BEQIR SINA, Boston
Derguar erenikut: Thu, October 2, 2008 3:31 pm
Botuar: E premte, 03 tetor, 2008 1:40 pm
Jim Belushi : "Jam shumë krenar që jam shqiptar. kam ardhur këtu për ta treguar këtë krenari dhe dëshiroj që edhe shqiptarët e tjerë t'a shfaqin këtë krenari kudo që shkojnë në botë. Unë jam shqiptar."

BOSTON MASACHUSTES : Kisha e parë orthodokse shqiptare në Boston - Amerikë, - Kisha e Shën Gjergjit, në kremtimin madhështor të 100 - Vjetorit të saj, e dekoroi aktorin e famëshëm të Hollivudit, Jim Belushi(Xhim Bellushi), me motivacionin "Për kontributin e lart që me emrin e tij si shqiptar - ka bërë në prezantimin e vlerave kombëtare, teksa është prezantur, se është shqiptarë". Njoha me emrin e tij si aktor me origjinë shqiptare, bëhet shkak dhe i meritave të tij të konsiderueshme, për zhvillimin e kulturës dhe të artit shqiptar, nëpërmjet prezantimit të tij prej nga e ka origjinë shqiptare.

Këtë, ai e ka bërë sa herë është pyetur nga gazetarët amerikan, në mbarë opinionin Amerikanë, duke treguar origjinën e tij se vjen nga rrënjët shqiptare me baba e nënë shqiptare. James (Jim) Belushi ka lindur në 15 Qershor 1954 në Chicago. Jimi është i lindur nga prindër shqiptar; i jati,Adam( Adem), emigroi në Amerikë, kur ishte 16 vjeç, ndërsa e jema, Anjeza, ka lindur në Amerikë nga prindër shqiptar.

Kjo dekorat iu dha aktorit të njohur me origjin shqiptare Xhim Belushi, i ftuar special në pjesëmarrjen e mbrëmjes festive me rastin 100-vjetorit të Kishës Ortodokse Shqiptare, të themeluar nga Theofan Stilan Noli. Rëndësia e kësaj dekorate, qëndron në faktin se ky është ndër të vetmit aktori më i madh me origjinë Shqiptare, në Amerikë, që njihet deri më sot , dhe ai nuk e ka mohuar asnjëherë origjinën e tij - Shqiptare.

Pra, në koleksionin e tij të madh prej dekoratave, çmimeve dhe vlersimeve që ka marrë deri tani Ylli i Hollivudit, aktori me origjinë shqiptare Jim Belushi (Xhim Bellushi) , aktor, komedian dhe një aktor i shquar i muzik-hollit, ka në këtë koleksion dhe këtë dekoratë, të dhënë nga shqiptarët e Amerikës. Dekoratë, kjo e cila është dekorata më e lartë e dhënë deri tani, nga bashkëvendasit e tij në Amerikë. Kjo është njohja e parë që kjo pjesë e bashkësisë shqiptare në SHBA-së, i bënë këtij aktori me origjinë shqiptare, nga shqiptarët të herëshëm e të rinjë.

Jim Belushi është një prej aktorëve të preferuar në film , televizion dhe në teatër për rreth njëzet vite. Një aktor i shkëlqyeshëm në rolet kryesore, si në realizimet dramatike po ashtu edhe në komedi. Gjithëashtu ,Jim Belushi është një interpretues i talentuar edhe në "rhythm & blues" muzikë. Të gjithë talentin e tij ai do nxirrte në skenë me një pasion të jashtëzakonëshme, përpara bashkëatdhetarve të tij të cilët së bashku me Jim Belushin, e kthyen në një "koncert" madhështor preformancën e Belushit. "Koncert" ky ku për minuta të tëra, ku Jim Belushi mbajti më këmbë gjithë sallën me interpretimin e tij plot pasion e talent.

Jim Belushi i dalluar si një interpretues i talentuar edhe në "rhythm & blues" muzikë, për më shumë se treçerek ore, do të elektrizonte sallën e madhe të Seeport, dhe do t'i ftone të gjithë të përfshiheshin në etuziasimin e rtimin e muzikës që ai po interpretonte, nën shoqërinë e Big Bendënit lokal "The Madhouse Ensemble", të drejtuar nga John Keegan dhe Gjergj Trebicka me DJ-George.

Xhim Belushi: "Do të shkoj në Shqipëri për bamirësi"

Aktori i njohur hollivudian me origjinë shqiptare, Xhim Belushi do të vijë sëshpejti për herë të dytë në Shqipëri. Lajmin e konfirmon vet Belushi i cili shprehet se "Do të vizitoj sërish vendin tim të origjinës, Shqipërinë dhe kjo jo për alibinë si autor i librit 'Burrat e vërtetë nuk thonë kurrë më fal', por në krye të një përfaqësie të Kishës Orthodokse Shqiptare në Amerikë, e cila ka mbledhur fonde për fëmijët e lindur me të meta fizike e mendore." Më tej, teksa e pyesim aktorin e njohur me origjinë shqiptare mbi planet e tij filmike, nëse ka ndonjë figurë historike të kombit shqiptar të cilën ai do ta interpretonte, na përgjigjet se ende nuk ekziston një projekt i tillë, por nuk përjashtohet si mundësi në të ardhmen.

Ai në çdo vend gjen rastin të pohojë me krenari: "Jam shqiptar. Kam ardhur këtu për ta treguar këtë krenari dhe dëshiroj që edhe shqiptarët e tjerë ta shfaqin këtë krenari kudo që shkojnë në botë. Unë jam shqiptar." <br>

Në të njëjtën mënyrë aktori i madh është përgjigjur edhe herë të tjera kur e kanë pyetur mediet amerikane. Takimin me Xhim Belushin e bëmë me rastin e festës që organizonte para pak ditësh Kisha e Shën Gjergjit në Boston, e cila kremtonte 100- vjetorin e themelimit nga Fan Noli. Pikërisht me këtë rast, ishte ftuar edhe Belushi, të cilin Kisha e dekoroi me motivacionin "Për kontributin e lartë, që me emrin e tij si shqiptar ka bërë në prezantimin e vlerave kombëtare, teksa është prezantur, se është shqiptar."

Belushi ka rrëfyer se rrënjët i ka shqiptare, si nga nëna dhe nga babai. James (Jim) Belushi lindi më 15 qershor të 1954-s në Çikago. I ati emigroi në Shtetet e Bashkuara të Amerikës kur ishte 16 vjeç, kurse e ëma Anjeza është shqiptare e lindur në Amerikë. Në prezantimin e tij në "Grand Gala" në "World Trade Center" në Boston, aktori i njohur foli me kënaqësi të madhe për vizitën e parë të tij me të atin në vendlindje. "Kur isha në vendlindjen e babait, Shqipëri, nga të gjitha anët shikoja si në pasqyrë figurën time, të gjithë më dukeshin të njëjtë si unë."

Gjatë vitit 1995 aktori i njohur, së bashku me djalin e tij dhe babanë (siç tregoi Xhimi gjatë marrjes së dekoratës, vizitoi për herë të parë Shqipërinë. "Babait tim i kishte hyrë në palcë frika nga regjimi i Enver Hoxhës. U nisëm në vendin e të parëve tanë me ftesë të presidentit z. Sali Berisha, ku na u rezervua një pritje e madhe, deri tek shtrimi i tapetëve të kuq." Xhimi vijon të kujtojë më tej se "U surprizuam nga pritja që na u bë atëherë dhe presidenti nisi të na tregonte arritjet e Shqipërisë. Në fund të takimit, Berisha e pyeti babain të thoshte diçka, por ai ishte ende i frikësuar nga ato që kishte dëgjuar që ndodhnin në Shqipëri. Baba shtangu. Unë i dhashë kurajë duke i thënë: Folë baba se nuk ka më komunizëm këtu dhe nuk të fut njeri në burg."

Më tej, Xhimi që vazhdon të mos e braktisë humorin e tij, vijon të tregojë edhe disa episode të tjera por kësaj here më të ëmën; "Nëna ime, 'Nani' nuk dinte anglisht, por kishte mësuar nja dy fjalë sa për bela. Kur donte t'i mbyllte telefonin ndokujt i thoshte 'Jim working'". Duke bërë humorin e tij me nivel të lart artistik, ai tregojë se nëna e tij ishte mërzitur nga shoqëria e Jimit, me një shok moshe, i racës së zezë- në Çikago. Sa herë që bënte telefon shoku i Jimit, ajo ia mbyllte telefonin. Një ditë e pyeta Nanin, "A ka bërë njeri telefon sot ? po më tha nëna ! Jim të "ka telefonuar Arapi ! Arapi! biri im". E qeshura mbrriti kulmin në sallë, kur Jimi tregojë, se e nëna e tij e mbyllte telefonin se shoku i tij ishte zezak, dhe arap quante zezakun shqip.

Një e re e kësaj mbrëmjeje ka qenë edhe interpretimi i shkëlqyer i aktorit të njohur hollivudian, veçse kësaj here jo në aktrim, por në muzikë. Belushi është një talent edhe sa i përket muzikës "Rhythm & blues", gjë të cilën e tregoi me pasion kur bëri të gjithë sallën të ngrihej në këmbë e elektrizuar para tij. Një performnancë madhështore dhe koncert unikal ky, që do të mbetet i paharrueshëm për komunitetin shqiptar që jeton në Amerikë.