riatdhesimi

M E J E
www.ereniku.net

Guskë, 16 maj 2007 - Martin (Pjetër) Dedaj nga fshati Guskë e komunës së Gjakovës është identifikuar nga masakra e Mejes dhe e Korenicës e ndodhur në ditën e masakrës më të madhe të luftës së fundit në Kosovë, me 27 prill të vitit 1999.Nga Kuvendi i Kosovës, kjo ditë është shpallur “Dita e të Zhdukurve të Kosovës” pasi që në atë ditë qenë vrarë dhe zhdukur 377 persona të përkatësisë kombëtare shqiptare.Trupi i Martin Dedajt është gjetur më varrezat massive të Batajnicës së Serbisë dhe rivarrimi i tij do të bëhet të premtën, me datë 18 maj, në varrezat familjare të fshatit Guskë.Rivarrimi bëhet në ora 13.

Çeku: Serbët duhet të kërkojnë falje për krimet ndaj shqiptarëve
27.04.2007 15:18 ET Gjakovë-Mejë Në 8 vjetorin e rrëmbimit të 377 shqiptarëve të fshatrave të Rekës së Keqe, pikërisht në Meje të Gjakovës, tek vendi i quajtur “Lëndina e Pikëllimit, të premten, në ditën kombëtare të të pagjeturve u rivarrosën edhe 22 shqiptarë, që janë gjetur nëpër varrezat masive në Serbi dhe janë identifikuar ditë më parë. “Bota nuk është aq shkurtpamëse sa të harrojë atë që ka ndodhur në Kosovë, dhe një gjë të tillë, ua kam përsëritur edhe anëtarëve të delegacionit të Këshillit të Sigurimit të OKB-së”. Kështu tha sot kryeministri Agim Çeku, në Meje të Gjakovës, në manifestimin për ditën e të pagjeturve. Në këtë ceremoni të rivarrimit të 22 martirëve të lirisë, morën pjesë qytetarë nga të gjitha anët e Kosovës, përfaqësues të asociacioneve të familjarëve të të pagjeturve, të institucioneve vendore e ndërkombëtare.

P.S.: Palsojmë fotot nga Meja, nergut nga Sh.Rexha ...(ereniku.net)

Në Meje rivarrosen 22 martirë (27 prill, 2007) Në "Ditën e të Zhdukurve të Kosovës" që nga Kuvendi i Kosovës që është miratuar data 27 prill, si ditë që në Meje të Gjakovës janë vrarë, masakruar dhe zhdukur 377 shqiptarë, pikërisht në këtë vend ku janë ekzekutuar para tetë viteve janë rivarrosur edhe njëzet e dy martirë, përderisa ende nuk dihet për fatin e tridhjetë e gjashtë martirëve të tjerë.I pranishëm ka qenë edhe kryeminsitri i Kosovës, Agim Çeku, nën patronatin e të cilit edhe po mbahen ditët përkujtimore të personave të zhdukur të Kosovës."Juve nuk ju gjunjëzoi as masakra.ju ishit përshpejtuesit e lirisë së Kosovës që ka rrënjët tek gjaku juaj për pavarësinë e Kosovës e cila na ndan vetëm edhe disa javë" ka thënë fillimisht në fjalën e tij kryeministri Çeku, duke shtuar se "edhe pas pavarësisë ne do të kemi shumë plagë, e njëra ndër to është fati i qindra të zhdukurve të tjerë".Kryeministri Çeku është zotuar se do të punojnë deri sa të dihet edhe për fatin e të zhdukurit të fundit."Nga ne nuk ka munguar dhe nuk do të mungojë angazhimi për këtë çështje dhe besojmë të ketë presion më të madh ndërkombëtar tek Beogradi" ka pohuar kryeministri Çeku duke vazhduar fjalimin e tij se edhe komisionit faktmbledhës ia kemi ripërsëritur faktet për krimet që kanë ndodhur në Kosovë."Serbia kurrë nuk do të bëhet demokratike pa treguar se çka bërë vite më parë dhe derisa nuk kërkon falje për ato krimë të kryera dhe kriminelët të dalin para drejtësisë.Në emër të Kuvendit Komunal të Gjakovës ka ngushëlluar kryetari Açif Shehu që datën e 27 prillit e ka quajtur si datë dhe ditë të dy ngjarjeve, me atë të para tetë viteve ku ka ndodhur masakra më e madhe në Kosovë si dhe e sotmja që është 'Dita e të Zhdukurve të Kosovës"."Nuk mund të ikin nga përgjegjësia ata që e bënë krimin, masakrën dhe dhunën.Serbia kurrë nuk mund ti fsheh këto" ka thënë kryetari komunal Açif Shehu që fjalimin e tij e ka përfunduar me fjalët se "masakra, shpërngulja, krimi dhe dhunimi janë baza e tyre, e Serbisë".Në emër të Asociacionit të Familjeve të Personave të Zhdukur dhe të Pagjetur ka ngushëlluar Sheremet Ademi, që është zotuar se pas nismës dhe miratimit të Kuvendit të Kosovës për ditën e të zhdukurve të Kosovës do të vazhdohet edhe për të zbardhur fatin e të zhdukurve të tjerë.Ndërsa Çun Prendi ka falënderuar mijëra të pranishëm që kanë prezentuar në rivarrimin e njëzet e dy martirëve në 'Lëndinën e Pikëllimit" në Meje.27 prilli është shpallur dita e të zhdukurve pas propozimit të Asociacionit të Familjarëve të Kosovës për Persona të Zhdukur dhe të Pagjetur ndërsa është miratuar nga Kuvendi i Kosovës pas propozimit të deputetit Kamber Kamberi, duke u bazuar në rregullën numër 6.5 të rregullores së punës së Kuvendit të Kosovës, sipas kërkesës së paraqitur paraprakisht me datë 3 prill të vitit të shkuar, propozimit për mocion, të mbështetur nga një grup deputetësh të datës 26 janar të këtij viti. Njëzet e dy të rivarrosurit:Istref Curri, Pajzit Avdyli, Smajl Hyseni, Ali Ibrahimi, Përparim Shoshi, Naser Shoshi,Shpend Selmani,Esat Sahiti, Skender Hadergjonaj,Gafurr Hykosmani, Hasan Gaxherri, Ram Mehmeti, Pal, Mark, Robert dhe Prend Prendi, Melazim, Bajram dhe Zeqë Beqaj, Ali Bajrami, Pjeter Kacoli dhe Tomë Kacolli

Meja u dha lamtumirën edhe 15 martirëve të vrarë nga forcat serbe.
Meje 04 nëntor 2006 - Në Lëndinën e Pikëllimit në Meje rivarrosen edhe 15 martirë - Meja u dha lamtumirën edhe 15 martirëve të vrarë nga forcat serbe. Në Lëndinën e pikëllimit në Meje të Gjakovës, të shtunën u rivarrosen mbetjet mortore të 15 martirëve të masakrës së Mejes, trupat e të cilëve u sollën nga varrezat masive e Batajnicës në Serbi dhe janë riatdhesuar në Kosove në qershorin e sivjetmë.Në ceremoninë mortore foli edhe ministri i drejtësisë Jonuz Salihaj, i cili theksoi se detyrë e institucioneve qeveritare në Kosovën e pavarur do të mbetet zgjidhja e fatit të zhdukurve të shumtë të Kosovës. Me varrimin e 15 martirëve numri i të riatdhesuarve nga kjo masakaër ka aritur në 327, ndërkohe që këkrohen edhe 50 të tjerë. Masakra e Mejës është masakra më e madhe në Kosovë e kryer nga forcat serbe gjatë kohës së luftës.

Rivarrosen 23 martire nen percjelljen e mijera qytetareve dhe tere Udheheqjes Komunale Gjakovë 21 shtator 2006
Në rivarrimin e martirëve të kombit në Kodrën e Çabratit ku nga kryetari i KK-së Açif Shehu është shpallur ditë zie kanë marrur pjesë e tërë udhëheqja komunale të cilët fillimisht me pjesëmarrje në homazhe kanë ngushëlluar familjarët e martirëve.Në emër të Kuvendit Komunal ka ngushëlluar kryetari Açif Shehu. Gjëma e Mejes dhe e Çabratit nuk kanë të ndalur. Kjo dramë sot e shtatë vite luhet në këto troje pa dëshmitarë.I dëbuan të gjallët që mos të kthehen kurrë më.I dëbuan të vdekurit për ti humbur gjurmët e krimit.Këto janë kronikat e ngjarjeve të tmerrshme që tronditën botën nga viti 99-të.Kur një popull i tërë pranon të vërë kokën në satër për të paguar çmimin e lirisë. Këtë e paguan shqiptarët e Kosovës nga fantazma e krimit, nga ndjenja vrasëse, shkatërruese dhe barbare të ushqyera përmes akademisë së shkencave serbe që prej vitesh ishin hartuar doktrinat fashiste, të zhdukjes e shpërnguljes me dhunë të një populli.Këto janë në themel disa nga argumentet e krimeve serbe mbi shqiptarët” ka thënë kryetari Shehu që me rikthimin e trupave të pajetë të bijve dhe bijave që konsideroheshin të zhdukur, tha se “gjëma e quajtur Kosovë më në fund i pat shqetësuar presidentët, kryeministrat, ambasadoret e shteteve të mëdha dhe të vogla e deri tek karrocierët e rrugëve që më pastaj perëndimi të vetëdijesohet e kjo botë e qytetëruar i del në mbrojtje nga shfarosja kolektive një populli të pambrojtur”. Kryetari i KK-së Açif Shehu ka përfunduar fjalimin e tij me pohimet për lirinë dhe pavarësinë e fituar në saje të martirëve që derdhen gjakun për ideal.”Nga kjo botë presim çmimin e merituar të lirisë dhe atë të pavarësisë dhe një herë e përgjithmonë brenga e Kosovës të zbresë nga ëndërrat e këtij populli dhe të bëhet realitet i kohës moderne dhe i qytetërimit perëndimor” është shprehur kryetari Shehu.
Martirët që u rivarrosën janë:Gëzim (Mazllom) Deva (1970), Lytfi (Enver) Bunjaku (1952), Ilir (Enver) Berisha (1981), Hasan (Myftar) Hoda (1955), Ferhat (Alush) Bicurri (1951),Fehmi (Ramiz) Haxhidauti (1951), Fehmi (Hamdi) Lleshi (1952), Gëzim (Hysen) Berisha (1961), Flori (Hysen) Berisha (1970), Osman (Cen) Smajlaj (1951), Masar (Xhemajli) Gjocaj (1969), Kenan (Xhemajli) Gjocaj (1974), Gazmend (Myhedin) Krasniqi (1967), Samedin (Bajram) Krasniqi (1961), Sokol (Qerim) Morina (1966), Shaqir (Rexhep) Morina (1947), Ramadan ( Rifat) Murataj (1964), Naim (Rifat) Murataj (1974), Qazim (Ram) Dushku (1947), Sokol (Adem) Berisha (1957), Nimet (Hasan) Veseli (1973), Latif (Arif) Isufi (1964).Martiri Avdullah (Daut) Islami (1937) është rivarrsour në varrezat familjare në Cërmjan./21 shtator 2006/marrë nga faqja zyrtare komunale - Gjakovës.

- Nga të 38 të riatdhesuarit (19 shtator, 2004) nga varrezat masive nga Batanjica që të 38 i takoin masakrës së Mejës të kryer më 27 Prill 99. Të gjithë janë nga rajoni i Rekës së Keqe apo i Lugut të Carragojës ku ditën kritike fati i qiti të kaloin nëpër Meje. Pas procedurave të riekzaminimit nga ana e patologëve në murgun e Rahovecit është berë identifikimi në bazë të testit të ADN-së dhe që nga 16.09.2004 janë njoftuar familjarët për emrat e martirëve që gjinden në këtë murg.>
Diten e premte jan varrosur ne varrezat familjare ne Dushnje Mehmet Ramë Shehu dhe Ismet Zenun Syla kurse të 36 të tjeret, të Hënën, me 20 Shtatorë në oren 15:00 ne kompleksin memorial në Meje.
Këta janë:
- Rexhë Mehmet Golaj
- Ruzhdi Idriz Rexha
- Avni Idriz Rexha
- Iber Hasan Rexha
- Adem Haxhi Alijaj
- Ali Sahit Selmani
- Ali Isuf Dema
- Dritan Ymer Beqaj
- Xhafer Osman Rrustemi
- Ragip Zenun Balija
- Bekim Ali Rrustemi
- Skender Beqir Zyberi
- Blerim Hysen Ahmeti
- Blerim Asllan Maloku
- Sokol Ram Miroci
- Dan Osman Rrustemi
- Adem Zenel Rexha
- Binak Ramë Hyseni
- Muharrem Sali Mehmeti
- Rifat Isa Xhemajlaj
- Besim Muhamet Lushaj
- Bashkim Rexhë Rexha
- Sokol Adem Ndeu
- Zeqir Metë Rama
- Qamil Hazir Hajredini
- Halil Ukë Berisha
- Bajram Malë Salihu
- Simon Ibrahim Sokoli
- Filip Ibrahim Sokoli
- Krist Ibrahim Sokoli
- Sezaj Hazir Rama
- Faik Sadik Hajredini
- Sokol Gjon Prendi
- Avdi Murat Golaj
Njoftoi nga Gjakova më 19.9.2004
I. Sadiki
Në varrezat e përbashkëta në Lëndinën e Pikëllimit në Mejë të Gjakovës u rivarrosën i 36 kufomave të cilat kohë më parë u sollën nga Serbia. Të gjithë ata u zhdukën me më 27 prill të vitit 1999 në fshatin Mejë të Gjakovës. Kuvendi Komunal ditën e sotme në Gjakovë e ka shpallur ditë zie.
* * *Ketu: Kliko dhe shiqo FOTO nga rivarrimet në MEJE dhe ÇABRAT * * *