Diaz: Komuniteti shqiptar po e bënë Nju Jorkun një vend më të mirë
ereniku - Nju Jork , 7 shtator 2011 Koha: 14:35
Kryetari i lagjes Bronks të Nju Jorkut, Ruben Diaz, me rastin e ditëlindjes së mikut të shqiptarëve Stephen Kaufmann, tha për Kosovapress se shqiptarët e kanë bërë Nju Jorkun një qytet më të mirë, pasi janë një komunitet që e duan punën dhe familjen.
Diaz thotë se një nga këshillat që Kaufmann i ka thënë atij, është kontaktonte njerëzit e mirë në komunitetin shqiptar.
“Unë e dua Stephen Kaufmannin, sepse jo vetëm që kam punuar me të në Asamblenë e shtetit të Nju Jorkut, por edhe kur kam qenë kandidat për kryetar të qytetit, ai me dha disa këshilla dhe me përkrahu që nga dita e parë. Njëra ndër gjërat që më tha qysh në fillim, ishte që të kontaktoja njerëzit e mirë në komunitetin shqiptar këtu në qytet, e njeri ndër ta është Esat Rizai, i cili po qëndron afër meje po ashtu edhe Mark Gjonaj me familje dhe shumë e shumë të tjerë. Unë vetëm dua ta falënderoj komunitetin shqiptar për përkrahjen dhe shoqërinë që ma kanë ofruar. Do ta falënderoja komunitetin shqiptar për punën e mrekullueshme që e ka bërë, duke qenë si edukues, doktorë, avokatë, biznesmenë e gazetarë. Kjo ndodhë sepse shqiptarët e kanë bërë Bronksin kaq të fortë dhe e ardhmja do të ketë edhe më shumë për të na ofruar që ka shumë rëndësi për neve”, tha Diaz.
Ai u dërgoi mesazh shqiptarëve në Kosovë dhe Shqipëri, se shqiptarët janë duke e bërë Jorkut një vend më të mirë.
“Ju shqiptarët jeni një komunitet që punoni shumë, jeni besnik, besoni në familje, prandaj Bronksin dhe Nju Jorkun në përgjithësi e keni bërë më të mirë. Si kryetar i Bronksit, për të gjithë ju që jeni duke na shikuar atje në Kosovë dhe Shqipëri, dua t’iu them që ta kuptoni se vëllezërit dhe motrat tuaja këtu në Bronks janë duke e bërë qytetin e Nju Jorkut një vend më të mirë”, tha ai.
Ndryshe, Bronksi është një lagje e qytetit të Nju Jorkut, me një popullsi prej 1,460,761 banorë. Shqiptarët përbëjnë një numër të konsiderueshëm të kësaj popullate dhe bizneset e tyre janë të vendosura kryesisht në këtë lagje./burimi: Kosovapress/

Irani nuk e njeh Kosovën, aleanca me serbët
07.09.2011/10:22 - E Mërkurë
Irani kurrë nuk do njoh pavarësinë e Kosovës, edhe pse këtë e kërkojnë disa nga anëtaret e Organizatës Islamike. Kjo u theksua mbrëmë nga ndihmës ministri i punëve të jashtme të Iranit, Muhamed Mehdi Akondzadeh, në një darkë të organizuar me gazetarët serb në rezidencën e ambasadës iraniane në Beograd.
“Irani nuk e njeh Kosovën. Kam krijuar përshtypjen se populli serb është i fuqishëm dhe i ndershëm. Kam parë ndërtesat e rrënuara nga bombardimet e NATO-s dhe kam përshtypjen se edhe këto aksione nuk kanë arritur që të shkatërrojnë identitetin e popullit tuaj”, theksoi Akondzadeh.
Zyrtari i jashtëm iranian po merrë pjesë në Konferencën e vendeve të painkuadruara që po mbahet në Beograd. Ai ka paralajmëruar se Irani do të forcojë marrëdhëniet me Serbinë me projekte konkrete në të ardhmen në Ballkan.

ereniku: ja disa komente te lexuesve:
aalbi07.09.2011/15:41
republika islame e iranit , ja sa shum i doni ju ata qe i quani vellezer e ata nuk ju dojne juve , po shihet se kush eshte me serbin dhe kush punon per serbin ju ekstremistat islam qe doni ta beni kosoven si irani ju jeni ata qe jeni kunder kosoves dhe popullit shqiptar . thjesht shkoni ne iran se atje e keni vendin

Kabashi07.09.2011/12:34
Nuk na duhet njohja e shteteve qe vrasin e masakrojne popullin e vet si Irani, Sira e Bashirit Venuzuela e Qavezit, Bjellorusia etj.

BRENGA07.09.2011/12:31
IRANI NEPERMJET SERBISE DHE OJQ 'BASHKOHU" ME SHOKET TJERE JANE DUKE PUNUAR NE RRENIMIN E IMAZHIT DHE SHTETIT TE KOSOVES. DUKE KERKUAR SHAMIA E MESIM FETARE NE KETE KOSOHE KUR KOSOVA ESHTE ME ZORRE NEPER KEMBE. PO KESHTU E KANE TRADHTERET QE E NE EMER TE FESE E TE DREJTAVE, ME 3 PERQIND NE POPULL MUNDOHEN T SHKATRROJNE SHTETIN ASHTU SIQ PO BENE EDHE VETEVENDOSJA NE EMER TE FLAMURIT DHE KOMBIT E ME PARE TE SERBISE KUNDER CDO GJEJE SHTETERORE DHE INSTITUCIONALE.

jeto07.09.2011/11:46
Një lajm shumë i mirë! Shpresoj që kjo ka me i ndihmu me u kthjellë disa kosovarë të shkretë që po manipulohen prej disa rrencave dhe të poshtrëve që thirren në fe, e nuk punojnë për të mirën e vendit të tyre, në të mirën e shtetit dhe kombit të tyre. Por e shtrembërojnë të vërtetën për interesa të këtyre që i sponsorizojnë që Kosova të jetë Iran një ditë. Edhe ashtu Serbia kur nuk i ka ndalu Fuadat e Krasniqat me shpërdoru fenë islame edhe nuk ka me i pengu kurrë, sepse kjo është në dëm të interesave tona.
Edhe ne do të jemi gjithmonë pro Amerikës, qoftë edhe veç për inati të Serbisë, Rusisë dhe Iranit. Edhe pse ka shumë arsye më të mëdha për me qenë proUSA.

Prishtinalee07.09.2011/11:15
Hahahahaha, "vllezerit mysliman", po dalin qe jane ma vllezer me serbine.
bardhi07.09.2011/11:15
o mjekrrosha ku jeni tash qe nuk po ju nihet zoni,rrini rrini me Iranin se i keni vllazen musliman ncncncnc

vicianum07.09.2011/11:06
Irani nuk e njeh Kosovën. Kam krijuar përshtypjen se populli serb është i fuqishëm dhe i ndershëm"......Muhamed Mehdi
Ky eshte shoku i Shefqetit e Fuadit.....ky eshte nyja qe i lidhe vehabista e Kosoves me Serbine.......
Irani sheriatin e ka ligj....qe ku eshte drejtesia e tyre...

Ademi07.09.2011/10:58
Koment i mirë për Fuad Ramiqin e Shefqet Krasniqin dhe sojin e tyre injorant. Irani është me Rusinë. A po e shifni se gjithçka anti kosovare po sillet me rusinë.
Berat07.09.2011/10:52
Hahaha, o nanen e Ahmedinnegjadav, ku i kom keta iraniant e Kosoves me gjys pantolla e me mjekrra qe mi bllokojne rruget si shkijet e Kraleves...
Aman folni diqka se mka marr malli me ni do budallak....

Prishtinalee07.09.2011/14:32
@OMERI,
Irani e perkrahe politikisht dhe financiarisht Hezbollahun. Hezbollahu poashtu e me ndihmen e shoqatave fetare e perkrahe Fuad Ramiqin dhe mjekrroshat e tij. Nese ju kujtohet, Fuad Ramiqi ka qene ne anijen "humanitare" qe u pate nise per Palestine qellimisht nuk po thom Gaza apo Izrael, anije kjo e financuar nga Hezbollahu lexo Irani.
Irani poashtu i ka perkrahe edhe muslimant e Bosnes me pare e me luftetar. Kur Kroacia kendojke Danke Deuchland, Boshnjakt kendojshin od Bihaca do Irana, bice zemlja muslimana.
Shyqyr qe NA Shqiptaret kemi thirre NATO USA, se tash kishim qene refugjate neper bote.
Mos u boni bukepermys, mbajeni fene per veti ndersa respektoj miqet.
Me t'mira

genti07.09.2011/14:17
Fuad Ramiqi njeri I Hamasit. Hamasin kush e financon? Irani. Ja pra prejardhja e levizjes bashkohu.

lajme te tjera:
Shqiptari dyshohet për vrasjen e Heroit
ereniku 07.09.2011/00:07 - E Mërkurë
Një shqiptar nga jugu i Mitrovicës është në mesin e tetë personave të cilët deri më tani janë identifikuar si të përfshirë në vrasjen e policit të Njësisë Speciale, Enver Zymberi. Zëri raporton se "emri i një shqiptari është në listën e të dyshuarve e i cili është konfirmuar nga njëri nga dy kryesuesit e hetimeve të ngjarjeve të fundit në veri, kryeprokurori i Qarkut të Mitrovicës, Shyqri Syla".
Syla ka njoftuar për gazetën se shqiptari i përfshirë në “listën e zezë”, dyshohet për ndihmë kryesve të veprës penale, ngase i njëjti kishte tentuar të shkatërronte provat materiale, të cilat ishin përdorur gjatë kryerjes së veprës penale.
“Përveç gjashtë të dyshuarve për vrasje të cilët janë banorë të Zubin-Potokut e rrethinës së këtij qyteti, prokuroria ka në listë si të dyshuar edhe dy persona të tjerë, njëri serb dhe njëri shqiptar, të cilët dyshohen për veprën penale të dhënies së ndihmës kryesve për kryerjes së veprës penale”, ka njoftuar të martën Syla.
Shqiptari, i cili në jug të Mitrovicës udhëheq një sallon për shitjen e pjesëve të veturës si dhe serbi nga veriu, sipas Sylës, janë marrë në pyetje në cilësinë e të dyshuarve. /burimi:indeksonline/

Rasmusen: Ndarja e Kosovës nuk është zgjidhje
07 shtator 2011 14:49
Presidentja e Kosovës, Atifete Jahjaga, është takuar të mërkurën në Bruksel me sekretarin e përgjithshëm të NATO-s, Anders Fogh Rasmusen, me të cilin kanë biseduar për zhvillimet e fundit në Kosovë, sidomos ato në veri.

Prizreni nën vullnetin e Kishës Ortodokse
ereniku 07.09.2011/14:55 - E Mërkurë
Lëvizja Vetëvendosje ka reaguar edhe njëherë ndaj projektligjit për Qendrën Historike të Prizrenit. Sipas kësaj lëvizjeje, Prizreni po rrezikon ta shndërrojë qendrën e qytetit në zonë që i nënshtrohet vullnetit të Kishës Ortodokse Serbe me seli në Beograd.
Sipas tyre, Qeveria e Republikës së Kosovës ka vendosur që ta rikthej sërish në votim Projektligjin për “Qendrën Historike të Prizrenit” në Kuvendin e Kosovës.
Ndërsa Asambleja e Kuvendit Komunal të Prizrenit, me porosi të Qeverisë, do të diskutojë për këtë projektligj në një seancë të jashtëzakonshme.
“Në nenin 18.4, ky projektligj i jep Kishës Ortodokse Serbe kompetenca ekzekutive duke e bërë atë faktor vendimmarrës për çdo aktivitet që do të zhvillohet brenda kësaj zone”, është thënë në një konferencë të kësaj lëvizjeje.
“Të gjitha aktivitetet komerciale dhe ndërtimore brenda kësaj zone do t’i nënshtrohen miratimit të Kishës Ortodokse Serbe. Ky ligj e lejon Kishën Ortodokse Serbe të ushtrojë të drejtën e vetos përballë cilitdo vendimi të përfaqësuesve komunal të Prizrenit, i cili zhvillohet në zonën historike, përfshirë të drejtën e tubimeve publike si dhe aktiviteteve kulturore. Ky projektligj është antidemokratik, dhe i vendos themelet potenciale për konflikt ndër-fetar në një qytet të njohur për harmoni etnike dhe fetare. Në kë¬të mënyrë Prizreni do të bëhej një qytet jofunksional, duke e ndarë atë sipas kritereve etnike dhe fetare, dhe do të pengohej, në vend që të mundësohej, ruajtja, restaurimi dhe zhvillimi i tij “. /burimi: Indeksonline/

Italia, avokate e Kosovës
ereniku 07.09.2011/13:43 - E Mërkurë
Ministri i Punëve të Jashtme i Republikës së Kosovës, Enver Hoxhaj në ditën e parë të vizitës së tij në Itali është pritur sot nga Ministri i Punëve të Jashtme të Republikës Italiane, Franco Frattini. Në një takim të gjatë, dy ministrat kanë diskutuar për mundësitë e thellimit të bashkëpunimit bilateral në fushën e ekonomisë, arsimit, sigurisë dhe kulturës.
Ministri Hoxhaj fillimisht ka falënderuar ministrin italian Frattini për mbështetjen e vazhdueshme që Italia i ka dhënë Republikës së Kosovës në forcimin e shtetësisë dhe në perspektivën evropiane.
“Marrëdhëniet mes Republikës së Kosovës dhe Italisë janë të shkëlqyeshme. Unë kam ftuar mikun tim që ta vizitojë Republikën e Kosovës dhe të nënshkruajmë disa marrëveshje të bashkëpunimit, të cilat do të stimulojnë edhe më shumë bashkëpunimin mes dy vendeve dhe mes dy popujve”, ka thënë Ministri Hoxhaj, pas takimit në një konferencë për medie.
Marrëveshjet që priten të nënshkruhen shumë shpejt ndërmjet Republikës së Kosovës dhe të Italisë janë ato për heqjen e taksave të dyfishta, për riatdhesim, për transport, në fushën e sigurisë, për transferim, ekstradim të personave dhe marrëveshjen për promovimin e investimeve. Ministri Hoxhaj po ashtu ka ftuar të gjithë biznesmenët italianë që të investojnë në Republikën e Kosovës.
Nga ana tjetër, Ministri i Punëve të Jashtme i Italisë, Franco Frattini ka mirëpritur ftesën që ia ka bërë Ministri Hoxhaj për ta vizituar Republikën e Kosovës. Ai ka thënë se Italia do të vazhdojë të mbështes Kosovën në të gjitha fushat.
“Shumë shpejt bashkë me MPJ-në e Republikës së Kosovës do të organizojmë në dy qytete shumë të mëdha në Itali një prezantim të shtetit të Kosovës, të mundësive për investime etj. Unë po ashtu do të kërkoj nga ministrat kolegë në Itali që të përshpejtojnë procedurat, në mënyrë që sa më parë të nënshkruajmë disa marrëveshje shumë të rëndësishme për vendet tona”, ka shtuar Frattini.
Duke folur për perspektivën evropiane të Ballkanit, dy ministrat janë pajtuar që Republika e Kosovës nuk guxon të mbetet vendi i vetëm në Evropë që nuk gëzon të drejtën e lëvizjes së lirë të njerëzve dhe të mallrave.
“Jemi vendi i vetëm në Evropë që nuk kemi liberalizim të vizave. Jemi vendi i vetëm në Evropë që nuk kemi marrëdhënieve kontraktuale me Bashkimin Evropian. Prandaj, sot kam kërkuar ndihmën e Ministrit Frattini dhe të Italisë që të ushtrojnë ndikimin e tyre në BE, në mënyrë që kosovarët të mos mbesin një popull i harruar”, ka shtuar Hoxhaj.
Ndërsa, Ministri italian Franco Frattini ka siguruar Ministrin Hoxhaj se ai dhe Italia do të jenë avokatë shumë të fuqishëm në BE për perspektivën evropiane të Republikës së Kosovës. “Ne do të angazhohemi maksimalisht që edhe Republika e Kosovës të gëzojë lëvizjen e lirë të njerëzve dhe mallrave”, ka paralajmëruar Frattini.
Duke folur për situatën e krijuar në veri të Kosovës, Ministri Hoxhaj ka theksuar se pa shpërbërjen e strukturave paralele ilegale të Serbisë, nuk mund të ketë paqe dhe stabilitet në rajon. /burimi: Indeksonline/

Geci: Fajet i ka SHIK-u
ereniku 07.09.2011/08:59 - E Mërkurë
Gani Gecit, ish-deputetit të Kuvendit të Kosovës, s'ka kush që ia heq nga mendja se çdo gjë që publikohet kundër tij, është e fabrikuar nga ish-Shërbimi Informativ i Kosovës. Madje ai është shumë i bindur se edhe në raportin e fundit të publikuar nga Wikileaksi, ku ish-ambasadorja amerikane në Kosovë, Tina Kaidanow, e cila atë e cilëson si “bandit”, ka gisht SHIK-u.
Në kabllogramin diplomatik të publikuar nga Wikileaksi, ish-deputeti i Kuvendit të Kosovës nga radhët e Lidhjes Demokratike të Dardanisë është përshkruar si njëri i dhunshëm. Por ish-deputeti Geci, në një rrëfim për Express, thotë se këtë epitet e ka “bakshish nga njerëzit e SHIK-ut”, për të cilët beson se tashmë janë të akuzuar për krime të ndryshme.
“Këtë ma kanë bërë njerëzit e PDK-së gjegjësisht të SHIK-ut dhe një pjesë e LDK-së”, thotë Gani Geci.
Ai thotë se në kabllogram përmendet rrahja e ish-kryetarit të Komisionit për buxhet të Kuvendit të Kosovës, Gani Kocit, e që sipas Gani Gecit, nuk e ka bërë kurrë, e madje nuk ishte as deputet në atë mandat.
“Gani Kocin unë e kam dajë dhe kam raporte shumë të mira me të. Unë nuk isha deputet në kohën kur flitet për rrahjen e tij”, thotë ish-deputeti Gani Geci. Ai sqaron se me zyrtarë amerikanë ka takime të rregullta javore, por nuk tregon se me kënd apo për çfarë takohet. “Unë nuk jam spiun i asnjë ambasade, unë nuk i spiunoj shokët, unë çka flas, flas publikisht”, thotë Geci.
Anëtari i LDD-së tregon se ka një bashkëpunim të mirë me amerikanët në Kosovë. Për të qenë më bindës, ai thotë se në vitin 2001, familja e tij është nderuar me mirënjohje nga ish-Zyra amerikane (tani ambasadë) për kontribut në luftë dhe paqe. “Përveç kësaj, në tetor të vitit 2010, në Bonsteel është ngritur flamuri amerikan për mua, për kontributin që kemi dhënë si familje”, tregon ai./burimi: Express/

“Kujtimi i Kosovës” për luftën apo konfliktin?
07 shtator 2011 15:21
Janë bashkuar rreth 30 serbë e shqiptarë në kuadër të organizatës joqeveritare Fondi për të Drejtën Humanitare dhe kanë nxjerr një libër ku jepen të dhënë të shkurta për personat e vrarë, të rënë apo zhdukur gjatë periudhës së luftës në Kosovë. Edhe pse numri i të vrarëve shqiptarë është shumë më i madh se i atyre serbë, për çudi ky libër fillon me paraqitjen e të dhënëve për vrasjen e një serbi, i cili madje ishte komandanti i një stacioni policor. Libri në fjalë është titulluar “Kujtimi i Kosovës 1998-2000”, ndërsa në shumë raste luftën e emërton si konflikt.
Sidoqoftë libri si tërësi paraqet fakte të pamohueshme për vrasjet e shumta dhe krimet e egra që janë bërë në kohën sa Serbia udhëhiqej nga kasapi i Ballkanit, Sllobodan Millosheviq.
Me rastin e promovimit të librit në Prishtinë, drejtoresha ekzekutive e Fondit për të Drejtën Humanitare, Natasha Kandiq tha se kjo iniciativë ka për qëllim t’u tregojë njerëzve në Kosovë e Serbi se çka ka ndodhur në një periudhë kohore. Sipas saj, në këtë libër nuk ka qenë synim të bëhet ndonjë ekuilibër, por të jepen rrëfimet për secilin person të vrarë.

Shaqiri: Kurrë nuk do ta harroj atë ndeshje
07 shtator 2011 15:31
Kreatori i fitores së madhe të kombëtares së Zvicrës në përballje me Bullgarinë, shqiptari Xherdan Shaqiri, i cili shënoi tregolësh në këtë ndeshje, ka thënë se kurrë nuk ka qenë më i lumtur se në këtë sfidë.
Zvicra me het-trikun e kosovarit të martën mbrëma ka mundur Bullgarinë prej 3:1, duke hapur rrugën për një kualifikim të mundshëm në “EURO 2012”.
“Kurrë nuk do ta harroj atë ndeshje, sepse ky ishte het-triku im i parë në karrierën time. Jam i lumtur më fitoren dhe kjo fitore është meritë e gjithë skuadrës”, ka thënë kosovari, i cili gjatë verës ka qenë një nga futbollistët më të kërkuar nga skuadrat e mëdha evropiane, por ai vendosi që të mos ikën nga skuadra e tij, Basel.


- Lajmet
-E marte, 06 shtator, 2011

Ashton: Kosova ka të ardhme evropiane
06.09.2011
Presidentja e Republikës së Kosovës, zonja Atifete Jahjaga, pati takim me Përfaqësuesen e Lartë të BE-së për Politikë të Jashtme dhe Siguri, baroneshën Catherine Ashton. Presidentja e Kosovës tha se Kosova dhe populli i saj duhet ta kenë një rrugë të qartë për liberalizim të vizave për marrëdhënie kontraktuale me BE-në dhe për bashkëpunimin ekonomik.
Përfaqësuesja e Lartë e BE, baronesha Ashton theksoi se është e qartë se Kosova ka të ardhme evropiane dhe kjo është rrugë normale e përcaktuar për të gjitha vendet e tjera, kriteret që duhet të përmbushen dhe që nuk janë të veçanta vetëm për Kosovën. Ajo tha se Kosova duhet të ketë një bashkëpunim më të mirë dhe bashkërendim me misionin e EULEX-it dhe të KFOR-it. Sa i përket aksionit në veri të Kosovës, zonja Ashton tha se “jemi të pakënaqur me aksionin unilateral në këtë pjesë dhe theksoi se kjo nuk duhet të përsëritet më”.
Zonja Ashton e nxiti Presidenten që të vazhdojë punën me komunitetet në Kosovë.

ereniku: Eulex prap loje me Kosoven veriore...:
Doganat në veri, më 16 shtator në duar të EULEX-it
06.09.2011/13:59 - E Martë
Misioni i EULEX-it në Kosovë, më 16 shtator pritet ta marr nën administrim doganën në veri të Kosovës, raporton e përditshmja serbe Danas, që thirret në burimet e veta.
Sipas burimeve të huaja diplomatike, kjo e përditshme raporton se të gjitha mallrat nga Serbia në Kosovë do të hyjnë nëpërmjet hyrjes nr. 3 në Merdare.
Megjithatë, zyrtarisht EULEX-i nuk e pranon se ka një datë të marrjes së kontrollit në doganën në veri.

...veçuam:
marre nga portali lajmeshqip:
NATO (17): Filip Sinxhiq, rrugaçi i trazirave në veri
Mitrovicë – I konvertuar nga feja myslimane në atë ortodokse (me përkatësi kombëtare boshnjake), Filip Sinxhiq është një tjetër protagonist i krimit të organizuar në veri, që figuron në dosjen konfidenciale të NATO-s.../me gjeresisht ne fund te lajmeve te sotme/

Buhler: Duhet vazhduar luftën me strukturat kriminale
ereniku.net
Prishtinë, 6 shtator 2011 Koha: 14:50
Komandanti i KFOR-it, gjenerali Erhard Buhler vlerësoi se aktualisht situata në veri është stabile dhe e qetë, porse atje janë ende strukturat kriminale ato që po e frikësojnë popullatën në atë pjesë. Ai ka rekomanduar pasardhësit e tij në kudër të forcave të KFOR-it, që të vazhdojnë së bashku me Policinë e Kosovës dhe EULEX-it, të luftojnë gjithë strukturat e paligjshme në territorin e Kosovës.
Këto deklarata, gjenerali gjerman Buhler i bëri të martën gjatë konferencës së fundit për media si komandat i forcave të KFOR-it.
Komandanti theksoi se prej 25 korrikut situata në veri ka filluar të përmirësohet dhe atje tashmë ka një stabilitet, porse shqetësuese mbetet fakti që ende struktura kriminale po e frikësojnë me presione të ndryshme popullatën e asaj pjese të vendit.
“Kjo popullatë në këtë pjesë të vendit është e frikësuar, në shtypje dhe e keqpërdorur nga një shoqëri e fuqishme e kriminelëve të cilët janë një bandë e organizuar ndëretnike. Njerëzit janë të frikësuar dhe në shtypje të radikalëve”, ka thënë ai.
Ndërsa për dallim nga përfaqësuesit e institucioneve të Kosovës që thonë se strukturat kriminale në veri janë të financuara nga Qeveria e Beogradit, i pari i KFOR-it thotë se ato struktura nuk janë të financuara nga zyrtarët e qeverisë serbe.
“Qeveria serbe nuk është duke i përkrahur aktivitetet kriminale në veri”, tha ai.
Sidoqoftë komandanti aktual i KFOR-it pranon faktin se në pjesën veriore strukturat e organizuara kriminale posedojnë një arsenal të tërë armësh, duke filluar nga ato metë lehtat e deri tek ato të kalibrit anti-tank.
Gjenerali Buhler rekomandon pasardhësit të tij që do të jenë në krye të forcave të KFOR-it që të angazhohen maksimalisht për ruajtjen e sigurisë në veri dhe arrestimin e kriminelëve në bashkëpunim me Policinë e Kosovës dhe EULEX-it.
Në këtë rast, Buhler njoftoi se tashmë janë dorëzuar një numër i madh i informatave te EULEX-i dhe priten rezultate në arrestimin e atyre që kanë shkaktuar probleme dhe akte kriminale në pjesën veriore .../burimi:Kosovapress/

Borko i frikohet aksioneve të Kosovës
06.09.2011/14:27 - E Martë
Shefi i ekipit negociator të Serbisë, Borislav Stefanovic ka filluar të frikohet nga aksionet e Qeverisë së Republikës së Kosovës. Ai ka akuzuar autoritetet në Kosovë se janë duke planifikuar dërgimin e zyrtarëve doganorë në doganat e veriut, për çka ka thënë se Serbia nuk do ta pranojë dhe sipas tij, kjo çështje as që është diskutuar në Bruksel.
“Shteti ynë ka informacione Prishtina po planifikon të dërgojë zyrtarët doganorë në doganat në veri. Kjo për ne është e papranueshme dhe mund të shkaktojë pasoja të rrezikshme”, ka thënë ai për Press.

U shënua 12 vjetori i Policisë së Kosovës
06 shtator 2011 16:27
Policia e Kosovës paraqet shembullin e mirë të përkushtimit dhe shërbimit me profesionalizëm për dymbëdhjetë vjet me radhë, duke arritur të bëhet një faktor i rëndësishëm për ruajtjen e paqes jo vetëm në Kosovë, por edhe më gjer, u tha me rastin e shënimit të përvjetorit të dymbëdhjetë të themelimit të Policisë së Kosovës.

Vetëvendosja publikoi emrat e policëve që ushtruan dhunë
06 shtator 2011 15:46
Lëvizja Vetëvendosje ka publikuar emrat dhe fotot e disa policëve të Njësisë Speciale të Kosovës, që siç thonë, janë dalluar nga ushtrimi i dhunës ndaj aktivistëve të kësaj lëvizje në protestën e organizuar ndaj kryenegociatores Edita Tahiri, pas kthimit të saj nga Brukseli, ndërkohë kanë bërë të ditur se do të ngritin padi penale kundër policëve...

ereniku:: Qeni keq ta bjen ujkun ne torishtë:
Vota e Kuvendit - degjenerimi i shkollës
06.09.2011/16:00 - E Martë
Partia e Drejtëisë sërish i është kthyer debatit për edukatën fetare në shkolla. Duke komentuar votimin kundër të deputetëve të Kosovës, kjo parti ka thënë se "Kuvendi i Kosovës votoi për degjenerimin rinisë shkollore duke ia hapur derën kultivimit të rrymave ekstremiste të mbështjellura me maskën e fesë".
Në një komunikatë për media, PD thekson se "është shqetësues fakti që Kuvendi i Kosvës nuk votoi për humanizimin e shkollës tonë - arsimim dhe edukim nën kujdesin e institucioneve kompetente shtetërore ku do të zhvillohet një proces sistematik, por e la rrugën hapur për edukim dhe arsimim kaotik, duke mbrojtur tezën për një shkollim pa frymën humane që e afron arsimimi fetar, që praktikisht do të thotë vazhdim i kultivimit të monizmit në sistemin arsimor".
Javën që shkoi, deputetët e Kuvendit të Kosovës votuan kundër amandamenteve të propozuara nga Kolaicioni Kosova e Re për futjen e edukatës fetare në shkolla publike dhe bartjen e shamive.
Si pasoj, pati edhe protesta nga Lëvizja Bashkohu. /burimi:indeksonline/

PD kërkon rishqyrtim të propozimit për mësim-besim
Prishtinë, 6 shtator 2011 Koha: 15:39
Me rastin e fillimit të vitit të ri shkollor, zyrtarë nga Partia e Drejtësisë (PD) vlerësuan se është për t’u shqetësuar fakti se deputetët e Kuvendit të Kosovës kanë votuar kundër mësim-besimit, ndërsa kanë propozuar ngritjen e një komisioni shtetëror, i cili do të merrej me shqyrtimin e propozimit për futjen e arsimit fetar në shkollat publike.
Duke folur mbi zhvillimet arsimore edukative në institucionet e Kosovës, përfaqësuesi i PD-së, Feti Mehdiu ka thënë se të zgjedhurit e qytetarëve, duke mbrojtur tezën për një shkollim pa frymën humane që e afron arsimimi fetar, vazhduan kultivimin e monizmit në sistemin arsimor dhe mospranimin e vlerave demokratike.(burimi i lajmit: Kosovapress)

...veçuam:
marre nga portali lajmeshqip:
NATO (17): Filip Sinxhiq, rrugaçi i trazirave në veri
Mitrovicë – I konvertuar nga feja myslimane në atë ortodokse (me përkatësi kombëtare boshnjake), Filip Sinxhiq është një tjetër protagonist i krimit të organizuar në veri, që figuron në dosjen konfidenciale të NATO-s.
Me nivel shumë të ulët intelektual, kurse përkah karakteri, person që jeton në margjina të shoqërisë, Sinxhiq përshkruhet si mjaft i rrezikshëm, dhe i përfshirë në shumë vepra kriminale në veri të Kosovës. Me vendbanim në Mitrovicë, ai u ka shërbyer në vazhdimësi të gjitha aktiviteteve në kuadër të zhvillimeve destabilizuese të pasluftës, në veri të Mitrovicës. Dosja e NATO-s e përshkruan atë si ndihmës dhe përcjellës të liderëve politikë serbë në tubime të ndryshme në veri të Kosovës.
Janë të njohura veprimtaritë e tij të kundërligjshme dhe në funksion të nacionalizmit serb, në janar e shkurt të vitit 2001. Gjatë festimeve të Krishtlindjes Ortodokse, ai iu ka prirë karvaneve të ekstazës nacionaliste serbe, shkruan në dokumentin e NATO-s.
Pikërisht për shkak të kësaj veprimtarie, Filip Sinxhiq, është survejuar në vazhdmësi nga forcat e KFOR-it dhe CIVPOL-i, një kohë të gjatë. Më 26 shkurt të vitit 2001 ai ka udhëhequr një manifestim të shoqëruar me dhunë e fustrime të serbëve të veriut, kundër prezencës së KFOR-it në Kosovë.
Një lidhje të mirë e ka pasur në vazhdimësi me të ashtuquajturin “ekstremisti i qetë” në këtë dosje të NATO-s, Vladimir Rakiqin.
Në mars të atij viti është përfshirë në një sulm të organizuar kundër CIVPOL-it danez dhe kanadez, duke e goditur për alivanosje, prapa në kokë, me shkop bejzbolli një oficer danez. KFOR-i e kishte arrestuar dhe dënuar me 30 ditë burgim, por pas ndërhyrjes së Vladimir Rakiqit dhe dhënies së kaucionit prej pesë mijë markash gjermane, ai ishte liruar, shkruan në dokumentin e NATO-s.
Lidhjet e tij me politikën e lartë të serbëve në veri të Kosovës dhe me njerëz të MUP-it të Serbisë që vepronin ilegalisht në atë pjesë të Kosovës, kanë qenë të vazhdueshme. Rrugaçi i paarsimuar kishte sëhrbyer besnikërisht në të gjitha trazirat dhe kombinimet destabilizuese në veri të Kosovës, me komandë dhe i dirigjuar nga liderët e atjeshëm serbë dhe përfaqësuesit e MUP-it të Serbisë, të cilët e mbanin nën sqetull përherë. (LajmeShqip.com)


- Lajmet
-E hënë, 05 shtator, 2011

...Sot eshte FESTË,.../ne New York-SHBA: Labor day/
kalofshi bukur...


- Lajmet
-E premte, 02 shtator, 2011

Njoftim: per shkaqe teknike tre ditet e kaluara te kesaj jave/ e marteja, e merkura dhe e enjtja/ ishin pa plasime lajmesh. Kerkojme ndjese per kete, duke u rikthyer me rifreskimin e arrijtur teknik per te vazhduar me tutje punen.Ju falenderojme per mirekuptim-redaksia e erenikut.

ERENIKU:
Krasniqi kerkon medoemos ta arabizoj Kosoven-ne te tjeret mos hame bar?!
Krasniqi bënë thirrje për mbrojtje të islamit /Kosoves i paska mbetur ta m'brojë islamin?!!?/
ereniku - 02.09.2011/08:40 - E Premte
Ja se ç'shkruan Express:
Në ligjëratën e tij në natën Kadrit, të premten e kaluar, imami i Xhamisë së Madhe në Prishtinë, Shefqet Krasniqi, ka bërë thirrje që të mbrohet islami. Ai ka paralajmëruar “shtator të nxehtë” për çështjen e shamive. “Shtatori duhet të jetë i nxehtë, në tetor më së largu puna duhet të definohet”, ka thënë ai para xhematit të shumtë. Në një videoincizim të postuar në internet, Krasniqi po ashtu ka bërë thirrje për ta nxjerr islamin jashtë xhamive dhe për t’i thënë stop diskriminimit të femrës myslimane.

ereniku: Ne emer te ateizmit kerkojne ta muslimanoarabizojne Kosoven
Shefqeti: Kosova, jo ateiste!!!
02.09.2011/14:15 - E Premte
Turma pranë qeverisë së Kosovës
14: 45 Në tubimin tek Teatri Kombëtar ka folur edhe imami Shefqet Krasniqi i cili ka thënë se nuk do të lejohet që Kosova të shndërrohet në një vend atesit. Kurse, Fuad Ramiqi u ka thënë Hashim Thaçit dhe Behgjet Pacolli t’i mbajnë premtimet e tyre ose ta prishin koalicionin.
14: 15 Pas faljes së namazit të xhamisë, Fuad Ramiqi me një grup njerëzish kanë protestuar para komunës dhe qeverisë së Kosovës.
Fjalim ka mbajtur lideri Ramiqi i cili i ka thënë ‘ose i plotësoni kushtet ose i bartni pasojat”. Kjo i është referuar pamundësisë për të arritur një marrëveshje për lokacionin e xhamisë së re në qendër të Prishtinës.
Ramiqi i ka quajtur politikanët kosovarë komunistë. Para qeverisë, turma po kërkon plotësimin e dy kushteve tjera: mësim-besim në shkolla dhe bartjen e shamisë në shkolla.
/indeksonline/ereniku/

Serbia, i pranon vulat doganore
ereniku - 02.09.2011/15:06 - E Premte
Borko e Edita sot
Serbia i ka pranuar vulat doganore të Kosovës, raporton KTV-ja. Lajmin e ka bërë të ditur kryenegociatorja, Edita Tahiri e cila ka thënë se kjo temë është mbyllur dhe se takimi do të vazhdojë me tema të tjera. Një deklaratë e Robert Cooper pritet në orën 19.

info. te tjera trup e trup:
Ministri i Zhvillimit Ekonomik, Besim Beqaj deklaroi se Qeveria e Kosovës është e përkushtuar që të krijojë strategji të qartë legjislative për minerale, e që mundëson zhvillimin e ”Trepçës” si një kompleks i rëndësishëm.

Zëvendëskryeministrja e Kosovës dhe ministrja e Tregtisë, Mimoza Kusari-Lila, sot në ambientet e Odës Ekonomike të Kosovës, takoi investitorët gjermanë, të cilët u njohën me zhvillimet ekonomike në Kosovë, si dhe për kushtet që ofron Kosova për investitorët e jashtëm.

Kosova është partner shumë i rëndësishëm për Maqedoninë dhe do të bëjmë gjithçka që është në fuqinë tonë për ta ruajtur, deklaroi kryetari i Odës Ekonomike të Maqedonisë, Branko Azeski para takimit të sotëm konsultativ me kolegun e tij kosovar, Safet Gërxhaliu.

Ministria e Tregtisë dhe Industrisë ne bashkëpunim me Odën Ekonomike të Kosovës organizon sot Forumin Biznesor Kosovë - Bullgari. Vizita e delegacionit bullgar vjen pas vizitës javën e kaluar të zv/ryeministres Mimoza Kusari Lila në Bullgari..

182 milionë euro deficit për muajin qershor
Deficiti tregtar i Kosovës për muajin qershor ishte 182 milionë euro, që është për 22 milion më shumë sesa në periudhën e njejtë të vitit të kaluar.

Masat e reciprocitetit ndaj Serbisë kanë rezultuar pozitivisht në rritjen e prodhimit vendor dhe të punësimit. Por njëkohësisht kanë ndikuar në rritjen e vogël të çmimeve dhe një kosto më të lartë për afaristët.

Kryeshefi ekzekutiv i PTK-së, Shyqyri Haxha, ka bërë publike kontratën e nënshkruar me operatorin virtual, Z-Mobile, si pasojë e presioneve të shkaktuara kohëve të fundit ndaj tij lidhur me këtë kontratë.

Agjencia Kosovare e Privatizimit ndau rreth një milionë e 500 mijë euro për mbi një mijë e 700 punëtorë të 10 ndërmarrjeve shoqërore të privatizuara më parë.

Petrit Zogaj – drejtor i ri i lëvizjes “FOL”

..informacione te hapura:
Konfirmohet aktakuza ndaj Limajt
02.09.2011/15:59 - E Premte
16: 30 EULEX-i ka konfirmuar se një gjykatës i vet e ka konfirmuar aktakuzën e ngritur për rastin Kleçka me 25 korrik në Gjykatën e Qarkut në Prishtinë nga një prokuror i EULEX-it nga Prokuroria Speciale e Kosovës.
"Aktakuza është konfirmuar në tërësi kundër të pandehurve: Arben Krasniqi, Naser Krasniqi, Nexhmi Krasniqi, Behlul Limaj, Fatmir Limaj, Refki Mazrreku, Naser Shala, Sabit Shala, Shaban Shala, Besim Shurdhaj. Aktakuza i ngarkon të pandehurit në pika të ndryshme me akuza për krime lufte kundër popullatës civile dhe robërve të luftës, që supozohet të jenë kryer nga fillimi i vitit 1999 deri në mesin e qershorit 1999 kundër civilëve serbë dhe shqiptarë, si dhe kundër pjesëtarëve të burgosurve të ushtrisë serbe dhe policëve serbë të mbajtur në një qendër të improvizuar paraburgimi nga Ushtria Çlirimtare e Kosovës (UÇK) e cila ndodhej në fshatin Kleçkë.", thuhet njoftim.
15: 59 Është konfirmuar në Gjykatën e Qarkut në Prishtinë aktakuza ndaj deputetit të PDK-së, Fatmir Limaj Ai akuzohet për krime lufte në rastin Kleçka. Limaj akuzohet për pesë pika, ndër të cilat për krime lufte kundër popullatës civile dhe krime lufte kundër të burgosurve të luftës, shqiptarë dhe serbë ushtarakë, policë dhe civil. Nënkryetari i PDK-së vazhdimisht i ka mohuar akuzat, duke thënë se ka qenë në Shqipëri në kohë për të cilën akuzohet në përgatitje të operacionit "Shigjeta" /indeksonline/

Isa Mustafa nuk paraqitet në gjykatë
02.09.2011/11:26 - E Premte
Isa Mustafa, kryetari i Prishtinës nuk është paraqitur në seancën dëgjimore kundër tij - të inicuar tashmë nga paditësi privat, Ukshin Mengjiqi, një ish pronar pompe benzine e rrëzuar nga komuna në afërsi të shkollës "Sami Frashëri". I njëjti e ka paditur Mustafën për akuzat për shpifje se "pompa është ndërtuar me afera korruptive"
"Mustafa duke ma rrëzuar pompën dhe deklaruar se ajo është ndërtuar me afera korruptive, më ka shkaktuar dëme të mëdha në aspektin personal dhe biznesore" ka deklaruar paditësi Mengjiqi. Avokati i tij mbrojtës ka thënë se "ka bazë të mjaftueshme që gjykata të vendos për fajësinë e Mustafës.
Vet kryetari Mustafa nuk është paraqitur në gjykatë, por ka deponuar një letër ku mohon të gjitha akuzat duke thënë se "pompa ishte rrëzuar për shkak se paraqiste rrezik për sigurinë e njerëzve". /indeksonline/

Për EULEX-in, SHIK-u organizatë kriminale
02.09.2011/09:48 - E Premte
Prokurorë të EULEX-it, Shërbimin Informativ të Kosovës e shohin si një organizatë kriminale që financohej nga pastrimi i parave, trafikimi me drogë e armë. Këtë bindje e kanë demonstruar gjatë intervistimit të dëshmitarëve e të dyshuarve për përfshirje në veprime të paligjshme.
Përveç kësaj, prokurori special Erwin Petilos, beson se ky shërbim sekret që ka vepruar në Kosovë për një dekadë është përfshirë edhe në vrasjen e zyrtarëve të Lidhjes Demokratike të Kosovës.
“A keni njohuri që SHIK-u ishte financuar me pastrim parash dhe drogë e armë”, e ka pyetur ky prokuror ish-komandantin e përgjithshëm të UÇK-së, Azem Sylën, gjatë marrjes në pyetje disa muaj më parë në cilësinë e të dyshuarit për krim të organizuar. Deputeti Syla i është përgjigjur me mohim, derisa prokurori ndërkombëtar e ka pyetur sërish atë se “a ka qenë SHIK-u ndërmarrje kriminale për të pastruar para nga aktivitetet e krimit të organizuar”?
“Është punë e juaja t’i bëni këto pyetje, por jo dhe jo”, i është përgjigjur Azem Syla prokurorit gjatë intervistës një kopje të së cilës e ka siguruar “Koha Ditore”. “Gjatë dhe pas luftës ata kryenin punët e tyre me mundësitë që kishin. Ata kanë ndihmuar pas luftës dhe mendoj nuk e di se kanë pasur kontakte të rregullta me KFOR-in dhe me shërbimet e disa shteteve me të cilat kishin komunikim të mirë”, ka shtuar ai.
Deputeti i Kuvendit të Kosovës është marrë në pyetje në Prokurorinë Speciale të Kosovës pas akuzave që kishte hedhur kundër tij Nazim Bllaca, i cili pretendon se ka qenë agjent i SHIK-ut dhe se ka kryer krime me urdhër të Azem Sylës. Ky i dyshuar i ka mohuar të gjitha këto akuza. Ai ka thënë se nuk e njeh fare Nazim Bllacën, por e ka pranuar se njihet me disa prej njerëzve të cilët nuk e kanë mohuar njohjen me Bllacën dhe bashkëpunimin me të në fushën e biznesit. Për Shpresim Ukën ka thënë se e ka të martuar mbesën e tij, me hallën e Fahredin Gashit ka thënë se ka qenë në burg, derisa Shaban Sylën ka pohuar se e ka familjar.
Syla ka folur për luftën e UÇK-së, për SHIK-un, bashkëpunimin me Fatos Klosin, si dhe për përplasjet me Lidhjen Demokratike të Kosovës dhe FARK-un, formacion ky ushtarak i krahut të Bujar Bukoshit. Këtë formacion ai e ka quajtur të vogël, për të shtuar se shumë pjesëtarë të tij i ishin bashkuar UÇK-së për të bërë luftën./koha/


- Lajmet
-E hënë, 29 gusht, 2011

Robert Cooper nesër qëndron në Kosovë
29.08.2011
Ndërmjetësi evropian për bisedimet Prishtinë-Beograd, Robert Cooper nesër arrin për vizitë në Kosovë. Vizita e tij i paraprinë takimit të radhës në Bruksel, që mbahet më 2 shtator, për herë të parë pas situatës së re të krijuar në veri.
Kryenegociatorja Edita Tahiri nuk ka dashur të jap detaje sa i përket vazhdimit të bisedimeve dhe vizitës së nesërme të Cooperit.

Kuvendi kundër edukatës fetare në shkolla
02:18:30 / 29.08.2011
Kuvendi i Kosovës refuzoi amandamentin në projektligjin e arsimit parauniversitar për mësimin e edukatës fetare në shkolla.
Pas një debati të ashpër , 64 deputetë votuan kundër, 1 abstenoi kurse vetëm 18-të e mbështetën amandamentin.
Kuvendi po shqyrton në lexim të dytë 14 projektligje që reflektojnë në raportin e Progresit të Komisionit Evropian.
Pak ditë më parë edhe mësimdhënësit e gjimnazit “Sami Frashëri” në Prishtinë u shprehen kundër futjes së lëndës “Edukata Fetare dhe Morale” në shkollat shqipe./rkt//top-channel/

Kuvendi i thotë jo mësimit fetar dhe shamisë në arsimin parauniversitar
Prishtinë, 29 gusht 2011
Deputetët e Republikës së Kosovës të hënën kanë votuar kundër futjes së lëndës së edukimit fetar dhe bartjes së shamisë në arsimin publik parauniversitar në Kosovë, që ishte propozuar nga grupet parlamentare Kosova e Re, SLS dhe 6-Plus, pa mbështetjen e Komisionit funksional dhe Komisionit për legjislativ./kosovapress/

S’ka mësim -besim në shkolla
29.08.2011 - E Hënë
Deputetët e Kuvendi të Kosovës kanë miratuar ligjin për arsimin para-unviersitar, por pa amandametin e propozuar nga Koalicioni për Kosovë të Re, në të cilën parashihej mësimbesimi dhe lejimin i shamive nëpër institucionet shkollore.
Për këtë amadament u zhvilluar një debat i gjatë në kuvend por në fund deputetët me shumicë votash rrëzuan këtë propozim, duke votuar në favor të propozimit nga Komisioni Funksional i Kuvendit të Kosovës.
Ministri i Arsimit, Ramë Buja ka thënë se Kuvendi është organi që merr përfundimisht vendimet, dhe beson se me këtë do të mbyllet debati për këtë temë.
Ndryshe çështja e futjes së mësibësimit në shkolla, është duke u debatuar që një kohë në vend. Madje kalimi i këtij amadementit është thënë se do të lëkund edhe koalicionin, pasi deputetët e Partisë së Drejtësisë që e kishin bërë këtë propozim kanë kërcënuar se nëse nuk miratohet do të largohen nga koalicionin qeverisë, por siç kanë thënë ata do të mbesin vetëm deputetë të Partisë së Drejtësisë. /indeksonline/

Piloti James Berisha mund të jetë kidnapuar ose arrestuar
29.08.2011 - E Hënë
Piloti kosovar, James Berisha, i cili para afërsisht dy javësh ka humbur kontaktet me ekipin e tij gjatë zbritjes në Eritrenë Afrikane mund të jetë i kidnapuar ose i arrestuar. Kësisoj kanë thënë burimet e gazetës brenda Ministrisë së Punëve të Jashtme në kushte anonimiteti.
“Të gjitha indikacionet që kemi në dispozicion flasin që piloti kosovar James Berisha, i cili ka edhe shtetësi amerikane, mund të jetë i kidnapuar nga grupet mafioze në Eritre”, ka thënë ky burim brenda MPJ-së
Sipas po këtij burimi, versioni tjetër i mundshëm është arrestimi i tij nga ana e autoriteteve të Eriteresë, të cilat kanë një qasje antiperëndimore, shkruan “Koha Ditore”.
“Nëse ngjet që ai të jetë arrestuar, kjo do të bëhet çështje më e lehtë, ngase varësisht qasjes se autoriteteve në Eritere, së paku do të kemi një burim zyrtar me të cilin në një formë apo tjetrën mund të kontaktojmë“, kanë thënë në MPJ, teksa kanë shtuar që përfaqësuesit e shtetit të Gjermanisë, të Francës dhe të Belgjikës janë angazhuar ekskluzivisht me qëllim të zbardhjes së misterit rreth zhdukjes së pilotit kosovar me shtetësi amerikane, James Berisha.
“Franca dhe Gjermania janë dy shtete perëndimore, të cilat kanë marrëdhënie më të mira me Eriterenë dhe të dyja këto shtete kanë autorizuar përfaqësuesit e tyre që të angazhohen në drejtim të zbardhjes së fatit të James Berishës dhe se fundi është edhe Qeveria e Belgjikës ajo që ka shprehur gatishmërinë të na ndihmojë në këtë drejtim“, ka potencuar burimi i gazetës brenda MPJ-së.
Zyrtarisht nga kjo ministri kanë thënë se deri më tani nuk kanë ndonjë të dhënë të saktë për vendndodhjen e pilotit James Berisha, por, sipas tyre, gjithçka është duke u bërë që vendndodhja e tij të saktësohet dhe fati i tij të zbardhet.
“MPJ-ja së bashku me shtetet mike është e angazhuar në mënyrë të pandërprerë për të zbardhur fatin e pilotit kosovar James Berisha, vështirësi në këtë drejtim kemi, por presim që për një kohë të shkurtër të kemi edhe rezultate konkrete në këtë drejtim“, ka thënë Artan Behrami, zyrtar për informim në MPJ. /mediat-kosovë/

Shënohet Dita ndërkombëtare e të pagjeturve
02:38:08 / 29.08.2011
Kosova i është bashkuar aktiviteteve të shënimit të Ditës ndërkombëtare të personave të pagjetur. Marshi i organizuar përgjatë rrugëve kryesore të Prishtinës ka rikujtuar mungesën e 1 mijë e 973 personave të cilët edhe më tej figurojnë në listën e personave të pagjetur që nga përfundimi i luftës. Përveq marshit janë shprehur edhe qëndrime institucionale mbi këtë çështje.
Zv/kryeministrja njëherësh udhëheqëse e dialogut Prishtinë-Beograd para familjarëve tha se institucionet janë të angazhuar që kjo çështje të trajtohet edhe në procesin dialogues me qëllim të zbardhjes së fatit të të gjithë atyre për të cilët familjarët nuk kanë njohuri për fatin e tyre. Në sensibilizimin e opinionit dhe vet institucioneve për angazhim në këtë drejtim janë zotuar edhe përfaqësues të Asociacionit të familjarëve të të zhdukurve në Kosovë. Megjithkëtë të pakënaqur me institucionet për zbardhjen e fatit të personave të pagjetur janë shprehur familjarët të cilët edhe sot kanë një kërkesë të vetme - zbardhjen e fatit edhe të personit të fundit që konsiderohet i pagjetur nga lufta në Kosovë.

Thaçi: E pandershme të kundërshtohen ligjet nga pakoja e Ahtisarit
01:10:32 / 29.08.2011
Kryeministri i Kosovës, Hashim Thaçi u ka bërë thirrje deputetëve të Kuvendit të Kosovës, që t''i miratojnë projektligjet që dalin nga pakoja e Ahtisarit duke iu thënë se kundërshtimet për këto ligje bëhen për motive politike.
Kryeministri Hashim Thaçi u tha deputetëve të Kuvendit se kundërshtimet që po i bëhen projektligjeve që dalin nga pakoja e Ahtisarit, bëhen për motive politike. Shefi i ekzekutivit tha se është e pandershme të kundërshtohen këto projektligje nga ana e disa deputetëve të cilët kanë marrë pjesë në bisedimet e Vjenës dhe e kanë mbështetur propozimin gjithëpërfshirës për statusin.
Kryeministri tha se kemi obligime ndërkombëtare dhe duhet të sillemi si shtet serioz, pasi e kemi pasur dhe vazhdojmë ta gëzojmë mbështetjen nga miqtë ndërkombëtarë. Thaçi tha se kundërshtimi i projektligjeve që dalin nga pakoja e Ahtisarit shkojnë në dëm të shtetit të Kosovës. Ai potencoi se Kosova nuk rrezikohet nga qytetarët e saj serbë por nga retorika e së kaluarës. Kreu i Qeverisë në adresimin para deputeteve foli edhe për bisedimet në Bruksel. Ai tha se Kosova nuk ka arsye të zmbrapset nga dialogu dhe se institucionet e vendit janë të gatshme të ulën në tryezën e bisedimeve për të rikonfirmuar konsolidimin e shtetësisë./rtk/

Neoosmanizmi dhe shqiptarët në Turqi
29 gusht 2011 13:47 Jashar Koshaner, ish gjenerali i ushtrisë turke para disa ditëve dha dorëheqje së bashku me komandantët më të rëndësishme të forcave tokësore, detare dhe ajrore dhe kjo ndodhi për shkak se 250 oficer, ndër të cilët 14 gjeneralë janë në burgjet turke, sipas qeverisë, për shkak të komplotit të përgatitur prej tyre./kosovapress/


- Lajmet
-E shtunë, 27 gusht, 2011

Gjendje emergjete ne mbi 10 shtete ne SHBA
Nexhmedin Syla
ereniku.net
New York- 27 gusht 2011

Hagë - Ish-pjesëtari i UÇK-së, Shefqet Kabashi, sot e ka shtyrë
deklarimin para Tribunalit të Hagës rreth fajësisë, sipas akuzës për shpërfillje të gjykatës.Gjyqtari  Alfons Orie e ka caktuar 26 gushtin, ditën kur Kabashi duhet të rishfaqet para Tribunalit.
Kabashi akuzohet sepse dy herë, në qershor dhe nëntor të vitit 2007, kishte refuzuar të dëshmonte në cilësinë e dëshmitarit të prokurorisë në gjykimin kundër Ramush Haradinajt, ndonëse ishte i pranishëm.

Ylli Pango fiton 1 EURO nga France 24
Bëhet hor ish-ministri i Kulturës në Shqipëri, Ylli Pango.
Njeriu i “mbërtheckave” e kishte paditur 3 vite më parë në Paris, gjigantit francez, France 24. Aryseja ishte transmetimi i videos së famshme në këtë televizion.
Pango i kërkoi gjykatës franceze të shkallës së parë qysh në tetor të vitit 2009, që televizioni FRANCE 24 të hiqte këto imazhe nga sajti i tij, si dhe të mos e shfaqte më asnjëherë në televizion. Gjykata franceze i dha të drejtë Pangos, por TV FRANCE 24 e ankimoi në Gjykatën e Lartë një vit pas fillimit të procesit të pare.
Televizioni francez u mbrojt duke argumentuar se “nuk ka pasur shkelje të privatësisë”. Pasi e ka shqyrtuar çështjen Gjykata ka vendosur të mos marrë parasysh kërkesën për prishjen e vendimit të kërkuar nga shoqëria FRANCE 24 dhe dënon këtë shoqëri t’i paguajë 1 euro Ylli Pangos për dëmtim të imazhit moral.
Top Channel ishte dënuar me 400.000 mijë Euro për videon. /indeksonline/

Kryengitësit n'Tripoli - 'zhduket' Gaddafi
22.08.2011 E Hënë
04: 30 Orët e para të së hënës, 22 gusht 2011, kanë shënuar nisjen e fundit të regjimit 42 vjeçar të diktatorit libian, Muammar Gaddafi. Të planifikuar me javë të tëra, kryengritësit opozitarë të quajtur luftëtarë lirie në vend, dhe rebelë jashtë, ia kanë mësyrë marrjes së Tripolit. Për befasinë e tyre, forcat e Gaddafit nuk kanë rezistuar dhe pa asnjë problem ata kanë hyrë nga të gjitha anët për të çliruar kryeqytetit.
Gaddafi dërgonte në ndërkohë audio-mesazhe duke u bërë thirrje fiseve që të çohen në këmbë dhe ta mbrojnë Tripolin. Por, askush nuk i ka penguar kryengritësit që bashkë me qytetarët e këtij vendi të festojnë furishëm në sheshin kryesor ‘Sheshi i Gjelbër’, që tash do të riemërohet si ‘Sheshi i Martitëve’. Kryengritësit arrestuan dy djem të Gaddafit, Mohammedin dhe Saifin për të treguar fuqinë. Por, asnjë gjurmë e vetë diktatorit. NATO-ja ka thënë se do të bashkëpunojë me kryengritësit për situatën e tranzicionit.


- Lajmet
-E premte, 19 gusht, 2011

Republika e Shën Lucias njohu shtetin e Kosovës
19.08.2011
Republika e Shën Lucias që ndodhet në Amerikën Qëndrore e ka njohur sot zyrtarisht vendin tonë.
Njohja i ka ardhur Ministrisë së Puneve të Jashtme, ndërsa lajmin e bëri të ditur këshilltari i ministrit të Jashtëm, Artan Behrami.
Republika e Shën Lucias është shteti i 81-të që njeh Republikën e Kosovës.

Turqia kërkon ndryshimin e teksteve të historisë në Kosovë
Zyrtarët nga Turqia kërkojnë ndryshimin e testeve shkollore të historisë në Kosovë.
19.08.2011
Ministri turk i Arsimit, Omer Dinçer kërkon ndryshimin e teksteve shkollore të historisë në Kosovë, aty ku përdoren fjalë fyese për shtetin dhe popullin e Turqisë. Gjatë takimit me Ministrin e Arsimit, Ramë Buja, i cili theksoi se se janë duke punuar në këtë drejtim. Ai informoi se është formuar një komision i veçantë i cili ka vizituar edhe Turqinë dhe është duke verifikuar faktet historike mes Kosovës dhe Turqisë. Librat e rinjë të historisë në Kosovë do të jenë të gatshme vitin e ardhshëm shkollor. Të dy ministrat janë pajtuar për themelimin e një Universiteti turk në Kosovë./rtk/

Duan ndryshimin e historisë SHQIPTARE
19.08.2011/14:22 - E Premte
Nuk ka javë që në Kosovë nuk është një ministër apo zyrtar i lart turk. Gjatë dy javëve të fundit ishin dy zëvendëskryeministra turq, njëri për ta përuruar restaurimin e Xhamisë së Sinan Pashës në Prizren e tjetri për motive të tjera. Destinacioni i parë i tyre nuk ëshë Prishtina, por Prizreni. Njëjtë veproi edhe ministri turk i Arsimit, Omer Dincer i cili dje (E enjte) qëndroi në Prizren. Madje në pamjet televizive ai "filloi të qaj kur disa të rinjë prizrenas që identifikohen si turq kënduan ilahi". E bashkëbisedimi i ministrit turk me "bashkëkombasit" e tij u zhvillua pa media, të cilat u nxorrën jashtë.
Ndërsa sot (E premte), Dincer ka arritur në Prishtinë, e kësaj radhe me një kërkesë të pazakontë: të ndryshohen tekstet e historisë që e mësojnë shqiptarët, veçmas kapitujt ku përdoren fjalët fyese për Turqinë. I dëgjueshëm është shfaqur ministri kosovar, Ramë Buja, i cili ka thënë se komisionet e krijuara për këtë cështje do të verfikojnë faktet në mënyrë që të bëhen ndryshimet në tesktet shkollore.
"Nuk u tha se do të ndryshohet historia, u tha që do të korrigjohen ata kapituj ku ka pjesë fyese për popullin turk. Kjo do të korrigjohet dhe jo të ndryshohet historia, sepse nuk mund të ndryshojmë historinë e cila ka ndodh. Kjo do të ndodh duke qenë të përbashkëta të dy komisionet shumë profesionale në këtë drejtim", ka thënë ai.
Me këtë logjikë të ndryshimit të historisë, varësisht çfarë epoke po jetojmë: të komunizmit, të pas clirimit, një ditë - edhe serbët do të dalin për shqiptarët si fqinjët më të mirë. E mbase në vitet në vijim, nxënësit shqiptarë do të mësojnë në tekstet e historisë se Gjergj Kastriot Skenderbeu nuk ka qenë një hero por një tradhëtar i Sulltanit. /indeksonline/

Rexhepi largon tre komandantët e policisë në veri
Ministri i Punëve të Brendshme, Bajram Rexhepi, ka vendosur që të largojë nga Policia e Kosovës, tre ish komandantët e stacioneve policore në veri.
Postuar: 03:28:04 / 19.08.2011
Ministri i Punëve të Brendshme, Bajram Rexhepi, ka vendosur që të largojë nga Policia e Kosovës, tre ish komandantët e stacioneve policore në veri, Bratisllav Kragovic, komandanti i stacionit policor në Leposaviq, Radomir Radosavlevic, komandanti i stacionit policor në Zveçan, si dhe komandantin e stacionit policor në Zubin Potok, Zoran Milkovic.
Kjo pasi ata kanë refuzuar një takim që i kishte thirrur Rexhepi, për t’u dhënë atyre mundësinë ligjore të kthimit në polici, por jo në pozitat që ata kishin.
“Ministri i Punëve të Brendshme, Bajram Rexhepi, hedh poshtë ankesat e tre zyrtarëve policorë Zoran Miljkovic, Radomir Radosavljevic të punësuar në Stacionin Policor në Zubin Potok, si dhe Bratislav Kragovic, i punësuar në vendkalimin kufitar Jarinjë, kundër vendimit të Drejtorit të Përgjithshëm të Policisë së Kosovës për shqiptimin e masës disiplinore Ndërprerje e Marrëdhënies së Punës në Policinë e Kosovës”, thuhet në njoftim.
Pas refuzimit nga ana e tyre, Rexhepi ka kërkuar nga Zyra ligjore e Policisë që përfundimisht treshja të mos jetë pjesë e Policisë së Kosovës.
Në njoftimin për media bëhet e ditur se MPB-ja së shpejti do të hapë konkursin për të bërë zëvendësimin e këtyre zyrtarëve policorë nga komuniteti serb.
Ndërkaq, Drazho Bozhovic, Dragan Stefanovic dhe Zvezdan Spasojevic janë takuar me ministrin Rexhepi dhe të njëjtit do të vazhdojnë të punojnë

KFOR-i vërejtje Rexhepit per deklarimet
19.08.2011- E Premte
Ministrit të Punëve të Brendshme, Bajram Rexhepi i është tërhequr vërejta nga ana e KFOR-it për deklaratat e tij të “ashpra” që po i bën për pjesën veriore të vendit, më saktësisht për paralajmërimin e banorëve lokalë se shpejt do të fillojë çarmatimi i tyre në atë pjesë të vendit dhe arrestimi i kriminelëve.
Zyrtarët e KFOR-it kanë kërkuar nga ministri Rexhepi që të përmbahet nga deklaratat e “ashpra” për pjesën veriore të vendit, sepse, sipas tyre, këto deklarata vetëm sa po nxisin banorët lokalë dhe po provokohet situata, shkruan gazeta Zëri.
Këtë gjë e ka konfirmuar për gazetën një zyrtar i lartë nga KFOR-i në kushte anonimiteti, sipas të cilit, deklaratat e tilla të ministrit Rexhepi mund të provokojnë serbët në veri të destabilizojnë situatën.
“Komandanti i KFOR-it, Erhard Buhler ka kritikuar ministrin Rexhepin për mënyrën se si publikisht dhe para kohe po jep deklarata të tilla. Ai i ka rekomanduar atij që për hir të situatës, tash për tash të ruhet prej deklaratave të tilla”, citohet të ketë thënë ky zyrtar.

Opinioni publik në Zvicër “shfryhet” ndaj shqiptarëve
19.08.2011/11:08 - E Premte
Aktet e fundit kriminale të shqiptarëve në Zvicër kanë nxitur edhe reagimet e opinionit publik. Në disa prej reagimeve publike ka pasur edhe elemente të qarta të njollosjes dhe të fyerjes kolektive të shqiptarëve, shkruan “Bota Sot”.
Fyerjet më të rënda publike, deri më tash, pa dyshim, janë lansuar nga kompania “Stöhkler & Partner”. Pronari i saj, Fider Stöhkler, ka lansuar fyerjet më poshtëruese dhe më të neveritshme në adresë të shqiptarëve. Stöhkler citohet ta këtë quajtur kosovarët si njerëz “të egër, të pakulturuar, asocial dhe të pa-civilizuar”.Madje, ai ka shkuar aq larg sa, siç citohet, i ka quajtur shqiptarët si “jashtëqitje”. Stöhkler ka kritikuar politikat zviceriane ndaj emigrantëve, sidomos ndaj shqiptarëve.
“Po të me jepej mua rasti, do ta ndiqja nga Zvicra secilin kosovar”, citohet të ketë thënë ai. Komuniteti i shqiptarëve në Zvicër i ka dënuar ashpër aktet kriminale të kryera nga shqiptarët gjatë ditëve të fundit.
Në një deklaratë publike, ky komunitet distancohet nga çfarëdo akti kriminal të kryer nga bashkëkombësit tanë, por kundërshton fajësimin kolektiv të shqiptarëve për krimet e kryera nga kriminelët ordinerë.

Jahjaga e Berisha takohen në Vlorë
Presidentja e Kosovës, Atifete Jahjaga dhe kryeministri i Shqipërisë, Sali Berisha janë takuar në Vlorë. Kryeministri Berisha vlerësoi vendosmërinë e autoriteteve të Qeverisë së Kosovës për zbatimin e ligjit dhe të rendit kushtetues në të gjithë territorin e saj.
Postuar: 12:56:11 / 19.08.2011
Në njoftimin për media të presidencës thuhet se kryeministri vlerësoi rolin që presidentja Jahjaga ka luajtur e po luan në rritjen dhe konsolidimin e Republikës së Kosovës si faktor paqeje dhe stabiliteti në Ballkan.
“Kryeministri Berisha zhvilloi dje pasdite një takim të ngrohtë e miqësor me Presidenten e Republikës së Kosovës, znj. Atifete Jahjaga, në rezidencën qeveritare në qytetin e Vlorës, ku ajo po kalon disa ditë pushimesh... Kryeministri Berisha theksoi se progresi i gjithanshëm i Kosovës, funksionimi i shtetit ligjor dhe institucional kanë bërë që Kosova gjithnjë e më shumë të shndërrohet në një faktor të rëndësishëm bashkëpunimi, mirëkuptimi e integrimi rajonal”, thuhet në njoftim.
Presidentja Jahjaga e falënderoi kryeministrin Berisha për të gjithë mbështetjen që ai i ka dhënë dhe i jep Republikës së Kosovës.
Në këtë takim thuhet se është diskutuar për bashkëpunimin politik dhe në të gjithë fushat midis Shqipërisë dhe Kosovës, për përpjekjen e përbashkët në njohjen e mëtejshme dhe konsolidimin e pozicionit ndërkombëtar të Republikës së Kosovës.

KFOR-i ndalon një autobus me udhëtarë nga Serbia
KFOR-i ka ndaluar një autobus me udhëtarë nga Serbia në pikën kufitare në Bërnjak të Zubin Potokut.
Postuar: 11:09:22 / 19.08.2011
Sipas agjencisë së lajmeve ”Kosovapress”, “Autobusët serbë ka tre ditë që nuk po lejohen të hyjnë në territorin e Kosovës as nga Bërnjaku”. Sipas kësaj agjencie, aty ushtarët e KFOR-it kanë ndërtuar pothuajse ‘kala’ nga elemente të betonit të larta deri në tre metra.
Ndërkaq thuhet se në pikën tjetër kufitare, përkatësisht në Jarinje është më lehtë të kalohet, sepse ushtarët amerikanë kërkojnë letërnjoftimet dhe i lëshojnë udhëtarët pa vonesa të mëdha, pavarësisht nga janë ata.

DASH, antiterrorizmi: Shqipëria në rregull
E Premte, 19 Gusht 2011 14:58
Tiranë – Departamenti Amerikan i Shtetit publikoi raportin për luftën kundër terrorizmit për vitin 2010, ku në pjesën për Shqipërinë vihet në dukje se janë bërë përmirësime.
Në këtë raport vjetor të DASH, thuhet se “Qeveria shqiptare ka punuar për ndryshimin e dispozitave kundër terrorizmit të Kodit Penal; ajo ka mbajtur të ngrira pasuritë e dy individëve dhe 13 fondacioneve e kompanive të përfshira në listën e Këshillit të Sigurimit të OKB-së si financuese të identifikuara të terrorizmit, si dhe ka krijuar një ligj për konfiskimin e pasurisë, të siguruar nëpërmjet veprimtarisë kriminale”.
Ndërkohë raporti vëren se Policia Kufitare e Shqipërisë ka përmirësuar vazhdimisht sigurinë në pikat kufitare dhe në zonat e gjera midis pikave zyrtare të kalimit kufitar dhe ka ngritur patrulla lëvizëse nëpër male përgjatë kufirit, që kanë çuar në arrestime dhe sekuestrime të narkotikëve. Gjithashtu, raporti nënvizon se Shqipëria vazhdon të bashkëpunojë me organizatat rajonale dhe multilaterale të fokusuara në luftën kundër terrorizmit./LajmeShqip/

...shkoçitem nga lajmet e djeshme:
Hagë, ish-Kryeministri - mbarë e nisi
18.08.2011/21:18 - E Enjte
Nisi rigjykimi i pritur i ish kryeministrit të Kosovës, Ramush Haradinaj. Qysh në ditën e parë ka nisur mbarë seanca për ish-komandantin e Zonës Operative të Dukagjinit të UÇK-së, Haradinaj dhe dy bashkëluftëtarëve të tij, Lahi Brahimajt dhe Idriz Balajt. Për faktin e vetëm se kryetari i Trupit Gjykues ka kundërshtuar paraqitjen e provave që kanë qenë edhe në gjykimin e parë. Njëri prej prokurorëve ka paraqitur të dhëna nga libri i Bardh Hamzajt “Rrëfim për luftën dhe lirinë”, që përmban intervista me Haradinajn por që janë kundërshtuar nga avokatët mbrojtës që libri nuk mund të shërbej si provë. Për fillimin e mbarë të seancës janë shprehur edhe zyrtarë të AAK-së duke besuar në pafajësinë e kryetarit të tyre. Gjatë ditës është arrestuar dhe trasnferuar në Tribunalin e Hagës njëri prej dëshmitarëve kryesor, Shefqet Kabashi që kishte refuzuar të dëshmonte kundër Ramush Haradinajt në procesin e vitit 2007. /indeksonline/

Zhduket në Eritrea James Berisha
August 18, 2011 at 6:56pm
Prishtinë – Burime të Portalit LajmeShqip.com kanë bërë të ditur se dy ditë më parë është zhdukur lobuesi i njohur për pavarësinë e Kosovës, James Berisha.
Sipas këtyre burimeve, ai, bashkë me aeroplanin e tij, është zhdukur në Asmara të Eritresë, në udhëtimin e tij të gjatë për sensibilizimin shteteve afrikane me kërkesën për njohjen e shtetit më të ri të Evropës.
“Nëse nuk lajmërohem deri të mërkurën, duhet ta dini se jam arrestuar në Asmara të Eritresë”, iu ka shkruar ai para disa ditësh miqve të tij.
Shenjat e rrezikut për të janë paraqitur sapo ai ka ateruar në Aeroportin e Asmaras, të hënën, kur është përballur me probleme me vendorët eritreas.
Ndërkohë, sipas agjendës së tij, James Berisha është dashur që dje të kthehet në Sudan, por kjo nuk ka ndodhur.
Bëhet e ditur se miqtë e Berishës tashmë i kanë sensibilizuar ambasadat më të afërta të Kosovës dhe të Shqipërisë, me zhdukjen e tij.
Kohë më parë, lobuesi i njohur për pavarësinë e Kosovës, James Berisha, ka nisur lobimin e tij për njohjen e pavarësisë së Kosovës në vendet afrikane. (LajmeShqip.com)


- Lajmet
-E enjte, 18 gusht, 2011


Benini e njeh Kosovën
18.08.2011 - E Enjte
Ora: 01:09 Zyra e zëvendëskryeministrit të parë Behgjet Pacolli përmes një njoftimi për media ka konfirmuar se Benin është shteti i 80-të që ka njohur shtetin e Kosovës. Vendimi për njohje i është dorëzuar sot Pacollit nga presidenti i këtij vendi Yayi Boni.
“Njohja nga Benini i është dorëzuar sot, zëvendëskryeministrit të parë të Qeverisë së Kosovës, z.Behgjet Pacolli nga Presidenti i Beninit Yayi Boni gjatë takimit zyrtar. Kjo njohje është rezultat i aktiviteteve të vazhdueshme lobuese të zotit Pacolli në kuadër të diplomacisë së tij në shtetet ve e veç. Gjatë ditës ju dërgojmë edhe notën verbale të njohjes. Republika e Beninit kufizohet me Togon, Nigerinë, Burkina Fason dhe Nigerin. Kryeqyteti i Beninit është Porto Novo me një sipërfaqe prej 110 mijë kilometrash dhe me rreth 9 milion banorë.Aktivitetet lobuese të zotit Pacolli do të vazhdojnë edhe në ditët në vijim me që rast për njohjet do të informoni me kohë”, thuhet në njoftimin nga zyra e zëvendëskryeministrit Pacollit.

Ora: 00:40 Republika e Beninit është bërë shteti i 80 që e ka njohur Republikën e Kosovës – shtet i pavarur dhe sovran, mëson portali Indeksonline, nga burime të afërta me zv/kryeminsitrin Pacolli. Njoftimi zyrtar pritet të arrijë shumë shpejt.

ora: 00;03 Çeku: Aksioni në veri nuk ishte kundër serbëve
Agim Çeku, ministër i Forcës së Sigurisë së Kosovës i tha Zërit të Amerikës se veriu i Kosovës nuk mund të ndahet. Çeku tha se ajo që bëri qeveria kur mori në kontroll dy pikat doganore në veri nuk ishte një çështje politike por ishte çështje e sigurisë.
Ai tha se qeveria e Kosovës demonstroi se ky nuk ishte një aksion kundër popullsisë serbe në veri sepse ajo ofroi ndihmë humanitare për banorët nëse kjo do të ishte e nevojshme.
Çeku tha se qeveria e tij është për zgjidhjen e problemeve me dialog por çështja e kufirit nuk mund të negociohet. “Qeveria e Kosovës ka të drejtë të vendosë kontrollin e saj në të gjithë vendin”, tha ministri.
Çeku tha se problemi i veriut të Kosovës mund të zgjidhet duke i bërë trysni Beogradit të ndalë financimin dhe nxitjen e popullsisë me përkatësi etnike serbe që jeton atje.


- Lajmet
-E mërkurë, 17 gusht, 2011

..trup e trup:
- Nxihet akoma më shumë imazhi i shqiptarëve në Zvicër. dhe me gjere ne Evropë
- Kosovarët e prejnë në fyt zviceranin
- Ne Bratisllavë të Sllovakisë kosovari Jeton Vokrri e vret Veton Gërgurin
- Reeker: Kosova ka të drejtë të shtrij rendin në veri
- Fitou: Veriu, asgjë më shumë se Ahtisari
- Thaçi: As ndarje, as status special
- NATO: Miki–bodigardi i Oliver Ivanoviqit, dirigjues i Rojave të Urës
- Gjatë aksionit, ROSU nuk shkeli në Jarinjë
- Veri, thellohen përçarjet e serbëve: Tadiqi, tradhtar!
- Prostituta serbe: Në Kosovë për bukë

...me hapur:
Kosovarët e prejnë në fyt zviceranin
17.08.2011/02:22 - E Mërkurë
Nxihet akoma më shumë imazhi i shqiptarëve në Zvicër. Bashkëatdhetarët tanë atje janë përfshirë në një tjetër incident të turpshëm.
Dy kosovarë (njëri 33 dhe njëri 31 vjeç) kanë zbritur nga një taksi, të hënën mbrëma dhe janë drejtuar tek tavolina e dy personave në një restoran në qytezën Interlaken, në kantonin e Bernit. Aty po pinin birra Roland Gehrig (38 vjeç) dhe Kari Z. (45 vjeç), ky i fundit politikan i njohur i partisë SVP, më e madhje në Parlamentin Federal. Kosovarët bërtitën:” Zviceranë m…i”, dhe Kari Z. reagoi me një Çka? e vazhdoi birrën e tij.
Njëri nga kosovarët e nxori menjëherë një thikë dhe e preu atë në fyt. Shpërtheu shumë gjak, dhe ai u ndihmua nga miku i tij.
Kosovarët ikën dhe një operacion i madh policor nisi. Ata u kapën nga policia pas disa orësh dhe po mbahen në arrest, konfirmoi policia e kantonit të Bernit.
Mjekët në spitalin e Interlakenit luftuan për jetën e politikanit popullor dhe ai qëndroi një kohë në kujdes intensiv. Raportohet se tani është jashtë rrezikut për jetën. Incidenti ndodhi në ditën e njëjtë që kosovari Shani S, vrau në Zvicër gruan e tij dhe një punëtore sociale zvicerane. /indeksonline/

Jeton V. vret Vigan G. në Sllovaki
17.08.2011/14:27 - E Mërkurë
Viktima Vigan G. bartet me auto-ambulancë
Një krim i rëndë ka tronditur Sllovakinë. Progtaonistë bëhen shqiptarët e Kosovës. Policia në Bratisllavë ka thënë se e ka identifikuar Jeton Vokrrin (nga Podujeva), si vrasësin e Vigan Gërgurit, vrasje e ndodhur të premten mbrëma në kryeqytetin sllovak.
Policia po e kërkon vrasësi në bashkëpunim me policinë e Republikës Çeke dhe Hungarisë, dhe ka kërkuar edhe ndihmën e Interpolit.
Teksa viktima po ecte për të hyrë në një taksi, ai u ndal nga Jeton Vokrri dhe u qëllua me armë katër herë – tri herë në gjoks dhe një herë në abdomen. Mediat në Sllovaki raportojnë se bëhet fjalë për qerim hesapesh në tregun e drogës dhe mafias. /indeksonline/

Kosova ka të drejtë të shtrij rendin në veri
17.08.2011/11:13 - E Mërkurë
12: 30 Shtetet e Bashkuara të Amerikës ripërsërisin qëndrimin se përkundër situatës së re në veri, çështja e ndarjes së Kosovës për asnjë kusht nuk mund të bisedohet. Porosinë e solli sot në Prishtinë, Zëvendës ndihmës sekretari amerikan i Shtetit për Evropë dhe Euroazi, Filip Reeker. Ai u taku me kryeministrin Hashim Thaçi, ndërsa potencoi se Washingtoni është i interesuar për zbatim të planit të Ahtisarit dhe shtrirje të sundimit të ligjit në veri.
Zyrtari i lartë amerikan ka komentuar edhe propozimet e fundit për status special në atë pjesë. Reeker duke mos u ndalur direkt në këtë çështje theksoi se Kosova është shtet sovran dhe ka të drejt të shtrij autoritetin në gjithë territorin.
“Kosova është një shtet sovran dhe i pavarur dhe ka të drejtë të shtrij autoritetin e vet në gjithë territorin”, tha zyrtari amerikan.
11: 13 Ka arritur për një vizitë të shkurtër në Kosovë, Philip Reeker, zëvendës ndihmës sekretar i Shtetit amerikan. Ai në ora 10:00 është pritur nga Kryeministri i Kosovës, Hashim Thaci ndërsa pritet të prononcohte për media në ora 12:00. Riker pritet të ofroj mbështetjen e shtetit amerikan për zhvillimet e fundit, vecmas mos cënimin e integritetit të Kosovës dhe nevojën e vazhdimit të dialogut me Serbinë.

Portali lajme shqip publikon sot n'ora 16:15 nje lajm te cilin e kategorizon si lajm kryesor me titull:

NATO (pjesa:10): Miki – bodigardi i Oliver Ivanoviqit, dirigjues i Rojave të Urës
Mitrovicë – Truproja e Oliver Ivanoviqit, Dimitrij Janiçijeviq–Miki, njihet si një prej nyjeve të organizimit të trazirave në veri. Ai kishte kërkuar punë në OSBE, por ishte refuzuar, për shkak të biografisë së tij të errët dhe kriminale.
Dimitrij Janiçijeviq–Miki (1978), ka qenë truprojë e njërit nga liderët e serbëve të veriut, Oliver Ivanoviq. Dokumenti konfidencial i NATO-s e përshkruan atë si një person problematik të veriut, i implikuar kudo në incidentet dhe trazirat e pasluftës, në atë pjesë të Kosovës.
“Është një nga njerëzit e njohur me “Motorola””, shkruan në dokument. Kështu identifikoheshin Rojat e Urës, ata që për vite me radhë ishin pengesë e projekteve për shtrirjen e rendit dhe të ligjit në pjesën veriore të Mitrovicës.
Truproja e Oliver Ivanoviqit njihet edhe si një prej nyjeve të organizimit të trazirave në veri.Ai disa herë i ka sulmuar pjesëtarët e OSBE-së në Leposaviq, kurse së bashku me Raliq Joviqin, shkruan në dokument, ka hapur një kafene te Tre Rrokaqiejt, ku ka bërë tregti me armë dhe i ka përdorur ato në organizimet kundër njerëzve (shqiptarëve të veriut dhe të tjerëve që kanë menduar ndryshe nga ata që donin trazira dhe destabilizim në veri të Mitrovicës).
I implikuar në trazira të shumta dhe demonstrata kundër përfaqësuesve civilë ndërkombëtarë, por edhe kundër forcave të policisë dhe të KFOR-it, në veri të Kosovës, truproja e Oliver Ivanoviqit, Dimitrij Janiçijeviq – Miki, shpesh ka pasur probleme me policinë civile të SHBA-së (CIVPOL US.) që vepronte në veri, shkruan në dokumentin e NATO-s.
Dokumenti e definon “Mikin” si person që ka mbajtur lidhje të ngushta në organizimin e bandave serbe në veri të Kosovës dhe që ka pasur kontakte dhe kontroll të vazhdueshëm, një kohë të gjatë, me “Rojat e Urës”, famëkëqinjtë që i ka dirigjuar në verpimtarinë e tyre.
Dimitrij Janiçijeviq – Miki, shkruan në dokument, më vonë ka kërkuar punë në misionin e OSBE-së, por është refuzuar, për shkak të biografisë së tij të errët.

Prostituta serbe: Në Kosovë për bukë
17.08.2011/15:45 - E Mërkurë
Pak ditë pas arrestimit nga Policia e Kosovës të 19 personave, shumica serb, për trafikim me njerëz, një prostitutë nga Serbia ka rrëfyer për Blic, “punën” e saj në Kosovë.
Z.S, 32 vjeç nga Krushevci thotë se kishte ardhur në Kosovë për të siguruar “bukën e gojës”. Në fillim i kishin thënë se do të punonte si hostes (mikëpritëse), në një klub. Më pas ia kishin marrë dokumentet dhe e kishin detyruar të punoëj si prostitutë, duke e rrahur e duke e mbajtur të lidhur. E kishin xhiruar me telefon dhe e kishin kërcënuar se nëse ikën, xhirimin do t’ia tregonin familjes. Ajo punon si prostitutë në një klub që gjendet ndërmjet magjistrales Prishtinë – Mitrovicë.
‘Këta njerëz nuk janë naivë. Të gjithë janë kriminelë nga Shqipëra. Na mbajnë këtu të mbyllura.
Askush nuk mund të bëjë gjë kundër tyre. Unë kam lënë atje burrin dhe dy fëmijtë, duke menduar se do të fitojë ndonjë para. Nuk më lënë të flas me familjen, por ndonjëherë u dërgoj para. Disa herë kam provuar të bëjë vetëvrasje, por shpresoj se një ditë do të dal nga kjo”, i ka thënë Z.S gazetarit të Blicit që u paraqit si klient i interesuar për shërbimet e saj seksuale.
Policia e Kosovës dhe EULEX-i po vazhdon hetimet për të gjetur se kush nga Serbia është i përfshirë në trafikun e grave në Kosovë. /indeksonline/

Thaçi: As ndarje, as status special
17.08.2011/14:40 - E Mërkurë
Në mbledhjen e qeverisë, kryeministri Hashim Thaçi ka çmuar fort mbështetjen që qeveria amerikane ka dhënë për Kosovën vazhdimisht, dhe së fundi edhe nëpërmjet Philip Reekerit. "Ishte konkludim i përbashkët se qeveria veproi drejt dhe nuk do të ketë kthim pas në status quo" ka thënë Thaçi, duke pohuar pëlqimin e Amerikës për shtrirjen e autoritetit në krejt territorin. Ai ka ripërsëritur qëndrimin se në veri do të shkatërrohet njëherë e mire kontrabanda e krimi i kryer në marrëdhënie të mira mes shqiptarëve e serbëve.
"Çështja e dialogut me Serbinë është krejt tjetër. Për rregullimin e brendshëm vendosiçm vetëm ne duke u mbështetur në Kushtetutën, ligjet dhe dokumentin e Presidentit Ahtisaari. Beogradi nuk mund të vazhdoj tutje, me njërën këmbë në Bruksel e tjetrën në Kosovë. Nuk do të ketë ndarje apo status special brenda territorit të Kosovës. Janë tema të kota. Të ekzagjeruara. Asnjë zyrtari të Kosovës, asnjë ndërkombëtar nuk i ka prezantuar dokumente apo ide për ndarje" ka thënë Thaçi. /indeksonline/

Fitou: Veriu, asgjë më shumë se Ahtisari
E Mërkurë, 17 Gusht 2011 15:14
Prishtinë – Ambasadori francez në Prishtinë, Jean-Francois Fitou, thekson “se serbëve të veriut dhe të jugut duhet t’u jepen të gjitha garancitë, të gjitha të drejtat për të jetuar në shtetin e Kosovës” dhe porosit të gjithë ata që përmendin dhe mundohen të gjejnë modele për veriun, të lexojnë Pakon Ahtisaari.
“Zgjidhjet për veriun rrjedhin nga Pakoja e Ahtisaarit”, citohet diplomati francez në titullin e një interviste, të botuar sot të përditshmen “Koha Ditore”.
“Në Planin e Ahtisaarit është e vendosur gjithçka. Është plani më i avancuar, me arkitekturën më të mirë institucionale në Evropë”, është shrehur ai.
“Unë e di edhe modelin e Skotlandës, edhe të Holandës, Belgjikës Tirolit Jugor….i di të gjitha. Janë vende të mira dhe i kam vizituar. Por askund, asnjëri nga këto plane nuk është më i avancuar se Plani i Ahtisaarit”, citohet ambasadori francez.
“Plani i Ahtisaarit u jep çdo mundësi komunitetit serb që të kenë të drejtat më të avancuara në Evropë”, thekson ambasadori Fitou./lsh/

Reeker: Kufijtë Kosovës, të paprekshëm
Lajme Shqip E Mërkurë, 17 Gusht 2011 13:01
Prishtinë – Një mesazh i prerë dhe i qartë i Washingtonit zyrtar është përcjellë sot në Prishtinë, pas zhvillimeve më të fundit në Kosovë.
Zv/Ndihmëssekretari Amerikan i Shtetit për Evropën dhe Evroazinë, Philip Reeker, ka deklaruar sot në Prishtinë se Kosova është shtet i pavarur dhe sovran, kurse çështja e integritetit të saj territorial është e sqaruar përfundimisht.
Ajo që mbetet ta bëjmë tash është që të përqendrohemi në shtrirjen e rendit dhe të ligjit në mbarë Kosovën, e edhe në veri, ka thënë prerë, zyrtari i lartë amerikan.
Zv/Ndihmëssekretari Amerikan i Shtetit për Evropën dhe Evroazinë, Philip Reeker, po qëndron sot në nnjë vizitë zyrtare në Prishtinë, ku po takon zyrtarë të lartë të vendit, ndërkohë që do ta vizitojë edhe Manastirin e Graçanicës. (LajmeShqip.com)

Veri, thellohen përçarjet e serbëve: Tadiqi, tradhtar!
Lajme Shqip E Mërkurë, 17 Gusht 2011 12:47
Mitrovicë – Marrëveshja me KFOR-in për heqjen e barrikadave dhe vendosjen e rendit dhe të ligjit në veri të Kosovës, ka thelluar hendekun e përçarjeve dhe kundërshitmeve midis serbëve. Burime të portalit LajmeShqip.com, në veri të Kosovës, bëjnë të ditur se janë thelluar dukshëm përçarjet midis strukturave të MUP-it dhe përfaqësuesve dhe veprimtarëve të tjerë të inteeligjencës së Serbisë, që kanë operuar ilegalisht në atë pjesë të vendit.
Marko Jakshiq, Milan Ivanoviq, Sllavisha Ristiq dhe Dragisha Miloviq janë bërë bashkë me të ashtuquajturin kryetar i veriut të Mitrovicës, Krstimir Pantiq, në mospranimin e Marrëveshjes së arritur midid qeverisë dhe KFOR-it.
Ata theksojnë se kjo marrëveshje është arritur në dëm të serbëve të Kosovës dhe nuk do të respektohet, e as nuk do të zbatohet.
Këta përfaqësues të serbëve të veriut të Kosovës e kanë akuzuar edhe qeverinë e Serbisë dhe presidentin Tadiq, si shitës të interesave të serbëve të Kosovës, duke i thelluar përçarjet e spektrit politik, atij ilegal ushtarako-policor dhe strukturave paralele në veri. (LajmeShqip.com)

Gjatë aksionit, ROSU nuk shkeli në Jarinjë
17.08.2011/07:49 - E Mërkurë
Njësia elite e policisë, ROSU, ishte nisur në orët e darkës së 25 korrikut për të vënë nën kontroll pikën kufitare në Jarinje, por ishte bllokuar rrugës nga serbë lokalë. Kishte mbetur diku në Leposaviq. Pastaj, pas orësh të tëra qëndrimi para një barrikadë, kishte vendosur të zmbrapsjes, ndryshe nga konvoji që ishte nisur për në portën doganore në Bërnjak ku kishte mbërritur fare lehtë, raporton “Koha Ditore”.
Zyrtarë qeveritarë kurrë nuk e kanë treguar këtë detaj. Janë përpjekur për ta fshehur edhe tash. Publikimin e këtij detaji e kanë kualifikuar disa edhe si “informatë e privilegjuar”. /indeksonline/


- Lajmet
-E marte, 16 gusht, 2011


Guinea dhe Nigeria e njohin Kosovën
Guinea dhe Nigeria e njohin Kosovën Prishtinë – Kabineti i Zv/kryeministrit të parë të Republikës së Kosovës, Behgjet Pacolli, ka bërë të ditur për dy njohje të reja të shtetit të Kosovës, që vijnë nga Afrika.
Republika e Guinea Conacru dhe Republika e Nigerit e kanë njohur Republikën e Kosovës. Detajet tjera të njohjes do të bëhen të ditura më vonë, ka njoftuar kabineti i Pacollit. /LajmeSh/

Kosova njihet nga Republika e Nigerit dhe Guinea Conakry
ora: 02:14:39 / 16.08.2011
Zëvendëskryeministri i parë i Qeverisë së Republikës së Kosovës,z.Behgjet Pacolli konfirmon zyrtarisht nga kontinenti i Afrikës se Republika e Guinesë Conakry dhe Republika e Nigerit, janë shtetet e radhës të cilat e kanë njohur pavarësinë e Kosovës.
Zëvendëskryeministri i parë i Qeverisë së Republikës së Kosovës,z.Behgjet Pacolli konfirmon zyrtarisht nga kontinenti i Afrikës se Republika e Guinesë Conakry dhe Republika e Nigerit, janë shtetet e radhës të cilat e kanë njohur pavarësinë e Republikës së Kosovës.
Këto njohje vijnë pas aktivitetit të dendur lobues të zëvendëskryeministrit Pacolli.
Brenda ditës priten njoftime për detajet e këtyre njohjeve.
Me keto dy shtete, numri i vendeve qe kanë njohur Kosovën arrinë në 79./rtk/

Marko Jakshiç: Beogradi na tradhtoi
ora: 03:26:10 / 16.08.2011
Marko Jakshiç, njëri nga liderët e serbëve në veri të Mitrovicës, ka akuzuar autoritetet e Beogradit për tradhëti ndaj serbëve të Kosovës. Ndërkohë që situata e sigurisë në veri vlersohet e qetë, ndërsa punimet në urën e fshatit Prilluzhë po vazhdojnë.
Në Leposaviç, takimi i përbashkët i përfaqësuesve të katër komunave paralele është ndërprerë dhe nuk dihet a do të vazhdojë, njofton agjencia e lajmeve kosovapress. Njëri ndër lideerët e serbëve lokal, Marko Jakshiç tha se serbët e Kosovës janë kundër marrëveshjes mes Tadiçit dhe Thaçit. Ai ka akuzuar autoritet e Beogradit për tradhti ndaj serbëve të Kososvës.
Në anën tjetër, Ministri i Punëve të Brendshme i Serbisë, Ivica Daciç, ka thënë se “Serbia duhet t’ia dërgoj një mesazh të qartë bashkësisë ndërkombëtare se e do paqen me shqiptarët, por se ata, siç tha ai nuk duhet të provokojnë serbët dhe të fshihen pas “vëllait të madh”.
E megjithatë, situata në veri të Kosovës vlerësohet e qetë, ndërsa pikat kufitare 1 dhe 31 vazhdojnë të kontrollohen nga forcat paqeruajtëse të NATO-s. Zëdhënësi i Policisë së Kosovës për rajonin e Mitrovicës, Besim Hoti konfirmoi për Radio Kosovën se gjatë natës së kaluar nuk është regjistruar ndonjë rast që do të prishte qetësinë e krijuar.

NATO: Sllavisha Ristiq i ftoi serbët në luftë të re
Mitrovicë – Portali LajmeShqip.com, në vazhdën e publikimit të dokumentit konfidencial të NATO-s për biografitë dhe të bëmat e krerëve serbë në veri të Kosovës, publikon fragmentin që flet për “nacionalistin e moderuar”, Sllavisha Ristiq. Ai, ndonëse më bashkëpunues me ndërkombëtarët, megjithatë nuk kishte hezituar në vitin 2001, që t’i ftojë serbët e Kosovës në një luftë të re.
Sllavisha Ristiq (1960), është përfaqësues i Partisë Demoktratike të Serbisë dhe i ashtuquajtur kryetar i Komunës së Zubin Potokut, njëherit përfaqësues i Këshillit Nacional Serb në këtë komunë. Me profesion ekonomist, në pranverën e vitit 2001 ai u emërua kryetar i Nënkomitetit për kthimin e refugjatëve serbë në Kosovë.
Dokumenti i NATO-s e pasqyron atë si një militant të “kauzës serbe”, por me “tone më të moderuara”. Ristiq, pas luftës në Kosovë kishte kërkuar me ngulm nga bashkësia ndërkombëtare, siç ka thënë ai, “kthimin e të zhvendosurve serbë në Kosovë, ashtu siç i kanë kthyer edhe shqiptarët”.
Karakter i qetë dhe me vetëkontroll, Ristiq përshkruhet në dokument si person që vazhdimisht tenton t’i ikë temës qendrore, gjatë bisedave. Ai ka një papajtueshmëri të plotë me bashkësinë ndërkombëtare në Kosovë dhe i akuzon ata se nuk e kanë zgjidhur drejtë çështjen e Millosheviqit. Megjithatë, politikisht, thuhet në dokument, Sllavisha Ristiq, është në kundërshtim të vazhdueshëm me përfaqësuesin e SPS-it në Zubin Potok, Zoran Vuloviq./lsh/

Çanak: Problemi i Kosovës e Serbisë zgjidhet me integrimin në BE
ora: 01:56:55 / 16.08.2011
Kryetari i Ligës Socialdemokrate të Vojvodinës dhe deputet i kuvendit serb, Nenad Çanak, ka thënë se nuk ka kuptim dilema e Serbisë që të zgjedhë ndërmjet Kosovës dhe Bashkimit Evropian.
Çanak ka thënë se rreth Kosovës luhet lojë kuazipatriotike që sillet rreth formës e jo përmbajtjes dhe e cila shpie “në riciklimin e mallkimit të Lazarit dhe miteve tjera historike”.
Ai ka thënë se problemi i dy vendeve zgjidhet me përshpejtimin e integrimit të Kosovës e Serbisë në BE, me standardet të njëjta për të dy vendet.

”Hill International”, njofton për mbikëqyrje të autostradës
12:50:55 / 16.08.2011
Kompania amerikane ”Hill International”, me seli në Nju Xhersi , ka njoftuar për marrjen e kontratës për mbikëqyrjen e punimeve të autostradës Morinë-Merdar.
Kompania ”Hill...”, ka mbi tre mijë puntorë dhe mbi 100 zyra në botë. Në SHBA ajo rangohet kompania e tetë më e madhe në menaxhimin dhe mbikëqyrjen e ndërtimeve.

Berisha, Eliza Dukshut pasaportë biometrike
E marte, 16 Gusht 2011 15:39
Tiranë – Kryeministri Sali Berisha dha një pritje për aktoren e mirënjohur të Hollivudit, me origjinë shqiptare, Eliza Dushku, e cila po viziton vendin tonë për realizimin e një dokumentari që do të promovojë në botë Shqipërinë.
Sipas njoftimit për shtyp nga Kryeministria, gjatë kësaj pritje z. Berisha i dorëzoi Eliza Dushkut pasaportën biometrike shqiptare dhe kartën e identitetit, pas kërkesës së saj për t’u pajisur me shtetësinë dhe dokumentet shqiptare të identifikimit. Aktorja Dushku u shpreh se ndjehej krenare që tashmë zotëronte dhe pasaportën shqiptare.
Më pas, biseda vazhdoi e ngrohtë rreth Shqipërisë, bukuritë e së cilës tërheqin çdo vit e më shumë vizitorë të huaj, zhvillimit të vendit dhe veçanërisht, turizmit. Dushku e njohu Kryeministrin me vizitat që ajo kishte zhvilluar në disa qytete të vendit, nga jugu në veri dhe impresionet e saj gjatë këtij udhëtimi, të cilin ajo e cilësoi mbresëlënës dhe që i mundësoi të njihej me natyrën, historinë, traditat, artin dhe kulturën shqiptare.
Kryeministri Berisha vlerësoi faktin që aktorja e mirënjohur ishte pjesë e projektit për realizimin e dokumentarit që promovon Shqipërinë turistike, historinë, traditat dhe potencialet e saj. Sipas tij, kjo iniciativë do të jetë një kontribut i çmuar për bërjen të njohur edhe më gjerë të bukurive të Shqipërisë dhe promovimin e turizmit shqiptar, e cila këtë vit është shpallur nga Lonely Planet si një ndër destinacionet kryesore turistike të botës.
“Shqipëria, tha kryeministri, me peisazhin e saj unik, ku ndërthuren malet me detin dhe liqenet, po bëhet një destinacion gjithnjë e më i preferuar për turistët e huaj, që edhe këtë vit kanë vizituar në një numër shumë të lartë Shqipërinë. Ne kemi bërë investime të mëdha për të mbështetur zhvillimin e turizmit në infrastrukturën rrugore, sikundër po ndërtojmë impiante të fuqishme për pastrimin e ujërave, kemi ndërmarrë nisma fiskale për përjashtimin nga taksat për një periudhë disavjeçare për ata që investojnë në zonat turistike malore dhe do të vazhdojmë të bëjmë gjithçka që bukuritë shqiptare të bëhen gjithnjë e më të prekshme për këdo”, theksoi kreu i qeverisë.

Eliza Dushku mori shtetësinë shqiptare
Tiranë – Presidenti i Shqipërisë, Bamir Topi, priti të martën aktoren e mirënjohur shqiptare të Hollivudit, Eliza Dushku, e cila prej disa ditësh po zhvillon një vizitë në vendin tonë për promovimin e turizmit shqiptar.
Të pranishëm në takim ishin gjithashtu, fotografi me famë botërore, Fadil Berisha dhe aktori Blerim Destani.
Presidenti vlerësoi lart veprimtarinë artistike të Eliza Dushkut, si një ndër aktoret e reja të spikatura të kinematografisë botërore.
Në këtë kontekst, Topi vuri në dukje se vizita e Dushkut në Shqipëri është pjesë e atij mesazhi pozitiv që flet për Shqipërinë dhe shqiptarët si një popull vital, me tradita të hershme e kulturë të lashtë, me dëshirën dhe përkushtimin për të ecur përpara me vendosmëri e dinjitet.
“Ju jeni tashmë imazhi i mirë i shqiptarëve që punoni për Shqipërinë”, iu drejtua Presidenti të pranishmëve në këtë takim.
“Janë pikërisht këto arsye që me t’u informuar për kërkesën e Dushkut për marrjen e shtetësisë shqiptare, në përmbushje të një detyrimi institucional, por në radhë të parë, të një frymëzimi personal, nënshkrova dekretin për dhënien e shtetësisë shqiptare Eliza Dushkut”, u shpreh Bamir Topi.
Në vijim, Presidenti i Republikës i dorëzoi dekretin presidencial aktores së mirënjohur shqiptare të Hollivudit, e cila nga ana e saj shprehu falënderim dhe mirënjohje për pritjen nga Presidenti Topi dhe në mënyrë të veçantë nënvizoi kënaqësinë e veçantë për këtë nderim nga ana e Kryetarit të Shtetit Shqiptar.

Filloi procesi gjyqësor kundër Hysen Sherifit për terrorizëm
16.08.2011
Në Karolinën Veriore në SHBA ka nisur procesi gjyqësor kundër shtatë të akuzuarve për plane për sulme terroriste jashtë vendit, në mesin e të cilëve i dyshuar është edhe shqiptari nga Kosova, Hysen Sherifi.
Të dyshuarit akuzohen për komplot për t'u siguruar mbështetje materiale terroristëve, komplot për vrasje, rrëmbim, dhe plagosje të personave jashtë vendit, raporton Ina.
Aktakuza nuk thoshte nëse gjashtë shtetasit amerikanë dhe një tjetër i lindur në Kosovë, planifikonin të zhvillonin sulme jashtë Shteteve të Bashkuara. Prokurorët thonë se udhëheqësi i tyre, 39 vjeçari Daniel Boyd, kishte qenë në Afganistan dhe Pakistan mes viteve 1989 dhe 1992 për stërvitje të tipit ushtarak në kampet terroriste.
Autoritetet thonë gjithashtu se Boyd dhe të dyshuarit e tjerë ishin stërvitur me armë sulmuese dhe ishin përpjekur të mblidhnin para për sulme terroriste.
Sipas AP, kosovari i arrestuar është Hysen Sherifi 24 vjeçar, i lindur në Kosovë dhe në SHBA është me qëndrim të përhershëm legal, por i vetmi pa shtetësi amerikane.
Gjykata dje ka nxjerrë si të pafajshëm 24 vjeçarin nga Kosova dhe ka kërkuar lirimin e tij, mirëpo prokuroria ka refuzuar vendimin. Trupi gjykues vendosi që procesi gjyqësor të transferohet nga gjykata Raleigh në Neë Bern, për shkak të kushteve të sigurisë. Procesi gjyqësor ndaj këtij rasti, ku i dyshuar është edhe një shtetas boshnjak do të zgjas rreth dy muaj.

Kosovari që tronditi Zvicrën
16.08.2011
Ngjarja shokuese e vrasjes së dy femrave, bashkëshortes dhe një punëtoreje, nga kosovari Shani S. ka tronditur publikun zviceran. Edhe pse nuk janë hedhur në sulme kundër kosovarëve për krimet e tyre, ata kanë zbuluar mjaft detaje nga ky rast, dhe faktin që vrasësi nuk arriti në asnjë moment të socializohej në shoqëinë zvicerane.
Të afërmit e tij kanë shpjeguar se ai ishte kundër që të punon vajzat e tij tashmë të rritura dhe sillej si tradicional, për cka edhe përplasej më së shumti me gruan e tij, tashmë të ndjerë. "Vetëm dy nga vajzat mbajnë tradita myslimane dhe janë të virgjëra. Tri vajzat tjera i sollën turp familjes, mendonte Shaniu”, thotë nipi i tij, Shqiprimi për Blick. Ai tha se Shaniu ndjehej i turpëruar nga vajzat e tij, dhe kohëve të fundit kishte nisur të falej rregullisht. Shaniu nuk dëshironte që vajzat e tij të punonin, dhe vazhdimisht grindej me Sadeten për këtë. /indeksonline/


- Lajmet
-E hënë, 15 gusht, 2011

...hap pas hapi:
Veriu i Kosoves
ereniku.net, e hënë, 15 Gusht 2011 16:41
NATO (V): Kapiten Dragani, eprori i policisë serbe vepron në Kosovë
Mitrovicë – Portali LajmeShqip.com vazhdon të publikojë biografitë e kapove serbë të veriut të Kosovës, që janë të përmbledhura në një dokument konfidencial të NATO-s.
Dragoljub alias Dragan Delibashiq (1957), i njohur si Kapiten Dragani, është kapiten i MUP-it serb në veri të Mitrovicës. Ai ka vepruar pas vitit 1999 në pjesën veriore të Kosovës si koordinator i strukturave të ashtuquajtura të Mbrojtjes Civile të Veriut, pjesë e strukturave të Ministrisë Serbe të Punëve të Brendshme, shkruan në dokumentin konfidencial të NATO-s. Zëvendës në përgjegjësinë e tij e kishte Rajko Cekularak – Sekin.
Kapiten Dragani ka patur raporte të mira me Milan Ivanovin, por edhe me Oliver Ivanoviqin. Para luftës në Kosovë ka koordinuar njësi paraushtarake serbe dhe krimet kundër shqiptarëve. I pasionuar pas cigares “Dunhill” dhe pijes së tepërt të rakisë, në gjendjen e tij private dokumenti thotë se Delibashiq është i divorcuar nga gruaja, dhe ajo bashkë me dy vajzat e tij jetojnë në Bërçko të Republikës Serbe të Bosnjës.
Përgjegjësia e mëhershme e Kapiten Draganit në Mitrovicë ka qenë udhëheqës i njësitit të trafikut në policinë serbe dhe ka bashkëpunuar rregullisht me Vuçina Janiçijeviqin, një kapo-bandë tjetër e veriut të Kosovës. Ky i fundit ishte shef i policisë serbe, para luftës në Kosovë, me fushë të përgjegjësisë Zveçanin, Leposaviqin, Zubin-Potokun, Mitrovicën dhe Vushtrinë.

ora: 2:40
Ka përfunduar protesta e serbëve pavarësisht se kanë paralajmëruar të tjera gjatë ditëve në vazhdim. Megjithë kundërshtimet, është vënë gurthemeli i ndërtimit të urës. Këtë e ka konfirmuar kryetari i Vushtrrisë, Bajram Mulaku. Ndërtimi i kësaj e gjatë 110 m, do të mundësojë lëvizjen për 12 fshatra që shtrihen përgjatë Çiçavicës, ndërkohë që do të përfitojnë 15 mijë banorë të kësaj ane.

ora:11:31
Serbët janë mësuar me bllokada. Nuk janë në veri, por diku afër Vushtrrisë, serbët e fshatit Prilluzhë që kanë bllokuar rrugën që lidhë fshtarat shqiptare dhe serbe me magjistralen Prishtinë-Mitrovicë. Arsyeja kryesore e bllokadës është ndërtimi i një ure që pritet të lidhë shumë fshatra shqiptare me magjistralen e që duhet të kaloj nëpër Prilluzhë. Sipas informacioneve të para, në bllokadën e rrugës morrën pjesë rreth 2500 serbë ndërsa në vendin e ngjarjes ka arritur edhe KFOR-i ndërsa gjithë situata është kontrolluar prej mëngjesit nga Policia e Kosovës. Kryetari i fshatit, Zoran Rakic ka thënë se "Protesta do të mbahet cdo ditë deri në arritjen e një zgjidhjeje. Ndërtimi i urës do ta rritë trafikun dhe qarkullimin në fshat duke nxjerr probleme të reja për serbët" ka thënë ai.

ora:11:17
Beogradi propozon dy vula doganore
Serbia ka fillur t'i ndjej masat e reciprocitetit. Për këtë, zyrtarët në Beograd kanë filluar të mendojnë menjëherë për bisedimet e shtatorit e madje të ofrojnë edhe propozimet e para për vulat doganore. Blic ka mësuar se Beogradi do të ofrojë përdorimin e dy vulave. "Ideja është se të aplikohen dy lloj vulash, serbe dhe shqiptare. Njërën prej të cilave do të shkruhet "Doganat e Kosovës" ose "doganat Pejë, Mitrovicë, Prishtinë," dhe një tjetër në të cilën do të shkruhet "UNMIK-u - Kosovë - Shërbimi Doganor" ose "EULEX - Kosovë - Shërbimi Doganor", -thotë burimi i afërt i ekipit negociator serb, raporton "Blic".
Sipas këtyre burimeve, pala serbe në asnjë mënyrë nuk do të pranojë shenjën "Doganat e Republikës së Kosovës". Serbia refuzoj në korrik të vazhdoj dialogun, ndërsa pasoi vendimi i qeverisë për masat e reciprocitetit dhe ndërhyrja e njësive speciale në veri.

ora: 09:10
EULEX-i ka nisur me hetimet edhe për ngjarjet e fundit në veri. Sipas gazetës Zëri, tashmë janë hapur gjashtë-shtatë raste nga Prokuroria e EULEX-it, e qarkut të Mitrovicës. Në mesin e tyre është edhe vrasja me snajper e pjesëtarit të ROSU-së, Enver Zymberi, në Zupçë, si dhe shkatërrimi i pikës kufitare, Porta 1 në afërsi të Leposaviqit.
Sipas gazetës që thirret në burime brenda policisë, ka mundësi të angazhohet edhe KFOR-i për ti intervistuar ata që dyshohet se janë dorasit e Enver Zymberit apo që i vunë flakën kufirit. “Fillimisht po punohet në identifikimin e atyre që sulmuan kolonën e ROSU-së dhe FIT (Njësia për intervenim të shpejtë) derisa ata shkonin për të marrë nën kontroll Portën 31, apo Bërnjak ku dhe u vra Enver Zymber. Gjithashtu po punohet edhe në identifikimin e personave që i vunë flakën Portës 1, kufirit me Serbinë”, tha një zyrtar i Policisë së Kosovës. Edhe EULEX-i ka konfirmuar nisjen e hetimeve.

informacionet tjera:
Pakënaqësi edhe në PDK e AKR
E Hënë, 15.08.2011/16:15
Kryeministri të Kosovës asesi të bëhet rehat me qeverisjen.
Koalicioni qeveritar PDK-Kosova e Re dhe minoritetet nuk po tregohet stabil pasi partitë e vogla kanë filluar t'i shfaqin pakënaqësitë e para. Portali Indeksonline mëson se "pos partive të vogla edhe në PDK ka pakënaqësi dhe tashmë pritet të ketë lëvizje brenda partisë më të madhe ku disa deputetë kanë shprehur hapur pakënaqësinë ndaj udhëheqjes nga ana e kryetarit Hashim Thaçi". Mediat raportuan se deputetë të Partisë së Dretjësisë janë vënë kundër kryetarit të partisë, Ferid Agani që nuk po e implementon programin ndërsa pakënaqësi e njëjtë është edhe në AKR e PDK. Një zyrtar i lartë i PDK-së i pyetur nga portali Indeksonline për ndryshimet e mundshme në PDK ka thënë shkurtimisht "Po presim. Ta shikojmë çfarë do të ndodhë" . Aleanca Kosova e Re, AKR ka paralajmëruar për të martën një konferencë për shtyp ku do të adresoj disa nga çështjet që kanë të bëjnë me zhvillimet e fundit në vend e rrjedhimisht edhe bashkëqeverisjen me PDK-në për shkak të interesim të mediave. /burimi: Indeksonline/

Kuçi: Status special për veriun, ide e kotë
E Hënë, 15.08.2011/15:32
Zëvendëskryeministri Hajredin Kuci, i ka quajtur të kota idetë e fundit për status special apo autonomi për komunat në veri të vendit. Ai ka thënë se Pakoja e Ahtisarit është maksimumi çfarë mund të bëjnë institucionet e Kosovës për komunat me shumicë serbe.
“Nga ana e institucioneve të Kosovës asnjëherë nuk është menduar çështja e një autonomie apo statusi special për veriun e vendit. Idetë e tilla janë të kota dhe se Pakoja e Ahtisarit është maksimumi që mund të ofrohet për atë pjesë të Kosovës ka deklaruar për “Epokën e Re”, Kuçi. Në këtë kontekst ai ka shtuar se nuk ka asnjë presion nga faktori ndërkombëtarë që të diskutohet për ide të tilla. “Nuk ka asnjë presion nga Bashkësia Ndërkombëtare sa u përket ideve të tilla. Për institucionet e Kosovës këto ide gjithherë do të jetë ta pa pranueshme ka potencuar”, Kuçi./burimi: indeksonline/

Shqiptari i fiton 'gabimisht' 43 mln Euro
E Hënë, 15.08.2011/13:23
Shqiptari me nënshtetësi zvicerane Behar Merlaku, ka fituar në një nga kazinot e Austrisë rreth 43 e milionë euro. Behari i përshkruan ato momente si më të mira në jetën e tij, ndërsa çdo gjë bie në ujë kur drejtuesit e kazinos u afruan dhe i than që nuk ka fituar asnjë cent, pasi ishte një gabim në softuer.
Ai ishte duke luajtur në një nga aparatet e lojërave të fatit kur papritmas i është ndezur sinjali i Jackpotit ndërsa në ekran sinjalizohej se ai ka fituar 42.949.672,86 euro. “Ishte ndjenjë e papërshkrueshme. Gruaja ime qëndrojë para meje shumë e gëzuar, festuam. Në ato momente në mendje na shkonte se çka mund të bëjmë me gjithë ato para. Të gjithë ngjarjen e kam të regjistruar në telefon. Por pas me shumë se 15 minutash u paraqiten disa persona dhe më than se nuk kam fituar asgjë pasi ishte një gabim në Softuer”, rrëfen Behar Merlaku. Ai më tej shtoi se pasi i than që ishte gabim teknik, kishte filluar t’i qëroj hesapet me ta ndërsa më pas ka arritur policia. “Policia ka shkruar çdo gjë ka marr të gjitha të dhënat. Unë nuk do të lejoj që të më mashtrojnë, unë nuk mund të flejë nga inati këtë çështje do ta qoj në gjyq”, ka sqaruar Merlaku.
Nga ana tjetër drejtuesit e kazinos insistojnë se bëhet fjalë për gabim teknik dhe nuk e kanë ndërmend të bëjnë pagesën prej 43 milionë euro.


- Lajmet
-E dielë, 14 gusht, 2011

...Informacione nga e premtja + uikendi:
Vazhdon greva e urisë së minatorëve në Bulqizë
E dielë, 14 Gusht 2011
Minatorët e Bulqizës vazhduan edhe sot grevën e tyre të urisë në ditën e 22-të. Nuk ka ende asnjë mirëkuptim me kompaninë dhe asnjë ndërhyrje të qeverisë. Ata u bëjnë thirrje shoqërisë civile dhe diplomatëve perëndimore që të ndërhyjnë për të ndihmuar.

Minatorët kërkojnë ndihmën e SHBA-ve
ereniku - E Diele, 14 Gusht 2011 15:30
Nuk është zhbllokuar situata në minierën e bulqizës as në ditën 21 të grevës së mintatorëve. Derisa institucionet e shtetit shqiptar nuk kanë bërë as më të voglin hap në drejtimi të zgjidhjes së çështjes, sot, pas tri javësh, minatorët grevistë i janë drejtuar Ambasadës së SHBA-ve në Tiranë.
Kryetari i Konfederatës së Minatorëve, Kol Nikolla, sot publikisht e ka kërkuar ndërhurjen e ambasadori amerikan në Shqipëri, Aleksandër Arvizu, që të zgjidhë çështjen.
“I bëjmë thirrje publike ambasadorit Arvizu si mik i shqiptarëve që të shohë nga afër realitetin”, u shpreh Nikolla.
Në ndërkohë, 14 minatorëve në grevën e urisë në nivelin e 14-të të galerisë, gjendja shëndetësore iu është rënduar së tepërmi. Mjekët e spitalit rajonal japin alarmin se duhet gjetur një zgjidhje për grevistët pasi trupi i tyre ka humbur imunitet të plotë.
Dështimet e njëpasnjëshme të takimeve mes ACR dhe minatorëve po sjellin një heshtje vrastare për 700 minatorët e minierës së Bulqizës, të cilët ushqejnë rreth 3500 persona të familjeve të tyre.

Bild: Serbët sulmojnë Buhlerin
14.08.2011/13:49 - E Diel
Gazeta më e madhe gjermane, Bild, raporton në numrin e sotëm për sulmet e mediave serbe ndaj personalitetit të Komandantit të KFOR-it, gjeneralit Erhard Buhler. Kjo, sipas Bild, për faktin që ai dashuron një kosovare, dhe është në lidhje me të për vite të tëra. Ajo ka lindur në Prishtinë, por ka familje në Malin e Zi, Slloveni, Kroaci, Serbi dhe Kosovë. Buhler e ka njohur që nga viti 2001 kur ajo punonte si përkthyese në KFOR. “Kurrë nuk e kam fshehur lidhjen time. Unë jam i pavarur në punën time, përveç kur bëhet fjalë për qarqe radikale nga cilado anë”, ka thënë Buhler për Bild am Sonntag. Një zëdhënës i Ministrisë së Mborjtjes në Berlin ka thënë se shteti e ka ditur situatën e Buhlerit të divorcuar, para se ai të bëhej Komandant i KFOR-it. Më 9 shtator ai ia dorëzon Komandën e KFOR-it, gjeneralit Erhards Drews. /indeksonline/

NATO: Marko Jakshiq, doktori i krimit në Mitrovicë
E Diele, 14 Gusht 2011 01:47
Mitrovicë – Marko Jakshiq është një tjetër figurë e njohur e veriut të Kosovës, i përshkruar si kriminel dhe lider politik i serbëve në veri të Kosovës, në dokumentin konfidencial të NATO-s. Mjek-ortoped, me profesion, Marko Jakshiq jeton në një banesë të uzurpuar, të shqiptarit, në veri të Mitrovicës, kurse punon në spitalin në veri këtij qyteti. Politikisht është anëtar i Partisë Demokratike të Serbisë (DSS).
Përkah karakteri, Jakshiq përshkruhet si një person jashtëzakonisht armiqësor dhe tejet i ashpër për të gjithë ata që ndërhyjnë në KOS. Megjithatë, sipas dokumentit, ai gëzon një popullaritet të kufizuar në mesin e serbëve të veriut. Si tip krimineli, sipas dosjes, ai nuk i vlerëson shumë ushtarët me uniformë, por i preferon më tepër paramilitarët, vandalët dhe shkelësit e ligjit dhe të rendit.
Menjëherë pas luftës së Kosovës, në pjesën e dytë të vitit 1999, shkruan në dokumentin konfidencial të NATO-së, Marko Jakshiq ka qenë shumë i ashpër. Ai ka refuzuar në mënyrën më brutale dhe të pakompromis kthimin e mjekëve dhe të pacientëve shqiptarë në spitalin në veri të Mitrovicë, kurse e ka luftuar me të gjitha mjetet kryetarin e komunës së Zubin-Potokut, që vetë t’i menaxhojë ndihmat humanitare për serbët e asaj pjese. Gjithnjë me idenë e përfitimit personal, ka evidentuar NATO-ja në dokument.
Në mars të vitit 2000, Jakshiq ka organizuar serbët e veriut kundër KFOR-it, UNMIK-ut dhe institucioneve të Kosovës, duke u thënë se ata po duan t’i kthejnë shqiptarët në veri të Mitrovicës, kurse, sipas tij, “nuk po bëjnë asgjë për kthimin e serbëve në Pejë, Prishtinë, Ferizaj etj. Ai ka ftuar që të kundërshtohet rreptë dhe me të gjitha format ky plan. Marko Jakshiq, sipas dokumentit, ka ushqyer nacionalizmin e shfrenuar serb në veri dhe ka qenë pjesë e rrjetit të krimit të organizuar në atë pjesë të Kosovës, duke synuar përherë bashkimin e veriut të Kosovës me Serbinë. Ai, thuhet në dokumentin konfidencial të NATO-së, të gjitha këto veprime i ka bërë në koordinim të plotë me politikanët në Beograd dhe me strukturat tjera të kapo-bandave serbe në veri të Kosovës. Serbëve të veriut të Kosovës, Marko Jakshiq u kishte thënë në vazhdimësi se ka refuzuar poste të larta ministrore në Beograd, për të qenë, sipas tij, aktiv në kauzën e serbëve të Kosovës.
Në aktivitetin e tij jopaqësor dhe destabilizues në veri të Kosovës, në dokumentin e NATO-s, Marko Jakshiq përmendet si anëtar i Komitetit Politik për Mbrojtjen e të Mitrovicës, CPDM, në të cilin merrnin pjesë edhe kapo-bandat Milan Ivanoviq, Dragan Gjokoviq, Vukomir Antonijevq e kriminelë të tjerë të veriut të Mitrovicës.
Marko Jakshiq, bashkë me Milan Ivanoviqin, sipas dokumentit, kanë organizuar edhe mbrojtjen territoriale me serbë në veri të Kosovës, dhe mbrojtjen e Urës së Ibrit, duke vendosur barrikada dhe duke synuar pengimin e aktivitetit të UNMIK-ut e të KFOR-it në atë pjesë. Së fundmi, përmes të të ashtuquajturit Këshill Nacional Serb, formoi e “Parlamentin Serb të Veriut”, i mbështetur nga i ashtuquajturi drejtor i Trepçës, Ivan Dimkiq.
Në maj të vitit 2001, citohet në dokumentin konfidencial të NATO-s, Marko Jakshiq, bashkë me kriminelë të tjerë, si Milan Ivanoviq, Momçillo Trajkoviq dhe Vuko Antonijeviq, bënë pjesë në mesin e trafikantëve dhe shantazhuesve më të mëdhenj të tregtisë së zezë me karburante në veri të Kosovës. Përmes këtyre parave të pista, ata në vazhdimësi i financuan të ashtuquajturit “Roja të Urës”, thuhet në dokument.
Sipas dokumentit, përfaqësuesi i vijës radikale në veri të Kosovës, Marko Jakshiq, ashtu si dhe të gjithë të të ashtuquajturit përfaqësues të serbëve të asaj pjese, kauzën serbe e shfrytëzoi për të ndërtuar rrethin edhe ndikimin e tij të në krimin e organizar dhe kontrabandën me naftë. Dr. Marko Jakshiq ishte një prej bossëve të kësaj kontrabande dhe atij nuk i konvenonte, pikërisht për këto arsye, integrimi legal në institucionet e Kosovës. Ai kultivoi një gjuhë t ëashpër kundër Rada Trajkoviqit dhe serbëve të Kosovës Qendrore, të cilët pranuan të hynin në zgjedhjet e vitit 2001 në Kosovës dhe ftoi qeverinë serbe që t’i mbështesë pa rezervë serbët e veriut në përpjekjet e tyre, që t’i përkrahin strukturat paralele dhe të të ashtuquajturit Roja të Urës.
Prapa gjithë kësaj, thuhet në dokument, ishte ideja e zhvatjes dhe pasurimit personal të kirurgut të ortopedisë, Marko Jakshiq, në oazën e krimit dhe të kontrabandës në atë pjesë, ashtu si dhe e kapove të tjerë të bandave serbe në veri.

19 të arrestuar, shumica serbë
14.08.2011/14:44 - E Diel
Dita e diel nuk është ditë pushimi për Policinë e Kosovës. Njësite të shumta policore kanë ndërmarrë një aksion i koduar OKI, që ka rezultuar i suksesshëm duke prangosur rreth 19 persona të dyshuar për trafikim me njerëz dhe prostitucion. Operacioni është zhvilluar në dy lokalitete të ndara, në afërsi të Gjilanit.
Prej 19 të arrestuarve, 6 janë shtetas të Kosovës. 13 janë femra, të gjitha të të nacionalitetit serb. Detajet e këtij aksioni dhe arrestimet janë bërë në një konferencë të jashtëzakonshme të Policisë së Kosovës në Prishtinë. /indeksonline/

Debate për të ardhmen e veriut të Kosovës
ereniku.net - E shtunë, 13 Gusht 2011
Zhvillimet e ditëve të fundit në veriun e Kosovës kanë nxitur shumë debate për të ardhmen e asaj, si pjesë të banuar me shumicë serbe ku nuk njihen dhe nuk pranohen institucionet e Prishtinës. Autoritetet vendase e ndërkombëtare në Kosovë e kanë hedhur poshtë çdo mundësi të ndarjes tokësore të Kosovës, një qëndrim që u ritheksua gjatë javës që po lëmë pas edhe nga shefi i diplomacisë gjermane, Guido Westerwele. Por, analistët thonë se kërkimi i rrugëdaljes për gjendjen në veri mund të çojë në zgjidhje që do të mund të dëmtonin funksionalitetin e shtetit të Kosovës. Analisti Nexhmedin Spahiu, në një bisedë për Zërin e Amerikës thotë se ndarja është përjashtuar, por Kosova ndodhet përballet sfidave të tjera.
Më 25 korrik qeveria e Kosovës filloi një operacion për vënien nën kontroll të dy vend kalimeve kufitare në veriun e banuar me shumicë serbe në funksion të zbatimit të vendimit për ndalimin e importeve nga Serbia, i cili nuk po zbatohej në atë pjesë të Kosovës. Operacioni nxiti reagime të ashpra të banorëve serb të cilët ngritën barrikada në rrugët kryesore. Një pjesëtar i policisë u vra gjatë një sulmi mbi policinë në afërsi të Zubin Potokut një komunë me shumicë serbe ne veri. Qetësia u rivendos në veri me një marrëveshje mirëkuptimi të arritur nga KFOR-i me përfaqësuesit e qeverisë së Kosovës dhe ata të Serbisë. Sipas kësaj marrëveshjeje që nuk është nënshkruar nga askush, vendkalimet kufitare me Serbinë në veriun e Kosovës do të mbeten nën kontrollin e KFPOR-it deri në shtator, kur pritet rifillimi i bisedimeve ndërmjet Kosovës dhe Serbisë të ndërmjetësuara nga Bashkimi Evropian. Zoti Spahiu thotë se këto zhvillime e kanë vënë çështjen e veriut në agjendën e bisedimeve ndërmjet Kosovës dhe Serbisë të ndërmjetësuara nga Bashkimi Evropian.
“Po, sigurisht që e ka futur në agjendë, ndoshta kjo është e vetmja gjë pozitive që mund të thuhet për të. Besoj që me këtë hap, me një aksion të tillë të dështuar, tërësisht të dështuar, qeveria e Kosovës ka rënë në një pozitë më të ulët se sa që ishte më përpara në tryezën e bisedimeve, duke marrë parasysh hapin të cilin e bëri me një marrëveshje me KFOR-in, e cila për mendimin tim ishte tërësisht e panevojshme, ka bërë që ta zbres pazarin e Kosovës, përkatësisht veriun e Kosovës, në bisedimet e ardhshme trepalëshe me Beogradin dhe me Brukselin”, tha zot i Spahiu.
Bisedimet pritet të rifillojnë më pesë shtator në Bruksel, por edhe më tej nuk ka asnjë njoftim se cilat mund të jenë temat e këtyre bisedimeve që ngecën në kohën kur Beogradi refuzoi të njohë vulat doganore të Kosovës, ndërsa pritet të rifillojnë pas një periudhe tensionesh të larta në veriun e Kosovës.

Aksioni në veri ishte ‘në teh të shpatës’
ereniku.net - 13 gusht 2011
Eksperti i sigurisë Naim Maloku, në një intervistë për Kosovapress përmend tri momente të rëndësishme të ndërhyrjes së institucioneve të Republikës së Kosovës në veri, përkatësisht në pikën 1 dhe 31. Një prej tyre është momenti i ndërhyrjes, të cilin e vlerëson si moment të duhur, tjetri është befasia e ndërhyrjes dhe përgatitja në mënyrë sekrete dhe momenti i tretë shpejtësia e operacionit. Duke e quajtur operacion ‘në teh të shpatës’, Maloku thotë se po të ndodhte që njëra prej këtyre tri momenteve të mos ishte si duhet, operacioni do të mund të dështonte. /burimi:Kosovapress/

- NATO: Memaroviq, alias ECHO, krimineli nga Dolçe Vita
ereniku.net - e shtunë, 13 Gusht 2011
Mitrovicë – Krimineli i kafeterisë “Dolçe Vita” Spasoje Memaroviq – ECHO i ka komanduar “Rojat e Urës”, famëkëqinjtë me “Motorola”. Ka hartuar planet për destabilizim dhe ka udhëhequr shumë incidente në veri. Synonte spastrimin e Mitrovicës nga shqiptarët. Mban lidhje të mira me Milan Ivanoviqin, Marko Jakshiqin etj.
Portali LajmeShqip.com sjell pjesën e tjetër të dokumentit voluminoz konfidencial të NATO-së. Spasoje Memaroviq (1950), i lindur në Pejë, me profesion aktual është tregtar, ndërsa njihet si ushtarak i vjetër i Armatës Jugosllave. Në dokument përshkruhet si karakter i dhunshëm (violent) dhe një prej pjesëtarëve të bandave problematike të Mitrovicës Veriore, me “bazë” në kafeterinë famëkeqe “Dolçe Vita”, aty ku u hartuan dhe nisën të gjitha trazirat në Mitrovicën Veriore, prej qershorit të vitit 1999.
Spasoje Memaroviq, me pseudonimin ECHO, ishte gjithashtu një prej fyrmëzuesve dhe udhëheqësve të famëkëqinjve “Rojat e Urës” së Ibrit, të njohur, për NATO-në, si problematikët me “Motorola”.
Ai ishte pjesë e armatës së rregullt jugosllave në luftën e Kosovës, dhe nuk u kursye nga krimet mbi shqiptarët. Këtë e ka thënë me krenari edhe në qershor të vitit 1999, shkruan në dokument. Sipas dokumentit konfidencial, ai ka patur lidhje dhe bashkëpunim të ngushtë me politikanë dhe liderë serbë në veri të Kosovës. Prapa tij, në vazhdimësi kanë qëndruar Milan Ivanoviq, Marko Jakshiq e të tjerë./burimi:lajmeshqip/

- Mitrovicë – Të premten në shtëpinë e familjes së të zhdukurit Imer Fejzullahu, në Mitrovicë, kanë qëndruar Kryetari i Komunës, Avni Kastrati, i shoqëruar nga nënkryetari Rizah Haziri dhe drejtori i Drejtorisë për Mbrojtje dhe Shpëtim të Kuvendit të Komunës, Behxhet Bala.
Imer Fejzullahu, i zhdukur dhjetë ditë më parë ka qenë pjesëtar i UÇK-së, i punësuar në Kompaninë “Ujësjellësi Rajonal”, ndërsa Portali LajmeShqip.com, e kishte dhënë se pari lajmin për zhdukjen e tij.
Kryetari Kastrati ju ka thënë familjarëve të Imerit se ka ardhur për të ndarë bashkë me ta brengat dhe shqetësimet në këto ditë të vështira për shkak të zhdukjes së mistershme të familjarit të tyre. Ai ka thënë se ndonëse gjatë këtyre nëntë ditëve ende nuk ka asnjë gjurmë dhe informatë për fatin dhe vendndodhjen e tij, shpreson se Imeri do të gjendet shëndoshë e mirë. Po ashtu, ai ju ka premtuar familjarëve se do jetë në kontakt të vazhdueshëm me përfaqësuesit e organeve të rendit për t’u informuar se si po shkojnë hetimet dhe se do t’i inkurajojë ata dhe pjesëtarët e FSK-së që të vazhdojnë me kërkimin e Imerit.
Raportohet se kryetari Kastrati, ka shprehur gatishmërinë e tij dhe të komunës që të ndihmojë familjen Fejzullahu për të gjitha kërkesat eventuale që ajo ka. Kështu, Drejtoria për Mbrojtje dhe Shpëtim e Kuvendit të Komunës, ka ndarë 500 euro si ndihmë për të zbutur problemet që familja ka në këto ditë të vështira. Familjarët e Imerit, thanë se ata nuk kanë qenë në konflikt dhe nuk kanë pasur asnjë problem me askënd, se nuk i kanë kurrfarë borxhi kurrkujt dhe se djali i tyre Imeri nuk ka treguar kurrfarë shenjash shqetësimi, prandaj edhe nuk kanë asnjë përfytyrim se çka ka mundur të ndodh me të.

- Zëvendëskryeministri i Kosovës, Hajredin Kuçi tha se pritet përkrahje edhe nga Këshilli i Sigurimit të OKB-së për veprimet e qeverisë për shtrirje të rendit e ligjit në gjithë territorin e Kosovës. Mbledhja e Këshillit të Sigurimit për Kosovën është caktuar për 24 gusht, por mediat serbe paralajmëruan mundësinë e shtyrjes së saj për shkak të vizitës në Beograd të kancelares gjermane, Angela Merkel.

- Markel në Serbi, do t”i shpreh qëndrimet për Kosovën. Kancelarja gjermane, Angela Merkel, do të vizitojë Serbinë. Pritjet janë që edhe Merkel, ashtu siç bëri kryediplomati i Qeverisë së saj në Prishtinë të përsërisë qëndrimin se integriteti territorial i Kosovës mbetet çështje e padiskutueshme për Gjermaninë.

- 7 milionë euro për mbikëqyrje të autostradës. Qeveria e Kosovës nënshkruan sot kontratën me kompaninë “Hill Internacional”, nga Luksemburgu për mbikëqyrjen e punimeve në autostradën Vërmicë-Mërdar.

- Tregjet e aksioneve kanë vazhduar rritjen, me forcimin e besimit tek eurozona dhe një shtim të shitjeve me pakicë në Shtetet e Bashkuara.

- Serbi që varroste njerëz të gjallë. Opinioni publik në Hungari u shokua-horror si ne filma. Një serb që banonte në Budapest së bashku me dy bashkëpunëtorë të tij, varrosnin njerëz të gjallë pasi u merrnin atyre kartat e kreditit dhe objekte të tjera me vlerë. Historia u zbulua nga një rumun i cili arriti të dilte nga varri dhe të denonconte në polici aktin e tmerrshëm. Autoritetet hungareze gjatë hetimit të tyre zbuluan eshtrat e disa kufomave të varrosura kohë më parë identiteti dhe kombësia e të cilave ende nuk dihet.

- Aleanca Kuq e Zi mbërrin në Bulqizë, në mbështetje të grevës së minatorëve që sot ka hyrë në ditën e 20-të.

- Presidenti i Republikës Bamir Topi i dërgoi një mesazh ngushëllimi familjarëve të deputetit Gezim Dibra, i cili ndërroi jetë një ditë më parë për shkak të një sëmundjeje të rëndë.

- Një aksident i rëndë rrugor i ndodhur në fshatin Mollas të rrethit të Fierit i mori jetën katër anëtarëve të një familje, bashkëshortëve, Pëllumb Ismaili, 55 vjeç e Anife Ismaili, 52 vjeç dhe dy djemtë e tyre, Ajet dhe Ismail Ismaili. E plagosur ka mbetur Suela Ismaili, bashkëshortja e njërit prej dy djemve të familjes Ismaili. Mësohet se familja Ismaili është nga fshati Gorishovë, po i rrethit të Fierit.

- Kosovarët mbushin Shëngjinin “Frekuenrimi i plazhit ka qenë masiv, sidomos me pushues nga Kosova, ndërsa 10% e pushuesve janë nga Shqipëria. Fare pak pushues janë ditorë”, thotë një hotelier.

- Ka shkuar në pesë numri i viktimave nga trazirat në Angli.

- Dënimin kapital me vdekje. Ky është vendimi që ka marrë një gjykatë në Shtetet e Bashkuara kundër Antoni Souell, të njohur ndryshe si “monstra i Klivelendit”.
Ai u shpall fajtor për vrasjen e të paktën 11 personave. Viktimat e tij ishin të seksit femër nga 25 deri në 52 vjec.
Autoritetet gjetën në shtëpinë dhe oborrin e shtëpisë së tij, eshtrat e 11 trupave të pajetë. Sipas policisë amerikane, Souell pasi tërhiqte viktimat në shtëpinë e tij, i përdhunonte e më pas i mbyste.

- Në një mbledhje të jashtëzakonshme të mbajtur në orët e vona të ditës së premte, qeveria italiane e kryeministrit Berluskoni miratoi një paketë tjetër masash shtrënguese me synim balancimin e buxhetit brenda vitit 2013.


Lajmet
- E enjte, 11 gusht, 2011

...trup e trup:
- Ekskluzive: NATO, Konfidenciale: Milan Ivanoviq, krimineli që kontrollon veriun
- Serbët ankohen te kreu i OKB-së
- Fitu: KFOR-i duhet të qëndrojë në veri
- Jeta e shqiptarëve te barrikada e Rudares
- Tensionet për kufijtë në veri, Westerwelle sot në Prishtinë - Westerwelle: Kosovës i duhet koordinimi me BE-në
- 18 ditë grevë urie, RISHM: Minatorëve u rrezikohet jeta, policia t’i evakuojë
- Greva, më në fund reagojnë partite politike

...me hapur:
Serbët ankohen te kreu i OKB-së
ereniku.net-16:18:58 / 11.08.2011
Kryetarët paralel të katër komunave veriore kërkuan nga Sekretari i Përgjithshëm i OKB-s,ë Ban Ki Mun që të parandalojë, atë që e kanë cilësuar, përdorimin ilegal të forcës dhe aksionet ushtarake ndaj civilëve në veri të Kosovës.
Në letrën dërguar kreut të OKB-së, ata shprehën shqetësimin për vazhdimin e aksioneve të policisë, KFOR-it dhe EULEKS-it. Letra u është dërguar edhe krerëve të institucioneve dhe organizatave tjera ndërkombëtare. /burimi: rtk/

Fitu: KFOR-i duhet të qëndrojë në veri
ereniku.net-16:18:58 / 11.08.2011
Gjendja në veri të Kosovës është shumë e ndjeshme, prandaj KFOR-i duhet të qëndrojë atje deri në zgjidhjen e situatës,tha ambasadori i Francës në Kosovë, Fransua Fitu, në një debat të organizuar nga Lëvizja Fol.
“Gjëja më e mirë për të bërë sipas pikëpamjes sime është, së pari të ftojmë të gjithë që të mos bëjnë asgjë që do të mund të përkeqësonte situatën. Është ndërmarrë një hap, qeveria e Kosovës është qeveri e një vendi sovran dhe ka vendosur çfarë ka vendosur”, tha Fitu. Sipas ambasadorit francez ndarja e veriut të Kosovës as që diskutohet. Por ai theksoi se zgjidhja e problemit në veri mund të bëhet përmes zbatimit të Pakos së Ahtisarit, e cila sipas tij i jep mundësi të mëdha decentralizimit dhe përmes së cilës mund të gjendet një zgjidhje për veriun e Kosovës. Kurse sa i përket pranisë dhe rolit të institucioneve ndërkombëtare në veri, Fitu theksoi që aktualisht është mirë që KFOR-i të krijojë një lloj sigurie për qytetarët që janë atje, kurse EULEX-i të përgatitet pak më shumë për përfshirje të sundimit të ligjit në veri.

Jeta e shqiptarëve te barrikada e Rudares
E Enjte, 11 Gusht 2011 17:15
Mitrovicë – Kryetari i Komunës së Mitrovicës, Avni Kastrati, ka vizituar familjen e Tahir Kelmendit në fshatin Kelmend të Komunës së Zveçanit, i cili jeton pranë vendit ku është vendosur barrikada në fshatin Rudare, në veri të Kosovës.
Kryetari Kastrati ka shprehur respektin për kryefamiljarin Kelmendi dhe të gjithë anëtarët e familjes së tij, të cilët përkundër shqetësimeve për shkak të bllokimit të rrugës afër tyre, nuk janë zhvendosur prej atje. Ai siguroi se pushteti lokal në bashkëpunim me atë qendror, do të ofrojnë gjithë mbështetjen për të dhe gjithë qytetarët që jetojnë në veri.
Në këtë kontekst, kryetari Kastrati, falënderoi të gjithë qytetarët e veriut, të cilët ashtu si gjithë vitet e pasluftës edhe këto dy javët e fundit, kanë treguar një nivel të lartë të përgjegjësisë. “Pjekuria e treguar e qytetarëve të veriut, të cilët vazhdimisht kanë qenë të provokuar nga strukturat paralele serbe, kanë bërë që të dalë në shesh e vërteta për politikën kriminale të Beogradit në këtë pjesë të Kosovës”, tha ai.
Ai theksoj se bllokadat e rrugëve, të cilat kanë nisur të eliminohen tashmë, kanë krijuar probleme për të gjithë qytetarët që jetojnë në veri. Shqiptarët që jetojnë në tre fshatrat shqiptare të Komunës së Leposaviqit që dy javë, kanë mbetur të izoluar për shkak të këtyre bllokadave. Si përgjigje ndaj kësaj situate, ai tha se komuna ka ndihmuar dy herë me artikuj ushqimore dhe mjete higjenike këta banorë.
Ndërsa Tahir Kelmendi, falënderoi kryetarin Kastrati për vizitën dhe tha se, ai nuk ka kurrëfarë nevoje për kurrëfarë ndihme, përveç rregullimit të një distance të shkurtër të rrugës që e lidh me fshatin shqiptar Boletin, të cilin e shfrytëzon për qarkullim në kohën kur bllokohet rruga në Rudare.
Ai tha se kur nuk ka probleme, vazhdimisht e shfrytëzon për qarkullim rrugën që kalon nëpër Rudare. “Në anën e poshtme të vendit ku gjendet shtëpia ime janë 16 shtëpi të serbëve. “Zakonisht qarkullojmë në rrugën mes tyre, por përveç ndonjë provokimi nuk kemi pasur ndonjë telash të madh”, tha ai.
Kelmendi tha se nuk ka fqinj shqiptarë afër, por nuk ka menduar kurrë që të largohet nga shtëpia e tij. “Këtu e kam pasur shtëpinë para luftës. Në luftë ma kanë djegur, por e kam rindërtuar dhe nuk kam ndërmend të lëvizë. Është vendi dhe shtëpia ime kjo”, theksoi ai.

Westerwelle: Kosovës i duhet koordinimi me BE-në
Ministri i jashtëm gjerman, Guido Westerwelle, tha se Gjermania mbështet integritetin territorial dhe sovranitetin e Kosovës dhe vlerësoi se është i rëndësishëm bashkëpunimi dhe koordinimi i Kosovës me vendet anëtare të BE-së dhe në veçanti me Gjermaninë.
14:34:12 / 11.08.2011
Ai bëri këto komente gjatë një takimi me presidenten e vendit Atifete Jahjaga.
Ministri i Jashtëm i Gjermanisë Westerwelle e përgëzoi presidenten për marrjen e detyrës në krye të shtetit dhe tha se Gjermania është e përkushtuar për ta mbështetur Kosovën në të gjitha proceset demokratike. Ai tha se është me rëndësi progresi i Kosovës në të gjitha fushat dhe në veçanti në fushën e zhvillimit ekonomik.
Ai tha se duhet të koordinohen të gjithë hapat dhe theksoi rëndësinë e informimit, posaçërisht të vendit të tij, për veprimet që ndërmerren në Kosovë.
Presidentja e Republikës së Kosovës, Atifete Jahjaga, e falënderoi ministrin gjerman për mbështetjen që i ka dhënë dhe vazhdon t’i japë vendi i tij Kosovës në të gjitha fushat. Ajo tha se është me rëndësi thellimi i bashkëpunimit ndërmjet dy vendeve në fushën politike dhe ekonomike dhe vlerësoi se Gjermania mund të ndihmojë në konsolidimin e brendshëm dhe të jashtëm të shtetit dhe shtetësisë së Kosovës.
Presidentja tha se Kosova duhet të kemi një rrugë të pakthyeshme të integrimit evropian dhe duhet të ketë marrëdhënie kontraktuale me BE-në, që do të thellonte reformat e brendshme dhe luftën kundër korrupsionit dhe krimit të organizuar.
Ajo tha se nuk ka zgjidhje tjetër përveç sundimit të ligjit dhe zbatimit të plotë të kushtetutshmërisë dhe ligjshmërisë në tërë territorin e Republikës së Kosovës dhe tha se nuk do të mbështetet ndarja e Kosovës ose riaranzhimet e brendshme të vendit tonë.
Presidentja e Republikës së Kosovës tha se vendimi i qeverisë së Republikës së Kosovës për masat e reciprocitetit me Republikën e Serbisë, dhe angazhimi i forcave policore për të mbikëqyrur zbatimin e këtij vendimi duke kontrolluar pikat doganore kufitare 1 dhe 31 dhe në gjithë kufirin ndërmjet Kosovës dhe Serbisë, me qëllim të parandalimit të kalimit ilegal dhe kontrabandës, dëshmon përkushtimin e shtetit të Kosovës për të ruajtur tërësinë territoriale dhe sovranitetin e saj.
Ajo tha se dialogu ndërmjet Kosovës dhe Serbisë ka për qëllim që të gjejë zgjidhje praktike me të cilat jeta e qytetarëve në rajon mund të përmirësohet dhe theksoi se Kosova dhe Serbia duhet të vendosin një marrëdhënie normale, sikurse e kanë të gjitha vendet e tjera në rajon, sepse vetëm në këtë mënyrë mund të ruhet paqja dhe stabiliteti në Ballkan. /burimi: rtk/

Westerwelle takoi De Marnhac e Sinno
E Enjte, 11 Gusht 2011 17:02
Prishtinë – Shefi i EULEX-it, Xavier de Marnhac, Përfaqësuesi Special i BE-së, Fernando Gentilini dhe ushtruesi i detyrës së shefit të Zyrës Ndërlidhëse të Komisionit Europian, Khaldoun Sinno, u takuan sot me Ministrin e Punëve të Jashtme të Gjermanisë, Guido Westerwelle, për të diskutuar për aktivitetet e BE-së në Kosovë.
“I jam mirënjohës ministrit Westerwelle për përkrahjen e tij personale për EULEX-in dhe për punën e këtij misioni për forcimin e sundimit të ligjit në gjithë Kosovën”, tha Shefi i EULEX-it de Marnhac, bëhet e ditur nga zyra e tij.
“Ne diskutuam punën e EULEX-it pas zhvillimeve të fundit në pjesën veriore të Kosovës. Unë e informova ministrin për punën tonë të përditshme me institucionet e Kosovës për një sistem të drejtësisë në Kosovë që ndanë drejtësi për të gjithë qytetarët në Kosovë”, shtoi ai. Ministri, Guido Westerwelle, shprehu mirënjohjen dhe përkrahjen e tij për EULEX-in.

Ekskluzive: NATO, Konfidenciale: Milan Ivanoviq, krimineli që kontrollon veriun
E Enjte, 11 Gusht 2011 10:00
Mitrovicë (LajmeShqip.com) – Në një dokument konfidencial të forcave të NATO-s, për biografinë dhe veprimtarinë e mbi 400 personave në Kosovën veriore, kryesisht serbë, të cilën e posedon portali LajmeShqip.com, flitet edhe për biografinë prej kapo-bande, të të ashtuquajturit lider i serbëve të veriut, Milan Ivanoviq.
Ai (Ivanoviq) është karakter ksenofobik, që kontrollon të gjitha karburantet në veri, kontrabandën me ilaçe dhe materiale ndërtimore, shkruan në dokumentin konfidencial të NATO-s. Dosja e hartuar menjëherë pas përfundimit të luftës në Kosovë, e përshkruan Milan Ivanoviqin si një kriminel të vërtetë, i cili e ka nën kontroll tërë veriun e Kosovës. “Ai i vjelë tarifat prej njëmijë markash gjermane (atëherë ishte kjo monedhë në qarkullim) për një kamion që të kalojë nëpër veriun e Kosovës”, shkruan aty.
Ivanoviqi, në materialin konfidencial të NATO-s, përkah posti publik quhet “kryetar i Komitetit ë Mbrojtjes së Kosovës Veriore dhe Kryetar i Këshillit Nacional Serb”.
Dokumenti përshkruan edhe ngritjen politike të Milan Ivanoviqit, si një person që popullaritetin e tij në Kosovën veriore, te serbët, mundohej ta rrisë përmes intrigave ndaj Oliver Ivanoviqit, duke shprehur mospajtime të plota me veprimet dhe vendimet e atëherëshme të të ashtuquajturit Komiteti i Mbrojtjes së Kosovës veriore.
Dokumenti flet për strategjinë e ngritjes së Milanit përballë Oliver Ivanvoviqit edhe brenda vetë Këshillit Nacional Serb.
/burimi:Lajme Shqip/

Tensionet për kufijtë në veri, Westerwelle sot në Prishtinë
11 gusht, 2011
Prishtinë, 11 gusht 2011, – Pas vizitës në Malin e Zi e Kroaci, shefi i diplomacisë gjermane Gudio Westerwelle udhëton sot drejt Prishtinës ku do të takohet me autoritetet më të larta të Kosovës e me komandantin e KFOR-it, gjeneralin Erhard Buhler.
Kryediplomati gjerman është i pari zyrtar i lartë i një vendi të Bashkimit Europian që viziton Kosovën pas tensionimit të situatës në veri të vendit, që zu fill nga aksioni i Policisë Speciale të Kosovës për marrjen nën kontroll të dy vendkalimeve kufitare në veri, posaçërisht Jarinës dhe Bërnjakës.
Axhenda e ministrit të Jashtëm gjerman përcakton fillimisht një takim me Presidenten e Kosovës Atifete Jahjaga e më pas një takim me Kryeministrin Hashim Thaçi.
Pas takimit me kryeministrin dy autoritetet e larta do të mbajnë një konferencë për shtyp. Kryediplomati Westerwelle do të takohet më pas me komandantin e KFOR-it, gjeneralin gjerman Erhard Buhler, përfaqësuesin e BE-së në Kosovë Fernando Gjentilinin, shefin e EULEX-it Ksavier But de Marnak.
Gjatë vizitës në Malin e Zi që ishte vizita e parë e turit ballkanik, ministri gjerman Guido Westerwelle tha se Gjermania nuk do të negociojë për ndryshime kufijsh në Ballkan. Ai vërejti se zgjidhja e situatës dhe e konflikteve në veri të Kosovës arrihet vetëm me dialog, duke nënvizuar se “rruga drejt Bashkimit Europian vjen vetëm përmes demokracisë, reformave dhe zgjidhjes paqësore të të gjitha konflikteve”.
Ndërsa Westerwelle viziton sot Kosovën, javën e ardhshme kancelaria gjermane Angela Merkel shkon në Beograd, ku sipas të gjitha gjasave pritet t’i bëjë presion Serbisë për qetësimin e situatës në veri, si kusht për integrimin e saj në BE.

18 ditë grevë urie, RISHM: Minatorëve u rrezikohet jeta, policia t’i evakuojë
11 gusht, 2011
Greva e urisë e 13 minatorëve, në galeritë e nëntokës hyn sot në ditën e 18-të. Gjëndja shëndetësore e grevistëve sa vjen e rëndohet ndërsa s’ka ende asnjë zgjidhje. Për disa minatorë gjëndja shëndetësore është kritike për jetën informoi sot korrespondenti i NEWS24.Reparti i Shpetim Minierave i kërkon policisë evakuimin urgjent të grevistëve. U rrezikohet jeta, po shkatërrohet miniera.Ende asnjë takim mes përfaqësuesve të ACR dhe minatorëve. Kompania ACR kërkon që bisedimet të zhvilloheshin në Peshkopi. Minatorët thonë se janë gati për bisedime vetëm në Bulqizë. Policia nuk lejon bllokimin e aksit nacional, protesta zhvillohet në hyrje të qytetit./burimi: mediat Tirane/

Greva, më në fund reagojnë socialistët: METE të ndalë talljen
ereniku.net - 11 gusht, 2011
18 ditë pas fillimit të grevës së urisë ka reaguar Partia Socialiste. Në deklaratën zyrtare, bërë nga deputeti Arben Ahmetaj theksohet shqetësimi për situatën e rënduar të grevës së urisë së minatorëve.
“Përgjegjësit e vetëm për jetën e minatorëve janë qeveria, Ministria e Ekonomisë dhe Ministria e Punës. Shteti i munguar, indiferenca totale me ditë të tëra ndaj problemit dhe kërkesave të minatorëve, e ka sjellë situatën deri në rrezik jete njerëzish.
Partia Socialiste mbështet kërkesat legjitime, ekonomike të minatorëve të minierës së Bulqizës dhe i kërkojmë Ministrisë së Ekonomisë dhe Ministrisë së Punës të ndërhyjnë urgjent për zgjidhjen e situatës së rënduar”, ka deklaruar deputeti Ahmetaj.
Ahmetaj tha se bërja e investimeve do t’i sillte dyfishim prodhimi, përmirësim të kushteve të punës dhe rritjen e vlerës së kësaj pasurie kombëtare.
“Ndërkohë kompania ka përgjegjësi direkte në zbatimin e kushteve koncesionare. Në atë minierë punohet akoma me karroca dore si në vitet 1945. Kjo situatë është e papranueshme. Shfrytëzimi barbar i minierës dhe i minatorëve, mosbërja e investimeve, refuzimi dhe indiferenca e qeverisë ndaj minatorëve, është shprehje e drejtpërdrejtë se sa në vëmendje e ka qytetarin e saj kjo qeveri”, tha Ahmetaj duke siguruar se Partia Socialiste do të vazhdojë të mbështesë minatorët në kërkesat e tyre legjitime dhe do të vazhdojmë gjithashtu të ndjekim me shqetësim dhe vëmendje situatën tejet të tensionuar në Bulqizë./burimi: NOA/shqiplajme/


Lajmet
- E mërkurë, 10 gusht, 2011

...trup e trup:
- NGA VERIU I KOSOVES INFORMACIONE-HAP PAS HAPI E ORE PAS ORE
- Mitrovicë: Tash nëntë ditë, një shqiptar i zhdukur
- Ischinger: Jo, ndarjes së Kosovës
- Thaçi: Kosova dhe Serbia, në BE me kufij të zgjidhur
- Deputetët e Kosovës në punë më 23 gusht
- Minatorët bllokojne për rreth dy orë aksin rrugorë nacional Bulqizë-Tiranë.
- Policia, procedim penal për minatorët protestues ne Bulqizë
- Perdju: Marrëveshja e Ohrit u “kopjua” nga Ahtisari
- Qytete të vogla dhe të mëdha në mbarë Anglinë janë goditur nga një valë e madhe plackitjesh
- Britani-Cameron: Mbështetje policisë për të rikthyer rendin

Mitrovicë: Tash nëntë ditë, një shqiptar i zhdukur
E Mërkurë, 10 Gusht 2011 10:57
Mitrovicë – Bashkëpunëtorët e Portalit LajmeShqip.com, kanë konfirmuar se prej nëntë ditësh është zhdukur një punëtor i Ujësjellësit Rajonal në Mitrovicë.
Emri i punëtorit të zhdukur është Imer Fejzullahu, rreth 40 vjeçar, zhdukjen e të cilit e ka konfirmuar edhe policia edhe menaxhmenti i Ujësjellësit Rajonal të Mitrovicës.
Bëhet e ditur se Fejzullahu është zhdukur në vendit e quajtur Te Tuneli, në kohën e tensioneve dhe kriminalitetit të shfrenuar të strukturave mafioze serbe në ato ditë, në veri të Mitrovicës, të cilat u ndihmuan dhe mbështetën vazhdimisht nga pjesëtarë të sigurimit shtetëror serb. Për fatin e shqiptarit të zhdukur, nuk dihet ende asgjë.

Ischinger: Jo, ndarjes së Kosovës
E Mërkurë, 10 Gusht 2011 15:12
Bon - Diplomati gjerman, Wolfgang Ischinger, vlerësoi se propozimet për ndarjen e Kosovës janë absolutisht të papranueshme.
Ai tha se është me rëndësi që të gjithë pjesëmarrësit, në veçanti përgjegjësit në Beograd, të kuptojnë se pa zgjidhjen e çështjes së veriut, pa marrë parasysh se si do të zgjidhet, dyert e Serbisë drejt Evropës nuk mund të hapen më shumë dhe nuk do të hapen.
“Shpresoj se Beogradi e ka kuptuar këtë në të gjitha nivelet dhe se edhe serbët e Kosovës e kanë të qartë një gjë të tillë”, tha ai.
Ish-përfaqësuesi i BE-së që ndërmjetësoi bisedimet shtesë mes Kosovës dhe Serbisë, duke folur rreth situatës së krijuar në veri, tha se do të ishte shumë mirë sikur ky konflikt për çështje kufiri dhe tregtie mes Kosovës dhe Serbisë të mos kishte ndodhur fare. Mirëpo, sipas tij kjo ka të bëjë me çështje të cilat është dashur të zgjidhen kaherë

INFORMACIONE-HAP PAS HAPI E ORE PAS ORE:

Mitrovicë, 16:01 – Buhler, në Mitrovicë, ka deklaruar: “Kam ardhur të bisedoj me përfaqësues të UNMIK-ut për gjendjen në Veri dhe Jug, dhe nuk ka asgjë të jashtëzakonshme”.
Në pyetjen rreth marrëveshjes, ai është përgjigjur: “Siç jeni duke e parë, ka nisur të stabilizohet situata dhe edhe disa pika të tjera janë duke u realizuar. Pres që të realizohet çdo pikë e marrëveshjes plotësisht në ditët e ardhshme”
Ndërkohë, portali ka kuptuar se Gjenerali Buhler është takuar me përfaqësuesin e UNMIK-ut për rajonin e Mitrovicës, Anil Vashist.

Mitrovicë, 15:27 – Burime të portalit LajmeShqip.com, bëjnë të ditur se në këto moemnte gjenerali Erhard Buhler është duke biseduar me të ashtuquajturin “Shtabi Rajonal i Krizës” në Mitrovicë dhe me përfaqësuesit e UNMIK-ut në këtë qytet.

Prishtinë, 14:25 – Takimi i Qeverisë. Qeveria e Kosovës, në takimin e saj të sotëm, i rregulloi me ligj pensionet për policët e vrarë në detyrë. Lartësia e pensionit është sa 80% e pagës bazë të policisë.

Mitrovicë, 14:10 – Andy Sparks, Zv/shef EULEX-it, e ka vizituar të mërkurën Mitrovicën dhe ka biseduar me kryetarin Avni Kastrati për gjendjen në këtë qytet verior të Kosovës.
Ndërkohë, merret vesh se janë duke u bërë hetime intensive për ngjarjet e fundit në veri nga EULEX-i dhe Prokuroria e Kosovës.
Në interesimin e portalit, a po hetohen Pantiq dhe apo figurat tjera serbe të veriut, përgjigja e Zv/shefit Sparks ishte se hetimet janë gjithëpërfshirëse dhe intensive.
Merret vesh janë duke u hetuar i ashtuquajturi kryeshef i qarkut të Mitrovicës Radenko Nedelkoviq, kryetarii i Mitrovicës Krstimir Pantiq, ai i Zveçanit, Dragisha Pantiq, ai i Leposaviqit Branko Niniq dhe ai Zubin Potokut, Sllavisha Ristiq.

Mitrovicë, 13:27 – Serbët e kanë larguar barrikadën në Zupçë, mirëpo kanë vendosur që në Rudarë të mos e largojnë.
I ashtuquajturi “Shtab i Krizës” në veri, ka thënë se “duhet të vendosin vetë komunat nëse duhet forcuar apo duhet larguar barrikada”.

Mitrovicë, 10:02 – Nga terreni është raportuar se një barrikadë në Leposaviq është hequr nga ana e serbëve lokalë.
Ndryshe, takimi i djeshëm i strukturave të serbëve të veriut, për të marrë vendim për marrëveshjen me KFOR-in, ka përfunduar pa rezultate dhe me përçarje midis përfaqësuesve serbë.
Në fund, ata konkluduan që për barrikadat dhe zhbllokimin e rrugëve në veri, do të vendosë secila komunë veç e veç.

Prishtinë, 09:45 – Sot në orën 10:00, mblidhet Kryesia e Kuvendit të Republikës së Kosovës, në një takim të jashtëzakonshëm, ku do ta diskutojë situatën në veri të Kosovës.

Mitrovicë 08:39 – Në një prononcim të tij, Besim Hoti, zëdhënës i Policisë së Kosovës ka thënë se situata në veriun e Kosovës vazhdon të jetë e qetë, por me tension.
Megjithatë, ai ka bërë të ditur se situata e sigurisë në veri të vendit është nën kontroll të forcave të sigurisë.
Sipas tij, nuk është raportuar për ndonjë incident edhe pse rrugët në drejtim të vendkalimeve kufitare, vazhdojnë të jenë të bllokuara.
Hoti ka thënë se KFOR-i është prezent në vendkalimin kufitar në Jarinjë dhe Bërnjak dhe ka shtuar se nuk ka doganierë kosovarë në asnjërin prej vendkalimeve kufitare.

Deputetët e Kosovës në punë më 23 gusht
10/08/2011 14:45
Pavarësisht zhvillimeve të jashtëzakonshme në të cilat ka kaluar Kosova që nga 25 korriku kur Njësitë Speciale u dërguan në veri, Kuvendi i Kosovës është mbledhur vetëm një herë që nga ajo kohë.
Më 28 korrik Kuvendi miratoi një Rezolutë, përmes së cilës i jepej Qeverisë mbështetje e plotë për vënien e rendit dhe ligjit në të gjithë territorin. Menjëherë pas kësaj, më 1 gusht përfaqësuesit e popullit shkuan në pushime, pavarësisht se gjendja në veri vazhdonte të ishte e tensionuar pa ndonjë zgjidhje. Dhe, në këto rrethana deputetët e Kosovës deri më tani nuk e kanë prishur axhendën e zakonshme të pushimeve.
Seance e ardhshme e Kuvendit pritet të mbahet vetëm më 23 të këtij muaji, dhe kështu u vendos gjatë së mërkurës në mbledhjen e Kryesisë të thirrur nga nënkryetari i Kuvendit, Xhavit Haliti, ku mungonte kryekuvendari Jakup Krasniqi dhe nënkryetari tjetër Glauk Konjufca. Po ashtu, askush nga kryetarët e grupeve politike kuvendore nuk ishin prezent në këtë mbledhje, ku u vendos që në seancën e ardhshme të shqyrtohen disa projekt-ligje, ndërsa deri më tani nuk ka ndonjë kërkesë për të diskutuar për situatën në veriun e Kosovës.
Për pushimet e deputetëve në këtë kohë kryeministri Hashim Thaçi pati drejtuar kritika ditë më parë në adresë të Kuvendit të Kosovës. Por, nënkryetari i Kuvendit, Xhavit Haliti, që vjen nga radhët e Partisë Demokratike të Kosovës, e arsyeton këtë me detyrat ligjore që ka Kuvendi. “Nuk dua ta kritikoj askënd që ka shkuar në pushim, por Kuvendi ka miratuar një rezolutë e cila e mbështet fuqishëm Qeverinë e Kosovës dhe Kuvendi nuk është ndonjë repart i cili drejton operacione që janë kompetenca të organeve tjera”, tha nwnkryetari i kuvendit, Xhavit Haliti. Sipas z. Haliti, është thënë publikisht që deputetët janë në pushim emergjent, dhe se kurdo që është nevoja do të mund të mblidheshin, sipas kërkesave të cilat i lejon Kushtetuta dhe rregullorja e Kuvendit. Sidoqoftë, në seancën e ardhshme të Kuvendit pritet të miratohen 13 projekt-ligje, të cilat janë të obligueshme që të miratohen para 1 shtatorit për shkak të Raportit të Progresit që publikohet nga Komisioni Europian. /lajmeshqip/

Policia, procedim penal për minatorët protestues
10/08/2011 15:10
Policia, procedim penal për minatorët protestues Policia ka nisur procedimin penal për 27 minatorë, të cilët janë organizatorë të protestës që coi sot në bllokimin për rreth dy orë të aksit nacional Bulqizë-Tiranë. Sipas policisë, protesta e zhvilluar sot ishte e paligjshme, ndaj përgjegjësit do të marrin ndëshkimin e parashikuar në ligj.
Ndërkohë kompania ACR propozon sërish që palët të ulen në bisedime për të negociuar rreth kërkesave të minatorëve, në një takim në qytetin e Peshkopisë.
Në qëndrimin dhënë për zhvillimet e fundit, ACR bën me dije se është gati të ulet në bisedime me secilin nga minatorët e kompanisë, përvec personave që kanë ushtruar dhunë ndaj administratës së kompanisë.
Minatorët bllokojne rrugën
Në ditën e 17-të të grevës së urise qëndrimi i minatoreve dhe familjareve te tyre eshte radikalizuar me tej. Dhjetra mbeshtetes kane bllokuar per me shume se dy ore rrugen nacionale Tirane-Bulqizë pikerisht ne zonen e Qafe Buallit.
Policia e asistuar edhe nga forcat speciale ka qendruar ne gadishmeri duke nderhyre disa here ne menyre te kujdesshme per te mos acaruar me tej situaten.
Minatorët dhe familjarët e grevistëve bllokuan aksin nacional në shenjë proteste pas dështimit të takimit me ACR-në, ndërsa paralajmërohet bllokim rruge sërish ditën e nesërme.
Ndërkohë në thellësinë 1400 metra nëntokë vijon greva e urisë së minatorëve në ditën e 17-të saj./tch/

Perdju: Marrëveshja e Ohrit u “kopjua” nga Ahtisari
E Mërkurë, 10 Gusht 2011 15:41
Shkup – “Marrëveshja e Ohrit e ka lëvizur Maqedoninë përpara drejt demokracisë së plotë, të drejta të qytetarëve dhe njohje të identitetit kulturor dhe etnik të njerëzve në vend. Unë jam shumë i kënaqur për shkak të zbatimit të marrëveshjes. Është arritur një përparim i madh. Ishte e vështirë të negociohet, por ishte shumë më vështirë të zbatohet dhe kjo është ajo që është e rëndësishme”. Ky ka qenë vlerësimi i Xhems Perdju, ish-zëvendëssekretar i përgjithshëm për operacione të NATO-s, në një intervistë për Deutche Ëele. Ai në vitin 2001 ishte “lehtësues” në negociatat midis palës maqedonase dhe asaj shqiptare, mori pjesë në krijimin e Marrëveshjes së Ohrit, me rastin e dhjetë vjetorit të nënshkrimit të marrëveshjes.ipas tij, shqetësuese është ajo se Maqedonia ende nuk është anëtare e NATO-s dhe e Bashkimit Evropian, por shpreson se do të tejkalohet kontesti me Greqinë dhe se vendi do të përfshihet në rajonin e mbetur në anëtarësimin euroatlantik.
Për atë se në çfarë mase është zbatuar deri më tani Marrëveshja e Ohrit dhe vlerësimet e njërit nga nënshkruesit dhe ish-kryeministri Lubço Georgievski, se “marrëveshja është realizuar pothuajse 90 për qind, ndërsa në disa kapituj është edhe i tejkaluar”, ish-lehtësuesi thotë se nuk do të flet për përqindje.
“Nuk e di nëse 90 për qind është e saktë, nuk e di nëse disa përqindje janë të sakta. Por, mund të themi se parimet e Marrëveshjes së Ohrit janë miratuar – të drejtat e barabarta dhe njohja e kulturave. A është kjo e përkryer? Jo, jo nuk është e përkryer. Zbatimi i Marrëveshjes së Ohrit ishte një problem i madh, në këtë pikëpamje kjo është diku në mes. Por, megjithatë, Maqedonia fiton vlerësime të mira për shkak të gjallërimit të Marrëveshjes së Ohrit”, thekson Perdju. Ai nënvizon se Marrëveshja e Ohrit paraqet model për tejkalimin e konflikteve etnike edhe në rajone tjera të krizës në botë.
“Në fakt, Marrëveshja e Ohrit veç është shfrytëzuar, jo si dokument detyrues, por si model, të cilin të tjerët e shfrytëzojnë në zona të tjera. Mendoj se Marti Ahtisari e shfrytëzoi Marrëveshjen e Ohrit për parimet e tij për Kosovën. Konsideroj se ai është aplikuar me siguri edhe në rajone tjera. Është bërë me të vërtetë një punë e mirë në njohjen e të drejtave dhe privilegjeve të pakicës”, vlerëson Perdju.
Marrëveshja e Ohrit është e përfunduar, thotë ai, i pyetur për koment për qëndrimet e disa liderëve të partive politike dhe politikanëve relevantë shqiptarë në vend se marrëveshja duhet të zgjerohet me një korpus të ri të kërkesave etnike shqiptare.
“Në të vërtetë, Marrëveshja e Ohrit është përfunduar dhe tani i mbetet qytetarëve të Maqedonisë që të punojnë në çështjet, të cilat janë jashtë saj. Kur them “e përfunduar”, mendoj se nuk do të hapet për debate të sërishme dhe se kjo çështje është në duart e maqedonasve dhe të shqiptarëve etnikë, që të zgjidhet”, ishte decidiv Xhejms Perdju, njëri nga lehtësuesit në arritjen e Marrëveshjes së Ohrit. (LajmeShqip.com)/Lajme Shqip/

Britani:
Cameron: Mbështetje policisë për të rikthyer rendin
10/08/2011 15:20
Qytete të vogla dhe të mëdha në mbarë Anglinë janë goditur nga një valë e madhe plackitjesh dhe konfrontimesh me policinë, ndërkohë që trazirat u shtrinë përtej kryeqytetit, Londër. Pas mbledhjes se tyre radhazi te Komitetitit te Emergjencave Cobra, Kryeministri Dejvid Cameron premtoi se policia britanike do te kete ne dispozicion cfaredolloj mjeti qe i nevojitet per te luftuar anarkine dhe dhunen e shfaqur.
Sipas tij eshte autorizuar perdorimi i plumbave te gomes dhe ka plane per perdorimin e pompave te ujit per te shperndare pjesemarresit ne trazira dhe plackitje. Kryeministri britanik pranoi se eshte e qarte se dicka nuk shkon ne shoqerine britanike.
'Lipsej nje kunderpergjigje e vendosur dhe ate po bejme. Ne nuk do te lejojme qe kultura e frikes te mbizoteroje ne rruget tona”, tha Dejvid Cameron.
Rreth 1000 arrestime jane bere ne tere Angline qe nga dita e shtune dhe disa qindra jane paditur per te dale ne gjyq. Nje gjykate ne Londer ka punuar gjate tere nates per te gjykuar te paditurit nga Prokuroria. Gjate nates qe kaloi Londra ishte relativisht e qete, por ka pasur akte te dhunshme ne shume qytete te medha si Mancester, Liverpul, Birmingam, madje ne Notingam nje stacion policie u qellua e bomba molotov.Policia e Londres ka keshilluar ne mesdite banoret e kryeqytetit qe te kene kujdes, dhe te shmangin udhetimet e panevojshme neper zonat e prekura nga dhuna e diteve te fundit ne kryeqytet.
Britania ka perjetuar keto dite disa nga anet me te erreta te saj, por edhe disa nga me te mira. Ka shkuar ne nje milione numri i njerezve qe kane shprehur solidaritetin e tyre me policine ne Facebook dhe kane filluar operacionet e pastrimit te rrugeve te qyteteve te pllakosura nga dhuna dhe anarkia e kesaj jave. Nje tjeter mbledhje e Komitetit te Emergjences do te mblidhet te enjten, se bashku me seancen e jashtezakonshme te parlamentit britanik pas vandalizmit te kater neteve te fundit neper qytetet angleze. /tch/


Lajmet
- E marte, 09 gusht, 2011

Dje Humbi jetën Milaim Mazreku
Milaim Mazreku, ish luftetar i brigadës 138 Agim Ramadani, humbi jetën dje, në një aksident trafiku në rrethin e Deçanit. Varrimi i tij u bë dje në orën 16.00, në fshatin Voksh të Deçanit.

...gjendja ne veri te Kosoves
ORË PAS ORE..njoftimet me te reja :

Rexhepi emëron zyrtarë në Policinë e Kosovës
Ministri i Punëve të Brendshme (MPB), Bajram Rexhepi bazuar në dispozitat ligjore e kushtetuese e ka emëruar të martën Riza Shilloven, në pozitën e ushtruesit të detyrës së zëvendësdrejtorit të Përgjithshëm të Policisë së Kosovës për Operativë dhe Shefqet Beqajn, si ushtrues detyre i ndihmësdrejtorit të Policisë së Kosovës për Operativë.
ora: 15:50:13 / 09.08.2011
Nëpërmjet një komunikate për media thuhet se ministri, Bajram Rexhepi, i ka bërë këto emërime në mbështetje të nenit 145 (pika 2) të Kushtetutës së Republikës së Kosovës, duke marrë parasysh nenet 4,21, 22 të ligjit nr. 03/L-189 për Administratën Shtetërore të Republikës së Kosovës dhe në harmoni me ligjin për Policinë e Kosovës nr. 03/L-035.
Në fakt, Riza Shillova nga pozita e ndihmësdrejtorit të përgjithshëm të Policisë së Kosovës për Hetime është emëruar në pozitën e ushtruesit të detyrës së zëvendësdrejtorit të Përgjithshëm i Policisë së Kosovës për Operativë.
Kurse Shefqet Beqaj nga kolonel policie është emëruar në pozitën e ushtruesit të detyrës të ndihmësdrejtorit të Policisë së Kosovës për Operativë.
“Detyrat dhe përgjegjësitë e Shillovës dhe Beqajt do t’u caktohen nga Drejtori i Përgjithshëm i Policisë së Kosovës, bazuar në Legjislacionin në fuqi. Mandati i të emëruarve zgjatë deri në emërimin e zëvendësdrejtorit të përgjithshëm të Policisë së Kosovës për operativë dhe të Ndihmësdrejtorit të Përgjithshëm të Policisë së Kosovës për operativë”, thuhet në komunikatën e lëshuar nga MPB.

Bllokimi i rrugëve ka vështirësuar jetën e shqiptarëve në veri
Bllokimi i rrugëve ka vështirësuar jetën e banorëve shqiptarë që jetojnë në fshatrat shqiptare të Komunës së Leposaviqit.
ora: 15:45:31 / 09.08.2011
Drejtori për Mbrojtje dhe Shpëtim në komunën e Mitrovicës , Behxhet Bala, tha se për shkak të pamundësisë për të qarkulluar nëpër rrugën magjistrale ”ne jemi detyruar që dy herë brenda një jave t’u ndihmojmë me ushqime dhe mjete higjienike”. Komiteti Lokal për Siguri Publike i Komunës së Mitrovicës ka vlerësuar gjendjen e sigurisë në veri të qetë, por jo edhe stabile. Nënkryetari i komunës, Riza Haziri, tha sot se aktet e dhunës nga ana e strukturave paralele serbe në veri pas operacionit të policisë për vendosjen e kontrollit doganor në pikat kufitare në veri kanë demaskuar fytyrën e vërtetë të politikës së Beogradit që dirigjon me këto grupe. Ai ka falënderuar strukturat e sigurisë për menaxhimin e mirë të situatës gjatë këtyre ditëve, duke shprehur respekt të veçantë për të gjithë qytetarët që i kanë kontribuuar rendit dhe qetësisë.

Ristiq: Serbët e Kosovës janë të vegjël të vendosin për barrikadat
I ashtuquajturi kryetar i komunës së Zubin Potokut, Sllavisha Ristiq, që është nga radhët e DSS-së së Voisllav Koshtunicës, ka deklaruar se serbet e Kosovës janë të vegjël që të vendosin mbi largimin e barrikadave që janë vendosur në rrugët e veriut të Kosovës.
ora: 15:42:27 / 09.08.2011
”Për këtë çështje duhet të vendosë Parlamenti i Serbisë”, ka thënë Ristiq për mediat serbe. Ai ka paralajmëruar se këshilltarët e kësaj komune nuk do të marrin pjesë në takimin e Leposaviqit./rtk/

Fillon tuneli Tiranë-Elbasan
09/08/2011 15:40
Fillon tuneli Tiranë-Elbasan
Ministri i Transporteve Sokol Olldashi inspektoi punimet në tunelin e rrugës Elbasan-Tiranë, investimi më i madh publik që qeveria po financon aktualisht.
“Kanë avancuar punimet në tunelin e autostradës Tiranë-Elbasan, projekti më madhor infrastrukturor që vendi ka në vazhdim e sipër. Kanë vijuar rrugët hyrëse për të mbërritur deri te kjo pikë e malit ku ne do të futemi në tunel,” tha Olldashi.
Zoti Olldashi tha se ecuria e shpejtë e punimeve do të bëjë të mundur që tuneli të përfundoje brenda afateve të parashikuara.
"Jemi tërësisht në përputhje me kalendarin e punimeve, me axhendën që kompania ka në bazë të kontratës së lidhur me Drejtorinë e Rrugëve. Tunelin sipas të gjitha gjasave qytetarët do ta kenë gati në fillim të vitit 2013", tha Olldashi.
Punimet në tunel po kryhen nga një kompani greke, e cila u shpall fituese në tender, pasi ofroi ta ndërtonte atë me vlerën 8.3 miliardë lekë. Në total rruga e re që do të lidh Tiranën me Elbasanin pritet të kushtojë 380 milionë euro.

“Eagle 2” kthehet në atdhe
09/08/2011 15:10
44 trupa speciale te ushtrise shqiptare kanë përfunduar me sukses misionin 'Eagle 2' ne Afganistan duke sherbyer nen komanden amerikane.
Mesditen e sotme ata kane mberritur ne aeroportin e Rinasit ku iu rezervua nje ceremoni mirseardhjeje.Te gezuar pasi kane permbushur me dinjitet misionin e ngarkuar duke u rreshtuar si te barabarte me forcat e tjera te NATO-s trupat speciale te ushtrise shqiptare, jane pritur nga te afermit.
Komandant Glen Brown atashehu ushtarak amerikan ne Tirane i pranishem ne ceremonine e mberritjes se 'Eagle 2' ka pergezuar angazhimin e Shqiperise me trupa ne Afganistan. "Ata perfaqesojne angazhimin e Shqiperise, si nje vend anëtar i NATO-s. Dua te pergezoj grupin e 'Eagle 2' me rastin e kthimit. Tani ata do te perballen me te tjera sfida akoma me te veshtira pasi do te duhet te lene pas ate qe perjetuan atje dhe t'u tregojne te tjereve rreth kesaj eksperience", tha Brown.
Trupat e 'Eagle 2' te trajnuar ne Gjermani perpara nisjes ne muajn janar drejt Afganistanit kane marre vleresimin e zëvendësministrit te Mbrojtjes Ekrem Spahia dhe shefit te Shtabit te Pergjithshem Gjeneral Brigade Xhemal Gjunkshi.

Sport:
Bogdani: Mali i Zi, një test i fortë para Francës
09/08/2011 12:35
Kombëtarja shqiptare ka nisur grumbullimin në prag të ndeshjes miqësore kundër Malit të Zi, e cila do të zhvillohet më 10 gusht në “Loro Boriçi” të Shkodrës.
Me objektivin për një rezultat pozitiv, futbollistët kuqezinj shprehen se kjo sfidë është një provë e vërtetë force në prag të ndeshjes kundër Francës për eliminatoret e Euro 2012 në Grupin D. Erjon Bogdani, i cili me 12 gola, është golashënuesi i tretë më i mirë i të gjitha kohërave të Shqipërisë, 7 prej të cilëve i ka shënuar në eliminatoret e kampionateve botërore, ka theksuar se sfida me malazezët, përtej kënaqësisë dhe rivalitetit të një miqësoreje me një fqinjët jo fort të dashur, është një prove gjenerale për sfidën ndaj Francës në ditët e para të shtatorit.
"Kjo me Malin e Zi është një ndeshje miqësore, për të cilën trajneri ka thirrur atë grup lojtarësh që mendon se do të përballojnë dhe ndeshjen zyrtare me Francën dhe me Luksemburgun", u shpreh Bogdani në konferencën për shtyp, ku më pas sqaroi edhe mendimin e tij, pse e shikon këtë ndeshje si një test shumë të mirë për para ndeshjet e ardhshme eliminatore.
“Do luajmë me Malin e Zi, që është një ekip shumë i fortë dhe më pas me Francën. Të gjithë lojtarët kanë dëshirë që të dalim mirë me Francën dhe të japim maksimumin, sepse ekipi shqiptar në Shqipëri, ka zhvilluar ndeshje shumë të mira përpara publikut.
Pra, them që duhet të luajmë sa më mirë dhe të mobilizohemi për rezultate pozitive”, tha bomberi i kombëtares kuqezi. Sulmuesi 34-vjeçar i Çezenës e vlerëson si shumë të rëndësishme ndeshjen miqësore me Malin e Zi, si një test serioz përpara përballjes me Francën, për eliminatoret e Euro 2012-s. “Er-Bomber” foli dhe për të ardhmen e tij në Serinë A.
“Për eliminatoret e Euro 2012-s, si ekip kombëtar synojmë të paktën të marrim 14 pikë në grup, dhe të bëjmë një ndeshje dinjitoze me Rumaninë në Shqipëri”. Për Bogdanin flitet shpesh se ai mund të largohet nga Çezena, skuadra e tij aktuale, të cilën me tetë golat e tij e ndihmoi të mbijetonte në Serinë A. Janë përmendur disa ekipe, por vetë Bogdani sheh si opsion më të mundshëm Novarën e porsangjitur në Serinë A, me të cilën luan edhe portieri i Kombëtares shqiptare, Saimir Ujkani. Në listë është dhe Bolonja me Katanian. “Jam duke u përgatitur me ekipin tim aktual, Çezenën, me të cilën kam luajtur në ndeshjet miqësore, rrëfen ai, për sa i përket të ardhmes sime, kam dhe një vit kontratë”. "Nëse unë do të gjej një ekip, që do të më kënaqë nga ana financiare, dhe nga ana tjetër të ketë një projekt të qartë, nuk diskutohet që mund të largohem nga ekipi i Cezenës. Nëse Novara me ofron dy vjet kontratë, atëherë do të shkoj atje. Gjithsesi, më duhet ta theksoj se më duhet t’ia filloj nga e para. Klub i ri, ambient i ri, tifozë të rinj”, përfundon Bogdani /tch/


Lajmet
- E hënë, 08 gusht, 2011

...gjendja ne veri te Kosoves
ORË PAS ORE..njoftimet me te reja :

Serbët në numër më të vogël po qëndrojnë në barrikada
Serbët në veri vazhdojnë të qëndrojnë te barrikadat në rrugë, por në numër më të vogël.
Postuar: 03:17:29 / 08.08.2011
Përfaqësuesit politikë të tyre do të vendosin nesër nëse do të heqin barrikadat në rrugët që çojnë në dy pikat kufitare në veri. Bartësit e strukturave paralele të veriut janë pajtuar me presidentin e Serbisë Boris Tadiq në Beograd, që që të zbatojnë marrëveshjen e arritur me KFOR-in.

KFOR: Koha deri në shtator do të kalohet paqësisht
Zëdhënësi i KFOR-it Hans Diter Vihter tha për Radio Kosovën se pritet që nesër serbët e veriut të dalin me qëndrim, ndërsa koha deri në shtator do të kalohet paqësisht .
Postuar: 02:58:43 / 08.08.2011
KFOR-i shpreson se marrëveshja e lidhur me KFOR-in për gjendjen në veriun e Kosovës do të do të realizohet me sukses.
Zëdhënësi i KFOR-it Hans Diter Vihter tha për Radio Kosovën se pritet që nesër serbët e veriut të dalin me qëndrim, ndërsa koha deri në shtator do të kalohet paqësisht dhe pastaj palët do t’u kthehen bisedimeve. Edhe policia e Kosovës e ka vlerësuar të qetë situatën e sigurisë në veri.
Zëdhënësi i Policisë së Kosovës, Baki Kelani theksoi se gjendja e sigurisë në veri të Kosovës vlerësohet e qetë. Ai tha se gjatë natës së mbrëmshme nuk është shënuar ndonjë incident, ndërsa Policia e Kosovës është prezent në pikën kufitare 31.
“Poicia e Kosovës vazhdon të jetë prezent së bashku me KFOR-in, në pikën kufitare 31, por jo edhe në pikën kufitare 1 pasi aty mungon infrastruktura e punës dhe nuk ka kushte për punë”, tha Kelani.
Pikat kufitare 1 dhe 31 vazhdojnë të jenë të mbyllura për qarkullim. Zëdhënësi i KFOR-it, Hans Diter Vihter tha për Radio Kosovën se forcat paqeruajtëse po lëvizin pa ndonjë problem në pjesën veriore, por duke shfrytëzuar edhe rrugët alternative pasi disa nga rrugët kryesore mbeten pjesërisht të bllokuara. Vihter tha se KFOR-i pret që gjithçka të rregullohet nesër.
“Ne jemi plotësisht të bindur se secili do t’u përmbahet zgjidhjeve të qeta dhe atë arsyeshme. Mendoj se kjo është më e mira dhe në interesin e të gjitha palëve të përfshira. Dhe, në fund arsyeja do të mbizotërojë mbi ata që ende nuk janë të kënaqur me situatën”, thotë Vihter. Zëdhënësi i KFOR-it tha se nuk dëshiron të spekulojë për zgjidhjet, por shprehu bindjen në qetësi dhe konstruktivitet të palëve gjatë periudhës kalimtare deri në shtator.
“Jemi të bindur se pala serbe dhe ajo kosovare do t’u përmbahen qëndrimeve të tyre në mënyrë që periudha deri në shtator të kalohet me qetësi dhe konstruktivitet. Të gjithë faktorët, organizatat ndërkombëtare, Bashkimi Evropian, politikanët duan gjendje të qetë në mënyrë që t ‘i kenë palët në tryezën e bisedimeve”, shtoi Vihter.
Marrëveshja e arritur të premten ndërmjet KFOR-it dhe Qeverisë së Kosovës e asaj të Serbisë parasheh në pikën e saj të parë zhbllokimin e rrugëve nga serbët në veri.
Një gjë e tillë nuk është bërë plotësisht ende, derisa pjesëtarë të strukturave paralele në veri kanë paralajmëruar për nesër vendimin përfundimtar.

Të gjendet zgjidhje që i njeh kufijtë e Kosovës
Britania dhe Gjermania i kanë tërhequr vërejtjen Serbisë dhe Kosovës, se i dëmtojnë gjasat e tyre për integrim në Bashkimin Evropian, nëse lejojnë vazhdimin e tensioneve etnike përgjatë kufirit të tyre.
Postuar: 10:41:24 / 08.08.2011
Britania dhe Gjermania i kanë tërhequr vërejtjen Serbisë dhe Kosovës, se i dëmtojnë gjasat e tyre për integrim në Bashkimin Evropian, nëse lejojnë vazhdimin e tensioneve etnike përgjatë kufirit të tyre.
Ministrat e punëve të Jashtme të Britanisë së Madhe dhe të Gjermanisë, William Hejg dhe Guido Vestervelle kanë paralajmëruar Beogradin dhe Prishtinën, se rrezikojnë shanset e tyre për t`u afruar pranë BE-së dhe do të humbasin rastin historik, në qoftë se nuk i eliminojnë tensionet ndëretnike përgjatë kufirit. Agjencia e lajmeve AFP, transmetoi deklaratën e dy ministrave për situatën në veri të Kosovës.
`Serbia dhe Kosova duhet të gjejnë zgjidhje diplomatike që i njeh kufijtë e Kosovës, e përmirëson jetën e secilit dhe të dy shtetet i vë në rrugë të anëtarësimit në BE`, thanë të dy ministrat, për të shtuar se nëse ata nuk e bëjnë këtë, do të humbin rastin historik./rtk/

KFOR-i, i bindur në suksesin e marrëveshjes
E Hënë, 08 Gusht 2011 15:05
Prishtinë – KFOR-i shpreson se marrëveshja midis përfaqësuesve serbë dhe forcave paqeruajtëse të NATO-s do të finalizohet me sukses, ka transmetuar të hënën Radio Kosova. Zëdhënësi i KFOR-it, Hans Diter Vihter tha se serbëve u duhet edhe pak kohë për diskutim me strukturat lokale të veriut, por se beson se deri në shtator do të mund të tejkalohen të gjitha mosmarrëveshjet dhe bisedimet mes palëve të vazhdojnë.
Edhe policia e Kosovës e ka vlerësuar të qetë situatën e sigurisë në veri.

Merren në pyetje heronjtë e kufirit
E Hënë, 08 Gusht 2011 12:53
Prishtinë – Pasi në krejt dy javët e operacionit të madh të Qeverisë së Kosovës u vlerësuan me notën më të lartë në shërbim të atdheut, policët kufitarë të Kosovës dhe të gjithë pjesëtarët e Njësisë Speciale ROSU të Policisë së Kosovës, janë duke iu nënshtruar një intervistimi detal, bëjnë të ditur burime të Portalit LajmeShqip.com.
Të gjithë ata që morën pjesë në aksionin e veriut, prej 25 deri më 27 korrik, për futjen nën kontroll të pikave kufitare 1 dhe 31, po merren në pyetje nga Njësia e Hetimeve e Policisë së Kosovës, nga Prishtina.
Bëhet e ditur se pyetjet për këtë intervistim i ka përpiluar EULEX-i, pjesëtarët e të cilit paraprakisht kanë siguruar qasje në deklaratat e policëve të Kosovës.

Ivanoviq: I heqim barrikadat
08.08.2011
Barrikadat n\'veri
Sekretari shtetëror në të ashtuquajturën Ministri për Kosovën në qeverinë e Serbisë, Oliver Ivanoviq ka pohuar se edhe para takimit në Beograd, ishte e qartë se vendimi do të ishte për heqjen e barrikadave.
Ai ka thënë se është logjike që serbët lokalë të veriut të harmonizojnë qëndrimet e tyre me kreun shtetëror të Serbisë. “Takim ishte i rëndësishëm në mënyrë që të mos dërgohen mesazhe nëpërmje njerëzve të mesëm. Tash, pas këtij takimi me presidentin, ata e kanë një pasqyrë më të qartë për atë se çfarë po bën Serbia për momentin, çfarë planifikon të bëjë, dhe çka nuk mundet të bëjë”, ka thënë Ivanoviq.
Ivanvoqi ka pohuar se edhe për serbët në jug të Ibrit është e rëndësishme që veriu i Ibrit të mbetet siç është.
Vendimi përfundimtar për heqjen e barrikadave do të merret nesër në orën 12:00 në një mbledhje të të ashtuquajturit “Këshilli i Komunave Serbe”. /indeksonline/

informacione hap pas hapi:
Serbët sërish mblidhen, në Rudare e duan Serbinë
Mitrovicë, 12:33 – Nesër në Leposaviq është parajamëruar të mbahet një takim i strukturave paralele serbe në veri, i të të ashtuquajturve kryetarë të komunave serbe të veriut, të cilët do të vendosin për largimin e barrikadave.
Në takimin që do të mbahet në ambientet e Shkollës së Lartë Teknike, pritet të vendoset për largimin e tyre, ndërkaq, barrikadën në fshatin Rudare serbët kanë paralajmëruar se do ta lirojn vetëm në njërën pjesë, ku strukturat e sigurisë së Qeverisë së Serbisë do ta bënin seleksionimin e atyre personave që do të kalojnë dhe të atyre që s’do të kalojnë në këtë pjesë. Burimet e portalit marrin vesh se do të lejohen në atë pjesë vetëm KFOR-i dhe EULEX-i, por jo edhe institucionet e Kosovës. Këto pritet të jenë përfundimet që do të dalin nga takimi i strukturave paralele serbe, nesër, e martë, në Leposaviq.

Mitrovicë, 11:53 – Plasi sherri midis serbëve. Informatat nga terreni bëjnë të ditur se përçarja midis serbëve është thelluar dukshëm, me zhvillimet fundit në veri të Kosovës.
Bashkëpunëtorët e portalit LajmeShqip.com bëjnë të ditur se në mënyrë të drejtpërdrejtë janë kërcënuar Stefanoviqi, Bogdanoviqi dhe katër kryetarët e të të ashtuquajturave komunat serbe të veriut, nga krerët e krimit, si Zvonko Veseloviq.
Veseloviq ka thënë se nëse do të arrestohej ky dhe udhëheqësit tjerë të krimit të organizuar në veri, atëherë do t’i bëjë publike faktet që kanë për thirrjen për djegie të pikave kufitare, krijimit të barrikadave, financimit të tyre si dhe mobilizimin në Veri.
Merret vesh se pikërisht nga Borko Stefanoviqi, Goran Bogdanoviqi dhe liderë të tjerë serbë, këta huliganë janë thirrur për të djegur, mobilizuar dhe organizuar krejt trazirat në Veri.
Duket se Beogradi ka dërguar mbrëmë mesazhin e qartë se serbët nuk kanë rrugëdalje tjetër dhe se krerët e krimit, duhet kinse “të sakrifikohen nga Beogradi për ta qetësuar situatën dhe për ta vënë në vend krejt atë që kanë shkatërruar në veri”.

Beograd (E HËNË, 8 gusht), 08:31 – Bëhet e ditur se përfaqësuesit e katër komunave serbe në veriun e Kosovës, pas takimit rreth katër orësh me Presidentin e Serbisë Boris Tadiq, që përfundoi mbrëmë vonë në Beograd, kanë vendosur ta pranojnë marrëveshjen me KFOR-in.
Këtë e ka konfirmuar kabineti i Tadiçit. Pjesëmarrësit e takimit kanë ritheksuar “rëndësinë që institucionet ndërkombëtare të mbeten neutrale ndaj statusit të Kosovës”.
Në takim kanë qenë të pranishëm edhe shefi i delegacionit të Serbisë në bisedimet me Kosovën, Borisllav Stefanoviç, dhe i ashtuquajturi ministër serb për Kosovën, Goran Bogdanoviç.
“Kemi rënë dakort që të gjithë së bashku të ruajmë qetësinë, unitetin dhe stabilitetin në atë pjesë të Kosovës dhe të vazhdojmë bashkëpunimin me përfaqësuesit e bashkësisë ndërkombëtare”, ka thënë njëri nga të ashtuquajturit përfaqësues të serbëve të veriut, Radenko Ndelkoviç.
Megjithatë, duket një prapakthim këtu. Ata, nga përfaqësuesit e komunitetit ndërkombëtar kërkojnë “të respektojnë me përpikëri Rezolutën 1244”, në kohën kur Kosova ka shënuar tash më shumë se tre vjet nga shpallja e pavarësisë dhe ka rreth 80 njohje të shtetësisë nga vende të ndryshme të botës./lajmeshqip/


Lajmet
- E dielë, 07 gusht, 2011

...gjendja ne veri te Kosoves
ORË PAS ORE..njoftimet me te reja :

- Buhler: Veriun po e kontrollojnë kriminelët
- Thaçi: Jo, nuk ndahet Mitrovica
- Serbë nga Maqedonia në barrikadat e Veriut
- Kosovë: Status special për veriun?
- Eliza Dushku, ne vendlidjen e babait ne Korçë dhe Ambasadore Nderi e Tiranës në botë

Informacione hap pas hapi:
Buhler: Veriun po e kontrollojnë kriminelët
E Martë, 26 Korrik 2011
Prishtinë, 15:51 - Është krimi i organizuar, jo politika që e mban botën syhapur kundrejt Kosovës, ka thënë gjenerali Erhard Buhler. Gjermani, i cili komandon trupat paqeruajtësi të misionit të NATO-s në Kosovë (KFOR) për gati një vit, ka përsëritur këtë pikëpamje aq shumë sa që është shndërruar në mantrën e tij.
Kriminelët kontrollojnë gjithçka në veriun e Kosovës dhe ndezin tensionet etnike që sjellin konflikte sa herë që interesat e tyre kërcënohen, ka thënë Buhler.
Kriminelët i takojnë minoritetit serb dhe shumica shqiptare punon me ta, dhe sipas gjeneralit, “strukturat kriminale e kanë fjalën e fundit”, shkruan ”Observer”.
Krimi i organizuar përdorë grupet ekstremiste për qëllime të saj. Ka mobilizuar “ushtarët” për të krijuar pengesa në rrugë e madje kanë paguar serbët për të “mbrojtur” ato barrikada, thotë gjenerali.
Krimi i organizuar qëndron edhe pas djegies së kufirit në Jarinje, që është pikë e mosmarrëveshjes mes shqiptarëve dhe serbëve.
Misioni, thotë gjenerali, ka zbuluar anëtarët e organizatave ekstremiste serbe, si “Lëvizja Nacionale Serbe 1389″ dhe “Lëvizja për Atdheun Serb – Nderi”, si dhe huliganët e futbollit, në mesin e demonstruesve në veri të Kosovës. Pos këtyre kriminelëve dhe ekstremistëve, shumë shërbime sekrete serbe besohet të luajnë rol në këtë trazirë.
Shqiptarët e përbëjnë 90 për qind të dy milionë banorëve të Kosovës. Por, në rajonin verior, 55 mijë serbë kalojnë shqiptarët në numër në raportin 6 me 1. Të inkurajuar nga Beogradi, ata rezistojnë, dhunshëm kur është e nevojshme, çdo autoritet që vjen nga qeveria qendrore në Prishtinë. Ata janë armiqësor po ashtu edhe ndaj Bashkimit Evropian dhe misionit të EULEX-it.

Prishtinë, 15:21 – Politikani serb Nebojsha Çoviq e ka akuzuar drejtpërdrejt Ambasadorin Amerikan në Kosovë, Christofer Dell, për operacionin e Qeverisë së Kosovës në dy pikat kufitare në veri të Kosovës.
Nuk është e mundur që të ndodhë një aksion i tillë dhe të mos ketë qenë paraprakisht në dijeni ambasadori Dell, ka thënë ai.

Beograd, 14:59 – Kryetarët e katër të të ashtuquajturave komuna serbe të veriut të Kosovës, pjesë e strukturave paralele, kanë udhëtuar në Beograd, për të takuar presidentin serb, Boris Tadiq.
Ata do ta informojnë Tadiqin për zhvillimet në veri të Kosovës dhe do ta bisedojnë me të marrëveshjen e propozuar nga KFOR-i, për tejkalimin e situatës.

Prishtinë (E DIEL, 7 gusht), 14:12 – Kryeminsitri i Republikës së Kosovës, Hashim Thaçi, ka thënë sot se Beogradi është përgjgjës për anarkinë dhe kontrabandën në veri të Kosovës. Sipas tij, Beogradi po i financon strukturat kriminele serbe në veri të Kosovës.
Thaçi ka thënë se Qeveria e Kosovës do ta vazhdojë me përkushtim angazhimin për shtrirjen e pushtetit dhe të ligjit në mbarë veriun./lshqip/

Thaçi: Jo, nuk ndahet Mitrovica
E Diele, 07 Gusht 2011
Prishtinë – Kryeministri i Kosovës, Hashim Thaçi përcolli edhe një herë mesazhin se nuk mund të ketë ndarje, as krijim të realitetit serb në veri të Kosovës.
“E kuptoj se nuk është e lehtë të jetohet me një qëllim, objektiv apo ëndërr për ndarje të Kosovës apo krijim të realitetit serb në veri, diçka e tillë ka përfunduar njëherë e përgjithmonë, edhe si qëllim serb, por edhe si ëndërr serbe”, është shprehur Thaçi.
Kryeministri kosovar ftoi qytetarët serbë, shtetas të Republikës së Kosovës, që të shkëputen nga ndikimi shumë negativ dhe i rrezikshëm i strukturave kriminale, të financuara dhe të mbështetura nga Beogradi, për të cilin ai tha se mban përgjegjësi direkt.
Thaçi tha se nuk do të ketë kthim para 25 korrikut, vendimit për marrje nën kontroll të dy pikave kufitare në veri, dhe përkujtoi dakordin e qeverisë të arritur me KFOR-in për ruajtjen e gjendjes së re të krijuar atje.
“Në pikën 1 janë të instaluara trupat amerikane, ndërsa në pikën 31 janë KFOR-i, Policia e Kosovës, doganierët e Kosovës, EULEX-i. Me krijimin e kushteve për punë në pikën 1, pas djegieve do të instalohet edhe Policia e Kosovës dhe doganierët e Kosovës”, u shpreh Hashim Thaçi.

Serbë nga Maqedonia në barrikadat e Veriut
E Diele, 07 Gusht 2011
Shkup – Serbë radikalë të Maqedonisë dyshohet se kanë marrë pjesë në trazirat e shkaktuara në veri të Kosovës. Burime për Lajmeshqip.com bëjnë të ditur se në barrikadat e vendosura në Mitrovicë ka edhe shtetas të Maqedonisë të nacionalitetit serb, nga Shkupi e Kumanova.
“Disa banorë të fshatrave të Kumanovës ka ditë që nuk gjenden në shtëpi. Në fshat flitet se ata kanë shkuar në Mitrovicë”, ka thënë i njëjti burim. Nga Ministria e Punëve të Jashtme të Maqedonisë përjashtojnë përfshirjen e shtetasve të Maqedonisë në trazirat e shkaktuara në veri të Kosovës. Ndërsa edhe nga Ministria e Punëve të Jashtme (MPJ) të Kosovës nuk ka njohuri për pjesëmarrjen e shtetasve të Maqedonisë në Mitrovicë.
“Nuk kemi njohuri të tilla”, kanë thënë në MPJ-në e Kosovës. Në të gjitha rrugët kryesore në veri të cilat çojnë në drejtim të pikave kufitare me Serbinë, një numër i madh serbësh ka 11 net që bëjnë roje pranë barrikadave, duke pamundësuar në këtë mënyrë ushtarët e KFOR-it të lëvizin lirshëm në këtë pjesë të Kosovës.
Barrikadat ishin vendosur në shenjë proteste ndaj aksionit të Policisë së Kosovës për të vënë nën kontroll pikat kufitare 1 dhe 31. Pranë barrikadave kanë qëndruar edhe krerët nga strukturat paralele të komunave veriore. Një ditë më parë paqeruajtësit kanë hequr të paktën tri bllokada që kanë ndaluar KFOR-in të ketë qasje në bazat në veri. (LSh)

Kosovë: Status special për veriun?
E Diele, 07 Gusht 2011
Prishtinë - Tendencat e Serbisë për t’i futur brenda kufijve të saj tri komunat veriore të Kosovës mund të përfundojë me nxjerrjen e një autonomie substanciale për serbët që jetojnë në Zubin Potok, Leposaviq dhe në Zveçan, shkruan e përditshmja kosovare ”Koha Ditore”.
Një paralajmërim të tillë e kanë bërë burime të gazetës brenda institucioneve të larta shtetërore, duke mos e përjashtuar mundësinë që “autonomia substanciale e veriut” të dalë edhe publikisht si propozim i një pjese të faktorit ndërkombëtar gjatë ditëve në vijim. “Miqtë ndërkombëtarë kanë filluar ta shohin si mision të pamundur integrimin e veriut pas 12 vjetësh shkëputjeje nga pjesa tjetër e shtetit. Dhe, me qëllim të shmangies së konflikteve të armatosura, si rrugëzgjidhje më të pranueshme ata po e shohin dhënien e një statusi special për atë pjesë”, ka thënë burimi i gazetës.
Ai ka sqaruar se “ndërkombëtarët” e arsyetojnë këtë formulë, duke thënë se vetëm në këtë mënyrë Kosova do të arrijë t’i ruajë kufijtë e saj aktualë.
Sipas tij, ideja e ndërkombëtarëve është që komunat në veri të njihen si njësi të veçanta dhe t’u jepen kompetenca në vetëqeverisje dhe financim. Mirëpo, ka thënë ai, autoritetet vendëse deri tash nuk kanë dhënë shenja se do ta pranojnë një zgjidhje të tillë.

Eliza Dushku, Ambasadore Nderi e Tiranës në botë
E Diele, 07 Gusht 2011 16:15
Tiranë – Aktorja me famë botërore Eliza Dushku do të jetë Ambasadore Nderi e Tiranës në botë, e ngarkuar për artet, kulturën dhe turizmin.
Kryetari i Bashkisë së Tiranës, Lulzim Basha, pas një takimi të dielën në ambientet e bashkisë me aktoren Dushku, konfirmoi për mediat se, ajo pranoi propozimin e tij për të përfaqësuar fuqimisht Tiranën dhe për të ndihmuar në vendosjen e saj në hartën turistike, artistike dhe kulturore të botës.
“Jam shumë i lumtur që Eliza ndodhet sot në Tiranë dhe besoj se flas edhe në emër të gjithë qytetarëve të Tiranës që e kanë pritur këtë vizitë me shumë kënaqësi. Të gjithë jemi të kënaqur dhe entuziastë për vizitën e saj, që padyshim që do të shërbejë për ta vendosur Tiranën fuqimisht në hartën turistike të botës”, tha Basha.
Ai vlerësoi faktin se prezenca e saj në dokumentarin që do të prezantohet në rrjetet më prestigjoze të botës për turizmin në Shqipëri, do të vendosë Shqipërinë në hartën turistike, artistike dhe kulturore të botës.
Ndërsa aktorja Eliza Dushku u shpreh e kënaqur për këtë vizitë në Shqipëri dhe deklaroi se turin e saj do e fillojë nga qytetit i Korçës, ku do të paraqitet dokumentari për promovimin e turizmit për vendin. Më pas Dushku, do të vijojë vizitën e saj në qytete të tjera të Shqipërisë.
Aktorja Eliza Dushku ka lënë pas angazhimet kinematografike në Hollivud dhe është rikthyer në Shqipëri, në vendin e të parëve të saj, por kësaj here më një mision. Për 10 ditë me radhë, e shoqëruar nga një grup xhirimi amerikan, aktorja 31 vjeçare do të udhëtoj nëpër Shqipëri për të dokumentuar bukuritë dhe vlerat e vendit të origjinës që e përmend me krenari sa herë që i jepet rasti.
Bashkë me Elizën në realizimin e dokumentarit për Shqipërinë do të kontribuojnë dhe artistë të tjerë me famë botërore si soprano Inva Mula, fotografi Fadil Berisha dhe aktori Blerim Destani. Eliza u lind më 30 dhjetor 1980 në Boston. Babai i saj është shqiptar nga Korça, ndërsa nëna daneze.


Lajmet
- E shtunë, 06 gusht, 2011

...gjendja ne veri te Kosoves
ORË PAS ORE..njoftimet me te reja :

Serbët e veriut në konsultime të reja
06.08.2011 - E Shtunë
20:49 Pas takimit të sërishëm, Stefanoviq ka thënë se janë shumë afër arritjes së pajtueshmërisë të plotë me përfaqësuesit e komunave serbe të veriut për marrëveshjen e KFOR-it. Në takim raportohet se është rënë dakord për disa pika që do të miratohen në mbledhjen e së martës.
20: 19 Ka përfunduar një tjetër takim i Borko Stefanoviqit dhe Goran Bogdanoviqit me udhëheqësit e komunave paralele ilegale të veriut të Kosovës.
Askush nuk është prononcuar pas këtij takimi, dhe ende është e paqartë nëse është arritur ndonjë pajtim.
Zyrtarët serbë janë në përpjekje për të bindur përfaqësuesit në veri që të heqin barrikadat, dhe të pranojnë marrëveshjen me KFOR-in, e cila do të vlejë deri më 15 shtator. /indeksonline/

Qytetarët serbë po nxirren me dhunë në barrikada
E Martë, 26 Korrik 2011
Mitrovicë, 19:41 – I ashtuquajturi kryetar i Komunës së Mitrovicës, në veri, Krstimir Pantiq, anëtar i Partisë Përparimtare Serbe të Tomisllav Nikoliqit ësht ëi vetmi kryetar që nuk e ka pranuar marrëveshjen dhe për këtë shkak, vendimi është shtyrë për të martën.
Burimi thotë se ka përplasje të madhe midis krerëzve serbë.
Po ashtu, bëhet e ditur se qytetarët serbë po nxirren me dhunë në barrikada,nga ana e grupeve kriminale dhe MUP-i serb.
Në raste të refuzimit të daljes në barrikada ata largohen ng apuna, iu hedhet eksploziv në shtëpi e makina dhe shpallen tradhtarë.

Ende s’dihet si do të implementohet marrëveshja në veri
Prishtinë, 18:12 – Burime të portalit LajmeShqip.com konfirmojnë se ende nuk janë precizuar detajet dhe mënyra e implementimit të marrëveshjes për veriun.
Ndërkohë, bëhet e ditur se KFOR-i ka nisur një plan aksional, për të cilin do t’i vë në dijeni palët në javën e ardhshme.

Vetëvendosje: Qeveria u zmbraps
06/08/2011 17:20
Lëvizja Vetëvendosje e ka vlerësuar si zmbrapsje të qeverisë marrëveshjen që kjo e fundit arriti me KFOR-in për situatën në veri të Kosovës. Kryetari i saj, Albin Kurti ka deklaruar se marrëveshja përbën një dështim për shtetin e Kosovës dhe përgjegjësia për këtë bie mbi kryeministrin Hashim Thaci, i cili sipas tij nuk ka vazhduar operacionin për shtrirjen e sovranitetit në veri të vendit.
“Pikat për të cilat qeveria dhe KFOR-i kanë rënë dakord janë urdhëra të KFOR-it për qeverinë dhe jo kushte të qeverisë për KFOR-in”, ka deklaruar Kurti.
“Tani qeveria nuk ka kurfarë kontrolli mbi veriun pasi këtë përgjegjësi ia ka kaluar KFOR-it, që është në Kosovë në bazë të rezolutës 1244 dhe nuk njeh pavarësinë e vendit”, ka theksuar ai.

Bisedimet vazhdojnë më 5 shtator
06.08.2011/17:09 - E Shtunë
Pavarësisht gjendjes në terren bisedimet në Bruksel ndërmjet Prishtinës dhe Beogradit, do të vazhdojnë në shtator.
Më 5 shtator, ditë e hënë, pritet që Edita Tahiri e Borko Stefanoviq përsëri të shtrëngojnë duart në rundin e ri të dialogut.
Ndërmjetësi i bisedimeve, Robert Cooper, ka përshëndetur marrëveshjen e arritur dhe ka ftuar të dyja palët që, pas pushimeve, të kthehen në bisedime dhe të koncentrohen në dialogun serioz.
Edhe ministri serb për Kosovën, Goran Bogdanoviq, ka pohuar se duhet dhënë mundësi bisedimeve, dhe ka pohuar se Serbia nuk i ka tradhëtuar serbët lokalë atje me marrëveshjen me KFOR-in. /indeksonline/

Thaçi: Ndarja, as në ëndërr të Beogradit
06.08.2011/15:07 - E Shtunë
Duhej të ndodhte në qershor 1999, por ka ndodhur në korrik 2011. Kështu e ka përshkruar për Evropën e Lirë, atë që ka ndodhur në veri, kryeministri Hashim Thaçi.
“Me pajtueshmërinë e arritur dje, kemi arritur tri objektiva: respektim e plotë të reciprocitetit, ndaljen e plotë të kontrabandës dhe vënien nën kontroll të plotë të territorit të Republikës së Kosovës”, ka thënë kryeminstri.
Ai ka thënë se e ka përkrahjen e plotë të bashkësisë ndërkombëtare për vendosjen e sundimit të ligjit në veri.Thaçi ka përjashtuar çdo mundësi të ndarjes së Kosovës, duke thënë se kjo nuk do të ndodhë as në ëndrrat e Beogradit.
“Kosova nuk do të ndahet, në asnjë rrethanë, me asnjë çmim, as de facto, as de jure. Kosova do ta ushtrojë autoritetin e vet kushtetutes dhe ligjor në tërë territorin e Republikës së Kosovës. Ne kemi theksuar më herët se ka pasur qëllime dhe pretendime të Beogradit për ndarje, por tani kjo gjë, pas krijimit të rrethanave të reja, nuk do të mund të jetë as ëndërr e Beogradit”, ka thënë me vendosmëri Thaçi. /indeksonline/

Huliganët serbë përforcojnë barrikadat në Rudare e Zupç
LIVE: Mitrovicë, 17:35 – Gjatë ditës së sotme raportohet të jenë përforcuar barrikadat në veri të Kosovës, më saktësisht në Rudare dhe në Zupç. Burime të portalit bëjnë të ditur se serbët kanë hedhur dru dhe zhavor, nga frika se KFOR-i mund të intervenojë.

Serbët sërish vazhdojnë bllokimin e rrugëve
Mitrovicë (E SHTUNË, 6 gusht),
ora:15:57 - Burimet e Portalit Lajmeshqip.com bëjnë të ditur se kryetari i Qarkut të Mitrovicës, Radenko Nedelkoviq dhe katër kryetarët e të të ashtuquajturave komuna të veriut (strkturat paralele serbe), e kanë përfunduar mbledhjen e “Bashkësisë së Komunave Serbe”.
Ata i kanë ftuar serbët për të qëndruar edhe më tej në barrikada.
Serbët e veriut e hedhën poshtë marrëveshjen e djeshme, duke vazhduar bllokimin e rrugëve, duke u mbetur besnikë versionit të kryetarit të Zveçanit, Dragisha Milloviq.
Takimi i ardhshëm i këtyre strukturave do të mbahet të martën, në orën 12:00, kur do të shqyrtohet marrëveshja.

Mitrovicë - Burimet e Portalit LajmeShqip.com nga terreni, në Jug dhe Veri të Mitrovicës si dhe brenda KFOR-it, bëjnë të ditur se dita e sotme është e tensionuar. Serbët janë të riorganizuar dhe situata midis vetë atyre është e paqartë.

Foto:Sh.Sh-Reporteri.com: I fotografuar përballë, me qëllim të shmangies së fotografimit, majtas vërehet një anëtar i identifikuar i MUP-it të Serbisë, që lëvizë nga “Golfi” dhe kthehet më vonë.

Vladimir Rakiç eshte pare duke diskutuar me anëtarë të Policisë së Kosovës, i njohur me pseudonimi “Gile”, udhëheqës i Rojave të Urës në Mitrovicë

Burime të portalit bëjnë të ditur se Stefanoviq dhe Bogdanoviq, me qëllim i kanë organizuar serbët që ta mbajnë këtë reagim, pasi mbrëmë, në orën 24:00 (në mesnatë), ka kaluar ultimatumi që KFOR-i ua pati dhënë serbëve për heqjen e barrikadave, në të kundërtën, pati paralajmëruar se do t’i heqë vetë.

Sot, burimet nga terreni raportojnë se barrikadat janë shtuar në rrugë të ndryshme. Në disa barrikada, veçanërisht në atë në Rudarë dhe Zupçë, janë shtuar kamionët dhe është shtuar zalli.

Fytyra të reja në veri – prezentë anëtarë të ushtrisë dhe policisë së Serbisë

Burimi i Portalit, duke iu referuar burimit të besueshëm brenda serbëve, bën të ditur se barrikada në Rudarë dhe Zupçë dyshohet të jetë minuar gjatë natës së mbrëmshme. Burimi nuk e përjashton mundësinë që edhe barrikada të tjera të jenë të minuara, derisa thotë se së paku në Rudarë dhe Zupçë janë të sigurta minimet e tyre.

Nëpër Veriun e Kosovës vërehen fytyra të reja që lëvizin. Janë identifikuar persona të ndryshëm që mbajnë nga një shenjë të vizatuar në qafë (tatu me shenjë të “skorpionit–gaforrit”), të cilët deri më tani nuk janë parë nëpër Veri të Kosovës.

Sot, gjithkund në veri vërehen lëvizje aktive të personave. Bashkëpunëtorët e Portalit LajmeShqip.com kanë identifikuar se sot një pjesë e madhe e këtyre personave janë të koncentruar në kafeterinë e ashtuquajtur “Te Coca”, në Zveçan.

Ndërkombëtarët kanë identifikuar anëtarë dhe pjesëtarë të njësive speciale serbe, të ushtrisë dhe policisë
Nga burim i besueshëm i Portalit LajmeShqip.com brenda ndërkombëtarëve, bëhet e ditur se ata kanë identifikuar së paku 500 persona të ndryshëm, që kanë hyrë në Veri të Kosovës, të cilët janë anëtarë të Njësisë Antiterroriste të Serbisë (SAJ), anëtarë të ushtrisë dhe Policisë së Serbisë dhe anëtarë të njësive të tjera diverzante.
Disponimi i serbëve në Veri është që në asnjë mënyrë të mos pranohet marrëveshja e arritur. KFOR-i nuk ka lëvizje deri në këto momente. Në pikat kufitare G1 dhe G31 ka kontrabandë të mallrave. Të gjitha pompat e benzinës vërehet se janë të furnizuara mirë pas një shkëputjeje disaditëshe, në të cilat nuk gjendeshin derivate të ndryshme. (LajmeShqip.com)

Qeveria: Askush të mos luajë me Bulqizën
E Shtunë, 06 Gusht 2011 14:27
Tiranë – Ministria e Ekonomisë, Tregtisë dhe Energjetikës reagoi sot me anë të një njoftimi për shtyp mbi situatën në minierën e Bulqizës.
Duke ndjekur me shqetësim situatën e rënduar në grevën e urisë së minatorëve të Bulqizës, METE u bën thirrje negociatorëve, drejtuesve, minatorëve si dhe palëve që akuzojnë njëra-tjetrën, të ndalojnë menjëherë lumin e akuzave të ndërsjella, që po përpiqen ta çojnë në rrugë pa krye këtë situatë.
“METE duke ndjekur nga afër zhvillimin e kësaj greve në kushte tepër të vështira inkurajon çdo sinjal pozitiv për nisjen e dialogut dhe zgjidhjen e ngërçit të krijuar”, thuhet në njoftim. Sipas METE, “Miniera e Bulqizës është pasuri kombëtare dhe asnjë palë apo individ nuk duhet të luajë për interesa personale me këtë pasuri”.
Ministria e Ekonomisë, Tregtisë dhe Energjetikës, i bën thirrje palëve të rinisin urgjentisht dialogun për gjetjen e një marrëveshje dhe të arrihet zgjidhja konsensuale mes tyre.
“METE shpreh besimin e saj të plotë se me përgjegjshmëri dhe seriozitet janë të gjitha mundësitë për të arritur nënshkrimin e një marrëveshje sipas legjislacionit në fuqi dhe ligjit për koncesionet e huaja, që t’i japë fund kësaj greve urie dhe të fillojë sa më shpejtë aktiviteti normal në minierën e Bulqizës”, përfundon njoftimi i METE.
Ndërkohë, minatorët e Bulqizës vijojnë sot ditën e 13-të grevës së urisë. Ata po qëndrojnë nën 1 400 metra thellësi në brendësi të tokës në kushte të vështira, por deklarojnë se nuk do të tërhiqen derisa firma austriake ACR të plotësojë kërkesat e tyre.
Kreu i Konfederatës së minatorëve, Kol Nikollaj, bëri apel sot me anë të një konferece për shtyp që METE dhe ACR të marrin masa dhe të plotësojnë kërkesat e minatorëve.

Burg pa afat bosit të Ndrangheta-s
06/08/2011 14:45
Gjykata e Vlorës dha masën e sigurisë burg pa afat për shtetasin italian Giusepe Simonelli. Ky shtetas akuzohet për pjesëmarrje në banda kriminale dhe trafikim lëndësh narkotike, ndërkohë që do të qëndrojë në paraburgum derisa të ekstradohet.
Simonelli është një ndër boset e Ndrangheta-s që i kishte shpëtuar një operacioni arrestimesh në Bolonja të Italisë. Ai u kap ne bregdetin e Vlores, ndersa kishte filluar pushimet.
32-vjecari Giusepe Simonelli i njohur me pseudonimin El Pako, ishte nder te paktet qe nuk u arrestua dot nga antimafia italiane, e cila iu pergjigj nje vendimi te gjykates se Bolonjes per arrestimin e 17 shtetasve italiane te dyshuar per trafik droge dhe lidhje me mafian.
Bosi italian i Ndrangheta-s, u shpall ne kerkim nga policia italiane pasi akuzohej se bashke me 16 te tjere kishte financuar dhe pergatitur transportimin e nje sasie prej 1600 kilogramë kokaine, qe do te mberrinte ne Bolonja nga Kolumbia.

Nis stabilizimi i bursave
06/08/2011 12:35
Pas tërmetit në bursa, stabilizimi ka filluar. Indeksi Doë Jones ne Nju Jorkut u ngrit pasditen e se premtes, një dite pasi ra me 513 pike ne mesin e frikes se ekonomia globale mund te perballet me nje recesion te dyte.
Në vazhden e luhatjeve te shumta te cmimit te aksioneve, Dow Jones eshte rritur me 61 pike, e po keshtu me ngritje u mbyll edhe indeksi tjeter NASDAQ. E premtja e zeze per tregjet aziatike i solli atyre renie te ndjeshme, ndersa nuk la pa prekur edhe tregjet europiane.
Sa per ato amerikane, luhatjet ishin te medha, por ne perfundim u shenua rritje pas lajmeve se Italia do të përshpejtojë zbatimin e një pakete masash shtrënguese ekonomike për të balancuar buxhetin deri në vitin 2013, një vit më parë nga sa kishte planifikuar.
Te premten, një raport i ri i qeverisë amerikane tregoi një përmirësim të vogël në shkallën e papunësisë për muajin korrik, duke arritur shifrën 9.1 për qind. Megjithatë, ekonomia amerikane, më e madhja në botë shtoi vetëm 117.000 vende të reja pune muajin e kaluar, shifër shumë më e ulët se sa numri i nevojshëm për një rritje të qëndrueshme.

...gjendja ne veri te Kosoves
Serbët në krizë – përçahen
06.08.2011/01:29 - E Shtunë
Serbët lokalë në Rudare, që janë në barrikada, nuk e njohin autoritetin e përfaqësuesve të Serbisë. Ata i kanë kthyer mbrapsht, të premten mbrëma, Goran Bogdanoviqin dhe Borko Stefanoviqin, duke mos u bindur në thirrjen e tyre për zhbllokimin e rrugës.
Në vend të kësaj, kanë zgjedhur të dëgjojnë kryetarin jolegjitim të Zveçanit, Dragisa Miloviq, i cili u ka thënë të qëndrojnë aty, së paku deri pas një vendimi të “Këshilli të Komunave të Veriut”, që pritet të ndodhë sot.
Shenjat e përçarjes i ka dhënë Bogdanoviq. “ E kuptoj shqetësimin e popullit dhe të kryetarëve të komunave në veri, por në këto moment kemi nxjerrë maksimumin nga negociatat. Nuk do të ishte mirë që populli të shkojë në një anë, e shteti i Serbisë në tjetrin”, ka thënë Bogdanoviq për RTS. Kolegu i tij, Stefanoviq, ndërkaq, ka thënë se “marrëveshja nuk është ideale”. /indeksonline/


Lajmet
- E premte, 05 gusht, 2011

...gjendja ne veri te Kosoves
..njoftimet me te reja:
Marrëveshje e pranuar nga të gjithë
05.08.2011/- E Premte
Kryeministri i vendit Hashim Thaçi ka konfirmuar në mbledhjen e qeverisë pajtueshmërinë me KFOR-in për marrëveshjen me palën serbe. Ai ka thënë në mbledhjen e qeverisë se do të ruhet situata e re e krijuar në portat 1 dhe 31. Kryeministri ka thënë se do të vazhdojë kontrolli i kufirit dhe do të mbetet në fuqi masa e reciprocitetit. Thaçi ka thënë se Kosova e ka mbështetjen e plotë të faktorit ndërkombëtare për ruajtjen e sovranitetit të Republikës.
Marrëveshja, përmban këto pika:
1. Parakushti: Hapja e bllokadave të rrugëve
2. Në parim mirëmbajtja e gjendjes së tashme në porta
3. KFOR-i është përgjegjës për portat
4. Në parim portat janë të mbyllura për arsye të sigurisë dhe janë zona të kufizuara ushtarake
5. Ndihma humanitare do të lejohet që të hyjë në Kosovë në makina deri në 3.5 tonë, në pika të caktuara kufitare pas një vlerësimi nga një organ i caktuar i pavarur ndërkombëtar që ekziston nevoja për ndihma humanitare
6. Mallrat për kishën ortodokse serbe lejohet të kalojnë
7. Çdo person dhe makinë do të kontrollohet për armatim
8. Çdo person do të kontrollohet për ID
9. Treni Beograd-Mitrovicë: kontrollohet nga EULEX dhe Policia e Kosovës, si dhe ndihmohet nga KFOR-i
10. KFOR-i do të kryej operacionet e kontrollit në vendkalimet e paautorizuara kufitare për të ruajtur një mjedis të qetë dhe të sigurt. /indeksonline/

Marrëveshja formalizohet në mbrëmje
05.08.2011/19:04 - E Premte
Gazeta gjermane “Sueddeutsche” transmetoi para pak çastesh se marrëveshja midis KFOR-it dhe Qeverisë së Kosovës, në njërën anë, dhe KFOR-it dhe përfaqësuesve serbë, në anën tjetër, pritet të formalizohet në mbrëmje.

.....ja ç 'lojera uaj tani serbet /verejtje e redaksia ereniku/:...
Serbët nuk ndryshojnë qëndrim
05.08.2011- E Premte
As serbët nuk e pranojnë marrëveshjen me KFOR-in. Kryetari i komunës paralele të Zveqanit, Dragisa Milovic ka paralajmëruar se bllokada do të vazhdojë edhe sot.
“Marrëveshje nuk ka pasur, bisedimet vazhdojnë sot”, ka thënë ai.
“Po të kishim pasur diçka për të ju thënë, lajmin veç do ta kishit”.
“Barrikadat do të vazhdojnë deri tek një zgjidhje përfundimtare”, ka thënë ai. Milovic, para barrikaduesve serb, që po i mbajnë të bllokuara rrugët për 11 ditë rresht në veri.
As serbët nuk e pranojnë marrëveshjen me KFOR-in. Kryetari i komunës paralele të Zveqanit, Dragisa Milovic ka paralajmëruar se bllokada do të vazhdojë edhe sot.“Marrëveshje nuk ka pasur, bisedimet vazhdojnë sot”, ka thënë ai.“Po të kishim pasur diçka për të ju thënë, lajmin veç do ta kishit”.“Barrikadat do të vazhdojnë deri tek një zgjidhje përfundimtare”, ka thënë ai. Milovic, para barrikaduesve serb, që po i mbajnë të bllokuara rrugët për 11 ditë rresht në veri.

..ndiqni lajmet hap pas hapi:

Mitrovicë, 17:23 – Burimet e portalit nga terreni njoftojnë se në këto momente ka filluar takimi në Zveçan, midis Stefanoviqit, Bogdanoviqit dhe kryetarëve të katër të të ashtuquajturave komuna serbe të veriut.

Stefanoviq dhe Bogdanoviq po i njoftojnë kryetarët dhe shtabin e krizës së serbëve për marrëveshjen.

Ndërsa burimet tona raportojnë se serbët ende janë të vendosur në barrikada.

16:38 – Thaçi: Komuniteti i biznesit, që merret me shitje dhe blerje të mallrave komerciale apo derivateve ose gjësende të tjera, të mirëkuptojë vendimin e Qeverisë së Kosovës për reciprocitet dhe për marrje nën kontroll të plotë të pikave kufitare, këto janë për forcimin e shtetit të Kosovës. Kjo në asnjë rrethanë të mos keqpërdoret nga këto biznese dhe të mos keqpërdoret për rritje apo fryerje të çmimeve.

16: 36 – Mimoza Kusari-Lila: Tani jemi në gjendje të bëjmë analiza të sakta të produkteve që hyjnë në Kosovë. Deri më sot rezultatet janë vetëm pozitive. Sot janë përgatitur ekipet për inspektimin e mallrave ilegale dhe do të verifikohen për ato mallra që janë në Kosovë dhe për ato mallra që mund të kontrabandohen në rrugë tjera ilegale.

16: 35 – Mimoza Kusari-Lila: Njoftoj se kemi një përmbyllje të sukseshme. Morëm konfirmimin e plotë nga përfaqësuesit dhe miqtë ndërkombëtarë të Kosovës se do të kemi garanci për kontrollin më të madh ndërkombëtar dhe një rikonfirmin për zbatimin e reciprocitetit dhe ndaljen e plotë të kontrabandës.

16:34 – Dedikimet për Kishën Serbe do të kalohen si çdokund tjetër.

16:33 – Treni që qarkullon nga Beogradi në Mitrovicë, për herë të parë pas 12 viteve do të kontrollohet nga Policia e Kosovës me ndihmë nga EULEX. Sa iu përket rrugëve tjera dytësore,a to do të kontrollohen dhe sigurohen nga KFOR-i.

16:32 – Pikat kufitare do të kontrollohen në mënyrë rigoroze dhe çdo person dhe automjet që do të kalojë pikën G1 dhe G31 do të kontrollohet për armë. Çdo person do të kontrollohet për dokumente identifikuese. Asnjë tjetër nuk do të kalojë ndryshe.

16:30 – Thaçi: “Ndihma humanitare do të lejohet të futet në Kosovë vetëm pasi të konstatohet nga organizatat ndërkombëtare që kanë vlerësuar se ekziston nevoja për një gjë të tillë. Vlerësimi do të bëhet nga inspektor të pavarur”.

16: 24 – Thaçi: Marrëveshja parasheh zhbllokimin rrugëve dhe mbajtjen e gjendjes së tanishme në pikat 1 dhe 31. KFOR do të jetë përgjegjës për pikat, ndërsa në parim ato do të jenë të mbyllura si zona ushtarake.

Prishtinë, 16:21 – Kryeministri i Kosovës, Hashim Thaçi, ka deklaruar se është arritur marrëveshja midis Qeverisë së Kosovës dhe KFOR-it, për veriun e vendit.

Ai tha se aritja e kësaj marrëveshjeje është me peshë historike dhe ngjarja më e rëndësishme pas shpalljes së Pavarësisë së Kosovës.

Sipas tij, masat e reciprocitetit do të vazhdojnë në kufirin verior.

Thaçi, gjithashtu, ka thënë se do ta vazhdojë angazhimin për funksionalizimin e gjykatave në veri dhe për luftimin përfundimtar të krimit të organizuar.

Mitrovicë, 16:02 – Mobilizohen serbët e veriut. E ashtuquajtura Komuna serbe e Mitrovicës i ka njoftuar sot qytetarët se 24 orë pandërprerë do ta bëjë bartjen e njerëzve nga të gjitha anët deri te barrikadat në rrugët e veriut.

Ajo ka bërë të ditur se për këtë e ka angazhuar kompaninë “Kosmet-Prevoz”, e cila tërë kohën dhe pandërprerë do ta bëjë bartjen e njerëzve drejt barrikadave në Rudare.

Mitrovicë, 15:42 – Kryetarët e të të ashqtuajturave komuna serbe në veri të Kosovës, i kanë vizituar sot barrikaduesit serbë në Rudare.

Radenko Nedelkoviq iu ka thënë huliganëve që i kanë bllokuar rrugët se, gjatë bisedës, gjeneralit Buhler i ka thënë se “në këto barrikada nuk ka njerëz që janë kriminelë, por këtu”, sipas tij, “është një popull shumë i mirë, që po lufton për mbijetesë dhe paqe”.

“Ky popull nuk do t’i pranojë kurrë institucionet e Kosovës, doganën dhe as njësitë ROSU të saj”, ka thënë Nedelkoviq në fjalimin e tij nxitës ndaj barrikaduesve në Rudare, duke ua përcjellë atyre, pas gjithë kësaj, apelin “për durim”.

Në anën tjetër, i ashtuquajturi kryetar i Komunës së Mitrovicës, Krstimir Pantiç, iu ka thënë barrikaduesve se “Buhler nuk është i sinqertë dhe luan me letrën për t’i shqetësuar banorët”.

Porosia e katër kryetarëve të të ashtuajturave komuna të veriut dhe e Qeverisë së Beogradit, sihte se “vullneti i popullit duhet të respektohet, pavarësisht se çfarë marrëveshje arrihet”.

Mitrovicë, 15:42 – Kryetarët e të të ashtuquajturave komuna serbe në veri të Kosovës, i kanë vizituar sot barrikaduesit serbë në Rudare.

Radenko Nedelkoviq iu ka thënë huliganëve që i kanë bllokuar rrugët se, gjatë bisedës, gjeneralit Buhler i ka thënë se “në këto barrikada nuk ka njerëz që janë kriminelë, por këtu”, sipas tij, “është një popull shumë i mirë, që po lufton për mbijetesë dhe paqe”.

“Ky popull nuk do t’i pranojë kurrë institucionet e Kosovës, doganën dhe as njësitë ROSU të saj”, ka thënë Nedelkoviq në fjalimin e tij nxitës ndaj barrikaduesve në Rudare, duke ua përcjellë atyre, pas gjithë kësaj, apelin “për durim”.

Prishtinë, 12:39 – Komandanti i KFOR-it, gjenerali Erhard Buhler i ka bërë komentet paraprake në një ceremoni, në të cilën ia ka dorëzuar Ministrisë së Ambientit dhe Planifikimit Hapsinor të Kosovës menaxhimin e 94 pikave me materiale toksike.

Prishtinë, 12:35 – “Ne i kemi angazhuar forcat e plota në Kosovë. Unë kam nevojë për forca shtesë që të jenë fleksibile. Sidomos rezervistë kemi kërkuar që të na dërgohen shtesë. Këto forca do të ofrohen nga Gjermania dhe Austria. Besoj se të hënën e javës së ardhshme do të jenë të gatshme për angazhim. Tani veç janë duke zbritur në aeroport”, tha ai.

Prishtinë, 12:33 – “KFOR-it i duhet liri e lëvizjes dhe barrikadat për momentin nuk janë pengesë e qarkullimit. Ka disa protesta për momentin dhe nuk është e nevojshme të spekulohet”, tha komandanti i KFOR-it në konferencën për shtyp që u mbajt në këto momente.

Prishtinë, 12:31 – Buhler: Nuk ka krizë humanitare. Kjo është përshtypje. Mirëpo nëse Kryqi i Kuq Ndërkombëtar vendos të dërgojë ndihma, nuk i ndalim. Janë lejuar të hyjnë disa ndihma humanitare.”

Prishtinë, 12:25 – “Ne e respektojmë çfarëdo vendimi të qeverisë. Ka disa përjashtime, që lejohen disa automjete civile për qarkullim. Por, për qarkullime komerciale janë portat e mbyllura. Detajet e marrëveshjes duhet të përpunohen ende dhe jam optimist se do të arrijmë marrëveshje”, deklaroi sot gjenerali Buhler.

Mitrovicë, 10:25 – Barrikaduesve serbë, pas mesnate iu është drejtuar i ashtuquajturi kryetar i Komunës së Zveçanit, Dragisha Milloviq.

Ai iu ka thënë barrikaduesve se nuk është arritur kurrëfarë marrëveshjeje deri më tani dhe i ka ftuar ata që të qëndrojnë në barrikada deri në arritjen e saj.

Serbët e veriut insistojnë në kthimin e situatës kaotike në kufijtë e Kosovës, në veri, ashtu siç ka qenë para datës 25 korrik.

Mitrovicë (E PREMTE, 5 gusht), 00:25 – Burime të Portalit LajmeShqip.com kanë bërë të ditur se komandanti i KFOR-it, Erhard Buhler, në takimin me përfaqësuesit serbë, në kampin “Nothing Hill”, ka insistuar të ndërhyjë në pikën 2 të draft-marrëveshjes.

Sipas tij, me formulimin e ri do të mundësohej kalimi në kufi vetëm i kamionëve që bartin mallra me destinim humanitar./sipas lajmeshqip/

Marrëveshja formalizohet në mbrëmje
05.08.2011/19:04 - E Premte
Gazeta gjermane “Sueddeutsche” transmetoi para pak çastesh se marrëveshja midis KFOR-it dhe Qeverisë së Kosovës, në njërën anë, dhe KFOR-it dhe përfaqësuesve serbë, në anën tjetër, pritet të formalizohet në mbrëmje. Sipas gazetës, që iu referohet burimeve të DPA-së, si kompromis i kësaj zgjidhjeje të përkohshme është arritur që Qeveria e Kosovës të pranojë funksionimin e dy pikave kufitare, pa doganierë dhe pa policë, ashtu siç serbët kanë pranuar dhe janë pajtuar që mallrat serbe nuk do të kalohen si më parë Kosovë. Kjo marrëveshje është e përkohshme me qëllim të fitimit të kohës për negociata dhe zgjidhje më afatgjatë, shkruan “Sueddeutsche”, transmeton Zëri.
Marrëveshja parasheh heqjen e të gjitha barrikadave të krijuara nga serbët, veçanërisht atë në Rudarë, në të cilën janë krijuar bllokada masive.
Pikë kryesore e këtij kompromisi është KFOR-i, i cili, së paku deri në mes të shtatorit, do të kontrollojë dy pikat kufitare, atë në Jarinjë G1 dhe atë në Bërnjakë G31. Ndihmat humanitare do të lejohen në Kosovë vetëm atëherë kur një organizatë e pavarur ndërkombëtare të ketë vlerësuar paraprakisht nevojën. KFOR-i do t’i kontrollojë të gjithë personat dhe automjetet, sidomos për armë. Gjithashtu është arritur marrëveshje që “kalimet e tepërta” mes Serbisë dhe Kosovës do të kontrollohen. Qeveria e Kosovës frikësohet se edhe politikanët serbë mund të kalojnë pa kontrolla në këto pika kufitare. Qeveria e Kosovës i kishte paralajmëruar negociatorët e Serbisë me arrestim. Sipas gazetës, të dy palët kanë bërë lëshime në pikat kryesore. Serbët e kanë pranuar ndalimin e importit për artikujt e tyre. Qeveria e Kosovës ka bërë lëshim, duke u pajtuar që të mos vendosen doganierë dhe Policia Kufitare në këto dy pika. Por, problemi kryesor nuk është zgjidhur me këtë kompromis. Serbët refuzojnë njohjen e vulave të Doganave të Kosovës dhe për këtë i kanë ndaluar të gjitha importet nga Kosova. Qeveria e Kosovës u përgjigj me ndalimin e importit të mallrave serbe. Qeveria e Kosovës i kishte futur nën kontroll këto dy pika me mjetet e forcës. Ekstremistë serbë u përgjigjen, duke djegur pikën kufitare në Jarinjë. Si reagim, KFOR i mori të dy pikat kufitare nën kontroll, derisa serbët krijuan barrikada dhe bllokime të rrugëve, thuhet në artikullin e gazetës /Sueddeutsche”./

Terri informativ i Presidencës së Kosovës
E Premte, 05 Gusht 2011 13:50
Prishtinë – Ilir Deda, Këshilltar i Lartë Politik dhe Shef i Stafit të Presidentes së Kosovës, Atifete Jahjaga, ka qenë njeriu më i papërgjegjshëm në hierarkinë institucionale në ditën e parë të operacionit të madh të Qeverisë së Kosovës në veri të vendit.<br>
Ai, në ditën kritike, nga plazhet e Budvës ua ka bërë ”block” të gjitha informacioneve që, me destinacion Presidencën e Kosovës, i janë adresuar atij nga zyrtarë të Qeverisë së Kosovës. Kjo papërgjegjësi e ka historinë e saj…<br>
Të gjithëve iu ka bërë përshtypje reagimi shumë i vonshëm i Presidencës së Kosovës, në ditën kritike të ndërmarrjes së operacionit të qeverisë për futjen nën kontroll të pikave kufitare 1 dhe 31, në veri të vendit.
Presidentja Jahjaga ka reaguar më shumë se 24 orë me vonesë dhe vetëm pasi që në zyrën e saj kanë shkuar zyrtarë të lartë të Qeverisë së Kosovës, për t’ia kujtuar se duhet të prononcohet. Sipas burimeve të Portalit LajmeShqip.com, këtë e ka bërë vetë Zv/kryeministri Hajredin Kuqi, njëherit ministër i Drejtësisë. Ai, i shoqëruar nga bashkëpunëtorë të Thaçit, ka trokitur në selinë e Jahjagës, për t’ia kujtuar se presidenca duhet të flasë, derisa Republika e Kosovës ka ndërmarrë aksionin më të rëndësishëm që prej formimit të institucioneve. <br>
Burime të sigurta të Portalit bëjnë të ditur se, Presidentja Jahjaga e kishte pasur përgjigjen e saj në krejt këtë. “Asnjë informatë s’ma keni përcjellë, zyrtarisht dhe konform rregullave, rreth rrjedhës së operacionit, deri më tani. Ecurinë e tij kam kuptuar vetëm nga mediat”, i ka thënë Kuqit e para e Republikës së Kosovës.<br>
Ndërkohë, Qeveria e Kosoës i ka sqaruar Presidentes Jahjaga, se të gjitha informatat janë adresuar me kohë dhe përmes rrugës zyrtare, në telefonin dhe adresën e Këshilltarit të saj të Lartë Politik, Ilir Dedës. Por, Deda, gjendej në brigjet e Adriatikut, dhe nuk kishte denjuar ta përqëndrojë vëmendjen aty ku atë ditë po përqëndrohej e tërë Kosova dhe Evropa në Pikat kufitare 1 dhe 31.
Detaji domethënës ka mundur ta lëkundë skenën politike dhe stabilitetin e Qeverisë së Kosovës, në orët më kritike, derisa aksioni i 25 korrikut ishte duke ndodhur.<br>
Burime të Portalit LajmeShqip.com bëjnë të ditur se komunikimi për njoftimin e Presidencës nga Qeveria e Kosovës gjatë 48 orëve të para të aksionit të 25 korrikut ka qenë në momente kritike, për arsye se këshilltari i parë i Presidentes ka qenë në pushime dhe nuk e ka parë të rrugës të kthehet menjëherë në Kosovë.
Burime brenda Presidencës së Kosovës bëjnë të ditur se këshilltari Ilir Deda, së paku gjatë 48 orëve të aksionit ka qëndruar në pushime dhe nuk e ka parë të arsyeshme të kthehet për të raportuar tek presidentja.<br>
Madje, burimi thotë se për pak sa nuk ka pasur edhe reagim publik nga presidentja për “injorimin” që i është bërë nga Qeveria, sepse nuk ka qenë thuajse aspak e informuar me atë se çka ka ndodhur në aksionin e ndërmarrë nga Kryeministri Thaçi për të kthyer rendin dhe Ligjin në Veriun e Kosovës. Kjo lë të kuptohet se Ilir Deda informatat që i ka përcjellë qeveria, nuk ia ka përcjell Presidentes Jahjaga.
Burimi tjetër konfirmon se qeveria ka raportuar sipas Ligjit dhe obligimit. Raportimi nga Qeveria është bërë përmes Vlora Çitakut, ministre e Ministrisë së Integrimeve të Republikës së Kosovësm e cila rregullisht dhe vazhdimit e ka njoftuar Dedën, si Këshilltarin e parë të Presidentes Jahjaga. Por, ai, nga plazhet e Budvës, nuk i ka çuar në vend informatat dhe gjithçka është pasuar me një konfuzion e paqartësi të thellë, me moskomunikim ndërmjet dy institucioneve të vendit, në ditën e mobilizimit të madh. (LajmeShqip.com)


Lajmet
- E enjte, 04 gusht, 2011

...gjendja ne veri te Kosoves
..njoftimet me te reja:

- Daçiç: Për Serbinë i rëndësishëm është aksioni në Kosovë, jo BE-ja
- Huliganët serbë kanë prerë asfaltin në fshatin Jegenicë, në aksin Mitrovicë-Zubin Potok.
- Ministrat serbë ftohen ta braktisin Qeverinë e Kosovës
- Vetëvendosja ka kërkuar sërish që të shpallet gjendja e jashtëzakonshme
- Vetëvendosje qeverisë: Mos u ligshtoni!


LIVE:Për Serbinë i rëndësishëm është aksioni në Kosovë – jo BE-ja, tha Daçiç
Mitrovicë, 19:05 – Ish-bashkëpunëtori më i afërt i kriminelit Millosheviq, tash nënkryetar i partisë së tij (SPS) dhe ministër i Brendshëm në Qeverinë e Serbisë, Ivica Daçiç, ka thënë se sot për Serbinë më i rëndësishëm është aksioni në Kosovës se sa hyrja në Bashkimin Evropian.
Deklarata e Daçiçit vlerësohet si një dëshmi tjetër shtesë për prezencën e policisë dhe të ushtrisë serbe dhe implikimin e saj në zhvillimet në veri të Kosovës.


Ministrat serbë ftohen ta braktisin Qeverinë e Kosovës
Mitrovicë, 18:19 – Sipas informatave të fundit nga terreni KFOR ka hapur kalimin në pikën kufitare G31, ndërsa serbët kanë lejuar kalimin e një konvoji të KFOR-it nga kampi “Nothing Hill” në Leposaviq për në jug.

Huliganët serbë kanë prerë asfaltin në Jegenicë
Mitrovicë, 18:19 – Sipas informatave të fundit nga terreni KFOR ka hapur kalimin në pikën kufitare G31, ndërsa serbët kanë lejuar kalimin e një konvoji të KFOR-it nga kampi “Nothing Hill” në Leposaviq për në jug.

Mitrovicë, 17:18 – Huliganët serbë të veriut e kanë dëmtuar, duke e bërë të pakalueshme rrugën në fshatin Jegenicë, në aksin Mitrovicë-Zubin Potok.

Ata e kanë prerë asfalti komplet dhe kanë krijuar hendek të pakalueshëm.

Pika e KFOR-it në të cilën kanë qenë të vendosur ushtarë ukrainas, është braktisur, ndërsa KFOR francez nuk ka arritur të depërton shkaku i dëmtimit të rrugës.

Mitrovicë, 17:10 – Në këto momente ka filluar takimi midis Borisllav Stefanoviqit dhe gjeneralit Erhard Buhler, në kampin “Nothing Hill”. Buhler, para pak çastesh erdhi nga Prishtina.

Ndërkohë, serbëte veriut kanë kërkuar të jenë të unifikuar dhe që shtabi i tyre i krizës të jetë më aktiv dhe të përfshihet në bisedime.

Shtabi serb i krizës në veri, gjithashtu, kërkoi që serbët që janë në Qeverinë e Kosovës të japin dorëheqje dhe t’i lëshojnë institucionet e Kosovës.

Mitrovicë, 16:45 – Burime të portalit konfirmojnë se pika kufitare nr. 31, në Bërnjak, është mbyllur për qarkullim nga ora 13:00 nga KFOR-i, ndërsa janë kthyer mbrapshtë të gjithë kamionët me mallra humanitare.

Ndërkohë, është bërë e ditur se pozicionet më radikale kundër marrëveshjes Buhler-Stefanoviq i kanë mbajtur përfaqësuesit e MUP-it serb dhe kryetarët e komunave Leposaviq dhe Zubin-Potok.

Në orët e mbrëmjes pritet një takim midis Buhleri dhe Bosrko Stefanoviqit dhe Goran Bogdanoviqit.

Mitrovicë, 16:21 – Përfaqësues të strukturave paralele serbe nuk e kanë pranuar marrëveshjen midis gjeneralit Buhler dhe Borisllav Stefanoviqit.

Në takimin e sapopërfunduar në Zveçan, udhëheqësit e të të ashtuquajturës Bashkësi e komunave serbe të veriut, kanë mbajtur qëndrim për vazhdimin e barrikadave në rrugët në veri të Kosovës.

Ata kanë kërkuar largimin e KFOR-it nga pikat kufitare në Bërrnjak e Jarinje dhe kthimin e gjendjes së para 25 korrikut.

Sikur se ka raportuar në vazhdimësi portali LajmeShqip.com, Borisllav Stefanoviq, Goran Bogdanoviq dhe përfaqësues të MUP-t dhe të Mbrotjes Civile, që është pjesë e ushtrisë serbe, kanë nisur takimin me të ashtuquajturin kryeshef i qarkut të Mitrovicës Radenko Nedelkoviq, kryetarin e Mitrovicës Krstimir Pantiq, atë të Zveçanit, Dragisha Pantiq, atë të Leposaviqit Branko Niniq, dhe atë të Zubin Potokut, Sllavisha Ristiq, sot, në orën 12:00, për ta diskutuar marrëveshjen Buhler-Stefanoviq.

Mitrovicë, 13:12 – Po dëshmohet e disfavorshme marrëveshja Buhler-Stefanoviq.

Pa doganë në Kosovë do të hyjnë të gjithë kamionët deri në 3.5 tonë. Do të doganohen vetëm ata mbi këtë peshë.

Kjo po kontribuon që të zhvillohet pa probleme kontrabanda në veri të Kosovës.

Një autobot me 10 ton karburante po zbrazet në këto momente në një pikë karburanti të Milankut, në afrësi të Tre Rrokaqiejve në veri të Mitrovicës, në rrugën që lidh me fshatin Suhodoll.

Ai nuk po pengohet nga askush.

Prishtinë, 12:59 – Zv/kryeministrja kosovare dhe Ministrja e Tregtisë dhe Industrisë, Mimoza Kusari-Lila, ka konfirmuar se Qeveria e Kosovës ka lejuar “futjen e 75 tonëve me ushqime nga Kryqi i Kuq, të destinuara për veriun e Kosovës”.

Prishtinë, 12:31 – Zbrapset Prishtina zyrtare. Përfaqësues të Qeverisë së Kosovës kanë thënë se e pranojnë marrëveshjen Buhler-Stefanoviq.

“Automjetet deri në 3.5 tonë do të lejohen të hyjnë vetëm me mallra humanitare, por jo edhe me ato komerciale. Mallrat humanitare do të lejohen vetëm nëse konstatohet nga pala e tretë se ka krizë humanitare në veri. Kosova i ka kërkuar Kryqit të Kuq që të konstatojë situatën në veri, nëse ka krizë ose jo”, ka deklaruar Zv/kryeministrja kosovare dhe ministrja e Tregtisë e Industrisë, Mimoza Kusari-Lila.

Prishtinë, 12:03 – Kryeministri Thaçi, në një takim të Qeverisë së Kosovës, sot, njoftoi se e ka takuar gjeneralin Buhler, të cilit i ka thënë edhe një herë qartë se “nuk ka kthim prapa”.

Thaçi, po ashtu, bëri të ditur se Buhler nuk ia kakërkuar një gjë të tillë.

Ndërkohë, Zv/kryeministrja Mimoza Kusari-Lila, ka bërë të ditur përkushtimin dhe vendosmërinë për reciprocitet të plotë edhe në vazhdim.

Mitrovicë, 11:55 – Burime të portalit LajmeShqip.com, bëjnë të ditur se misioni i EULEX-it, me një urdhër të brendshëm ka kërkuar nga pjesëtarët e tij në veri të Mitrovicës, që të zhvendosen në jug, për shkak të shkallës së rrezikshmërisë.

Pas kësaj, të gjithë pjesëtarët e këtij misioni janë tërhequr në jug të Mitrovicës, ndërkohë që një pjesë e tyre janë duke fjetur në barakat e EULEX-it.

Mitrovicë, 11:49 – Në orën 12:00, pritet të mbahet takimi i të ashtuquajturës Bashkësi e Komunave Serbe në veri, ku do të jenë prezentë edhe Borisllav Stefanoviq, Goran Bogdanoviq, përfaqësuesit e MUP-it serb dhe ata të Mbrojtjes Civile, që është pjesë e ushtrisë serbe.

Temë e takimit pritet të jetë heqja e barrikadave në rrugët në veri të Kosovës, sipas marrëveshjes Buhler-Stefanoviq.

Burimet e portalit bëjnë të ditur, po ashtu, se serbët e veriut janë të shqetësuar me refuzimin e Qeverisë së Kosovës për ta pranuar marrëveshjen Buhler-Stefanoviq.

Mitrovicë, 10:19 – Krerë të MUP-it serb dhe të mbrojtjes civile, që janë pjesë e ushtrisë së Serbisë, janë bashkë me Borko Stefanoviqin dhe Goran Bogdanoviqin në një takim që po mbahet në këto momente me kryetarët e komunave nga strukturat paralele serbe në veri të Mitrovicës – të ashtuquajturin kryeshef i qarkut të Mitrovicës Radenko Nedelkoviq, kryetarin e Mitrovicës Krstimir Pantiq, atë të Zveçanit, Dragisha Pantiq, atë të Leposaviqit Branko Niniq, dhe atë të Zubin Potokut, Sllavisha Ristiq.

Takimi ka për temë diskutimet rreth marrëveshjes së mbrëmshme të Borisllav Stefanoviqit me komandantin e KFOR-it, Erhard Buhler.

Prishtinë (E ENJTE, 4 gusht), 09:30 – Janë takuar mbrëmë vonë kryeministri i Kosovës Hashim Thaçi dhe komandanti i KFOR-it, Erhard Buhler. Ata janë takuar menjëherë pas lëshimit të komunikatave – asaj të KFOR-it për marrëveshjen me Stefanoviqin dhe asaj të Qeverisë së Kosovës, për mospranimin e kësaj marrëveshjeje.
Kryeministri Thaçi dhe gjenerali Buhler, në orët e vona të mbrëmjes kanë zhvilluar konsulta lidhur me zhvillimet e orëve të fundit, rreth situatës në veri të Kosovës dhe angazhimeve të KFOR-it për debllokimin e rrugëve dhe kontrollimin e plotë të pikave 1 dhe 31, thuhet në një njoftim zyrtar të Qeverisë së Kosovës.
”Është konstatuar se nuk ka kthim prapa, do të vazhdojë kontrolli i plotë i pikave 1 dhe 31 dhe domosdoshmëria për heqjen e bllokadave rrugore dhe krijimin e plotë të kushteve të sigurisë për të gjithë qytetarët në veri”, thuhet në njoftimin rreth takimit, ndërkohë që bëhet e ditur se “konsultat shtesë do të vazhdojnë edhe sot”./lajmeshqip/

Vetëvendosja ka kërkuar sërish që të shpallet gjendja e jashtëzakonshme
Vetëvendosje qeverisë: Mos u ligshtoni!
04.08.2011/15:03 - E Enjte
Kryeministri e Presidentja tek Njësia Speciale
Lëvizja e Albin Kurtit ka reaguar për arritjen e marrëveshjes ndërmjet KFOR-it dhe përfaqësuesve serbë, duke pohuar se ajo e defaktorizon qeverinë e Kosovës, dhe nuk merret më parasysh.
”Fakti se forcat e KFOR-it po negociojnë me përfaqësuesit e shtetit serb, Borislav Stefanoviç dhe Goran Bogdanoviç, është treguesi më i saktë i situatës në terren. Ata të cilët kanë fuqi në terren, ata edhe po negociojnë. Ndërsa, nga deklaratat e Qeverisë së Kosovës, të mbrëmjes së 3 gushtit, (së pari që nuk e pranojnë marrëveshjen, e më pastaj që e pranojnë pasi ua ka shpjeguar komandanti i KFOR-it, Buhler) kuptojmë se Qeveria e Kosovës po sillet si një spektator që vështron nga mediet marrëveshjet për territorin dhe kufijtë e vet, dhe më pastaj komenton dhe vlerëson këto marrëveshje, po ashtu nga larg. Qeverinë e Kosovës në veri e ka faktorizuar aksioni i forcave speciale policore. Pa praninë dhe veprimin e vazhdueshëm të këtyre forcave në veri, Qeveria defaktorizohet dhe nuk merret më parasysh, ashtu si ndodhi në marrëveshjen e mbrëmshme midis KFOR-it e Serbisë.”, thuhet në një komunikatë.
Aty thuhet se KFOR-i nuk mund të bëjë marrëveshje me Serbinë, dhe është ftuar qeveria që të mos tërhiqet por të insistojë për shtrirjen e sovranitetit në krejt territorin.
Vetëvendosja ka kërkuar sërish që të shpallet gjendja e jashtëzakonshme. /indeksonline/

Buhler- Stefanovic në takimin e fundit
04.08.2011/17:36 - E Enjte
Buhler - Stefanovic
Pas konsultimeve gjatë ditës me qeverinë dhe kryeministrin e vendit, Komandanti i KFOR-it, Erhard Buhler rreth orës 18:00 do të hyjë në takimin përfundimtar me shefin e delegacionit serb në negociata, Borislav Stefanovic.
Pritet që aty ajo që u quajt draft-marrëveshje të bëhet përfundimisht marrëveshje. Kjo pritet të çojë në zhbollkimin e rrugëve, por ende nuk është e qartë nëse do të lejohen kamionë me mallra serbe të futen në pikat 1 e 31. /indeksonline/

Franca s’e do veriun si ka qenë
04.08.2011/16:14 - E Enjte
Franca ka theksuar se situata në veri nuk mund të kthehet siç ka qenë para 25 korrikut. Këtë njoftim e ka bërë ambasadori francez në Prishtinë, Jean François Fitou, për Radio Dukagjinin.
“Në eksperiencën time, kur koha kalon është e pamundur që të kthehet prapa. Është e pamundur që gjërat të bëhen ashtu siç kanë qenë para se ato të ndodhin. Diçka që ka ndodhur me 25 korrik , nuk pres që të kthehet ashtu siç ka qenë para asaj date. Duhet qenë kreativ në mënyrën se si mendojmë.” ka thënë Fitou.
Deklarata e ambasadorit francez Fitou përputhet plotësisht me demarshin që i kanë dërguar vendet e Quintit, Serbisë.
Ambasadori Francez Jean François Fitou ka konfirmuar se janë në bisedime me Kosovën dhe Serbinë në mënyrë që të ulën tensionet.
“Ne duhet tu bëjmë thirrje të gjitha palëve të përfshira që të mos bëjnë asgjë që mund ta përkeqësonin situatën më shumë.” ka përfunduar njeriu i parë i Francës në Kosovë , Fitou.Buhler- Stefanovic në takimin e fundit.

Fardi Zarif , kreu i përkohshëm i UNMIK-ut
Ka mbërritur sot në Prishtinë ushtruesi i detyrës së të dërguarit të posacëm të OKB-së në Kosovë, Farid Zarif.
Postuar: 09:53:02 / 04.08.2011
Lajmin e ka bërë të ditur administrata e UNMIK-ut, përmes një komunikate për shtyp, në të cilën është publikuar edhe eksperienca e të dërguarit.
Kështu, sipas njoftimi, Fardi Zarif është nga Afganistani dhe më parë ka punuar si zv/koordinator humanitar i OKB-së në Bagdad, në vitet ’90 si shef i stafit të misionit të OKB-së në Irak dhe më pas me të njëjtën detyrë në Sudan.
Gjithashtu, ai ka qenë diplomat karriere në Afganistan, ku ka shërbyer edhe si zëvendësministër i Punëve të Jashtme.
Zoti Zarif ka përfunduar studimet e larta për drejtësi, diplomaci dhe marrëdhënie ndërkombëtare në Universitetin e Kabulit.
Deri më 20 gusht të vitit 2010 ai ka qenë drejtor i divizionit për Evropën dhe Amerikën Latine në Departamentin e operacioneve paqeruajtëse të OKB-së.

Stefanoviq: Mospajtimi i dëmshëm për stabilitetin e përgjithshëm
Beograd, 4 gusht 2011 Koha: 09:52
Shefi i ekipit të Serbisë në bisedimet me Kosovën, Borisllav Stefanoviq deklaroi se nëse është e vërtetë se Qeveria e Kosovës nuk pajtohet me marrëveshjen e arritur ndërmjet KFOR-it dhe zyrtarëve serbë, kjo sipas tij do të ishte shumë e dëmshme për stabilitetin e përgjithshëm. Ai mbrëmë vonë, për mediat serbe, vlerësoi se marrëveshja e arritur ndërmjet komandantit të KFOR-it, Erhard Buhler dhe zyrtarëve serbë, Borisllav Stefanoviq e Goran Bogdanoviq, në masë të madhe është e mirë për qetësimin e situatës dhe kthim në procesin e bisedimeve. Pak kohë pas publikimit të marrëveshjes ndërmjet KFOR-it dhe përfaqësuesve serbë, Qeveria e Kosovës, e vlerësoi të papranueshme draftmarrëveshjen e prezantuar në opinion, e arritur në mes të gjeneralit të KFOR-it, Erhard Buhler dhe zyrtarit serb, Borko Stefanoviq, të përmbledhur në tri pika.
Përmes një komunikate për media Qeveria e Republikës së Kosovës, theksoi se duke respektuar në plotëni Kushtetutën dhe ligjet e Kosovës, si shtet sovran dhe i pavarur e autonom në vendim marrje, njoftoi opinionin publik vendor dhe ndërkombëtar, se kjo draftmarrëveshje është e papranueshme për Qeverinë e Republikës së Kosovës dhe e parealizueshme në territorin e Republikës së Kosovës.
Komandanti i KFOR-it, gjenerali Erhard Buhler, shefi i ekipit negociator serb, Borisllav Stefanoviq dhe i ashtuquajturi ministri për Kosovën pranë Qeverisë së Serbisë, Goran Bogdanoviq, gjatë një takimi të mërkurën mbrëma kanë arritur një marrëveshje, e cila parashikon që në pikat kufitare 1 dhe 31 sistemi i tanishëm i kontrollit do të vazhdojë i pandryshuar deri në mes të shtatorit, veturat, kamionët me peshë deri në 3.5 tonë dhe kamionët që transportojnë ndihma humanitare, përfshirë edhe ushqimin, mund të kalojnë pas kontrollimit të identitetit dhe kontrollit për armë, si dhe të largohen bllokadat rrugore dhe rivendosja e lirisë së qarkullimit.
Sipas marrëveshjes së arritur në kampin e KFOR-it, “Nothin Hill” te Leposaviqi, KFOR-i mban komandën dhe kontrollin në kalimet kufitare 1 dhe 31 dhe që afati kohor i sistemit të tanishëm të kontrollit nga ana e KFOR-it në këto dy pika nëse do të jetë e nevojshme mund të vazhdojë edhe pas mesit të shtatorit./Kosovapress/

Veriu, s'ka kthim prapa
04.08.2011/09:15 - E Enjte
Kryeministri i Republikës së Kosovës, Hashim Thaçi dhe Gjenerali i KFOR-it, Erhard Buhler, në orët e vona të mbrëmjes kanë zhvilluar konsulta lidhur me zhvillimet e orëve të fundit, rreth situatës në veri të Kosovës dhe angazhimeve të KFOR-it për debllokimin e rrugëve dhe kontrollimin e plotë të pikave 1 dhe 31.
Në një komunikatë për media, qeveria thekson se "Është konstatuar se nuk ka kthim prapa, do të vazhdoj kontrolli i plotë i pikave 1 dhe 31, domosdoshmëria për heqjen e bllokadave rrugore dhe krijimin e plotë të kushteve të sigurisë për të gjithë qytetarët në veri".
Konsultat shtesë do të vazhdojnë edhe sot. /indeksonline/

Quinti Serbisë: Duart larg Kosovës
04.08.2011/02:23 - E Enjte
Duart larg Kosovës!
5 shtetet e forta të botës, SHBA- Britania e Madhe, Gjermania, Franca dhe Italia i kanë dërguar një demarsh të mërkurën mbrëma Serbisë, në të cilën i është bërë e ditur se nuk ka kthim prapa situatës së 25 korrikut.
Lajmin e bëjnë të ditur mediat serbe, që citojnë burime të afërta me qeverinë në Beograd që e ka pranuar demarshin. Në të fuqitë perëndimore propozojnë një formulë të re të kontrollimit të kufijve, të tillë që raportohet se e ka propozuar Robert Cooper.
“Deri më tani në kalimet administrative ka pasur serbë dhe joshqiptarë që janë ndihmuar nga EULEX-i. Sipas modelit të ri në të ardhmen aty do të jenë tre serbë, tre shqiptarë dhe dy policë të EULEX-it. Është kërkuar me ultimatum që Serbia të ndalojë kontrollin e veriut të Kosovës nëpërmjet strukturave paralele”, ka thënë burimi për Alo, duke iu referuar demarshit.
Agjencia gjermane e lajmeve, DPA, raportoi se Robert Cooper propozoi kontrollin e kufijve nga policë e doganierë shqiptarë e serbë, dhe tha se mund të hyjnë vetura, por jo kamionë me mallra. /indeksonline/

Qeveria nuk e pranon marrëveshjen
03.08.2011 - E Mërkurë
23:45- Në momentin që Qeveria e Kosovës po bëhej gati të lëshonte komunikatën për media, ku refuzonte marrëveshjen e KFOR-it, një zyrtare e lartë e Qeverisë, e pohonte të kundërtën. Zv.kryeministrja e Kosovës, dhe ministrja e Tregtisë dhe Industrisë, Mimoza Kusari Lila i tha emisionit Interaktiv nëpërmjet telefonit se marrëveshja është e mirëseradhur dhe pas konsultimeve që ka pasur me Komandantin e KFOR-it, është e bindur se qëllim kryesor ka largimin e barrikadave. Në pak minuta, fjalët e Kusari - Lilës nuk dolën aspak. Qeveria e Kosovës komunikoi në pak rreshta përmes komunikatës duke mos e pranuar marrëveshjen e arritur nga KFOR-i me përfaqësuesit serbë.
23:19 Qeveria e Republikës së Kosovës, e vlerëson të papranueshme draft-marrëveshjen e prezantuar në opinion, e arritur në mes të Gjeneralit të KFOR-it, Erhard Buhler dhe zyrtarit serb, Stefanoviq, të përmbledhur në tri pika, thuhet në një reagim të Qeverisë të lëshuar para pak kohe. “Qeveria e Republikës së Kosovës, duke respektuar në plotëni Kushtetutën dhe ligjet e Kosovës, si shtet sovran dhe i pavarur e autonom në vendim marrje, njofton opinionin publik vendor dhe ndërkombëtar se kjo draftmarrëveshje është e papranueshme për Qeverinë e Republikës së Kosovës dhe e parealizueshme në territorin e Republikës së Kosovës”, thuhet në reagim. Qeveria e Republikës së Kosovës do të respektoj në përpikmëri masat e reciprocitetit me Serbinë.
“Qeveria e Republikës së Kosovës mirëpret përpjekjet e KFOR-it për zhbllokimin e rrugëve dhe krijimin e një ambienti të sigurt për të gjithë qytetarët e Kosovës, detyra këto në përputhje me mandatin që e ka KFOR-i. Për Kosovën nuk do të ketë kthim prapa në gjendjen e para 25 korrikut”, thuhet në fund të reagimit.
21:30 KFOR-i njofton se ka arritur marrëveshje me përfaqësues të Qeverisë së Serbisë, por që mund të implementohet gjatë ditëve në vijim. Sipas një komunikate të KFOR-it thuhet se "Komandanti i KFOR-it, Gjenerali Erhard Buhler, shefi i ekipit negociator, Borislav Stefanovic dhe Ministri Goran Bogdanovic, sot më 3 Gusht 2011 në orët e hershme të mbrëmjes kanë shkëmbyer për herë të dytë pikëpamjet mbi situaten e tanishme në veri të Kosovës dhe diskutuan për mënyrën e zgjidhjes së problemeve atje. Takimi u mbajt në kampin e KFOR-it Nothing Hill. Ata zhvilluan dhe hartuan një marrëveshje".
Në të parashihet
· Në portën 1 (vendkalimi kufitar në Jarinje) dhe portën 31 (vendkalimi kufitar në Bernjak) sistemi i tanishëm i kontrollit do të vazhdojë i pandryshuar deri në mes të muajit Shtator 2011. Nëse është e nevojshme, kjo kornizë kohore mund të zgjatet. KFOR-i mban komandën dhe kontrollin në kalimet kufitare.
· Veturat, kamionët me peshë deri në 3.5 tonë dhe kamionët që transportojnë ndihma humanitare, përfshirë edhe ushqimin, mund të kalojnë pas kontrollimit të identitetit dhe kontrollit për armë. · Bllokadat rrugore do të hiqen dhe liria e lëvizjes do të rivendoset.
Për bisedimet, Komandanti i KFOR-it ka pasur autoritetin e plotë e të gjitha nstitucioneve të përfshira. Kryenegociatori Borislav Stefanovic dhe Ministri Goran Bogdanovic do ta koordinojnë marrëveshjen me Presidentin e Sërbisë dhe autoritetet tjera të involvuara nga pala Serbe. Marrëveshja mund të implementohet gjatë ditëve në vijim. Megjithatë nuk theksohet asgjë për hapat mas shtatorit, nëse do të vendosen doganierë apo sërish do të diskutohet pasi të përfundoj marrëveshja që thuhet deri në mes të shtatorit. /indeksonline/

lajmet te tjera:
Bulqizë-
Minatorët: Të ndërhyjë qeveria dhe ambasada
04/08/2011 17:00
Komisioni i grevës së minatorëve pas një mbledhje kanë vendosur që të kërkojnë ndërhyrjen e qeverisë shqiptare dhe ambasadës austriake për zgjidhje e kërkesave të tyre, gjë e cila do të çonte në ndërprerjen e grevës së urisë që ka hyrë në ditën e 11-të.
Ata kanë akuzuar për “lojë të pisët” përfaqësuesit e firmës austriake ACR pasi kreu i Federatës së Industrisë Taf Koleci pretendon se Giga Bedineishvili i ka ofruar para në shkëmbim të mbylljes së protestave.
Kjo deklaratë vjen në një kohë kur administratori i ACR-së Bedineishvili ka kërkuar që në negociatat mes firmës dhe minatorëve ata të mos përfaqësohen nga Koleci dhe kreut të sindikatës Kolë NikollaMinatorët e Bulqizës kanë hyrë sot në ditën e 11 të grevës së urisë.
Përfaqësues të kompanisë ACR kanë udhëtuar drejt Bulqizës, ku pritet të zhvillojnë një takim me minatorët. Administratori i kompanisë ACR, Giga Bedineishvili, ka njoftuar se nuk pranon të ulet në bisedime nëse pjesë e tyre janë Kolë Nikolla dhe Taf Koleci, të cilët sipas tij kanë dhunuar ACR-në.
Nga ana e tij, kreu i Konfederatës së Sindikatave, Kolë Nikolla, e ka quajtur shantazh kushtin e vënë nga administratori i ACR-së për bisedimet.
Një ditë më parë, kryebashkiaku i Bulqizës, Roland Keta, mori rolin e ndërmjetësit për uljen në një tryezë të përbashkët të minatorëve dhe përfaqësuesve të kompanisë ACR për gjetjen e një zgjidhjeje.
Kompania ACR iu përgjigjigj pozitivisht ftesës së kreut të Bashkisë së Bulqizës, ndërkohë që edhe minatorët kanë shprehur vullnetin për nisjen e bisedimeve, pavarësisht se shprehen të gatshëm ta vazhdojnë grevën deri në arritjen e një marrëveshjeje të firmosur mes përfaqësuesve të tyre dhe kompanisë ACR.
Gjendja shëndetësore e minatorëve të Bulqizës, prej 11 ditën në grevë urie në nivelin e 14 të minierës, sa vjen e rëndohet. Aktualisht, 13 minatorë vazhdojnë grevën 1400 metër nën tokë, pasi dy të tjerët u dërguan në spital pas përkeqësimit të gjendjes shëndetësore.

Elbasan, shkrumbohet teatri “Skampa”
04/08/2011 16:54
Përfshihet nga flakët teatri “Skampa” në qytetin e Elbasanit. Gazetarja e “Shekullit” në vendngjarje raporton se zjarri ka përfshirë ambjentet e brendshme. Janë djegur skena, holli, karriget, gjithçka e shkrumbuar. Godina e ndërtuar në vitin 1930 u shkrumbua brenda pak orëve.
Mësohet se zjarri ra fillimisht në një hotel ngjitur me teatrin por më pas ai u përhap duke prekur edhe atë. Në vendin e ngjarjes deri në këto momente (16:52) kanë mbërritur vetëm dy zjarrfikëse të cilat duket se e kanë të vështirë të vënë nën kontroll situatën.


Lajmet
- E mërkurë, 03 gusht, 2011

...gjendja ne veri te Kosoves
...njoftimet me te reja:
..njoftimet me te reja:
Dell: Prishtina, e aftë për vetëvendosje
03.08.2011/17:00 - E Mërkurë
Ambasadori i SHBA-së në vend, Christopher Dell replikon me presidentin e Serbisë, Boris Tadiq. Ai i ka thënë atij nga Badoci se institucionet e Kosovës janë të afta dhe kanë kapacitet të marrn vendimet vetë.
“Beogradi duhet ta pranojë dhe ta kuptojë se institucionet e Kosovës janë këtu përgjithmonë dhe kanë kapacitete të marrin vendimet e veta vetë, për vendin e vet. Këto dy shtete duhet të bashkëjetojnë dhe të respektojnë vendimet e njëri tjetrit.”, ka thënë Dell gjatë vënies së gurthemelit të shtëpisë së kulturës në fshatin Badoc. /indeksonline/

Dell: Kosova, e aftë t’i marrë vetë vendimet
Ambasadori amerikan në Prishtinë, Christopher Dell ka deklaruar se institucionet e Kosovës janë të afta dhe kanë kapacitetet e duhura për t’i marrë vetë vendimet.
Me këtë deklaratë, Dell i është kundërpërgjigjur akuzave të bëra ndaj tij nga presidenti serb Boris Tadic, se po ndërhyn në politikën e Prishtinës zyrtare.
“E falenderoj Tadic për akuzat”, ka deklaruar me ironi Dell, duke shtuar se, “Beogradi duhet ta pranojë dhe ta kuptojë se institucionet e Kosovës kanë kapacitetet e duhura për t’i marrë vetë vendimet për vendin e tyre”.
Ambasadori amerikan ka shtuar se Serbia dhe Kosova tani duhet të bashkëjetojnë dhe të respektojnë vendimet e njëra-tjetrës. /tch/

Institucionet e Kosovës janë të afta të marrin vetë vendimet
Ambasadori amerikan në Prishtinë, Kristiofer Dell iu ka përgjigjur sot presidentit të Serbisë Boris Tadiq, duke i thënë se institucionet e Kosovës janë të afta dhe kanë kapacitet të marrin vendimet vetë.
Me ironi, Delli e ka falënderuar Tadiqin, i cili e ka akuzuar atë se po ndërhyn në Prishtinën zyrtare kundër Serbisë. Por Dell ka theksuar se Beogradi duhet ta pranojë dhe ta kuptojë se institucionet e Kosovës janë këtu përgjithmonë dhe kanë kapacitete të marrin vendime e veta vetë, për vendin e vet. Këto dy shtete duhet të bashkëjetojnë dhe të respektojnë vendimet e njëri tjetrit. Dell i ka bërë këto koment gjatë vënies së gurthemelit të shtëpisë së kulturës në fshatin Badoc./rtk/

Stefanoviq përpiqet t'i bindë serbët për zhbllokim të rrugës
Mitrovicë, 3 gusht 2011 ora: 18:15
Shefi i ekipit serb në bisedime me Kosovën, Borislav Stefanoviq, ka kërkuar të mërkurën nga qytetarët serbë në Rudare që të mundësojnë kalimin e lirë të ushtarëve të KFOR-it.
“Ju lutem lejoni që ushtarët e KFOR-it të kalojnë lirshëm në mënyrë që KFOR-i të furnizojë bazën e vet në Leposaviq”, ka thënë para të tubuarve Stefanoviq, duke shtuar se i është premtuar se KFOR-i do të dërgojë vetëm ushqime, ujë dhe derivate në këtë bazë.
Mësohet se zhbllokimi i rrugëve është parakusht për vazhdimin e bisedimeve ndërmjet komandantit të KFOR-it Erhard Buhler dhe Borisllav Stefanoviqit. (Kosovapress)

Thaçi: Kriminelët nuk mund të fshihen në asnjë skutë
Prishtinë, 3 gusht 2011 ora: 15:05 Kryeministri i Kosovës, Hashim Thaçi ka thënë se shkelësit e ligjit, kontrabandistët dhe eksponentët e krimit në veri, nuk do të kenë asnjë skutë ku të fshihen, por do të dalin para drejtësisë së institucioneve të Republikës së Kosovës. Këto komente, Thaçi i bëri gjatë mbledhjes së Qeverisë së Kosovës, me ç’rast ka thënë se edhe bashkësia ndërkombëtare ka qëndrim të njëjtë me Kosovën sa i përket situatës në veri, ku nuk do të ketë kthim të gjendjes së para datës 25 korrik.
Thaçi ka thënë se definitivisht tani është vërtetuar se prapa strukturave paralele në veri të Kosovës, qëndron Qeveria e Serbisë, përderisa ka shtuar se do të vazhdohet me hapat tjerë për zhbërjen e këtyre strukturave.
“Tani kontrabandën e kemi ndërprerë, por puna do të vazhdojë kundër shkelësve të ligjit, kontrabanduesve, paramilitarëve, eksponentëve të krimit dhe e theksoj, nuk do të mund të fshihen në asnjë skutë, por do të ballafaqohen me ligjin. Kontrabandën e kemi ndalur, pika 1 dhe 31 është në kontroll të plotë, por në asnjë rrethanë nuk do të ketë lehtësira për shkelësit e ligjit, nuk do të ketë amnisti, por do të ketë drejtësi të plotë prej institucioneve të Republikës së Kosovës”, është shprehur Thaçi.
Ai ka theksuar se zyrtarët serbë janë të vetmit zyrtarë në Evropë që futen në mënyrë klandestine në territorin e Kosovës, ndërkohë që për çdo veprim të qytetarëve në veri, ai ka fajësuar Beogradin dhe zyrtarët e Qeverisë së Serbisë, për të cilët ka thënë se janë të lidhur ngushtë me kontrabandistët dhe janë duke i inspiruar barrikaduesit.../Kosovapress/

MPB: Furnizimi me artikuj ushqimor në veri me leje
Furnizimi me artikuj ushqimorë në veri të Republikës së Kosovës është duke u bërë me leje të Ministrisë së Punëve të Brendshme të Kosovës. Kompani të ndryshme po dërgojnë ushqime në veri me leje të ministrisë dhe në koordinim me KFOR-in dhe Policinë e Kosovës.
Postuar: 03:44:26 / 03.08.2011
Furnizimi është duke u bërë me qëllim të evitimit të mungesës së artikujve të domosdoshëm, pas aplikimit të masave të reciprocitetit nga ana e Institucioneve të Republikës së Kosovës, thuhet në një njoftim të ministrisë së punëve të brendshme.

KANTRIMEN KËRKON ZHBLLOKIMIN E RRUGËVE NË VERI
Botuar: 03 Aug 2011
Zëvendësndihmës sekretari amerikan i Shtetit, Tomas Kantrimen ka konfirmuar se vendi i tij mbështet fuqishëm sovranitetin e shtetit të Kosovës, ndërsa ka bërë të qartë se barrikadat e vendosura nga serbët në veri duhet të largohen.
Zëvendësndihmës sekretari amerikan i Shtetit, Tomas Kantrimen ka ripërsëritu qëndrimin e Washingtonit se Shtetet e Bashkuara të Amerikës janë kundër çdo ideje për ndarjen e Kosovës, në një intervistë ekskluzive dhënë Televizionit të Kosovës.
“Qëndrimi SHBA-së në ndarjen e Kosovës është i qartë. Nuk do të ndodh. Kjo nuk është temë e diskutimeve në dialogun Prishtinë -Beograd. Por, as BE-ja nuk e konsideron si opsion”, ka thënë Kantrimen.
Duke i komentuar zhvillimet e fundit sidomos në veriun e vendit. Kantrimen ka kërkuar zhbllokimin e rrugëve në veri.
“Barrikadat në veri do të duhej të hiqen. Liria e lëvizjes së KFOR-it është shumë e rëndësishme për sigurinë e të gjithë qytetarëve të Kosovës. Nëse KFOR-i nuk mund të përgjigjet në mënyrë të shpejtë, KFOR-i duhet të ketë mundësinë të reagojë“, ka thënë Kantrimen.
Lidhur me veprimet e fundit të Qeverisë së Kosovës në dërgimin e forcave speciale në veri javën e kaluar, Kantrimen ka deklaruar se qëllimet duhet të arrihen me veprime mirë të menduara dhe në bashkëpunim me Bashkësinë Ndërkombëtare. Ai ka kritikuar zërat, qoftë në Beograd qoftë edhe në Prishtinë se EULEX-i është armik.
“Këta janë partnerët tuaj me të cilët duhet të bashkëpunoni”, ka thënë Kantrimen.
Ai u ka bërë thirrje palëve që të vazhdojnë dialogun dhe të kthehen në tavolinën e bisedimeve. Kantrimen ka ritheksuar se SHBA-ja kërkon zgjidhje paqësore të çështjeve midis Kosovës dhe Serbisë.
Ndërkohë, Këshilli i Sigurimit i OKB-së, më 24 gusht do të diskutojë për situatën në Kosovë, përfshirë edhe rrethanat e fundit të krijuar në veri të Kosovës. Në këtë mbledhje, siç njoftohet në faqen zyrtare të OKB-së, do të diskutohet raporti i rregullt tremujor i Sekretarit të përgjithshëm të OKB-së, Ban Ki Moon rreth situatës në Kosovë. (rtk)/V.I./Liria/lajmet/ereniku/

Rreziqet nga zvogëlimi i popullsisë shqiptare
Botuar: 03 Aug 2011
Nuk përjashtohet zvogëlimi i numrit të popullsisë shqiptare në Maqedoni, në rast se nuk do të ketë mobilizim dhe aktivitete intensive lidhur me realizimin e këtij procesi.
Shqetësimet vijnë nga burime të afërta me EUROSTAT, mision i cili është angazhuar për të ndjekur nga afër procesin e regjistrimit të popullsisë në Maqedoni,që do të zhvillohet prej 1 deri më 15 tetor të këtij viti, pas anulimit të tij më 1 prill, për shkak të mbajtjes së zgjedhjeve të parakohshme.
“Sigurisht që në rast se nuk do të ketë një mobilizim më masiv dhe propagandim përmes në fushate solide, atëherë mund të ketë zvogëlim të numrit, pasi që një numër i madh i popullsisë shqiptare jetojnë në diasporë. Kjo shifër mund të jetë rritur edhe me fluksin e fundit të atyre shtetasve që janë larguar me liberalizimin e vizave”, theksoi burimi i afër i agjencisë së statistikave evropiane EUROSTAT për agjencinë e lajmeve INA.
Kongresisti amerikan Dana Rohrabacher në një takim me drejtuesit e Lidhjes Shqiptaro-Amerikane muajin e kaluar në Uashington tërhoqi vëmendjen për regjistrimin e popullsisë duke shtuar se në Maqedoni është i nevojshëm vëzhgimi nga afër i regjistrimit të popullsisë për shkak të indikacioneve për zvogëlimin e numrit të popullsisë shqiptare.
Sipas tij, regjistrimi i popullsisë duhet të zhvillohet në atë mënyrë duke respektuar rregullat bazë të Marrëveshjes së Ohrit dhe ti mundësohet shqiptarëve përfaqësimi në të gjitha aspektet. Regjistrimi i ri i popullsisë mund të ripërcaktojë faktorizimin e popullit shqiptar në Maqedoni. Në kushtetutën e vendit, shqiptarët njihen dhe emërtohen si bashkësia etnike me mbi 20 për qind, ndërsa në regjistrimin e vitit 2002, numri i përgjithshëm i popullsisë shqiptare ka qenë 25,6 për qind.
Regjistrimi i fundit i popullsisë në Mal të Zi shkaktoi uljen e popullsisë shqiptare prej 7 në 4,9 për qind. Analistët druajnë për mundësinë e uljes së numrit të popullsisë shqiptare në Maqedoni në rast se nuk do të arrihet përfaqësimi dhe monitorimi i plotë i procesit të regjistrimit. (INA) /V.I./Liria/ereniku/lajmet/


Lajmet
- E marte, 02 gusht, 2011

...gjendja ne veri te Kosoves
...njoftimet me te reja:
Këshilli i Sigurisë së Kosovës: Kërkohet nivel gadishmërie
..njoftimet me te reja:
KFOR-i me këmbësori në veri, për t’u mbrojtur nga snajperët
02.08.2011/08:50 - E Martë
Situata në veri vazhdon të jetë e tensionuar, Trupat paqeruajtëse të NATO-s në Kosovë kanë hequr tri barrikada të hënën në mëngjes. Gjatë operacionit ushtarët e KFOR-it kanë përdorur edhe këmbësorinë për t’u mbrojtur nga snajperët dhe serbët e armatosur gjithandej. Në veri ndërkaq dy zyrtarë serbë kanë hyrë ilegalisht. Për këtë arsye komandanti i KFOR-it ka refuzuar t’i takojë ata. Ndërkohë Rexhepi paralajmëron arrestimin e Stefanovicit dhe Bodnaovicit, shkruan Koha Ditore.

Thaçi po humb kontrollin mbi partinë
02.08.2011/- E Martë
Një anekdotë e vjetër thotë se partitë në pushtet vetë e ndërtojnë rënien e tyre. Sfidat e sotme përbrenda lidershipit të Partisë Demokratike të Kosovës në pushtet, duken si shembull ilustrues.
Një konflikt i hapur mes figurave kryesore në PDK, të cilin kryeministri Hashim Thaçi mund të mos ketë shkathtësinë e duhur për ta zgjidhur, ia kërcënon atij kontrollin mbi partinë. Disa emra vendimtarë të partisë janë bërë haptazi armiqësor ndaj kryeministrit, duke u përpjekur që koalicionin e tij qeveritar ta nxjerrin nga binarët dhe duke e turpëruar atë përmes refuzimit të hapur të kërkesave të ndryshme nga mbështetës të rëndësishëm ndërkombëtarë. Burime të afërta me Limajn sugjerojnë se Thaçi, përkundër shfaqjes mbështetëse në publik, në fakt donte ta largonte Limajn nga skena, mbase për shkak të xhelozisë ndaj popullaritetit të tij. “Ai (Limaj) nuk ka folur me Thaçin ose Kadri Veselin (ish-udhëheqës i SHIK-ut) me muaj të tërë, tha burimi brenda partisë. / Prishtina Insight/.

Schwarz-Schilling: Serbia, shtet nxitësh trazirash
Serbia përpiqet të dëmtojë pavarësinë e Kosovës dhe i krijon pengesa vetvetes në rrugën drejt BE-së, thotë në intervistë për Radion gjermane ”Deutschlandfunk” ish-përfaqësuesi i OKB-së për Bosnje-Hercegovinën, Christian Schwarz-Schilling.
Postuar: 08:41:41 / 02.08.2011
“Evropa vet nuk po gjen një gjuhë të qartë kundrejt Serbisë. Nisur nga shmangia e pesë kombeve në Evropë, të cilat nuk e kanë njohur ende pavarësinë e Kosovës, Evropa ngurron dhe veçanërisht ministrja e Jashtme, duke mos gjetur një gjuhë të qartë. Kjo pasi një qëndrim i qartë duhet të mbështetet nga të gjitha kombet”, thotë Schwarz-Schilling në intervistën për “Deutschlandfunk”, që e transmeton DW.
Ai e konsideron si një gabim shumë të madh faktin që Komisioni i BE-së, e në radhë të parë BE-ja, nuk ka shprehur një gjykim të qartë menjëherë pas publikimit të dokumentit të Gjykatës Ndërkombëtare të Drejtësisë lidhur me çështjen e legjitimitetit të shpalljes së pavarësisë së Kosovës.
“Kjo nuk ka ndodhur. Nëse do të mbahej një qëndrim i qartë, atëherë do të duhej që menjëherë të bisedohej me të pesë vendet dhe të gjendej një rrugë për tre muajt e ardhshëm, që t’i jepej fund bllokadës së këtyre vendeve ndaj politikës së mëtejshme kundrejt Serbisë”, thekson Schwarz-Schilling.
Schwarz-Schilling thotë se për Evropën, kjo gjendje është normale. Sipas tij, nëse diçka nuk është e qartë në Evropë, atëherë ajo lihet mënjanë. Ai përmend rastin e Qipros, të Bosnjë-Hercegovinës dhe thekson se një qëndrim i tillë (evropian) shihet kudo në rastin e Ballkanit, ndaj, sipas tij, edhe amerikanët gjithnjë e më shumë po shprehin pakënaqësi, që evropianët nuk janë në gjendje të vendosin një farë rendi në rajonin e tyre.
“Sipas kritereve të sistemit të së drejtës, ajo që po ndodh tani është e padrejtë. Kjo ka të bëjë si me bllokadën e doganave, ashtu edhe me situatën, që kosovarët me pasaportat e tyre nuk mund të shkojnë më tutje, por është edhe situata e qarkullimit jo normalisht të mallrave në kufirin serbo-kosovar”, thekson Schwarz-Schilling, duke shtuar se kjo nënkupton se thjeshtë “përmes shkeljeve dhe kundërthënieve nga pala serbe po ndiqen qëllime të qarta, në mënyrë që ku të jetë e mundur të minohet pavarësia e Kosovës”.
Diplomati gjerman, Schwarz-Schilling, shtetin e Serbisë, që sipas tij, ndërmerr veprime të padrejta, e konsideron si një shtet “nxitës trazirash në të gjithë rajonin”.
Ai thotë se nuk është realiste që përpjekjet për ta pranuar Serbinë në BE përpara Bosnjës, Kosovës dhe Shqipërisë!
Megjithatë, ai mendon se nuk duhet të imponohet një situatë ku Serbia do të duhej të zgjidhte në mes të Kosovës dhe BE-së.
“Unë do të dëshiroja, që politika e jashtme, edhe në Gjermani, të flasë qartë. Plani i Ahtisaarit është realizuar me mandatin e OKB-së, është realizuar me mandatin e BE-së, gjithçka është pranuar dhe gjithçka është bllokuar vazhdimisht nga Serbia. Unë mendoj, se konform kësaj edhe gjuha ndaj Serbisë duhet të jetë e prerë dhe e qartë”, ka theksuar për fund, diplomati gjerman, Christian Schwarz-Schilling.


Lajmet
- E Hënë, 01 gusht, 2011

...gjendja ne veri te Kosoves
...njoftimet me te reja:
Këshilli i Sigurisë së Kosovës: Kërkohet nivel gadishmërie
..njoftimet me te reja: