Anulohet takimi i ekspertëve shqiptarë dhe maqedonas për vizat Takimi midis ekspertëve shqiptarë dhe maqedonas për tejkalimin e problemit të vizave, i paraparë të mbahet më 1 shkurt në Shkup...anulohet.

U promovua libri “Enea 06” Qendra Multimedia të enjten në Teatrin “Dodona” bëri promovimin e librit në shqip dhe anglisht “Enea 06”, i cili përmban dy drama “Enea i plagosur” nga Jeton Neziraj dhe “Enea fantazmë” nga Michael Devine.

...info...hapur:

Sarkozy: Kosova është problem evropian që duhet të zgjidhet nga vetë evropianët Presidenti francez Nicolas Sarkozy në një konferencë të organizuar nga Partia qendrore e djathtë në Paris përveq çështjeve të migrimit dhe sigurisë ndër të tjera ka folur edhe për çështjen e Kosovës. “Kosova është problem evropian që duhet të zgjidhet nga vetë evropianët dhe është në duart tona që të demonstrojmë se ne kemi fuqi politike, diplomatike dhe ushtarake për tu përballur me këtë krizë në Ballkan”, ka theksuar kreu i shtetit francez Nicolas Sarkozy”. E pranishme në këtë takim ka qenë edhe kancelarja gjermane Angela Merkel e cila fjalimin për Kosovën duket t’ia ketë lënë Sarkozit ndërkohë që ajo është përqëndruar më shumë gjatë fjalimit për probleme të tjera me të cilat përballet Evropa.
Më tej Sarkozy ka shtuar se Evropa nuk mund të ketë fuqi politike nëse nuk ka politika të mbrojtjes si dhe ka theksuar se Evropa duhet të kujdeset për sigurinë e saj. Pesë muaj para se Franca të marrë udhëheqjen e Bashkimit Evropian ai ka mbrojtur bashkëpunimin me Berlinin dhe ka thënë se Evropës i duhet një bashkëpunim i tillë.

Solana dhe Berisha diskutuan për Kosovën Çështja e Kosovës ishte një nga pikat ku u fokusua takimi i sotëm në Bruksel, mes përfaqësuesit të lartë të BE-së, Havier Solana me kryeministrin shqiptar, Sali Berisha. Kreu i Qeverisë së Shqipërisë e siguroi Solanën se nuk do të ketë krijim të Shqipërisë së madhe. Sipas Zyrës së informimit të diplomacisë evropiane, Tirana ka një plan për të ndihmuar Kosovën, në rast të vendosjes së bllokadës ekonomike nga Serbia.Në takim Berisha e njohu Solanën me ecurinë e reformave dhe progresit të Shqipërisë, ku përmendi rritjen ekonomike me 6 përqind. Solana ka shprehur mbështetjen e tij për Shqipërinë dhe qytetarët e saj, duke thënë se Tirana zyrtare duhet të vazhdojë rrugën e reformave të nisura.

Merkel dhe Zapatero diskutojnë për Kosovën Situata rreth përcaktimit të statusit të ardhshëm të Kosovës do të jetë një ndër temat e takimit të kancelares gjermane Angela Merkel dhe kryeministrit spanjoll, Hose Luis Zapatero në Palma de Majorka. Takimi zhvillohet në kuadër të konsultave të rregullta midis dy vendeve. Mediat gjermane njoftuan se përveç Kosovës, Merkel dhe Zapatero do të bisedojnë për çështjet e klimës, politikën e imigracionit dhe luftën kundër terrorizmit.

Kroacia do të njohë pavarësinë e Kosovës menjeherë pas SHBA-ve dhe vendeve kryesore të BE-së Kroacia do të njohë pavarësinë e Kosovës menjeherë kur këtë ta bëjnë SHBA-të dhe vendet kryesore të BE-së. Këtë qëndrim të njohur të politikës zyrtare kroate e mbështet edhe shumica e analistëve dhe e opinionit kroat, pohon Radioja Evropa e Lirë nga Zagrebi. Kroacia nuk ka kurrfarë arsye të ndahet dhe të presë me njohjen e pavarësisë së Kosovës, thekson ministri i jashtëm shumëvjeçar në kohën e Tugjmanit, kurse sot analist i pavarur politik, Dr. Mate Graniq. "Është skenari që këtë ta bëjnë të parët me gjasë SHBA-të, e pastaj shtetet kryesore evropiane dhe unë mendoj që këtë do ta bëjë edhe Kroacia, me siguri një ditë ose dy pas grupit të parë të vendeve të Bashkimit Evropian", tha Graniq për REL. Me vlerësimin e Graniqit pajtohen shumica e opinionit dhe e analistëve, por është edhe qëndrimi zyrtar i paraqitur publikisht që sa i përket çështjes së Kosovës, Kroacia do të ndjekë vendimet e Bashkimit Ecropian.

Maqedonia dhe Kosova do të lidhen edhe me një autostradë dhe dy vendkalime të reja kufitare Ministri i Transportit dhe Postë-Telekomunikcionit të Kosovës, Fatmir Limaj, deklaroi sot në Shkup se në një të ardhme të afërt Maqedonia dhe Kosova do të lidhen edhe me një autostradë dhe dy vendkalime të reja kufitare. Këto komente, Limaj i bëri pas një takimi që pati me homologun e tij maqedonas, Mile Janakieski dhe me zëvendësin e tij, Skender Palloshi, nga të cilët ka marrë edhe premtimin se në rast të embargos serbe, Maqedonia nuk do ta dëmtojë tregun kosovar.Shkupi dhe Prishtina do të lidhen edhe përmes një autostrade, oferta për projektin e së cilës do të shpallet javën e ardhshme. Ndërsa, me zgjidhjen e statusit të Kosovës, Maqedonia dhe Kosova do të hapin edhe dy vendkalime të reja kufitare , që do të lidhin Gjilanin me Kumanovën dhe Restelicën me Gostivarin, deklaroi sot në Shkup, Ministri i Transportit dhe Postë-Telekomunikacionit të Kosovës, Fatmir Limaj, pas një takimi që pati me homologun e tij maqedonas Mile Janakieski dhe me zëvendësin e tij Skender Palloshi.
Nga ana tjetër, zëvendësministri i Transportit dhe Lidhjeve të Maqedonisë, Skender Palloshi tha se me zgjidhjen e statusit të Kosovës , do të ketë investime më të mëdha në ndërtimin e infrastrukturës rrugore .
Në rast të vendosjes eventuale të ndonjë embargoje nga Serbia, pas shpalljes së pavarësisë së Kosovës, ministri Limaj ka marr sot premtimin se Maqedonia nuk do ta dëmtojë tregun kosovar.
Vizita e sotme e Limajt ishte e para në Maqedoni prej se ai është zgjedhur ne krye të Ministrisë së Transportit dhe Postë-telekomunikacionit të Kosovës.

Kuvendi miraton propozimin e AAK-së për ndryshimin e Kornizës Kushtetuese Deputetët e Kosovës me dy të tretat e votave miratuan kërkesën e Grupit Parlamentar të Aleancës për Ardhmërinë e Kosovës, që edhe kjo parti të ketë një anëtar në Kryesinë e Kuvendit, si dhe me shumicë votash, miratuan strukturën e komisioneve parlamentare. Shtimi i numrit të anëtareve të Kryesisë edhe për një anëtar u konsiderua nevojë imediate në këtë periudhë të rëndësishme që po kalon vendi. Kryeministri Hashim Thaçi u bëri thirrje të gjithë deputetëve që të mbështesin Grupin Parlamentar të AAK-së, për siç tha, unifikimin politik dhe institucional në periudhën e pavarësimit të vendit. Edhe shefat e tjerë të grupeve parlamentare, Eqrem Kryeziu- LDK, Ibrahim Makolli- AKR, Lulzim Zeneli- LDD, Xhezair Murati-Grupi 7+, përkrahën kërkesën e AAK-së për ndryshimin e Kornizës Kushtetuese. Korniza Kushtetuese si dokumenti më i lartë juridik i vendit mund të ndryshohet me 2/3 e votave në Kuvendin e Kosovës, por para se të hyjë në fuqi ky vendim, nevojitet pëlqimi i shefit të UNMIK-ut.

...speciale:
Zëri Amerikës: Berisha: Shqipëria do ta ndihmojë Kosovën në rast bllokade nga Serbia
31-01-2008 Shqipëria ka në plan që të ndihmojë Kosovën për t’i bërë ballë çdo bllokade që mund të vendosë Serbia, si reagim ndaj shpalljes së pavarësisë. Këtë qëndrim e shprehu kryeministri Sali Berisha dje në Bruksel, ku ndodhej për bisedime me zyrtarë të BE-së dhe NATO-s.    

Kryeministri Berisha tha dje në një intervistë për televizionin APTN se Shqipëria ka ndër mend ta ndihmojë Kosovën, në rast se Serbia vendos ndonjë bllokadë, ose embargo.

“Po, ne do t’i ndihmonim duke u dhënë mundësi të përdornin portet, apo rrugën që lidh Durrësin me Kosovën. Nuk është në një gjendje shumë të mirë, por funksionon. Do t’u krijonim lehtësira në aeroportet tona. Ne i kemi planet për të reaguar në rast të një bllokade nga ana e Serbisë, në mënyrë që të zbuteshin pasojat që mund të kishte mbi Kosovën”, tha ai.

Zoti Berisha tha se zgjidhja e çështjes së Kosovës ishte thelbësore për stabilitetin në rajon, por u bëri thirrje shqiptarëve të Kosovës që të mos tregoheshin armiqësorë ndaj Serbisë, apo pakicës serbe në Kosovë.      

“Shqiptarët duhet të jenë shumë të matur, të vetëpërmbajtur, jo me qëndrime triumfaliste, sepse është shumë e rëndësishme që Kosova të mbetet një shoqëri shumëetnike”.

Berisha i hodhi poshtë shqetësimet e disa faktorëve në rajon se shkëputja e Kosovës do t’i hapte rrugën Shqipërisë së Madhe. Ai theksoi se është plotësisht i bindur se shqiptarët e Kosovës janë të angazhuar shumë seriozisht për projektin e pavarësisë. Zoti Berisha tha se përparësia e Kosovës ishte hyrja në Bashkimin Evropian, jo bashkimi me Shqipërinë.

Ai shtoi se Shqipëria do të punonte për vendosjen e lidhjeve të ngushta ekonomike me Kosovën, por edhe me fqinjë të tjerë si Malin e Zi dhe Maqedoninë.

Presidenti serb dhe rivali i tij në zgjedhje debatojnë për të ardhmen e vendit
31-01-2008 Presidenti serb Boris Tadic dhe rivali i tij për raundin e dytë të zgjedhjeve presidenciale të dielën, diskutuan për të ardhmen e Serbisë në një debat televiziv.

Zoti Tadic tha se popullit serb i duhet të zgjedhë mes Bashkimit Evropian dhe izolimit.

Rivali i tij ultranacionalist Tomislav Nikolic tha se Serbia mund të ndjekë më shumë se një rrugë. Ai tha se përpara shtrihet rruga e hapur për marrëdhënie më të ngushta me Rusinë dhe një tjetër plot me pengesa drejt Bashkimit Evropian.

Të dy kandidatët thanë se nuk do ta njihnin kurrë pavarësinë e Kosovës.

Anketat e publikuara dje, tregojnë se Presidenti Tadic, udhëheqës i Partisë Demokratike gëzon një avantazh të lehtë ndaj zotit Nikolic, kandidat i Partisë Radikale Serbe. Në raundin e parë të zgjedhjeve presidenciale, zoti Nikolic kishte një avantazh të lehtë. //voa//

...shkëputje nga dje: Koshtunica: Nuk do të mbështes presidentin Tadiç në raundin e dytë
30-01-2008 Kryeministri serb Vojisllav Koshtunica deklaroi se nuk do të mbështesë Presidentin reformist Boris Tadiç në raundin e dytë të zgjedhjeve presidenciale këtë të dielë.

Zoti Tadiç është në një garë të fortë me ultranacionalistin Tomisllav Nikoliç. Kryeministri tha se çdo qytetar duhet të vendosë vetë se për cilin kandidat do ta hedhë votën.

Njoftimi i zotit Koshtunica pason kundërshtimin nga ana e zotit Tadiç të kërkesave të kryeministrit që Presidenti të zotohej se do të hidhte poshtë çdo marrëveshje për përmirësimin e lidhjeve me Bashkimin Evropian nëse BE-ja dërgonte një mision policor dhe sigurie në Kosovë.

Udhëheqësit e BE-së ranë dakord muajin e kaluar të dërgonin një mision për të zëvendësuar administratën e OKB-së në Kosovë, ndërkohë që shumica shqiptare përgatitet të shpallë pavarësinë. Zoti Koshtunica ka këmbëngulur se dërgimi i çdo misioni kërkon miratimin e Këshillit të Sigurimit të OKB-së. //voa//

“Im atë donte Adolfin”, shfaqja më e mirë e Festivalit të dramës shqipe në Gjilan Shfaqjes “Im atë donte Adolfin “ e Tetarit Profesionist të Prizrenit, i takoi epiteti i shfaqjes më të mirë në Festivalin e dramës shqipe, “Talia e Flakës”, i cili u mbajt në Gjilan, në kuadër të “Flakës së Janarit 2008”, e që u mbyll mbrëmë me shfaqjen ‘Nirvana”, të Teatrit Kombëtar të Prishtinës.

...hapur:

Thaçi dhe Selimi diskutuan për transformimin e TMK-së Kryeministri i Kosovës Hashim Thaçi, tha se Trupat Mbrojtëse të Kosovës kanë bërë dhe po bëjnë një punë të shkëlqyeshme, në veçanti tash ku rritet edhe më shumë përgjegjësia TMK-së në prag të zyrtarizmit të pavarësisë së Kosovë. Këto komente kreu i qeverisë i bëri pas takimit me komandantin e TMK-së, gjeneral Sylejman Selimi, me të cilin kanë diskutuar për transformimin e TMK-së në forcë të re të sigurisë, në bazë të standardeve bashkëkohore të NATO-s.
“Trupat Mbrojtëse të Kosovës kanë bërë dhe po bëjnë një punë të shkëlqyeshme, në veçanti tash ku rritet edhe përgjegjësia e TMK-së në prag të zyrtarizmit të pavarësisë së Kosovës”, tha kryeministri Thaçi.
Sipas tij, në ditët e ardhshme dhe në këto momente vendimtare të nxjerrjes së vendimit për pavarësinë e Kosovës, TMK-ja do të jetë në koordinim të plotë me Qeverinë e Kosovës dhe me autoritet ndërkombëtare, në mënyrë që të dërgohet mesazhi më i mirë i mundshëm për paqe dhe stabilitet. Ndërsa, gjeneral Selimi ka njoftuar kryeministrin rreth punës që po bëhet në TMK, duke shtuar se ditët dhe javët që po vijnë janë të rëndësishme për Kosovën dhe TMK-në.

Të gjitha përgatitjet për vendosjen e misionit civil evropian në Kosovë janë kryer
 Shpenzimet vjetore të misionit civil evropian në Kosovë pritet të jenë 130 milionë euro, bëri të ditur shefi i Ekipit Planifikues të Bashkimit Evropian (BE), Roj Riv pas takimit me ministrin e Punëve të Brendshme, Zenun Pajaziti. Riv tha misioni civil i BE-së në Kosovës, do të jetë i përbërë prej 1900 ndërkombëtarëve dhe mbi 1000 personave vendorë. Mirëpo ai tha se janë duke e pritur vetëm sinjalin e Këshillit të Evropës për vendosjen e këtij mision në Kosovë dhe atëherë do të kontribuohet në përgjithësi.
“Së pari vjen deklarimi i pavarësisë. Neve na duhet një vendim nga Këshilli Evropian për të nisë misionin. Të gjitha përgatitjet janë kryer dhe ne jemi duke pritur derisa të tërhiqet këmbëza nga Këshilli i Evropës dhe misioni do të vendoset”, tha Riv.
Ai bëri të ditur se tashmë në Kosovë janë të pranishëm disa nga zyrtarët e lartë të misionit evropian.
“Unë do të jem zëvendësshefi i këtij misioni, kur ky mision të arrijë në Kosovë. Pra, unë tashmë jam këtu, duke vendosur lidhjet me autoritetet lokale. Ky proces do të fillojë të rritet, duke arritur zyrtarë të lartë”, u shpreh Riv.
Kurse ministri i Punëve të Brendshme, Zenun Pajaziti ka falënderuar Riv për përgatitjet që po i bëjnë në bashkëpunim me institucionet vendore për periudhat transitore rreth ardhjes së misionit të ri të Bashkimit Evropian në Kosovë. Ai tha se e ka njoftuar atë për angazhimet përbrenda e kësaj ministrie, me atë që po bëjnë departamente të ndryshme për periudhën përgatitore të pas statusit dhe ardhjen e misionit të ri të BE-së në Kosovë.

Uashington: Basha dhe Rice biseduan për statusin e Kosovës
 Ministri i Jashtëm i Shqipërisë, Lulzim Basha, pati dje në Washington një takim me Sekretaren Amerikane të Shtetit, Condoleezza Rice, të cilin ai e konsideroi të një rëndësie të veçantë, për Shqipërinë, Kosovën dhe rajonin. Ai tha se takimi ka dhënë shpresa të reja për anëtarësimin e Shqipërisë në NATO dhe për një zgjidhje më të shpejt të statusit të Kosovës. "Ne vazhdojmë të jemi të sinkronizuar me Washingtonin", tha Basha duke folur për statusin e Kosovës. "Ka ardhur koha që procesi të finalizohet dhe pavarësia e Kosovës do t'i hapë perspektiva Kosovës dhe Serbisë që të integrohen në Bashkimin Evropian", tha ministri i jashtëm shqiptar. Takimi i ministrit Basha me shefen e diplomacisë amerikane erdhi vetëm pakë ditë ose javë para vendimeve të rëndësishme për statusin e Kosovës dhe, siç na tha një burim në Washington, bisedimet amerikano-shqiptare synojnë koordinimin e veprimeve të dy vendeve për këtë çështje. Nga ana e saj Sekretarja Amerikane e Shtetit, Condoleezza Rice, nuk dha ndonjë deklaratë ndërkaq duke folur për statusin e Kosovës javën e kaluar ka thënë se 'po vjen koha kur duhet të marrim vendime të vështira dhe shtyrja e mëtejme nuk i bën më të lehta këto vendime'.Deklarata më shpesh e përsëritur e shefes së diplomacisë amerikane vitin që shkoi ka qenë se "Kosova dhe Serbia kurrë nuk do të jenë bashkë një dhe ky është realiteti të cilin duhet ta pranojmë".Burimi në Washington tha më tej për RTK-në se zyrtarët amerikanë këmbnëgulin në zgjidhjen më të shpejt të statusit të Kosovës në përputhje me planin Ahtisaari i cili përfshinë edhe pavarësinë e mbikëqyrur për Kosovën. /S.gashi/  

Pavarësia deri më 17 shkurt ?
 Kuvendi i Kosovës do të shpall pavarësinë më së largu deri me 17 shkurt. Zyrtarë kosovarë thonë se kanë mbështetjen e Uashingtonit dhe Brukselit për të shpallur pavarësinë, menjëherë pas përfundimit të zgjedhjeve presidenciale në Serbi. Ndërkaq për shkaqe të koordinimit ndërkombëtar, si data më e mundshme përmendet 17 shkurti, që i bie ditë e diel. Datat e mundshme për shpalljen së pavarësisë së Kosovës janë të qarta për lidershipin kosovar, por ato vazhdojnë të mbahen sekret për shkak të zgjedhjeve presidenciale në Serbi që mbahen të dielën me 3 shkurt.
Por, nga zyrtarë të lartë kosovarë, RTK ka mësuar se e diela e 17 shkurtit është data më e mundshme kur Kuvendi i Kosovës do të shpallë pavarësinë. Këta zyrtarë për Televizion publik të Kosovës, kanë bërë të ditur se tashmë procesi ka hyrë në fazën finale dhe se kanë sinjale të qarta nga Uashingtoni dhe Brukseli për të proceduar me këtë akt. Ata thonë se pavarësia mund të shpallet edhe pas 11 ditësh, varësisht se si do të koordinohen aktivitetet diplomatike ndërkombëtare, por 17 shkurti është data e fundit.
Kjo datë duket e favorshme për dy arsye kryesore: e para ka të bëj me atë se, është ditë e diel dhe se menjëherë pas shpalljes së pavarësisë, do të fillojnë njohjet e para, me në krye Slloveninë. Një ditë më pas Këshilli i Ministrave të BE, do të mund të miratoj dërgimin e misionit në Kosovë, pasi me rastin e shpalljes, kosovarët do të ftojnë këtë mision. Një gjë e tillë do të ndodhë para takimit eventual të KS, që sipas të gjitha gjasave do të mbaj mbledhje urgjente me kërkesë të Rusisë. Por ,takimi i KS, një ditë pas shpalljes së pavarësisë, nuk do të ketë efekt madhor, pasi në atë ditë, Kosova do të ketë njohjen e disa shteteve.
Ndërkohë agjencia e lajmeve Rojters duke u thirrur në burime të saj, thekson se data shpalljes së pavarësisë varet nga ajo se kush do të fitoj zgjedhjet në Serbi. Sipas burimeve të kësaj agjencie, në rast të fitores së radikalit Tomislav Nikoliq, pavarësia mund të shpallet me 9 ose 10 shkurt, ndërkaq nëse fiton Boris Tadiq kosovarët do ta shpallin pavarësinë, një javë më vonë.
Kryeministri i Kosovës Hashim Thaçi, thotë se fitorja e cilit do kandidat në Serbi, nuk do të ndikoj në kohën e shpalljes së pavarësisë.
Tashmë kur ka filluar numërimi i ditëve për shpalljen e koordinuar të pavarësisë së Kosovës, ende s'është e qartë se si do të veproj sekretari i përgjitshëm i OKB-së, kur dihet se KS, nuk do të mund të vendos asgjë kundër, pasi 3 nga 5 anëtarët e përhershëm do ta njohin pavarësinë e Kosovës.
Shefi i misionit të UNMIK-ut Ryker, ka deklaruar se do të veproj në bazë të udhëzimeve nga lart, por pritet që sekretari i përgjithshëm i OKB-së Ban Ki Mun, të autorizoj vendosjen e misionit të BE-së.
Poashtu nuk është e qartë nëse udhëheqësi i OKB-së do të ftoj shtetet veq e veq që të njohin pavarësinë e Kosovës.

F.Times: Nëse fiton Nikoliq, Kosova do ta shpallë pavarësinë vikendin e ardhshëm
Kosova mund të shpallë pavarësinë nga Serbia që në javën e ardhshme, me një veprim të koordinuar me SHBA-të dhe vendet kryesore të BE-së, shkruan "Fajnenshëll tajms". Por, sipas gazetës se a do të ndodhë kjo, do të varet nga rezultati i raundit të dytë të zgjedhjeve presidenciale në Serbi. Amerika dhe BE, sipas të gjitha gjasave do të mbështesin shpalljen e pavarësisë së Kosovës nëse të dielën fiton Tomisllav Nikoliq. Një diplomat i njohur i paidentifikuar perëndimor ka deklaruar se në atë rast askush në Evropë nuk do të konsiderojë se ekziston çfarëdo arsye që kjo çështje të shtyhet edhe më tej. Siç ka theksuar ai, në mesin e vendeve perëndimore mbizotëron qëndrimi që raporti i Serbisë ndaj pavarësisë së Kosovës edhe ashtu do të jetë i pandryshuar, andaj nuk duhet humbur më kohë. Vendimi për shpalljen do të pasojë në afat prej dhjetë ditësh nga kjo fundjavë, është qëndrim i këtij diplomati. Mirëpo në rast se Boris Tadiq mban pushtetin, diplomatët vlerësojnë se BE do të marrë qëndrimin se ka kuptim që pavarësia e Kosovës të shtyhet për disa javë, dhe që në atë periudhë të bëhen përpjekje të arrihet marrëveshja për marrëdhënie të afërta midis Serbisë dhe BE-së. Çështja kryesore në atë rast do të jetë se si të shpallet pavarësia e Kosovës por që kjo t'i bëjë sa më pak dëm presidentit të Serbisë, ka theksuar ky bashkëbisedues i paidentifikuar i "Fajnenshëll tajmsit", duke shtuar se pavarësia e Kosovës mund të shtyhet deri në gjysmën e shkurtit, madje, siç sugjerojnë disa anëtarë të BE-së, edhe deri në gjysmën e marsit.

Albin Kurti sërish në paraburgim  Në seancën e katërt gjyqësore kundër Albin Kurtit të mbajtur sot në Gjykatën e Qarkut në Prishtinë, Kurtit i është caktuar masa e paraburgimit deri në përfundim të gjykimit ose minimum 30 ditë. Seanca gjyqësore duhej të fillonte në ora 10:0O, mirëpo pasi Kurti nuk është paraqitur vullnetarisht para panelit të gjykatësve ndërkombëtar, i është lëshuar fletarrest, të cilin e ka zbatuar policia.

Berisha në vizitë zyrtare në Bruksel Kryeministri shqiptar Sali Berisha ndodhet për një vizitë zyrtare në Bruksel, ku do të marrë pjesë në takimin me Këshillin e Ambasadorëve të NATO s i cili do të zhvillohet në Selinë e NATO-s.Kryeministri Berisha do të zhvillojë disa takime të rëndësishme, ndërmjet të cilave me Sekretarin e Përgjithshëm të NATO s, Jaap de Hop Skefer, me përfaqësuesin e lartë të BE së për politikë të jashtme dhe siguri, Havier Solana, përfaqësuesen e përhershme të SHBA së në NATO ambasadoren Viktoria Nuland, si dhe personalitete të tjera. Gjithashtu, Kryeministri Berisha do të referojë në Konferencën me temë "Shqipëria me hapa të shpejta drejt Integrimit në NATO".

Nikoliç viziton Rusinë në prag të raundit të dytë të zgjedhjeve serbe Kandidati ultranacionalist serb për president Tomislav Nikoliq po viziton Rusinë vetëm pak ditë para zgjedhjeve të së dielës. Nikoliq përballet me presidentin e tanishëm properëndimor Boris Tadiq në raundin e dytë të zgjedhjeve që mbahet më 3 shkurt. Udhëheqësi i Partisë Radikale është për marrëdhënie më të ngushta me Rusinë. Nikoliq deklaroi se nuk do të ishte kundër ngritjes së një baze ushtarake ruse në tokën serbe. Sipas agjencive ruse të lajmeve, Nikoliq e përgëzoi Rusinë për qëndrimin e saj të vendosur kundër njohjes së pavarësisë së Kosovës.

Naimark: Kosova në harmoni me pesëshen do ta shpallë pavarësinë
Pragë, 29 janar 2008
Kosova është dashur të jetë tashmë e pavarur dhe në parim, koha për pavarësinë ka kaluar që moti. Në praktikë, duhet kuptuar se Qeveria e Kosovës duhet të punojë bashkërisht me BE-në dhe SHBA-të, andaj shpresoj se kur ata thonë se është çështje ditësh, atëherë kjo nënkupton se ata i kanë bërë detyrat e shtëpisë dhe të gjithë janë gati për deklaratën e koordinuar, tha të martën në një intervistë për radio Evropa e lirë, Norman Naimark nga Instituti Hoover.

Drobniq jep dorëheqje, Shinkovec drejtor i ri politik i MPJ të Sllovenisë
Lubjanë, 29 janar 2008
Drejtori Politik i Ministrisë së Punëve të Jashtme të Sllovenisë, Mitja Drobniq ka dhënë dorëheqje nga funksioni i tij pas daljes në opinion të shënimeve diplomatike nga bisedimet sllovene-amerikane në Uashington, ku ka dominuar çështja e Kosovës.

Guldiman shpreson që edhe pas pavarësisë, OSBE do të vazhdojë misionin në Kosovë
Prishtinë, 29 janar 2008
Shpresoj që misioni i OSBE-së do të vazhdojë që edhe në të ardhmen të jetë prezent në Kosovë, përmes arritjes së një konsensusi të ri, tha të martën ambasadori i OSBE-së...

BE do të dërgojë misionin në Kosovë pas zgjedhjeve në Serbi, thotë Solana
Bruksel, 29 janar 2008
Shefi i diplomacisë së BE-së, Havier Solana tha të martën se Bashkimi Evropian (BE) do të presë për dërgimin e misionit të saj civil në Kosovë deri pas mbajtjes së rrethit të dytë të zgjedhjeve presidenciale në Serbi.

Analistët thonë se institucionet e Kosovës duhet ta bëjnë ftesën për ardhjen e misionit të BE-sëDerisa krerët e institucioneve të Kosovës thonë se mirëpresin ardhjen e misionit të BE-së, duke mos përmendur nëse kjo duhet të ndodhë para ose pas shpalljes së pavarësisë, analistët e çështjeve politike vlerësuan për Kosovapress që së paku Kosova duhet të bëjë ftesën për ardhjen e misionit në fjalë.

Rusia kundërshton planet e BE-së për dërgimin e misionit në Kosovë
Moskë, 29 janar 2008
Zëdhënësi i Ministrisë së jashtme Ruse, Mihal Kaminjin, ka kundërshtuar të martën planet e BE-së për dërgimin e misionit të saj civil në Kosovë, duke thënë se ky hap kërkon miratimin specifik nga Këshilli i Sigurimit i Kombeve të Bashkuara.

OSBE ndihmoi avancimin e shërbimeve në BKUK Organizata për Siguri dhe Bashkëpunim Evropian (OSBE) promovoi të martën në Prishtinë projektin i cili kishte për qëllim ngritjen e kapaciteteve teknike dhe resurseve humane në Bibliotekën Kombëtare dhe Universitare të Kosovës (BKUK).

Arrestohet 60 vjeçari i dyshuar për vrasjen e një moshatari të vetNjë person 60 vjeçar, identiteti i të cilit nuk bëhet publik, është arrestuar si i dyshuar që para katër ditëve e ka vrarë 65 vjeçarin Xhafer Syla nga fshati Grabanicë e komunës së Klinës.

Persona të maskuar plaçkisin tre qytetarë në Padalishtë të IstogutDy persona të maskuar kanë plaçkitur tre qytetarë në fshatin Padalishtë të Istogut, bëri të ditur të martën policia rajonale e Pejës.

“AA” dhe “Belle Air” shprehin interesim për programin stimulues e ANP-së Bordi i Drejtorëve të Aeroportit Ndërkombëtar të Prishtinës kohë më parë ka aprovuar vendimin e menaxhmentit për uljen e tarifave të shërbimeve të ANP-së, për të gjitha ato kompani ajrore që do të ulin çmimet e biletave...

...info...hapur:

Sejdiu: Kosova e pavarur do të jetë vend i të gjithë qytetarëve të saj
"Kosova e pavarur do të jetë vend i të gjithë qytetarëve të saj të lirë", tha Presidenti i Kosovës Fatmir Sejdiu gjatë një takimi me Nils Ragnar Kamsavag, zëvëndësdrejtor i përgjithshëm dhe udhëheqës i Seksionit për Ballkanin Perëndimor në Ministrinë e Punëve të Jashtme të Norvegjisë. "Ne e kemi pranuar planin e Presidentit Ahtisari, meqë besojmë se ai paraqet zgjidhjen më të mirë për qytetarët e Kosovës dhe për të ardhmen e tyre", vijoi Presidenti Sejdiu, duke ripërsëritur zotimin e institucioneve të Kosovës për zbatimin e plotë të atij plani që parasheh të drejta të garantuara për pakicat kombëtare dhe respektim të plotë të trashëgimisë së tyre shpirtërore e kulturore, thuhet në një komunikatë. Sa i përket çështjes së shpalljes së pavarësisë, Presidenti ripohoi se institucionet e Kosovës janë në koordinim të plotë me vendet e Bashkimit Evropian, me Shtetet e Bashkuara të Amerikës dhe me vendet e tjera demokratike që e përkrahin pavarësinë e vendit tonë dhe do të vendosin shumë shpejt se kur do të jetë momenti më i mirë për ta rideklaruar në Kuvend vullnetin politik të popullit të Kosovës. Po ashtu, Presidenti Sejdiu veçoi marrëdhëniet shumë të mirë që ka Kosova me vendet e rajonit, me Shqipërinë, me Maqedoninë dhe me Malin e Zi. "Ne shpresojmë që edhe Serbia në një të ardhme të afërt të ndryshojë qasjen e saj, në mënyrë që të krijohen mundësitë për bashkëpunim të mirë fqinjësor në mes dy vendeve tona, sepse kjo do të ishte në interes të të gjithëve", tha Presidenti Sejdiu. Ndërsa, Nils Ragnar Kamsavag, theksoi se vendi i tij ndjek me interesim të gjitha proceset në Kosovë dhe se do të jetë e angazhuar shumë edhe në të ardhmen për ta ndihmuar Kosovën në konsolidimin e jetës demokratike institucionale. Ai premtoi edhe mbështetje për thellimin e bashkëpunimit në fusha të tjera, me theks të veçantë në atë ekonomik.

Kosova e gatshme të shpallë pavarësinë, thotë zv.kryeministri Kuçi "Kosova është gati në çdo aspekt për ta shpallur pavarësinë. Këto janë ditët përfundimtare", ka thënë zv.kryeministri Hajredin Kuçi. Ai bëri me dije se është përmbyllur koordinimi me bashkësinë ndërkombëtare dhe shumë shpejt do të caktohet data e pavarësisë. Deklarata që e shpall Kosovën – shtet sovran dhe të pavarur sipas Kuçit nuk është me rëndësi se prej kujt hartohet, por e rëndësishme është se ajo do ta shpall pavarësinë e Kosovës. Jo zyrtarisht thuhet se deklarata tashmë është e kryer dhe kanë mbetur vetëm disa detaje teknike.

Bruksel: Pavarësia e Kosovë mund të shpallet në gjysmën e parë të shkurtit ? Burimet brenda BE së kanë bërë të ditur kalendarin e zhvillimeve për Kosovën. Më 3 shkurt kosovarët do të presin raundin e dytë të zgjedhjeve presidenciale në Serbi. Këto burime të BE së theksojnë se më 6 shkurt Kuvendi i Kosovës do të mbajë seancën. Disa diplomatë evropian thonë se nëse në Serbi fiton ultranacionalisti Nikoliq pavarësia e Kosovës do të shpallet me këtë datë, ose në këtë datë në Kuvendin e Kosovës mund të bëhet e ditur intenca që për së shpejti të shpallet pavarësia. Prej 6 deri më 18 shkurt Bashkimi Evropian do të japë dritën e gjelbër dërgimit të Misionit të vet që do të përbëhet nga 1800 policë dhe gjykatës. Më 18 shkurt ministrat e jashtëm të BE së takohen në Bruksel. Pavarësia e Kosovë mund të shpallet më 15 shkurt në mënyrë që në këtë takim ministrat e jashtëm të tregojnë nëse e njohin pavarësinë e Kosovës. BE ja beson se shpallja e pavarësisë do të ndodhë nga fundi i shkurtit apo fillimi i marsit, që 27 vende ta pranojnë atë dhe periudha e pavarësisë së mbikëqyrur do të mund të zgjasë 5 deri në 10 vjet. Kalendari i zhvillimit të ngjarjeve është publikuar në web faqe EU biznes që raporton për Bashkimin Evropian.

Rusia paralajmëron BE -në ndaj vendimeve të njëanshme për KosovënRusia ka paralajmëruar sot Bashkimi Evropian ndaj çdo vendimi të njëanshëm për Kosovën. Zëdhënësi i Ministrisë së Jashtme Ruse, Mihail Kaminin ka thënë se zëvendësimi i Misionit të OKB-së në Kosovë, do të kërkonte aprovimin e Këshillit të Sigurimit. Ai tha se veprimet e njëanshme do ishin shpërfillje e ligjeve ndërkombëtare.

Ministri Pajaziti në takim me komunitetin serbë në Çagllavicë "Kosova është shtet ku garantohen të drejtat e të gjithë qytetarëve pa dallim etnie dhe ministria që unë drejtoj do të ketë këtë qasje", tha ministri i Ministrisë së Punëve të brendshme Zenun Pajaziti. Kjo deklaratë u bë në një takim të ministrit Pajaziti me komunitetin serbë në qendrën e mediave në Çagllavicë . Qëllimi i kësaj vizite ishte njohja më e afërt e problemeve të fushës së sigurisë dhe thirrja e këtij komuniteti për bashkëpunim me institucionet e Kosovës për ndërtimin e një të ardhme evropiane. Në këtë takim është sqaruar edhe plani i SHPK-së i quajtur "Statusi" i cili sipas përgjegjësve ka qëllim të mos lejojë manipulimin e procesit të shpalljes së pavarësisë së kordinuar të Kosovës që është interesim edhe i gjithë komunitetit ndërkombëtar.
Në Shërbimin Policor të Kosovës sot rreth 10 përqind të pjesëtarëve të saj janë nga komuniteti pakicë serbë dhe ata trajtohen si policë të Kosovës e jo si pjesëtarë të kësaj apo asaj etnie. Zëdhënësi Veton Elshani i cili ishte i pranishëm në takim tha se SHPK është duke u reformuar cdo ditë e më tepër në drejtim të kritereve evropiane e bashkë me këtë edhe besimi i qytetarëve po shtohet karshi këti shërbimi.

Basha takon sot sekretaren Rajs Ministri i Jashtëm i Shqipërisë, Lulzim Basha, takohet sot me Sekretaren e Shtetit Kondolisa Rajs. Pritet që anëtarësimi i Shqipërisë në NATO dhe statusi i Kosovës të jenë temat kryesore të diskutimit mes tyre. Ministri Basha në një diskutim në Qendrën për Studime Strategjike dhe Ndërkombëtare në Uashington theksoi se komuniteti ndërkombëtar po përpiqet të zgjidhë një nga problemet e mbetura pezull, atë të statusit të Kosovës. "Dita e pavarësisë së Kosovës është tashmë çështje ditësh ose të shumtën disa javësh. Udhëheqja e Kosovës ka treguar se është e aftë të drejtojë një shtet të pavarur dhe sovran, që edhe ai aspiron të integrohet në NATO dhe Bashkimin Evropian". Shqipëria, tha Basha, po konsultohet dhe po bashkëpunon ngushtësisht me Prishtinën, Uashingtonin dhe Brukselin, jo vetëm për njohjen e Kosovës si shtet i pavarur dhe sovran, por edhe për periudhën pas pavarësisë, për konsolidimin e institucioneve të saj demokratike dhe rritjen ekonomike. Kosova, tha ministri i Jashtëm i Shqipërisë, Lulzim Basha, po vepron de fakto si element konstruktiv i strukturave euro atlantike.

Kanellos premton përkrahje për zhvillimin e Prishtinës Kryetari Prishtinës, Isa Mustafa dhe shefi i Zyrës greke në Prishtinë, Nicolas Kanellos, gjatë një takimi të përbashkët, u pajtuan që bashkëpunimi i mirë, që tashmë ekziston, në mes të Kuvendin Komunal të Prishtinës dhe Zyrës se Greqisë në Prishtinë, të thellohet edhe me shumë në të ardhmen. Kryetari i Prishtinës, Isa Mustafa e falënderoi ambasadorin Kanellos për përkrahjen dhe e siguroi atë për thellimin e mëtutjeshëm të bashkëpunimit në mes të Kuvendit Komunal dhe Zyrës se Greqisë.
“Ne kemi nevojë për thellimin e mëtejme të bashkëpunimit me të gjitha Zyrat Diplomatike të vendeve evropiane, e në veçanti me Zyrën e Greqisë, në mënyrë që të shfrytëzojmë ndihmën e tyre, qoftë ajo financiar apo edhe teknike”, tha kryetari Mustafa
Duke e përgëzuar për postin, ambasadori grek në Prishtinë tha se kryetari Mustafa është një shpresë e madhe për zhvillimin e kryeqytetit kosovar.
“Ju jeni shpresa e shumë qytetarëve të Prishtinës, prandaj ne nuk do të hezitojmë që të ju përkrahim në realizimin e projekteve që janë në të mirë të të gjithë qytetarëve të këtij qyteti”, tha ambasadori Kanellos.
Ambasadori Kanellos tha se do të angazhohet edhe personalisht dhe do të bëjë gjithçka që është e mundur që të përkrah zhvillimin e Prishtinës.

Nesër në Prishtinë fillon aksioni për eliminimin e qenve endacakë Nesër do të fillojë aksioni për eliminimin e qenve endacakë në qytetin e Prishtinës. Aksionin për eliminimin e qenve endacakë do ta mbikëqyrin zyrtarët komunal të Prishtinës dhe Shërbimi Policor i Kosovës ndërkaq, mbytjen, grumbullimin dhe varrosjen e tyre do ta bëjë N.P.K.“Hortikultura”. Komuna e Prishtinës u bënë thirrje qytetarëve që të mos shqetësohen nga krismat e armëve, të cilat do të pasojnë në kuadër të këtij aksioni, por njëkohësisht kërkohet nga qytetarët, që t’i zvogëlojnë lëvizjet.
Po ashtu nga pronarët e qenve shtëpiak kërkohet që të jenë të kujdesshëm dhe të mos i lëshojnë qentë e tyre nga shtëpitë gjatë kësaj kohe.
Eliminimi i qenve endacak do të bëhet të hënave, të mërkurave dhe të premte, prej orës 00:00 të mesnatës deri 06:00 të mëngjesit.

BE i ofron Serbisë marrëveshje të përkohshme politike Bashkimi Evropian dje e ka ftuar Serbinë të nënshkruaj një marrëveshje të përkohshme politike me 7 shkurt pas raundit të dytë të zgjedhjeve presidenciale. Më herët, ministrat e jashtëm të 27 vendeve anëtare nuk arritën të nënshkruajnë marrëveshje të plotë të Stabilizim Asociimit me Beogradin për shkak se Holanda insistoi se Serbia duhet së pari plotësisht të bashkëpunojë me Tribunalin e Kombeve të Bashkuara për krime lufte në ish Jugosllavi.
Në vend të kësaj, presidenca sllovene e BE-së tha se ministrat e jashtëm u dakorduan të nënshkruajnë marrëveshje të përkohshme që mbulon bashkëpunimin ne fushën e tregtisë dhe vizat.
Ministri i Jashtëm serb Vuk Jeremiq ofertën e BE-së e ka cilësuar historike dhe tha se rrethi i dytë i zgjedhjeve presidenciale në Serbi do të jetë referendum ku qytetarët e Serbisë do të vendosin nëse do të ecin drejt rrugëve të hapura të Evropës apo në drejtim të kundërt.

Kroacia pret ftesën për t'iu bashkangjitur NATO-s në prill Kroacia pret të implementojë reformat e fundit të nevojshme për të përmbushur standardet e NATO-s dhe të fitojë ftesën për t'iu bashkangjitur alenacës në muajin prill. "Shpresojmë se përmes veprimeve gjatë dy muajve të ardhshëm, ne do të bëjmë çfarë është e nevojshme që të marrim ftesën", tha kryeministri kroat Ivo Sanader pas takimit me presidentin Stjepan Mesiq, komandant suprem i forcave të armatosura.
Kroacia, Maqedonia dhe Shqipëria janë vendet që shpresojnë të antarësohen në NATO.

Fadil Vokrri zyrtarizoi kandidaturën për kryetar të FFK-së Legjenda e futbollit kosovarë, Fadil Vokrri ka zyrtarizuar kandidaturën e tij për kryetar të FFK-së. Kandidaturën e Vokrrit së bashku me 48 nënshkrime të delegatëve dhe planprogramin e tij, e kanë dorëzuar sot në FFK, Bekim Haxhiu dhe Adil Vokrri. Në këtë mënyrë shihet se Vokrri gëzon përkrahje të gjerë dhe tashmë numri maksimal i kandidatëve për kryetar të FFK-së mund të jetë vetëm tre, pasi kushti i 15 nënshkrimeve të delegatëve ia mundëson vetëm edhe një kandidati tjetër paraqitjen e kandidaturës, kurse siç dihet një kandidat mund ta paraqes Komiteti Ekzekutiv, pa pasur nevojën e mbledhjes së 15 nënshkrimeve. Afati i fundit për paraqitje të kandidaturës është 7 shkurti, kurse Kuvendi zgjedhor i FFK-së do të mbahet më 16 shkurt. Një kandidat tjetër i mundshëm për kryetar të FFK-së nga shtypi është përmendur edhe kryetari aktual i KF “Prishtina”, Remzi Ejupi.

...speciale nga Zëri Amerikës(V0A):

Basha në SHBA - flet për aspiratat e Shqipërisë dhe për Kosovën
Uashington
29-01-2008 Ministri i Jashtëm i Shqipërisë, Lulzim Basha, takohet sot me Sekretaren e Shtetit Kondolisa Rajs dhe pritet që anëtarësimi i Shqipërisë në NATO dhe statusi i Kosovës të jenë temat kryesore të diskutimit mes tyre. Ministri Basha ishte i ftuar dje nga Qendra për Studime Strategjike dhe Ndërkombëtare në Uashington në diskutimin me temë “Rruga e Shqipërisë drejt anëtarësimit në NATO dhe statusi i Kosovës”. Zoti Basha u bëri një ekspoze elokuente aspiratave të Shqipërisë për të hyrë në strukturat euro-atlantike, si dhe përgatitjeve të Kosovës për pavarësi.

Shqipëria, tha ministri i Jashtëm Basha, ka dy objekiva kryesore në rrugën e saj të reformave,  anëtarësimin në aleancën e NATO-s dhe në Bashkimin Evropian.  Këto dy synime themelore, tha ai, gëzojnë edhe mbështetjen e shumicës dërmuese të popullatës, rreth 96 përqind të saj.  Qeveria shqiptare theksoi zoti Basha, është e vetëdijshme se integrimi i vendit në të dy këto struktura kërkon reforma të thella dhe rezultative në një sërë fushash, ndër të cilat reforma në sistemin juridik dhe atë zgjedhor, si dhe luftë kundër korrupsionit dhe krimit të organizuar.  Zoti Basha tha se në takimin e Bukureshit, Shqipëria shpreson të marrë ftesën për t’u anëtarësuar në NATO. “Për t’ia arritur këtij qëllimi, menjëherë pasi bëri betimin në vitin 2005, qeveria e tanishme shqiptare i përqendroi përpjekjet e veta në luftën kundër korrupsionit, krimit të organizuar dhe rritjes ekonomike të vendit”.

Zoti Basha shpjegoi hollësisht masat e mara nga qeveria e tij dhe rezultatet e arritura në këto fusha.  Ai vuri gjithashtu në dukje rolin konstruktiv të Shqipërisë në arenën ndërkombëtare, konkretisht kontributin e saj në Irak dhe Afganistan, si dhe në luftën globale kundër terrorizmit.  Në fakt, komuniteti ndërkombëtar ka vënë herë pas here në dukje se reformimi i ushtrisë shqiptare ka qënë shembullor.

Ministri Basha theksoi veçanërisht rolin e Shqipërisë si faktor stabiliteti në Ballkan, ku komuniteti ndërkombëtar po përpiqet të zgjidhë një nga problemet e mbetura pezull, atë të statusit të Kosovës. "Dita e pavarësisë së Kosovës është tashmë çështje ditësh ose të shumtën disa javësh.  Udhëheqja e Kosovës ka treguar se është e aftë të drejtojë një shtet të pavarur dhe sovran, që edhe ai aspiron të integrohet në NATO dhe Bashkimin Evropian”.

Shqipëria, tha zoti Basha, po konsultohet dhe po bashkëpunon ngushtësisht me Prishtinën, Uashingtonin dhe Brukselin, jo vetëm për njohjen e Kosovës si shtet i pavarur dhe sovran, por edhe për periudhën pas pavarësisë, për konsolidimin e institucioneve të saj demokratike dhe rritjen ekonomike.  Kosova, tha ministri i Jashtëm i Shqipërisë, Lulzim Basha, po vepron de-fakto si element konstuktiv i strukturave euro-atlantike. //voa//

Berisha: Gati masat për të ndihmuar Kosovën në rast bllokade
29-01-2008 Kryeministri i Shqipërisë, Sali Berisha, tha se qeveria e tij ka gati masat për të ndihmuar Kosovën në rast të ndonjë bllokade nga ana e Serbisë, sikundër është parlajmëruar nga qarqe të ndryshme në Beograd. Deklarata e Kryemnistrit u bë mbrëmë gjatë diskutimeve në parlament ku u trajtua edhe çështja e Kosovës. “Shqipëria është e përgatitur t’i japë gjithë ndihmesën e vet, shtetit të lirë e të pavarur të Kosovës, sikundër ftoj Beogradin, qeverinë e Serbisë, të mos ndërmarrin masa atavike dhe arkaike që nuk i shërbejnë klimës së bashkëpunimit në rajon. Shqipëria është e përgatitur me një seri masash për të kundërbalancuar çdo lloj embargoje apo bllokade që mund të imagjinohet nga mendje të nxituara në Beograd. Por natyrisht do të ishte një dëmtim i përpjekjeve të mëdha e të përbashkëta të vendeve të rajonit për bashkëpunim rajonal dhe më gjerë”.
Kryeministri Berisha, duke e cilësuar pavarësinë si aktin më madhor, u shpreh se Kosova, në ushtrim të pavarësisë, do të përballojë me sukses vështirësitë kalimtare. //voa//

Kosova në prag të pavarësisë – ende mbetet shqetësimi për Mitrovicën
Barry Wood Prishtinë
29-01-2008 Gjashtë javët e ardhëshme duket se do të jenë një periudhë kritike për Kosovën ndërkohë që ajo përgatitet të shpallë pavarësinë nga Serbia. Korrespondenti ynë Barry Wood ndodhet në Prishtinë dhe na njeh me hapat diplomatike si dhe me zhvillimet e tjera në arenën ndërkombëtare që po i japin formë së ardhmes së Kosovës.

Është periudhë tranzicioni në Kosovë, kur administrata e OKB-së, UNMIK, përgatitet t’ja dorëzojë përfundimisht pushtetin qeverisë së Kosovës dhe një autoriteti mbikqyrës të Bashkimit Europian.

Shqetësimi kryesor për dy milion shqiptarët e Kosovës, që përbëjnë rreth 95% të popullatës, është koha se kur do të bëhet deklarata e pavarësisë, e cila pritet të mbështetet nga Shtetet e Bashkuara si dhe nga pothuajse të 27 vendet anëtare të Bashkimit Europian. Pritet që kjo të ndodhë përpara fundit të marsit.

Përpjekjet për të përcaktuar statsin e Kosovës janë zvarritur që nga viti 1999, kur trupat e NATO-s ndërhynë për të ndalur teprimet e forcave serbe në frenimin e kryengritjes shqiptare. Fushata 78-ditëshe e bombardimeve të NATO-s i dëboi trupat serbe nga Kosova dhe ato u zëvendësuan me një administratë të OKB-së si dhe me një forcë sigurie të drejtuar nga NATO-ja e cila sot numëron rreth 15 mijë vetë.

Megjithëse Sllobodan Milloseviçi u përmbys në vitin 2000 me një revoltë popullore në Serbi, pasuesit e tij të zgjedhur me mjete demokratike vazhdojnë ta kundërshtojnë pavarësinë e Kosovës, që është edhe kërkesa kryesore e shqiptarëve.

Vitet e fundit, Rusia  e ka radhitur veten me Serbinë dhe ka bllokuar në Këshillin e Sigurimit planin Ahtisari për pavarësinë e kushtëzuar. Të bindur se siguria në Ballkan kërkon pavarësinë e Kosovës, amerikanët dhe europianët kanë rënë dakord ta anashkalojnë OKB-në dhe të mbështesin shpalljen e pavarësisë nga Kosova.

Qeveria e Kosovës e ka shtyrë deklaratën e pavarësisë pas raundit të dytë të zgjedhjeve presidenciale të Serbisë. Kandidati pro-perëndimor, Boris Tadiç, thotë se nuk do të dërgojë ushtrinë serbe për t’ju kundërvënë pavarësisë por qendrimi i rivalit të tij ultranacionalist është ende i paqartë. Kontrolli i ushtrisë është forca kryesore e presidentit të Serbisë.

Bajram Rexhepi, zyrtar i lartë i Partisë Demokrattike të Kosovës, është njëkohësisht kryebashkiak i qytetit të ndarë të Mitrovicës, e cila ka qenë pikë e nxehtë e dhunës etnike. Pjesa e saj veriore banohet nga mbi 20 mijë serbë dhe ka shqetësime se veriu nuk do ta pranojë pavarësinë. Dr. Rexhepi është veçanërisht i shqetësuar rreth qendrimit që do të mbajnë pas shpalljes së pavarësisë disa qindra policët e Mitrovicës veriore  të cilët janë pjesë e Shërbimit Mbrojtës të Kosovës. "Jam i shqetësuar se ata do t’i hedhin uniformat e tyre dhe do të veshin rroba civile. Ndryshimi i uniformave dhe veshja e uniformave të policisë serbe do të ishte i pamundur me sa di unë për shkak të angazhimeve të  KFOR-it dhe të policisë së UNIMK-ut, të cilët nuk do të lejonin uniforma të tjera,"  tha zoti Rexhepi.

Zona në veri të lumit Ibër, që ndan Mitrovicën është jashtë kontrollit të qeverisë së Kosovës. Ky rajon verior që ndodhet në kufi me Serbinë, patrullohet nga trupa paqeruajtëse të komanduara nga një francez. Dr. Rexhepi u ka bërë thirrje serbëve në Mitrovicën veriore që të ruajnë qetësinë dhe të bashkëpunojnë me shqiptarët për të përmirësuar standardin e jetesës në të dyja anët e qytetit të ndarë. //voa//

Rupel: BE-ja e mbështet forcimin e marrëdhënieve me Serbinë
29-01-2008Ministri i jashtëm i Sllovenisë Dimitrij Rupel thotë se të gjithë vendet anëtare të Bashkimit Europian e mbështesin forcimin e marrëdhënieve të Serbisë me Europën.

Zoti Rupel, vendi i të cilit ka kryesinë e radhës të Bashkimit Europian, tha mbrëmë se ka rëndësi që ky sinjal t’i dërgohet popullit serb në prag të raundit të dytë të zgjedhjeve presidenciale që do të zhvillohen të dielën.

Zoti Rupel i bëri komentet për gazetarët pas një takim të ministrave të jashtëm të BE-së në Bruksel për çështjen e marrëdhënieve me Serbinë. Ministrat ranë dakord t’i ofrojnë Beogradit një marrëveshje për bashkëpunimin politik dhe ekonomik, duke përfshirë zbutjen e kufizimeve për vizat.

Megjithatë, ata nuk arritën dot një konsensus rreth nënshkrimit të një marrëveshjeje të rëndësishme për ndihmat dhe tregtinë, e cila do ta lehtësonte kandidaturën e Serbisë për anëtarësim në Bashkimin Europian.

Ministri i Jashtëm i Serbisë, Vuk Jeremiç e vlerësoi ofertën, e cila është planifikuar për t’u nënshkruar më 7 shkurt. Por ai tha se do të jenë votuesit të cilët do të vendosin të dielën nëse kjo është është rruga që ata dëshirojnë për Serbinë.

Shumica e ministrave europianë e mbështetën nënshkrimin e marrëveshjes për Stabilizim-Asocimin me Serbinë me shpresën për të shtuar shanset e rizgjedhjes së presidentit reformist Boris Tadiç në garën kundër ultranacionalistit Tomislav Nikoliç.

Komisioneri i Bashkimit Europian për Zgjerimin Olli Rehn tha se ishte i gëzuar që BE-ja po e mban derën të hapur për Serbinë.

“Tani i takon popullit serb të vendosë pa ngurrim për të kaluar nëpër këtë derë drejt Bashkimit Europian,” tha zoti Rehn.

Por ministri i jashtëm holandez Maksim Verhagen nguli këmbë se  Serbia duhet që fillimisht të japë prova se po bashkëpunon me Gjykatën e Hagës duke dorëzuar personat kryesorë të akuzuar për krime, ish udhëheqësin e serbëve të Bosnjes, Radovan Karadziç dhe komandantin e tij të ushtrisë, Ratko Mladiç.

Ministrat europianë ranë dakord gjithashtu të formojnë një grup pune për ta ndihmuar Serbinë të ndërmarrë hapat e nevojshëm drejt nënshkrimit të marrëveshjes së Stabilizim – Asocimit. //voa//

Një zyrtar i lartë në Ministrinë e Jashtme të Maqedonisë, që dëshiroi të mbetet anonim, i tha BBC-së se ajo që do të sygjerojë pala maqedonase do të jetë lehtësim i regjimit të vizave, brenda regullave të reja që hynë në fuqi nga një janari të cilat janë sipas sistemit Shengen.

Lehtësimet që do të propozohen përfshijnë hapjen e një zyre konsullore në ndonjë qytet kufitar, lehtësime vizash për kategori të ndryshme qytetarësh, si dhe lehtësime për zonat kufitare.

Qytetarët e tjerë do të duhet të marrin vizat në Ambasadën e Maqedonisë në Tiranë.

Këto masa të reja janë në përputhje me një ligj të Maqedonisë për shtetasit e huaj. Ligji është i përgjithshëm, pa përcaktuar shtete specifike.

Ai nuk vlen për shtetet me të cilat Maqedonia ka marrëveshje dy palëshe të clat parashikojnë mosekzistimin e regjimit të vizave.

Para disa javësh kur ligji i ri u prezantua, pati reagime të mëdha si në Shqipëri ashtu dhe në Maqedoni.

Në përpjekje për qartësimin e pështjes të enjten në Shkup do të zhvillohet një takim i ekspertëve të ministrive të Jashtme të dy vendeve.

Pala maqedonase do të synojë që marrëveshja me propozimet e saj të pranohet dhe nga pala shqiptare e më pas të nënshkruhet gjatë takimit në Tiranë, muajin e ardshëm, mes kryeministrit shqiptar Sali Berisha dhe homologut të tij maqedonas, Gruevski.//bbc//

...shkëputje nga informacionet e djeshme:

Arshi Pipa nderohet me titullin "Qytetar nderi" i Shkodrës
Pëllumb Sulo, Shkodër
Zëri i Amerikës
28-01-2008Këshilli Bashkiak i Shkodres nderoi sot me titullin "Qytetar nderiI" profesor Arshi Pipën, duke vleresuar qëndresën e tij antikomuniste dhe kontributin në fushën e letërsisë, gjuhësise, filozofisë dhe publicistikës.

Profesor Pipa lindi në Shkodër në vitin 1920. Në 1946 ai u burgos nga regjimi komunist. Pas burgut ai u largua nga Shqipëria, për t'u vendosuir ne vitin 1958 SHBA , ku dha leksione në disa universiteti amerikane, si dhe vazhdoi veprimtarinë krijuese, atdhetare dhe antikomuniste. Ai vdiq në vitin 1997 në Uashington.

Para vdekjes, Profesor Pipa ia dhuroi biblioteken e familjes Muzeut Historik të Shkodrës, një bibliotekë kjo me 2500 objekte dhe shumë dorëshkrime. Gjithashtu, Arshi Pipa la amanet, që hiri i trupit të tij të sillej në atdhe dhe të shpërndahej në ujërat e detit Adriatik.//lk

Thaçi dhe Sejdiu po planifikojnë kremtimet pas shpalljes së pavarësisë

Lansohet debati për Kushtetutën dhe simbolet Institucionet e Kosovës lansuan të hënën debatin publik lidhur me draftin e Kushtetutës së re të vendit dhe simbolet shtetërore, veprime këto të cilat vlerësohet se do t'i paraprijnë shpalljes së pavarësisë nga Kuvendi.

Të burgosurit politikë vlerësojnë se janë lënë pas dore Caritasi italian, Ministria e Punëve të Jashtme të Italisë dhe Qendra Kosovare për Vetëpërkrahje, organizuan në Skenderaj, trajnim...

Tre persona ia vjedhin pushkën automatike KFOR-it turk në Prizren Policia rajonale në Prizren, konfirmoi të hënën se tre persona të dyshimtë në parkingun e qendrës tregtare “ETC” në Prizren...ia vjedhin pushkën automatike KFOR-it turk në Prizren.

Në veri të Mitrovicës sulmohet një taksist Zyra rajonale për informim e policisë në Mitrovicë, njoftoi të hënën se në veri të qytetit, persona deri më tani të paidentifikuar...kanë sulmuar një taksist.

Paraqiten rastet e para të pickimit nga rriqrat Gjatë javës që lamë pas, në Qendrën Kryesore të Mjekësisë Familjare (QKMF) në Malishevë, janë paraqitur dy rastet e para të pickimit nga rriqrat gjatë këtij viti, duke shënuar kështu edhe rastet më të hershme të regjistruara nga kafshimi i rriqrave.

Bashota: Mospërdorimi i librit është hendikep për lexuesin Derisa leximi i librit ka filluar të mbetet anash, zyrtarë të këtij lëmi vlerësojnë se fajtor për mos leximin e librit është bota e teknologjisë, por megjithatë ata konsiderojnë se lexueshmëria e librit duhet të kthehet.

Tirana me Çajupin në Gjilan Duke i dramatizuar fragmentet nga dy veprat e Çajupit, “Pas vdekjes” dhe “14 vjeç dhëndër”, Tirana paraqitet  para publikut gjilanas përmes shfaqjes “Kujtime nga Çajupi”...

...informacione të hapura:

Kosova mirëpret misionin e BE-së, thotë Thaçi  Kryeministri i Kosovës Hashim Thaçi, ka deklaruar se në takimin e sotëm me kryetarin Fatmir Sejdiu dhe kryeparlamentarin Jakup Krasniqi, është diskutuar për përfundimin sa më të shpejtë të procedurave dhe përgatitjeve për shpalljen e pavarësisë se Kosovës si dhe për agjendën festive. Thaçi tha se takimi i treshesh kosovare ka qenë në kuadër të takimeve të rregullta dhe ata kanë biseduar për të gjitha zhvillimet që është duke i kaluar Kosova. Se a do të përmbajë Deklarata e pavarësisë ftesën për misionin e BE-së në Kosovë, Thaçi tha se Kosova e ka mirëpritur dokumentin e presidentit Ahtisari dhe ka marrë zotimin për implementimin e këtij dokumenti që ka të bëjë edhe më mbështetjen civile ndërkombëtare dhe me prezencën e NATO-s.“Kosova çdo herë ka dërguar mesazhin që misioni i ri ndërkombëtar dhe amerikan është i mirëpritur për rolin mbështetës për institucionet e vendit”, është shprehur Thaçi, pas takimit më shefen e Zyrës çeke në Prishtinë, Janina Hrebickova.

Kuvendi i Kosovës mbanë seancën e radhës me 31 janar Seanca e radhës e Kuvendit të Kosovës do të mbahet me 31 janar. Në rend dite do të jetë shqyrtimi i kërkesave të grupeve parlamentare për përbërjen e disa komisioneve të Kuvendit si dhe caktimi i kryetarëve të tyre. Në rend të ditës do të jetë edhe kërkesa e Aleancës për Ardhmërinë e Kosovës që të kenë një përfaqësues në kryesinë e Kuvendit. “Për këtë kërkesë duhet të vendos Kuvendit me dy të tretat e votave” tha kryeparlamentari Jakup Krasniqi, pas mbledhjes së sotme të kryesisë së Kuvendit.

SHBA premton ndihmë për realizimin e projekteve në Prishtinë Qeveria Amerikane do ta ndihmojë Prishtinën në realizimin e projekteve madhore dhe në krijimin e kushteve sa më të mira për jetë për të gjithë qytetarët e saj. Kështu është shprehur sot, shefja e Zyrës Amerikane në Prishtinë, Tina Kajdanov, gjatë një vizite që i bëri kreut të komunës së Prishtinës, Isa Mustafa. Kryetari Mustafa theksoi se është ende në procesin e konsolidimit të Kuvendit Komunal duke shtuar se prioritet i komunës është infrastruktura, ndërtimi urban si dhe krijimi i hapësirës së këndshme dhe të përshtatshme për të gjithë qytetarët që jetojnë në të.
Kryetari Komunës së Prishtinës, Isa Mustafa, tha se e ka njoftuar shefen e Zyrës Amerikane në Prishtinë, Tina Kajdanov, lidhur me aktivitetet e para që po i marrin zyrtarët komunalë për konsolidimin e saj. Ai tha se është diskutuar edhe për çështjet të cilat do ta ndihmonin Komunën e Prishtinës që në mënyrë racionale dhe operative të vihet në funksion mekanizmi për zgjidhjen e problemeve prioritare. Mustafa shtoi se prioritet kryesor i tij është infrastruktura, ndërtimi urban si dhe krijimi i një hapësire më të këndshme dhe të përshtatshme për të gjithë qytetarët lidhur me zhvillimin më harmonik të komunës, duke mos përjashtuar as komunitetet.
“Kërkova edhe një përkrahje që ne të kemi bashkëpunim edhe me institucionet evropiane dhe me institucionet e tjera në mënyrë që të shfrytëzojmë fondet e mundshme për ndërtimet infrastrukturave.
Shefja e Zyrës Amerikane në Prishtinë, Tina Kajdanov, ripërsëriti gatishmërinë e Qeverisë Amerikanë në mbështetje jo vetëm të Komunës së Prishtinës por edhe të gjithë Kosovës në përgjithësi”, tha Mustafa.
Të dy bashkëbiseduesit u pajtuan që të vazhdojnë bashkëpunimin në të gjitha fushat dhe aspektet më rëndësi jetike për qytetarët e Komunës së Prishtinës.

Çekia do të jetë pjesë e vendimit evropian për të ardhmen e Kosovës Republika e Çekisë do të jetë pjesë e përkushtimeve evropiane për paqen dhe stabilitetin në Kosovë. Kështu deklaroi kryeministri Hashim Thaçi pas takimit me shefen e Zyrës Çeke në Prishtinë, Janina Hrbiçkova. Në takim u bisedua edhe për bashkëpunimin politik dhe ekonomik midis Kosovës dhe Çekisë. Thaçi deklaroi se edhe Çekia do të jetë pjesë e vendimit evropian për Kosovën. Ai tha se shefja e Zyrës së Çekisë ka konfirmuar mbështetjen e vendit të saj për paqen dhe stabilitetin në rajon.
“E informova gjithashtu për të gjitha zhvillimet që po ndodhin në Kosovë për përgatitjet përfundimtare që po bëjnë institucionet e Kosovës, për shpalljen e pavarësisë. Pas shpalljes së pavarësisë Kosova do të jetë vend i mundësive të barabarta për të gjithë qytetarët, vend i respektimit të të drejtave të minoritarëve, të drejtave të njeriut, vend i paqes dhe stabilitetit në rajon dhe integrimit dhe vizionit në të ardhmen në NATO”, tha Thaçi.
Kryeministri Thaçi dhe diplomatja çeke Janina Hrbiçkova kanë diskutuar edhe për bashkëpunimin politik dhe ekonomik të Kosovës me Republikën Çeke. Thaçi tha se këmbimi i përvojave pozitive të tranzicionit të Çekisë janë më se të nevojshme për fazën nëpër të cilën po kalon Kosova. Ndërkaq sa i përket statusit të Kosovës shefja e Zyrës Çeke tha se duhet pritur takimin e sotëm të ministrave të jashtëm të Bashkimit Evropian për të parë se si do të shkohet përpara me procesin.

Gasparoviq: Nuk ka zgjidhje që do të jetë e drejtë për dy palët Sekretari i Përgjithshëm i Kombeve të Bashkuara, Ban Ki Moon ka filluar një vizitë dy ditore në Sllovaki. Ban Ki Moon ka zhvilluar një takim jozyrtar më ministrin e jashtëm sllovak, Jan Kubish në të cilin është diskutuar dhe për Kosovën. Presidenti i Sllovakisë, Ivan Gasparoviq ndërkaq pas takimit me Kreun e OKB-së, ka deklaruar se nuk ka zgjidhje për çështjen e Kosovës që do të ishte e drejtë për të dy palët. Ai ka thënë se veprimet e Evropës në këtë periudhë janë të rëndësishme. Sllovakia është një nga vendet evropiane që ka rezerva për pavarësinë e Kosovës. Kreu i OKB-së vizitoi Slloveninë gjatë fundjavës ku tha se nuk mund të jepte miratimin për misionin evropian në Kosovë për shkak të mosmarrëveshjeve ndërkombëtare rreth kësaj çështje.

Erërat e forta dëmtojnë rrjetin distributiv të KEK-ut Erërat e forta gjatë natës së kaluar kanë shkaktuar dëme të mëdha materiale në vend. Shefi i Qendrës Operative të Emergjencave, Mahir Hasani, tha se era ka dëmtuar një shtëpi në Fushë Kosovë, afër Shkollës Fillore “Mihail Grameno”. Përderisa mu për shkak të erërave të forta ka pasur probleme të mëdha edhe në rrjetin shpërndarës energjetik të vendit. Nezir Sinani, zyrtar për Informim në Korporatën Energjetike të Kosovës, thotë se deri më tani janë raportuar 80 prishje serioze, duke bërë që furnizimi me rrymë të bëhet pa orar.

Mustafa premton se problemet e lagjes “Kodra e Trimave” do të zgjidhen shpejt Kryetari Mustafa u takua sot me përfaqësues të lagjes “Kodra e Trimave”, të cilëve u tha se shqetësimet që u janë shkaktuar atyre nga punimet që po zhvillohen në aksin rrugor Prishtinë-Podujevë do të zgjidhen brenda tre muajve. Ata kërkuan nga kryetari Mustafa që të ushtrojë më shumë kontroll ndaj kompanive që po kryejnë punimet në aksin rrugor Prishtinë-Podujevë, pasi sipas tyre këto kompani nuk janë duke i kryer punët ashtu siç duhet.

Zëri Amerikës: Ministrat e Bashkimit Evropian do të diskutojnë lidhjet me Serbinë
28-01-2008 Ministrat e jashtëm të Bashkimit Europian do të takohen sot në përpjekje për të vendosur nëse do ta nënshkruajnë  marrëveshjen e stabilizim asociimit me Serbinë.

Mjaft vende të BE-së janë në favor të nënshkrimit të shpejtë të marrëveshjes për t’u dhënë shtysë lidhjeve të Serbisë me perëndimin.

Por Hollanda dhe Belgjika nuk po bien dakord, duke thënë se Serbia nuk ka përmbushur një nga detyrimet kryesore, atë të dorëzimit të dy të dyshuarve kryesorë për krimet e luftës.

Ministri i jashtëm i Sllovenisë Dimitriji Ruppel do të drejtojë takimin e ministrave të Bashkimit Europian sot në Bruksel. Ai tha se Bashkimi Europian nuk mund të nënshkruajë Marrëveshjen e Stabilizim Asocimit me Serbinë nëse të gjithë anëtarët të bien dakort. //voa//

Sipas tij shpallja e pavarësisë së Kosovës do të duhej të bëhej mbi bazën e propozimeve të Ahtisaarit, me të cilat Kosova do të duhej të respektonte propozimet e planit, shumica prej të cilave kanë të bëjnë me mbrojtjen e komunitetit serb. Por zoti Rohan ka thënë se nuk beson që ky plan të votohet në KS të OKB-së për shkak të bllokadës ruse.

Albert Rohan ka thënë se pas shpalljes së pavarësisë së Kosovës tensionet mes Prishtinës dhe Beogradit do të rriten, meqë qeveria serbe nuk do ta njoh deklaratën.

Sipas tij veriu i Kosovës do të mund të përgjigjej me shpalljen se vazhdon të jetë pjesë e Serbisë. Rohan ka deklaruar se Kosova është rast i vecantë dhe shembulli i saj nuk mund të zbatohet në asnjë rast tjetër.

Arbër Vllahiu zhvilloi një bisedë me zotin Rohan.

BBC: Duket se plani Ahtisaari do të jetë plani kryesor për Kosovën. A do të thotë kjo se ky plan është i vetmi i zbatueshëm tash për tash?

Rohan: Nuk ka ndonjë plan tjetër dhe plani Ahtisaari në fakt ka qenë gjithnjë në tavolinë. Kishte një mbështetje të fuqishme në KS të OKB-së, pranverën e kaluar, dhe siç e dini për shkak të vetos ruse, ai nuk u votua.

Pastaj erdhi periudha shtesë e angazhimeve që nuk solli asnjë rezultat. Prandaj ky është plani i vetëm që ndodhet në tavolinë dhe i vetmi plan realist.

Nëse duhet të gjejmë zgjidhje atëherë duhet ta zbatojmë atë.

BBC: Pra është i vetmi plan i zbatueshëm. Ju po thoni se KS e ka pranuar planin…

Rohan: Jo, jo unë se thash atë. Thash se kishte një mbështetje të fuqishme në KS, por ai nuk u votua, sepse Rusia tha se do ta vendoste veton mbi të, prandaj edhe anëtarët e KS vendosën të mos votojnë për të.

Ai nuk u votua asnjëherë, por në qershor të vitit të kaluar ai u përkrah fuqishëm nga anëtarët e KS.

BBC: Pra kjo do të thotë se ky plan nuk do të votohet në KS në të ardhmen?

Rohan: Nëse Rusia mban qëndrimin e saj, dhe bëhet se ajo do ta mbaj këtë qëndrim, atëherë nuk do të ketë votim në KS.

BBC: Zoti Rohan, ju keni thënë me një rast se çereku i parë i këtij viti do të jetë vendimtar për statusin e Kosovës. A keni parë një BE të bashkuar në këtë drejtim?

Rohan: Unë e kam thënë në çerkun e parë, që nënkupton tre muajt e parë të këtij viti. Duket se BE-ja do të vendos për dërgimin e misionit në Kosovë dhe se Kosova do ta shpall pavarësinë e saj, si dhe do të pranohet nga një numër shtetesh.

Them se duket kështu, sepse nuk kam garanci se kjo do të ndodh. Por kjo duket të jetë skenari më i mundshëm.

BBC: Dhe kjo do të thotë se Kosova së shpejti do ta shpall pavarësinë e saj në Kuvend?

Rohan: Kjo është ajo që unë pres.

BBC: Dhe pastaj cka? Cili është hapi i ardhshëm?

Rohan: Atëherë vendet që duan ta njohin Kosovën do ta bëjnë këtë dhe BE-ja do të dërgojë misionin e saj të rendit dhe të ligjit në Kosovë.

Unë mendoj se shpallja e pavarësisë së Kosovës do të bëhet mbi bazën e propozimeve të Ahtisaarit që nënkupton se Kosova do të duhej të respektojë të gjitha propozimet që janë në këtë plan, e që shumica prej tyre kanë të bëjnë me mbrojtjen e grupit etnik serb në Kosovë.

BBC: Por zoti Rohan, pas shpalljes së pavarësisë së Kosovës si e shihni ju reagimin e Beogradit zyrtar në rrethanat e reja të krijuara?

Rohan: Beogradi ka thënë se do të kundërshtojë shpalljen e pavarësisë dhe me sa e kuptoj qeveria e atjeshme ka miratuar një plan të masave që do të ndërmarrë nëse një zhvillim i tillë do të ndodh.

Ky plan ende nuk është publikuar dhe nuk e dimë saktësisht se cfarë nënkupton ai.

BBC: Pra ju parashihni tensione në marrëdhëniet mes Kosovës dhe Serbisë pas shpalljes së pavarësisë?

Rohan: Me siguri, nëse Serbia nuk pranon pavarësinë e Kosovës, atëherë në fillim do të ketë tensione, megjithëse ka tensione edhe tash.

Nuk do të ndryshojë shumë gjë më vonë. Nuk do të ketë qëndrueshmëri menjëherë dhe do të ketë nevojë për një kohë.

BBC: Dhe çka me veriun e Kosovës?

Rohan: Sipas planit tonë ai është pjesë e Kosovës dhe do të jetë pjesë e sistemit të decentralizuar të administrimit që nënkupton se komunat në veri do të mund të udhëheqin vetë punët e tyre.

Ne nuk e dimë se cili do të jetë bashkëpunimi i këtyre komunave me bashkëinë ndërkombëtare, apo ndoshta mungesë të bashkëpunimit dhe kjo pritet të shihet.

BBC: Dhe a mund të shohim ndonjë ndarje ose shpallje të pavarësisë së pjesës veriore nga pjesa tjetër e Kosovës?

Rohan: Nuk e besoj se pavarësia është ajo që veriu e do. Veriu do të shpall se vazhdon të jetë pjesë e Serbisë.

Por sipas Beogradit e gjithë Kosova duhet të jetë pjesë e Serbisë dhe unë nuk shoh ndonjë shpallje të pavarësisë të veriut dhe as ndarje sepse ndarja është kundërshtuar nga bashkësia ndërkombëtare.

BBC: Por nëse Kosova shpall pavarësinë e saj atëherë a mund të shohim një efekt domino në pjesët e tjera të Ballkanit dhe pse jo edhe në vende të tjera në përgjithësi?

Rohan: Bashkësia ndërkombëtare dhe BE-ja e kanë bërë të qartë se Kosova është një rast i posacëm, dhe se nuk ka ngjashmëri me asnjë cështje tjetër në Ballkan ose diku tjetër dhe se nuk mund të merret si precedent.

Edhe nëse ndonjë entitet do të përdorte shembullin e Kosovës ai nuk do të pranohej nga bashkësia ndërkombëtare. Prandaj nuk mendoj se do të ketë një efekt domino.//bbc//

Kosovë: Policia përgatit plan veprimi për të garantuar sigurinë
Policia e Kosovës ka përgatitur një plan veprimi për të garantuar sigurinë ndërkohë që Kosova ecën drejt pavarësisë. Plani, i quajtur  Operacioni Status, synon ruajtjen e qetësisë në rastin e ndonjë shtimi të tensioneve, si dhe parandalimin e kërcënimeve nda sigurisë.

Mbrojtja e jetës së qytetarëve, e pronës dhe e trashëgimisë kulturore janë vetëm disa nga aspektet kryesore të planit.

Operacioni bashkon policët shqiptarë dhe serbë të Kosovës në përpjekjet për të goditur krimin.

Një prej çështjeve kryesore është gjendja në zonat me popullatë serbe dhe të përzier ku tensionet mund të rriten pasi pakica serbe është kundër pavarësisë së Kosovës.

"Ne do të kemi forca policore ruajtjeje në ato zona që konsiderohen si të nxehta,” thotë zëdhënësi i policisë së Kosovës, Veton Elshani. "Këto pika të nxehta mendohet se janë më tepër në zonat me popullatë serbe dhe policia do të jetë më vigjilente atje sepse detyra jonë është të ruajmë rendin publik, të mbrojmë jetën dhe pronën e qytetarëve të Kosovës kudo që janë,” tha ai.

Prania e policisë mund të shihet lehtë në Lipjan. Policët aty patrullojnë, inspektojnë makinat dhe njerëzit brenda tyre si dhe flasin me banorët vendas.

"Tani jemi në një periudhë të brishtë por shpresoj se serbët nuk do të vendosin të largohen kur të merret vendimi. Nëse serbët largohen, edhe unë do të iki, por tani do të punoj dhe do të jem pjesë e asaj për të cilën kemi nënshkruar." thote Tatjana Milicevic.  

"Patrullat e përziera funksionojnë shumë mirë dhe kanë sukses. Ne flasim në të dyja gjuhët dhe njerëzit na besojnë më shumë, sidomos në zonat ku shqiptarët dhe serbët jetojnë së bashku”, thotë  Valdet Morina.

Ndërkohë, pritet që KFOR-i, forca paqeruajtëse nën drejtimin e NATO-s, të përforcohet në javët e ardhëshme për t’u përballur me tensionin në rritje ndërkohë që Kosova shkon drejt pavarësisë.

NATO-ja ka njoftuar se 560 paqeruajtës italianë do të arrijnë në Kosovë në fillim të shkurtit. Sipas planeve, kontingjenti italian do të qendrojë 1 muaj duke filluar nga 4 shkurti. Trupat e tjera do të vendosen në pjesët qendrore dhe veriore të Kosovës. Në Kosovë ka 16 mijë forca të NATO-s si dhe një forcë policore prej 7 mijë vetësh. //voa//

Sipas raportit dëmi është shkaktuar nga shkelja e proçedurave dhe shmangia nga taksat në një segment të rrugës që do të lidhë Durrësin me Prishtinën.

Kohë më parë për këtë segment rrugor ka nisur hetimet edhe Prokuroria e Përgjithshme.

Lidhur me këtë çështje Kuvendi i Shqipërisë votoi pro heqjes së imunitetit parlamentar të ish-ministrit të transportit, Lulzim Basha, aktualisht ministër i jashtëm.

Opozita kërkoi më ngulm heqjen e imunitetit të tij duke e akuzuar për korrupsion.

Z.Basha pranoi heqjen e imunitetit të tij ndërsa tha se akuzat ishin politike.

Shtypi në Tiranë mëngjesin e së hënës citon pjesë të raportit ku thuhet se disa volume pune në kontrata janë përcaktuar apriori dhe disa prej tyre janë të fryra, si pasojë e mungesës së projektit të zbatimit.

Për pasojë, sipas raportit të KLSH-së, ka një rritje fiktive në vlerë që shkon në 52 milionë euro.

Po sipas këtij raporti, shteti shqiptar humb 49 milionë dollarë nga shmangia që është bërë nga taksat dhe mosrespektimi i ligjeve në fuqi. //bbc//

Ambasada amerikane në Lubjanë nuk komenton shkrimet e gazetës “Dnevnik”
Lubjanë, 26 janar 2008
Ambasada amerikane në Lubjanë nuk ka dashur të komentojë autentitetin e dokumentit intern të Ministrisë së Jashtme të Sllovenisë, sipas të cilit, ashtu siç ka shkruar gazeta lubjanase “Dnevnik” dhe “Politika” e Beogradit, funksionarët amerikanë dhe ata sllovenë në dhjetor kanë punuar në planin për koordinimin e shpalljes së pavarësisë së Kosovës.

ANSA: Misioni i BE-së, pas pavarësisë Misioni i BE-së nuk do të dërgohet para shpalljes së pavarësisë së Kosovës, shkruan agjencia italiane e lajmeve ANSA, duke iu referuar burimeve diplomatike brenda BE-së, të cilët theksuan se shpallja e pavarësisë do të ndodhë në gjysmën e dytë të muajit shkurt ose në fillim të marsit.

Presidenti Topi takohet me kryeministrin Thaçi Presidenti i Shqipërisë, Bamir Topi, në ditën e dytë të qëndrimit në Kosovë, do të takohet të shtunën me kryeministrin Hashim Thaçi, si dhe do të bëjë homazhe te varrezat e familjes Jashari në Prekaz. Kreu i shtetit shqiptar po sot nga komuna e Prishtinës do të shpallet qytetar nderi.

Monk: Elementi kryesor i sigurisë është bashkëpunimi në mes komunitetit civil dhe policisë Në bashkëpunim me Asociacionin e Komunave dhe policisë, të premten në “Hotel Palace” në Mitrovicë u mbajt takimi mes kryetarëve të komunave të Kosovës dhe drejtuesve të lartë të policisë, ku u diskutua për gjendjen aktuale të sigurisë në vend, rreth zhvillimeve në SHPK, si dhe vazhdimin e bashkëpunimit ndërmjet policisë dhe pushteti lokal.

30 familje bëjnë jetë të vështirë në Jetimoren e Mitrovicës Familja treanëtarëshe e Asllan Zukës, nga pjesa veriore e Mitrovicës, tash e tetë vjet jeton në objektet e Jetimores së qytetit, në kushte të vështira. I vetmi burim i mbijetesës është pensioni i parakohshëm i kryefamiljarit- Asllanit, prej 50 eurove, si ish-minator i ndërmarrjes “Trepça”.

Presidenti Topi filloi vizitën treditëshe në Kosovë Presidenti i Republikës së Shqipërisë, Bamir Topi, mbërriti të premten në mëngjes në aeroportin e Prishtinës, duke filluar kështu vizitën e tij të parë në Kosovë në cilësinë e kreut të shtetit shqiptar, siç ka deklaruar, në një kohë vendimtare dhe historike për Kosovën dhe shqiptarët.

Topi: Kosova dhe Shqipëria bëhen bashkë në familjen evropiane Pavarësia e Kosovës është premisë për stabilitetin e rajonit dhe dy vendet tona, të ardhmen e përbashkët e kanë në familjen e vendeve evropiane, tha të premten në Prishtinë, Presidenti i Shqipërisë, Bamir Topi, duke u shprehur i bindur se me shpalljen e pavarësisë nuk do destabilizohet vendi, sepse populli i Kosovës, sipas tij, është i matur.

I vetmi problem për doganierët është kontrolli i kufirit në veri Zyrtarë të Shërbimit Doganor të UNMIK-ut, përkundur problemeve për kontrollin e kontrabandës së mallrave në kufirin në veri të vendit, vlerësuan se viti 2007 shënohet si viti më i suksesshëm i doganave, duke shënuar shifrat më të larta të të hyrave nga pikat doganore, gjithsejtë 526.9 milionë euro dhe rritje të dukshme të eksportit të mallrave në 97milionë euro.

Infrastruktura e dobët po i pengon shkëmbimet tregtare me Shqipërinë Përfaqësues të komunitetit të biznesit të Kosovës dhe Shqipërisë, të premten në Prishtinë, vlerësuan se shkëmbimi tregtar mes dy vendeve nuk është as për së afërmi në masën që duhet të jetë dhe kjo është si pasojë e mungesës së infrastrukturës.

MASHT-i dhe komunat koordinohen për zgjerimin e hapësirave shkollore Ministri i Arsimit, Shkencës dhe Teknologjisë (MASHT), Enver Hoxhaj, të premten, në një takim me kryetarët e komunave të Kosovës, u pajtua me këta të fundit, për bashkëpunim në zgjerimin e hapësirave shkollore në vend.

Pesë qytetarë lëndohen në një aksident ku u përfshinë tri vetura Pesë qytetarë janë lënduar në një aksident trafiku, që ka ndodhur në afërsi të fshatit Ranilluk, në magjistralen Dardanë–Gjilan...

Armata maqedonase rrit gatishmërinë në prag të pavarësisë së Kosovës Presidenti i Maqedonisë, Branko Crvenkovski, tha të premten në Shkup se Armata e Republikës së Maqedonisë (ARM)rrit gatishmërinë në prag të pavarësisë së Kosovës...

...info...hapur:

OKB dhe BE në konsultime për Kosovën
 Sekretari i përgjithshëm i Kombeve të Bashkuara Ban Ki Mun, sot pasdite mbërrin për vizitë zyrtare në Slloveni, vendin kryesues të Bashkimit Evropian. Temë kryesore e bisedimeve do të jenë paralajmërimet për shpallje të pavarësisë së Kosovës dhe dërgimi i misionit civil evropian atje, shkruan gazeta “Dnevnik” e Lubjanës. Njeriu i parë i organizatës botërore do të takohet me kryeministrin slloven Janez Jansha, me kryetarin Danillo Tyrk dhe me përfaqësues tjerë shtetërorë.

Plani i Ahtisarit eviton jostabilitetin në rajon, thotë Casey
Mbështetja për planin e Ahtisarit është rruga për të evituar jostabilitetin dhe shpërthimin e dhunës në rajon, ka deklaruar mbrëmë zëdhënësi i Departamentit të Shtetit Tom Casey. I pyetur nga gazetarët për të komentuar nënshkrimin e marrëveshjes për energjinë ndërmjet Rusisë dhe Serbisë, Casey ka thënë se nuk është i informuar për hollësitë e kësaj marrëveshje, por se të dy vendet janë të lira të nënshkruajnë një marrëveshje të tillë.

Putin kategorik kundër pavarësisë së Kosovës
 Presidenti i Rusisë Vladimir Putin në mënyrë kategorike kundërshton pavarësinë e Kosovës. Deklarata u bë pas takimit mes shefit të Kremlinit dhe presidentit e kryeministrit të Serbisë, Boris Tadiq e Voislav Koshtunica. Para takimit Tadiqi e kishte falenderuar Rusinë për mbështetjen që i ka dhënë Beogradit lidhur me Kosovën.
Putin dhe Tadiq morën pjesë në nënshkrimin e marrëveshjes dypalëshe në fushën energjetike. Marrëveshja ka një vlerë prej miliarda dollarësh dhe parasheh kalimin nga Serbia të gazsjellësit dhe shitjen kompanisë shtetërore energjetike serbe.
E përditshmja ruse "Komersant" shkruan se Beogradi ka siguruar mbështetjen e Moskës për Kosovën duke u pajtuar me ujdinë që Rusisë i ofron kontroll në asetet energjetike të Serbisë me kushte shumë të volitshme.
Me titullin "Gazi në këmbim për Kosovën" gazeta pohon se liderët serbë gjatë qëndrimit në Moskë do të japin pëlqimin e marrëveshjes për gazin, por njëkohësisht do të pajtohen për aksionet në rast të shpalljes së pavarësisë së Kosovës.
"Parimisht Rusia është e gatshme të mbështetë Beogradin, duke përfshirë edhe kundërmasa si përgjigje për veprimet e njëanshme të udhëheqjes së Kosovës", konkludon "Komersant".

Di Carlo: SHBA kërkon zgjidhje sa më të shpejt të statusit të Kosovës
Zëvendësndihmëssekretarja amerikane e shtetit Rozmari DiKarlo tha sot në Prishtinë se Shtetet e Bashkuara të Amerikës janë të përkushtuara për një zgjidhje të shpejtë për Kosovën. Pas një takimi me Presidentin e Kosovës, Fatmir Sejdiu, Di Karlo tha se plani i Ahtisaarit është rruga më e mirë, ndërsa ka nënvizuar se sekretarja Rajs po diskuton çështjen e Kosovës me aleatët evropianë, në mënyrë që statusi të zgjidhet sa më shpejt që të jetë e mundur. Zëvendësja e ndihmës sekretarit të shtetit Rozmari Di Karlo ka shprehur përkushtimin e Shteteve te Bashkuara për një zgjidhje të shpejtë për statusin e Kosovës. "Dua ta qartësoj pozicionin e SHBA së për këtë çështje. Ne kemi thënë vazhdimisht se nëse nuk arrihet ndonjë marrëveshje mes dy palëve atëherë plani i Ahtisaarit është rruga më e mire përpara dhe statusi i Kosovës duhet të zgjidhet sa më shpejtë, që të jetë e mundur. Sekretarja Rajs e ka bërë të qartë në Berlin në fillim të kësaj jave se ajo vazhdon të diskutojë këtë çështje me aleatët tonë evropianë dhe ne besojmë se kjo çështje duhet të zgjidhet në atë mënyrë që promovon stabilitet afatgjatë në rajon", tha zonja Di Karlo, e cila është duke qëndruar për një vizitë në kohën kur liderët e Kosovës janë duke thënë se "shpallja e pavarësisë tashmë është çështje ditësh". E pyetur nëse ka pengesa tjera për shpalljen e pavarësisë përveç zgjedhjeve serbe, diplomatja amerikane ka përsëritur se çështja e statusit është duke u diskutuar me evropianët. "Do të them atë që sapo thashë se sekretarja Rajs është duke vazhduar, që të diskutojë këtë çështje me aleatët evropianë, me liderët kosovarë. Ne në të vërtetë, besojmë se çështja e statusit të Kosovës duhet të zgjidhet dhe ne duam ta zgjidhim në atë mënyrë që promovon stabilitet në rajon", tha zonja Di Karlo. Në anën tjetër, Presidenti i Kosovës, Fatmir Sejdiu ka falënderuar shtetin amerikan për mbështetjen, që po i jep pavarësimit të vendit. Presidenti Sejdiu është zotuar se Kosova do të vazhdojë t'i përmbahet premtimeve për krijimin e një shteti për të gjithë qytetarët. "Kemi një përkushtim të veçantë në zotimin tonë se mbesim besnikë asaj që i kemi thënë edhe për projektin Ahtisaari edhe për të gjitha qasjet tona që kanë të bëjnë me komunitete në Kosovë, Kosova do të jetë shtet demokratik i ët gjithë qytetarëve, që do të gravitojë shumë shpjet ne integrimet euroatlantike, një vizo i yni i qartë për zhvillimet e mëtejme dhe një Kosovë që do të jetë faktor i rëndësishëm i prodhimit të stabiliteti bashkë me vendet tjera të rajonit", tha Sejdiu. Diplomatja e lartë amerikane ka përgëzuar institucionet për zgjedhjet e fundit, sikurse edhe për përfshirjen e komuniteteve pakicë në qeverisje. "Jam e kënaqur të shoh se qeveria e re, liderët e Kosovës kanë arritur, që t'i përfshijnë në qeveri komunitet joshqiptare të Kosovës , jam e kënaqur që liderët kanë ripërsëritur përkushtimin e tyre për planin e Ahtisaarit dhe zbatimit të dispozitave të tij", tha zonja Di Karllo. Gjatë ditës, Di Karlo ka takuar edhe kryetarin e Kuvendit të Kosovës Jakup Krasniqin.

Kryeministri Thaçi viziton sot selinë e NATO-s  Kryeministri i Kosovës, Hashim Thaçi, sot viziton selinë e NATO-s ku do takohet me Sekretarin e Përgjithshëm të Aleancës Jaap De Hoop Scheffer. Gjendja në Kosovë dhe angazhimi aktual dhe në të ardhmen i NATO-s do jenë në qendër të takimit. Dje kryeministri i Kosovës u takua me zyrtarët e lartë evropianë, Javier Solana dhe Oli Rehn.
Pas takimeve zyrtarët evropianë nuk kanë pranuar të flasin as për data dhe as për afate për shpalljen e pavarësisë. Ndërkaq Thaçi theksoi se shpallja e pavarësisë do të ndodhë shumë shpejt dhe priten vetëm disa aspekte procedurale.

Topi: Kosova para momentit historik të shpalljes së pavarësisë
 Presidenti i Republikës së Shqipërisë, Bamir Topi deklaroi në Prishtinë se Kosova gjendet para një momenti historik dhe se institucionet vendore do të shpallin pavarësinë në harmoni me faktorin ndërkombëtar dhe në kohën kur ato konsiderojnë se është e arsyeshme. Ai pohoi se Shqipëria do të jetë ndër vendet e para që do të njohë pavarësinë e Kosovës. Topi tha se Kosova duhet të jetë bashkësi e të gjithë qytetarëve të saj. Ai shfaqi shpresën se edhe Serbia do të ecë rrugës që çon në familjen e vendeve evropiane dhe se ajo nuk do të mbetet peng i skenarëve ultranacionalistë. Presidenti shqiptar është takuar me Presidentin e vendit, Fatmir Sejdiu,i cili ka falënderuar Presidentin Topi, për angazhimet e Shqipërisë lidhur më cështjen e Kosovës. Presidneti Topi është takuar edhe me shefin e UNMIK_ut, Joakim Ryker, ndërkaq, duke iu drejtuar deputetëve në një seancë solemne në Kuvendin e Kosovës, ka thënë se vetëm një Kosovë e pavarur dhe brenda kufijve të saj të pranueshëm është parakusht për t’u shkëputur nga e kaluara e rajonit. /rtk/

bbc:Topi: Kosova e pavarur, stabilitet për Ballkanin
Presidenti i Shqipërisë, Bamir Topi, tha në Prishtinë se pavarësia e Kosovës do të jetë një premisë e rëndësishme për stabilitetin definitiv të Ballkanit.
Pavarësia e Kosovës do t'a lirojë Serbinë nga e kaluara
Ai tha se Kosova ndodhet në një moment historik kur institucionet vendore do të shpallin pavarësinë.
Pas takimit me shefin e UNMIK-ut, Joachim Reucker, presidenti shqiptar tha se Tirana zyrtare do të kontribuojë me mesazhe paqe në zgjidhjen e statusit të Kosovës dhe vuri theksin në nevojën për mbrojtjen e pakicave.
Zoti Topi, në vizitën e tij të parë zyrtare në Prishtinë në cilësinë e presidentit, tha se pavarësia e Kosovës do t'a lirojë Serbinë nga e kaluara dhe do t'a orientojë drejt perspektivës evropiane.
"Unë besoj që dalja dhe largimi në mënyrë definitive nga skenarët e luftës do të bëjë që edhe vet Serbia të futet në rrugën e modernizimit të mendimit në radhë të parë që të ardhmën e saj ta shikojë në familjen evropiane dhe të mos mbesë peng i skenareve ultranacionaliste që i kanë krijuar shumë dëm shoqërive të Ballkanit", tha presidenti Topi.
Presidenti shqiptar theksoi se, megjithë dëshirën e madhe që ka, Shqipëria nuk do të jetë vendi i parë që do të njohë pavarësinë e Kosovës.
Kjo në funksion të ruajtjes së marrëdhënieve të mira me faktorin ndërkombëtar dhe qetësisë rajonale.
"Ne edhe për shkak të asaj delikatese që mund të merret në konsideratë si pozicion i Shqipërisë ndaj Kosovës, ne do të jemi nga të parët, por jo të parët, por me zemër e shpirt sigurisht që ne jemi të parët (që do ta njohim pavarësinë e Kosovës)", u shpreh në Prishtinë, presidenti i Shqipërisë, Bamir Topi.
Bashkë me të në Kosovë po qëndron edhe një delegacion 100 anëtarësh nga Tiranë.
Delegacioni që po shoqëron presidentin Topi, përbëhet nga anëtarë të kabinetit qeveritar, parlamenti, anëtarë të opozitës, përfaqësues të pushtetit lokal, të shkencës, akademisë, biznesit, kulturës e medias.
Në ditën e parë të vizitës presidenti shqiptar Bamir Topi, do të shpallet qytetar nderi i Prishtinës dhe do të dekorohet me çmimin "Doctor Honoris Causa".
Ky çmim jepet nga Universiteti i Prishtinës për personalitetet që kanë dhënë kontribut në ruajtjen e paqes dhe të sigurisë dhe kanë merita të veçanta në avancim të dijes.
Për nder të tij Kuvendi i Kosovës ka organizuar seancë solemne, ku presidenti Topi iu është drejtuar qytetarëve.
Vizita e zotit Topi në Kosovë bëhet me ftesë të shefit të UNMIK-ut, Joachim Reucker, dhe presidentit Fatmir Sejdiu.
Moment historik
Ajo realizohet në një moment historik për të ardhmen e Kosovës, në prag të shpalljes së pavarësisë.
Diplomatë nga Tirana dhe Prishtinë thonë se vizita e presidentit Topi në Kosovë flet për një realitet të ri të marrëdhënieve midis Shqipërisë dhe Kosovës si dy shtete shumë të rëndësishme në rajonin e Ballkanit.
Analistët ndërkaq vlerësojnë se Shqipëria ka luajtur një rol shumë të rëndësishëm në procesin e pavarësimit të Kosovës./bbc/

Al Kaida kërcënon me vrasje Braunin dhe Blerin
Rrjeti terrorist i Al Kaidas ka kërcënuar me sulme vetëvrasëse kryeministrin britanik, Gordon Broun dhe paraardhësin e tij, Toni Bler, nëse Londra nuk tërheq trupat nga Afganistani. Lajmi u bë i ditur nga një agjenci private që merret me çështjet e sigurisë.

...shkëputje nga informacionet e djeshme:
Zeri Amerikës: BE-ja shpreson të nënshkruajë një marrëveshje me Serbinë
Sllovenia, që mban presidencën e radhës së Bashkimit Evropian thotë se shpreson të nënshkruajë brenda disa ditësh një marrëveshje për lidhje më të ngushta me Serbinë. Ministri i Jashtëm i Sllovenisë, Dmitrij Rupel, tha se Evropa duhet ta ndihmojë Serbinë sa më shumë që të jetë e mundur, ndërkohë që ajo përpiqet për t’u anëtarësuar në Bashkimin Evropian. Zoti Rupel foli sot për këtë çështje në Vienë në një takim të OSBE-së.Zoti Rupel i bëri këto komente ndërkohë që Evropa po përpiqet të zbutë tesionin diplomatik me Serbinë lidhur me çështjen e Kosovës.Në Bruksel, Kryeministri, Hashim Thaçi tha se shpallja e pavarësisë së Kosovës është çështje ditësh. Ai tha se tani mbeten për t’i përfunduar procedurat përkatëse.Diplomatët perëndimorë shpresojnë që përfitimet nga anëtarësimi i Serbisë në Bashkimin Evropian do ta bëjnë atë të heqë dorë nga kundërshtimi për pavarësinë e Kosovës.

Festivali i Dramës Shqipe nisi me shfaqjen “Darka Publike”Manifestimi kulturor tradicional, “Flaka e Janarit 2008”, i cili nisi më 11 janar, tashmë ka hyrë në pjesën e dramës, përkatësisht Festivalin e Dramës Shqipe “Talia e Flakës”, të cilin mbrëmë e hapi Teatri Kombëtar i Gjilanit, me shfaqjen “Darka Publike”, sipas tekstit të Teki Dervishit e në regji të Agim Selimit.
   Shtatë teatro nga Kosova, Maqedonia e Shqipëria, do të jenë pjesë e “Flakës së Janarit 2008”, gjegjësisht e pjesës dramatike, “Talia e Flakës”, premtojnë anëtarët e Bordit Organizativ të këtij manifestimi shumëkulturor gjithëkombëtar, i cili nisi më 11 janar, me shënimin e ditës së kazermës “Rexhep Mala e Nuhi Berisha”.

Përkujtohen dëshmorët Jusuf e Bardhosh Gërvalla dhe Kadri Zeka Në Shtutgart të Gjermanisë, në organizim të Unionit Artistik të kombit shqiptar për diasporë, u mbajt akademia përkujtimore kushtuar 26-vjetorit të rënies së dëshmorëve të kombit Jusuf e Bardhosh Gërvallës dhe Kadri Zekës.

Medenica kërkon përfundimin e hetimeve për krimet e luftës në Mal të ZiKryetarja e Gjykatës Supreme të Malit të Zi, Vesna Medenica, ka urdhëruar gjyqtarët të përfundojnë hetimet për krimet e luftës deri më 1 maj të vitit 2008.

...informacione të hapura:

Shpallja e pavarësisë është vetëm çështje ditësh, thotë Sejdiu  Presidenti i Kosovës, Fatmir Sejdiu, thotë për BBC-në se shpallja e pavarësisë është vetëm çështje ditësh. Zoti Sejdiu tha se është përgatitur çdo gjë për shpalljen e pavarësisë në koordinim me faktorin ndërkombëtar. “Mund të them që ka kohë që jemi në koordinim dhe kjo është kohë e gjatë. Them edhe për proceset e rëndësishme që kemi filluar, por edhe rreth çështjes së përfundimit të procesit të statusit politik të Kosovës.

Thaçi takon sot zyrtarët e lartë të BE-së, Havier Solana dhe Oli Rehn
 Kryeministri Hashim Thaçi, do të takohet sot në Bruksel me shefin e diplomacisë së Bashkimit Evropian, Havier Solana dhe komisionerin për Zgjerim, Oli Ren. Ren ka deklaruar në Bruksel se me kryeministrin Thaçi do të bisedojë për “zgjidhjen e koordinuar” të statusit të Kosovës, me ç’rast ai, do t’ia paraqes Thaçit propozimin e tij për këtë proces. Po ashtu, Ren ka thënë se “BE-ja është e angazhuar për një proces të harmonizuar të përcaktimit të statusit të Kosovës sepse, sipas tij, kjo është, para së gjithash, çështje evropiane.

Kuchner: Në shkurt ose në mars Evropa do të flasë me një zë për Kosovën
 Shefi i diplomacisë franceze Bernar Kushner ka deklaruar se "Franca dhe Gjermania rreth Kosovës janë të një mendimi". "Është me rëndësi që në çështjen e Kosovës jemi unikë. Të presim e të shohim se kush do të fitojë në raundin e dytë të zgjedhjeve presidenciale në Serbi. Një gjë është e sigurt: në shkurt ose në mars Evropa do të flasë me një zë", ka thënë Kushner në një intervistë dhënë gazetës gjermane "Zydojçe cajtung". I pyetur se a do të thotë kjo që në shkurt ose në mars Kosova do të njihet si shtet i pavarur, Kushner nuk është përgjigjur në mënyrë direkte. Në pyetjen tjetër nëse pavarësia e Kosovës po vjen tepër vonë, Kushner ka thënë se për këtë nuk dëshiron të flasë, por ka shtuar se do të presë të kryhen zgjedhjet presidenciale në Serbi dhe atëherë do të shihet.

SHBA: Është koha të ecim… me pavarësinë e mbikëqyrur
 Politika e SHBA është e qartë lidhur me statusin e Kosovës, një qëndrim ky i përsëritur nga podiumi i politikës së jashtme amerikane pothuajse çdo javë në vitin e fundit, qëndrim që tani sa vjen e dinamizohet duke kërkuar ecjen përpara me fillimin e jetësimit të pavarësisë së mbikëqyrur të Kosovës. Washingtoni bashkë me shumë vende të bashkësisë ndërkombëtare besojnë se, pas bisedimeve të shteruara të udhëhequra nga i dërguari i posacëm i OKB, z. Ahtisaari, si dhe ato disamuajshe të udhëhequra nga treshja ndërkombëtare, tani është koha për zgjidhjen e statusit."Meqenëse palët qe e pamundur të arrinin një marrëveshje, ne besojmë se është e përshtatshme dhe është koha të ecim përpara me zbatimin e planit Ahtisaari, përfshirë pavarësinë e mbikëqyrur të Kosovës", tha dje në Washington zëdhënësi i Departmentit Amerikan të Shtetit, Tom Casey. Ai po ashtu ka theksuar se në SHBA po zhvillojmë bisedime të vazhdueshme me të gjitha palët, si në OKB ashtu edhe me të tjerët, për të gjetur mënyrën më të mirë për jetësimin e planit Ahtisaari. Zëdhënësi Casey më tej ka nënvizuar se ishte një kënaqësi që si qeveria serbe ashtu edhe zyrtarët e Kosovës kanë deklaruar se refuzojnë dhe do të përmbahen nga çfarëdo lloj dhune, në këtë fazë të ndjeshme, vendosëse për statusin. /s.gashi/rtk/

Gjenerali Davoren beson se ngjarjet në Kosovë do të zhvillohen qetësisht Komandanti i Brigadës Shumëkombëshe të Lindjes (BSHL), gjenerali amerikan, John Davoren, tha të mërkurën në Gjilan, se beson se ngjarjet në Kosovë do të zhvillohen qetë.

Ndërmarrja “Toka Bujqësore” shitet për mbi 12 mil. €Agjencia Kosovare e Mirëbesimit (AKM), të mërkurën bëri hapjen e ofertave të rrethit të 30 të privatizimit, me ç’rast u bë privatizimi i 8 ndërmarrjeve, ndërsa ofertuesi P25 ofroi çmimin më të lartë prej 12.345.000 euro për ndërmarrjen “Toka bujqësore”, në Shkabaj.

Rektori Hasani merr mbështetje nga përfaqësuesit e lartë të vendit Kryetari i Kosovës, Fatmir Sejdiu, kryeparlamentari Jakup Krasniqi dhe kryetari i komunës së Prishtinës, Isa Mustafa të mërkurën i premtuan rektorit....mbështetje.

Komuna e Gjakovës ndihmon familjet që pësuan tragjikisht nga zjarret Komuna e Gjakovës, ndihmoi me 500 euro familjen Smaqi, një anëtar i së cilës humbi jetën si pasojë e djegies së shtëpisë si dhe me 700 euro familjen Gutaj...

Fillon aksioni për lirimin e trotuareve në Gjakovë Eliminimi i të gjitha pengesave në trotuare që pengojnë lëvizjen e lirë të qytetarëve ka filluar të mërkurën...

Ende i paqartë fati i pushimores kosovare në Plazhin e Madh Çështja e pushimores së punëtorisë kosovare, e ndërtuar në fillim të vitit 1980 në Plazh të Madh të Ulqinit, ka mbetur pezull.

Gjendet i vdekur aktori Hith Llexher
    Është gjetur i vdekur në apartamentin e tij në Nju Jork, aktori australian, Hith Llexher.
Personiu i parë që e vërejti të vdekur ishte mirëmbajtesja e  banesës së tij. Ende pritet që pas autopsisë mjeksore te gjenden shkaktaret e vdekje se tij.
Mendohet se doza e terpërt e tabletave të gjumit ka shkaktuar vdekjen e aktorit 28 vjeçar.
Nevojiten së paku 10 ditë hulumtime për plotesimine ekzaminimeve medicinale.

Adhuruesit e tij kan ndezur qirinj dhe kan vënë lule të freskëta të mërkurën para nderteses së apartamentit të në lagjen SoHo të Manhattan-it .
Në diten e vdekjes se tij gruaja e tij me te bijen 2 vjeçare gjendej ne Suedi në xhirim te një filmi. Me te marrur lajmin e vdkjes përbashkshortin e saj nderpret xhirimin pa folur me asnjeren nga koleget dhe kolege e saj dhe menjiherë niset për në SHBA.
    Mel Gibson tha se kam patur shpresa te mdhaja në talentin dhe punen e tij është tragjike vdekja e tij ne moshen e re. Llexher la pas vetes një numer filmash në të cilë realizoi role te karaktereve te ndryshme .Mbahet mend me lojen e tij të shkelqyer krahas vendasit të tij të famshem Mel Gibson në  filmin "Patriot" , ndersa për aktrimine kauboit hom,oseksual në "Brokeback Mountain." fitoi shperblimin aktori më i mirë./ereniku/

Një banor i Suhadollit vari veten me litar V.Miljekovic 62 vjeç, është gjetur i varur në litar në një objekt ndihmës të shtëpisë së tij në fshatin Suhadoll të Mitrovicës...

Opozita e Ulqinit kërkon dorëheqjen e ministrit Fuad Nimani Lideri i opozitës së Ulqinit, Nazif Cungu, kryetar i Forcës së re Demokratike, që është edhe partia më e madhe nacionale e shqiptarëve në Mal të Zi...kërkon dorëheqjen e ministrit Fuad Nimani.

Mbrojtja kërkon që Haradinaj të shpallet i pafajshëm Avokati mbrojtës i ish-kryeministrit Ramush Haradinaj, Ben Emerson, të martën ka hedhur poshtë të gjitha pikat e akuzës dhe argumentet e prokurorit Dejvid Rej për të ashtuquajturën ndërmarrje e përbashkët kriminale, duke thënë se prokuroria ka paraqitur sajime të gabuara, andaj ka kërkuar që Haradinaj të shpallet i pafajshëm.

Vazhdojnë bisedimet për çështjen e emrit të Maqedonisë Në Shkup po vazhdojnë bisedimet për çështjen e emrit të Maqedonisë ku ndërmjetësi i Kombeve të Bashkuara, Metju Nimic, do të takohet sot me autoritetet më të larta të vendit. Meqë në takimin e djeshëm negociatorët nuk arritën ndonjë marrëveshje rreth emrit të Maqedonisë, Nimic tha se “të dy palët janë ende të gatshme për të gjetur një zgjidhje”.

Vazhdon rënia e bursave në botë nga frika e një krize financiare Çmimet e aksioneve në Azi dhe Australi ranë sot ndjeshëm, pas humbjeve të mëdha që pësuan dje bursat kudo në botë për shkak të frikës së një recesioni në ekonominë amerikane. Të gjitha indekset e çmimeve në bursat aziatike u hapën me humbje, nga 4 deri në 6 përqind. Kreu i Fondit Monetar Ndërkombëtar, Dominik Shtraus Kan, e quajti gjendjen serioze dhe tha se të gjitha vendet e zhvilluara po vuajnë si pasojë e ngadalësimit të ekonomisë amerikane.

...informacione të hapura:

Rice: Evropianët të mos shtyjnë vendimet e vështira për statusin e Kosovës
 Sekretarja amerikane e Shtetit, Condoleezza Rice ka kërkuar nga aleatët evropianë të mos tërhiqen nga vendimet e vështira rreth planeve për pavarësinë e Kosovës. Rice i tha gazetarëve se nevojitet "një mirëkuptim i qartë" dhe një qëndrim i përbashkët rreth kohës për përcaktimin e statusit të Kosovës. Kjo çështje, tha Rice do diskutohet dhe në takimin e pesë vendeve anëtare të Këshillit të Sigurimit plus Gjermaninë që janë mbledhur në Berlin.
"Ka rreziqe nëse vazhdojmë të presim për të bërë atë që është e nevojshme, zgjidhjen e statusit të Kosovës", tha Rice për gazetarët.
"Mendoj se është mirë të presim rezultatin zgjedhjeve në Serbi. Por kemi arritur në një pikë që duhet të marrim vendime të vështira, derisa shtyrja nuk i bën më të lehta këto vendime", shtoi Rice.
Shtetet e Bashkuara, Gjermania dhe një numër vendesh i druhen rrezikut nga vakumi që mund të krijohet nëse Bashkimi Evropian nuk vepron shpejt në njohjen e Kosovës pas shpalljes së pavarësisë. Një numër shtetesh evropiane si Greqia dhe Qiproja e kanë bërë të qartë kundërshtimin e tyre.
Rice gjatë qëndrimit në Berlin do diskutojë për Kosovën dhe me homologun e saj rus Lavrov.

Këshilli i Evropës diskutoi rezolutën për Kosovën 
Sot, në ditën e dytë të sesionit dimëror të Asmablesë Parlamentare të Këshillit të Evropës, në rend dite ishte rezoluta për Kosovën e propozuar nga lordi Rasel Xhonston. Në raportin e tij, Xhonston ka theksuar se zgjidhja e statusit të Kosovës është një element fundamental për të siguruar paqe dhe stabilitet afatgjatë në Evropë. Lordi Johnston, delegat britanik , pjesë e Grupit të Aleancës së Liberal -Demokratëve ka shtuar se megjithë pajtimin e mëparshëm se duhet të kërkohet një zgjidhje e pranueshme për të dyja palët, mosdefinimi i statusit po sjell paqartësi në të ardhmen e këtij vendi dhe të tërë rajonit, duke përfshirë këtu edhe perspektivën e integrimit evropian, përmirësimin e ekonomisë, etj.
Duke e ditur se ka pasur më shumë se dy vjet negociata të pafrytshme, raporti konkludon se mundësia për gjetjen e një zgjidhje kompromisi është hargjuar dhe se Këshilli i Sigurimit të Kombeve të Bashkuara për këtë arsye duhet që të imponojë një zgjidhje duke tejkaluar vështirësitë. Nëse KS nuk arrin deri te një vendim unanim, atëherë nuk duhet që të përjashtohet edhe mundësia e shpalljes së pavarësisë njënashme nga ana e Parlamentit të Kosovës.
Pas leximit të raportit, fillimisht sipas rregullit duhej që nga një përfaqësues i të pesë grupeve parlamentare të deklarohej rreth raportit. Përfaqësueis i grupit më të madh, atij të Partive Popullore Evropiane që ka 187 delegatë me të drejtë vote është pajtuar në përgjithësi me raportin, por duke tërhequr vërejtjen se jo të gjithë e shohin Kosovën si rast sui generis, por ka edhe të atillë që e shohin zgjidhjen e çëshjtes së Kosovës njejtë me raste të tjera.
Grupi i dytë parlamentar, ai socialist me 183 vota nuk është paraqitur qartë, sidoqoftë duke thënë se mund të ketë ende mundësi për zhvillimin e bisedimeve brenda KS të OKB-së. Në anën tjetër, grupi parlamentar ku bënë pjesë edhe vet Lordi Rusell Johnston pikërisht ai i Liberal Demokratëve me 98 vota ka përkahur tërësisht raportin duke thënë se çfarë është Kuebeku për Kanadanë, Kosova nuk mund të jetë për Ballkanin apo këdo tjetër.
Në emër të Grupit parlamentar të Demokratëve Evropian, EDG me 92 vota, ka folur kryetari i Komitetit për marrëdhënie me jashtë të Dumës ruse, Konstatin Kosachov i cili përpos që ka hedhur poshtë vlerësimin e Lordit britanik, se janë shterrur të gjitha mundësitë për dialog ka akuzuar disa vende evropiane që sipas tij “ ende pa filluar negociatat kanë dërguar sinjal Prishtinës se pavarësia dosido do të njihet”. Në këtë mënyrë sipas Kosachovit janë shkatërruar negociatat ende pa filluar.
Edhe Grupi parlamentar i të majtës Evropanie, UEL me 37 vota është shprehur kundër kësaj rezolute dhe kundër çfarëdo pavarësie.

Presidenti Sejdiu priti kryetarin e Akademisë së Kosovës
Presidenti i Kosovës, Fatmir Sejdiu, priti sot Kryetarin e Akademisë së Shkencave dhe Arteve të Kosovës, akademik Rexhep Ismailin, i cili e përgëzoi Presidentin Sejdiu për rizgjedhjen e tij President i Kosovës.Me këtë rast, akademik Rexhep Ismaili i dorëzoi Presidentit Sejdiu disa nga botimet më të reja të Akademisë së Shkencave dhe Arteve të Kosovës nga
fushat e ndryshme të dijes. Presidenti Sejdiu shprehu gatishmërinë për thellimin e mëtejmë të bashkëpunimit, si dhe e siguroi atë për mbështetjen që institucionet e Kosovës do t’i japin Akademisë së Shkencave dhe Arteve, po edhe institucioneve të tjera të larta të dijes.

Thaçi kërkoi nga ministrat zvogëlimin e shpenzimeve buxhetore
 Qeveria e Kosovës miratoi sot disa vendime që kanë të bëjnë me shpenzimet dhe shfrytëzimin racional të buxhetit nga ana e zyrtarëve qeveritarë. Kryeministri Hashim Thaçi kërkoi nga ministrat që të mbikëqyrin shpenzimet buxhetore në resorët e tyre dhe të raportojnë për çdo muaj. Shkurtime buxhetore janë caktuar për shfrytëzimin e veturave dhe telefonave zyrtarë. Po ashtu qeveria mori vendim që ministrat apo zyrtarët tjerë të qeverisë nuk do të marrin paga të dyfishta nga buxheti i Kosovës. Kryeministri Hashim Thaçi ka ndërmarrë masa të ashpra për kabinetin e tij qeveritar duke kërkuar nga ministrat dhe zyrtarë të tjerë të qeverisë të zvogëlojnë në maksimum shpenzimet buxhetore. Në mbledhjen e sotme të qeverisë u miratuan disa vendime: vendimi për shfrytëzimin e veturave dhe telefonave zyrtarë, vendimi për pagat e ministrave-deputetë, vendimi për reprezentacionin e stafit politik, vendimi për uniformitetin e pushtetit lokal etj.
Kryeministri Thaçi tha se vendimet për shfrytëzimin racional të buxhetit vlejnë për të gjitha organizatat buxhetore.
Sa i përket shfrytëzimit të telefonave zyrtarë, kryeministri do të ketë të drejtë të përdorë telefonin mobil pa kufizime, ndërsa zëvendëskryministrat dhe ministrat do të shfrytëzojnë telefon roming në vlerë deri në 250 euro, ndërsa zëvendësministrat dhe sekretarët e përhershëm të ministrive do të kenë të drejtë të shfrytëzojnë deri 150 euro telefon.
“Do të kërkoj që maksimalisht të kursehet por gjithmonë të ketë sukses në punë dhe do të caktohet shuma për të gjithë. Kërkoj që të shikohet gjendja momentale dhe të shkyçen menjëherë të gjithë telefonat roming që janë në përdorim jashtë këtij vendimi. Të sillet raporti për shpenzimet telefonike për çdo muaj për të gjithë dhe do të raportohet në mbledhje të rregullt të qeverisë dhe para opinionit publik”, tha Thaçi.
Kryeministri Thaçi tha se qeveria e tij synon të jetë shembull për gjeneratat e ardhshme dhe kërkoi nga anëtarët e qeverisë të angazhohen maksimalisht për përmbushjen e obligimeve .
Po ashtu në mbledhjen e sotme qeveria ka marrë vendim që askush nga ministrat apo zyrtarët tjerë të mos marrin paga të dyfishta nga Buxheti i Kosovës, por ata duhet të përcaktohen vetëm për një pagë.
Qeveria miratoi edhe vendimin për shpenzimet e reprezentacionit të stafit politik, për uniformitetin e pushtetit lokal. Qeveria ka kërkuar gjithashtu që rishqyrtohen të gjitha vendimet e qeverisë, të marra pas 17 nëntorit 2007. Kryeministri Hashim Thaçi kërkoi nga të gjithë ministrat që deri në fund të këtij muaji të finalizojnë pjesën e tyre të punës rreth dokumenteve që parasheh pakoja e Ahtisarit, si dhe që projekt -buxheti për vitin 2008 të jetë i gatshëm deri më 7 shkurt.

UP nderon Blair, Topin dhe Berishën me çmimin “Doktor Honoris Causa”
Senati i Universitetit të Prishtinës, vendosi njëzëri që t’u jepet titulli “Doktor Honoris Causa”, kryetarit të Shqipërisë Bamir Topi, kryeministrit Sali Berisha si dhe ish kryeministrit britanik Toni Blair. Rektori i këtij universiteti, Enver Hasani, tha se këta njerëz kanë merita të veçanta për avancimin e paqes dhe të sigurisë. Titulli “Doktor Honoris Causa” presidentit të Shqipërisë, Bamir Topi do t’i jepet të premten në Prishtinë. Ndërkaq, kryeministrit Sali Berisha dhe ish kryeministrit britanik Toni Bler, do t’u jepet në kohën kur ata të kenë mundësi të vijnë në Kosovë apo në rrugë diplomatike.Rektori i Universitetit të Prishtinës, Enver Hasani, tha se këto personalitete i plotësojnë kushtet për marrjen e këtij çmimi. “Secili prej tyre ka kontribut të veçantë për paqen dhe sigurinë në rajon, për mbështetjen e statusit të Kosovës, kur është fjala për dy liderët institucional shqiptarë, kurse për ish kryeministrin britanik përveç që ka merita të jashtëzakonshme…ai është ndërmjetësuesi kryesor për paqen në Lindjen e Mesme”. Rektrori Hasani, shtoi se presidenti shqiptar dhe kryeministri, që vijnë nga politika, janë njerëz të dijes, kanë tituj shkencorë dhe janë akademikë në Universitetin e Tiranës. Në bazë të memorandumit të bashkëpunimit të nënshkruar ndërmjet Fondacionit të Kosovës për Shoqëri të Hapur dhe Universitetit të Prishtinës, senati miratoi sot, edhe inkuadrimin e dy kurseve në planprogramet e rregullta akademike si lëndë zgjedhore, “Hyrje në Integrimet Evropiane”, që do t’u ligjërohen paralelisht dy grupeve të studentëve të UP-së, gjatë semestrit akademik pranveror 2008. Njëri kurs do t’u ofrohet studentëve të Fakultetit Juridik dhe Ekonomik, ndërsa tjetri studentëve të Fakultetit Filozofik, Sociologjik dhe Shkencave Politike.

AER me projekt të ri për mbështetjen e sistemit të drejtësisë në Kosovë
Drejtësia kosovare bashkë me policinë, nuk do të menaxhohen nga autoritetet vendore edhe pas zgjidhjes së statusit. Kështu tha sot ministrja e Drejtësisë Nekibe Kelmendi gjatë një konference për shtyp, me rastin e përfundimit të projektit 20 mujor të Agjencisë Evropiane për Rindërtim, që kishte për qëllim të përkrahë drejtësinë kosovare. Qëllim kryesor i projektit të Agjencisë Evropiane për Rindërtim, “mbështetje për drejtësinë”, me vlerë prej 2 milionë eurosh, ka qenë zhvillimi dhe përforcimi i strukturave efektive të drejtësisë dhe të politikave në këtë fushë. Synim tjetër ka qenë të garantohen të drejtat, liritë , siguria dhe funksionimi i drejtësisë për të gjithë qytetarët e Kosovës, në pajtim me standardet evropiane. Odran Hayes, ushtrues detyre i drejtorit të AER-it, tha se sfidë kryesore e projektit ka qenë nxjerrja e rekomandimeve për Ministrinë e Drejtësisë. “Përkrahja në ristrukturim dhe funksionimi e kapaciteteve të Këshillit Gjyqësor të Kosovës pas transferimit të kompetencave nga UNMIK-u. Pastaj, sfida tjera gjatë projektit kanë qenë edhe mbështetja në sistemin për ndihmë legale si dhe zgjerimi i trajnimeve për stafin. Me një fjalë, në kuadër të projektit janë zhvilluar 35 aktivitete”, tha Hayes. Ky projekt sipas ministres së Drejtësisë Nekibe Kelmendi i ka ndihmuar dukshëm drejtësisë kosovare sidomos në fushën e sundimit të ligjit i cili njëherësh ka qenë edhe synim kryesor i projektit.
“Morëm premtime se ky nuk do të jetë projekt i vetëm dhe se ky projekt do të vazhdojë edhe më tutje dhe duhet të vazhdojë duke pas parasysh edhe faktin e pakontestueshëm se edhe pas zgjidhjes së statusit të Kosovës, drejtësia bashkë me policinë do të jenë të menaxhuara nga misioni civil evropian që do të vendoset në Kosovë”, tha Kelmendi. Një ndër rekomandimet e këtij projekti është edhe ndryshimi i përgjithshëm në përgjegjësitë dhe kompetencat brenda kabinetit të Ministrisë së Drejtësisë. Ndërkohë, ministrja Kelmendi tha se nuk shpreson në ndryshime sa i përket kompetencave, të paktën deri në miratimin e Kushtetutës së re të Kosovës.

Një banor i Suhadollit vari veten me litar
V.Miljekovic 62 vjeç, është gjetur i varur në litar në një objekt ndihmës të shtëpisë së tij në fshatin Suhadoll të Mitrovicës.Kështu ka bërë të ditur përmes një komunikate zëdhënësi i policisë rajonale të SHPK-ës, Besim Hoti. Në komunikatë thuhet se njësitë e para reaguese të SHPK-ës, në vend të ngjarjes kanë gjetur trupin e pajetë të V.Miljkoviq, 62 vjeçar, me litarë rreth fytit në pozicion të varur. Mjeku kujdestar i shtëpisë së shëndetit i cili ka dalë në vend të ngjarjes ka konstatuar vdekjen e viktimës.
Në vend të ngjarjes janë ftuar dhe janë përgjigjur edhe hetuesit regjionalë të SHPK-ës, së bashku me teknikët e kriminalistikës dhe prokurorin publik të prokurorisë së qarkut në Mitrovicë. Bazuar në raportet e hetuesve policorë të udhëhequr nga prokurori publik në vend të ngjarjes, mësohet se rasti është kualifikuar si vetëvrasje me varje, pasi që nuk janë identifikuar gjurmë të përdorimit të dhunës apo elemente tjera që do të shpinin në rikualifikim të rastit si veprës penale. Trupi i pajetë i personit 62 vjeçar, i është dorëzuar familjarëve të tij për procedurë mortore.

Gjashtë të lënduar në një aksident trafiku në Perplepnicë
Gjashtë qytetarë janë lënduar sot në mes fshatit Perplepnice dhe Gjilan, për sa kohe qe autobusi që po qarkullonte nga fshati Përlepnicë në drejtim të Gjilanit ka dalë jashtë rrugës duke u rrokullisur. Zëdhënësi rajonal i ShPK-së në Gjilan, togeri Ismet Hashani, tha se “aksidenti ka ndodhur sot në ora 06:30 të mëngjesit, në hyrje të fshatit Përlepnicë.Kjo është linja e parë ditore, kur ky autobus nga fshati Përlepnicë dërgon punëtorët dhe nxënësit në qytet”. Sipas toger Hashanit mbështetur në hetimet e njësisë së trafikut rajonal, dyshohet se deri te aksidenti kishte ardhur nga pakujdesia, mospërshtatja shpejtësisë së drejtuesit 40-vjeçar të autobusit dhe kushteve të rrugës, ngrica dhe mjegulla. Të gjashtë udhëtarët janë lënduar dhe më pas janë dërguar në Spitalin Rajonal të Gjilanit. Rasti është duke u hetuar nga njësiti rajonal i trafikut. 

Serbia bën marrëveshje energjetike me Rusinë
Qeveria e Serbisë e ka miratuar sot tekstin e Marrëveshjes me Qeverinë e Federatës Ruse mbi bashkëpunimin në fushën e ekonomisë së naftës e të gazit, dhe e ka autorizuar ministrin për Infrastruturë, Velimir Iliq, që më 25 janar, ta nënshkruaj marrëveshjen në Moskë.Në bazë të marrëveshjes do të fillojnë bisedimet për lidhjen e traktatit midis Ndërmarrejs publike serbe "Srbijagas" dhe asaj "Gazprom eksporta" të Rusisë për ndërtimin e gazësjellësit dhe depos nëntokësore të gazit në lokalitetin Banatski Dvori, të Vojvodinës dhe të konrtatës midis Qeverisë së Serbisë e "Gazprom njefta", për shitjen dhe zhvillimin e kompanisë "Industria e Naftës së Serbisë" nga Novi Sadi./f.m./rtk/

Protestojnë banorët e fshatit Hade të Kastriotit- kërkojnë përmbushjen e premtimeve nga ana e KEK-ut Për herën e dytë sivjet banorët e fshatit Hade të Kastriotit bllokuan për një orë e gjysmë rrugë ndërmjet Bardhit të Madh dhe Kastriotit, duke bllokuar njëherit edhe shiritat e bartjes së thëngjillit për në termocentrale. Në këtë mënyrë ata shprehen pakënaqësinë e mosrealizimit të premtimeve nga ana e KEK-ut që deri në fund të vitit të shkuar, t’i pranojë në punë 40 kryefamiljarë të Hades. Banorët e fshatit Hade të Kastriotit kanë protestuar sot për të dytën herë radhazi gjatë këtij viti, në kërkim të përmbushjes së premtimit të KEK-ut për punësimin e numrit të caktuar të kryefamiljarëve nga ky fshat, ndërkohë që për t’i shpërndarë protestuesit pjesëtarët e Shërbimit Policor të Kosovës kanë përdorur edhe lëng lotsjellës.
Janë shpenzuar të gjitha format institucionale për t’u përmirësuar kushtet e jetesës së banorëve të Hades, për të përfunduar si duhet procesin e zhvendosjes së tyre në një lokacion tjetër. Banorët e këtushëm ishin më tepër të revoltuar për mospërmbushjen e premtimeve të KEK-ut për t’i punësuar 40 kryefamiljarë të atyshëm.
Ata sot bllokuan rrugën ndërmjet Bardhit të Madh dhe Kastriotit dhe për një orë e gjysmë ndalen shiritat transportues të thëngjillit.
Në krye të kësaj proteste ishte përfaqësuesi i fshatit Hade, Ragip Grajçevci:
“Na kanë premtuar se nga çdo shtëpi të eksproprijuar nga ky fshat do të punësojnë nga një anëtar i familjes, kryefamiljar. Ne kemi kryefamiljar që pret edhe 30 vjet pa punë”, ka thënë Grajçevci.
Në anën tjetër, KEK-u vitin e shkuar, në bazë të këtij projekti, pranoi madje 44 punëtor, nga të cilët asnjëri nuk ishte nga Hadja. Ragip Grajçevci është ankuar edhe në kushte të skajshme të jetesës, të shkaktuara nga KEK-u.
“Ne jetojmë mbi qymyr, e rrymë nuk kemi, rrugë nuk kemi; e hamë pluhurin, e thithim ajrin, kurse ai jarani, asnjë menaxher i KEK-ut nuk e ka shtëpinë, apo banesën në Obiliq”, thotë Grajçevci.
Nëse nuk plotësohen kërkesat e banorëve të Hades, Grajçevci paralajmëroi edhe radikalizimin e protestave.
“Ne pas 15 ditësh, nëse nuk realizohen kërkesat tona, do të shkojmë në zyra të menaxherëve, edhe në komunë; nëse është nevoja edhe me gra e fëmijë, derisa të realizohen kërkesat tona, premtimet e tyre, mosrealizimet”, shton Grajçevci.
Banorëve protestues të Hades, sot nuk i është drejtuar asnjë zyrtar i KEK-ut, e as i kuvendit të komunës. Ata i shoqëruan vetëm pjesëtarë të SHPK-së, duke i spërkatur me lëng lotsjellës.

...speciale:

Auditoriumi i BBC-së vjen pranë jush nga qyteti i Durrësit me 25 janar, në sallën e teatrit Aleksandër Moisiu.

Shtatë teatro do të jenë pjesë e “Flakës së Janarit” Shtatë teatro nga Kosova, Maqedonia e Shqipëria, do të jenë pjesë e “Flakës së Janarit 2008”, gjegjësisht e pjesës dramatike, “Talia e Flakës”, thanë të mërkurën anëtarë të Bordit Organizativ të këtij manifestimi shumëkulturor gjithëkombëtar, i cili nisi më 11 janar, me shënimin e ditës së kazermës “Rexhep Mala e Nuhi Berisha”.

..informacione...pak më hapur:
OKB: Sot, debati mbi Kosovën në Këshillin e Sigurimit

16-01-2008 Presidenti serb Boris Tadiç pritet të flasë sot pasdite në Këshillin e Sigurimit të Kombeve të Bashkuara mbi rolin e misionit të OKB-së në Kosovë.

Presidenti i Këshillit, i dërguari i Libisë, Giadalla Ettalhi, u tha dje gazetarëve se zoti Tadiç do të flasë gjatë një debati të hapur. Ai tha se më pas Këshilli do të vazhdojë punimet me dyer të mbyllura për të dëgjuar përfaqësuesit e shiptarëve të Kosovës.

Kryeministri i ri i Kosovës, Hashim Thaçi, pritet të marrë pjesë.

Anëtarët e Këshillit të Sigurimit e planifikuan takimin e sotëm për të diskutuar mbi raportet e Sekretarit të Përgjithshëm, Ban Ki-moon dhe shefit të UNMIK-ut, Joachim Ruecker për Kosovën.

Shtypi serb citon zotin Tadiç të ketë thënë se ai do t’u kërkojë anëtarëve të Këshillit të Sigurimit të mbështesin vazhdimin e bisedimeve midis Beogradit dhe Prishtinës mbi statusin e Kosovës.//voa//

Përparësitë e Sllovenisë si presidente e radhës e BE-së

Ivana Kuhar
16-01-2008
Republika e vogël malore e Sllovenisë mori presidencën e radhës të Bashkimit Evropian më 1 janar. Ambasadori i Sllovenisë në Uashington Samuel Zbogar, thotë se një ndër përparësitë e Ljubjanës është zgjidhja e statusit të Kosovës brenda 6 muajve të ardhshëm dhe përshpejtimi i integrimit të Ballkanit Perëndimor në Bashkimin Evropian.

Ambasadori slloven në Uashington Samuel Zbogar parashtroi gjatë një takimi në mjediset e Kongresit amerikan në fillim të javës përparësitë e vendit të tij për 6 muajt e ardhshëm. Zoti Zbogar tha se detyra më e rëndësishme për presidencën e Sllovenisë në të ardhmen e afërt është zgjidhja e statusit të Kosovës.  “Kosova është çështja kryesore. Ajo duhet të zgjidhet brenda 6 muajve të parë.”

Ambasadori Zbogar tha se stabiliteti në Ballkanin Perëndimor ka rëndësi të madhe për sigurinë dhe begatinë e gjithë Bashkimit. Sllovenia tha ai, do të punojë për të përshpejtuar integrimin e rajonit në Bashkimin Evropian. “Gjatë presidencës së saj Sllovenia do të synojë të përfundojë nënshkrimin e marrëveshjeve të Asocim Stabilizimit me gjithë Ballkanin Perëndimor”. Procesi i Asocim Stabilizimit ka qënë një instrument i vlefshëm për nxitjen e stabilitetit dhe të reformave," tha ambasadori slloven.

Muajin e kaluar kryeministri i Serbisë Vojisllav Koshtunica tha se Beogradi nuk do ta nëshkruajë marrëveshjen e Asocim Stabilizimit nëse Bashkimi njeh pavarësinë e Kosovës dhe nëse dërgon një mision evropian në Kosovë. Por ambasadori slloven tha se këto dy çështje nuk janë të lidhura. “Nënshkrimi i marrëveshjes nuk ka të bëjë me misionin evropian në Kosovë. Ka ardhur koha që Serbia, populli i saj të shikojë drejt së ardhmes, ta kuptojë se Evrorpa është me ta dhe se e ardhmja e tyre është në Evropë.”

Gjatë takimit me ndihmësit e lartë të ligjvenësve, amabasadori slloven tha se zgjerimi ka qenë një nga politikat më të suksesshme të Bashkimit. Bisedimet e anëtarësimit me Kroacinë dhe Turqinë shtoi ai, do të vazhdojnë. Koha e anëtarësimit tha ai, do të varet nga përmbushja i kritereve të pranimit prej secilit vend.

Sllovenia ka thënë se gjatë presidencës së saj, do të marrë masat e duhura që Traktati i Lisbonës të hyjë në fuqi ditën që do të ratifikohet nga vendet anëtare gjatë 2008. Sllovenia është vendi i parë i grupit të vendeve që u anëtarësuan në vitin 2004, që merr presidencën e radhës. //voa//

...një informacion..nga dita e djeshme:

Ministrat europianë të Grupit të Kontaktit të shtunën në Slloveni

15-01-2008Ministria e jashtëme sllovene  njoftoi se Sllovenia do të jetë mikpritëse e një takimi që do të mbahet të shtunën mes vendeve anëtare europiane të Grupit të Kontaktit për Kosovën.

Ajo njoftoi dje se ministrat e jashtëm të Britanisë, Francës, Gjermanisë dhe Italisë do të takohen në Brdo pri Kranju në periferi të Lubljanës për të diskutuar mbi një qendrim të përbashkët rreth hapave për pavarësi të Kosovës.

Në takim pritet të marrin pjesë gjithashtu komisioneri i Bashkimit Europian për Zgjerimin, Olli Ren dhe shefi i BE-së për politikën e jashtëme Havier Solana. Rusia, e cila bën pjesë gjithashtu në Grupin e Kontaktit nuk do të përfaqësohet në mbledhje.

Udhëheqësit europianë pritet të diskutojnë gjithashtu mbi kalendarin e hapave për dërgimin e një mision prej 1800 vetësh në Kosovë. //voa//

Për shpalljen e pavarësisë kanë mbetur vetëm aspektet procedurale, thotë Thaçi
Kryeministri i ri i Kosovës, Hashim Thaçi gjatë vizitës së parë prej se ka marrë këtë post tek Familja Jashari në Prekaz, tha se për shpalljen e pavarësisë kanë mbetur vetëm aspektet procedurale dhe angazhimi i institucioneve në bashkëpunim me Uashingtonin dhe Brukselin së shpejti do të bëjnë publike datën e shpalljes.

Me rritjen e pensioneve prej 75 euro është bërë një hap përpara
Rritja e pensioneve nuk do të mund t’i mbulojë të gjitha shpenzimet e domosdoshme që i kanë pensionistët, me vetë faktin se janë shtrenjtuar të gjithë artikujt ushqimor, rryma, komunikacioni, etj. Ka qenë mirë që pensionistët që nuk kanë burim tjetër pos pensionit, të lirohen nga pagesat e shërbimeve publike, të cilat janë mjaft të shtrenjta për xhepin e pensionistit, ka thënë në një intervistë për Kosovapress, Ramë Alihajdari, anëtar i Kryesisë së Lidhjes së Pensionistëve të Kosovës.

Qeveria e re premton masa konkrete për ndaljen e emigrimit
Zyrtarë të Qeverisë së re të Kosovës, deklaron të shtunën për KosovaLive se gjatë mandatit të tyre katërvjeçar do të krijojnë infrastrukturën e nevojshme për qytetarët e Kosovës në mënyrë që këta të fundit të mos emigrojnë në vende të ndryshme perëndimore për të kërkuar jetë më të mirë.

Realizim i plotë i fluturimeve në Aeroportin e Prishtinës Zëdhënësi i Aeroportit Ndërkombëtar të Prishtinës “Nënë Tereza”, Skënder Bucolli tha  se gjatë ditës së dielë janë realizuar pa asnjë vonesë të gjitha fluturimet e planifikuara dhe katër të tjera shtesë...

Mustafa ua tërheqë vërejtjen ndërmarrjeve publike komunale Kryetari i komunës së Prishtinës, Isa Mustafa, kërkoi të premten nga udhëheqësit e ndërmarrjeve publike komunale “Pastrimi”, “Hortikultura” dhe “Trafiku Urban”, të punojnë më shumë dhe të ofrojnë shërbime më të mira për kryeqytetasit, pasi në të kundërtën do të marrë masa ndëshkuese ndaj tyre.

Gjashtë nxënëse alivanosen nga një lloj gazi i hedhur në shkollën ekonomike të Ferizajt
11.01.2008 16:52 ET Ferizaj Gjashtë nxënëse të shkollës së mesme ekonomike të Ferizajt, janë alivanosur të premten rreth mesditës, nga një erë e rëndë që është përhapur papritmas në korridorin e shkollës.

Kapet i dyshuari që mashtroi 86 vjeçarin Një 51-vjeçar nga Vitia, i cili mashtroi një të moshuar, 86 vjeçar duke i marrë 100 euro, është arrestuar nga policia

...info...hapur:

SHBA mbështesin zgjidhjen sa më shpejtë të statusit të Kosovës  Shtetet e Bashkuara të Amerikës kanë shprehur mbështetjen e plotë për zgjidhjen sa më shpejtë të statusit përfundimtar të Kosovës, duke shfaqur bindjen e tyre se rekomandimet e Ahtisaarit për një pavarësi të mbikëqyrur nxisin një stabilitet rajonal. Në një deklaratë të tij nënsekretari amerikan i Shtetit, Nicholas Burns u ka bërë thirrje udhëheqësve të posazgjedhur të Kosovës që të punojnë në mënyrë paqësore dhe me përgjegjshmëri gjatë periudhës që ata do të vëjnë në zbatim zgjidhjen e statusit. "Nënsekretari i Shtetit, Burns i ka thirrur në telefon si
presidentin Fatmir Sejdiu ashtu dhe kryeministrin Hashim Thaçi dhe i ka uruar për formimin e qeverisë së koalicionit ", ritheksoi në konferencën për shtyp, zëdhënësi i Departemtnti të Shtetit, Tom Casey. Ai tha se nënsekretari Burns njëkohësisht ka përshëndetur edhe deklarimet e tyre për një Kosovë gjithëpërfshirëse në të cilën si pakica serbe ashtu edhe të tjerat janë të mirëpritura. Burns edhe njëherë ka theksuar zotimin e Shteteve të Bashkuara të Amerikës për të ndihmuar udhëheqjen e re të Kosovës të përballojë sfidat e shumta të së ardhmes. "Shtetet e Bashkuara besojnë se zbatimi me shpejtësi i Planit Ahtisari, përfshirë rekomandimet e tij për pavarësi të mbikqyrur dhe për mbrojtjen e pakicave, do të nxisë stabilitet rajonal, duke u krijuar mundësi si Serbisë edhe Kosovës të ecin përpara në rrugën
drejt një bashkëpunimi më të madh me NATO-n dhe Bashkimin Evropian," u tha në deklaratën e djeshme të qeverisë amerikane.
"Nënsekretari Burns i ka siguruar udhëheqësit e Kosovës për mbështetjen e Washingtonit dhe për zgjidhjen sa më të shpejtë të statusit final të Kosovës," tha zëdhënësi Casey. /SGashi/rtk/

NYT: SHBA dhe Gjermania janë pajtuar që ta pranojnë Kosovën shtet Shtetet e Bashkuara dhe Gjermania janë pajtuar që ta njohin Kosovën pasi ajo të shpallë pavarësinë, dhe t'i bëjnë thirrje pjesës tjetër të Evropës që ta ndjekë shembullin e tyre, shkruan New York Times. Zyrtarë të lartë evropianë kanë thënë se në një bisedë që presidenti George Bush dhe kancelarja Angela Merkel së fundi kanë zhvilluar rreth Kosovës, ata janë pajtuar se njohja e Kosovës është jetësore për të stabilizuar Ballkanin perëndimor. Neë York Times i transmeton zyrtarët evropianë të kenë thënë se SHBA-të në mënyrë agresive po i bëjnë trysni BE-së që të sigurohen se njohja e pavarësisë së Kosovës të mos vonohet as për një javë. "Buka është pjekur, sepse amerikanët i kanë premtuar Kosovës pavarësinë", transmeton gazeta një diplomat të lartë të Bashkimit Evropian. "Nëse Uashingtoni do ta njihte Kosovën ndërsa vendet evropiane nuk do ta ndiqnin, atëherë kjo do të ishte katastrofë", ka thënë diplomati i lartë i BE-së.

BE pret mesin e shkurtit për fillimin e misionit të saj në Kosovë, thonë diplomatët  Shumica e vendeve të Bashkimit Evropian do të presin deri kah mesi i shkurtit për të filluar misionin policor dhe atë të drejtësisë në Kosovë, përndryshe dërgimi më i hershëm i këtij misioni mund të përçajë pushtetarët pro evropianë në zgjedhjet presidenciale të Serbisë, ka thënë një diplomat evropian."Shumica mendojnë se muaji janar do të ishte kohë e gabueshme për dërgimin e misionit të BE-së në Kosovë", tha një diplomat i përfshirë në këtë çështje.

Thaçi kërkoi nga ministrat dhe hartimin e projekteve konkrete Kryeministri, Hashim Thaçi kërkoi sot nga ministrat e kabinetit qeveritar përkushtim dhe punë intensive në luftën kundër korrupsionit dhe dukurive tjera negative. Në takimin e sotëm të Qeverisë, Thaçi poashtu kërkoi nga ministrat hartimin e projekteve konkrete dhe jo vetëm konstatimin e gjendjes së rëndë në dikasteret të cilat ata do ti udhëheqin. Kryeministri, Hashim Thaçi mbajti premtimin e tij që takimet e Qeverisë të jenë të hapura për media. Ai sot ishte këmbëngulës në kërkesat e tij karshi ministrave që prioritet të jenë lufta ndaj dukurive negative dhe korrupsionit duke kërkuar njëherit nga ata hartimin e projekteve konkrete dhe jo vetëm konstatimin e gjendjes së rëndë nëpër ministritë përkatëse.
“Ishte takim shumë i suksesshëm, kërkova nga ministrat përkushtim maksimal dhe projekte konkrete” , tha pas takimit kryeministri Thaçi.
Kryeministri, Thaçi ndërkaq duke u përgjigjur në pyetjet e gazetarëve për mundësinë e konfliktit të interesit të disa ministrave me postin e tyre, tha se të gjithë ministrat do të punojnë vetëm në Qeveri dhe nuk do të kenë asnjë post tjetër.
"Keqmenaxhimi do të ndëshkohet nga unë", tha Thaçi dhe më pas përmendi disa prej obligimeve që i kanë ata si qeveri e re. Ai ka kërkuar që nesër një raport nga të gjithë ministrat për shpenzimet e veturave nëpër dikasterët e tyre duke kërkuar reduktimin e shpenzimeve. Thaçi theksoi se nuk do të tolerojë asnjë hakmarrje apo revansh politik, ndërsa rishikimin e buxhetit, raportin për pranim-dorëzimin e gjendjes nëpër ministri, planin e punës për 100 ditët e ardhshme, kryeministri i sapozgjedhur i paraqiti si detyra të para të qeverisë.

Komandanti i KFOR-it Ksavier De Marnhak vizitoi Qendrën e Kosovës për Siguri Publike, në Vushtrri Komandanti i KFOR-it, gjenerali Ksavier De Marnhak ka vizituar sot Qendrën e Kosovës për Siguri publike, Edukim dhe Zhvillim në Vushtrri dhe u prit nga nënkolonel Driton Zabërxha, ku mori pjesë në ceremoninë e diplomimit të pjesëtarëve të SHPK-së të cilët janë trajnuar për teknikat dhe taktikat e kontrollit të turmës. Po ashtu komandanti i KFOR-it, gjenerali Ksavier De Marnhak gjatë ditës së sotme i vizitoi edhe ambientet e Qendrës së Kosovës për Siguri Publike, ku duke iu drejtuar të pranishmëve shfaqi dëshirën që prania e tij të perceptohet si interesim për Shërbimin Policor të Kosovës dhe KFOR-in, të cilët kanë misionin e përbashkët - sigurinë dhe rendin publik.
Pas shpërndarjes së çertifikatave për të diplomuarit, komandanti i KFOR-it, De Marnhak, nënkolonel Driton Zabërxhës i dhuroi medaljen për paqe dhe demokraci, njofton Zyra për marrëdhënie me publikun pranë Ministrisë së Punëve të Brendshme të Kosovës.

Presidenti Topi së shpejti do të vizitojë Kosovën Presidenti i Shqipërisë, Bamir Topi, gjatë këtij muaji do të vizitojë Kosovën, me ftesë të shefit të UNMIK-ut dhe Presidentit të Kosovës. "Unë do të vizitoj Kosovën në datë 25, 26 dhe 27 janar, që do të thotë pas dy javësh. Ndihem i lumturuar që do të jem në Kosovë në një moment historik për Kosovën, kur Kosova më shumë se kurrë është në prag të marrjes së statusit të pavarësisë", bëri të ditur Presidenti Topi gjatë komunikimit me dëgjuesit në një emision të BBC-së. Kreu i shtetit shqiptar theksoi se është i "mbushur me emocion" për këtë vizitë në Kosovë dhe është shumë i motivuar dhe mezi pret që të shkojë në këtë vizitë zyrtare, e cila, siç thotë, po përgatitet me mjaft kujdes. Bamir Topi Kosovën për herë të parë e kishte vizituar menjëherë pas çlirimit.

Tërhiqet Gruevski - pas reagimeve të shumta nga shtyhet afati për vizat me Shqipërinë Presioni i shtetit shqiptar dhe qarqeve shqiptare ka detyruar mbrëmë kryeministrin e Maqedonisë, Nikolla Gruevski, të deklarojë tërheqjen nga aplikimi i procedurave të reja të pajisjes me vizë për shtetasit shqiptarë, deri në gjetjen e zgjidhjeve të reja. Ky vendim është marrë pas një takimi kokë më kokë që shefi i qeverisë së Shkupit zhvilloi mbrëmë me kreun e Partisë Demokratike Shqiptare, Menduh Thaçin, aleat në qeverisje.
Lajmi është konfirmuar për mediat nga vetë Thaçi, që në përfundim të këtij takimi ka zhvilluar një bisedë telefonike me ministrin e Jashtëm të Shqipërisë, Lulzim Basha, të cilin e ka siguruar “për zgjidhjen e çështjes së vizave për shtetasit shqiptarë dhe heqjen e procedurave, deri në gjetjen e zgjidhjeve të reja për çështjen e vizave mes dy vendeve”.

Komisioni Evropian i shqetësuar për mundësinë e blerjes së NIS nga ana e Gazprom-it rus Komisioni Evropian ka shprehur shqetësim lidhur me marrjen e monopolit të naftës së Serbisë nga gjiganti rus i energjisë, Gazprom. Kompania shtetërore ruse e gazit ka ofruar 400 milionë euro për pjesën më të madhe të aksioneve në kompaninë NIS dhe Beogradi mund ta miratojë këtë marrëveshje gjatë këtij muaji. Por, disa vlerësojnë se vlera e NIS është shumë më e madhe dhe një numër kompanish evropiane kanë shprehur interes. Komisioni Evropian tha se shitja e Gazpromit duhet të jetë e hapur dhe transparente.
Zëdhënësja Kristina Nagji thotë se Komisioni Evropian shpreson se shitja e aseteve kaq të rëndësishme, si ajo e kompanisë serbe të naftës, do të jetë e hapur dhe e orientuar nga interesa objektivë, komercial dhe ekonomik.
Shitja e Kompanisë NIS ndodh në kohën kur Serbia po ecën drejt hyrjes në Bashkimin Evropian,që mund të shënojë një hap përpara gjatë këtij muaji.
Disa analistë thonë se shitja e kompanisë Nis te Moska mund të jetë e motivuar politikisht. Në shkëmbim të kompanisë serbe të naftës, ata thonë se Rusia mund të ofrojë mbështetje për çështjen e Kosovës.
Ministria serbe e Energjisë dhe Minierave thotë se motivi nuk është politik, por është i bazuar thjesht në nevojën për të siguruar një burim të furnizimit me gaz.

...speciale:

Shtetet e Bashkuara dhe Rusia, qëndrime diametralisht të kundërta për Kosovën
Andre de Nesnera /voa/
11-01-2008 Shtetet e Bashkuara dhe Rusia  kanë qëndrime diametralisht të kundërta për çështjen e Kosovës. Megjithëse teknikisht është ende pjesë e Serbisë, që nga viti 1999, Kosova ka qenë nën administrimin e Kombeve të Bashkuara dhe NATO-s. Kjo pasoi fushatën mbi dymujore të NATO-s që i dha fund shtypjes serbe ndaj shqiptarëve.

Shqiptarët e Kosovës duan pavarësinë dhe gëzojnë mbështetjen e Shteteve të Bashkuara dhe Bashkimit Evropian. Serbia dhe Rusia e kundërshtojnë me forcë pavarësinë. Negociatat katërmuajshe përfunduan pa marrëveshje dhe Rusia ka kërcënuar se do të vërë veton nëse propozimi paraqitet për votim në Këshillin e Sigurimit të OKB-së.

Robert Legvold, një ekspert i çështjeve ruse në Universitetin e Columbias thotë se çështja e sovranitetit ka shumë rëndësi për Rusinë.

“Që në fillim Rusia i ka kundërshtuar deklaratat e pavarësisë të këtij lloji që sjellin si rezultat njohjen e sovranitetit nga komuniteti ndërkombëtar, sepse e shqetëson separatzimi brenda territorit të saj, përfshirë Çeçeninë. Megjithatë situata është e ndërlikuar sepse reagimi Rus nuk është i njëjtë për raste paralele brenda rajonit të saj si Abkazia në Gjeorgji, Transdniestria në Moldavi, dhe ndoshta Osetia jugore në Gjeorgji”.

Ish-Sekretari amerikan i shtetit dhe ish-ambasadori amerikan në Jugosllavi  Lawrence Eagleburger thotë se pavarësia e Kosovës mund të ndikojë në konflikte të tjera në botë.

“Në fakt lidhur me këtë çështje mund të shtrohet një pyetje shumë serioze që mund të përdoret lehtësisht nga të tjerë në pjesë të tjera të botës dhe ndoshta me shumë më pak legjitimitet sesa në rastin e Kosovës, ku në fakt serbët kanë vepruar mizorisht në të kaluarën. Por mendoj se kjo traditë është shume rrezikshme: Çfarë mund të bëjnë kurdët në Irak, në Iran dhe në Turqi? Mund të përmend gjithë ato vende ku mund të përsëritet një situatë e ngjashme dhe ku ky rast mund të kthehet në shembull për t’u ndjekur nga të tjerët”.

Zoti Eagleburger thotë se mosmarrëveshja për Kosovën vë kundër njëri-tjetrit parimet e sovranitetit dhe vetë-vendosjes.

“Mua më shqetëson seriozisht qëndrimi i komunitetit ndërkombëtar, pjesë e së cilit janë edhe Shtetet e Bashkuara, që mbrojnë shkëputjen e një pjese të territorit të një vendi dhe bërjen e tij të pavarur. Nuk mendoj se do të ishte e udhës të ndërtonim një traditë të tillë. Ka arsye shumë të forta për kundërshtimin ndaj përpjekjeve ndërkombëtare për ta shkëputur Kosovën nga Serbia. Mund të argumentohet sa të duash për problemet mes Serbëve dhe kosovarëve, por ka një çështje tjetër këtu që është tradita ndërkombëtare sipas së cilës pa pritur e pa kujtuar komuniteti ndërkombëtar ka të drejtën që të urdhërojë ose t’i bëjë presion për shkëputjen e një territori duke i thënë vendit në fjalë që ai nuk është më pjesë e tij”.

Ish-Këshilltari i Shteteve të Bashkuara për Sigurinë Kombëtare Gjeneral Brent Scowcroft është i një mendjeje.

“Unë kam përshtypjen që kemi ecur më shpejt seç duhet me Kosovën. Nuk besoj se janë pjekur kushtet, që të lihet më vete. Edhe në Bosnje, ne kemi qenë në Bosnje pesë vjet më shumë se në Kosovë dhe pa një prani Evropiane, ajo do të kthehej në gjendjen që ka qenë më parë. Këto janë çështje shumë të vështira dhe emocionale. Dhe në Kosovë ekziston mundësia për spastrim etnik, ekziston mundësia për radikalizimin e Serbisë, është një çështje shumë delikate. Në fund të fundit, Kosova është psikologjikisht qendra shpirtërore e Serbisë, vendi ku i pati fillesat Serbia. Aty janë rrënjët e tyre fetare. Katër korriku i tyre është beteja e Kosovës dhe ka një kuptim të thellë për ta. Dhe mendimi im është se ne po shtyjmë më shumë se ç’duhet”.

Shumë analistë besojnë se me dështimin e negociatave për të ardhmen e Kosovës, shqiptarët do ta shpallin pavarësinë brenda disa muajsh.

Jason Lyall, ekspert për çështjet e Rusisë në Universitetin Princeton, thotë se një gjë e tillë mund të kishte pasoja të rënda.

“Rreziku është që tani që Shtetet e Bashkuara dhe Evropa nuk arrijnë dot një marrëveshje me Rusinë, veprimet do të ndërmerret nga faktorët vendas në terren dhe do të dalë jashtë kontrollit të secilës prej këtyre fuqive. Sigurisht që është e qartë që politikanët e Kosovës duan pavarësinë dhe e duan tani. Po ashtu edhe Shtetet e Bashkuara dhe Evropa. Ata mund të veprojnë jashtë Kombeve të Bashkuara dhe të deklarojnë pavarësinë e Kosovës pa miratimin e Rusisë. Rreziku është që gjendja të dalë jashtë kontrollit dhe asnjë nga këto fuqi të mos kontrollojë dot ngjarjet në terren. Kështuqë mund të krijohen kushtet për një tjetër spastrim etnik, ose të paktën një konflikt mes palëve në Kosovë”.

Por Robert Legvold i Universitetit të Columbias parashikon një përfundim më paqësor.

“Serbët kanë thënë se nëse shpallet pavarësia dhe të tjerët janë të gatshëm ta njohin atë, ata do ta çojnë çështjen në Gjykatën Ndërkombëtare të Hagës, çka të bën të mendosh se serbët po mendojnë për rrugë diplomtike, jo militantizëm apo një përgjigje agresive”.

Zoti Legvold dhe të tjerë u bëjnë thirrje palëve që të vazhdojnë diskutimet për të gjetur një kompromis dhe të shmangin një ndryshim kufijsh në Evropën Lindore, një përpjekje që Shtetet e Bashkuara dhe Bashkimi Evropian thonë se e kanë ezauruar.//voa//

PSD K optimiste se do të drejtohet nga Agim Çeku Vetëm disa orë pasi ia dorëzoi solemnisht detyrën e kryeministrit Hashim Thaçit, përfoljeve për të ardhmen politike të ish-kryeministrit kosovar, Agim Çeku, iu shtua edhe konfirmimi nga ana e Kaqusha Jasharit se ai mund ta pranojë ofertën për ta drejtuar Partinë Social-Demokrate të Kosovës (PSDK), por rreth kësaj nuk është deklaruar ende Agim Çeku.

Sindikalistët kërkojnë kthimin e kursimeve pensionale në Kosovë Drejtues të Bashkimit të Sindikatave të Pavarura të Kosovës (BSPK), të enjten në Prishtinë, kërkuan që kursimet e Trustit Pensionale, të kthehen në Kosovë dhe të përdoren për gjenerimin e të të ardhurave për pensionistët aktualë dhe zhvillimin ekonomik të vendit.

Në shenjë hakmarrje i vihet zjarri veturës së një pjesëtari të SHPK-së Dy persona të moshës 33 dhe 40 vjeçar, janë arrestuar nga policia me dyshimin se janë të përfshirë në zjarrvënien e shkaktuar mbi veturën civile të një pjesëtari të SHPK-së

SHPK arreston 8 turq e një malazias për tentim kalimi ilegal të kufirit Kosovë-Mal i Zi Zyrtarë të Shërbimit Policor të Kosovës (SHPK), konfirmuan të enjten se kanë arrestuar nëntë persona, të cilët kanë tentuar të kalojnë në mënyrë ilegale kufirin Kosovë-Mal i Zi.

Zëri Amerikës:
Serbia thotë se statusi i Kosovës nuk është i lidhur me anëtarësimin e saj në BE
Ministri i Jashtëm serb Vuk Jeremic thotë se statusi i Kosovës dhe integrimi i Evropës janë përparësitë kryesore të Serbisë, por janë dy procese të shkëputura.

Zoti Jeremic u takua dje me komisionerin e Bashkimit Evropian për Zgjerimin, Olli Rehn. Ministri serb ndodhet në Bruksel për të bindur zyrtarët e Bashkimit Evropian se Serbia po bën të gjitha përpjekjet për të kapur të dyshuarit për krime lufte që janë ende në arrati. Një gjë e tillë do të sillte si rezultat nënshkrimin e marrëveshjes së Asociim Stabilizimit që më 28 janar.

Zoti Rehn tha se ai do ta mbështeste nënshkrimin e marrëveshjes nëse prokurori i ri i krimeve të luftës Serge Brammertz konfirmon bashkëpunimin e Serbisë me Gjykatën e Hagës.

Por ai tha se ishte i zhgënjyer që disa politikanë serbë e lidhin procesin e integrimit në Bashkimin Evropian me çështjen e Kosovës.//voa//

Kosova, çështja e fundit e pazgjidhur në Ballkan
Jela De Franceschi
Kosova synon të shpallë pavarësinë në muajt e ardhshëm. Por çdo veprim drejt pavarësisë së saj do të përballet me kundërshtimin e fortë të Serbisë dhe aleates së saj tradicionale Rusisë, e cila mund të bllokojë anëtarësimin e saj në Kombet e Bashkuara. Shumë ekspertë e quajnë këtë çështje, problemin e vetëm të pazgjidhur  që nga shpërbërja e ish-Jugosllavisë.

Që pas shpërbërjes së ish-Jugosllavisë, komuniteti ndërkombëtar ka dërguar shumë misione paqeruajtëse dhe ka derdhur miliona dollarë ndihmë ekonomike për të stabilizuar rajonin e Ballkanit dhe për ta futur në rrugën drejt demokracisë dhe tregut të lirë. Shumë nga vendet që ishin dikur pjesë e ish-Jugosllavisë kanë bërë përparime të rëndësishme dhe ose kanë hyrë në Bashkimin Evropian ose po bëjnë përpjekje për t’u anëtarësuar. Por një çështje ka mbetur ende e pazgjidhur në rajon: e ardhmja politike e Kosovës.

Kosova ka qenë nën administrimin ndërkombëtar që pas fushatës së bombardimeve të NATO-s në vitin 1999, që i dha fund përpjekjeve brutale serbe për të pasur nën kontroll shumicën shqiptare dhe nxorri jashtë Kosovës forcat serbe. Megjithëse teknikisht Kosova është ende pjesë e Serbisë, shumica shqiptare është në favor të pavarësisë, të cilën pakica serbe e kundërshton.

Shumë ekspertë janë të një mendjeje se status-quoja e Kosovës, ka frenuar zhvillimin ekonomik dhe ndihmën e investimet e huaja, ka keqësuar gjendjen e rendit dhe intensifikuar tensionet mes shqiptarëve dhe serbëve.

Vitin e kaluar komuniteti ndërkombëtar filloi përpjekjet e ndërmjetësimit, por bisedimet disa mujore për të ardhmen e Kosovës përfunduan pa rezultat.

Ndërkohë, Rusia ka kërcënuar se do të vërë veton nëse çështja e pavarësisë së Kosovës shtrohet për votim në Këshillin e Sigurimit të Kombeve të Bashkuara. Moska dhe Beogradi po bëjnë thirrje për bisedime të mëtejshme, por Shtetet e Bashkuara dhe vendet kryesore evropiane thonë se negociatat janë ezauruar dhe status-quoja nuk mund të vazhdojë më.

“Thirrja për shtyrje të mëtejshme, është kundër produktive, nuk çon askund dhe veçse do të krijonte më shumë paqëndrueshmëri”, thotë Robert Hand, këshilltar në Komisinin amerikan për Siguri dhe Bashkëpunim në Evropë.      

“Ne thjesht nuk mund të lejojmë që statusi i Kosovës të mbahet pezull për një kohë të pacaktuar. Njerëzit atje kanë nevojë ta dinë se cila do të jetë e ardhmja e tyre. Mendoj se Shtetet e Bashkuara e kuptojnë dhe janë mjaft të vendosura në qëndrimin e tyre për të ardhmen e Kosovës. Besoj se çështja që shtrohet nuk është se cila do të jetë e ardhmja e Kosovës, por si të mbërrihet atje”.       

Rusia dhe Serbia thonë se shpallja e pavarësisë së Kosovës, dhe njohja e saj nga vende të ndryshme pa një rezolutë të Këshillit të Sigurimit do të përbënte shkelje të ligjit ndërkombëtar. Moska thotë se një gjë e tillë do të përbënte një precedent të rrezikshëm për disa nga rreth 50 mosmarrëveshjet territoriale në botë. Por të tjerë vënë në dukje se ndryshe nga raste të tjera, ai i Kosovës ka fituar peshë ndërkombëtare.         

Disa ekspertë shprehin mendimin se Rusia, në përpjekje për të rifituar statusin si fuqi ndërkombëtare, po ngul këmbë në qëndrimin e saj për zona me rëndësi  për Perëndimin, përfshirë Iranin, Kaukazin dhe tani edhe Kosovën.        

Nikolla Pano, historian në Universitetin e Ilinoit Perëndimor, thotë se ashtu si Shtetet e Bashkuara po i dalin për zot premtimit ndaj Kosovës, edhe Rusia e ndjen veten aq të fortë sa të mbajë premtimin e saj ndaj Serbisë.       

“Është shumë e vështirë për secilën nga palët që të tërhiqet. Në një masë të konsiderueshme, veprimet e tyre do të varen nga atmosfera e përgjithshme ndërkombëtare. A do të hyjmë në një periudhë të re konkurrence mes Shteteve të Bashkuara dhe Rusisë? A do t’i rikthehemi diplomacisë së superfuqive?  Mendoj se përgjigjet ndaj këtyre pyetjeve nuk janë ende të qarta, por sigurisht që do të ndikonin në zgjidhjen përfundimtare të kësaj çështjeje”.       

Megjithëse ekspertët bien dakord në përgjithësi që Kosova do të mbetet burim polemikash, shumë prej tyre vënë në dukje se nuk ka të ngjarë që ajo të shkaktojë një çarje të madhe në marrëdhëniet mes Lindjes dhe Perëndimit.

Robert Hunter, këshilltar i organizatës Rand, ka qenë ambasador i Shteteve të Bashkuara në NATO dhe Bashkimin Evropian gjatë administratës së Presidentit Clinton nga mesi i viteve 1990.

“Rusia nuk futet në luftë për Kosovën. Nuk do ta ndryshojë në thelb qëndrimin e saj lidhur me bashkëpunimin me amerikanët dhe evropianët. Por për të pasur një siguri konstruktive evropiane, marrëdhënie konstruktive me rusët në shumë nga pikat e nxehta të botës, ia vlen të krijohet një kuadër më i gjerë për të diskutuar këto çështje. Megjithatë kjo nuk do të thotë që t’u themi kosovarëve që nëse Rusia nuk është dakord me atë që do të bëjë Kosova, ata të tërhiqen nga ajo që duan të bëjnë”.

Shtetet e Bashkuara, Britania dhe Franca i kanë intensifikuar përpjekjet për të siguruar mbështetjen e anëtarëve të lëkundur të Bashkimit Evropian, për të anashkaluar Kombet e Bashkuara dhe për të njohur pavarësinë e Kosovës. Një mision i Bashkimit Evropian do të zëvendësojë së shpejti, administratën e UNMIK-ut, një veprim që disa ekspertë e shohin si një hap të parë drejt një Kosove të pavarur.      

Eksperti i marrëdhënieve me jashtë Ionis Saratsis i Institutit Hudson thotë se Shtetet e Bashkuara duan që ta mbyllin sa më shpejt kapitullin e Kosovës. Por ai tërheq vëmendjen se pa një angazhim aktiv të Shteteve të Bashkuara, përmirësimi në Kosovë nuk do të ishte aq i madh.

“Evropianët përgjithësisht kanë pasur një varg dështimesh në Ballkan, duke filluar që nga lufta e parë jugosllave. Për ta Serbia mund të jetë një shans për t’i provuar botës se ata janë në gjendje të dalin me një zë të përbashkët, se mund të kenë një politikë të jashtme të unifikuar. Por unë nuk kam shumë shpresa se Bashkimi Evropian do të ketë ndonjë sukses të madh në Kosovë, ose Serbi”.      

Zoti Saratsis shton se nëse shtetet kryesore evropiane njohin pavarësinë e Kosovës, ka mundësi që marrëdhëniet e Serbisë me Bashkimin Evropian të keqësohen, duke e lënë rajonin edhe njëherë të pastabilizuar. Megjithatë, analistë të tjerë thonë se gjatë 15 viteve të fundit Bashkimi Evropian ka ndihmuar në vendosjen e një periudhe qetësie dhe zhvillimi në pjesë të mëdha të një rajoni që shpesh është cilësuar një  “fuçi baruti”. //voa//

bbc:
Thaçi "Kosova e pavarur brenda javësh"

Udhëheqësit e sapozgjedhur kosovarë thonë se pavarësia e Kosovës dhe ndërtimi i shtetit demokratik do të jenë prioritet i punës së tyre.
Institucionet e reja të Kosovës të dala nga zgjedhjet e 17 nëntorit, u votuan të mërkurën në Kuvendin e Kosovës me shumicën e votave të nevojshme.

President i Kosovës është rizgjedhur Fatmir Sejdiu, kryeministër lideri i Partisë Demokratike, Hashim Thaçi ndërsa kryetar i Kuvendit, Jakup Krasniqi, sekretar i përgjithshëm i PDK-së.

Procesi më i ndërlikuar ka qenë ai për presidentin e Kosovës.

Fatmir Sejdiu arriti të rizgjidhej në këtë post vetëm në raundin e tretë të votimit, kur mori 68 vota, apo më shumë se 50 përqindëshin e domosdoshëm.

Në dy raundet e para të votimit nevojiteshin 2/3 e votave, të cilat nuk u siguruan dot. Përballë tij për postin ishte zoti Naim Maloku nga Aleanca për Ardhmërinë e Kosovës që mori 39 vota.

Pas rizgjedhjes president i Kosovës, Fatmir Sejdiu u zotua para deputetëve të Kuvendit se institucionet e reja do ta bëjnë shpejt Kosovën shtet të pavarur dhe demokratik.

"Do të përmbyllin me sukses procesin e pavarësimit të Kosovës në realizim të vullnetit legjitim të popullit të saj dhe do të miratojnë Kushtetutën e shtetit të ardhshëm të Kosovës. Do të zgjerojnë korpusin legjislativ në përputhje me Pakon e Presidentit Ahtisari dhe me standardet më të larta bashkëkohëse ndërkombëtare, si dhe gjithë korpusin legjislativ të nevojshëm për të mbështetur funksionimin institucioneve dhe të mirëqenies së përgjithshme të qytetarëve", tha presidenti Sejdiu.

Fatmir Sejdiu i Lidhjes Demokratike të Kosovës (LDK) është president i dytë i Kosovës. Ai pasoi në post në shkurt të vitit 2006 Ibrahim Rugovën, pasi ai u nda nga jeta.

Para se të votohej për mandat të dytë në Parlamentin e ri të Kosovës, zoti Sejdiu dha dorëheqje nga mandati i parë presidencial, i cili do t'i skadonte pas një viti.

Aprovohet qeveria e re

Kuvendi i Kosovës ka miratuar me shumicë votash qeverinë e re të cilën do ta udhëheqë kryeministri Hashim Thaçi.

Për zotin Thaçi dhe kabinetin e tij qeveritar kanë votuar 85 deputetë nga 112 sa ishin në sallë.

Udhëheqësi politik i ish Ushtrisë Çlirimtare të Kosovës do të jetë në krye të qeverisë së koaliconit PDK-LDK për një mandat katërvjeçar.

Kryeministri Thaçi ka premtuar se qeveria e tij do të bëjë ndryshime në Kosovë. Ai ka përsëritur premtimet e dhëna gjatë fushatës për ndryshime pozitive në ekonomi, infrastrukurë, arsim, shëndetësi e fusha tjera.

Por prioritet i qeverisë së re, sipas kryeministrit Hashim Thaçi do të jetë pavarësia e Kosovës që siç thotë ai është çështje javësh.

"Ne jemi duke u përgatitur që në fillim të pjesës së parë të këtij viti ta bëjmë Kosovën e pavarur dhe sovrane, vend të mundësive të barabarta për të gjithë qytetarët e saj, të drejtat e minoritarëve do të respektohet dhe do të garantohen përmes angazhimeve afirmative të përgjegjshme të garantuara edhe me kushtetutë.
Ne jemi të koordinuar dhe një një krah me miqtë tanë, Shtetet e Bashkuara të Amerikës, Bashkimin Evropian dhe NATO-n", u shpreh kryeministri i ri i Kosovës.

Kabineti i kryeministrit Hashim Thaçi do të ketë dy zëvendëskryeministra, Hajredin Kuçin nga Partia Demokratike dhe Ramë Manajn nga Lidhja Demokratike e Kosovës.

Shtatë ministri do të udhëhiqen nga PDK-ja, pesë nga LDK-ja ndërsa tri të tjera u janë lënë pakicave.

Subjektet politike serbe që dolën në zgjedhjen e 17 nëntorit kanë pranuar të jenë pjesë e kabinetit Thaçi dhe të udhëheqin Ministrinë për Kthim dhe Komunitete dhe atë të Punës e Mirëqenies Sociale.

Ndërsa në emër të pakicave joserbe, Ministrinë e Ambientit dhe Planifikimit Hapësinor do të udhëheqë një përfaqësues i komunitetit turk.

Miratohet kryetari dhe kryesia e Parlamentit

Kuvendi i Kosovës ka zgjedhur edhe kryetarin dhe kryesinë e Parlamentit, me përjashtim të dy anëtarëve të kryesisë nga pakicat joserbe, të cilët nuk janë zgjedhur për shkak të mosmarrëveshjeve në mes të këtyre komuniteteve.

Në krye të organit ligjvënës të Kosovës është zgjedhur Jakup Krasniqi, sekretar i përgjithshëm i Partisë Demokratike të Kosovës.

Kryeparlamentari Krasniqi premtoi se gjatë punës së tij nuk do t'i ndajë deputetët në ata të pozitës dhe opozitës.

Ai shfaqi bindjen se do të ketë një bashkëpunim të mirë në mes të deputetëve në këtë fillim viti kur Parlamenti pritet të shpallë pavarësinë e Kosovës.

"Në vitin e parë te kësaj legjislature do të ndodhë zyrtarizmi i vullnetit të qytetarëve të Kosovës për shtetin e pavarur dhe sovran në koordinim me vendet e demokracisë Veri-Atlantike, të cilat po e mbështesin fuqishëm të drejtën tonë për mëvetësi. Ne me punën dhe angazhimin tonë të përditshëm, me përgjegjësi e përkushtim do të tregojmë e garantojmë se e meritojmë këtë mbështetje", tha kryeparlamentari Krasniqi.

Reagime të opozitës

Opozita ka reaguar për zgjedhjen e institucioneve të reja të udhëhequra nga dy forcat politike Partia Demokratike dhe Lidhja Demokratike që historikisht kanë qenë rivale të njëra tjetrës.

Kryetari i Aleancës Kosova e Re, Behxhet Pacolli e quajti koalicionin qeveritar ndërmjet Partisë Demokratike dhe Lidhjes Demokratike joparimor dhe jo të natyrshëm.

Por z.Pacolli, ka thënë se partia e tij që ka 13 vende në parlament, do të jetë një opozitë konstruktive dhe do ta ndihmojë qeverinë e re për realizimin e projekteve të veta.

Zoti Pacolli porositi kryeministrin Thaçi të mos harronte premtimet që i kishte dhënë gjatë fushatës zgjedhore.

"Z.Kryeministër ne do të votojmë për ju. Ju keni votën e qytetarëve të Kosovës dhe ne do t'ju votojmë. Por mos harroni, 24 orë rrymë zoti kryeministër, mos harroni autostradat në Kosovë, mos harroni zbutjen e varfërisë, mos e harroni punësimin, mos e harroni sigurinë e qytetarit, sepse ne jetojmë sot të pa sigurt, mos e harroni edukimin, shëndetësinë, mirëqenien e qytetarit", tha z.Pacolli.

Nga ana tjetër, deputetja Besa Gaxherri, nënkryetare e Lidhjes Demokratike të Dardanisë tha se qeveria e re e Kosovës nuk është bërë sipas vullnetit të qytetarëve që votuan në zgjedhjet e 17 nëntorit.

Zonja Gaxherri tha se LDD-ja do të jetë një opozitë e fuqishme e qeverisë.

"Lidhja Demokratike e Dardanisë është opozitë, por do të jetë shumë konstruktive dhe shumë parimore në çështjet nacionale, por natyrisht që do të jetë opozitë e fuqishme edhe nëse juve ju duket e pa peshë dhe e vogël, sepse keni pasur se as 40 përqind e qytetarëve nuk kanë dalë në zgjedhje. Edhe atyre që kanë dalë në zgjedhje, u është shkelur vullneti i tyre, iu ka shkel vota për çka kanë votuar, andaj ne do të jemi vërtetë një opozitë e fuqishme", tha deputetja Gaxherri.

Nënkryetari i Aleancës për Ardhmërinë e Kosovës, Ahmet Isufi ka thënë se qeveria e re është qeveri e interesave të ngushta të partnerëve të koalicionit qeverisës.

Zoti Isufi është shprehur kundër ndryshimeve që janë bërë në kornizën kushtetuese për zgjatjen e mandatit të institucioneve të Kosovës.

"Këtu kemi një shkelje që konsederojmë se në të ardhmën nuk duhet të lejohet të bëhet, sepse Parlamenti i Kosovës është ai i cili duhet të vendosë për aktet ligjore dhe kur në Parlament të votohet diçka, edhe kryeadministratori Reucker mund ta nënshkruajë, por jo që të përmbushen disa nga interesat e ngushta të partive të cilat sot kanë ofruar koalicione, "u shpreh z.Isufi.

Pakicat - pjesë e qeverisë Thaçi

Pjesë të kabinetit qeveritar do të jenë edhe pakicat.

Serbët e Kosovës në qeveri do të jenë të përfaqësuar nga subjektet politike të cilat morën pjesë në zgjedhjet e fundit por që morën një numër të vogël të votave për shkak të pjesëmarrjes të ulët të serbëve në votime.

Kryetari i Partisë Liberale Serbe, Slobodan Petroviq ka deklaruar se është nder dhe përgjegjësi e madhe që komuniteti serb do të udhëheqë dy ministri në qeverinë e Kosovës.

"Ne si njerëz të përgjegjshëm, si përfaqësues të pakicës serbe jemi këtu para se gjithash t'i mbrojmë interesat e pakicës, gjithsesi jo në dëm të shqiptarëve dhe komuniteteve tjera. Ne jemi në gjendje t'u ndihmojmë të gjithë qytetarëve të Kosovës. Vetë hyrja jonë në parlament dhe në qeveri, flet për qëllimet dhe ambiciet tona", tha zoti Petroviq.

Edhe udhëheqësi i Listës Serbe për Kosovë e Metohi, Oliver Ivanoviq, i cili bojkotoi zgjedhjet e 17 nëntorit në Kosovë ka shfaqur shpresën se qeveria e re do të punojë më shumë për të mbrojtur të drejtat e komunitetit serb.

"Shpresoj që kjo qeveri do të jetë e fortë dhe do të përmbushë atë që e ka premtuar. Lufta kundër korrupsionit është një prej çëshjeve që janë premtuar. Unë shpresoj se komuniteti serb do të ketë dobi nga kjo qeveri sepse pas gjithë këtyre viteve shpresat tona janë se qeveria e Kosovës, pavarësisht çfarë do të jetë ajo, do të fillojë të mendojë për serbët e Kosovës", tha zoti Ivanoviq. Nga ana tjetër, pakicat joserbe në përbërjen e tanishme të Kuvendin kanë 14 vende, prej të cilave dhjetë i kanë pasur të rezervuara me kornizën kushtetuese. Ato po ashtu do të udhëheqin një ministri në qeverinë e re. Megjithatë përfaqësues të pakicave joserbe kërkojnë që institucionet e reja të Kosovës t'u kushtojnë më shumë vëmendje dhe të mos përqëndrohen vetëm te pakica serbe. Xhevdet Neziraj është deputet nga komuniteti egjiptian. "Këtu nuk po më pëlqen fjalori i disa individëve, qoftë vendorë, qoftë ndërkombëtarë që e përmendin veçanërisht komunitetin serb, duhet t'i keni parasysh edhe komunitetet tjera. Nuk jemi të integruar në institucione, ashtu siç duhet, nuk jemi të përfaqësuar në ndërmarrje publike dhe në shumë institucione tjera me rëndësi. Nuk duhet të kërkohet vetëm nga komuniteti serb", theksoi z.Neziraj. Konstitumin e institucioneve të reja të Kosovës e ka përshëndetur edhe shefi i UNMIK-ut, Joachim Reucker. Ai midis të tjerave tha "Kjo ka qenë një ditë tjetër e mirë për demokracinë në Kosovë, që tregoi se kemi inst të pjekura, tani kemi qeveri stabile, kemi qeveri me bazë të mirë, kemi pasur një debat të mirë sot dhe, kishim rikonfirmimin e presidentit për mandat të ri dhe mendoj se njerëzit e Kosovës do të duhej të ishin krenarë me këtë demokraci", tha z.Ruecker. Analistët vlerësojnë se z.Reucker bashkë me zyrat dipomatike në Prishtinë, në veçanti atë amerikane, kanë pasur një rol të rëndësishëm në arritjen e marrëveshjes ndërmjet Partisë Demokratike dhe Lidhjes Demokratike të Kosovës për ndërtimin e institucioneve të reja. //bbc//

..lajmet më të reja:

Shutanovac: Problemi i Kosovës nuk mund të zgjidhet me forcë
Sarajevë, 9 janar 2008
Ministri serb i mbrojtjes, Dragan Shutanovac, tha në një intervistë të mërkurën për ditoren sarajevase “Dnevni Avaz” se Beogradi nuk do të përdorë forcën ushtarake të parandalojë fushatën e Kosovës për pavarësi.

informacion i zgjeruar:

Kuvendi miraton Qeverinë e re të Kosovës, të kryeministrit Hashim Thaçi  Nga dita e sotme vendi ynë ka kryeministrin dhe Qeverinë e re, e cila do të udhëhiqet nga Hashim Thaçi, pasi për miratimin e saj kanë votuar 84 deputetë të përbërjes së re të Kuvendit, t treta me radhë, që nga vendosja e UNMIK-ut në Kosovë. Kundër miratimit të kësaj Qeverie kanë votuar 22 deputetë, ndërsa 2 kanë qenë të përmbajturPër koalicionin qeveritar, përpos PDK-së, LDK-së dhe minoriteteve, ka votuar edhe partia Aleanca Kosova e Re, e Behgjet Pacollit, i cili këtë qëndrim e bëri publik gjatë seancës së Kuvendit.

Ministrat e ardhshëm të Qeverisë së Kosovës

Nga radhët e PDK-së;

Justina Pula-Shiroka - ministre e Energjetikës dhe Minierave, Enver Hoxhaj- ministër i Arsimit Shkencës dhe Teknologjisë, Zenun Pajaziti - ministër i Punëve të Brendshme, Idriz Vehapi - ministër i Bujqësisë e Pylltarisë, Ahmet Shala - ministër i Ekonomisë dhe Financave, Fatmir Limaj - ministër i Transportit dhe Telekomunikacionit, dhe Arsim Bajrami - ministër i Shërbimeve Publike.

Nga radhët e LDK-së:

Lutfi Zharku - ministër i Tregtisë dhe Industrisë, Nekibe Kelmendi – ministre e Drejtësisë, Alush Gashi - ministër i Shëndetësisë, Sadri Ferati - ministër i Pushtetit Lokal, dhe Skender Hyseni - ministër i Kulturës, Rinisë, Sportit dhe Çështjeve Jorezidente.

Nga pakicat jo-serbe:
Mahir Jagcillar – ministër i Ambientit dhe Planifikim Hapësinor.

Nga partitë serbe;

Boban Stankovic – ministër për Kthim dhe Komunitete, Nenad Rasic – ministër i Punës dhe Mirëqenies Sociale.

Në fjalën e tij, pas miratimit të Qeverisë së udhëhequr prej tij, kryeministri Hashim Thaçi ka falënderuar deputetët e Kuvendit të Kosovës për besimin e dhënë dhe ka thënë se Kosova ndodhet në udhëkryqin më të rëndësishëm të historisë, por me këto institucione tha ai do të përballen me sukses sfidat që e presin.

“Jemi të përgatitur që në fillim të këtij vitit ta bëjmë Kosovën të pavarur dhe vend të mundësive të barabarta për qytetarët e saj. Të drejta të qytetarëve të garantuara me Kushtetutë, për Kosovën demokratike të pavarur. Qytetarët janë të bashkuar dhe jemi të koordinuar me miqtë - SHBA, BE dhe NATO. Ëndrrën për të drejtën tonë do ta bëjmë shpejtë realitet. Politika e Qeverisë së Kosovës – Kosova do të jetë e pavarur”, tha Thaçi.

Mirëpo sipas tij, pavarësia nuk do të zgjidh të gjitha problemet dhe javët e ardhshme ai tha se do të paraqes programin konkret për reformat ekonomike në vend.

Forcat opozitare ndërkaq, adresuan kritika ndaj koalicionit PDK-LDK ashtu si edhe ndaj ekspozesë së Thaçit.

Seanca e sotme u përshëndet nga shefi i UNMIK-ut Joakim Ryker i cili vlerësoi pjekurinë e treguar të institucioneve të Kosovës. Ryker ofroi mbështetjen e administratës ndërkombëtare, por edhe u përkujtoi institucioneve përgjegjësitë dhe obligimet që i presin.

Të gjitha institucionet e zgjedhura sot burojnë nga rezultati i zgjedhjeve të 17 nëntorit 2007. Dy partitë kryesore parlamentare PDK më parë kanë nënshkruar marrëveshjen për koalicion e cila përveç tjerash parasheh një kryetar me mandat të zgjatur në pesë vjet dhe një kryeministër të fuqishëm me të drejtën e emërimit dhe shkarkimit të ministrave.

Partitë më të forta në opozitë janë AKRE-ja dhe LDD-ja të dyja forca të cilat për herë të parë janë Kuvendin e Kosovës..

...informacionet e paradetës:

SHPK arreston një të dyshuar për mbështetje të arratisurve nga Burgu i Dubravës Zyrtarë të Shërbimit Policor të Kosovës (SHPK), konfirmuan të mërkurën se një qytetar është arrestuar dje në Han të Elezit, si i dyshuar se ka ndihmuar arratisjen e shtatë të burgosurve nga Burgu i Dubravës, vitin e kaluar.

Ndërpritet greva punëtorëve të sektorit të higjienës në QKUK, në Prishtinë Në Qendrën Klinike Universitare të Kosovës, është ndërprerë greva e punëtorëve të sektorit të higjienës, e filluar dje, kur ata bojkotuan punën në shenjë pakënaqësie për shkak kushteve të vështira të punës. Greva është ndërprerë pasi atyre iu është premtuar se pagat do t’i marrin ditën e premte.

900 nxënës për një periudhë lëvizin ose braktisin shkollimin Zyrtarë të Drejtorisë Komunale të Arsimit (DKA) në Gjakovë, thanë të mërkurën se gjysmëvjetori i dytë ka filluar me shqetësime për lëvizjet e mëdha të nxënësve nga një shkollë në tjetrën por edhe me shpeshtimin e rasteve të braktisjeve së shkollave.

Kinematë kryeqytetase “në luftë” me "piratët" e filmit Zhvillimi i tregut të zi të filmave në Kosovë, ka ndikuar që viteve të fundit, në dy sallat e shfaqjeve të filmave në Prishtinë, Kinemanë ABC dhe ABC1, kanë shkuar një numër mjaft i vogël i shikuesve.

Bat: Shtetet fqinje duhet ta njohin pavarësinë e Kosovës Mali i Zi duhet të ndjek vendimin e ardhshëm të Bashkimit Evropian (BE) dhe të njohë Kosovën e pavarur, sepse është në interesin e një qëndrueshmërie në rajon, tha të mërkurën ekspertja e Institutit parisian të studimeve për siguri të BE-së, Judi Bat.

...hapur:

Kuvendi zgjodhi udhëheqësinë, vazhdon me votimin e presidentit dhe qeverisë
 Kuvendi i Kosovës në seancën e sotme me shumicë dërmuese votash zgjodhi udhëheqësinë e re, ku Jakup Krasniq është kryetar i ri i Kuvendit, ndërsa nga PDK është po ashtu në kryesi edhe Xhavit Haliti; nga LDK në kryesi të Kuvendit janë Eqrem Kryeziu dhe Sabri Hamiti, nga AKR është Ibrahim Gashi ndërsa nga LDD-PSHDK është Nexhat Daci. Përfaqësuesi i komunitetit serb dhe ai i komuniteteve joshqiptare e joserbe do të zgjidhen pas marrëveshjes midis përfaqësueseve të tyre. Ndërkohë, pas kandidimit të Fatmir Sejdiut për kryetar të Kosovës, konform marrëveshjes midis koalicionit PDK-LDK, edhe AAK doli me propozimin ne saj për Naim Malokun.
Kuvendi po vazhdon punimet me procedurën e votimit të kryetarit të Kosovës, ndërsa në rend dite është paraparë edhe votimi i kryeministrit dhe qeverisë së re të Kosovës.
Më parë, kryeadministratori Ruker iu drejtua me një fjale rasti deputetëve duke i përgezuar dhe duke paralajmeruar se Kosova gjendet para një periudhe të rëndësishme, duke rikujtuar qëndrimin se status quo është i paqendrueshëm.

BE-ja duhet të dërgojë sa më parë misionin në Kosovë, thotë Rupel  Ministri slloven i Punëve të Jashtme, Dimitrij Rupel, ka deklaruar sot se BE duhet ta dërgojë sa më parë misionin e tij në Kosovë. Ai konsideron se Prishtina nuk do ta shpallë në mënyrë të njëanshme pavarësinë e Kosovës, dhe mendon se, statusi i saj do të zgjidhet me marrëveshje. Megjithatë, kjo sipas tij, nuk do të thotë se bisedimet në mes të Beogradit dhe Prishtinës duhet të vazhdojnë, e as që kjo çështje duhet të zgjidhet me rrugë të shkurtër. Ai ka demantuar pohimin se, ekziston qëllimi që Beogradit t’i ofrohet si kompensim për humbjen e Kosovës - mundësia për hyrje në BE.
Ministrat e BE-së do të takohen më 28 janar, kur pritet të marrin vendim për hapat e mëtutjeshëm për zgjidhjen e çështjes së Kosovës.

Basha: Tashmë ka ardhur koha që plani Ahtisaari të vihet në zbatim
Marrëdhëniet dypalëshe mes Shqipërisë dhe Holandës, perspektiva e Shqipërisë për të marrë ftesën për anëtarësim në NATO dhe statusi përfundimtar i Kosovës, ishin çështjet kryesore që u diskutuan gjatë vizitës së ministrit shqiptar të Punëve të Jashtme, Lulzim Basha, në Holandë. Duke diskutuar me homologun e tij, ministrin e Punëve të Jashtme të Holandës, Maksim Verhagen, për statusin përfundimtar të Kosovës, ministri Basha ka theksuar se "tashmë ka ardhur koha që plani Ahtisaari të vihet në zbatim". Ai ka thënë që pavarësia e Kosovës, në përputhje me parimet e planit Ahtisaari do t'i shërbejë jo vetëm paqes dhe sigurisë në rajon, por do t'i hapë rrugë perspektivës europiane të Kosovës, Serbisë dhe më gjerë. Ministri Basha gjatë vizitës së tij, zhvilloi takime me ministrin për Çështjet Europiane Frans Timmermans si dhe me Ministrin e Bashkëpunimit për Zhvillim Bert Koenders. Gjatë këtyre takimeve iu kushtua një rëndësi e veçantë perspektivës europiane të Shqipërisë dhe hapave të ndërmarra nga qeveria shqiptare në kuadër të plotësimit të detyrimeve të Marrëveshjes së Ndërmjetme dhe të mbylljes me sukses të procesit të ratifikimit të Marrëveshjes se Stabilizim Asociimit nga të gjitha vendet e anëtare të BE si dhe u diskutua për intensifikimin e bashkëpunimit në fusha të ndryshme si menaxhimi i ujërave, mbrojtja e ambientit, planifikimi urban, etj. Gjithashtu, ministri Basha, mbajti dje një leksion në Institutin e Marrëdhënieve Ndërkombëtare të Holandës "Clingendael" me temë: Sfidat e integrimit euroatlantik të Europës Juglindore. Një ditë më parë, ministri Basha u prit gjithashtu në Universitetin e Utrehtit.

Tash 10 vjet Kosova nuk është pjesë e Serbisë dhe kjo është gjendje faktike, thotë Ishtvan Pastor  Kandidati i koalicionit hungarez për president të Serbisë, Ishtvan Pastor, konsideron se "për Kosovën edhe sot e kësaj dite flitet me një dozë të hipokrizisë politike", e cila vazhdimisht paraqitet si çështje që duhet zgjidhur nga e para. Sipas tij, kryesore është se tashmë dhjetë vjet ai territor nuk është më pjesë e Serbisë dhe se kjo është një gjendje faktike. "Nëse nuk vilni tatime dhe taksa nga ndonjë territor, kjo është shenjë e qartë se ajo nuk ju takon", ka thënë Pastor për shtypin serb.

Zyrtarët serb vazhdojnë ta kundërshtojnë ardhjen e Misionit të BE në Kosovë
Zyrtarët serb, të afërt me partinë e kryeministrit Vojisllav Koshtunica, vazhdojnë edhe më tutje ta kundërshtojnë ardhjen e Misionit të BE në Kosovë duke e kushtëzuar këtë me nënshkrimin e Marrëveshjes së Stabilizim Asocimit të Serbisë me BE. Sot edhe ministri i policisë, Dragan Joçiq bashkëpunëtor i ngusht i Koshtunicës, i ka bërë thirrje BE "të heq dorë nga dërgimi kundër-juridik i Misionit të vet në Kosovë e Metohi" me çka do të mundësohej nënshkrimi dhe zbatimi në jetë i Marrëveshjes së Stabilizim Asocimit.
"Serbia është shtet i lirë e sovran dhe nëqoftëse BE dëshiron ta nënshkruaj me Serbinë, më 28 janar, Marrëveshjen mbi Stabilizim Asocimin, BE duhet ta respektojë sovranitetin dhe tërësinë tokësore të vendit tonë" ka vu në dukje Joçiq në deklaratën për agjencinë serbe të lajmeve "Tanjug". Nëqoftëse BE do ta merrte "vendimin për dërgimin e Misionit të vet civil në Kosovë, i cili i përfshinë edhe forcat policore në mënyrë që të formohet krijesa kukull në territorine Serbisë, ky do të ishte akt i cenimit të tërësisë tokësore të Serbisë dhe rrënim direkt e anullim i Marrëveshjes së firmosur", ka vlerësuar Joçiq. Ai ka rikujtuar faktin se të gjitha institucionet shtetërore në Serbi kanë obligimin më të lartë për ta respektuar Kushtetutën e vendit e cila me vullnetin e popullit e ka përacktuar qartë se "kufinjt shtetëror të Serbisë janë të pandryshuar dhe se Krahina e Kosovës e Metohisë është pjesë përbërëse dhe e patjetërsueshme e saj". Joçiq ka tërhequr vërrejtjen se "me dërgimin kundër-juridik të Misionit për zbatimin e Planit të refuzuar të Ahtisarit BE, me shkeljen e vrazhdë të Rezolutës 1244 dhe të Kushtetutës së Serbisë, do ta cenonte sovranitetin dhe tërësinë tokësore të Serbisë". Prandaj ai konsideron se do të ishte më mirë sikur BE do të përacktohej për respektimin e të drejtës ndërkombëtare dhe për heqjen dorë nga dërgimi i Misionit në Kosovë që, ka përfunduar Joçiq, do të mundësonte nënshkrimin normal dhe zbatimin në jetë të Marrëveshjes së firomosur të Stabilizim Asocimit./f.m./rtk/

RTV Spektri reagon ndaj kërcënimeve të prefektit të Bujanocit Nagip Arifi Redaksia e RTV Spektrit njofton se më datë dje rreth orës 11:00, me anë të një telefonate, ka marrë kërcënime nga ana e prefektit të Bujanocit, Nagip Arifi. Shkak për këtë ishte një koment i botuar në web faqen www.presheva.com nga ana e drejtorit të shtëpisë sonë informative, Jeton Ismaili, ku ishte kritikuar qëndrimi i pushtetit lokal për stopimin e privatizimit të RTV “Bujanoci“. Andaj, Arifi, gjatë thirrjes telefonike ndaj kryeredaktorit Baki Rexhepi, ishte kërcënuar me metoda të ndryshme si dhe kishte drejtuar një sërë fyerjesh.
Ironia ishte më e madhe kur RTV Bujanoci, në kuadër të programit të vet kishte keqëpërdorur lajmet duke reaguar ndaj shkrimit tonë të botuar në ëeb faqe. Duke i pasur parasysh të gjitha këto fakte si dhe normat etike profesionale, në kuadër të programit tonë mbrëmë është emetuar informacioni ku është kërkuar nga ana e RTV Bujanoci që reagimin ta botojë edhe në ëeb faqen presheva.com. Gjithashtu ishte kërkuar nga krerët e pushtetit lokal që të japin sqarime lidhur me kërcënimet dhe fyerjet e tyre.
Një njoftim po ashtu thuhet se pas këtij informacioni, para ndërtesë së shtëpisë tonë mediale kanë filluar të grumbullohen njerëz në shenjë përkrahjeje për punën tonë profesionale dhe informimin korrekt. Më pas kanë ardhur edhe forcat e rendit. Duke iu falënderuar stafit të RTV Spektri, mbrëmë janë parandaluar demonstratat në Bujanoc, ndaj krerëve të institucioneve lokale, thuhet në njoftim
“Me anë të kësaj komunikate dëshirojmë të ia tërheqim vërejtjen opinionit se sa të rrezikshme janë tendencat për mosprivatizimin e mediave lokale në pronësi të komunave, e veçanërisht ndaj njerëzve, të cilët me metoda të ndryshme dëshirojnë të mbesin në pushtet” thotë redaksia e RTV Spektri.

Vlerësohet profesionalizmi i gazetarit Xhevdet Krasniqi që ndërroi jetë gjatë një operacioni Kolegë, familjarë, miq dhe shokë të tij nga Prizreni vlerësuan lartë punën dhe profesionalizmin e gazetarit Xhevdet Krasniqi, i cili ndërroi jetë ë moshën 37 vjeçare, gjatë një operacioni në Spitalin e Shkupit.

Një 50 vjeçar humb jetën si pasojë e shembjes së dheut në Zhilivodë Gjatë kryerjes së punëve të mihjes së thëngjillit në fshatin Zhilivodë të komunës së Vushtrrisë, ka humbur jetën një 50 vjeçar...

Inspektorët dhe policia mbyllën dy kafene të dyshimta në Malishevë Shërbimi i Inspektoratit, në bashkëpunim të ngushtë me Shërbimin Policor të Kosovës (SHPK), ka mbyllur dy lokale afariste të cilat...ishin te dyshimta...

...info...hapur:

Hollbruk: Kosova do të shpallë pavarësinë në muajin shkurt
Budapest, 8 janar 2008 - Ish-diplomati amerikan Riçard Hollbruk ka deklaruar se Kosova do të shpallë pavarësinë në muajin shkurt. "Kosova që në muajin e ardhshëm do të shpallë pavarësinë dhe më e rendësishme është që kjo të realizohet në mënyrë paqësore", ka thënë kreatori i politikës amerikane në Ballkan në një emision të TV hungarez. Sipas mendimit të tij, është e sigurt që Serbia dhe Rusia do të hedhin poshtë shpalljen e pavarësisë së Kosovës, por atë do ta njohin SHBA-të, Britania, Franca, Italia dhe shumica e vendeve të tjera të BE-së. "Edhe Hungaria publikisht ka paralajmëruar se dëshiron të ecë kësaj rruge, domethënë do ta njohë pavarësinë e Kosovës, gjë që është shumë e rëndësishme, sepse bëhet fjalë për shtetin i cili gjeografikisht ndodhet më afër këtij rajoni", ka thënë Hollbruk dhe ka theksuar se në "Serbi jetojnë më shumë hungarezë sesa serbë në Kosovë". Hollbruk ka porositur që për procesin e Kosovës duhet të bëhen përpjekje që të mbyllet në mënyrë paqësore, ndonëse siç thotë nuk ka garancione. "Shtetet evropiane, përfshi edhe Rusinë, duhet të sigurojnë që serbët të mos shkaktojnë edhe një krizë të armatosur, por përgjegjësi e madhe bie edhe mbi shqiptarët, të cilët duhet të garantojnë të gjitha të drejtat e njeriut dhe të pronës për pakicën e atjeshme serbe", ka përfunduar Hollbruk.....Qik...edhe  Rtk njofton:

Holbrooke: Kosova e pavarur në shkurt  Ish-ndihmës-sekretari amerikan i Shtetit, Richard Holbrooke, ka deklaruar në Budapest se Kosova do ta shpallë pavarësinë e saj në muajin shkurt. "Kosova gjatë muajit të ardhshëm do të shpallë pavarësinë dhe gjëja më e rëndësishme është që kjo të realizohet në mënyrë paqësore”, ka deklaruar mbrëmë ish i dërguari amerikan për Ballkanin. Ai po ashtu ka vlerësuar që, “Serbia dhe Rusia do ta hedhin poshtë proklamimin e pavarësisë së Kosovës”, mirëpo ka shtuar se, pavarësinë e Kosovës do ta njohin SHBA-të, Britania e Madhe, Franca, Gjermania, Italia, dhe shumica e shteteve anëtare të Bashkimit Evropian.

Papa Benedikti kërkon përcaktimin e statusit të Kosovës  Statusi përfundimtar i Kosovës, duhet të përcaktohet në atë mënyrë që respekton të drejtat e të gjithë banorëve dhe shmang kthimin e dhunës në Ballkan, ka deklaruar Papa Benedikti i XVI-të. Këto komente Papa i bëri këto komente në Vatikan gjatë një adresimi diplomatëve të huaj nga mbarë bota. Papa Benedikti i XVI-të, duke iu drejtuar diplomatëve ka paralajmëruar se konfliktet e armatosura e kanë lënë stabilitetin global në situatë fragjile.

A po ndryshon qëndrimin Ban Ki Moon, apo vetëm po i zgjedh fjalët ? New York, 8 janar 2008
Duke folur në një takim me gazetarë lidhur me nevojën e forcimin të rolit të Kombeve të Bashkuara në botë, Sekretari i Përgjithshëm i kësaj organizate, Ban Ki Moon , në një pyetje rreth qëndrimit të tij mbi Kosovën, ka hezituar dje të jepte një përgjigje konkrete, ndonëse pyetja ishte e tillë se a vazhdonte të mbështeste planin Ahtisaari, siç e ka bërë më parë. "Më duhet të shoh dhe ta vlerësoj situatën, sepse ajo është në zhvillim e sipër, kur është fjala tek çështja e Kosovës", tha Sekretari Ban Ki Moon.
Çështja është se a thua ka ndryshuar qëndrimi i Sekretarit të Përgjithshëm, apo ai thjeshtë si kryediplomat në organizatën botërore tani është më i kujdesshëm në zgjedhjen e fjalëve.
Në raportin e tij të fundit ai ka tërhequr vërejtjen për rrezikun e zhagitjes së mëtejme të procesit të statusit dhe ka përmendur gatishmërinë e Bashkimit Evropian për një rol më të shtuar në Kosovë, duke e vlerësuar këtë si të rëndësishëm.
Pra, a po mundohet dhe a po e pranon realitetin Sekretari i Përgjithshëm, të zhvendosjes së çështjes së Kosovës nga Këshilli i Sigurimit derisa kjo çështje përballet me bllokadën që i është vënë planit të propozuar nga emisari i tij pothuajse një vjet më parë ?
Ban Ki Moon dje nuk tha më shumë, mirëpo ai shumë qartë e pati mbështetur planin e të dërguarit të tij, kur qe shpalosur, duke e thënë shumë qartë, po citojmë "unë i jap një mbështetje të plotë rekomandimeve të dërguarit tim të posaçëm", mbyllet citati.
Ai megjithatë e ka ditur para të gjithëve se rekomandim i planit të Ahtisaarit është pavarësia e Kosovës, e mbikëqyrur ndërkombëtarisht për një periudhë të caktuar. /s.gashi/rtk/

Ryker i gatshëm të bëjë ndryshime në Kornizën Kushtetuese  Shefi i UNMIK-ut Joakim Ryker është shprehur i gatshëm që të bëjë ndryshimet në Kornizën Kushtetuese, në mënyrë që të vazhdojë mandatin e presidentit nga 3 në 5 vjet. Ryker ka shprehur gatishmërinë e tij që të amendamentojë dispozitat relevante të Kornizës Kushtetuese, që ndërrojnë mandatin e presidentit nga 3 në 5 vjet, ka thënë zyrtari për informim në UNMIK, Rusell Geekie.

LDK-ja e presidentit Sejdiu do t'i dorëzojë listën me emrat e kandidatëve të vetë, ndërkohë që edhe zoti Thaçi do të bëjë të ditur emrat e kandidatëve nga radhët e partisë që ai udhëheq.

Kuvendi i Kosovës do të duhej që në seancën e ditës së mërkurë të votojë gjithë paketën e bartësve të institucioneve të Kosovës, përfshirë qeverinë dhe organet drejtuese të vetë Kuvendit.

Marrëveshja e nënshkruar të hënën nga kreu i partisë që ka fituar zgjedhjet, Hashim Thaçi, dhe presidenti i Kosovës, në emër të LDK-së, Fatmir Sejdiu, parashikon ndarjen e pushtetit duke i lënë LDK-së drejtimin e Presidencës së Kosovës ndërkaq fituesit të zgjedhjeve, PDK-së, kryeministrin dhe kryetarin e Kuvendit.

Sipas marrëveshjes së nënshkruar, kryetari i Kosovës, në këtë rast, Fatmir Sejdiu, do të ketë mandat pesë vjecar, ashtu siç parashikon edhe propozimi i ndërmjetësit të OKB-së për statusin e Kosovës, Martti Ahtisaari.

Mandat katërvjeçar

Pas nënshkrimit të marrëveshjes për koalicion presidenti i Kosovës, Fatmir Sejdiu, tha se shpallja e vendimit për pavarësinë do të ndodhë sa më parë të të jetë e mundur.

"Ne mund te themi se kemi një orientim në kornizën themelore kohore dhe në kuadër të kësaj kornize kohore natyrisht se do të ketë operacione ta quajmë, apo veprime të koordinuara me bashkësinë ndërkombëtare, me mbështetësit e pavarësisë së Kosovës që të ndodhë sa më shpejt. Them se do të ndodhë shumë shpejt," tha presidenti Sejdiu.

Ndërkohë kryeministri i mandatuar, Hashim Thaçi, tha se marrëveshja për koalicion ndërton institucionet që do të bartin procesin e zgjidhjes së statusit të Kosovës.

"Është koalicion apo marrëveshje për Kosovën dhe jo për PDK-në apo për LDK-në. Është marrëveshje për interesin e të gjithë qytetarëve dhe natyrisht përkushtimi numër një jo vetëm i koalicionit por gjithë spektrit politik dhe qytetarëve të Kosovës është zyrtarizimi i shtetit të pavarur, sovran e demokratik sa më parë që është e mundur dhe kjo do të ndodhë sepse kemi mirëkuptim të plotë ndërkombëtarë nga Shtetet e Bashkuara dhe Bashkimi Evropian dhe vendet tjera përreth", tha Hashim Thaçi.

Të gjitha institucionet e tjera do të kenë mandat katërvjecar.

Partnerët në koalicionin qeverisës janë zotuar se përparësi të punës së tyre do të kenë pavarësinë e Kosovës.

Pavarësia e Kosovës është kundërshtuar fuqishëm nga Beogradi zyrtar i cili është kërcënuar me shkëputjen e lidhjeve me të gjitha vendet që do ta njohin atë.

Kryeministri serb, Vojisllav Koshtunica, i ka bërë thirrje BE-së që të zgjedhë mes partneritetit me shtetin e njohur ndërkombëtarisht, Serbisë, dhe njohjes së pavarësisë së Kosovës.

Por sekretari për marrëdhënie me publikun i PDK-së, Enver Hoxhaj i ka thënë BBC-së se pret që në javët e ardhshme Prishtina dhe bashkësia ndërkombëtare të krijojnë një axhendë të përbashkët për pavarësimin e Kosovës./bbc/

Padi penale ndaj katër serbëve për sulm kundër stafit të Rykerit në Gorazhdec
Pejë, 8 janar 2008
- Polica rajonale e Pejës në Prokurorinë komunale ka bërë kallëzim penal ndaj katër serbëve të fshatit Gorazhdec, të dyshuar se më 7 dhjetor të vitit të kaluar kanë sulmuar fizikisht stafin e sigurimit të shefit të UNMIK ut, Joakim Ryker dhe komandantit të KFOR it, Ksavier dë Marnak. Sipas zyrtarit për media të policisë rajonale të Pejës, Zeqir Kelmendi, padia është ngritur para festave të fundvitit, pasi më parë ishin marrë ne pyetje disa serbë dhe ishin analizuar provat materiale, si xhirimet filmike të mediave elektronike. Bëhet fjalë për këta katër vetë: Miliq Miliqeviq, Milivoje Zdravkoviq, Radojko Dunjiq dhe Dushan Manojloviq.

Në moshën 37 vjeçare vdiq gazetari Xhevdet Krasniqi
Prizren, 8 janar 2008
- Pas një sëmundjeje të shkurtër, në spitalin e Shkupit në moshën 37 vjeçare vdiq gazetari Xhevdet Krasniqi. I ndjeri për shumë vite ushtroi profesionin e gazetarit dhe ishte korrespondent i Radio Televizionit 21 nga Prizreni që nga vitet e para të pasluftës në Kosovë. Ceremonia e varrimit të Xhevdet Krasniqit bëhet sot në fshatin Nagavc të Rahovecit.

Dënohet "kërcënimi i vrazhdë dhe në rritje" për lirinë e medieve në mbarë botën
Amsterdam, 8 janar 2008
- Udhëheqësit e pesë qendrave të njohura ndërkombëtare të informimit kanë dënuar atë që ata e cilësuan si "kërcënim i vrazhdë dhe në rritje" për lirinë e medieve në mbarë botën. Në takimin në Hilversum të Holandës, drejtorët e Zërit të Amerikës, të BBC-së, Deutche Velle, Radio France International dhe Radio Holanda thanë se ekziston një trend ndaj kufizimeve të medieve dhe sulmeve kundër gazetarëve në shumë vende, në të cilat ato transmetojnë program. U kërkua që qeveritë t'i respektojnë përkushtimet sipas Deklaratës për të Drejtat e Njeriut të OKB-së dhe të lejojnë transmetimin e lirë të informacioneve.

Jouyet: Franca do ta shtyjë përpara çështjen e integrimit eventual të Ballkanit në BE Franca, që e merr presidencën e radhës të BE-së në gjysmën e dytë të këtij viti, është në favor të zgjerimit të mëtejmë të bllokut, tha ministri francez për çështje evropiane, Jean-Pierre Jouyet. Në një intervistë për të përditshmen londineze, Fajnenshël Tajms, zoti Jouyet tha se zgjerimi i mëtejmë i Bashkimit Evropian për të "nuk është brengosës" dhe Franca do ta shtyjë përpara çështjen e integrimit eventual të shteteve të Ballkanit, përfshirë edhe Serbinë.

Ngricat shqetësojnë pemëtarët dhe vreshtarët Temperaturat e ulëta deri në minus 16 gradë celsius që kanë përfshirë edhe komunën e Gjakovës, sipas ekspertëve, mund të sjellin dëme për pemëtarët dhe vreshtarët të cilët gjatë verës nuk i kanë përdorur mjetet mbrojtëse agroteknike.

Dinosha thotë se Mali i Zi nuk po zbaton standardet evropiane Shteti i Malit të Zi nuk ka arritur ende të zbatojë korpusin e të drejtave të pakicave kombëtare si në demokracitë...

...informacione të hapura:

Ryker bëri thirrje për formimin e shpejtë të qeverisë  Shefi i Misionit të Kombeve të Bashkuara në Kosovë, Joachim Ruecker kërkon formimin sa më shpejt të qeverisë së re. Në një intervistë për BBC-në, Ruecker thekson se institucionet e reja të Kosovës i presin shumë sfida për zgjidhjen e statusit. Ai ka shfaqur bindjen se deri të mërkurën do të formohet qeveria e re e Kosovës. "Mendoj se neve na duhen institucione funksionale demokratike gjatë tërë kohës, na duhet qeveria e re, po aq sa na duhej konstituimi i Asamblesë se re. Mendoj se ende jemi në limite të tolerueshme kohore dhe nëse e kemi qeverinë deri të mërkurën, unë nuk shoh ndonjë problem të madh këtu", tha Ruecker.

Sot zyrtarizohet marrëveshja për koalicion qeverisës PDK - LDK  Partia Demokratike dhe Lidhja Demokratike e Kosovës përfundimisht zyrtarizojnë sot marrëveshjen për koalicion. Zyrtarë të lartë të PDK-së e konfirmuan këtë pas takimit të sotëm ndërmjet krerëve të këtyre dy subjekteve, Thaçit dhe Sejdiut. LDK është pajtuar që të mërkurën në pako të votohet edhe për kryetarin e Kosovës. Marrëveshja për koalicionin e ardhshëm qeveritar ndërmjet dy subjekteve kryesore parlamentare, Partisë Demokratike dhe Lidhjes Demokratike të Kosovës, do të nënshkruhet pas rreth një ore /16h00/, në Kuvendin e Kosovës. Konfirmimi u bë nga PDK-ja pas takimeve të sotme brenda partisë si dhe atij ndërmjet liderëve Hashim Thaçit dhe Fatmir Sejdiut.
Ndërkohë, Lidhja Demokratike pas mbledhjes së sotme të kryesisë, përmes nënkryetarit Eqrem Kryeziu, konfirmoi se do pajtohet edhe me kërkesën e PDK-së që në pako të votohet edhe për kryetarin e vendit.
Detaje të marrëveshjes nuk janë dhënë, por ndarja e posteve mbetet ajo e paralajmëruara : PDK-ja do ketë kryeministrin, një zëvendëskryeministër dhe shtatë ministri, përfshirë ato që vlerësohen më të rëndësishmet. Partia fituese e zgjedhjeve do ketë edhe kryeparlamentarin, post i garantuar me Kornizën Kushtetuese.
LDK-ja do ketë kryetarin e Kosovës, një zëvendëskryeministër dhe pesë ministra.
Tri ministri do të udhëhiqen nga pakicat.
Emrat e ministrave zyrtarisht nuk janë konfirmuar ende, por përfliten emra të zyrtarëve të lartë partiakë.
Votimi për të gjitha institucionet do të bëhet në vazhdim të seancës konstituive të Kuvendit, e cila do të mbahet me të mërkurën.

Vështirë që Kosovës t'i mohohet pavarësia, thotë ish ambasadori i BE-së në Beograd, Albert Mas Pas të gjithave që kanë ndodhur do të ishte vështirë Kosovës t'i mohohet pavarësia", ka thënë ish-ambasadori i Bashkimit Evropian në Beograd Albert Mas për gazetën "Dnevnik" të Lubjanës. Ai konsideron se e "gjithë kjo nuk do të funksionojë, nëse në rajon nuk do të ketë bashkëpunim", sepse "të gjitha shtetet e Ballkanit Perëndimor janë të varura nga njëri tjetri edhe ekonomikisht edhe politikisht, e para së gjithash për shkak të pakicave".

Koshtunica duhet të jetë i lumtur që BE merr përsipër dërgimin e misionit në Kosovë, thotë Pack  "Bashkimi Evropian nuk do të heqë dorë nga dërgimi i misionit në Kosovë. Ne jemi në rrugë të drejtë dhe mendoj që as rusët nuk do të kenë asgjë kundër kësaj. Koshtunica në të vërtetë duhet të jetë i lumtur që BE merr përsipër atë rol. Ne nuk shkojmë në Kosovë për shkak të shumicës shqiptare, por që të gjithë që atje jetojnë, edhe serbët edhe romët, të mund të jetojnë në paqë dhe pa konflikte", ka thënë Pak. Deklaratat e zonjës Pack vijnë pas kushtëzimeve, respektivisht ultimatumit të cilin kryeministri serb, Voisllav Koshtunica, i bëri BE-së, duke deklaruar se tash BE-ja duhet të përcaktohet mes Kosovës dhe Serbisë, respektivisht integrimit të Serbisë në strukturat e BE-së dhe dërgimit të misionit ta saj në Kosovë.
Mirëpo, krahas fushatës parazgjedhore presidenciale në Serbi janë nxehur edhe tonet polemizuese mes presidentit aktual Tadic dhe kryeministrit Koshtunica, pikërisht lidhur me qëndrimet e kundërta karshi integrimeve evropiane.
Tadic ka deklaruar se refuzimi i integrimit në Bashkimin Evropian do t’i dëmtonte përpjekjet e Serbisë për ta mbajtur Kosovën. Vetëm një Serbi e fortë mund te mbrojë interesat e saj, në të cilat përfshihet edhe Kosova
Ai ka thënë se tërheqja nga Kosova nënkupton edhe tërheqjen nga Bashkimi Evropian.

Ali Ahmeti: Po afrohet dita që shqiptarët të jenë bashkë në Evropën e bashkuar “Çështja e Kosovës është akt i kryer dhe i pranueshëm ndërkombëtarisht, jo se kemi qenë nga më të mirët e rajonit dhe se na kanë përkrahur Amerika dhe Europa, por kemi patur të drejtë dhe se kundër nesh janë bërë padrejtësi dhe tani momenti është, pse mos e themi edhe hapur se Evropa ti përmirësojë gabimet prej kongresit të Berlinit deri te konferenca e Versajës që vendeve fqinje u jepeshin toka shqiptare” ka deklaruar kryetari i BDI, në një takim me banorët e Strugës. Ahmeti ka thënë se, ora po punon për çështjen shqiptare dhe se është momenti i fundit që gjenerata që punon dhe vepron në Kosovë dhe Maqedoni të realizojnë idealin e gjeneratave të tëra, që kanë sakrifikuar që populli të jetë i lirë. Kjo dita ditës po jetësohet dhe aspirata shekullore që mes njerëzve të mos ketë gurrë kufiri do të realizohet me Europën e bashkuar që nuk është aspiratë aq edhe e largët por varet nga koha dhe puna që ne do ta menaxhojmë si në Maqedoni, Kosovë edhe në Shqipëri. Ka theksuar Ahmeti, duke shtuar se, nëse kanë qenë decenie, tash janë vite që ëndrra e gjithë neve të realizohet në Evropën e bashkuar, që mes neve mos të ketë kufij, por të gjithë të lëvizin e qarkullojnë të lirë.

Policia gjen armë tek dy kinezë që jetojnë në Gjilan Policia në Gjilan ka bërë të ditur te kete gjetur armë tek dy shtetas kinezë të cilët jetojnë dhe punojnë në Gjilan. “Njësiti i Krim teknikës rajonale ka konfiskuar një pushkë automatike nga dy tё dyshimtë shtetas kinezë tё cilёt jetojnë nё Gjilan”, ka bërë të ditur Naser Ibrahimi zëdhënës i SHPK-së në Gjilan. Sipas tij nё lidhje me rastin është njoftuar Prokurori Publik i Qarkut i cili urdhëron qe te dyshimtit tё lirohen ndërsa rasti shkon nё procedurë te rregullt nё Gjykatё. Policia ka bërë te ditur gjithashtu edhe një rast kur KFOR-i ka konfiskuar armë në Mogillë të Vitisë. “Gjatë kontrollit në veturën e 28 vjeçari është gjetur dhe konfiskuar një armë pushkë gjuetie 12 mm dhe 13 fishekë të njëjtit kalibër”, ka thënë zëdhënësi Ibrahimi.

Ndërprerja e kaosit urbanistik në Prishtinë prioritet i angazhimeve, thotë Isa Mustafa  Riorganizimi i administratës komunale, formimi i policisë ndërtimore, përfundimi i projektit të unazës së qytetit dhe rrumbullakimin e rregullimit të qendrës së qytetit, do të jenë punët e para të cilat do të shihen nga qytetarët e Prishtinës, thotë kryetari Isa Mustafa. Në një intervistë për Radio Blue Sky, ai thotë se prioritet mbetet ndërprerja e kaosit urbanistik duke bërë legalizimin e objekteve qe plotësojnë kushtet dhe rrënimin e atyre që pengojën zhvillimin urbanistik. Po kështu i pari i Prishtinës premton një disiplinë të lartë në administratën komunale për të penguar praktikat e shpërdorimit të detyrës. Përsa iu takon shërbimeve publike Mustafa pret fillimin e implementimit të Planit të Ahtisaarit, me të cilin parashihet që këto shërbime t’iu kthehen në menaxhim komunave.

Gjilan: Gjendet i vdekur një burrë 53 vjeç Policia në Gjilan ka bërë të ditur për gjetjen nga dëshmitarët të një trupi pa jetë të një burri 53 vjeç. “Dëshmitar kanë gjetur viktimën, shqiptar 53 vjeçar nga fshati Bresalc, në pyll 150-200 m larg shtëpive tё këtij fshati”, ka treguar për rastin zëdhënësi i SHPK-së në Gjilan Naser Ibrahimi. Sipas familjarëve i ndjeri kishte dal për të marrë dru, ndërkohë që policia në vendin e ngjarjes ka gjetur një karrocë dore, një sëpata, një litar, një dorëz . “Në vendin e ngjarjes ekipi mjekësor ka konfirmuar vdekjen, është bërë ekzaminimi i trupit të pajetë, nuk është vërejtur ndonjë shenjë e dëmtimit fizik në trupin e viktimës. Në konsultim me Prokurorin trupi i pajetë i është dhënë familjarëve”, ka thënë zëdhënësi i policisë në Gjilan.

Besimtarët ortodoksë anekënd botës sot kremtojnë festën e Krishtlindjes  Miliona të krishterë ortodoksë nga e gjithë bota po festojnë sot Krishtlindjet, sipas kalendarit të vjetër që shënon sot lindjen e Jezu Krishtit. Një gjë e tillë po ndodhë edhe në Kosovë ku kjo festë po festohet në mënyra të ndryshme me ç’rast besimtarët ortodoks janë lutur që kjo kremte t’iu sjellë më shumë bamirësi, mëshirë dhe respekt për të gjithë ata që janë në nevojë për ndihmë dhe kujdes. Atë, Radosav Jankoviq, i pari i Manastirit të Graçanicës, shprehet se në të gjithë Kosovën kjo festë po shënohet sipas traditave ortodokse.
“Gëzuar me dushk të buzmit, lutjet, liturgjinë e shenjtë, bashkimin me Zotin. Është festuar sipas të gjitha zakoneve tona tradicionale, gjithkund që ishte e mundur që të bëhet shërbesa”, ka thënë Ati Jankoviq.
Ndryshe, në botë kjo festë është kremtuar me urimet më të mira.
Patriku serb, Pavle, në mesazhin e tij të Krishtlindjeve iu bëri thirrje serbëve të mos pranojnë ndarjet e brendshme dhe ftoi pakicën serbe në Kosovë të qëndrojnë e palëkundur përballë tensioneve.
Meshën qendrore në Moskë e celebroi kreu i Kishës Ortodokse Ruse, Patriarku Aleksey.
Në Beograd, ndërkaq në mesazhin e Krishtlindjeve, peshkopi Amfilohije i akuzoi vendet perëndimore se "i shkelin gjitha normat e Zotit dhe drejtësisë" duke mbështetur pavarësinë e Kosovës. Zyrtarët e Kishës ortodokse Serbe thanë se Kosova është toka e shenjtë, "zemra dhe shpirti i popullit serb".
Përderisa në Betlehem, në vendin biblik të lindjes së Krishtit, mijëra besimtarë qëndruan në motin me shi për të parë paradën tradicionale të Krishtlindjeve.
Po në Betlehem, Patriarku ortodoks Grek i Jerusalemit, Theofilos i Treti, mbajti një meshë në Kishën e Lindjes së Krishtit.

Tre policë lëndohen shkaku i sulmeve ndaj tyre Në dy raste të ndara të sulmeve fizike ndaj pjesëtarëve të Shërbimit Policor të Kosovës (SHPK) të stacionit Skenderaj, janë lënduar lehtë tre pjesëtarë të SHPK-së...

Arrestohen dy të dyshuar për vjedhjen e postës në Pejë Policia rajonale e Pejës, konfirmoi të premten se ka arrestuar dy të rinj nga Peja, 21 dhe 22 vjeç, të cilët dyshohen se janë autorët e thyerjes së postës numër 3 në Pejë...Ata kishin vjedhur kartela të “Valës” në vlerë 8067.07 euro.

U shënua 5 vjetori i vrasjes së Tahir, Enis e Hasan Zemajt
04.01.2008 Prishtinë Në Teatrin Kombëtar të premten në Prishtinë, u mbajt akademia përkujtimore me rastin e shënimit të pesë vjetorit të vrasjes së..Tahir, Enis e Hasan Zemajt.

LGM reagon ndaj vendimit të KPM-së për mbylljen e “TV Mitrovica”

Lidhja e gazetarëve të Mitrovicës (LGM), në mbledhjen e së premtes, pasi shqyrtoi gjendjen në fushën e informimit publik në qytetin e Mitrovicës, vendosi të reagojë ndaj...

LGM-ja reagon kundër mbylljes së TV Mitrovicës
04.01.2008 Mitrovicë
Lidhja e Gazetarëve të Mitrovicës (LGM), në mbledhjen e mbajtur të premten, ka reaguar ndaj vendimit të Komisionit të Pavarur për Media, për mbylljen dhe konfiskimin e pajisjeve për transmetim të TV Mitrovicës.

Në Mal të Zi regjistrohen temperatura të ulëta Vala e ftohtë që ka kapluar Malin e Zi ka ndikuar në uljen e madhe të temperaturave deri në minus 20 gradë celsius, sidomos në pjesën veriore.

...informacione të hapura:

Seanca e ardhshme e KS të OKB-së, për Kosovën, mbahet më 16 janar
New York, 4 janar, 2008
KS i KB do të shqyrtojë më 16 janar raportin tremujor të Sekretarit të Përgjithshëm Ban Ki Moon mbi zhvillimet në Kosovë, si dhe do të dëgjojë raportimin edhe të shefit të UNMIK-ut, Joakim Ruecker si dhe të palëve të tjera të interesuara. Këtë e bëri të ditur në një konferencë për shtyp dje, ambasadori i Libisë, Giadalla Ettalhi, vendi i cili për herë të parë në historinë e tij u bë anëtar i përkohshëm dhe që njëkohësisht e kryeson për këtë muaj KS. Takimi ishte paraparë fillimisht të ishte në kuadrin e të ashtuquajturave konsultime lidhur me punën e UNMIK-ut, mirëpo pas kërkesës së presidentit të Serbisë, Boris Tadiq që të flasë, tani do të ndërrohet formati i takimit dhe do të vendoset se a do të jetë ai privat, përkatësisht i mbyllur për media, apo publik.
Ndërkaq, zëvendëspërfaqësuesja e Amerikës në Kombet e Bashkuara, ambasadorja Jackie Wolcott, tha se edhe pse takimi i 16 janarit kishte të bënte me punën e UNMIK-ut, pas kërkesë së Serbisë që të flasë, çështja ndryshoi dhe takimi do të shqyrtojë edhe çështje të tjera rreth Kosovës.
"Kjo çështje u diskutua sot dhe ne nuk mundëm të vendosim se cili do të jetë formati, mirëpo për këtë do të vazhdojnë konsultimet dhe do të vendoset javën që vjen”, tha ambasadorja Wolcott.
Dje po ashtu u shpërnda edhe zyrtarisht raporti më i ri i Sekretarit të Përgjithshëm Ban Ki Moon që i dërgon Këshillit të Sigurimit lidhur me zhvillimet në Kosovë, në të cilin ai sërish tërheq vërejtjen se nëse nuk do të gjendet më shpejt zgjidhja politike për Kosovën, ngjarjet në terren mund të rrezikojnë punën disa vjeçare dhe të arriturat e Kombeve të Bashkuara atje.
Sekretari Ban iu bashkëngjitet zërave të burrështetasve dhe diplomatëve të vendeve të ndryshme të botës për një zgjidhje më të shpejtë të statusit.
"Ecja përpara me procesin e përcaktimit të statusit të ardhshëm të Kosovës duhet të mbetet prioritet i lartë për Këshillin e Sigurimit dhe për bashkësinë ndërkombëtare", shkruan në raportin që ia drejton Këshillit të Sigurimit, Ban Ki Mun, ndërsa nënvizon edhe “përkushtimin në rritje të institucioneve të Bashkimit Evropian për Kosovën si një hap të rëndësishëm, ashtu siç është edhe perspektiva evropiane për Kosovën”. /s.gashi/rtk/

Rice diskuton për Kosovën me Libinë, kryesuese e KS-së për janarin
 Sekretarja amerikane e Shtetit u takua me ministrin e jashtëm të Libisë, duke qenë kështu takimi i nivelit më të lartë mes dy vendeve në 35 vitet e fundit. Uashingtoni dëshiron të bashkëpunojë me Libinë në një numër çështjesh përfshi dhe atë të Kosovës, kur dihet se Libia ka marrë nga 1 Janari kryesinë e radhës së Këshillit të Sigurimit.

"Di Prese" :Pavarësisht kërcënimeve të Koshtunicës, BE e SHBA të vendosura ta njohin pavarësinë e Kosovës
Deklaratat e Koshtunicës i ka fokusuar sot në një artikull, gazeta vjeneze “Di Prese”. Sipas gazetës, në takimin e Këshillit të Ministrave të BE-së më 28 janar, do të vendoset për fatin e misionit në Kosovë dhe raportet me Serbinë. Por, pavarësisht kërcënimeve të Koshtunicës, vazhdon “Di Prese”, Bashkimi Evropian dhe Shtetet e Bashkuara po dëshmojnë vendosmëri për njohjen e pavarësisë së Kosovës.
Të rikujtojmë se kryeministri serb, Vojisllav Koshtunica, i ka dhënë ultimatum Bashkimit Evropian që të zgjedhë midis Serbisë dhe Kosovës. “Më 28 janar BE-ja duhet të zgjedhë nëse do ta nënshkruajë Marrëveshjen e Stabilizim-Asociimit me Serbinë, apo, duke u ndodhur nën presionin e SHBA-ve, të dërgojnë misionin civil në Kosovë”, ka deklaruar Koshtunica.

"Le Monde": Çështja e Kosovës do të jetë vendimtare për kredibilitetin e BE-së në botë  Zgjidhja e krizës në Kosovë është një nga sfidat kryesore të politikës së Bashkimit Evropian në vitin 2008, nga e cila varet kredibiliteti i evropianëve dhe vendi i tyre në botë në kohën e globalizimit, shkruan gazeta e Parisit "Le Monde" në numrin e saj të sotëm. "Çështja e Kosovës do të jetë vendimtare", shkruan "Le Monde", duke shtuar se "nëse BE ia arrin që të zgjidhë krizën në mënyrë paqësore, do të jetë koha e përshpejtimit të procesit të bashkimit të BE-së që u është premtuar shteteve të rajonit.

Konstituohet Kuvendi i Kosovës, nuk u zgjodh kryetari as kryesia e tij
    Në mbledhjen e vet të parë, konstituive, Kuvendi i ri i Kosovës, i dalë nga zgjedhjet e 17 nëntorit, nuk ka zgjedhur kryesinë dhe as kryetarin e vet. Shtyrja e zgjedhjes së dy organeve drejtuese kryesore të Kuvendit u bë me propozimin e kryesuesit të mbledhjes së parë, deputetit më të moshuar, akademik Mark Krasniqit. Më pas Kuvendi, emëroi Komisonin për Mandate dhe Imunitete. Kuvendit i është drejtuar kryeadministratori Joakim Ryker, duke e nisur fjalimin e tij me përshëndetje në gjuhën shqipe dhe serbe.
   Në mënyrë solemne u bë ceremonia e betimit të deputetëve.
Kuvendi do ta vazhdojë mbledhjen të mërkurën, për të zgjedhur Kryetarin dhe Kryesinë.
Njëkohësisht pritet që deri atëherë të qartësohet edhe koalicioni qeverisës.

Dubravë: Të burgosurit ndërprenë grevën e urisë
Këshilli grevist i të burgosurve në Burgun e Dubravës ka bërë të ditur se është ndërprerë greva e urisë. Greva e urisë kishte filluar para 7 ditësh ndërsa kërkesat e të burgosurve ishin aplikimi i ligjit për amnisti, llogaritja 9 muajshe e vitit të burgimit, mundësimi i vizitave në familje gjatë vikendit etj. Gjatë grevës së urisë numër i konsiderueshëm i të burgosurve kanë kërkuar ndihmë mjekësore.

Brenda një dite sulmohen dy herë fizikisht pjesëtarët e SHPK-së në Skenderaj
Dje rreth orës 9:30 në stacionin e policisë në Skenderaj, dy persona 33, përkatësisht 34 vjeçarë janë paraqitur për të pranuar një tiketë për kundërvajtje në trafik, e cila të dyshuarve iu ishte lëshuar për parkim të parregullt, njofton toger Besim Hoti, zëdhënës i policisë regjionale në Mitrovicë. Pasi bëjnë pagesën në bankë, 2 personat kthehen sërish në stacionin e policisë, me ç‘rast e godasin pjesëtarin e SHPK-së, ndërkohë që pjesëtarët tjerë të policisë kanë reaguar duke arrestuar sulmuesit. Edhe rasti tjetër i sulmit ndaj pjesëtarit të SHPK-së në Skenderaj ka ndodhur po dje rreth orës 13:00 në rr. “Ilaz Kodra”, në afërsi të stacionit të autobusëve në Skenderaj, gjatë kohës kur dy pjesëtarë të SHPK-së po bënin patrullimin në këmbë.
Bëhet e ditur se një person i dyshimtë e ka sulmuar njërin nga pjesëtarët e SHPK-së, ndërkohë që një police femër ka pësuar lëndime trupore në dorën e djathtë, në tentim për ta penguar sulmin e të dyshuarit ndaj policit I dyshuari më pastaj është arrestuar.
Policia e ka caktuar ndalimin ndaj sulmuesve në të dy rastet, ndërkohë që ata janë dërguar në stacionin e policisë në Mitrovicë për mbajtje, deri në paraqitjen e tyre para gjyqtarit të procedurës paraprake.
Hetuesit e sektorit të krimeve serioze në Mitrovicë, janë informuar lidhur me rastet dhe në bashkëpunim me prokurorin publik të Prokurorisë së Qarkut në Mitrovicë, janë duke i zhvilluar hetimet e veprës penale “sulm fizik ndaj personit zyrtar në kryerje të detyrës zyrtare”, i paraparë në bazë të Kodit të përkohshëm Penal të Kosovës, thuhet në një kumtesë për opinion të lëshuar nga Zyra për marrëdhënie me publikun pranë Ministrisë së Punëve të Brendshme të Kosovës.

Dështon konstituimi i asamblesë komunale të Shtërpcës
Konstituimi i asamblesë komunale të Shtërpcës ka dështuar ngase  këshilltarët serbë nuk ishin prezent në mbledhje. Kryesuesi i mbledhjes Stanko Jakovleviç mosmbajtjen e seancës së sotme e ka arsyetuar, se njoftimi për mbajtjen e saj është marrë me vonesë dhe atë vetëm në gjuhën angleze, se ka konflikt të interesave tek disa këshilltarë të cilët janë çertifikuar dhe se mungesa e energjisë elektrike ka bërë që materiali të mos shtypej me kohë. Në seancën e sotme ishin prezent vetëm këshilltarët shqiptarë, ata të çertifikuar dhe ata që drejtpërdrejt e morën votën e popullit më 17 nëntor, ku nuk morën pjesë banorët serbë.
Kryeadministratori i Kosovës me një urdhëresë të posaçme iu ka vazhduar mandatin këshilltarëve serbë dhe ka bërë çertifikim e vetëm 5 këshilltarëve shqiptarë.
Këshilltarët shqiptarë kanë kërkuar që Johakim Ruker të bëjmë çertifikim e 17 këshilltarëve shqiptarë që kanë marrë besim e popullit.

Në Shqipëri helikopterët shpërndajnë ndihma ushqimore në zonat e bllokuara nga moti i lig
Autoritetet e Drejtorisë së Emergjencave në Shqipëri filluan shpërndarjen e ndihmave ushqimore në zonat e bllokuara nga reshjet e mëdha të dëborës dhe ngricat, në Iballë të Pukës, në verilindje të vendit. Ndihmat janë shpërndarë me helikopterë dhe janë drejtuar në qendrat e rrezikuara nga mbarimi i rezervave ushqimore. Por, problem serioz mbetet shpërndarja e ndihmave dhe qarkullimi në zonat e thella malore që përfshijnë një numër të madh fshatrash.  Në rajonet e Hasit dhe të Tropojës, gjithashtu në verilindje, problemet e shkaktuara nga ngricat, era e fortë dhe të ftohtit kanë vështirësuar qarkullimin e automjeteve si dhe procesin mësimor. Në disa rrugë në verilindje trashësia e akullit e ka pamundësuar lëvizjen e automjeteve.
Rrugët që lidhin Shqipërinë me Kosovën nga Tropoja drejt Gjakovës janë të hapura, sikundër edhe ato që lidhin Tropojën me pjesën tjetër të vendit, përkatësisht Qafë Morinë - Bajram Curr-Fierzë dhe Bajram Curri-Krumë.
Bajram Curri është qendra qytetëse e rrethit të Tropojës. Po ashtu të kalueshme, ndonëse me vështirësi, janë edhe rrugët që lidhin Pukën me Fushë-Arrëzin dhe me Kukësin, segmente të rëndësishëm qarkullimi drejt Kosovës.
Automjetet kalojnë me zinxhirë dhe me pajisje dimërore.
Gjendja e përafërt është edhe në Rrethin e Kukësit. Autoritetet vendore të Hasit, Kukësit dhe të Tropojës kanë përqendruar kërkesat për ndihmë në prefektura dhe kanë saktësuar gjendjen në terren.
Në Has, kryetari i bashkisë, Bardhyl Peka, sipas agjencisë zyrtare të lajmeve, ka bërë të ditur se i ftohti i madh rrezikon fillimin e procesit mësimor, pasi edhe pse kanë lëndë djegëse, shumë prej nxënësve kanë largësi të madhe të vendbanimit me shkollën, çka pamundëson shkuarjen deri atje.
Sipas kryebashkiakut Peka, ka nisur të duket shumë ngrirja e tubacioneve të ujit të pijshëm në disa pallate të qytetit, ndërkohë që furnizimi me rrymë është përgjithësisht i mirë. Mirëpo, në Has, 7 komuna janë ende të bllokuara nga dëbora dhe ngrica prej disa ditësh. Qarkullimi është i vështirë për automjetet në rrugët kryesore Krumë-Kukës dhe Krumë-Qafë Prush.
Ndërkaq, në Tropojë, nënprefekti Syl Smajlaj pohoi se vështirësitë janë të mëdha për banorët, ndërkohë që edhe 8 fshatra janë të bllokuara. /d.ndrenika/ rtk/

Gati për zbatimin e planit Ahtisaari pas shpalljes së pavarësisë, thonë zyrtarët vendorë
 Derisa pritet që së shpejti Kosova ta shpallë pavarësinë dhe të fillojë me zbatimin e Planit të Ahtisaarit, në institucionet përkatëse thuhet se nuk do të ketë probleme përsa i takon përgatitjes së pakos së domosdoshme legjislative për fillimin e zbatimit të tij. Drafti i Kushtetutës është në fazën e korrekturës, çështja e simboleve në fazën e përzgjedhjes dhe miratimit, pasi që konkursi ka kohë që është kryer. Ndërkohë që pritet shpallja e Kosovës shtet i pavarur dhe sovran, sipas propozimit të kryenegociatorit Martti Ahtisaari, përfaqësues të institucioneve të Kosovës deklarojnë se tashmë është kryer një pjesë e madhe e punës për sa i takon përgatitjes së kornizës së domosdoshme juridike që parashihet në pakon e Ahtisaarit. Akti më i lartë juridik i shtetit - Kushtetuta, tashmë është përgatitur si draft dhe është në fazën e korrekturës, thotë kryetari i Grupit për Hartimin e Kushtetutës, Hajredin Kuçi. Por miratimi i saj ndërlidhet shumë me statusin juridik dhe politik të Kosovës, sqaron Kuçi.

“Ne duhet ta dimë fillimisht statusin dhe miratimi mund të bëhet përnjëherë ose më pastaj. Por, Kushtetuta nuk mund të miratohet para definimit të statusit final, e them në kuptimin juridik. Për çdo vendim politik dhe afat kohor që kërkohet nga ne, do ta respektojmë”, sqaron Kuçi.

Skënder Durmishi - këshilltar për media i krye-kuvendarit Kolë Berisha, thotë se kuvendi do ta procedojë shumë shpejt miratimin e Kushtetutës bashkë me procedurën e diskutimit publik që është e nevojshme. Po kështu edhe për çështjen e simboleve, Durmishi thotë se, tashmë komisioni përkatës ka grumbulluar më shumë se 3 mijë propozime për flamurin dhe stemën dhe është bërë seleksionimi i tyre.

“Është në kompetencë të Ekipit Negociator që të formojë një juri profesionale e cila do të përzgjedh nga tri propozime më cilësore për flamurin dhe për stemën. Pastaj është në kompetencë të Kuvendit të Kosovës që përfundimisht të vendosë, respektivisht që të miratojë flamurin dhe stemën e shtetit të Kosovës”, sqaron Durmishi.

Nuk raportohet as ngecje rreth çështjes së ligjeve të domosdoshme. Grupi strategjik për transicion i Qeverisë së Kosovës, kishte identifikuar 19 ligje që duhet të miratohen dhe qeveria ka punuar në to, thotë zëdhënësi i Qeverisë Çeku, Avni Arifi.

“Nga këto 19 ligje, 8 janë finalizuar, kanë ardhur në Zyrën e kryeministrit, disa edhe janë aprovuar, mirëpo me një vendim të ri ato të gjitha do të grumbullohen në Zyrën civile ndërkombëtare dhe atyre pritet t’iu bashkëngjiten edhe 11 ligje të tjera të cilat janë në përfundim e sipër”, thotë Arifi.

Kuvendi i Kosovës pat ndërprerë shqyrtimin e këtyre ligjeve pasi që nuk kishte të drejtë miratimi, përderisa nuk zgjidhej statusi politik i Kosovës, prandaj pritet që ato të aprovohen në pako dhe me një procedurë më të shpejtë, menjëherë pas shpalljes së pavarësisë, thotë Skënder Durimishi.

Kurse Avni Arifi thotë se, sipas vlerësimit të ekspertëve ligjorë, puna e mbetur në përfundimin e ligjeve merr një kohë të shkurtër, “Dhe nuk ka asnjë shqetësim se shpallja e vendimit për pavarësimin e Kosovës do të na gjejë të papërgatitur në finalizimin e ligjeve”, thekson Arifi.

Edhe Hajredin Kuçi, i angazhuar në Komisionin e Kushtetutës dhe atë të simboleve thotë se nuk do të ketë vonesa.

“Mendoj se ne do të jemi të gatshëm që t’i përcjellim proceset vazhdimisht. Mendoj që në këtë kuptim do t’i marrim vendimet adekuate dhe për asnjë moment nuk do të vonohemi dhe asnjë pengesë që ka të bëjë me statusin final të Kosovës, nuk do të lejohet”, saktëson Kuçi.

Nxjerrja e akteve të domosdoshme juridike për formalizimin e shtetësisë së Kosovës, sipas Pakos së Ahtisaarit, do të jetë prioriteti absolut me të cilin do të merret legjislatura e re e Kosovës, e dalë nga zgjedhjet e 17 nëntorit, thotë këshilltari për media i kryekuvendarit Berisha, Skënder Durmishi.

Përderisa zyrtarët e institucioneve të Kosovës, deklarojnë se gjithçka do të jetë gati në rrafshin juridik për të filluar funksionimi i Kosovës - shtet sovran dhe i pavarur, kryetari i ri i Prishtinës, Isa Mustafa, thotë se ndër angazhimet e tij të para në detyrën e re, do të jetë përgatitja e qendrës së kryeqyteti për festimin e shpalljes së pavarësisë.

Nuk dihet nëse në seancën e nesërme të Kuvendit do të votohet edhe për qeverinë e re
 Nesër do të mbahet mbledhja konstituive e përbërjes së re të Kuvendit të Kosovës. Ende mbetet e paqartë nëse nesër do të votohet edhe për qeverinë e re të mandatarit Hashim Thaçi. Kryesia e Partisë Demokratike do të mblidhet pasdite për të diskutuar rreth kandidatëve për kryeparlamentar, anëtarë të kryesisë dhe postet ministrore. Një ditë para mbledhjes konstituive të parlamentit, ende nuk ka vendime përfundimtare rreth koalicionit të ardhshëm qeveritar. Zëdhënësja e PDK-së Vlora Çitaku i tha Radio Kosovës se vendimet mund të priten në mbledhjen e kryesisë së partisë që do të mbahet sot pasdite.

Çitaku nuk dha një përgjigje të prerë se ku qëndron problemi për shtyrjet në zyrtarizimin e koalicionit me Lidhjen Demokratike të Kosovës. Ajo konfirmoi vetëm vazhdimin e bisedimeve në nivele të larta të të dy partive.

Sipas burimeve brenda PDK-së dhe LDK-së problem kryesor në zyrtarizimin e marrëveshjes përbën ndarja e ministrive dhe emrat për ministra.

Ndërkohë, as Kryesia e deritashme e Kuvendit në rendin e ditës për seancën e parë nuk ka paraparë votimin për qeverinë. Sipas procedurave, seanca do të udhëhiqet nga deputeti më i vjetër. Për të tretën herë radhazi nga Mark Krasniqi.

Deputetët e rinj do të bëjnë betimin sipas të cilit zotohen se me të gjitha aftësitë do të punojnë në interes të Kosovës. Gjithashtu do të votohet për kryeparlamentarin e ri, dhe, kandidati më serioz sipas burimeve nga PDK-ja është zyrtari i lartë Jakup Krasniqi.

Ndërkohë, LDK-ja caktoi sot Eqrem Kryeziun shef i grupit parlamentar, i cili së bashku me Sabri Hamitin do të jetë edhe anëtar i kryesisë së Kuvendit.

Njoftimet e mëhershme për formimin e Qeverisë së re të Kosovës ditën e premte /nesër/ ishin të pasakta. Rrjedhimisht edhe deklarata e Sekretarit të PDK-së për marrëdhënie me publikun, Enver Hoxhaj, se konstituimi i qeverisë do të bëhet në të njëjtën ditë kur do të mbahet edhe seanca e Kuvendit, dolën të pasakta, meqë Hoxhaj i tha RTK-së se nuk kishte deklaruar diçka të tillë.

Sejdiu përgëzon Rupelin me rastin e marrjes së kryesimit të Këshillit të Ministrave të UE
 Presidenti i Kosovës, Fatmir Sejdiu në emër të tij dhe të popullit të Kosovës ka përgëzuar sot Ministrin e Jashtëm të Republikës së Sllovenisë, Z. Dimitrij Rupel, me rastin e marrjes së detyrës së rëndësishme të kryesimit të Këshillit të Ministrave të Jashtëm të Unionit Evropian gjatë gjysmës së parë të vitit 2008. Në letrën e tij, dërguar ministrit të Jashtëm slloven, presidenti Sejdiu shprehet i sigurt se “koha e marrjes së kësaj detyre është me rëndësi simbolike për ju vetë, si ministër i parë i jashtëm i Sllovenisë së pavarur, ndërsa jeni në krye të diplomacisë sllovene edhe aktualisht, kur vendi juaj është anëtarësuar në NATO dhe UE, ndërsa tani ka edhe Presidencën e radhës të UE-së”.

Zgjidhja e problemit të fundit dhe më të madhit që ka mbetur nga shpërbërja e ish-Jugosllavisë, gjegjësisht përfundimi i procesit të gjatë të pavarësimit të Kosovës, është sfida kryesore që do ta kërkojë vëmendjen tuaj në këtë fillim viti dhe gjatë gjithë kryesimit tuaj të radhës të Unionit Evropian, shkruan presidenti Sejdiu në letrën dërguar ministrit të Jashtëm slloven, Rupel.

Tranzicioni i Kosovës në shtetësi të njohur ndërkombëtarisht, pasi ta kemi ri-shpallur ne vetë këtë pavarësi, në bashkërendim me Unionin Evropian dhe Shtetet e Bashkuara, është me rëndësi jetike për Kosovën por edhe për Evropën Juglindore, e cila do të jetë rikonfiguruar politikisht për të mirën e rajonit dhe të Evropës përgjithësisht, shkruan Sejdiu.

Kosova përjetoi luftën e përgjakshme dhe fushatën e gjenocidit serbe në fund të dekadës së kaluar, për t’u bërë më në fund vend i lirë dhe de fakto i pavarur në qershorin e vitit 1999, pas një lufte të gjatë politike e çlirimtare të popullit të Kosovës dhe të ndihmës humanitare, politike e ushtarake që na dhanë vendet e Unionit Evropian dhe të aleancës veri-atlantike, thekson në letrën e tij presidenti Sejdiu.

Besoj se do të jetë në nderin tuaj që Kosova, si vend i pavarur edhe de jure, të nisë procesin e gjatë të integrimit të vendit tonë në UE gjatë kryesimit të vendit tuaj, thotë Sejdiu.

Presim që të punojmë ngushtë me Presidencën sllovene të Unionit Evropian për të siguruar që perspektiva evropiane e Kosovës dhe e gjithë kësaj pjese të Evropës të realizohet plotësisht dhe sa më shpejt, thuhet në letrën përgëzuese të cilën Presidenti i Kosovës, Fatmir Sejdiu, i ka dërguar ministrit të Jashtëm slloven dhe Kryesues i Këshillit të Ministrave të Unionit Evropian, Dimitrij Rupel.

UNMIK-u këshillon fuqimisht të burgosurit që ta përfundojnë protestën e tyre menjëherë
 Kështu ka njoftuar sot Ministria e Drejtësisë, përmes një komunikate për opinion, me të cilën bëhet e ditur se ministri Salihaj edhe sot ka kontaktuar me presidentin Sejdiu, me të cilin kanë diskutuar për grevën e urisë që janë duke e mbajtur 470 të burgosur në Burgun e Dubravës. Po sot edhe kryeadministratori Rycker iu është drejtuar me një letër Këshillit Grevist të të Burgosurve, nëpërmjet një përfaqësuesi nga Zyra Ligjore e UNMIK-ut. Në komunikatë bëhet e ditur se Presidenti i Kosovës, Fatmir Sejdiu e ka garantuar ministrin Salihaj se do të angazhohet maksimalisht rreth zgjidhjes së kësaj çështje në afatin sa më të shkurtër kohor.

Po sot, thuhet në këtë komunikatë Përfaqësuesi Special i Sekretarit të Përgjithshëm në Kosovë z. Joachim Rucker, iu është drejtuar me një letër Këshillit Grevist të të Burgosurve, nëpërmjet një përfaqësuesi nga Zyra Ligjore e UNMIK-ut, në të cilën letër shpjegon dallimin në mes amnistisë dhe faljes.

“Amnistia nuk është e drejtë e një të burgosuri. Ajo lejohet si amnisti e përgjithshme, ose si amnisti për kategori specifike veprash penale në kuadër të përgjegjësisë së organit më të lartë ekzekutiv, dhe, në të gjitha rastet akte të tilla ekzekutive sillen vetëm në rrethana tepër të jashtëzakonshme.

Ndërkaq, Falja jepet në mënyrë të jashtëzakonshme në lidhje me një vepër të caktuar penale dhe i jepet vetëm një individi (apo individëve) të caktuar me emër.

Sipas kornizës ligjore ekzistuese, autoriteti ekzekutiv me anë të të cilit mund të lejohet amnistia apo falja i është mveshur Përfaqësuesit Special të Sekretarit të Përgjithshëm. Tani për tani, nuk ekzistojnë rrethana të jashtëzakonshme të cilat arsyetojnë ndërhyrjen e PSSP-së për lejimin e një amnistie të përgjithshme”, thuhet në letrën e PSSP-së.

UNMIK-u këshillon fuqimisht të burgosurit / të ndaluarit/ që ta përfundojnë protestën e tyre menjëherë.

Edhe sot gjatë ditës komisionari i Shërbimit Korrektues të Kosovës z. Resmi Hoxha, është takuar dy herë me Këshillin Grevist të të Burgosurve dhe ka bërë përpjekje që ta ndërpresin grevën, por deri më tani nuk është arritur ndonjë marrëveshje për ndërprerjen e grevës.

Këshilli Grevist i të Burgosurve ka kërkuar sot nga komisionari Hoxha që të ndikojë tek Presidenti Sejdiu që përmes mjeteve të informimit t’iu drejtohet të burgosurve me një mesazh se Presidenca dhe Qeveria do të angazhohen për një trajtim serioz të amnistisë dhe faljes së të burgosurve.
Të burgosurit grevist të cilët kanë kërkuar ndihmë mjekësore, iu është ofruar ndihma nga stafi shëndetësor i Shërbimit Korrektues të Kosovës dhe gjendja shëndetësore e grevistëve është e mirë, thuhet në një komunikatë për opinion të lëshuar sot nga Ministria e Drejtësisë.

Ryker mori vendim për shfrytëzimin e përkohshëm të mjeteve të buxhetit të Kosovës Shefi i UNMIK-ut, Joakim Ryker, ka marrë vendim për shfrytëzimin e përkohshëm të mjeteve të buxhetit të Kosovës. Ai ka urdhëruar shfrytëzimin e buxhetit për dy muajt e parë të këtij viti. Zëdhënësi i UNMIK-ut tha se ky vendim është marrë me qëllim të krijimit të kushteve për punë normale të agjencive buxhetore.“Kjo ka të bëjë për fondet për energjinë elektrike, ndërsa me këtë vendim kuvendit i jepet kohë e mjaftueshme që të miratojë buxhetin e rregullt për vitin 2008", ka thënë Aleksandër Ivanko, zëdhënës i UNMK-ut. Buxheti i Kosovës për vitin 2008 nuk është miratuar ende nga Kuvendi i Kosovës. Kjo është pasojë e moskrijimit të qeverisë dhe moskonstituimit të Kuvendit të Kosovës.

Drejtoria e Emergjencave Civile në përballim të gjendjes së vështirë në veri të Shqipërisë
Drejtoria e Emergjencave Civile në Shqipëri pohoi sot se gjendja në vend është e vështirë për shkak të motit të lig, por shtoi se kjo gjendje nuk është alarmante. Janë përgatitur rezerva ushqimore për raste të vështira dhe për të mundësuar lëvizjen e shtetasve nëse do të ketë nevoja për ndihmë të parë Drejtoria saktësoi se shumë akse rrugore janë shumë të vështira për të qarkulluar dhe se shoferët duhet të udhëtojnë me zinxhirë në rrota. Drejtori i Emergjencave Civile të Shqipërisë, Alfred Olli, tha sot se për fat të mirë deri tani nuk është shënuar asnjë gjendje urgjence përsa i përket shëndetit të njerëzve dhe furnizimit me ushqime që mund të jetë shkaktuar nga bllokimi i rrugëve, për shkak të dëborës së madhe që po bie. Ai tha se janë përgatitur rezerva ushqimore për raste të vështira dhe për të mundësuar lëvizjen e shtetasve nëse do të ketë nevoja për ndihmë të parë.

"Deri tani nuk kemi pasur asnjë kërkesë nga pushteti lokal dhe prefekturat, pasi ato në bazë të ligjit janë të ngarkuara për të ndjekur problemet e emergjencave civile. Kemi përgatitur për rezerva ushqimore paketa të mëdha, të cilat i kemi përqendruar kryesisht në dy pika; në Qarkun e Kukësit dhe në rrethin e Pukës për t'i pasur në gatishmëri nëse do të na nevojiten. Pra i kemi çuar nga Tirana për çdo rast emergjence", ka sqaruar z. Olli.

Për gjendjen e rrugëve, drejtori i Emergjencave Civile, Alfred Olli tha se akset që lidhin Shqipërinë me Kosovën janë me vështirësi në qarkullim, por ato janë të zhbllokuara sikurse në mbarë vendin dhe po ashtu trafiku është normal dhe shtoi se në akset rrugorë duhet që shoferët medoemos të vendosin zinxhirë në rrota.

"Në Qarkun e Shkodrës do të përmendja aksin e Qafës së Malit, që është arteria kryesore që lidh territorin e vendit me Kosovën. Në Qarkun e Korçës (juglindje, zonë malore), gjendja është më pozitive dhe kemi probleme vetëm me rrugën që lidh Korçën me Dardhën. Janë marrë të gjitha masat për
hedhjen e skorjeve, të kripës, të cilat bëjnë të mundur pastrimin e rrugëve", tha z. Alfred Olli.

Shqipëria është përfshirë nga moti i lig në këto ditë të para të vitit 2008, shoqëruar me dëborë, erë të fortë dhe me ngrica, kryesisht në veri, verilindje dhe juglindje. Në rajonet e Kukësit dhe të Pukës gjendja është e vështirë pasi dëbora që ka arritur 30 apo 60 centimetra, ka bllokuar disa komuna. Në Qarkun e Shkodrës, problemet më të mëdha janë në zonën e thellë malore të Kelmendit. /d. ndrenika/rtk/.

Allen Tahiraj

Policia e Nju Jorkut e arrestoi vrarësin e 19 vjeçarit shqiptar

BEQIR SINA, Nju Jork
03 janar 2007

Në Bruklin u vra Alen Tahiraj 19 vjeç, student i kolegjit Manhattan College, emigrant nga Kosova

BROOKLYN - NEW YORK : Polcia njujorkase, kontegjenti i saj në Brukklin ,më në fund thotë se ka arrestuar vrarësin e një djali 19 vjeçar nga Kosova, banor i përherëshëm në SHBA-ës. Një i ri ky, student, i cili vra të dielën , heret në mengjës, teksa po mundohej të ndante një zënkë, rasti mes dy grupe të rinjësh në një rrugë të Bruklinit.

     Dorazi, i cili policia beson se shtiu me pistolet duke lënë të vdekur 19 vjeçarin shqiptar Alen Tahiraj, i biri një familje nga Kosova , ardhur tre vjeçar në SHBA-ës, është e racës spanjole një i qujtur Nikko Colon, 17 vjeçar. Njeri ky me probleme me policinë, shpërndars dhe përdorues droge. Sipas raportit të policisë nga vend-ngjarja Niko Calon, i ka shkrehur armën Tahirajt, duke e goditur atë me një plumb në stomak. Ngjarja ndodhi rreth orës 3:30 të mengjesit, sipas orës lokale dhe vendgjarja është një kryqëzim mjaft i njohur në këtë lagje emigrantësh nga vende të ndryshme të botës  ekspresin Ocean Parkway dhe rrugën P. Vitktima u transportua menjëherë në spitalin më të afërt Kings County Hospital Center. Frocat të mëdha të policisë me mejet të motorrizuara, dhe snajper e armatime speciale, si edhe një helikopter i policisë e rrethuan vend ngjarjen. Rrugët qëndruan të bllokuara për disa orë.

Nikko Colon

Ngjarja:

 Një prej policëve, i cili nuk pranon të jap emrin në vend ngjarje thote,  se 19 vjeçari i vrarë, besohet se ka qënë duke hyrë me autovetor në atë kryqëzim rruge, për të shkuar në shtëpi, teksa po kthehej nga puna e natës diku aty rrotull. Ai menodn se viktima nuk ka pasur asnjë lidhje me dy grupet e të rinjëve, që po grindeshin në mes të kryqëzimit. Viktima, ka mendur se duhet ndërhyrë, që të rinjët të ndaheshin qetësisht, dhe është dëgjuar të thërras për këtë "Chill - Chill". Por, fatkeqësisht, njëri prej të rinjëve agresor, i cili mbante edhe një revolver në dorë, dhe nuk po shtinte deri në atë moment, pasi edhe zënka po bëhej me mjete të forta shkopinj bejsbolli, i shpëtoi arma nga dora, nga ndërhyrja e Tahirajt, një djalë mjaft i fuqishëm fizikisht. Dorazi ka kujtuar se ndoshta viktima do t'ia rrëmbente armën atij, dhe do të vriste në gjakënxehje e sipër atë ose ndonjerin prej shokëve të tij dhe kështu i daluar jashtë kontrollit, Colon e ka rrëbyer me shpejtësi armën duke qëlluar ndaj Tahirajt. Suzana Bone një 22 vjeçare e rritur me Tahirajn , u tha policve se "Tahiraj u vra pasi si një djalë shumë i mirë ishte - provojë të ndantë një zënkë mes disa të rinjëve që ai nuk i njihte fare - dhe i kushtojë me jetën".

Viktima:

Në rrugën"West Fifth Street" , banon familja e shqiptarit, prindërit e tij Rasim dhe Haseda Tahiraj me gjithë fëmijë. Ata emigruan për një jetë më të mirë nga Kosova në Amerikë, 16 vjetë më parë, kur djali i tyre tashmë i vrarë Allen Tahiarja ishte 3 vjeç. Viktima ishte stundet i Kolegjit "Manhattan College" për ekonomi - financë, dhe punonte jashtë orarit. Ata që e njihnin e përshkruajn si një i ri shumë ambcioz për të ardhmen, i disiplinuar, i zgjuar dhe shumë puntorë. I pëlqente sporti dhe ushtronte Karate. Varrimi i tij u bë dje me pjesmarrjen e qindra ve qytetarve në varrezat qytetare në Long Island.

 

Policia:

Policia menjëher është vënë në ndjekjen e vrarësit, ka shpërndar foton e tij rreth e rrotull rrugeve ku ndodhi ngjarja. Ata e përshkruan autorin e vrasjes një djalë të imët i racës spanjole(Hispanic) siç u thërrasin banorve të Amerikës Latine, në SHBA-ës, i gjatë rreth 6 feet dhe peshon deri  155 - 165 pounds. Me sy të zi dhe flokët e zesa. Policia për çdo informat e cila ruhet sekrete thuhej se ishin vënë shpërblim 10000 dollar dhe jep numërin e telefonit  (800) 577-TIPS.

Policia njujorkase, njoftoi dje se pasi shpërndau foton dhe lajmërojë qytetarët se kush e ka parë fytyrën e tij - arriti edhe t'a arrestojë personin që kërkonte, i akuzuar për vrasjen fatale të shqiptaro - amerikanit 19 vjeçar Allen Tahiraj. I arrestuari i cili mbahet në burg është Nikko Colon, 17 vjeçar i racës spanjole(latin). Arrestimi i Colon u bë nga një agjent i policisë emri i të cilit është sekret në orën 10 të mbrëmjes, vetëm 24 orë nga ngjarja ku mbeti i vdekur studenti i kolegjit Manhattan College, Allen Tahiraj nga Kosova.
/postuar për ereniku.net/Wed, January 2, 2008 10:30 am/