www.ereniku.net

---

Qeverisja ekstorsioniste- qeverisje tipike mafioze! -Kërcënimi politik, The Political Extortion, krim politik e tradhti kombëtare
Hamdi Dega
Nju Jork
8 tetor 2008
Deklaratat e sinqerta të kryeministrit shqiptar Sali Berisha para Kuvendit Popullor të Shqipërisë në seancën e 6 tetorit 2008 janë tronditëse për çdo qytetar shqiptar.
Me një ton triumfalist të tipit Eureka, ai iu hakërrye deputetëve të parlamentit shqiptar se do t'u sillte aty Damir Fazliqin, kryemafiozin dhe terroristin serbo - boshnjak, agjentin dhe nipin e kryeterroristit numër dy antishqiptar të të gjitha kohërave Stanishiq, i cili ndodhet në burgun e Hagës edhe për krimet pafund dhe gjenocidin, për strategjinë e "tokës së djegur" kundër vëllezërve e motrave shqiptare në Kosovë.
Kryeministri Sali Berisha jo vetëm pranon se e njeh biznesmenin e shumë përfolur Fazliq, por pohon hapur se e ka mik.
"Ju falënderoj për kërkesën për mocion me debat. Madje ju sjell Fazliq këtu po të doni. Vetëm përgatituni për transparencë se nuk do të hesht më. Jam detyruar ta mbaja këtë heshtje, por mezi e kam mbajtur", theksoi Berisha para deputetëve.

"Bëni sa të doni mocione mosbesimi, por juve s'jua mban. Por ta dini se do të jetë dita e transparencës, e do të flas. Mos thoni pastaj se nuk flet kështu një kryeministër, se do të sjellë të vërteta e fotografi. Unë di shume gjera, po nuk i them", paralajmëroi Berisha, pa përmendur emra apo fakte të tjera, por vetëm se ka dosje.

Asnjë halabak nga ata të Brakes nuk do të vepronte në këtë mënyrë me një qytetar të thjeshtë e jo me deputetët e Kuvendit Popullor, altarit të demokracisë shqiptare, nëse me të vërtetë Shqipëria do të ishte demokraci.

Ky është poshtërimi më i madh që i është bërë ndonjëherë një parlamenti. Kjo është përdhosja më e madhe që i është bërë ndonjëherë altarit të demokracisë shqiptare. Para tyre sharjet dhe kërcënimet ndaj deputetit të opozitës Balla janë një limonadë. Sikur të bëhej fjale jo për një kriminel apo terrorist si Damir Fazliq, por për baballarët e demokracisë botërore Uashingtoni apo Xhefersoni nuk mund të përdorësh një gjuhë e tillë halabake. Aq më pak nga kryeministri i Shqipërisë. Nëse është thjesht një lajthitje e çastit apo një shpërthim emocional, gjëja e parë që duhet të bëjë një politikan është që emocionet t'i lërë në shtëpi te nipërit a mbesat apo nëpër motele dhe jo në altarin e demokracisë.

Nëse kryeministri i Shqipërisë di dhe njeh fakte kriminale ose shkelje ligjore dhe nuk i denoncon ato atëherë ai bën një krim të dyfishtë. Si veprimi ashtu edhe mosveprimi përballë një shkelje ligjore ose një krimi është krim dhe dënohet tepër ashpër në çdo shtet ligjor demokratik.

Po aq, në mos edhe më ashpër ndëshkohet presioni, kërcënimi, ekstorsioni politik ndaj çdo qytetari e aq më tepër ndaj deputetëve të Kuvendit Popullor të Shqipërisë, qofshin të krahut të djathtë apo krahut të majtë.

Është fakt i mirënjohur se jo vetëm Sali Berisha, por edhe ish-kryeministri socialist Fatos Nano disa herë kanë tundur dhe kanë bërë presione ndaj deputetëve të këtij vendi me dosjet e ish-sigurimit të shtetit komunist, apo të ish-SHIK-ut të Gazidedes për të siguruar përfitime politike e deri edhe vota jetike për politikën e tyre të mbrapshtë.

Por, të shfrytëzosh dosjet, fotografitë apo filmimet e një shtetasi të huaj, për më tepër të një ish-agjenti të UDB-së të një terroristi serbo-boshnjak si nipi i ish-shefit të UDB-së serbe Stanishiq, Damir Fazliq kjo është jo vetëm krim politik, por edhe akt tradhtie kombëtare, është shkelje flagrante e Kushtetutës së Republikës së Shqipërisë, për çka cilido shtetas e aq më tepër kryeministri i Shqipërisë duhet të përgjigjet deri në konsekuencën e fundit ligjore.

Çfarë e pengon kryeministrin shqiptar të hapë zemrën e barkun ndaj drejtësisë e Kushtetutës së vendit të tij!? Kush dhe çfarë e detyron kryeministrin e Shqipërisë të mbajë të fshehtat e një terroristi e krimineli të arrestuar, dhe akuzuar për krime që shkojnë nga ekstorsioni ekonomiko-financiar e deri te kontrabanda e armëve !?

Çfarë kryeministri mund të jetë ai që fsheh sekrete dhe dosje të agjenturave të huaja për deputetët apo cilindo shtetas shqiptar!? Kush e ka kapur kryeministrin e Shqipërisë që nuk guxon të denoncojë krimin!? Nëse ato që thotë kryeministri nuk janë të vërteta, atëherë ai përsëri bën një krim tjetër presion, shtrëngim, ekstorsion politik. Ekstorsioni qoftë ekonomik, qoftë politik është përsëri krim. Ai është përdorur e përdoret gjithnjë nga mafia për përfitime e favore politike, për qeverisje pa qenë në qeveri. Kur ai përdoret edhe nga qeveria atëherë kjo qeverisje është jo vetëm ekstorsioniste, por edhe mafioze ! Si e tillë duhet t'i bëjë shërbimin e fundit vendit të vet, të largohet një minutë e më parë nga skena politike dhe t'i dorëzohet drejtësisë!

---

ABC-JA E DIPLOMACISE: Te shpartallojme mitet false te " djepit serb " Hamdi Dega
04 gusht 2008
Nju Jork
Ambasadori i nje vendi me peshe ne Ameriken Latine me tha se vendi i tij brenda dy ditesh do te njophe Republiken e kosoves....deklaroi sot Ministri i Jashtem i Kosoves Zoti Hyseni. Eshte hera e trete ne nje periudhe te shkurter kohe qe shefi i diplomacise se Kosoves jep deklarata te ngjashme....
Zoti Hyseni mos bej me gabime te tilla foshnjarake megjithese je shefi foshnjarak i nje diplomacie bebe... Diplomacia kurre nuk shpall publikisht me tha, i thashe, u thashe, me thane...
E dyta, ambasadoret jane ambasadore, jo kryetare shtetesh... Kane ne dore hapeset e kashtes... Ju si shef diplomacie qendroni dy shkalle mbi ambasadorin... Mos u bej kurre zedhenes ambasadoresh sepse bie tri shkalle nen ta.
E treta, keshillohu e shfrytezo potencialet e medha te intelektualeve kosovare e te huaj si Veton Surroi, per shembull... Krijo pa deklarata publike nje grup keshilltaresh diplomatike, historike, ligjor te se drejtes nderkombetare,... rreth vetes pasi Kosova sot me shume se kurre ka nevoje per nje diplomaci aktive por edhe shume te mencur per te neutralizuar helmin dhe prapaskenat e diplomacine shume te djallezuar serbo- ruse. Shfrytezo potencialet shqiptare te Kosoves, Shqiperise, Maqedonise, Malit te Zi, te diaspores ne sherbim te njohjes nderkombetare te Kosoves...
Lidhu edhe me Ministrine e Arsimit, te Drejtesise, me Akademine e Shkencave, me Universitetin e Prishtines e qendra te tjera shkencore per te drejtuar temat shkencore te studenteve dhe gradave shkencore ne te vertetat historike qe deshmojne te drejtat historike te shqiptareve ne Kosove dhe qe demaskojne shpifjet, sajimet, helmin e propagandes dhe krimet serbe pa fund aty.
Fakte e jo shpifje. Te verteta e jo rrena per shembull per origjinen e manastireve te Decanit , te Gracanices,..... te ndertuara mbi rrenojat e kishave katolike shqiptare atje, te djegura e shkaterruara nga hordhite barbare serbe atje. Duke demaskuar keto mite serbe, bien vete edhe enklavat serbe te ngritura e justifikuara prej tyre....
Te shpartallojme mitet serbe per Kosoven si "djepin e Serbise".... Shume pune e fjale pak, Zoti Hyseni!