Të nderuar, miq, shokë, vëllezër bashkëatdhetar të kudondodhur, sot më shumë su kurrë kërkohet, qëndrim atdhetar paekuivoke nga sejcili për të mbrojtur Atdheun tonë të dashur nga disa kopukë politikanë e pushtetarë që për interesat e tyre po na shesin vatan që e kemi gjënë më të shtrenjtë. Ju lutemi na mbështetëni në nismën që kemi marrë duke i berë thirrje qeveritarëve e politikanëve që për interesat e tyre personale po arrijnë deri në tradhëti kombëtare. Do tu lutemi shumë brenda mundësive shpërndaheni këtë matërjal dhe kush ka mundësi ta botojë nëpër faqet e shtypit brenda dhe jashte vëndit.
                              Ju falenederojmë për gjithçka që mund të bëni.
                                                                                   Veli Llakaj.
                              Kryetar i Shoqatës Mbarëkombëtare “Bashkimi Antifashist i Shqipërisë”

                                                                                 
                                                                               Debat i hapur publik: 

                             TRAJTIM HISTORIK DHE TEKNIK I MARRËVESHJES MBI UJËRAT DETARE MÊS REPUBLIKËS SË SHQIPËRISË GREQISË

  Shoqata kulturore atdhetare “Labëria”, më 09 Tetor 2009, në sallën e Muzeumit Kombëtar në Tiranë organizoi debatin e hapur me pjesëmarrje të historianëve, juristëve, specialistëve të fushës me temë “Trajtim teorik e teknik i marrëveshjes mes Republikës së Shqipërisë dhe Greqisë”. Shkas për organizimin e debatit të hapur ishin njoftimet e dhëna dhe mendimet e shqetësimet e mjaftë specialistëve, historianëve, juristëve e tj. në medjan publike lidhur me marrëveshjen mês dy vendeve për ujërat detare. Shqetësues për shoqatën “Labëria” dhe opinionin e gjerë,  ka qenë dhe mbetet, nga njera anë mungesa e transparencës nga qeveria shqiptare për anekset e marrëveshjes e përmbajtien e tyre dhe, nga ana tjetër, përforcimi gjithnjë në rritje i bindjes se në marrëveshje e anekse të saj, sikurse shprehen specialistët, ka mjaft pasaktësi teknike e deri gabime përllogartjesh. Ato cënojnë rëndë integritetin e hapësirës ujore, nënujore e ajërore të Republikës së Shqipërisë. Në këto rrethana, shoqata, duke falënderuar mediat që evidencuan marrëveshjen por edhe disa shoqata që bënë publike shqetisimet e kërkesat e tyre për këtë problem, vendosi të zhvendos fushën e debatit nga ekranet e faqet e shtypit direkt në opinionin e gjerë publik në salla.
Për këtë qellim, prej më se një jave, për të sensibilizuar më tej opinionin dhe masivizuar mbështetjen, shoqata u vu në në lidhje me shumë shoqata atdhetare e kulturore nga i gjithë vendi. Deri tani, veç pesë shoqatave që janë deklaruar publikisht, shoqata “Labëria” gjeti mirëkuptim dhe mbështetje të plotë në nismën e saj edhe të 49 shoqatave të tjera simotra e konkretisht: Antifashisti, Aviatorëve, Bolena, Çajupi, Dangëllia, Dëshnica, Devolli, Dropulli, Dukati, Federata e Sindikatave të Pensionistëve, Golemi, Golloborda, Gora, Halil Bërzheshta,  Historianëve ushtarakë, Humelica, Identitet e Bashkim Kombëtar, Ismail Qemali, Kallarati, Kardhiqi, Kolonja, Lopësi, Lunxhëria, Luzati, Mallakastra, Mashkullora, Mirdita, Mokra, Nikaj Merturi, Nivica, Përmeti, Opari, Skampa, Skenderbegasi, Sofra e Malësisë së Madhe, Smokthina, Stebleva, Tafil Buzi, Tërbaçi, Të rënët e Kombit, Tragjasi, Treva e Krahësit, Zagoria, Vakëfet, Fllotës Luftarake-Detare, Veteranët internacional, Vëllazërimi Kuçiot, Vranishti, Vullnetari i Lirisë. Në debatin e zivlluar foli koloneli në rezervë e specialist i fushës Myslim Pashaj, historianët Pëllumb Xhufi, Arben Puto e tj. Mbi këtë bazë e shqetsimet e ngritura në përfundim u miratua Rezoluta drejtuar Parlamentit shqiptar me kërkesën për mosdiskutimin e mosmiratimin  e marrëveshjes pa  analizën dhe qartësimin teknik e juridik publik të anëve të debatueshme të saj.
Fjalën e hapjes e mbajti  Sekretari i Përgjithshëm zoti Xhemil Çeli.  Në fund diskutuan personalitete të fushave të ndryeshme, të cilët u solidarizuan plotësisht mr debatin e hapur shkencor dhe e vlerësuan lartë këtë nisëm të Shoqatës “Laberia” dhe mbështetjen masive të të gjithë shoqatave nga gjithë Shqiupëria.. Mbas kësaj Kryetari i Shoqatës “Labëria” Prof. Dr. Ago Nezha lexoi rezolutën përkatëse e cila u miratua një zëri dhe me duartrokitje teje të fuqishme.

                                       REPUBLIKA E SHQIPËRISË
                                       SHOQATA KULTURORE ATDHETARE ”LABËRIA”

                      Mbledhjes plenare të Parlamentit të Republikës së Shqipërisë,
                                                                                                      Tiranë
                     Për dijeni, Presidentit të Republikës së Shqipërisë,
                                                                                               z. Bamir Topi
Zonja Kryetare e Kuvendit,
Të nderuar zotërinj deputetë!
Ne, Shoqata kulturore atdhetare “Labëria”, krijuar me Urdhërin nr  63 dt. 12. 12 1991 të Ministrit të Kulturës, Rinisë dhe Sporteve dhe regjistruar në Gjykartën e Tiranës sipas legjislacionit shqiptar, me struktura organizative e veprimtari të shtrira në trevën e Labërisë dhe në qytetet kryesore të vendit ku ka komunitet lab, të mbështetur nga shoqata simotra në mbarë vendin, me shqetësim të natyrshëm, kemi nderin e detyrimin qytetar e atdhetar T’ju drejtohemi Juve, zotërinj deputetë, me këtë

                       REZOLUTË
Nëpërmjet medias së shkruar dhe vizive jemi njohur me tekstin e marrëveshjes së firmosur nga ministrat e jashtëm të RSH dhe të Greqisë për vijën e ujërave detare, por pa spjegimet dhe hartat e skemat përkatëse sqaruese e shoqëruese të saj;
  Po nëpërmjet medias kemi vrejtur me shqetësim se janë hedhur në opinion mjaft fakte e trajtesa që bien ndesh me ato të deklaruara zyrtarisht nga qeveria shqiptare;

  Për më tepër, sidomos duke marrë shkas nga miratimi me shpejtësi i kësaj marrëveshjeje në Komisionin e Ligjeve të parlamentit të shqiptar, madje pa bërë sqarimet e nevojshme para opinionit qytetar për disa trajtesa historike e sidomos teknike që venë në pikëpyetje saktësinë e  marrëveshjes, të matjeve të hapsirës detare dhe të kritereve të zbatuara në kushtet e kufirit tonë detar jugor në dëm të hapsirës tonë ujore, nënujore e ajërore ku sipas analizës që i bëjnë specialistë të fushës del se Republika e Shqipërisë, sipas kësaj marrëveshjeje, humb 354.4 kilometra katrore.

  Ne, shoqata “Labëria” dhe shoqatat simotra, me shqetësimin e natyrshëm qytetar e atdhetar, me kërkesën më elementare e kushtetuese për të qenë të qartë dhe të sigurtë në paprekshmërinë e territorit të RSH, duke synuar të japim edhe ndihmesën tonë në sensibilizimin më tej të opinionit publik, por veçanërisht të atij zyrtar, sjellim në vemendjen tuaj, të nderuar deputet, shqetsimin publik, pjesë e të cilit jemi edhe ne. Për këtë qëllim ne organizuam një debat të hapur publik me pjesëmarrje të historianëve, të juristëve dhe personave teknikë njohës të fushës. Në debat, larg deklarimeve patetike e duke qendruar sa më pranë shqetësimit të përbashkët atdhetar, por edhe duke u thelluar në analizën shkencore teknike të asaj çka është bërë e njohur zyrtarisht, na u rrit shqetësimi se marrëveshja cënon rendë integritetin e vendit tonë. Në këto rrethana, më këto shqetsime apo edhe dyshime, i drejtohemi Parlamentit të vendit tonë:
1. Shoqata “Labëria”, sikurse edhe e gjithë shoqëria shqiptare, ka qenë dhe është për vendosjen, ruajtjen e çuarjen më përpara të marrdhënieve normale dy e shumë palëshe të vendit tonë, sikurse edhe me fqinjin tonë jugor, shetin grek. Ne, për asnjë moment, nuk harrojmë se në Greqi jetojnë e punojnë qindra mijëra shqiptarë, mes tyre edhe shumë bij, bija e familje labe. Ndaj më shumë se kushdo jemi të interesuar për marrdhënie të shëndosha dhe mirëkuptim të ndërsjelltë me shtetin e popullin grek, të mbështetura mbi akte e marrëveshje ndërkombëtare të njohura e pranuara bashkarisht.
2. Nuk na duket normale, madje i vlerësojmë në dëm të mirëkuptimit dhe të forcimit të marrëdhënieve mes dy vendeve fqinje e mike, mbajtien pezull dhe pa transparencën apo zgjidhjen e duhur ligjore të problemeve të tilla mes dy vendeve si: nënshkrimi i dy marrëveshjeve-kuadër mbi kufirin tokësor që do të sillte më në fund edhe njohjen zyrtare nga pala greke të kufijve të përcaktuar nga Konferenca e Londërs e vitit 1913 e të konfirmuar në Protokollin e Firences më 1926; çështja çame që do të vazhdojë të qendrojë pezull në marrdhëniet shqiptaro-greke në se nuk zgjidhet në frymën e akteve ndërkombëtare dhe vullnetit të përbashkët për marrëdhënie miqësore; çështja e pronave të qytetarëve shqiptarë të bllokuara në Greqi me “Ligjin e Luftës” 1940; abrogimin e këtij ligji absurd nga ana e Parlamentit grek; marrëveshja për rregullimin e shfrytëzimin e ujërave të brendëshme; hapja e katedrave të gjuhës shqipe në Universitetin e Athinës  e Janinës, sikurse parashikohet në marrëveshjen e vitit 1998 etj.
Mendojmë se lojrat me fjalë e për konjuktura politike të çastit , por pa vendime e ligje konkrete për këto e të tjera probleme, gjithnjë kanë prishur klimën politike dhe kanë mundësuar e shërbyer për të hedhur hije dyshimi e keqkuptimi në opinionin e gjerë edhe mbi akte e marrëveshje të mira mes dy vendeve.
3. Në kushtet kur marrëveshja e firmosur nga Ministrat e jashtëm për ujërat detare mes dy vendeve ka ngjallur reagime negative, sidomos në pamjen teknike të saj e për një problem të ndjeshëm, si ai i integritetit dhe i tërërsisë territoriale të vendit, shprehim bindjen se vetëm transparenca publike nuk lë shkas për keqkuptime e keqinterpretime.
4. Ju sigurojmë, zotërinj deputet, se me debatin e hapur publik dhe me problematikën që doli aty, nuk kemi apsak për qëllim të paragjykojmë kërkënd dhe për asgjë. Duke shprehur shqetësimin tonë nga mungesa e transparencës së nevojshme e paqartësitë që lindin prej këndej, Ju lutemi që miratimi i marrëveshjes, duke qenë se bëhet fjalë për një problem jetësor si integriteti i vendit, të mos merret në diksutim, ananlizë e miratim në seancën e radhës e deri sa të bëhet transparenca e nevojshme me ekspertë publik, duke shmangur edhe çdo pasaktësi të mundëshme teknike në përllogaritjet.
  Shprehim bindjen se, kur është fjala për drejtësi e saktësi, edhe shteti grek, si shtet demokratik dhe anëtar i insitucioneve evropiane ku ne luftojmë të aderojmë sa më shpejt, nuk do të kishte arsye të kërkonte me nxitim nga ne miratimin e një marrëveshje për të cilën opinioni i brendëshëm te ne është i ndjeshëm, ende i pa qartë për përmbajtien e sidomos për saktësinë teknike të saj.

  Me ndjenjën e konsideratës më të lartë,
  Për Kryesinë e Shoqatës kulturore atdhetare “Labëria”
  Xhemil Çeli                                 Prof. dr. Ago Nezha
  Sekretar i Përgjithshëm                                Kryetar
  Tiranë, më 09  Tetor 2009.