Komunikatë për zhvillimet në Maqedoni

Zhvillimi i ngjarjeve të fundit në Maqedoni edhe një herë me forcë nxori në pah politikën thellësisht të gabuar të partive politike shqiptare në Maqedoni dhe të “këshilltarëve” të tyre në Tiranë e në Prishtinë.

Lufta politike me kutitë e votimeve e humb kuptimin e vet kur paraprakisht dihen humbësit dhe fituesit. Sido që të përfundojnë zgjedhjet, të gjithë a kanë të qartë se partitë politike shqiptare sërish do të bien në prehrin e partive nacionaliste maqedonase dhe do të formojnë qeveri me pushtuesit e tokave shqiptare.

Kur të kihet parasysh ky fakt i patejkalueshëm, të derdhet gjaku për një grimë më tepër “pushtet”, për një grimë më tepër privilegj, për një grimë më tepër “autoritet”, kjo i kalon edhe kufijtë e gabimit politik – kjo është ANTINJERËZORE.

Populli shqiptar duhet sa më parë të organizohet që t’iu thotë NDAL! shpërdoruesve të gjakut, ndjenjës dhe vullnetit të tij!
1.6.2008
Prishtinë                                                                                                                                       LËVIZJA PËR BASHKIM

Eliminimi i ditës së Flamurit është akt antikombëtar

Kadri REXHA

REAGIM

I bindur thellë se eliminimi i Ditës së Flamurit Kombëtar Shqiptar nga kalendari i festave shtetërore të Republikës së Kosovës është akt antikombëtar dhe vepër që shkon kundër mendimit dhe veprimit tim gjysmëshekullor, i bindur thellë se servilizmi dhe kursi antikombëtar i PDK-së së Hashim Thaçit, sidomos në këto dy vitet e fundit, e ka dëmtuar shumë Kosovën dhe çështjen kombëtare, deklaroj publikisht se që nga dita e sotme, 22 maj 2008, jap dorëheqje të parevokueshme nga anëtarësia e Partisë Demokratike të Kosovës, anëtar dhe kuadër i së cilës kam qenë që nga themelimi i saj.

Në emër të familjes time të persekutuar gjysh pas gjyshi për këtë grimcë toke të Shqipërisë dhe në emrin e moralit tim personal, me indinjatë të thellë shprehu mospajtimin e fortë ndaj Projektligjit të Hashim Thaçit dhe të Qeverisë së tij mbi eliminimin e 28 Nëntorit – Ditës së Flamurit Kombëtar Shqiptar, i bindur katërçipërisht se eliminim i kësaj Dite nga kalendari i Festave shtetërore të Republikës së Kosovës,
- është akt antikombëtar,
- do të thotë: fillim i shkombëtarizimit të gjysmës së kombit shqiptar;
- shkelje flagrante me të dy këmbët mbi aspiratat, mbi qëndresën dhe mbi luftën e mijëvjeçarit të fundit të popullit shqiptar për liri dhe bashkim kombëtar;
- paturpësisht hidhje baltë mbi gjakun shekullor të martirëve, dëshmorëve dhe të heronjve të popullit shqiptar;
- hapje e rrugës për përçarjen kombëtare dhe luftës vëllavrasëse ndërshqiptare;
- tjetërsim dhe atentat kundër gjuhës kombëtare shqipe,
- trasim real i rrugës për ndarjen ligjore të Kosovës edhe ashtu të zvogëluar dhe të leckosur sa nuk bën më shumë;
- e kështu me radhë e kështu me radhë...

Eliminimin e Ditës së Flamurit Kombëtar nga kalendari i festave të shtetit të Kosovës personalisht e ndiej dhe e kuptoj si kthim të ri në kohën e rëndë dhe të përgjakshme të vitit të mallkuar 1945 dhe të viteve të tjera që erdhën më vonë, e ndiej dhe e kuptoj si kthim të ri në kohën e masakrave të përgjakshme për baballarët tanë dhe për gjeneratat që do vijnë më vonë. Eliminimin e Ditës së Flamurit Kombëtar e ndiej dhe e kuptoj si ringjallje të sërishme të Fadil Hoxhës, Ali Shukrisë, Kolë Shirokës, Sinan Hasanit, Azem Vllasit dhe të pasuesve të tyre vasal serbianë, gabimi i të cilëve pas një gjysmë shekulli do të vë në pikëpyetje ekzistencën e mbarë Kombit dhe të trojeve shqiptare.

Prandaj, i bindur thellë se eliminimi i Ditës së Flamurit Kombëtar Shqiptar nga kalendari i festave shtetërore të Republikës së Kosovës është akt antikombëtar dhe vepër që shkon kundër mendimit dhe veprimit tim gjysmëshekullor, i bindur thellë se servilizmi dhe kursi antikombëtar i PDK-së së Hashim Thaçit, sidomos në këto dy vitet e fundit, e ka dëmtuar shumë Kosovën dhe çështjen kombëtare, deklaroj publikisht se që nga dita e sotme, 22 maj 2008, jap dorëheqje të parevokueshme nga anëtarësia e Partisë Demokratike të Kosovës, anëtar dhe kuadër i së cilës kam qenë që nga themelimi i saj.

I mbështetur në përvojën e historisë së lavdishme të popullit shqiptar, kam bindjen e thellë se Kombi ynë, me gjithë barrierat që i kanë dalë përpara, do të dijë ta gjejë rrugën e vërtetë të lirisë dhe të bashkimit. Një popull, që edhe në shekujt më të errtë, në saje të bijve të vet të devotshëm, ka ditur “ta çajë rrugën e historisë me shpatë në dorë”, do të dijë edhe sot t’a merr fatin në duart e veta. Kombi shqiptar është i pavdekshëm dhe do të fitojë.
/· Autori është publicist dhe njëri nga bashkëveprimtarët e Jusuf Gërvallës. /

Sot me 23 Mai, "Qeveria Thaci" perseri u gjunjezua dhe vetdorezoj statusin dhe ikonen tone

Gëzim Mekuli

Thirrje publike deputetëve të Kuvendit të Kosovës

Duke pasur parasysh situatën në të cilën po kalojmë;

Duke pasur parasysh rrethanat kombëtare dhe ndërkombëtare;

Duke pasur parasysh rëndësinë e festave kombëtare e zyrtare për kombin si tërësi;

Duke pasur parasysh se deputetet janë të zgjedhurit e popullit dhe duhet ta sanksionojnë në ligje vullnetin e tij;

Duke pasur parasysh se për hir të të tjerëve nuk guxojmë të përçahemi ne, si dhe:

Duke pasur parasysh se miratimi i projektligjit për festat pa datat kryesore të kombit shqiptar, do të sillte një situatë konfliktuoze brenda kombit:

Lëvizja për Bashkim u bën thirrje të hapur deputetëve të Kuvendit të Kosovës të mos shkelin mbi ndjenjat dhe vullnetin e popullit - të mos e miratojnë projektligjin për festat zyrtare pa festat tona kombëtare, sidomos pa 28 Nëntorin si festë zyrtare në Kosovë!

22.5.2008         Kryetari i Lëvizjes për Bashkim
        Prishtinë                          Avni Klinaku
/botuar: E premte 23 maj 2008-ereniku.net-N.York/

Reagim
Eliminimi i ditës së Flamurit është akt antikombëtar
· I bindur thellë se eliminimi i Ditës së Flamurit Kombëtar Shqiptar nga
kalendari i festave shtetërore të Republikës së Kosovës është akt antikombëtar dhe
vepër që shkon kundër mendimit dhe veprimit tim gjysmëshekullor, i bindur thellë se
servilizmi dhe kursi antikombëtar i PDK-së së Hashim Thaqit, sidomos në këto dy
vitet e fundit, e ka dëmtuar shumë Kosovën dhe çështjen kombëtare, deklaroj
publikisht se që nga dita e sotme, 22 maj 2008, jap dorëheqje të parevokushme nga
anëtarësia e Partisë Demokratike të Kosovës, anëtar dhe kuadër i së cilës kam qenë
që nga themelimi i saj.
     Kadri Rexha, pulicist/Thu, May 22, 2008 1:14 pm / botuar: ereniku.net 23 maj 2008- N.York /

Qytetari pa identitet 
 
Klithi edhe një herë,
se ndryshe nuk dinte
dhe ua mbathi këmbëve,
si një maz lakuriq, i lazdruar,
ashtu si e kishte lindur nëna.
 
E përbiu qumshtin e jetës
dhe harroi nënës ... , nënë t’i thoshte

Ai shqip fliste por ia ktheu me kosovarishte
dhe keshtu e humbi atë që e kishte                 
as shqip, as atë tjetrën që e belbëzonte ndryshe
dhe  çuditërusht shumë shpejt harroi se ç’ishte.
Agim Vuniqi
derguar erenikut:Thu, May 22, 2008 10:58 am
botuar: E premte 23 maj 2008 1:35 pm

...nga të katër anët e botës ( reagime )

A ka shqiptarë në Kosovën e Hashim Thaçit?!

Written by Tahir VELIU
derguar erenikut: Tue, May 20, 2008 4:23 am
botuar: e enjte 22 maj 2008 34:09 am  

Me dëshpërim të madh mësova dhe e përjetova lajmin mbi projektligjin e qeverisë së Republikës së Kosovës, të kryesuar nga Hashim Thaçi, për mospërfshirjen e 28-Nëntorit, ditën e flamurit kombëtar, ditën e shpalljes së Pavarësisë, ditën e daljes publike të Ushtrisë Çlirimtare të Kosovës dhe ditëlindjen e komandantit legjendar Adem Jasharit, në listën e festave të Republikës së Kosovës. Me të drejtë shtrohet pyetja; A ka shqiptarë në Kosovën e Hashim Thaçit dhe qeverinë e tij?! Mos vallë të gjithë "deputetët" e "popullit" e kanë ndryshuar kombësinë, flamurin, madje edhe gjuhën?!

Të mos përfshihet 28 nëntori në festat zyrtare të Kosovës është fyerje e rëndë, e pakuptimtë, është tradhti dhe kundërvënie e hapur ndajë historisë dhe aspitarës sonë shekullore për çlirim dhe bashkim kombëtar. Me kryeministër si Hashim Thaçi, Shqipëria kurrë nuk do të bëhet SHQIPËRI.

28 Nëntori festohet kudo në botë ku ka shqiptar por 28 Nëntori ynë i lavdishëm nuk do të jetë festë zyrtare e "Republikës së Kosovës (shih: Ahtisarit)", kjo jo pse jemi para viteve 1999, kur pushtuesit serb e patën ndaluar festimin e kësaj ditë të shumëfishtë shqiptare por sepse Hashim Thaçi me sahan lëpirësit e tij të tjerë janë shëndrruar në një makineri anti-shqiptare të pa parë deri më sot. Së pari, flamuri kombëtar u "zhdukë" nga takimet zyrtare dhe foto montazhet e "udhëheqësve tanë", pastaj u hoq flamuri kombëtar përpara Kuvendit (shih: skupshtinës) së Republikës së Kosovës (kjo e të gjithëve po, por jo e shqiptarëve), kurse tash me taktiken e vjetër serbe, Hashim Thaçi anashkalon 28 Nëntorit e Flamurit, Pavarësisë, UÇK-së, Adem Jasharit dhe të gjithë shqiptarëve, duke mos e njohur këtë datë të shumëfishtë si festë zyrtare?!
Sinqerisht, /TAHIR VELIU Drejtor i përgjithshëm/

_________________________________________________________________________________

Ku jeni nisur o burra...?

Eshtë e tepërt të thuhet sa njerëz kanë vdekur dhe janë mbështjellur me flamurin
kombëtarë. Kundërshtimi më i rreptë që i bëhej Serbisë, bëhej përmes flamurit, me te
fillonte jeta dhe me te përfundonte jeta


Agim Vuniqi
derguar erenikut: Wed, May 21, 2008 5:11 pm
botuar: e enjte 22 maj 2008 3 22 am

Ku jeni nisur o burra atdheun me çlirue, qe besa edhe unë do të vi me ju, kështu në
këtë frymë u edukuan shumë gjenerata, dhe kështu konceptohej atdhetarizmi. Nuk ishte
ndonjë gabim të thuhej se asnjëri nuk mendonte në krijimin e shtetit të ri, të
gjithë ishin të përkushtuar në bashkimin kombëtarë, nuk ishin të pakta deklaratat e
zyrtarëve të tashëm të thëna publikisht në këtë frymë. Si duket defektet e kësaj
klase politike qëndrojnë më tepër në harresën e tyre historike, por edhe mosnjohjen
e vazhdimësisë konstitucionale të Kosovës, më heret, por edhe në ish Jugosllavi.
Rëndësia e festës së flamurit ishte shumë domethënëse, si në aspektin kulturor,
manifestiv, dhe shumë më tepër në atë kombëtarë. Eshtë e tepërt të thuhet sa njerëz
kanë vdekur dhe janë mbështjellur me flamurin kombëtarë. Kundërshtimi më i rreptë që
i bëhej Serbisë, bëhej përmes flamurit, me te fillonte jeta
 dhe me te përfundonte jeta. Kosova kishte fituar të drejtën e formuesit të
federalizmit Jugosllav dhe të drejtën e vetos për shkak të shumicës dominate
shqiptare që jetonte në Kosovë, dhe lufta politike ndërlidhej me të drejtën e
zyrtarizimit të flamurit, çdo ngjarje, çdo manifestim kulturor dhe kombëtarë e
kishte vulën e flamurit. Vazhdimësia konstitucionale vazhdoi edhe pas shembjes së
krijesës Jugosllavi, shqiptarët, jo kosovarët, ashtu siç po u atribohet shpesh ky
zullum nga shumë "shahirë", arritën që të mbijetojnë si komb shtetëformues pas
përpjekjeve titanike të shumë intelektualëve, të cilët arritën ta mbajnë gjallë
vazhdimësinë kushtetuese, me Deklaratën e 2 Korrikut dhe Kushtetutën e Kaçanukut,
si dokumente të rëndësishme për të ardhmen e shqiptarëve, e cila u realizua me
shumë sakrifica, falë angazhimit të SHBA-së, por edhe shumë atdhetarëve të shumtë
të angazhuar në forcat e
 rrezistencës popullore UÇK-së. Defektet e pasluftës, dhe sjelljet grabitçare të
shumë liderëve partiak, i bënë të pafuqishëm për të kundërshtuar disa nga vendimet
e projektit Aahtisari, sidomos kur bëhej fjalë për historinë dhe trashigimin
kulturore, e mos të flasim për decentralizimin që ishte dhe është thembra e Akilit
për të ardhmen e Kosovës, për atë arsye kokëdhembjet institucionale në nivel lokal
do të jenë të pashëruara. Si duket shumë nga këta liderë e kanë keqkuptuar teorinë
mbi demokracinë, ngase ajo buron nga populli dhe përfundon aty, jo si tu teket
përfaqësuesve të cilë kanë bërë premtime publike, dhe për realizmin e të cilave
kanë përgjegjësi të plotë para elektoratit i cili i ka votuar. Edhepse në dukje
problemi nuk është aq i madh, është më tepër mospërfillës dhe shpërdorim i besimit
të popullit, ngaqë vendimet e rëndësishme nuk merren pa pajtueshmëri të plotë
 qytetare (mos të them nacionale, ngase është bërë term për delikuencë?) edhe përmes
diskutimit të hapur publik, por edhe me miratimin e institucioneve relevante
shkencore, jo me ngritjen e gishtërinjëve të ndërrohet historia, ngase ajo nuk
është dekorative, por është shumë përmbajtësore dhe e betonuar./av/

_________________________________________________________________________________

Në projektligjin për festat në Republikën e Kosovës, të cilin e ka përpiluar Qeveria e Kosovës, nuk gjendet 28 Nëntori. Për të gjithë ata që i lexojnë drejt dokumentet politike kjo nuk është befasi. Por kjo është befasi për shumë njerëz që kanë besim te politikanët që i kanë votuar. Madje, mund të jetë befasi edhe për disa (shumë) politikanë që nuk lodhen për t’i lexuar drejt dhe seriozisht letrat që i mbajnë nën sqetull.

Tjetërsimi

Qeveritarët e sotëm dhe të gjithë ata politikanë tjerë shqiptarë të Kosovës të cilët thonë se kjo është “zgjidhja optimale”, apo “zgjidhje kompromisi” etj., duhet ta dinë se kjo në radhë të parë është përpjekja e parë për tjetërsim të shqiptarëve dhe në radhë të dytë zgjidhje naive.

Pse tjetërsim? Sepse, për një pjesëtar të një kombi festa më e madhe është dita kur ai komb ka arritur njohje ndërkombëtare me një organizim sublim, siç është shteti. Për ne shqiptarët ajo ditë është 28 Nëntori. Tash njeriu këtu do të mund të numëronte një mori faktesh historike, politike, etj. , megjithëse për to një politikan “modern” do të mund të thoshte se janë “histori e thatë”, “emocion” apo “romantizëm”. Le ta quajë ky politikan këtë si të dëshirojë, por nëse mua një qeveri ma mohon festën më të madhe të shqiptarëve, nëse ma shkëput historinë që e kam mësuar deri më tani, nëse ma shkëput emocionin e kujtimit për Adem Jasharin e Bahri Fazliun që vdiqën me flamurin dhe për flamurin kuq e zi, nëse më bën privacione tjera të këtij lloji, unë i quaj përpjekje për tjetërsim.

Pse është naive? Sepse, për t’u tjetërsuar (shkombëtarizuar) ne shqiptarët e Kosovës kemi pasur oferta edhe më herët, madje edhe më të ëmbla. Me fjalë tjera, pse fatura e shkombëtarizimit tonë u desh të kushtojë rreth 12000 jetë njerëzish dhe pse e desh të presim kaq vite, me kaq shumë vuajtje për t’u shkombëtarizuar, pasi kemi pasur oferta edhe më herët. 

Mashtrimi

Politikanët e Kosovës edhe një herë i gënjyen dhe i mashtruan votuesit e vet. Madje, në lidhje me flamurin politikanët e Kosovës i kanë gënjyer dhe i kanë mashtruar edhe bashkëpartiakët e tyre. Ja dy nga gënjeshtrat e këtyre politikanëve: “Flamuri kombëtar mbetet kombëtar, ndërsa ky i kaltri është shtetëror”. Dikush nga politikanët e ka përdorur edhe gënjeshtrën tjetër: “Vetëm sa për OKB e kemi këtë, se kuptohet, flamuri jonë është ai që ka qenë gjithmonë”.

Nuk është befasuese që këta politikanë edhe pas aprovimit eventual të ligjit për festa të vazhdojnë me gjepura të ngjashme. Për shembull, kjo mund të jetë gënjeshtra e radhës: “Qeveria vetëm si ditë pushimi shtetëror nuk e ka llogaritur 28 Nëntorin, përndryshe ne nuk e ndalojmë atë. Qytetari mund ta festojë e të kënaqet me të...”

Rreziku

Të gjithë shqiptarët, edhe ata që i janë druajtur gjëmës së tjetërsimit, i janë gëzuar pavarësisë nga Serbia edhe të një pjese të tokave shqiptare. Mirëpo, nëse qeveria e Kosovës nuk ndërpret hapat e tjetërsimit të shqiptarëve të Kosovës dhe më gjerë, e fut Kosovën dhe më gjerë në rreziqe të mëdha. Sot do të përmend vetëm një rrezik, që nuk është më i madhi, e ai është mospranimi i flamurit të kaltër. Në vend që flamuri i ri të kuptohet drejt dhe të përqafohet si zgjidhje politike për shkëputjen e Kosovës nga Serbia, ky flamur do të luftohet nga vetë shqiptarët. Ndërsa, protestat dhe manifestimet e ndryshme antiqeveritare, të cilat nuk do të ndalen, nuk po i llogaris në rreziqe.

Zgjidhja

Kuptohet fakti se kjo qeveri ka pranuar „Pakon e Ahtisarit“ dhe nuk do të ndalem pse, qysh, e çka ka për pasojë kjo, sepse nuk dua të flas këtu për zgjidhje radikale. Por nëse dëshirojmë të gjejmë një zgjidhje të çastit dhe të pjesshme, atëherë duhet të lidhemi për faktin që formulimi i ligjeve është mjeshtëri e madhe. Duhet të shtyhet miratimi i ligjit për festat shtetërore të Kosovës dhe duhet gjetur mjeshtri i madh, i cili në këtë ligj e fut edhe 28 Nëntorin, si festë kombëtare të kombit shumicë (absolute) të Kosovës, përkundër ndalesave që i ngrit Pakoja e Ahtisarit.

Për këtë duhet të angazhohen deputetët e pozitës dhe të opozitës në kuvend. Ndryshe, dëshmorët e 10 Shkurtit kanë rënë për këtë çështje; dhe deputetët e këtij mandati rrezikojnë që atyre dëshmorëve t’iu bashkohen edhe të tjerë. /Prishtinë 20.5.2008 /

______________________________________________________________________

Kohë e keqe për dijen

Jeton Kelmendi, Bruksel
derguar erenikut: Wed, May 21, 2008 7:46 am
botar: e enjte 22 maj 2008 3:22 am

Një ditë moti, kur vlera e kishte fjalën, dija kishte respektin dhe vendin e merituar në shoqërinë tonë. Tani që kanë kaluar do kohë, e vërteta duket ndryshe. Nuk është për të qenë e vërtet, por po ndodh dhe edhe pse ka shijen e keqe, ka vetëm një emër e vërteta e sodit. 

     Nëse i bëjmë një vështrim sado sipërfaqësor, vendit që kishin njerëzit e dijshëm në shoqëritë e shteteve të ndryshme, na del se ata zënin hapësirën e duhur në hierarkinë  e organizuar të jetës shoqërore.

 Mbase dija i krijonte privilegje atij që e posedonte, qysh në fazat e para të organizimit të shoqërisë dhe ekzistimit të shteteve, ky fenomen u përcoll deri në ditët tona. Me siguri kjo i shërbeu njerëzimit për të mirë. Derisa në Greqinë antike, një njeri i dijshëm konsiderohej elitë e shoqërisë, në oborret mbretërore të shumë vendeve, njerëzit e dijshëm mbaheshin për punë të zgjedhura dhe pozita të larta. Kështu fjala bie, nëse një njeri i dijshëm në një fushë të caktuar qoftë shkencore apo artistike, ka pasur një respekt nga rrethi i tij dhe ka qenë në pozitën e merituar, çka ka reflektuar ai për atë shoqërinë. Mbase kjo nuk do shumë komente. Të tjerët do mësojnë nga ajo mençuri e personit të caktuar, prandaj derisa e ka vendin në maje të piramidës, dihet se shoqëria e ka ardhmërinë shpresëdhënëse, gjithsesi punën mbarë. Edhe në luftërat e shumta që kanë bërë popujt e ndryshëm, të dijshmit kanë qëndruar në krye të ushtrive, në krye sepse ata me dije projektonin sukseset dhe fitonin betejat. Për veprat që lanë të dijshmit në fushat e ndryshme, art kulturë dhe shkencë, etj, njerëzia mëson brez pas brezi. Edhe ne kishim të dijshëm, prej Bogdanit, Gjetgj Kastriotit, deri të Fishta dhe Kadare me shumë të tjerë, por sikur ka filluar të rrallohet respekti për të dijshmit.           

Mbase edhe  “modernizmi” mund ta ketë si  parim për të ardhmen, mirëpo vendi im duket ka filluar ta zhvilloj si shkencë.

  Gjithandej kah shihet dhe dëgjohet, dija ishte gjëja që më së shumti i duhej njeriut, por i duhej tepër shumë edhe shoqërisë në përgjithësi. Nëse kthehemi për pak, tek koha dhe ditët tona dhe pa e lodhur fort kokën me mendua se çka e solli njerëzimin kaç lartë në zhvillimin  dhe avancimin e jetës si koncept i përgjithshëm, ma thotë mendja se çdo kush duhet ta dijë, thjeshtë është dija.  Koncepti dije, ngërthen në vete një nga më të mirat që ka  njeriu, për të notuar në lumin e madhe të jetës.   Shumë kush e çmon ngase ta krijon  një përparësi për një rrugëtim më dinjitoz  gjatë jetës, por kjo nuk do të thotë se po të jesh i dijshëm, ke rrugën e hapura gjithkund. Mbase duket paradoksale, por e dijë një vend, në të cilin dija është tepricë dhe pengesë për të ecur.

Dija hap apo mbyll  rrugët

Po i vumë re dukuritë e raporteve dije-padije në shoqërinë tonë, na del një shpërfillje e normales.  Se a kemi njerëz të dijshëm në shoqërinë shqiptare, padyshim se po dhe po ne kuptimin e plotë të fjalës, ngase sot më shumë se kurrë, njeriu shqiptar ka arritur të depërtoj në analet ndërkombëtare dhe të ngritët  për ka dija. Këta të dijshëm është e qartë se ku e kanë vendin, mirëpo sa shembuj mund ti marrim për dijen dhe të dijshmit si koncept, ku janë ata.

 Do të nisem nga kultura.

Kush bën kulturën në vendin tim?, është pyetja që duhet bërë  veti, e pastaj ktheu dhe mendo pak dhe përgjigju. Derisa Shqipëria e viteve të tridhjeta kishte mbi pesëmbëdhjetë revista kulturore e letrare, Kosova e sodit nuk e ka asnjë. Kulturën e drejtojnë si nëpër komuna, po ashtu edhe në ministrinë e Kulturës, persona që lere se nuk janë njerëz të kulturës, por as konsumues të saj. Estrada është gjithçka, nuk ka rëndësi edhe pse ajo nuk ka asnjë kriter, se për vlerën mos të flasim më, por aty investohen shifra të mëdha parash.  Organizimet e pakta që mbahen në vend, kanë nivel bizar dhe ato mbahen nën organizimin e jo kompetentëve. Thjeshtë dija është armik i atij që e ka në ditët e tona. Po që i ditur, të tjetër do të urrejnë dhe do të luftojnë me të gjitha mënyrat.

 Për të pasur perspektivë, mjafton të jesh i dëgjueshëm dhe ti shërbesh mirë dikujt. Ky është realiteti ynë, tani që padija ja ka zënë rrugën dijes. Në fakt ky është një fenomen që shqetëson njeriun me dije, art dhe kulturë, por nëse ia lësho syrin shkencës, nuk është më mirë. E njëjta gjë ndodh edhe me politikën, sportin dhe çdo gjë që është pjesë e jetës në Kosovë. Ky realitet nuk është më i mirë sot as në Shqipëri dhe gjetiu ku jetojnë shqiptarët.     

Sa kohë e keqe ka marrë për dijen dhe të dijshmit. Për derisa në vendet që e kanë punën mbarë, dija hap rrugë për të ecur përpara, tek në sot, ajo po ti mbyll dyert.               

Populli shqiptarë kishte disa thënie të bukura, që gjeneratë pas gjenerate u përcoll deri tek ne. Ruana Zot nga të padijshmit, thoshin urtakët pleq nëpër odat e burrave, ndërsa ne gjeneratave dëshmitar të kësaj që ndodh, nuk na mbetet gjë tjetër për të thëne veç se Shpëtoje Zot dijen nga padija, ktheja pushtetin të diturit e merrja të paditurit.

 Vitet po kalojnë, kurse ndryshim njëherë nuk ka. Qielli  është vrenjtur mbi dijet dhe mot i lig i ka marr terrenit ku dija sundon. Tani po hesht dhe vazhdoj të pres, eh mos era po e frynë dhe po ua ndërron polet këtyre dy fenomeneve, pastaj te vij koha e mirë për dijen./jk/   

_______________________________________________________________________________________

Varësia nga Pavarësia dhe Festimi “ilegal” i 28 Nëntorit në Kosovë!

Shkruan: Bardhyl Metaj, Zürich
derguar erenikut:Tue, May 20, 2008 11:31 pm
botuar; e enjte 22 maj 2008 3:22 am

Qeveria e Kosovës vendosi që 28 Nëntori të mos jetë festë zyrtare në Kosovë!

"Dhe ky është vetëm fillimi...“ tha në përfundim të konferencës për shtyp, Kryeministri i Kosovës!" (H. Thaqi për RTK, Lajmet Qendrore (19.05 2008)!

...e që përkthyer, apo si e kuptova unë, i bie se në vazhdë të këtij akti të politikes shtet-formuese të Qeverisë së Kosovës së Pavarur, sihariqi i ardhshëm do të jetë Ligji që eventualisht "ndalon" apo e zyrtarizon si flamur të shtetit fqinj, edhe flamurin nacional shqiptarë, ngase nëse 28 Nëntori, është festa e një shteti të fqinj, e njëjta vlen edhe për flamurin…

Por, që ta lehtësojmë përmes humorit edhe këtë sakrificë të radhës, dhe tragjikomiken që mu shpërfaq, ngase natyrisht se i besova Kryeministrit tonë se ky është “vërtet” vetëm fillimi...andaj parë gjithherë me ironi e shumë humor, kamë përshtypjen se surprizat e ardhshme të Qeverisë së Kosovës së Ahtisarit, në vazhdë të kësaj politike dhe vendimit të fundit, duket se do të jenë afërsisht kështu:

Akti i Parë:

Prishtinë, diku rreth 25 Korrik 2008,

“Parlamenti i Republikës së Kosovës njëzëri dhe me duartrokitje frenetike vendos”:

1. Të gjithë flamujt shqiptarë, të cilët pas miratimit të Ligjit, gjinden në familjet shqiptare apo gjithandej në Kosovë - do të konfiskohen - dhe si "dhuratë" për Festën e Pavarësisë së shtetit fqinj, më 28 Nëntor të 2008-ës, do të dërgohen në Shqipëri...me DHL, për popullin e Vlorës e Tiranës....!
Harxhimet e nevojshme të transportit i mbulon Qeveria e Kosovës!

Akti i Dytë
25 Korrik 2008, (seanca e pasdites),
“Parlamenti i Republikës së Kosovës njëzëri e me duartrokitje të gjata frenetike vendos”: 

1.1 Shqiptaret e Kosovës, që nga sot, nuk e kanë (zyrtarisht) Hero kombëtarë, Gjergj Kastriotin Skënderbeun, shtetas i shtetit fqinj, Shqipërisë, e as se kanë festë zyrtare, 28 Nëntorin e tij, të quajtur në shtetin fqinj, si Nëntori i parë!

Andaj, autorizohet Kryetari i Komunës së Prishtinës si dhe Organizata Hortikultura-Prishtinë, që në afat prej 30 ditësh pas miratimit të këtij Ligji, të kthejnë prej nga ka ardh, përmendoren e Heroit të shtetit fqinj Shqipërisë, Gjergj Kastriotit - Skënderbeu!

Heroi në fjalë nuk është Hero i Kosovës së Pavarur me Planin e Ahtisarit, dhe as që ka luftuar për një Kosovë të tillë multietnike.

Përmendorja e tij, si dhe tekstet mbi këtë shtetas të Huaj, shpallen si non grata, në sheshet dhe tekstet tona shkollore!

Kjo, edhe për shkak të qartësisë së orientimit tonë, për shtet multietnik, që përkthehet si, anacional!

2. Të ç`rrënjosen e demontohen të gjitha përmendoret e Isa Buletinit nga territori i Kosovës...!

2.1 Përmendoret e Isa Buletinit, së bashku me atë/ato të Skënderbeut (për shkak të kursimit të harxhimeve shtesë), dy muaj para festës së 28 Nëntorit, duhet ti dorëzohen në kufi, autoriteteve të shtetit fqinj - Republikës së Shqipërisë - nga delegacioni i Presidencës, Qeverisë e Akademisë së Shkencave e Arteve të Kosovës...!

2.2 Shtetasit Kosovarë, z. Isa Buletini, me hyrjen në fuqi të këtij ligji, i merret nënshtetësia Kosovare, ngase ai në vend se të luftonte për Pavarësinë e Kosovës, e ta lartësonte që atëherë (më 1912) në Prishtinë e Shkup, flamurin e sotëm të Kosovës së Ahtisarit, kishte luftuar për Pavarësimin e shtetit fqinj Shqipërisë, duke qenë (për më tepër) me armatën e tij, edhe garant i sigurisë e mbarëvajtjes së ngritjes së Flamurit Shqiptarë në Vlorë?!!!

2.3 Të gjitha shkollat, Institucionet, rrugët etj, të cilat eventualisht mbajnë emrin e Isa Buletinit, (ish-shtetasit Kosovarë, aktualisht pa shtetësi, dhe ende pa shtetësi të pranuar në vendin fqinj, Shqipëri), të ri-emërohen me emra heronjsh, të cilët në asnjë mënyrë apo rrethanë, asnjëherë, s`kanë pasur lidhje apo kontribute me/në historinë shqiptare!

2.3.1 Autorizohet Akademia e Shkencave dhe Arteve të Kosovës si dhe Instituti i Historisë, që të ndërmarrin një super-filtrim Historik të Historisë, të tillë çfarë e bënte dikur Enver Hoxha në Shqipëri, dhe të gjejnë apo krijojnë njëkohësisht, me shumë kreativitet e fantazi, figura e heronj të rinj kosovarë, nga të cilët para se gjithash lypset, që edhe para ardhjes dhe aprovimit të Planit Ahtisari, pra edhe para vetë Ahtisarit, të kishin nuhatur e kuptuar vizionin në fjalë.
Me një fjalë, të krijohen Heronj, të cilët kishin punuar që nga Konferenca e Versajës, në përputhshmëri me Konceptin e Ahtisarit, e jo për demagogji e ideologji nacional-shoviniste shqiptaro-madhe...!

2.4 Për të gjithë të inkriminuarit e tjerë të shumtë, të ashtuquajturit heronj që luftuan për Pavarësinë e Shqipërisë (të shpallur më 28 Nëntor 1912, shtet fqinj me vendin tonë) dhe të shqiptarëve në ish Jugosllavi, do të formohet Komisioni mix i parlamentit të Kosovës me pjesëmarrës edhe nga ASHAK, si dhe shkencëtarë të Institutit të Historisë, por vetëm nga ata, të cilët kuptojnë drejt vizionet e reja të Kosovës së de-nacionalizuar! Dhe kujdes: në gjithë BE-në, de-nacionalizimi vlen vetëm për shumicën shqiptare në Kosovë!

2.5 Komisioni në fjalë, autorizohet, që me shumë përkushtim e disiplinë, të pastrojnë Historinë e Kosovës nga elemente kosovare të ndikuara nga shërbime të Huaja, me theks të veçantë nga ndikimet bezdisëse të shtetit fqinj Shqipërisë, si dhe pretendimet pseudoshkencore të të njëjtës, për gjoja prejardhje të përbashkët, gjuhë të përbashkët, festa të përbashkëta nacionale e gjepura tjera të pafund, që na kujtojnë kontestet Greko-maqedonase!
2.6 Me rastin e pastrimit të Historisë së Kosovës nga pseudo-festat e simbolet nacionale të shtetit fqinj Shqipërisë, si dhe nga elemente të ndikuara nga shërbime të Huaja – Nënvizojmë: Komisioni, duhet të ketë kujdes e ta ketë parasysh, se në rastin konkret nuk bëhet assesi fjalë, për ndikimet e shërbimeve sekrete Serbe dhe të Qeverisë Serbe ndaj minoritetin Serb në Kosovë!
Përkundrazi, ndërhyrjet e Serbisë në organizimin e minoritetit serb, ashtu si donë Beogradi zyrtar, janë të sanksionuara e motivuara edhe me Kushtetutë e Ligje përkatëse!

- Me planin Ahtisari!

- Raportin e Kai Aides!

- Dhe synimet tona!

2.6.1 Serbët minoritarë, të cilët nuk zbatojnë urdhrat e Qeverisë së Beogradit në Kosovë, duhet të arrestohen nga Policia Kosovare dhe të transferohen për procedim, në gjykatën serbe të Mitrovicës së Veriut!

“Parlamenti i Republikës së Kosovës”:

“Pasojnë nënshkrimet”:

E kishte nënshkruar dhe

dërguar për miratim në Parlament që më parë:

Joachim Rücker, UNMIK

Kryetari,                                               
Jakup Krasniqi, PDK

Nënkryetarë:

Eqrem Kryeziu, LDK

Anëtarë:

Sabri Hamiti, LDK

Anëtarë:

Xhavit Haliti, PDK             

Nuk pranoi të Nënshkruaj:

Përfaqësuesi i Minoritetit Serb, kishte dy vërejtje thelbësore:

1. Se “Diferencimi dhe Distancimi nga nacionalizmi shqiptaro-madh, duhet të jetë shumë më i rrënjësishëm dhe shumë më i rreptë...sepse, sipas tij, “ne kemi përvojat e dështimeve me diferencim të tillë në vitet`81 dhe`89”, theksoi ai! Dhe vërejtja tjetër,
2. Se në bazë të pikës së fundit 2.6.1 ai ndihet i rrezikuar dhe kërkon menjëherë azil (në Ambasadën që nuk deshi ta tregojë), me arsyetim, se ai as nuk po zbatonte urdhrat e Qeveris Serbe, por as të asaj Kosovare!

Prishtinë / Zürich, 20 Maj 2008/bm/

Keqkuptimi i shumëfishtë i Kushtetutës së Kosovës nga Petriti

Reagim ndaj artikullit “Mos shikoni kisha e xhamia..” të z. Petrit Selimi botuar në Express me datë 16 maj 2008.
Isa Mulaj
derguar erenikut: Wed, May 21, 2008 6:28 pm
botuar: e enjte 22 maj 2008 3:30 am

Ka shumë dallim ndërmjet atyre që Petriti me hamendje të përgjumur i quan “injorantë të thejshtë” dhe injorancës së tmerrshme që ky e ka ndaj kushtetutës më gjenocidale në Evropë – asaj të Kosovës. Harrojini kishat, xhamiat, sinagogat dhe organizatat fetare. Vërejtjet më të mëdha ndaj kushtetutës i kanë shumica tjetër.

Me Kushtetutën e Kosovës parashihet të zbatohet një gjenocid i fshehtë duke e shkatërruar njësinë bazë të shoqërisë Kosovare – familjen, që mund të përmblidhet si vijon:

1)      Futja e termit “orientimi seksual” nga i cili mund të dalë një komunitet i veçantë sikur raca, religjioni, nacionaliteti, familja të cilat Kushtetuta zotohet se do t’i mbrojë.

2)      Nuk ka përkufizim për orientimin seksual. Shoqata e psikologëve amerikanë ka dhënë deri në 23 përkufizime. Homoseksualizmi që identifikohet me “orientimin seksual”, është vetëm njëri nga ato përkufizime. I dyti është marrëdhënie seksuale njeri-kafshë. I treti quhet Nekrofili ose marrëdhënie seksuale e njerëzve të gjallë me ata të vdekur. Përkufizimet tjera me radhë janë tepër të ndjeshme. Për hir të gazetës dhe lexuesve nuk mund të përmenden. Mirëpo, secili nga ato fenomene janë të obligueshme me Kushtetutën e Kosovës në kuadër të “orientimit seksual”.

3)      Kushtetuta nuk e njeh familjen natyrore. Ajo njeh çfarëdo familje që mund të krijohet nga martesat e qenieve njerëzore me kafshë, qofshin ato të buta apo të egra, zvarranikë, me shpezë, insekte, dhe çdo qenie tjetër biologjike.

4)      Petriti gabon rëndë kur mendon se homoseksualizmi duhet të fuqizohet me kushtetutë. Ekziston dallim i madh ndërmjet asaj që ndodh në realitet dhe asaj që duhet të fuqizohet me kushtetutë. Fuqizimi i homoseksualizmit me kushtetutë nënkupton se ai komunitet ka plotësisht të drejtë t’i shpall luftë familjes natyrore dhe argumenton se ajo nuk ka të drejtë të ekzistojë, meqenëse çdo reagim dhe padi e familjes natyrore ndaj sjelljeve të homoseksualëve (me hatër apo me zor) nënkuptohet si urrejtje ndaj një komuniteti të tërë që mbrohet me kushtetutë. Fuqizimi i homoseksualizmit dhe martesave të seksit të njëjtë me kushtetutë do të thotë se njëra gjini duhet të asgjësohet sepse tash e tutje nuk ka nevojë për qënie tjera njerëzore.

5)      Kushtetuta legalizon tradhtinë bashkëshortore, ndalon kontrollin mjekësor qoftë për ta testuar shtatzëninë qoftë kontrollin biologjik të fëmijës. Ndalon po ashtu testin për HIV në bazë të asaj që thuhet në nenin 26, alinea 2, “të drejtën që të ketë kontroll mbi trupin e saj/tij në pajtim me ligjin,” dhe alinea 3 “të drejtë që të mos i nënshtrohet trajtimit mjekësor kundër vullnetit të tij/saj në pajtim me ligjin”. Kjo do të thotë se mund të martohesh me dikë që e ka Sidën dhe nuk guxoni ta detyroni ta bëjë testin mjekësor pa lejen e saj/tij. Qëllimi i parë dhe i fundit i kësaj është përhapja e Sidës – epidemisë më vdekjeprurërse të shekullit 21.

6)      Kushtetuta nuk e mbron jetën deri në momentin e lindjes dhe Petriti gabon kur mendon se aborti duhet të fuqizohet me Kushtetutë. Petriti duket se nuk e njeh dallimin ndërmjet legalizimit të abortit me ligj të caktuar ose vendim të gjykatës për rastet përjashtuese (dhunimet, shtatëzënia e padëshiruar) dhe fuqizimit të abortit me kushtetutë. Në rast se femra nuk e dëshiron abortin, atëherë kushtetuta dhe ligjet duhet ta mbrojnë. Për shembull, kohëve të fundit në SHBA, burri që vrau gruan e tij shtatëzënë u dënua për vrasjen e dy personave, pra edhe embrionit si qënie njerëzore, pa marr parasysh se aborti në SHBA është i legalizuar (por jo me kushtetutë sepse atëherë vrasja e fëmijëve që ende s’kanë lindur do të ishte e obligueshme). Mbrojten e jetës kushtetutat zakonisht e garantojnë që nga embrioni, porse aborti mbetet të rregullohet me ligj të veçantë. Është vepër penale dhe e dënueshme imponimi i abortit ndaj femrës që e konsideron fëmijën sakrificën e saj të mundishme dhe krenari. Me kushtetutën e Kosovës si unë ashtu edhe Petriti që nuk jemi mjekë, mund të shkojmë nepër maternitete dhe të bëjmë vrasje masive të fëmijëve që janë në ditën e parafundit të jetës së tyre mebrionale. Këtë mund ta bëjmë ndaj kujtdoqoftë, edhe atyre që janë në pushtet, pa pasur aspak frikë se mund të dënohemi. Është diçka tjetër nëse ne duam të veprojmë kështu, por kushetetuta na mbron mbytjen e fëmijëve vetëm pak ditë para se të dalin në jetë i identifikon vetëm si abort, pa marr parasysh shkaqet.

7)      Në Nenin 20 të Kushtetutës, Kosova planifikon ta bartë sovranitetin e saj tek organizatat e çfarëdollojshme ndërkombëtare – Delijorgjët e paidentifikuar. Ato organizata do t’i zbatojnë eskperimetet që u përmenden më lartë, prej 1 deri në 6, plus shumë e shumë tjera. Ata poashtu mund ta sjellin asistencën teknike dhe punëtorët nga çdo cep i botës nëse Kosova nuk ka “përvojë” në këtë drejtim. Edhe ky është një lloj transferi i kapitalit për të cilin shoqëritë e tyre nuk kanë nevojë, prandaj sillet në Kosovë si investim i jashtëm i drejtpërdrejtë.

8)      Kushtetuta imponon kufizime të ashpra në lirinë e shprehjes, ndërgjegjjes, mediave dhe më së shumti kundër profesionistëve. Kjo është e ngjashme sikur në kohën e Xhaxhit dhe Stalinit. Petriti e ka lirinë e shprehjes në Express dhe në IPKO, me çka duket se e ka arritur kulminacionin e vet të lirisë së shprehjes, dhe hedh baltë ndaj të tjerëvë duke i quajtur me hamendje të paturpshme “injorantë të thjeshtë.” Së paku mos të degjenrohet liria e shprehjes sepse për këtë kanë më shumë nevojë mediat se sa unë dhe Petriti.

9)      Nëse profesionistët e kalibrit botëror të së drejtës kushtetuese u kanë thënë me sinqeritet se me këtë kushtetutë Kosova kurrë nuk do të hyjë në BE, janë përmbajtur dhe u është dukur banale të thonë se me këtë kushtetutë Kosova nuk mund të hyjë as në WC të BE-së.

10)  Nëse dikush ende nuk është shytur në analizën e kushtetutës për çka nuk kërkohet aq ekspertizë, le ta krahasoj atë me kushtetutat e të gjitha vendeve që janë prezentuar në të njëjtën faqe të internetit. Si alternativë, mund ta krahasoni kushtetutën “tonë” me atë të Millosheviqit të vitit 1989 dhe shumë lehtë do ta vëreni se kjo Kushtetutë është më bizare. 

Me këtë kushtetutë Kosova vetëm gjeogafikisht do të jetë në BE, ndërsa si shoqëri kurrë. Vendet e BE-së kanë ligje për mbrojtjen e kafshëve; Kosova ka kushtetutë për shfarosjen e njerëzve të saj. Arsyeja që më ka shtyerë të reagoj ndaj shumë neneve të kushtetutës është konstatimi se çfarë lloj i qënieve njerëzore dhe me çfarë lirie të shprehjes qenkemi ne që heshtim ndaj eksperimenteve brutale që parashihen me kushtetutën “tonë”, kundër vetes sonë. Peytje e hapur: Cila është arsyeja e Petritit dhe të tjerëve në përkrahje ose kundërshtim të kësaj kushtetute?

Me respekt: Isa Mulaj Ekonomist, Hulumtues i Lartë, Instituti për Studime dhe Analiza të Politikave Ekonomike