Mirësevini në Amerikë

Vlerësimi i diplomave

Për të gjithë ata që kanë kryer arsimin e lartë në vendin e tyre dhe duan të vazhdojnë studimet, nevojitet vlerësimi i diplomës për të gjetur ekuivalentin e arsimit tuaj me atë të SHBA-ve. Standardet e këtij vlerësimi janë vendosur nga Këshilli Kombëtar për vlerësimin e Krediteve Arsimore të huaja (National Counsil on the Evaluation of Foreign Educational Credentials).
Studumi në universitetet amerikane kërkon njohje të mirë të gjuhës angleze. Në varësi të statusit tuaj në SHBA disa univerzitete kërkojnë provimin e gjuhës angleze (TOEFL). Lista e mëposhtme përmban disa nga organizatat përkatëse për vlerësimin e diplomave.

Center for Educational Documentation
PO Box 236
Boston, MA 02130-0003
Tel. (617) 522-4738

World Education Services
PO Box 745
Old Chelsea Station
New York, NY 10011
Tel. (212) 966-6311

Educational Credentials Evaluators
PO Box 92970
Milwaukee, WI 53202-0970
Tel. (414) 289-3400
 
Përgatiti:
Agim Vuniqi
erenikut: Mon, October 27, 2008 3:56 pm
botur: E marte 28 tetor 2008

STATUSI NE SHBA

Emigrant është një individ i lindur jashtë territorit të SHBA-ve që është pranuar për tu bërë banor i përhershëm i SHBA-ve.

Cila është procedura e marrjes së statusit të emigrantit?

E migrantët e rinjë që vijnë në  SHBA kanë disa mënyra për të kërkuar fitimin e statusit të banorit të ligjshëm në Shtetet e Bashkuara. Statusi i banorit të përhershëm, njihet prej shumicës së njerëzve si karta Jeshile (Green Card). Kërkesa për Kartën Jeshile mund të bëhet përmes:

1) Bashkimit familjar në Shtetet e Bashkuara,

2) Punësimi nga një punëdhënës në Shtetet e Bashkuara apo përmes:

3) Azilit politik dhe

4) Llotarisë

1. Bashkimi familjar

Ju mund të aplikoni në këtë mënyrë nëse keni një njeri të familjes që ka nënshtetësi amerikane apo Kartë Jeshile.

Kërkesa duhet bërë prej personit që ka nënshtetësi amerikane apo Kartë Jeshile. (Ky person duhet të ketë mbushur moshën 18 vjeç).

Një nënshtetas amerikan ka të drejtë të aplikojë për bashkim familjar për:

a) Bashkëshortin apo bashkëshorten;

b) Fëmijtë nën moshën 21 vjeçare, të pamartuar;

c) Prindërit;

d) Fëmijtë mbi moshën 21 vjeçare të pamartuar;

e) Fëmijtë e martuar;

f) Motrat dhe vëllezërit;

Për tre grupet e para procesi është relativisht i shkurtër sepse nuk ka afate pritjeje.

Për tre grupet e dyta, ka mbingarkesë dhe ka afate pritjeje disa vjeçare.

Në rast se personi ka Kartë Jeshile, ka të drejtë të aplikojë vetëm për:

a) Bashkëshortin apo bashkëshorten;

b) Fëmijtë nën moshën 21 vjeçare, të pamartuar;

Në të dyja këto raste ka afate pritjeje disavjeçare.

3. Azili Politik

Ju mund të aplikoni me këtë mënyrë nëse keni fituar statusin e azilantit politik më gjatë se një vit më parë. Në pjesën më të madhe të rasteve të mësipërme, në mënyrë që një person të ketë të drejtë të aplikojë në Shtetet e Bashkuara, duhet të ketë hyrë në SHBA në mënyrë të rregullt. Në rast të kundërt, aplikimi duhet bërë jashtë, në një Ambasadë Amerikane. Azili politik është njëstatus që ju jepet personave që janë të aftë të provojnë se jeta e tyre nga vendi nga kanë ardhur është në rrezik nga autoritetet e atij vendi apo nga grupe të cilat janë të lidhura me qeverinë, për shkak të persekutimit mbi bazën e racës, besimit fetar, etnicitetit, anëtarësimit në një shoqatë apo bindjeve politike. Për këtë status mund të aplikohet edhe nëse keni hyrë ilegalisht në Shtetet e Bashkuara. Ju mund të aplikoni për statusin e azilantit politik, vetëm brenda një viti nga data e hyrjes në Shtetet e Bashkuara. Në rast të kundërt duhet të provoni se keni patur arsye apo rrethana të veçanta të cilat ju kanë penguar të bani këtë aplikim brenda afatit. Ju mund të përfshini në aplikimin tuaj vetëm bashkëshorten apo bashkëshortin dhe fëmijtë nën 21 vjeç, të pamartuar. Nëse fitoni azilin politik, të gjithë anëtarët e familjes suaj, të përfshirë në kërkesën tuaj, kanë të drejtë të fitojnë të njëjtin status. Në rast se ndodhen jashtë Shteteve të Bashkuara të Amerikës, ju mund të tërhiqni anëtarët e familjes me anë të një kërkese të veçantë. statusi i azilantit politik ju jep të drejtën të punoni dhe qëndroni në Shtetet e Bashkuara të Amerikës, si dhe të ktheheni prej udhëtimit nga cilido shtet i botës, me përjashtim të vendit prej të cilit jeni larguar dhe keni fituar azlilin politik. Një vit pas fitimit të azilit politik keni të drejtë të aplikoni për Kartën Jeshile (Green Card).

4. Llotaria

Në Shtetet e Bashkuara, çdo vit organizohet Programi i Llotarisë së vizave (Diversity Visa Program), ose thjesht Llotaria. ky program kërkon që çdo aplikant të ketë të mbaruar shkollën e mesme ose të ketë dy vite eksperiencë në një punë të veçantë dhe të ketë një person në Shtetet e Bashkuara i cili është i gatshëm të paraqesë dokumenta që provojnë se dëshiron t'i garantojë të porsaardhurit përkrahje financiare. Aplikimet për  Llotarinë bëhen çdo vit gjatë muajit tetor, por muaji mund  të ndryshohet. Fituesit përzgjedhen në mënyrë të rastësishme midis gjithë aplikantëve. Përzgjedhja bëhet në dy faza. Në fazën e parë përzgjedhja bëhet e kompjuterizuar, dhe përzgjedhen rreth 110,000 fitues.
Në fazën e dytë, nga 110,000 fitues përzgjedhen 55,000 fitues, të cilëve u caktohet një datë për intervistë. Për llotarinë nuk ka asnjë pagesë. Nuk ka formularë të përcaktuar, por qarkullojnë shumë forma të krijuara nga avokatë apo persona privatë, të cilat janë të vlefshme nëse përfshijnë informacionin e kërkuar. askush nuk mund t'ju garantojë fitimin e llotarisë. Çdo gjë është fat dhe përzgjidhet me kompjuter. Për kontakt më të afërt mund të kontaktoni me avokatë.

E përgatiti Agim Vuniqi (agimih2000@yahoo.com)

Nëse keni në dorë një kompjuter përpara se të hipni në avion, nxirreni atë nga çanta para se t’i afroheni pikës së kontrollit.

Mos i mbështillni dhuratat sepse ato mund të duhet të happen nga punonjësit e shërbimit për t’u inspektuar.

Kur paketoni sendet, filmat futini në bagazhin e dorës. Futini sendet personale në qese plastike të tejdukshme në mënyrë që inspektorët t’i shohin ato pa patur nevojë t’i prekin.

Mos mbani objekte metalike në rroba për të evituar sirenën e alarmit në pikën e kontrollit.

Arrini me kohë në aeroport dhe konsultohuni me shoqërinë ajrore për informacionet e tjera.