare, por veçanërisht reformën zgjedhore, janë ekstremisht të rëndësishme nga pikëpamje e SHBA. Të dyja palët duhet të punojnë për këtë, por koha po ecen me shpejtësi. Fundi i prillit ishte afati i fundit që të dy palët kishin rënë dakord që të takoheshin, shpresoj që të dy palët do bëjnë gjithçka të mundur për t’u takuar për këtë afat”, ka thënë ambasadori Arvizu. ...speciale: Thaçi falenderon Ban Ki Moon për refuzimin e organizimit të zgjedhjeve Serbe në Kosovë 11 April 2012 08:00 Prishtinë – Kryeministri i Republikës së Kosovës, Hashim Thaçi, në vazhdim të vizitës së tij në Shtetet e Bashkuara të Amerikës, dje u prit në selinë e Kombeve të Bashkuara nga Sekretari i Përgjithshëm i OKB-së, Ban Ki Moon. Në një komunikatë nga zyra e shtypit e qeverisë së Kosovës bëhet e ditur se temë kryesore e diskutimit ishin zhvillimet e fundit në Republikën e Kosovës. Me këtë rast, kryeministri Thaçi e informoi Sekretarin e Përgjithshëm të OKB-së edhe për tensionimin e situatës së fundit në Mitrovicë. Në takim, Kryeministri Thaçi falenderoi Sekretarin Ban Ki Moon për përkrahjen e tij personale dhe refuzimin që Kombet e Bashkuara të organizojnë zgjedhjet e Serbisë në territorin e Republikës së Kosovës, e cila jo vetëm që është në kundërshtim me Kushtetutën dhe ligjet e Kosovës, por edhe me Rezolutën 1244. Në takim, veç të tjerash, u bisedua edhe për dialogun teknik në mes të Kosovës dhe Serbisë, zhvillimet dhe reformat e fundit, legjislative, politike, si dhe ekonomike në Republikën e Kosovës. Kryeministri Thaçi gjatë takimit theksoi rëndësinë e përkrahjes së Kosovës dhe ritheksoi se vizioni i tij dhe qeverisë së Kosovës është integrimi i Kosovës dhe i gjithë rajonit në BE dhe në NATO , si dhe në një të ardhme jo të largët Kosova të jetë edhe anëtare në OKB. Kryeministri Hashim Thaçi në takim ka kërkuar mbështetjen personale të Sekretarit të Përgjithshëm që t’i mundësohet edhe Kosovës të marrë pjesë në Lojërat Olimpike./ereniku.net, lajmeshqip/ Rona Nishliu promovon “Suus” para Eurovizionit 11 prill 2012 Tiranë – Rona Nishliu, këngëtarja që do të përfaqësojë Shqipërinë në garën më të madhe të këngës evropiane, do të promovojë përmes një turi këngën e saj “Suus”. SUUS Promovimi i këngës së shkruar nga vetë Nishliu dhe e kompozuar nga Florent Boshnjaku, ka nisur me prezantimin e Nishliut në disa emisione televizive për kanalet e Radiotelevizionit të Malit të Zi dhe do të zgjasë deri në ditët e para të majit. Promovimi do të bëhet në shtetet e tjera që konkurrojnë në Eurovizion, ndërkohë që Nishliu ka realizuar edhe videoklipin e këngës së saj, e cila është hedhur tashmë në faqen zyrtare të festivalit europian. Këngëtarja nga Kosova, Rona Nishliu, do të këndojë shqip në skenën e “Eurovizionit” në Baku të Azerbajxhanit dhe do të paraqitet në gjysmëfinalen e parë, më 22 maj, ku do të këndojë e pesta në rradhë. Nishliu udhëtoi sëbashku me ekipin e saj drejt SHBA-së, për të realizuar versionin final të këngës “Suus”. Versioni i ri i këngës duhet t’i përmbahej rregullave të “Eurovizionit”, ndaj u përpunua dhe incizua në disa studio prestigjioze në Los Angeles. Këtë vit në Eurovizion do të konkurrojnë 37 këngë në dy netë gjysmë finale, 22 dhe 24 maj, ndërsa finalja e madhe do të jetë mbrëmjen e 26 majit. Shqipëria do të garojë natën e parë sëbashku me shtetet si Rumania, Greqia, Rusia, Belgjika, Hungaria, etj. - Lajmet - E marte, 10 prill, 2012 ...trup e trup: - EULEX-i krijon spektakël në jug të Mitrovicës - Tubohen dhjetëra qytetarë në jug të Mitrovicës, policia pozicionohet mbi urën e Ibrit - Vetëvendosje! kërkon shpalljen e gjendjes së jashtëzakonshme në Mitrovicë - Vetëvendosje” pret seancë të jashtëzakonshme për veriun - Shoqata e intelektualëve “Jakova” reagon ndaj dhunës serbe në Mitrovicë - Pas incindenteve të fundit, Mitrovica kaloi një natë relativisht të qetë - Thaçi: Roli i SHBA ishte dhe mbetet vendimtar për paqen e lirinë e Kosovës - Zv. ministri i PJ i Republikës së Kosovës, Ibrahim Gashi, zhvilloi vizita zyrtare në Arabinë Saudite dhe Egjipt. - Podgorica i kërkon Tiranës ta pyes rreth ndërtimit të Elektranëbërthamores - Policia malazeze prangos tetë peshkatarë të jashtëligjshëm shqiptarë - Rahoveci bën përpjekje ta përmirësojë furnizimin me ujë të pijshëm - Ndërtohet rrjeti i ujërave të zeza për disa fshatra të Gjakovës - Komuna e Skenderajt shpenzon 42 mijë euro për dreka zyrtare - Me gjithë situatën relativisht të qetë, disa familje shqiptare kanë braktisur veriun e Mitrovicës - Shqipëria dhe Kosova duhet të shikohen si tregje komplementare dhe jo konkurruese - Zviceranët i dhurojnë Gjilanit një autocisternë të zjarrfikësve - Arrestohet kosovari i dyshuar për falsifikim të dokumenteve të udhëtimit ..pak me hapur: "Vetëvendosje” pret seancë të jashtëzakonshme për veriun 10.04.2012 Grupi parlamentar i Lëvizjes ”Vetëvendosje” po pret përgjigjen e grupeve tjera parlamentare për të thirrur një seancë të jashtëzakonshme të Kuvendit të Kosovës për të diskutuar rreth situatës në veri. Deputeti Liburn Aliu tha se të gjitha subjekte politike do të duhej t’i brengoste situata në veri. Ai thotë se seanca do të duhej të thirret shumë shpejt. Ndërkaq, deputeti tjetër i ”Vetëvendosjes”, Glauk Konjfuca jep disa rekomandime se si duhet të veprohet me veriun, duke nisur nga shuarja e strukturave paralele dhe kriminale e deri te një strategji sociale dhe ekonomike për integrimin edhe të asaj pjese. Sipas Konjufcës Kosova ka potencial të vendos rendin dhe ligjin edhe në veri. Zyrtarë të ”Vetëvendosjes” thonë se tensionet në veri janë presion i drejtpërdrejt i Serbisë për ta shtyrë Kosovën që të nisë dialog edhe për veriun. Prandaj ata e theksojnë të domosdoshme një seancë në Kuvendin e Kosovës, ku do të diskutoheshin këto çështje. Thaçi: Roli i SHBA ishte dhe mbetet vendimtar për paqen e lirinë e Kosovës 10.04.2012 Mbështetja amerikane dhe udhëheqjes së saj është e domosdoshme për të siguruar tolerancën, drejtësinë dhe demokracinë, vlera këto që për të gjithë kosovarët pa dallim, përjetohen si parimet kryesore të vlerave amerikane, theksoi kryeministri i Kosovës, Hashim Thaçi, në ligjëratën e tij në Universitetin e Denverit në Shtetet e Bashkuara të Amerikës. Zëvendësministri i Punëve të Jashtme i Republikës së Kosovës, Ibrahim Gashi, më 7 dhe 8 prill zhvilloi një vizitë zyrtare në Arabinë Saudite. 10.04.2012 Gjatë vizitës, Zëvendësministri Gashi vizitoi Institutin Diplomatik të MPJ-së së Arabisë Saudite me ç’rast u nënshkrua një Memorandum Bashkëpunimi midis këtij instituti dhe Akademisë Diplomatike të MPJ-së së Republikës së Kosovës, e cila sapo është themeluar. Gashi më këtë rast mbajti edhe një ligjëratë me diplomatë, akademikë dhe biznesmenë e bashkëpunëtorë të Institutit Diplomatik në Riad. Gjatë ditës, Zëvendësministri Gashi takoi edhe përfaqësuesin saudit pranë Organizatës së Konferencës Islamike (OKI) dhe përfaqësues të Bankës Islamike. Zëvendësministri Gashi, i shoqëruar nga Ambasadori i RKS-së në Riad, Rexhep Boja dhe Sekretari i Përgjithshëm i MPJ-së, Nagip Skenderi, shtruan një darkë punë për 15 ambasadorë të shteteve që nuk e kanë njohur Kosovën. Të hënën, delegacioni i MPJ-së i kryesuar nga Zëvendësministri Gashi udhëtoi për Kajro, ku do të pritet nga homologu i tij egjiptian. Ai do të takojë edhe Drejtorin e Institutit Diplomatik pranë MPJ-së së Egjiptit. Temë qendrore e bisedës do të jetë shqyrtimi i mundësisë për arritjen sa më të shpejtë të njohjes për Republikën e Kosovës nga ana e Egjiptit dhe shteteve që mund të influencohen nga ai, si dhe fillimin e bashkëpunimit midis këtij Instituti me Akademinë Diplomatike të MPJ-së së Republikës së Kosovës. Arrestohet kosovari i dyshuar për falsifikim të dokumenteve të udhëtimit Tivar 10.04.2012 Policia kufitare e Tivarit ka njoftuar ditën e martë se në portin e këtij qyteti ka arrestuar shtetasin kosovar me inicialet F.K. (44), për shkak të dyshimit se ka falsifikuar dokumentet e udhëtimit. EULEX-i krijon spektakël në jug të Mitrovicës Postuar: 06:51:34 / 10.04.2012 Një debat i nxehtë dhe i pazakontë që ka zgjatur rreth 3-4 minuta është zhvilluar të martën pasdite afër urës kryesore mbi lumin Ibër në Mitrovicë, mes komandantit të Policisë së Kosovës për rajonin e Mitrovicës, Nehat Thaçi dhe komandantit të njësisë speciale të EULEX-it. “Pse keni ardhur këtu, kush ju ka ftuar, a po e shihni se jeni duke e tensionuar situatën me gjithë këtë zhurmë e alarmime dhe për shkak tuajin është mbledhur këtu e gjithë kjo masë e njerëzve kureshtarë”, ishin fjalët e Nehat Thaçit, drejtorit të policisë për rajonin e Mitrovicës, drejtuar komndantit të njësisë speciale të EULEX-it, derisa ky i dyti tentonte të mënjanonte mediat për të mos dëgjuar diskutimin e tyre. Komandanti i EULEX-it, tha se kishte informatën për një protestë masovike që do të mbahej nga ana e shqiptarëve në ora 15:00, derisa Thaçi i shpjegonte atij se informata është e gabuar dhe se nuk do të ketë kurrfarë proteste, andaj i sugjeroi më mirë të shkojnë. Në fakt pak para orës 15:00 një numër i madh i forcave të EULEX-it me sirena të aktivizuara duke parakaluar nëpër pjesën jugore të qytetit të Mitrovicës, kanë arritur tek ura kryesore mbi lumin Ibër ku edhe janë stacionuar. Po ashtu forca të mëdha të EULEX-it me autoblinda janë stacionuar edhe afër urës perëndimore tek “Tre rrokaqiejt”, gjë që ka zgjuar kureshtjen e rreth 100 qytetarëve të rastit që ndodheshin në atë kohë aty. Mësohet se në disa raste ka pasur edhe debate të nxehta edhe mes qytetarëve të tubuar dhe pjesëtarëve të policisë. Ndërkaq, në lidhje me situatën e krijuar ka reaguar edhe kryetari i KMDLNJ-së në Mitrovicë, Halit Barani, i cili tha se EULEX-i këtu sot ka ardhur për të bërë spektakël dhe xhiruar film. “Kjo çka po bënë EULEX-i ka vetëm një qëllim, që të nxisin trazira dhe të provokojnë qytetarët, sepse nuk kishte asnjë nevojë për prezencën e pjesëtarëve të tyre sot këtu”, ka thënë Barani. Ai akuzoi EULEX-in duke cituar fjalët e drejtorit Rajonal të Policisë në Mitrovicë se “në ditën kritike kur ka ndodhur sulmi terrorist në banesën e Selver Haradinjat dhe të hënën kur grupet kriminale serbe thyen kontejnerin e policisë, EULEX-i është ftuar për ndihmë, por nuk ka ardhur. “Nuk ka kurrfarë proteste në Mitrovicë dhe askush nga organizatat në Mitrovicë nuk ka bërë thirrje për protestë”, u shpreh i revoltuar Barani. Vlen të theksohet se menjëherë pasi pjesëtarët e EULEX-it u larguan nga ura e Ibrit, qytetarët e tubuar janë shpërndarë. Situata e sigurisë në Mitrovicë është e qetë, por nën tension, ndërsa vërehet prezencë më e shtuar e pjesëtarëve të policisë së Kosovës nëpër rrugët e qytetit, duke biseduar me qytetarë dhe duke kërkuar nga ta qetësi e maturi./burimi: RTK,Kosovapress/ - Lajmet - E hënë, 09 prill, 2012 ...trup e trup: - Edhe dy shpërthime të fuqishme në Mitrovicë. - Serbët në veri, demolojnë objektin e vendosur nga policia e Kosoves. - Dell; Per Veriun Qeveria e Kosovës do ta ketë edhe mbështetjen e bashkësisë ndërkombëtare, në radhë të parë të SHBA. - Policia dhe Doganat e Kosovës mbesin sërish nën mbikëqyrje të EULEX-it. - JAHJAGA: Kushtetutshmëria dhe ligjshmëria duhet të shtrihen në gjithë territorin e Republikës së Kosovës. - Shënohet 13 vjetori i Betejës së Kosharës. Në “Ditët e shqipes” nis ndërtimi i Kompleksit Memorial në Koshare. - Borxhi ndaj KEK-ut rrezikon banorët e Hasit të Gjakovës të mbesin pa ujë të pijes. - Shqipëria i shkurton Gucisë rrugën me Shkodrën e Podgoricën. - Kënga “Suus”e Florent Boshnjakut, kenduar nga Rona Nishliu, për më pak se 3 javë, merr mbi 200 mijë klikime. ...pak me hapur: - Shpërthime të fuqishme gjatë natës në veri . Dy shpërthime të fuqishme që kanë ndodhur në veri të Mitrovicës, njëra rreth mesnatës dhe tjetra në orët e hershme të mëngjesit të sotëm, njoftojne mediat ne Kosove. - Serbët në veri, demolojnë objektin e vendosur nga policiaQindra serbë janë tubuar në zonën e Tre Rrokaqiejve në veri të Mitrovicës rreth orës 13:00, duke demoluar kontejnerin e policisë, të vendosur pesë minuta me herët nga ana e Policisë së Kosovës. Në fakt pak pas orës 13:00, pjesëtarët e Policisë së Kosovës kanë vendosur në zonën e Tre Rrokaqiejve një postbllok statik, ndërsa menjëherë është dëgjuar alarmi, ku pas pesë minutash janë tubuar qindra serbë në këtë zonë, duke përndjekur dy pjesëtarët e Policisë së Kosovës dhe duke rrotulluar kontejnerin. Derisa gjendja është e tensionuar në këtë zonë, banorët shqiptarë janë të shqetësuar për sigurinë e tyre edhe pse vërehen forca të shtuara ndërkombëtare duke qarkulluar në këtë vend. Forca të shtuara të Policisë së EULEX-it ka edhe në urën kryesore në lumin Ibër. Vendosja e pikës satatike të policisë në lagjen e Tre Rrokaqiejve ishte vendosur pas paralajmërimit të dhënë dje nga ministri i Punëve të Brendshme, Bajram Rexhepi. - Dell nuk përjashton mundësinë që këtë vit të fillojë dialogu për veriun. Ambasadori amerikan Christopher Dell nuk ka përjashtuar mundësinë që këtë vit të fillojë dialogu për zgjidhjen e çështjes së veriut. Ai i ka thënë RTK-së se një vështrim më serioz i situatës në veri gjithsesi do të ndodhë para se zgjedhjet e reja të ndodhin edhe në Kosovës. Por kjo sipas tij, varet edhe nga ajo se çfarë qeverie do të ketë në Serbi. Dell megjithatë ka përjashtuar mundësinë e zgjidhjes së problemit përmes ndonjë statusi special, apo ndonjë lloj tjetër autonomie. Qeveria e Kosovës, por edhe Shtetet e Bashkuara nuk mbështesin zgjidhje të tilla. E tëra çfarë mund të bëhet është fillimi i një dialogu midis Qeverisë së Kosovës dhe qytetarëve serbë që jetojnë në veri për kushtet e tyre të jetë në mënyrë që ata ta ndijën vetëm sa më mirë në Republikë e Kosovës. Ky dialog nuk është mbajtur për 13 vjet me radhë, sepse këtë nuk e kanë dashur elementet kriminale që janë në veri. Dell ka deklaruar se në këtë drejtim Qeveria e Kosovës do ta ketë edhe mbështetjen e bashkësisë ndërkombëtare, në radhë të parë të Shteteve të Bashkuara - Policia dhe Doganat e Kosovës mbesin sërish nën mbikëqyrje të EULEX-it. Policia dhe Doganat e Kosovës do të mbesin sërish nën mbikëqyrje të EULEX-it ndonëse jo në përmasën që ka ekzistuar deri më tani. Rreth 470 policë mësohet se do të largohen nga misioni në Kosovë si rezultat i rikonfigurimit. Ndërsa komponenti i doganave do të reduktohet në një përmasë më të vogël prej 15-20 personave për shkak të standardeve ende të pa përmbushura në menaxhimin e integruar të kufijve. - PRESIDENTJA E KOSOVES JAHJAGA: Kushtetutshmëria dhe ligjshmëria duhet të shtrihen në gjithë territorin e Republikës së Kosovës, përfshirë edhe tri komunat në veri të vendit, dhe qytetarët e shtetit tonë, pavarësisht përkatësive të tyre, duhet të ndjehen të barabartë dhe të mbrojtur me Kushtetutë”, ka deklaruar presidentja e Republikës së Kosovës, Atifete Jahjaga, duke uruar Ditën e Kushtetutës së Republikës së Kosovës. - Shënohet 13 vjetori i Betejës së Kosharës Po shenohet njëra nga ditët më domethënëse të luftës çlirimtare të Kosovës, dita kur para 13 vjetësh në Koshare u shemb kufiri që ndante shqiptarët. - Në “Ditët e shqipes” nis ndërtimi i Kompleksit Memorial në Koshare. Me një tubim të madh përkujtimor në Koshare në të cilin u bë edhe ceremonia e vënies së gurit të themelit të Kompleksit Memorial të Koshares, kanë filluar aktivitetet në kuadër të manifestimit “Ditët e shqipes”, i cili organizohet çdo vit në shënimin e Betejës së lavdishme të Kosharës, e cila njihet si beteja më e lavdishme e UÇK-së në thyerjen e kufirit shqiptaro-shqiptar. - - Borxhi ndaj KEK-ut rrezikon banorët e Hasit të Gjakovës të mbesin pa ujë të pijes. Nëse nuk paguhet fatura e rrymës së shpenzuar në vlerë prej 27.300 euro për pompat e ujit, banorët e disa fshatrave të Hasit të Gjakovës, rrezikojnë të mbesin pa furnizim me ujë të pijshëm, ndërkohë që banorët thonë se komuna duhet ta heq këtë shpenzim, ndërsa komuna thotë se Kompania “Radoniqi” duhet të gjejë gjuhë të përbashkët me banorët e zonës. - Shqipëria i shkurton Gucisë rrugën me Shkodrën e Podgoricën. Në saje të përmirësimit të kushteve klimatike, ditën e hënë kanë vazhduar punimet në rikonstruktimin e aksit rrugor Guci - pika kufitare e Vërmoshit nëpër territorin e Shqipërisë për në Podgoricë, që lidhet edhe me Shkodrën. Rruga ka një gjatësi prej 5.5 km dhe gjerësi 6.6 m. - Kënga “Suus” e Rona Nishliut merr mbi 200 mijë klikime për më pak se 3 javë. Versioni zyrtar dhe videoklipi i këngës “Suus” së Rona Nishliut ka marrë mbi 200.000 klikime në adresën zyrtare të eurovision.tv në youtube për më pak se 3 javë, prej kohës së lansimit, bën të ditur për media ekipi promovues i këngës “Suus”. - Lajmet - E premte, 06 prill, 2012 ...trup e trup: Të hënën dhe të martën nuk do të ketë mësim Prishtinë, 06.04.2012 Ministria e Arsimit, Shkencës dhe Teknologjisë ka njoftuar mësimdhënësit dhe nxënësit e të gjitha niveleve parauniversitare, se nuk do të ketë mësim të hënën, më 9 prill 2012, për nder të Pashkëve katolike dhe të martën, më 10 prill 2012, për nder të Ditës së Kushtetutës së Republikës së Kosovës. - Jahjaga uron gjithë besimtarët katolikë për Festën e Pashkëve. Presidentja e Republikës së Kosovës, Atifete Jahjaga i ka uruar Ipeshkvin e Ipeshkvisë së Kosovës Imzot Dodë Gjergjin dhe gjithë besimtarët katolikë, me rastin e Festës së Pashkëve me dëshirat më të mira që këtë festë ta kalojnë në gëzime e në begati të gjithë së bashku me më të afërmit dhe me më të dashurit. - Komandanti i KFOR-it për veriun e Kosovës kolonel Adolf Konrad ka njoftuar të premten edhe zyrtarisht përfaqësuesit e serbëve të veriut për urdhrin e krahut jugor të NATO-s, me seli në Napoli, me të cilin kërkohet që KFOR-i t’i mbyll të gjitha rrugët alternative në veri të Kosovës. - Pantiç: Serbët nuk do lejojnë mbylljen e rrugëve alternative. Lajmërimet e përfaqësuesve të KFOR-it që me urdhër të komandës së NATO-së që të mbyllë rrugët alternative në veri të Kosovës, përfaqësuesit ilegalë serbë të veriut i konsiderojnë shumë të këqija. Kryetari i Komunës ilegale, të Mitrovicës Krstimir Pantiç ka deklaruar se paralajmërimet e tilla, të KFOR-it nuk ndikojnë në stabilizimin e situatës, duke theksuar se kjo mund ta provokojë rëndë situatën në veri të Kosovës. Sipas tij, serbët nuk do të pranojnë mbylljen e këtyre rrugëve alternative. - Kryeministri u takua u takua me Elizabeth L. Littlefield, Presidente e Korporatës për Investime Private të Jashtme (OPIC), institucion financiar i Qeverisë së Shteteve të Bashkuara të Amerikës. Në takim është diskutuar lidhur me mënyrat se si OPIC do të mund të ndihmonte nxitjen e investimeve private të kompanive amerikane në Republikën e Kosovës, me fokus të veçantë në zëvendësimin e importit. Gjatë këtij takimi, Kryeministri Hashim Thaçi falenderoi Littlefiedin për ndihmën që OPIC i ka dhënë Kosovës në sektorin e energjetikës dhe në atë të institucioneve mikrofinanciare. - Kryetari i Lëvizjes “Vetëvendosje”, Albin Kurti, dhe Shpend Ahmeti, nënkryetari i parë, kanë qëndruar në një vizitë dyditore në Berlin. Ata janë takuar me zyrtarë të dy partive politike më të mëdha në vend CDU dhe SPD, zyrtarë të shtetit gjerman. - Mbahet manifestimi “Ditët e Shqipes”. Nën përkujdesjen e Kryeministrit të Republikës së Kosovës, Hashim Thaçi, Shoqata e veteranëve të luftës së Koshares “Brigada 138″ të UÇK-së organizon manifestimin “Ditët e Shqipes” për nder të Betejes së Koshares, njofton zyra për informim e Kryeministrit. Më 9 prill, në Koshare përkujtohet Dita e Luftës së Koshares, heqjes me luftë e kufirit në mes të Shqipërisë dhe Kosovës nga Ushtria Çlirimtare e Kosovës . Më 11 prill, me një akademi në hotelin “Emerald”, shënohet Dita e Dëshmorëve t`UÇK-së të Luftës së Koshares, që është dita e rënies së Heroit të Kosovës, Agim Ramadani. Më 19 prill, në hotelin “Emerald”, shënohet, Dita e Veteranëve t`UÇK-së të Luftës së Koshares, që është dita e rënies së Heroit të Kosovës, Sali Çekaj. - Varroset me nderime Afrim Beka zyrtari i Ministrisë së FSK-së. U varros sot me nderime në vendlindjen e tij në Radishevë të Skenderaj, Afrim Beka, Zyrtar i Lartë i Logjistikës në Ministrinë për Forcën e Sigurisë së Kosovës(MFSK), i cili pas një sëmundje të rëndë ndërroi jetë në moshën 48 vjeçare - Tre tdyshuar për 187.000 euro të tretura donacione për Katedralen e Prishtinës . Pas hetimeve disa mujore, të premten nën autorizimin e Prokurorisë Publike të Qarkut në Prishtinë, Drejtoria për hetimin e krimeve ekonomike dhe korrupsion, ka arrestuar tre persona ish-zyrtarë të Bankës Kreditore-Filiali në Prizren. - Haxhinasto i vlerëson shembull në rajon raportet Shqipëri - Mali i Zi. Ministri i Jashtëm shqiptar, Edmond Haxhinasto, i cili ndodhet në një vizitë zyrtare në Mal të Zi, ka vlerësuar ditën e premte se raportet midis dy vendeve fqinje janë shembull i fqinjësisë së mirë në rajon. - Lajmet - E enjte, 05 prill, 2012 ...trup e trup: - Shtëpia e Bardhë ka njoftuar se nënpresidenti amerikan Joseph Biden do të takojë sot kryeministrin e Kosovës Hashim Thaçi. Takimi, sipas komunikatës për media të Shtëpisë së Bardhë, mbahet në orën 11 e 30, sipas kohës lokale të Washingtonit. Një ditë më parë, ai u takua me sekretaren amerikane të shtetit, Hilary Clinton, nga e cila mori mbështetjen amerikane për integritetin territorial dhe sovranitetin e Kosovës, si dhe për aspiratat euro-atlantike të Kosovës. - Takohet grupi trepalësh për zbatimin e marrëveshjes për kthimin e dokumenteve kadastrale - Opozita e pakënaqur me transparencën e kryetarit - Në Prizren konfiskohen dy kamionë që eksploatonin rërë ilegalisht - Nxënësit dhe mësuesit shqiptarë të Suedisë në Gjakovë - Në 13-vjetorin e masakrës së Rezallës nuk dihet vendndodhja e eshtrave të 42 viktimave - Banka Botërore nga mbështetja po kalon në partneritet me Kosovën - KKZ i Ferizajt pret deri të dielën verifikimet ose ndërrimet e vendvotimeve - Inkurajon interesimi i Belgjikës për bashkëpunim ekonomik me Kosovën - Boshnjakët nuk kolonizojnë Malësinë, trojet i kanë blerë nga shqiptarët - Kosova dhe Hungaria angazhohen për bashkëpunim të shtuar në luftimin e krimit - “Care International” i dhuron një veturë Qendrës së Biznesit në Gjilan - Mbrëmë hetuesit rajonalë të Prishtinës kanë arrestuar tre persona, të cilët dyshohet me bazë të jenë të përfshirë në një rast të grabitjes së armatosur . Tre personat e dyshuar meshkuj: B. Halimi (24 vjeç), M. Uka (26 vjeç) dhe N. Curri (26 vjeç), shtetas të Kosovës, janë dërguar në qendrën rajonale të paraburgimit në Prishtinë, ku aktualisht hetuesit po kryejnë të gjitha veprimet e nevojshme hetimore e procedurale lidhur me rastin në fjalë para se rasti t’i kaloj gjykatës. ...nga astronomia: - Në 40% të orbitave të yjeve të kuqërremtë xhuxhë në Rrugën e Qumështit, është gjetur nga një planet i njohur me emrin Super Tokë. Astronautët evropianë kanë bërë studime rreth ekzistencës së planetëve të përshtatshëm për jetesë dhe në bazë të këtyre studimeve ato mendojnë se vetëm në galaktikën e Rrugës së Qumështit ndodhen dhjetëra miliarda planetë të ngjashëm me Tokën. - Lajmet - E mërkurë, 04 prill, 2012 Kërkohet lirimi i sindikalistit Abazi Prishtinë 04.04.2012 Sindikata e Pavarur e Metalistëve të Kosovës së bashku me 12 federatat sindikale kanë kërkuar nga zyrat diplomatike që veprojnë në Kosovë si dhe nga shefja e Politikës së Jashtme të BE-së, Catherine Ashton që të bëjnë ç’është e mundur për lirimin e sindikalistit, Hasan Abazi. Po ashtu kanë kërkuar nga instancat vendore më të larta të mos të rrinë duarkryq, pasi sipas tyre janë të zgjedhur nga vota e popullit. “Të respektuar diplomat të të gjitha vendeve që veproni në Republikën e Kosovës. Ne përfaqësuesit e Sindikatave të Pavarura të Kosovës u drejtohemi me kërkesën për reagim dhe ndihmë në lirim të z.Hasan Abazi, kryetar i Sindikatës të Pavarur të Metalistëve të Kosovës i arrestuar në kufirin me Serbinë. I njëjti akuzohet për spiunazh-dhënie të informacioneve NATOS”, thuhet në kumtesë. Në njoftimin thuhet se Abazi është viktimë e marrëveshjeve të arritura në mes të Republikës të Kosovës dhe Republikës të Serbisë me ndërmjetësimin e BE për “qarkullim të lirë” dhe “menaxhim të integruar të kufijve”.Sipas tyre, deklarimi i ministrit të Punëve të Brendshme të Serbisë, Ivica Dacic se arrestimi është bërë në shenjë hakmarrjeje nuk do koment për këtë çështje. SPMK ka njoftuar se Abazi po mbahet në burgun e Vranjës në një dhomë të vogël pa kushte elementare për jetë. Dik Marti thirret të dëshmojë në rastin “Medicus” Prishtinë 04.04.2012 Gjyqtarët në procesin gjyqësor ”Medicus” në Prishtinë thonë se do ta ftojnë raportuesin e Këshillit të Evropës, Dik Marti, si dëshmitar. Një panel i dominuar nga gjyqtarët e Bashkimit Evropian në këtë proces, tha se “do të lejojë deklaratë” të Dik Martit, raportues i Këshillit të Evropës për dyshime për trafikim të organeve, gjatë luftës në vitet 1998-''99 në Kosovë. Rasti ''Medicus” ka të bëjë me akuza të ngritura për shtatë persona, nën dyshimet për trafikim organesh dhe transplantim të paligjshëm. Në mesin e të akuzuarve janë Lutfi Dervishi, Driton Jilta, Sokol Hajdini, dhe Ilir Rrecaj, të cilët janë akuzuar për kryerje të veprës mjekësore të jashtëligjshme, si dhe keqpërdorim të pozitës zyrtare dhe autorizimeve. “Dik Marti pretendon e se ai ka disa informata të rëndësishme për këtë çështje, prandaj ne do të kërkojmë nga ai të tregoj se çfarë lloj të informacioneve ka dhe cilat janë burimet e këtyre informacioneve”, ka thënë gjyqtari kryesues, Arkadiush Sedek nga Polonia. Në raportin e tij, Dik Marti pati akuzuar pjesëtarët e ish UÇK-së, përfshirë edhe kryeministrin aktual të Kosovës, Hashim Thaçi, për involvim në krim të organizuar dhe trafikim të organeve gjatë dhe pas luftës. Kosova dhe Shqipëria në mënyrë të fuqishme i kanë kundërshtuar akuzat dhe e kanë hedhur poshtë raportin e Dik Martit. Prokurori special i Bashkimit Evropian, Xhonatan Ratel, në seancën e 23 marsit, pati kërkuar që në cilësinë e dëshmitarit, të thirret Dik Marti, raportues i Këshillit të Evropës. ​​“Unë i kam të gjitha arsyet të besoj se ai (Dik Marti) mban në posedim evidencën për këtë rast”, ka thënë prokurori Ratel. Ndaj propozimit të prokurorit Ratel, kishte reaguar mbrojtja, duke thënë se nëse Dik Marti ftohet të dëshmojë lidhur me këtë rast penal, atëherë gjykimi do ta humbë esencën e penales dhe do të shndërrohet në politike. Kohë më parë, përfaqësues të misionit evropian për sundimin e ligjit, EULEX, kanë deklaruar për Radion Evropa e Lirë se rasti ”Medicus'' dhe “krimet e luftës, të kryera në Shtëpinë e Verdhë” - çështje kjo që ka ngritur Marti në raportin e tij dhe që prek përfaqësues të Qeverisë së Kosovës - janë raste të ndara./REL/ Thaçi sot nis takimet me zyrtarët amerikan SHBA, 04.04.2012 Kryeministri Hashim Thaçi, ka shkuar për vizitë në SHBA, me ç’rast pritet të takojë sekretaren e Shtetit, Hillary Clinton dhe zv.presidentin Joseph Biden. Kurse takimi me presidentin Barack Obama pritet të mbahet të premten.Në New York, kryeministri Thaçi, do të takojë shefin e OKB-së, Ban Ki-moon. Analistët politikë në Kosovë, vizitën e kryeministrit në SHBA e shohin si mesazh të fuqishëm në moment të rëndësishëm për Kosovën. Krasniqi: Mosnjohja e pesë vende të BE-së, pengesë në rrugën e Kosovës për integrim Prishtinë 04.04.2012 Kryetari i Kuvendit të Republikës së Kosovës, Jakup Krasniqi, kërkoi të mërkurën mbështetjen hungareze në institucionet euro-atlantike, në mënyrë që procesi i integrimit të Kosovës të përshpejtohet. Sanino: Nuk ka negociata me Serbinë pa përmirësimin e raporteve me Kosovën 04.04.2012 “Janë të nevojshme përpjekje të mëtejshme kah përmirësimi i dukshëm dhe i qëndrueshëm i marrëdhënieve me Kosovën”, ka thënë Sanino. Zyrtari i Komisionit Evropian, Stefano Sanino, ka deklaruar sot në Beograd, se për hapjen e negociatave për pranim në Bashkimin Evropian, Serbia e ka të domosdoshme që t’i vazhdoj reformat dhe t’i avancoj raportet me Kosovën. “Janë të nevojshme përpjekje të mëtejshme kah përmirësimi i dukshëm dhe i qëndrueshëm i marrëdhënieve me Kosovën”, ka thënë Sanino. Jep dorëheqje Presidenti i Serbisë, Boris Tadiç 04.04.2012 Jep dorëheqje Presidenti i Serbisë, Boris Tadiç. Lajmin e konfirmon kabineti i Presidentit. Në të thuhet se deri tek dorëheqja erdhi pas vendimi që zgjedhjet mund të mbahen ne Serbi më 6 maj, përderisa Tadiç do të përballet me një kandidat shumë serioz, Tomislav Nikoliç. Në një letër dërguar gjatë ditës Kryetares së Parlamentit, Slavica Djukiç Dejanoviç, Tadiç thotë se ka vendosur ta shkurtoj mandatin presidencial. ”Në përputhje me Kushtetutën, kam vendosur ta shkurtoj mandatin tim presidencial. Është e drejt e imja ligjore të bëj këtë për t’i dhënë mundësi qytetarëve të votojnë. Nuk ka qenë e lehtë për t''i hapur rrugën Serbisë drejt BE-së dhe çështjës së Kosovës. Por, ne nuk jemi dorëzuar. Jam i bindur se kjo politikë do të marrë mbështetjen e mëtejshme të qytetarëve të Serbisë” ka thënë Tadiç. Por ditëve të fundit është përfolur shumë dorëheqja e tij, pasi i kërkohej nga ndërkombëtarët, ndërsa edhe çështja e Kosovës ka luajtur një rol të rëndësishme në ofrimin e dorëheqjes së tij të parakohshme. Zbogar: Kosova dhe Serbia të jetojnë në fqinjësi të mirë Prishtinë 04.04.2012 Zëvendëskryeministri, njëherësh ministër i Drejtësisë, Hajredin Kuçi, është takuar me shefin e Zyrës së Bashkimit Evropian në Kosovë, Samuel Zbogar, ndërsa u theksua nevoja që ndërmjet Kosovës dhe Serbisë të ketë raporte fqinjësore. Topalli: Kosova stabilizoi Ballkanin Shkup, 04.04.2012 Kryeparlamentarja e Shqipërisë, Jozefina Topalli deklaroi sot në Shkup se me krijimin e shtetit të Kosovës i gjithë rajoni ka përparuar, ndërsa Ballkanit i është ndalur gjenocidi dhe dhuna . Topalli këto komente i bëri gjatë fjalimit të saj në Parlamentin e Maqedonisë. Në kuadër të vizitës dyditore në këtë vend, Topalli takoi kreun shtetëror maqedonas dhe drejtuesit e partive politike shqiptare. KMDLNJ: I palejueshëm linçimi publik i të arrestuarve Prishtinë 04.04.2012 KMDLNJ shpreh shqetësimin lidhur me mënyrën e arrestimit të shefit të Taski-Forcës antikorrupsion, Nazmi Mustafi dhe trajtimin e të ndaluarve për ”krime të profilit të lartë”. Sipas KMDLNJ-së, kjo është në kundërshtim me të gjitha dokumentet relevante për të drejtat e njeriut. ”Thuaja të gjitha arrestimet e personave që janë konsideruar si ''peshq të mëdhenj'' të korrupsionit dhe të krimit të organizuar janë bërë në mënyrë spektakolare dhe janë përcjellë me ndërhyrje joprofesionale të mediave, kryesisht elektronike të cilat kanë qëlluar ''rastësisht'' në vendin e arrestimit”, konstaton përmes një reagimi KMDLNJ, duke shtuar se ”arrestimet e tilla kanë dëmtuar rëndë dinjitetin e të ndaluarit, shumica e të cilëve pas procesit gjyqësor janë liruar si të pafajshëm, të familjes së tyre duke i komprometuar profesionalisht dhe politikisht”. Më tej në reagim theksohet se arrestimet e tilla janë komentuar në medie duke intervistuar persona që kanë të bëjnë me rastin dhe të cilët edhe vet kanë qenë të përfshirë në aktivitete kriminale. ”Linçimi publik medial, pa përfundimin e hetimeve dhe një vendimi gjyqësor për fajësinë apo pafajësinë e të dyshuarit është shkelje e rëndë e të drejtave të njeriut dhe paraqet presion në gjykata sepse paragjykon fajësinë e të akuzuarit”, thuhet në këtë reagim, duke i akuzuar mediet se marrin rolin e gjykatës. KMDLNJ kërkon përgjegjësi në të gjitha rastet kur u cenohet dinjiteti i personave të ndaluar, si rezultat i një informimi paragjykues dhe diskreditues! Suspendohet prokurori Nazmi Mustafi Prishtinë 04.04.2012 Komisioni disiplinor i Këshillit Prokurorial të Kosovës, në një takim të mërkurën, mori vendim për suspendim pa pagesë të prokurorit, Nazmi Mustafi prokuror në Prokurorinë Speciale të Republikës së Kosovës, për arsye se prokurori është paraburgosur. Komisioni vendimin e mori në bazë të Ligjit për Këshillin Prokurorial të Kosovës, neni 24, paragrafi 2, si dhe bazuar në Rregulloren për punë të Këshillit Prokurorial, neni 23, paragrafi 9. Tabelat në gjuhën shqipe të vendbanimeve në Mal të Zi “i merr era” Ulqin 04.04.2012 Në rrugët lokale dhe rajonale, e sidomos në ato ndërkombëtare në viset etnike shqiptare në Malin e Zi, mungojnë mbishkrimet, tabelat orientuese dhe njoftimet në gjuhën e popullates shumicë ose janë të shkruara gabimisht. ...speciale: Përkujtohen 87 civilët e vrarë në Kralan të Gjakovës 04.04.2012 Në Prishtinë sot u mbajt një akademi përkujtimore për 87 civilët të vrarë në Kralan të komunës së Gjakovës 13 vjet më parë. Familjarët shprehën indinjatë që edhe pas 13 vjetësh, ende askush nuk është gjykuar apo dënuar për këtë masakër. Edhe pas trembëdhjetë vjetësh, ende askush nuk është dënuar apo gjykuar për masakrën e Kralanit. Ndërkaq, familjarët presin nga institucionet vendore dhe ndërkombëtare që t`i nxjerrin para drejtësisë ata që kryen krime lufte. Kështu u tha në akademinë përkujtimore e cila u organizua me rastin e trembëdhjetë vjetorit të vrasjes dhe masakrimit të 87 civilëve në Kralan të Gjakovës. Zëvendëskryeministri Hajredin Kuçi, tha se masakra e Kralanit është një prej sakrificave dhe humbjeve, por edhe gurthemel për shtetin e Kosovës. “Ne kemi pasur një okupator që nuk ka kursyer as popullatën civile, por edhe një okupator që ka paguar çmimin përballë botës demokratike me sulmet e NATO-s. Mbi të gjitha ne e kemi një statisfaksion që si rezultat i atij gjaku dhe asaj lufte, atyre njerëzve dhe asaj pune, ne e kemi ndërtuar shtetin dhe po e ndërtojmë”, tha zëvendëskryeministri Kuçi. Kryetari i Komisionit për të Pagjetur, Prenk Gjetaj, kërkoi që të bëhet trysni më e madhe ndaj Beogradit, në mënyrë që të hapen dosjet në Serbi. “Niveli i bisedimeve duhet të ngritët në mënyrë që të bëhet trysni më e madhe, sepse ende nuk janë hapur arkivat dhe nuk kanë tregu se ku gjenden varrezat masive që ne dyshojmë se janë në Serbi. Po ashtu Serbia ende nuk ka kërkuar falje dhe vazhdon me një politike e cila dyshojmë se mund të jetë e demokratizuar Serbia”, tha Gjetaj. Me këtë rast u promovua edhe libri me titull “Masakra e Kralanit” të autorëve, Ramë Manaj dhe Jusuf Osmani. Më katër prill të vitit 1999, në Kralan u vranë dhe u masakruan 87 civilë nga komuna e Klinës dhe Malishevës. Mbetjet mortore të këtyre martirëve janë gjetur nëpër varrezat masive në Serbi, ndërsa ende nuk dihet edhe për fatin e 51 të tjerëve. Ndërroi jetë Ramadan Rexha 04.04.2012 Ka ndërruar jetë Ramadan Rexha, njëri nga ata që luftuan për çlirimin e Kosovës nga të huajt dhe që për këtë arsye vuajti shumë vite burgim. I lindur më 1921 në Mitrovicë, ku mbaroi filloren, kurse medresenë në Shkup, Ramadan Rexha nga fillimi u radhit në anën e forcave të koalicionit antifashist. Ishte komisar i Batalionit IV të Brigadës së Drenicës. Për idealet e bashkimit kombëtar, në burgun famëkeq të Mitrovicës së Sremit vuajti 15 vjet (nga viti 1945 deri më 1961). Historinë e qëndresës e të idealit ai rrëfeu në librin “Kujtimet e mia”, të publikuar në kohën kur s’mund të penalizohej për mendimet e shfaqura. Njihet si themeluesi i shtypshkronjës së parë private, fillimisht në Mitrovicë e pastaj në Prishtinë, në të cilën u shtypen libra e dokumente të ndaluara për kohën. Varrimi i te ndjerit bëhet sot në varrezat e fshatit Koshtovë të Mitrovicës në orën 16:00. ...mjeksi: Përfundon me sukses një ndërhyrje kirurgjike e komplikuar në QKUK Në Repartin e Kirurgjisë Torakale të Qendrës Klinike Universitare të Kosovës(QKUK), për herë të parë, me sukses të plotë është kryer një ndërhyrje kirurgjike e komplikuar te një pacient me karcinomë të mushkërisë. Operacioni ka zgjatur më shumë se 4 orë dhe është kryer nga Safet Beqiri, Shef i Repartit të Kirurgjisë Torakale – Onkologjike në Klinikën ''Kerckhoff'', të Gjermanisë me asistimin e specialistëve të Kirurgjisë Torakale në QKUK. Pacienti i operuar është i moshës 54 vjeçare dhe pas operacionit ai ka gjendje stabile shëndetësore. Beqiri në emër të ''Kerckhoff'' Klinikës, tha se ndjehet i lumtur që pati fatin që të jetësojë në praktikë marrëveshjen e bashkëpunimit që ishte lidhur me 4 janar të këtij viti ndërmjet Ministrisë së Shëndetësisë, Qendrës Klinike Universitare dhe ''Kerckhoff'' Klinikës nga Gjermania. “Operacioni i tillë në Klinikën ku unë punojë në Gjermani kushton mbi 20 mijë euro dhe pacienti nuk ka pasur mundësi të paguaj, andaj falë marrëveshjes së arritur më parë kjo ndërhyrje është kryer me sukses në QKUK dhe gjithçka ka shkuar mirë dhe përgatitjet kanë qenë në nivel të duhur”. Nijazi Gashi, Drejtor Ekzekutiv në QKUK tha se ky është fillim i mirë i realizimit konkret të bashkëpunimit ndërmjet dy Qendrave Klinike Universitare. - Lajmet - E marte, 03 prill, 2012 Indinjatë për mos organizimin e manifestimit për “Kosharen” 03.04.2012 Ish ushtaret e Ushtrisë Çlirimtare të Kosovës, të cilët 13 vjet më parë nën komandën e Agim Ramadanit, e thyen kufirin ndërmjet shqiptarëve, sot ndihen të indinjuar dhe të zhgënjyer nga vendimi i presidentes, Atifete Jahjaga, për të mos organizuar manifestimin tradicional “Ditët e Shqipes”. Në një konferencë për medie, Shoqata e Veteranëve të Luftës të “Brigadës 138 Agim Ramadani”, konsiderojnë se Jahjaga me vendimin për të mos organizuar manifestimin për “Kosharen”, ka dëmtuar imazhin e saj si presidente. Thaçi nesër fillon vizitën disaditëshe në SHBA, prishi agjendën e Tadiqit 03.04.2012 Kryeministri Hashim Thaçi, nesër fillon një vizitë disaditëshe në SHBA, me ç’rast pritet të takojë zyrtarë të lartë të Administatës amerikane dhe të OKB-së. Tashmë janë konfirmuar takimet në Washington, të mërkurën me Sekretaren amerikane të Shtetit, Hillary Clinton, ndërkaq të enjten me zv/presidentin Joseph Biden, kurse, takimi me presidentin Barack Obama ende nuk është konfirmuar. Përveç takimeve me zvendëspresidentin dhe shefen e diplomacisë amerikane, Thaçi do të takojë edhe udhëheqës të departmenteve të Mbrojtjes, të Tregtisë, të Agjencisë Amerikane për Zhvillim ndërkombëtar, (USAID) si dhe me anëtarë të Kongresit Amerikan, senatorë dhe kongresistë. Në këtë vizitë kryeministri shoqërohet edhe nga Ministri i Jashtëm, Enver Hoxhaj dhe Ministrja e Integrimeve, Vlora Çitaku. Ai do të ketë edhe një vizitë në Denver të Colorado-së ku do të mbajë dy ligjërata në dy universitete. Në vizitën në New York, ndërkaq është njoftuar se Kryeministri i Kosovës do të takojë edhe shefin e Kombeve të Bashkuara, Sekretarin e Përgjithshëm, Ban Ki-moon, si dhe përfaqësues të vendeve anëtare në organizatën botërore. Kurse mediat serbe raportojnë se vizita e tij i ka prishur agjendën presidentit serb, Boris Tadiq, i cili këto ditë gjithashtu pritej të qëndrojë për vizitë në Washington. Analisti politik serb Obrad Kesiq, ka deklaruar për B92, se edhe Tadiq këtë javë duhej të vizitonte presidentin Obama, por ajo nuk ka ndodhur sipas tij, sepse delegacioni serb nuk ka dashur që vizita e tij të jetë e përafërt me atë të kryeministrit Thaçi në Washington. Sipas tij, kjo vizitë ka rëndësinë e saj për Kryeministrin Thaçi, pas arritjes së marrëveshjes midis Kosovës dhe Serbisë në Bruksel. Analistët mendime të ndryshme për vizitën e Thaçit në SHBA Vizita e kryeministrit të Kosovës, Hashim Thaçi në Shtetet e Bashkuara të Amerikës, nga analistët politikë në Kosovë shihet si një mesazh i fuqishëm në një moment të rëndësishëm për Kosovën, sidomos pas problemeve të fundit me të cilat është përballur vendi. Banka Botërore vazhdon mbështetjen për Kosovën Banka Botërore vazhdon mbështetjen për zhvillimin ekonomik të Kosovës. Drejtues të këtij institucioni, thanë sot se kanë hartuar një strategji të re partneriteti me Kosovën, e cila fokusohet në dy shtylla: në zhvillim e punësim, por edhe në menaxhimin mjedisor. Gjatë vizitës në Prishtinë, grupi i Bankës Botërore u takua me ministrin e zhvillimit ekonomik Besim Beqaj, dhe presidenten e vendit, Atifete Jahjaga. Opozita nuk kthehet në Kuvend Partitë opozitare nuk do të kthehen në Kuvend. Kjo është bërë e ditur në mbledhjen e Kryesisë së Kuvendit të Kosovës me nënkryetarët dhe shefat e grupeve parlamentare. ...Shefat e grupeve parlamentare të opozitës kanë deklaruar se nuk do të kthehen në seancë, përderisa nuk hiqet nga rendi i ditës Projektligji për bankat dhe institucionet mikrofinanciare. Seanca e radhës mund të mbahet më 5 prill, ku ministri i Punëve të Brendshme, Bajram Rexhepi do ta informojë, lidhur me arrestimin e dy policëve të Kosovës nga xhandarmëria serbe. - Lajmet - E hënë, 02 prill, 2012 Presidenti i Hungarisë, Pal Schmitt ka dhënë dorëheqjen sot pasi u kap me plagjiaturë në tezën e doktoraturës. / per me shume lexo ne fund te lajmeve te sotme/ Policët e arrestuar nëpërmjet EULEX-it kthehen në Kosovë Prishtinë 02.04.2012 Dy policët kosovarë, Shukri Binaku dhe Sami Beqiri, të cilët u arrestuan të shtunën nga xhandarmeria serbe në zonën në afërsi të pikës kufitare në Merdar i janë dorëzuar Misionit evropian për sundimin e ligjit në Kosovë – EULEX dhe tashmë janë kthyer në Kosovë. /kosovalive/ rtk: Policët e liruar arrijnë në Kosovë Prishtinë, 02.04.2012 Serbia ka liruar sot dy policët kosovarë të rrëmbyer të shtunën në brezin kufitar nga xhandarmëria serbe. Lajmi është konfirmuar nga ministri i Punëve të Brendshme Bajram Rexhepi dhe EULEX-i. Ndërkohë që misioni i Bashkimit Evropian për sundim të ligjit dhe KFOR-it kanë deklaruar se po vazhdojnë hetimet rreth këtij incidenti. Autoritet serbe kanë liruar sot dy policët kosovarë të rrëmbyer të shtunën në brezin kufitar me Serbinë në Dumnicë. Policët janë liruar pas skadimit të masës së ndalimit prej 48 orëve që u ishte shqiptuar nga autoritet serbe dhe i janë dorëzuar misionit të Bashkimit Evropian për sundim të ligjit. Zëdhënësja e EULEX-it Irina Guduljeviq konfirmon se policët janë kthyer në Kosovë. “ Unë mund të konfirmoj vetëm lirimin dy policëve. EULEX e ka lehtësuar këtë proces të dorëzimit të tyre. Gjithashtu rrethanat e këtij incidenti po vazhdojnë të hetohen”, ka thënë Guduljeviq. Policët e departamentit të kufirit ishin mbajtur në Kurshumli me arsyetimin se kanë shkelur vijën e gjelbër kufitare. Ndërkohë që mësohet se edhe hetimi i bërë nga KFOR-i konstaton se policët janë rrëmbyer në hapësirën brenda territorit të Kosovës. Zëdhënësi i KFOR-it Den Harvey, nuk ka dhënë sqarime rreth kësaj. Ai vetëm ka shprehur shqetësimin e KFOR-it rreth incidentit. “KFOR është interpretuesi kryesor në lidhje me vijën administrative kufitare dhe KFOR do të mbaje lidhje për këtë çështje“, ka thënë Harvey për Radio Kosovën . Ndërsa eksperti për çështje të sigurisë Agim Musliu thotë se BE-ja duhet të ashpërsoj sjelljen ndaj Serbisë e cila me këtë rast ka bërë agresion ndaj një shteti. “Bashkësia ndërkombëtare duhet të jetë shumë më agresive në bisedime me Serbinë dhe njëherë e përgjithmonë të ia bëjë me dije se nuk mund të shkoj përpara pa i dhënë fund këtyre veprimeve të saj. Sa për çështjen e veprimit të policëve kufitarë dhe policisë së Kosovës në tërësi në këtë rast mendoj se është bërë veprimi i duhur sepse rasti mund të kishte përfunduar me më shumë pasoja”,ka thënë Musliu. Rrembimi i policëve të kufirit Sami Beqiri dhe Shukri Bunjaku përbën incidentin më të rëndë kufitar deri më tani, që kur KFOR-i ka filluar të transferoj përgjegjësitë për vijën e gjelbër tek autoritetet vendore. Rasmusen: NATO e shqetësuar për zhvillimin e fundit midis Kosoves e Serbise 02.04.2012 Sekretari i përgjithshëm i NATO-s, Anders Fog Rasmusen, tha se aleanca nuk e ka të qartë se çka ka ndodhur në kufirin Kosovë – Serbi, ku ishin arrestuar dy policë të Kosovës nga policia e Serbisë. “Aktualisht, ne nuk kemi fotografi të plotë të asaj se çka ka ndodhur. Qartazi, NATO-ja është e shqetësuar për zhvillimin e fundit, por ne jemi të sigurt se palët përgjegjëse do të jenë në gjendje ta zgjidhin çështjen”, tha zoti Rasmusen sot në Bruksel, duke u përgjigjur në pyetjen e gazetarëve lidhur me arrestimin e dy policëve të Kosovës nga policët e Serbisë, në brezin kufitar në Merdare, transmeton Rel. Tashmë, është konfirmuar se policët Shukri Bunjaku dhe Sami Beqiri, i janë dorëzuar misionit EULEX dhe janë kthyer në Kosovë. Krasniqi: Arrestimi i policëve është sulm i Serbisë në hapësirën e Kosovës Arrestimi i policëve të Kosovës nga xhandarmeria serbe ishte një akt i cili tregon edhe njëherë se politikat e regjimit të Beogradit nuk kanë ndryshu, ka thënë Kryetari i Kuvendit të Kosovës Jakup Krasniqi pas takimit të Kryesisë së Kuvendit të Kosovës. Krasniqi tha se gjithashtu se arrestimi është sulm i shtetit serb në hapësirën e Kosovës, prandaj MPB-ja duhet që të informoj Kuvendit në mënyrë të detajuar për këtë ngjarje. Kryetari i Kuvendit të Kosovës Jakup Krasniqi, ka kërkuar një raportim të detajuar nga Ministria e Punëve të Brendshme lidhur më arrestimin e dy policëve të Kosovës nga policia serbe. Krasniqi tha se ky problem i tejkalon përmasat e institucioneve të Kosovës. “Ministria e Punëve të Brendshme dhe Policia e Kosovës duhet studiuar këtë ngjarje dhe të informoj kuvendin në mënyrë të detajuar”, tha Krasniqi. Ndërkaq sa i përket ekzekutivit duhet të ketë informacion të plotë dhe t’i merr detyrat e reja konform situatës së krijuar. Rexhepi inkurajon kufitarët të ruajnë territorin e Kosovës Ministri i Punëve të Brendshme, Bajram Rexhepi, i shoqëruar nga drejtori i Përgjithshëm i Policisë së Kosovës, Shpend Maxhuni, vizituan drejtorinë rajonale të Policisë Kufitare në Luzhan të Podujevës. Ata, siç bëhet e ditur përmes një njoftimi për medie, biseduan me zyrtarët e Policisë Kufitare për zhvillimet e fundit dhe u interesuan për kushtet e punës së tyre, patrullimet në këtë pikë kufitare dhe shqetësimet që kanë gjatë kryerjes së detyrave. Me këtë rast, ministri i Punëve të Brendshme inkurajoi zyrtarët e Policisë Kufitare që të kryejnë punën e tyre sipas mandatit që kanë, në ruajtje të rendit dhe ligjit dhe në respektim të tërësisë territoriale, sipas Kushtetutës së Republikës së Kosovës. Ministri Rexhepi dhe drejtori Maxhuni gjatë kësaj vizite kanë qëndruar edhe në pikën kufitare në Merdare, për të parë aty nga afër punën që po zhvillohet. Ministri Rexhepi pa nga afër kolonat e gjata të qytetarëve të Kosovës që po pritnin në anën serbe të kufirit. “Kërkojmë nga Bashkimi Evropian që të bëjë presion mbi palën serbe që të kryejë obligimet karshi marrëveshjes për lëvizje të lirë të arritur në Bruksel. Është e patolerueshme që qytetarët tanë, që vijnë nga Perëndimi të mbahen me orë të tëra në kufi, për shkak të neglizhencës së qëllimshme të zyrtarëve serbë. Kërkojmë që ky maltretim i qytetarëve tanë të marrë fund”, - citon njoftimi të ketë thënë ministri Rexhepi. nga bota: Britani, Argjentinë: 30 vite nga Lufta në ishujt Falkland Londër, e hënë, 02 prill, 2012 Britania dhe Argjentina po e shënojnë 30 vjetorin e Luftës në Falkland, që janë ishuj nën qeverisjen britanike në jug të Oqeanit Atlantik. Invadimi argjentinas në këto ujëdhesa më 2 prill të vitit 1982, shkaktoi një luftë 74 ditëshe. Përfundimisht forcat britanike mbizotëruan në konflikt, duke e detyruar Argjentinën që të tërhiqet në qershor të vitit 1982. Nga kjo luftë patën vdekur afro 650 ushtarë argjentinas, 255 ushtarë britanikë dhe tre banorë të ujëdhesave. Në shënim të përvjetorit, kryeministri britanik, Dejvid Kamerun, e ka riafirmuar përkushtimin e qeverisë së tij për të drejtën e banorëve të Falklandit, që ta përcaktojnë të ardhmen e tyre. Presidentja e Argjentinës, Kristina Kirçner, e ka dënuar pushtetin britanik në ujëdhesa duke e vlerësuar si “anakronizëm”. Skandal i plagjiaturës, jep dorëheqje presidenti i Hungarisë 17:47 / E hënë, 02 Prill 2012 Presidenti i Hungarisë, Pal Schmitt ka dhënë dorëheqjen sot pasi u kap me plagjiaturë në tezën e doktoraturës. Dorëheqja erdhi pasi më parë kishte deklaruar se nuk do të largohej nga posti që mbante. Në një intervistë të transmetuar të premten në televizionin publik M1, Schmitt tha se e ka “të pastër ndërgjegjen”. “E kam shkruar tezën me njohuritë më të mirë që kisha në atë kohë dhe kurrë nuk kam pasur ndërmend të bëj plagjiaturë. Gjithsesi, do të pranoj vendimin e universiteti për të më hequr doktoraturën. Por kjo nuk ka të bëjmë me të qenit president”, u shpreh ai. Schmitt, ish-kampion olimpik, e kishte shkruar tezën e doktoraturës në vitin 1992. Në janar të këtij vitit e përjavshmja hungareze “HVG” raportojë se pjesa më e madhe e saj ishte e kopjuar. Më pas kjo u vërtetua nga një hetim i kryer nga universiteti. Schmitt ishte zgjedhur president për një mandate 5-vjeçar në vitin 2010. Ministri i Brendshëm i Gjermanisë vitin e kaluar dha dorëheqjen për shkak të një skandali të njëjtë.

P.S. Ereniku pas më shumë se dhjetë vjetësh, ndërpret lajmet (e zgjeruara-të hapura) të shkruara, meqë nga ajo date, në këtë faqe do te plasohen, vetëm, shkurt e trup, informacionet e ditës...
për më shumë shko në ekran dhe kliko në: ON-DEMAND.
Ju falënderojme të gjithë juve, që ishit me ne. Ftesa jonë e re: RRINI ME NE:
ereniku.net - kanali televiziv: TV ERENIKU. * * * * Arkivi: lajmeve