Festivali i parë i këngës qytetare që do të ketë emrin e këngëtarit të njohur Esat Bicurri që në pranverën e vitit 1999 ishte vrarë nga forcat okupuese serbo-malazeze e që si festival i tillë do të mbahet në shtator me mbështetje të Ministrisë së Kulturës, është në përgaditje e sipër. Mevlyde Saraçi, drejtore e Drejtorisë për Kulturë, Rini dhe Sport në Kuvendin Komunal të Gjakovës ka bërë të ditur se konkursi është mbyllur dhe se tani po kryhen punë tjera profesionale. “Konkursi tashmë është mbyllur dhe mund të themi se interesimi i kompozitorëve për pjesëmarrje ka qenë i kënaqshëm. Mirëpo, tani ka mbetur që juria profesionale të zgjedh këngët konkurruese në festival, meqë jo të gjitha këngët e paraqitura i plotësojnë kriteret e përcaktuara nga organizatori” ka thënë Saraçi rreth përgaditjeve për këtë festival që do të mbahet me njëzet shtator.

Me rastin e nëntëvjetorit të luftës së zhvilluar në Vraniq dhe të rënies së dëshmorëve Memë, Pren, Kolë dhe Mark, që të gjithë nga familja Lleshi, kryetari i Kuvendit Komunal të Gjakovës i shoqëruar nga nënkryetari Anton Shala kanë bërë homazhe para lapidarit të të rënëve dhe kanë vënë kurora të freskëta me lule.

Në përkujtim dhe nderim të shtatëdhjetë martirëve të fshatit Korenicë të vrarë në 27 prillin e vitit 1999 në masakrën më të madhë të Kosovës, në atë të Mejes dhe të Korenicës, të premtën në Korenicë është inaguruar përmendorja që është ndërtuar me mjetet e bashkëfshatarëve që janë me punë në perëndim ndërsa toka është dhënë nga Kuvendi Komunal i Gjakovës.Në emër të fshatit, si kryetar i saj ka folur Nikë Prela që njiherit është edhe projektues i përmendores.”Me 27 prill të vitit 1999 nga masakra e Mejes dhe Korenicës që përfshinte pesëmbëdhjetë fshatra të Rekës së Keqe dhe më gjerë u vranë dhe u zhdukën 377 shqiptarë.Prej kësaj përmase të të vrarëve, vetëm nga Korenica ishin ishin shtatëdhjetë veta duke i shtuar edhe numrin e tridhjetë e dy të vrarëve nga të strehuarit atë natë  nga fshatrat Guskë, Brekoc, Babaj të Bokës, Duzhnje dhe Gjakovës që arrinë numrin në njëqind e dy të vrarë në Korenicë” ka thënë Nikë Prela.Në emër të Kuvendit Komunal fjalë rasti ka mbajtur nënkryetari Anton Shala që ndër tjerash ka thënë se “pas lufte në këtë vend vinte erë vdekjeje, erë trishtimi ndërsa sot është ndjenjë e dyfishtë, është ndjenje e dhimbjes dhe e krenarisë dhe këta shtatëdhjetë martirë janë simboli i lirisë, i pavarësisë dhe i së ardhmes sonë”.Ndërkaq, Sylë Hoxha, zëvendësministër në Ministrinë e Rendit ka premtuar se qeveria në të ardhmen do të ketë tretman më të duhur ndaj atyre që u flijuan për lirinë e Kosovës si dhe ndaj familjeve të tyre.Hoxha ka thënë se “qeveria e Kosovës në të ardhmen do të ketë tretman të veçantë ndaj dëshmorëve, martirëve dhe familjeve të tyre, një tretman të tillë çfarë edhe e meritojnë sepse bijtë tuaj janë bijë të Kosovës”.Të pranishëm  në zbulimin e lapidarit kanë qenë edhe përfaqësues të institucioneve fetare që kanë çmuar sakrificën e të rënëve për aktin më sublim.”Këta nuk kursyen asgjë nga vetja e tyre për liri  dhe sakrifikuan gjënë më të shtrenjtë, sakrifikuan gjakun për lirinë” ka thënë imami Fatmir Iliazi, kryetar i Bashkësisë Islame të Gjakovës ndërsa Imzot Dodë Gjergji, ipeshkv i Ipeshkvisë së Kosovës ka pohuar se “edhe pse disa prej nesh u vranë ne e dimë se Kosova muk mund të vritet kurrë”.Edhe pjesa artistike ka patur përshtypjet e saja të posaçme pasi me vargje të At Gjergj Fishtës të recituara nga aktori Nimon Muqaj dhe me vargjet e poezisë “riatdhesimi” të autorit Engjëll I.Berisha të recituar nga Vjollca Tytyni ishin momente tejet të ndjeshme për numrin e shumtë të pranishmëve.Ka patur edhe poezi përkushtuese nga fëmijët e martirëve ndërsa zbulimin e përmendores e bënë kryeshefi ekzekutiv i KK-së së Gjakovës, dr. Pal Lekaj, bashkë me përfaqësuesit e institucioneve fetare dhe tre banorë të fshatit Korenicë.     

Dymbëdhjetë kilometra gjatësi ka përfshirë me flakë territorin e brezit kufitar që ndan dy rajonet e Hasit duke filluar nga Qafa e Prushit deri në fshatin Devë.Brigada e Zjarrfikësve ku u janë vënë në ndihmë edhe banorët, është duke intervenuar në vazhdimësi por në disa pjesë është e pamundur që të veprohet me mjetet teknike për shkak të pamundësisë për të depërtuar në pyje.Siç njoftohemi nga Qendra e Alarmimit dhe Kordinimit Emergjent që ka bërë të ditur edhe për zjarret e ditës së sotme, ndonëse nga zjarrfikësit arritet të shuhet zjarri në disa pjesë megjithatë prapë rindezet si pasojë e temperaturave të larta.Poashtu njoftohemi se në pjesën e quajtur mes dy Qerreteve, të madhit dhe të voglit gjendet e sistemuar në një stan një familje pesëanëtarëshe nga Shqipëria.Rexhep Malë Ukshaj mësohet të jetë kryefamiljari që siç u tha momentalisht nuk gjendet në stan por vazhdojnë të qëndrojnë bashkëshortja e tij bashkë me tri vajzat të cilat janë të angazhuara në shuarjen e zjarrit dhe nuk pranojnë të evakuohen nga stani.Sipas raportimeve të zjarrfiksëve kontributi i kësaj familjeje është i madh dhe se deri më tani në asnjë mënyrë nuk pranojnë të largohen nga stani dhe se aktualisht nuk gjenden në rrezik.Po nga Qendra e Alarmimit dhe Kordinimit Emergjent njoftohemi se nga Drejtoria për mbrojtje dhe Shpëtim në kuadër të emergjencës për mbrojtje nga zjarri ku edhe është formuar një komitet në fshatin Popoc është ngritur një postkomandë ku të gjithë vullnetarët për shuarjen e zjarreve mund të paraqiten për të dhënë kontributin e tyre që është shumë i nevojshëm.

Sali Riza Gërqarit i ka takuar titulli i më të mirit nga kampionati i kërcimeve në ujë nga Ura e Fshajtë të Gjakovës në stilin dallëndyshe që mbahet në kategorinë e seniorëve.Me pikët maksimale të fituara prej dy serive të kërcimeve, gjashtëdhejtë sish, Sali Riza Gërqari ka fituar kupë, mirënjohje dhe pesëqind euro shpërblim.I dyti në këtë kampionat ndërkombëtar dhe të memorialit "Besim Mulliqi" është renditur Yll Manxhuka me 59.90 pikë të fituara që i ka mundësuar edhe përfitimin material prej 400 euro.Manxhuka ka përfituar edhe çminin "Besim Mulliqi" që ipet në emër të familjes e të cilën e dhuroi i nipi Besim Mulliqi.I treti është rradhitur Shkelzen Goxhi që ka fituar shpërblimin material prej 300 euro.Në stilin dallëndyshe kanë marrur pjesë njëmbëdhjetë kërcyes, aq sa edhe në stilin në këmbë ku garohet në kategorinë e juniorëve.Më i miri në këtë kategori është shpallur  Drilon Mati me 59.30 pikë të tubuara ndërsa pas tij janë rradhitur Bishir Krasniqi me 57.80 pikë dhe Leotrim Berisha me 57.70 pikë.Garuesi më i mirë, Sali Riza Gërqari që do të marrë pjesë në këtë fundjavë të fundit të korrikut në kërcimet në ujë nga Ura e Mostarit , ka thënë për gazetën se "ndjehet i lumtur që ka fituar edhe kësaj rradhe dhe njiherit premton sukses edhe në Mostar".  Edhe për këtë kategori pos shpërblimeve tjera janë dhënë edhe shpërblime materiale ku vendit të parë i kanë takuar 250 euro, të dytit 150 ndërsa të tretit 100 euro.Anëtar të jurisë vlerësuese kanë qenë prof. Aziz Dujaka, Kujtim Shala,Gonxhe Xhiha, Mark Laski dhe Blerim Nagavci, kampion i shumëfishtë që e kërcimin e tij të mrekullueshëm ka hapur garat që janë mbajtur me organizim dhe mbështetje të Ministrisë së Kulturës, Rinisë dhe Sporteve dhe Kuvendit Komunal të Gjakovës, përkatësisht të Drejtorisë për Kulturë, Rini dhe Sporte.Garat janë shpallur të hapura nga Mevlyde Saraçi, drejtore e DKRS-së ndërkohë që kryeshefi ekzekutiv dr. Pal Lekaj ka mbajtur fjalë rasti që ka inkurajuar garuesit guximtar duke u shprehur mirënjohës ndaj tyre për këtë sport atraktiv.Ndërkaq, ministri Astrit Haraqija ka thënë për gazetën se "duke e ditur atraktivitetetin dhe veçantitë që kjo garë i ka tek ne nuk kemi hezituar të mbështesim këtë kampionat dhe se kjo u dëshmua edhe nga kërcyesit që treguan shkathtësitë e tyre".    Sipas disa kërcyesve të dalluar me vite, në garat e sivjeme kërcimet në ujë në stilin dallëndyshe kanë qenë më kualitative krahasuar me atë të fundit që ka dëshmuar edhe konkurrenca më e theksuar dhe që në përgjithësi të gjithë kanë treguar cilësi larta.Në ditën e diel që u mbajtën garat është konstatuar se ura ka patur lartësi prej nëntëmbëdhjeë metrave, dy më lartë se disa ditë më parë ndërsa thellësia e ujit ka qenë mbi gjashtë metra.

Zyrtarët e HS “ Radoniqi”,  theksojnë se popullata e Gjakovës, gjatë 24 orëve pa ndërpre është duke u furnizuar me uji të pijes. Në ndërkohë në një takim të përbashkët që është organizuar në mesë të zyrtarëve të Qeverisë lokale dhe të atyre të HS. “Radoniqi”, është diskutuar për situatën e krijuar pas motit me temperatura të larta dhe pa të reshura e që ka ndikuar dukshëm në uljen e nivelit të ujit në Liqenin e “Radoniqit”, por edhe për keqpërdorimin e ujit  nga konsumatorët. Për momentin është njoftuar se niveli i ujit në Liqenin e “Radoniqit”, ka rënjë prej mbi dy metra, mirëpo kjo rënje e nivelit nuk ka ndikuar në  furnizimin e  bollshëm  me uji të pijes.  “ Gjatë 24.00 orëve 95 % konsumatorëve që janë të kyçur në rrjetin e uji sjellsit kanë furnizim normalë, ndërsa në lartësia më të mëdha mbi detare reduktimet janë të lehta dhe pa ndikim të krizës për mungesë të ujit të pijes”, ka thënë Albert Zajmi drejtor gjeneral i Kompanisë H.S. “ Radoniqi. Zjami, ka kërkuar nga ana  e Qeverisë lokale që përmes zyrtarëve të tyre të ndikojnë tek qytetarët për kursimin e ujit të pijes dhe pagesës së borgjeve ndaj kësaj kompanie. Pal Lekaj, ka falënderuar angazhimin e menaxhmentit të HS. “Radoniqi”, që këtë situatë të krijuar me vapë dhe thatësira po e përballon me lehtësira duke shtuar angazhimin për furnizim normal e  të rregullt me uji të pijes. Ndërsa ka premtuar që bashkërisht do të ndërmerren aksione për sensibilizimin e popullatës për kursimin dhe pagesën e faturave për shpenzimin e ujit të pijes. Krueshefi Lekaj, ka zhvilluar takim edhe me drejtoreshën rajonale të KEK-ut Aferdiata Lama. Në k137te takim janë diskutuar çështjet që kanë të bëj me përmirësimin e rrjetit elektrik të tensionit të ultë në disa zona rurale, për borgjet që kanë konsumatorët ndaj kësaj kompani dhe disa çshtje tjera që kanë të bëj me furnizimin e konsumatorëve të rregullt në pagesa me energji elektrike.

18 maj 2007 - Fshati Shiponjë ( ish Jabllanica) e Gjakovës, ka përkujtuar dëshmorët e Brigadës 132 “Myrtë Zeneli”. Ky lokalitet ishte një ndër viset e para të çliruara  nga okupatori serb, në luftën e fundit në Kosovë. Me 17 maj të vitit l999, ende pa hyrë forcat e kmbësorisë së NATOS Brigada 132 “ Myrt Zeneli”, larguan nga Shqiponja  njësitët e fundit të forcave të armatosuar serbe. Ndërsa sot ( e enjte) me një solimnitet u shenua 8-të vjetori  i çlirimit të Jabllanicës. Të gjithë folësit e kanë lartësuar me nderim e falendrim vepren sublime dhe  qendresën heroike të luftetarve të UÇK-së. “ Kosova I përkulët me respekt të madh fshatit Shqiponjë, për të gjitha periudhat që i kaloi populli shqiptar për liri të kombit tonë”, ka thën në këte manifestim përkujtimor nënkryetari i Parlamentit të Kosovës Naim Maloku. Ndërkohë Gjenrali Daut Haradinaj, ka folë jo vetëm për heroizmin e djemëve të Shqiponjës në luftën e fundit por edhe në retrospektiv që nga vitet 20 të shekullit të kaluar. “ Jo rastësisht Jabllanica është sakrifikuar ndër shekuj dhe jo rastësisht kjo tokë i tha e para regjimit serb largohu nga këtu. Burrat e këtij vendi të parët nisën dhe të fundit e mbyllen misionin e madhë të luftës për liri:, ka thënë Daut Hardinaj. Rexhep Selimi , njeri prejë komandantëve të UÇK-së, në Drenicë, ka thënë se “ Jabllanica dhe vetë Dukagjini u bënë krahë edhe të vetë kamndantit Adem Jashri, Prekazit dhe gjithë Drenicës për t’u kthyer në kushtrim për një luftë çlirimtare për të gjithë shqiptarët. Në këte manifestim përkujtimor ka marrë pjesë edhe kryeshefi I ekzekutivit dr Pal Lekaj, si dhe shumë përsonalitete të jetës politike shoqërore e ushtarake.

Gjakova së shpejti do të fillonë me realizimin e tre projekteve me vlerë kapitale dhe të rendësishme për përmirësimin e gjendjës aktuale të ambientit por edhe të infrastrukturës, ka njoftuar të premtenë dr. Pal Lekaj, kryeshef ekzekutiv i Gjakovës. Në një takim me përfaqësuesit e Hidrosistemit Radoniqi, është ndërmarrë iniciativa dhe është lidhë një marreveshje e mirkuptimit që lumi “Krena”, të furnizohet me ujin e tepërt të liqenit të Radoniqit. “ Kontaktet me zyrtarët e Hidrositemit “Radoniqi”, kanë qenë mjaftë frytëdhanse për realizimin e projketi që një sasi e tepërt e ujit të liqenit të derdhetë në lumen “ Krena”, të qyteti të Gjakovës. Qëllimi i realizimit të këtij projketi ka të bëjë me pastrimin e lumit dhe ndërkohw nw freskimin e qyteti. Të enjten dr Lekaj, i pari i Qevrisë Lokale të Gjakovës, ka njoftuar edhe për takimin me zyrtarët e Axhensionit Evropjanë për Rindertim, për ndërtimin e një “Hidrocentrali”, në afërsit të liqenit “ Radoniqi”.” Do të kemi një mbeshtetje me vler kapitale nga AER për realizimin e projektit në fjalë”, ka thënë dr. Lekaj. Ndërsa po ashtu nga AER është premtuar që në një fshatë që konsiderohet me numër më të madhë të popullatës do të ndërtohet një impiant për pastrimin e ujrave të zeza dhe me uji të filtruar do te ujiten siperfaqe të tokave në ate fshat

Gjakovë 16 maj 2007 - Martin (Pjetër) Dedaj nga fshati Guskë e komunës së Gjakovës është identifikuar nga masakra e Mejes dhe e Korenicës e ndodhur në ditën e masakrës më të madhe të luftës së fundit në Kosovë, me 27 prill të vitit 1999.Nga Kuvendi i Kosovës, kjo ditë është shpallur “Dita e të Zhdukurve të Kosovës” pasi që në atë ditë qenë vrarë dhe zhdukur 377 persona të përkatësisë kombëtare shqiptare.Trupi i Martin Dedajt është gjetur më varrezat massive të Batajnicës së Serbisë dhe rivarrimi i tij do të bëhet të premtën, me datë 18 maj, në varrezat familjare të fshatit Guskë.Rivarrimi bëhet në ora 13.

Në takimin e grupit punues për kthim ku kanë marrur pjesë edhe përfaqësues të shumë organizatave ndërkombëtare që merren me çështjet për kthim të popullatës, pastaj të Kuvendit Komunal të Gjakovës, të KFOR-it, SHPK-së dhe të UNMIK-ut është miratuar strategjia për kthim por që duhet patur përkushtim pasi në mungesë të mjeteve materiale komuna e Gjakovës nuk ka munfësi tu siguroj strehim.Pos kësaj, problem paraqet edhe mungesa materiale për ekzistencë si dhe mundësia për punësim.

Në këtë takim pune është bërë i ditur edhe numri i familjeve që janë kthyer në komunën e Gjakovës, nga shetet fqinje. Nga Mali i Zi prej vitit 2003 e deri në këtë vit  në Gjakovë janë kthyer 85 familje ku vetëm 36 prej tyre u është siguruar strehimi.

Zyrtarët komunal kanë kërkuar një mbështetje më të madhe me donacione nga UNHCR, UNDP, IOM, dhe KFOR-i për të patur sukses strategjia për kthimin e të zhvendosurve,dhe për tu siguruar familjeve të zhvendosurve strehimim.Në takim është thënë se komuna e Gjakovës ka siguruar hapësirën prej 90 ari sipërfaqe për troje për ato familje që dëshirojnë të ndërtojnë objekte banimi, porse nuk ka fonde për ndërtimin e objekteve të banimit.Çështje me vete paraqet edhe kthimi i familjeve nga diaspora ku siç u bë e ditur në këtë vit janë rikthyer 232 familje nga shtetet perëndimore.Përfaqësuesit e organizatave ndërkombëtare së bashku me zyrtar komunal kanë lidhur një marrëveshje mirëkuptimi për të vizituar përsëri familjet e zhvendosura në Mal të Zi, përmes bashkëpunimit me ICMC-në e Malit të Zi, UNHCR-në, IOM-in, UNDP-në e të tjera organizata.