Në vend të urimit të festave të fundvitit

Festat që na bashkojnë, duhet t’i kultivojmë me dashuri

Shkruan:

Ferat Q. Imeri
From: "ferat imeri"
Date: Wed, December 30, 2009 4:33 am
botuar: E enjte 31 dhjetor 2009 4:18 em

Jemi në vigjilje të festave të mëdha, festa që një pjesë e madhe e njerëzve pa dallim moshe dhe gjinie me dashuri i presin dhe i festojnë, për hir të vërtetës disa ditë më parë ishin edhe dy festa që njerëzit ku më shumë e ku më pak( lexo: në mesin e shqiptarëve) kanë festuar festën e 28 Nëntorit si edhe festën e ditës së Kurban Bajramit. Shqiptarët pavarësisht përcaktimit të tyre fetar, ata kanë festuar festën gjithëshqiptare, festë që është festuar gjithandej botës, festë që me andej festohet nga të gjithë shqiptarët, festë që çdo 28 nëntor i mbledhë të gjithë shqiptarët në një sofër. Festat e fundvitit gjithashtu festohen nga shqiptarët, respektivisht festën e Krishtlindjeve e festojnë vëllezërit tanë të krishter, festën tjetër të fundvitit, pra të Vitit të Ri 2010 e festojnë paralelisht të gjithë shqiptarët pa dallim feje ( lexo: përveç njerëzve më të devotshëm të besimit Islam). Me këtë rast, vlen të përmendet thënia e një burri të madh të kombit shqiptar, Mulla Idriz Gjilanit, i cili çështjen e Atdheut e vinte mbi të gjitha dhe thoshte: “Pa Atdhe s’ka fe. Pa Atdhe të lirë, feja nuk mund të mbahet-kultivohet, nuk mund të ushtrohet. Pa arsimim nuk ka fe të mirëfilltë”. Prandaj, ai pos tjerash sugjeron ta ndihmojmë njëri - tjetrin në punë të mira, t’i flakim të këqijat në mesin tonë për hir të kombit, të duhemi pra si vëllezër. Sot kemi të atillë që trumbetojnë e mundohen ta minimizojnë vlerën e këtyre festave, por për ne shqiptarët në përgjithësi muaji Nëntor është muaj i lavdisë dhe muaji i shenjtë. Është muaji i shenjtë sepse kanë ndodhur kthesa të mëdha historike në këtë datë. 28 Nëntori-Dita e Flamurit është edhe ditëlindja e Komandantit legjendar, Adem Jashari. Ajo ditë është edhe ditëlindja e UÇK-së, dhe si e tillë është festë e madhe për ne shqiptarët. Ditë e madhe dhe e veçantë është Dita e 28 Nëntorit e vitit 1443, kur i madhi Skënderbeu e ngriti Flamurin kuq e zi me shkabën dykrenare dhe ndërroi kahjen e historisë. Më pas, më 28 Nëntor më 1912 në Vlorë, atdhetari Ismail Qemali, mban mbledhjen e Kuvendit Kombëtar, kur shpalli Shqipërinë shtet më vete, të lirë dhe të pavarur. Ismail Qemali po atë ditë e ngriti në Vlorë flamurin e Skënderbeut me shkabën dykrenare. Më 28 Nëntor 1955 në familjen e Shaban Jasharit, në Prekazin heroik, lindi një bir i madh i kombit, Adem Jashari, i cili u edukua dhe u frymëzua kombëtarisht dhe e dha betimin mbi varrin e Tahir Mehës në vitin 1981 se do të luftojë deri në vdekje për çlirimin e Atdheut dhe luftoi dhe ra heroikisht me gjithë familje në altarin e lirisë për të mos vdekur kurrë. 28 Nëntori i vitit 1997 është datë e rëndësishme për ne për faktin që ushtarët e UÇK-së dolën në skenë publikisht, gjë që për ne ishte një siguri se pushtuesi serb nuk mund të na bëjë asgjë sepse i kemi bijtë dhe bijat tona me pushkë në dorë. Ne si popull jemi krenarë me simbolet kombëtare që  kemi. E kemi Flamurin kuq e zi me shqiponjën dy krenare, i cili valoi çdoherë gjatë historisë në luftë kundër okupatorëve të Atdheut, veçanërisht të barbarëve serb, e që me luftën e UÇK-së dhe me ndihmën e miqve ndërkombëtarë të shqiptarëve, okupatori shtrëngua të kapitulloi i mundur dhe i frustruar. Vlerat e festës së Nëntorit, për ne shqiptarët vërtetë janë të mëdha, prandaj atë pavarësisht politikave ditore kurrsesi nuk guxojmë ta anashkalojmë të harrohen, nënvlerësohen apo të mos shënohen. Festa e nëntorit është krenaria jonë kombëtare. Festa e Nëntorit dhe ngjarjet në këtë muaj të shenjt neve na frymëzojnë për t’u angazhuar që amanetin e rilindësve dhe jo vetëm rilindësve ta qojmë drejt ribashkimit kombëtar. Prandaj, të gjithëve u urojmë festat e sipërpërmendura. Prandaj, me rastin e festave të nëntorit dhe të fundvitit urojmë që të mbretërojë mirëqenia, toleranca, mirëkuptimi, prosperiteti, dashuria në mes nesh, shëndeti. Lusim Zotin të na nxjerrë nga injoranca e të na çojë në dritën e diturisë! Zoti na udhëzoftë në rrugën e drejtë dhe vëllazërore në mes nesh për të mirën tanë, respektivisht të njerëzimit në përgjithësi.