Zhgënjehet Jeremiçi

                                                             AZEM SYLA

Qazim Doda, New York
Date:Thu, Aug 5, 2010 2:56 am
botuar: E premte, 06 gusht, 2010 10;28 am

                                        Akuzat kundër Azem Sylës të fabrikuara në Serbi

Akuzat për vrasjen e spiunëve te UDB-së janë bërë shprehi në fjalorin politik e medial të Kosovës që dikur përkrahej nga UNMIK-u dhe tani nga EULEX-i, dikush duhet të bie viktimë dhe të paguaj për fitoren ndaj armikut.

Deri në vitin 2003  agjentët e shërbimit sekret serb shpresonin se Azem Syla mund të kapet i gjallë dhe akuzat kundër tij nuk dilnin në skenë. Mirëpo, në shtator të vitit 2003, shërbimi sekret serb publikoi listën e personave që kërkoheshin në atë kohë ku Azem Syla ishte i renditur në numrin 114. Atu u shkrua për një akuzë në të cilën thuhej se Azem Syla kishte urdhëruar vrasjen e 800 shqiptarëve të cilët nuk kishin pranuar të anëtarësoheshin në Partinë Demokratike të Kosoves, kjo akuzë nuk ishte marrë si shumë serioze pasi që flitej për vitin 1998 kur kjo parti nuk ekzistonte fare.

 Azemi akuzohej nga ata se ka formuar shërbimin sekret të Kosovës dhe merret me shitblerjen e armëve në mënyrë ilegale. Dikund rreth gjashtë vite më vonë e kishin përgatitur edhe një person i cili doli haptas dhe deklaroi se Azem Syla i kishte dhënë urdhër për likuidimin e Selim Broshës dhe disa oficierëve të lartë të shërbimeve sekrete serbe. Këtë lajm e morën me gëzim të madh mediat në Kosovë dhe menjiherë filluan të komentojnë se sa e dëmshme ishte vrasja e bashkëpunëtorëve të UDB-së.

Deputetët që kishin dhënë kontribut kundër Azem Sylës

Në këtë lojë u gjetën edhe dy deputet të parlamentit të përgjumur të Kosovës. I pari ishte i njohur si trim i stilit te Hamdia Pozdercit, nuk guxonte kush t’i fliste, i rrafte deputetët, por edhe politikanët, e kushdo që ballafaqohej me të përfundonte i humbur, prandaj me plot-kuptimin e fjalës quhej trim i madh.

Përpos trimërisë për rrahje, ai kishte edhe eksperiencë në vrasje, ku në tetor të vitit 1998 e vret Abedin Rexhen – Sandokanin në momentin kur Kosova më së shumti kishte nevojë për luftëtarë si ai.Me imunitetin e tij si deputet doli haptas dhe deklaroi edhe një here se e ka vrarë Abedin Rexhen dhe filloi të qeshej para kamerave televizive. Megjithatë, ky deputet i pa prekshem nga ligji per krimet e luftës, nga kanuni i Lek Dukagjinit, nga ligjet e Kosovës apo nga Çfarëdo lloj arsyeje e ndërgjegjeje ishte flamurtar i nismës së akuzës kundër Azem Sylës.

Ndaj tij tregonte maturi dhe respekt kryeministri, kush e di se per Çfarë arsyeje, kurse kryetari i shtetit doli me një deklaratë ku në mënyrë indirekte e përkrahte klanin “Bllaca,” ndoshta e kishte bërë këtë verprim sepse në krye të klanit ishte deputeti që ja futi frikën ne bark me grushtimet e tij te rrufeshme.

Deputeti tjetër sikur ky i pari, konsiderohej se ishte një trim i madh, ish i burgosur politik, njeri i aftë dhe sy-patrembur. Kishte aq shumë trimëri sa edhe gjysmën e vetes së vet e kishte vrarë për qëllimin e tij politik.  Doli me akuzë kinse UÇK-ja e kishte plagosur rëndë, por gjaku i shkoi kot pasi që u zbulua se për të bërë një të keqe kunder ish ushtarëve të UÇK-së deshi të përfundonte jetën e vet në nevojtore.

Heroi i trillimit

Personi i tretë që doli si hero i akuzës kundër Azem Sylës ishte Nazim Bllaca; një njeri i shkolluar për mesues, por i prirë për aventura. Doli me një CD ku producent dhe regjisor ishin dy deputetët e lartë-përmendur ndërsa skenari ishte i përgatitur kryekëput nga Serbia. Ky person doli me emër e me mbiemër për të gjithë ata që nuk ishin në taborrin e dy deputetëve të klanit të tij. Më herët ju kishte kërkuar një shumë të majme të parave disa njerëzve por nuk kishte pasur sukses, tani doli si burrat dhe akuzat i bëri publike kundër të gjithë atyre që nuk i kishin dhënë para.

Zhgënjimi nga kolegët e partisë

Azem Syla kohëve të fundit nuk e pati të lehtë as nga kolegët e tij partiak, njëri nga kolegët e tij i dërgoi forcat policore duke shkelur Çdo normë morale e demokratike për t’i rrahur njerëzit të cilët kishin qenë prezent në atë varrim. Në këtë rast, Azemi nuk i shpëtoi gazit lotësjellës dhe tërheqjes së vërejtjes që të jetë më i kujdesshem në paraqitjet publike.

Kohë më parë  disa kolegë të Azemit kishin dhënë intervista tek një ish bashkëpunëtor i Stanishiqit (ish-shef i sherbimit sekret serb). Ata ishin deklaruar si themelues të UÇK-së,  por në bisedë e sipër ishin sjellur fjalët ku edhe ky ish bashkëpunëtori i Stanishiqit kishte bashkëpunuar ngushtë me ta. Kjo paraqitje e nervozoi Azem Sylën dhe me një deklaratë për mediat ishte zotuar se së shpejti do të nxjerrin një libër ku do të sqaronte se si është themeluar UÇK-ja. Libri nuk doli kurrë por të paktën u ndalën tentimet për bërjen e një historie të pa qenë. Kjo deklaratë i kushtoi shumë shtrenjtë në varimin e Ali Aliut.

Azemi  gjithmonë ka qenë një tip i mbyllur dhe shumë i thjeshtë në paraqitje duke mos insistuar që të dalin në skenë dhe të krijojë emër të madh në shoqërinë ku jetonte. Mirëpo, nëse dikush kishte nevojë për përkrahjen e tij, ai ishte i gatshëm në Çdo moment. Kjo pra e karakterizon moralin e fortë dhe atdhetarizmin e tij.

 Kërcënimet dhe akuzat ndaj Azem Sylës për vrasjen e tradhëtarëve

Atij iu kërcënuan më herët por nuk i mori shumë serioze telefonatat e Nazim Bllacës, të cilat rezultuan në fund si dëshmi për paraqitje të një aktakuze. Edhe nëse Azemi akuzohet si njëri nga urdhër-dhënësit e vrasjes së Selim Broshës apo oficierëve të UDB-së që përmenden në akuzat kundër tij nuk duhet te merret si një humbje për të. Ai e ka fatin që të akuzohet nga një grup për vrasjen e armiqve të popullit dhe për këtë gjë duhet të jetë krenar sepse Çdo shqipëtar do të donte të ketë këtë fat të madh.

Nese flitet për Selim Broshën, atëhere duhet të merret parasysh se Çfarë ka bërë ai. Përpos përgatitjes për vrasjen e Vëllezërve Gërvalla dhe Kadri Zekës, ai kishte bërë kërdi edhe në Kosovë, prandaj kushdo që të ketë dhënë urdhër ose të ketë shtënë mbi të do të duhej të dekorohej e jo të akuzohej. Në fund të fundit thuhet se me Selim Broshën ka qenë edhe nje historian i njohur i Kosovës në atë moment kur është bërë atentati; ai është akoma i gjallë dhe mund të deklarohet nëse ekzekutuesi i Selim Broshës ka qenë ai që paraqitet në aktakuzën e klanit “Bllaca.”

Lojën e serbisë nuk kanë të drejtë ta bëjnë as EULEX-i e as Klani i Bllacës

Kur përmendet shprehja “loja e serbisë, të sjell prapa në historinë e kohës së Millosheviqit ku kriminelët serb ruheshin, ndihmoheshin dhe trajtoheshin si të shenjtë, kurse shqiptarët trajtoheshin si kriminel e popull pa vlera. Prandaj, EULEX-i duhet ta ndryshoj strategjinë e veprimit dhe të ndërmarrin masa kundër atyre që masakruan civilët e Kosovës. Poashtu duhet të merren më seriozisht në kthimin e eshtrave të civilëve shqiptarë të cilët u bartën në Serbi gjatë luftës së Kosovës.

Azemi ka forcë morale t’i rezistojë edhe këtij plani serb, por ata që po e luajnë lojën e serbisë dhe flasin shqip duhet të kenë respekt për brezat e tyre të ardhshëm që të mos turpërohen nga historia. Është e pa-kuptimtë që EULEX-i bashkëpunon me kriminel për të dënuar Çlirimtarët, kjo nuk është e drejtë ligjore që të luhet loja “perÇaj e sundo” nga oraganizmat që erdhën për të vënë rendin dhe ligjin në Kosovë. Ata duhet të kuptojnë kompetencat e tyre si një privilegj për të pasur mundësinë e evropianizimit të Kosovës.

Azem syla mund të akuzohet e ndoshta edhe të dënohet nga EULEX-i, por vlerat e tij nuk bien asnjëhere, dhe në histori mbetet si një atdhetar i përkushtuar për lirinë e popullit shqiptarë.

Nga Qazim Doda, New York
erenikut: E shtune, 15 maj, 2010
botuar:E shtune, 15 maj, 2010 08:55 am

                              Vrasja e porositur
Llogaritjet e gabuara te njerezve qe nenshkruan marreveshjen e Ohrit sollen deri tek pakenaqesia e madhe e popullates shqiptare ne Iliride. Nuk eshte e rastesishme vrasja e Komandant Kushtrimit, kjo po ndodhe qe te frikesohen shqiptaret nga fuqia e kombinuar shqiptaro - maqedonase. Keshtu ka ndodhur edhe ne Kosove pas luftes se dyte boterore kur eshte vrare Mulla Idrizi, Gjon Serreci e Shyt Mareci, ata qe vrane atdhetaret ishin shqiptare, edhe tash vrasja e Ushtareve te Lirise po ndodh ne pusi te para-pergatitura nga sigurimet shqiptaro - maqedonase.

Deklaratat e porositura
Deklaratat e ngutshme te disa politikanuceve shqipfoles te Kosoves dhe Ilirides nuk dallojne shume nga ato te pasluftes se dyte boterore qe i kishte bere Ali Shukria. Ish ushtaret e UCK-se u quajten edhe kriminel dhe me te marre lajmin se jane vrare kater shqiptare, menjehere nje minister shkoi per te bere dy gjera, e para ishte per t’i kerkuar falje maqedonise se ua kane hargjuar disa plumba dhe e dyta per t’i lavderuar ata qe kinse po vrasin kriminel shqiptar qe e kane kundershtuar nenshtrimin para maqedonasve. Kjo na sjell ndermend edhe fillimin e daljes se UCK-se ne Kosove kur nje politikan shqipfoles i quajti dore e zgjatur e serbise dhe njerez te frustruar, pra pak dallohen keto deklaratat e ketyre shqipfolesve qe folen per rastin konkret ne Iliride.

Dalja ne skene e here pas hershme e grupeve te armatosura ne Iliride
Kjo po ndodhe jo rralle-here ne shenje proteste kunder nenshtrimit dhe per te bere me dije se realizimi i te drejtave kombetare nuk ka marre fund. Politikanet shqiptare te Ilirides jane bere maqedon te mire, ata kur ndodhi rasti i Brodecit u krenuan se kane bere dicka te mire kunder Lirim Jakupit me shoke qe kishin kundershtuar roberine, kuptohej se dicka me e mire nuk pritej nga ata politikan qe ishin ne pushtet. Tash krahu tjeter qe flet ne emer te luftes clirimtare eshte bere edhe ma maqedon se maqedonasit, flet per ish ushtaret e vrare sikur kur flet per pula, nuk reagon, nuk e ve ne pikepyetje koalicionin, nuk ju kerkon falje familjeve te te vrareve, e tere koha ju shkon duke menduar se si t’i thurin fjalet e embela per dashurine ndaj maqedonise.

Arsyet e daljes ne skene te grupeve te armatosura
Eshte shekulli XXI ku njerezit duhet te mendojne se si te udhetohet per ne planetin e henes e jo te mos kene te drejte te udhetojne te lire ne token e vet. Dalja ne skene e disa politikaneve shqipfoles ka bere qe te mendohet per ndonje dalje te grupeve te armatosura ku do te kerkohej e drejta themelore per te jetuar te lire. Duhet te merren parasyshe arsyet se per cfare te drejte duan te luftojne ish ushtaret e UCK-se, kush i cenoi te drejtat e tyre dhe kush eshte duke bere karriere ne emrin e tyre.

Shqiptaret e Ilirides po rrezikohen nga njerezit e tyre
Ne Iliride eshte rrezik i madh nga dy shtresa te njerezve:
Shtresa e pare e njerezve qe rrezikon popullaten shqiptare ne Iliride jane politikanet shqipfoles te cilet mundohen me cdo kusht t’u hyjne ne hater maqedonasve.

Kurse shtresa tjeter jane organizatat fundamentaliste qe nuk perkojne me konceptin per clirimin kombetar dhe integrimin si komb ne evrope.

Krejt kjo po ndodhe ne kohen kur Shqiptaret duhet te shfrytezojne rastin e fitimit te lirise duke e vleresuar luften qe e kane bere dhe duke vazhduar rezistencen aktive ne politike, pra eshte si rezultat i kombinimit te politikes sllave me politiken nenshtruese te shqipfolesve.

Nese vazhdohet me etiketimin e njerezve si Komandant Kushtrimi te cilin e quajten:”trafikues te armeve” duke e minimizuar vleren e tij qe kishte, atehere maqedonasit nuk do te kene te ndalur ne vrasjen e atyre qe duan lirine e vertete.

Enderra e gabuar
Eshte nje rast i mire per politikanet e Ilirides ne pozite dhe ata ne opozite te mendojne si shqiptare qe e meritojne lirine dhe te vleresojne kerkesat e popullit, ata duhet te ndalen nga enderrimet e tyre se do te behen maqedonas te mire sepse kjo eshte e pa-mundur. Ata mund te jene sherbyes te mire te nenshtrimit para nje grushti maqedonas pa e kuptuar se historia do t’i akuzoj per veprimtari antikombetare.

Përfaqësues i klanit apo i Kosovës
Ballafaqimi i Avni Spahiut me të kaluarën

Nga Qazim Doda, New York
erenikut: Fri, 13 Mars 2009 00:01:39 -0700 (PDT)
botuar: E premte 13 mars, 2009 12:55 pm

Njeriu i padëshiruar
Një dekadë pas çlirimit të Kosovës, dikujt akoma nuk po largohet nostalgjia për Jugosllavine e Titos. Kjo po shprehet haptazi me veprimet e politikës se jashtme të Kosovës.

Në Shtetet e Bashkuara të Amerikës, Kosova përfaqësohet nga një ish shërbyes i interesave jugosllave dhe kjo po reflekton në pa-aftësinë e politikës së jashtme të Kosovës.

Tash duhet të kuptohet realiteti i ri që është krijuar në Kosovë, pra një liri e plotë dhe një gjysëm-pavarësi, por e drejta e vetëqeverisjes është e garantuar edhe me kushtetutë.

Me popullin e Kosovës mund të luhet shumë lehtë, sepse mungesa e transparencës i bën diplomatët që të luajnë çfarëdo loje dhe të mos ngacmohen nga populli. Edhe pse shkoi një dekadë nga çlirimi i vendit, populli akoma është nën mjegullën e politikës së dirigjuar nga jashtë, përzgjedhja e diplomatëve deri tani u bë ne bazë te interesave të klaneve politike.

Parashtrohet pyetja se si ka mundësi që një njeri i cili ka punuar kundër interesave të atij populli për disa dekada, tani të përfaqësoj po atë popull të cilin e urrente aq shumë.
Shqiptarët e Amerikës janë të indinjuar thellë me përzgjedhjen që e bënë institucionet e kosovës ku përfaqësues zgjodhën z.Avni Spahiu.
Z. Spahiu kishte harruar se pikërisht kundër shqiptarëve të amerikës kishte hargjuar shumë energji duke raportuar për veprimtarinë e tyre anti-jugosllave apo siq i quante ai armiqësore.
Kur dikujt i thua armik atëhere vet karakteri njerëzor nuk duhet të lejoj që të insistosh për të përfaqësuar interesat e tij, por është shumë interesante se dikush e zgjodhi këtë njeri për t’i përfaqësuar pikërisht këta njerëz që i kishte pasur armiq për dekada me radhë.

    Artikulli që la plagë në komunitetin shqiptarë të amerikës
.....kliko mbi foto per pamje të zmadhuar
Në një raport të tij i cili ishte botuar në të përditshmen “ RILINDJA” e datës 18. Janar 1984, tejet jo-profesional z. Spahiu kishte shkruar për një demonstratë të komunitetit shqiptaro-amerikan që ishte organizuar për të ngritur zërin kundër robërisë së Kosovës i cili në titull shkruante:” Armiku-me parulla të njohura,” duke vazhduar me nëntitull-“ Ekstremistë nga mërgata armiqësore shqiptare sulmuan dy reporterë të TV Beogradid.”

Organizatorët e  asaj demonstrate reagojnë pas një çerek shekulli
.....kliko mbi foto per pamje të zmadhuar
Autori i këtij shkrimi atëhere shërbente përpos punëve të fshehta edhe si një korrespondent i përhershëm i gazetës “RILINDJA” e cila shpërndahej më mijera ekzemplarë anembanë botës. Për pa-aftësinë e këtij reporteri nuk duhet të komentohet shumë sepse duhet te kihet parasysh edukimi i tij që nuk ka pasur të bëjë asgjë me gazetarinë dhe ka shërbyer ndoshta vetëm pse ka pasur dhunti për gazetari, mirëpo nuk lejohet në asnjë mënyrë që të etiketohet dikush si armik vetëm pse kërkohet liri për një popull të robëruar.
Në atë raport z. Spahiu vazhdon duke e minimizuar numrin e demonstrueve nga 2,500 veta në 150-200 pjesmarrës duke vijuar më poshtë: Demonstruesit brohoritën parullat e njohura armiqësore- Kosova republikë-, -Kosova e lirë-, e të tjera.”

Ndue Palok Camaj, njëri nga përgjegjësit për sigurinë e asaj demonstrate
Me 17 Janar 1984 në demonstratën e organizuar nga klubi “Jusuf Gërvalla” kemi qenë mbi 2500 pjesmarrës në shenjë solidarizimi me kërkesat e drejta të popullit shqiptarë nën Jugosllavi. Ishte dy vjetori i vrasjes së vëllezërve Gërvalla dhe Kadri Zekës, poashtu atë javë heroikisht kishin rënë në luftë me hordhitë serbe Nuhi Berisha dhe Rexhep Mala. Demostrata ishte solidarizim i plotë me kërkesat legjitime të popullit shqiptarë në Kosovë.
Gjatë demonstratës vërejtëm një grup prej tre vetash të cilët na filmonin pa lejen tonë. Së bashku me disa bashkëatdhetarë të tjerë ishim caktuar që të merreshim me sigurimin dhe mbarëvajtjen e demonstrates. Ne siguronim që në radhët e demonstruesve të mos infiltroheshin elemente të UDB-së. Unë dhe Prel Caku-Camaj iu afruam atyre tre njerëzve të pa-njohur dhe pasi i legjitimuam kërkuam nga ata që të mos filmojnë, ata na khyen përgjigjen e tyre duke na folur serbisht se nuk ndalin punën e tyre dhe kërkuan ndihmë nga policia amerikane që e vëzhgonte demonstratën, edhe nga policia amerikane morrën përgjigje negative se nuk do të kenë ndonjë përkrahje. Me të kuptuar se ata tre ishin gazetar nga Beogradi siq u paraqitën tek policia ne ua konfiskuam kasetën që kishin filmuar dhe dhe si kundërpërgjigje ndaj rezistencës së tyre ne ua thyem kameren . Njëri prej tyre shkoi prapë tek policia dhe kërkoi ndihmë por prapë u injorua sepse unë ua bëra me dije policëve se ne nuk lejojmë filmime pasiqë UDB-ja i persekutonte familjet e atyre shqiptarëve që ngrehnin zërin kundër pushtimit të Kosovës. Personi që kërkoi ndihmë nga policia që të shpëtohen kolegët e tij  Goran Musiç dhe Goran Miliç kishte qenë një shqiptar dhe quhej Avni Spahiu.

Pas pak ditësh na erdhi një gazetë “RILINDJA” që botohej në Prishtinë dhe e pamë artikullin e shkruar për atë demonstrate, autori ishte njëri nga ata tre gazetarët apo oficierët e UDB-së e që quhej Avni Spahiu.
Pas 25 viteve, ky denoncues që na akuzoi si armiq e antijugosllav sot përfaqëson shtetin e Kosovës në Washington DC.

E ndiejmë veten tepër të irrituar si unë ashtu edhe mbarë bashkëkombasit e mi të cilët që nga viti 1981 e deri me 1999 organizuam me qindra demonstrata dhe greva anembanë Amerikës, ndihmuam materialisht dhe me në fund edhe me ushtarë dhe me mjete të nevojshme për luftën çlirimtare. E tash po ai vend të cilin e deshëm dhe vazhdojmë ta duam aq shumë të na dërgojë një përfaqësues i cili kishte ndjellur urrejtje aq shumë kundër nesh nuk mund të quhet ndryshe përpos nënçmim i mërgatës shqiptare në amerikë.

Shpresoj se populli dhe institucionet e Kosovës do të korrigjojnë këtë lajthitje sepse ai vend nuk e meriton që të përfaqësohet nga njeriu që ka hedhur baltë mbi gjakun e dëshmorëve tanë.

Ahmet Zherka, njëri ndër udhëheqësit e demonstratës

Demostrata ishte e organizuar nga klubi “Jusuf Gërvalla” dhe promotor i saj ishte Radio “Zëri i Malcisë,” me pleq e të rinjë iu pëgjigjën kushtrimit sepse ishte për lirinë e Kosovës. Në shenjë proteste për vrasjen e Rexhep Malës dhe Nuhi Berishës që kishte ndodhur ato ditë dhe dhunës që ushtrohej mbi popullin e pushtuar të Kosovës ne filluam të jemi edhe më agresiv ndaj Jugosllavëve siq ndodhi edhe me rrahjen e gazetarëve të tyre e pastaj edhe thyerjen e xhamave të konsullatës Jugosllave, pra çfarëdo që na vinte për dore e bënim kundër tyre ndaj të cilëve edhe sot e mbaj akoma të gjallë urrejtjen e madhe.

Një njeri që e ka ndërgjegjen e pastërt nuk mundet t’i ketë dy bindje për një të vërtetë, përderisa ne ma ka quajtur armiq, ne duhet të mbesim armiq për të. Ai njeri do të ishte dashur t’u kërkonte të falur shqiptarëve të amerikës sepse ky komunitet ka dhënë një kontribut të pa shembullt në sensibilizimin e Çështjes së Kosovës në të gjitha instancat e qeverisë amerikane dhe fitoi përkrahje të pa-rezervë në luftën për çlirimin e Kosovës.

Mirënjohja e gabuar dhe ballafaqimi i Avni Spahiut me të kaluarën
Pikërisht me 17 shkurt 2009 në City Hall (bashkinë) në New York, nga një grup njerëzish që nu kishin aftësi të kuptonin se cfarë janë duke bërë, z.Avni Spahiut iu dha një mirënjohje për kontributin e tij për pavarësinë e Kosovës, çfarë falsifikimi i historisë që na e bën të ndjehemi të turpëruar para të tjerëve.
Z. Spahiu u pyet nëse ka mundësi të jepte ndonjë koment rreth veprimtarisë se tij kundër mërgatës shqiptare të amerikës e si argument iu dhurua një kopje e artikullit të cilin e kishte shkruar vetë ai, por përgjigja e tij tregon se ai nuk ka të ndalur duke e sharë këtë komunitet edhe njëhere me fjalët më të ndyera që nuk i takon një diplomati t’i përdorë në fjalorin e vet.
Atij iu ofrua poashtu një mundësi që të kërkonte falje publike për veprimtarine e tij antishqiptare duke u arsyetuar se ka qenë i detyruar të bëjë veprime të tilla, por ai në asnjë mënyrë nuk pranoi të kërkonte falje duke vazhduar me nënçmim te papërshkruar.
Shqiptarët e amerikës kanë dhënë një kontribut të çmueshëm në sensibilizimin e faktorit ndërkombëtar për situatën në Kosovë, ata po ashtu e kanë ndihmuar ekonomikisht dhe gjatë luftës edhe me armatim dhe ushtarë.
I bie prap përgjegjësia atij klani që e ka emëruar këtë njeri dhe nuk e ka marrë parasyshë të kalaurën e tij. Artikulli i z. Spahiu kishte pasur aq shumë influencë derisa edhe Kryesia e KK të LSPP të Kosovës një javë më vonë kishte mbajtur mbledhje enkas për ta dënuar veprimtarinë armiqësore të emigracionit shqiptarë në SHBA.

Zgjidhje e turpit
Nëse merret parasyshë se Kosova duhet të përfaqësohet nga një intelektual, atëhere duhet parë realiteti dhe të dergohet ndonjë intelektual i mirëfilltë, poashtu nëse merret parasysh atdhedashuria atëhere nuk mund të dikutohet për një njeri të tillë i cili tërë dashurinë e tij e kishte harxhuar për ata që e mbanin Kosovën të robëruar, pra përgjegjësia e klanit që e ka emëruar është shumë e madhe dhe duhet të përdoret çdo mundësi për të përmirësuar këtë gabim./q.doda/

                                Universiteti i Nju Jorkut(NYU) mblodhi studijues të çështjes shqiptare
                                Konferencë treditore me temen"Shoqëritë bashkëkohore shqiptare në tranzicion"

Qazim Doda
New York 25 dhjetor 2008

    Ditë më parë, nën organizimin e Qendrës për Studime Eevropiane dhe Mesdhetare në bashkëpunim me Departamentin e Politikës së NYU (New York University) u mbajt konferenca treditore ku pjesmarrës ishin dhjetëra studijues shqiptarë nga universitete të ndryshme të botës. Ishin pjesmarrës edhe studijues të huaj, për të ndihmuar pasqyrimin e realitetit në hapsirat shqiptare.
Kjo ishte e vetmja konferencë e mbajtur ndonjeherë në SHBA nga një numër kaq i madh studijuesish të çështjes shqiptare, derisa Kosova ishte në agjendën e diskutimeve të shumicës së tyre.
Edhe çështja e Çamërisë dhe arvanitasve nuk mbeti anash duke u potencuar nevoja e pozicionimit te një këndvështrimi të ri ndaj këtyre problemeve.
    "Konferenca mbi Shoqëritë Bashkëkohore Shqiptare në Trancizion mblodhi mbi 35 studjues te fushave te ndryshme nga e gjithe bota, SHBA, UK, Shqiperia, Kosova, Franca, Italia, Gjermania, Greqia, Polonia, etj. Gjate zhvillimeve te Konferences ishin te pranishem studjues amerikanë e bashkëatdhetarë, kjo e bëri shumë të suksesshme në të gjitha drejtimet.
    Edhe mbështetja e komunitetit ishte shembullore. Veç tjerash vlen përmendur ndihma prej 5000 dollarësh e dhënë nga një grup bashkëatdhetarësh të organizuar nga Richard Lukaj për të mbuluar një pjesë të shpenzimeve të studjuesve të ardhur nga larg." tha organizatori i kësaj konference Dr. Shinasi Rama I cili shtoi se; gjatë konferencës u rrahen aspekte të ndryshme të të gjitha shoqërive shqiptare në tranzicion duke filluar nga shteti shqiptar, te Kosova, Maqedonia, Mali i zi, si dhe problemi i Çamërisë, arvanitët etj.Konferenca ishte një sukses i merituar në të gjitha drejtimet dhe kontributi i të gjithë studijuesve ishte i mahnitshëm.


    I pyetur se si e parasheh tranzicionin në Kosovë, Dr. Rama tha se politikanët shqiptarë në kosovë duhet të merren seriozisht me sfidat që po u paraqiten pas shpalljes së pavarësisë. Ata së pari duhet të marrin në konsideratë kërkesat e shumicës shqiptare dhe pastaj duhet të merren me pakicat sepse nuk mund të zhvillohet shteti duke u plotësuar vetëm kërkesat e pakicës që bien në kundërshtim me realitetin në Kosovë ku shumica janë shqiptarë. Është e lehtë shpallja e pavarësisë në krahasim me ruajtjen dhe zhvillimin e saj.

    Drejtori i Programeve Masters në Politikë në NYU Dr. Shinasi Rama, i cili ishte edhe organizues i kësaj conference, u shperndau studijuesve të pranishëm nga një Çertifikatë për pjesmarrje.
Albanian Journal of Politics ndau çmimin për studimin më të mire me temën: kompetencat politike në ndërtimin e institucioneve të pushtetit lokal të Kosovës pas përfundimit të luftës. Ky çmim i takoi Prof. Fred Cocozzellit nga St. Johns University i cili kishte shërbyer në Kosovë për të ndihmuar në organizimin e pushtetit lokal.

Mbështetje të fuqishme për popullin amerikan

     Me rastin e arrestimit të katër shqiptarëve nën akuzën e përgatitjes për kryerje të  akteve terroriste në kampin ushtarak Fort Dix të New Jersey-t, aktivistët e komunitetit shqiptarë të Amerikës Hysni Syla dhe Shefki Mexhuani që nga dita e parë po qëndrojnë në Cherry Hill, NJ për të përcjellur situatën atje dhe për të kontaktuar me autoritetet vendore.

     Ish komandant i batalionit Atlantiku, Hysni Syla, pati kontakte me shefin e policisë, si dhe me zyrtarë të bashkisë së qytetit ku shprehu keqardhjen për implikimin e shqiptarëve në këtë akt të turpshëm dhe në emër të popullit shqiptarë shprehu  përkrahjen e pa-rezervë në luftën kundër terrorizmit. Nga autoritetet Amerikane mori një garanci se ky akt nuk do të ndikoj aspak në procesin e statusit të Kosovës dhe imazhi i shqiptarëve në Amerikë do të jetë po aq pozitiv sa ishte edhe deri më tani.

     Shefki Mexhuani i cili kishte qenë njëri ndër organizatorët kryesorë të batalionit Atlantiku deklaroi se disa media e kanë cilësuar të dyshuarin Agim Abdullahu se ka qenë snajperist  gjatë luftës së Kosovës, por e vërteta qëndron se ky person nuk ekziston në listën e ushtarëve të UÇK-së që u nisën nga Amerika, dhe nuk figuron askund si pjesëmarrës i luftës çlirimtare të Kosovës.

     Sipas të dhënave të një dëshmitari që dëshiron të mbetet anonim edhe prindërit e Dritan, Elvir dhe Shain Duka po mbahen në arrest nga organet Amerikane por nuk ka më shumë të dhëna nëse edhe ata janë të implikuar në përkrahjen e veprimtarisë së djemve të tyre.

     “Me organet udhëheqëse të Cherry Hill-it ramë në ujdi që së bashku të organizojmë një demonstratë në përkrahje të popullit Amerikan në luftën kundër terrorizmit.” Tha Hysni Syla.

     Letër për përkrahje të fuqishme kundër terrorizmit i është dërguar edhe Presidentit Bush, prefektit të New Yersey-t dhe organeve udhëheqëse të Cherry Hill-it.

Demonstrata do të mbahet ditën e Shtune me19 Maj 2007,  në orën 15:00, ftohen të gjithë shqiptaro-amerikanët që të marrin pjesë në këtë demonstratë.

     Për më shumë informata rreth organizimit të demonstratës dhe vendin ku do të mbahet ju mund të kontaktoni këta numra telefoni: 1 860 625 0347,  1 914 320 0178 dhe 1917 337 1563.

Plani i Ahtisaarit solli një befasi të madhe për popullin e Kosovës, nuk ishte ajo që ëndërrohej se së shpejti do të njihet
pavarësia e Kosovës dhe nuk u realizua asnjë nga ëndrrat që u ushqyen në vitet e pasluftës. Trysnia ndërkombëtare vuri pikësynimet e veta që të kënaqë çdo palë në mënyrë të barabartë pa marrë parasysh faktorin demografik.
     Parashtrohet pyetja se kush u kënaq në Kosovë sepse me politikën zbutëse të UNMIK-ut gjatë dekadës së  fundit ndërroi edhe mentaliteti i shqiptarëve të Kosovës.
     Në rend të parë u kënaqën ata që ishin kundër luftës çlirimtare dhe me këmbëngulje kërkojnë një zgjidhje që do të ketë prani dhe trysni të të huajve në Kosovë. Pastaj vijnë ata që janë të prekur nga gjendja e rëndë ekonomike të cilët me vështirësi po mbijetojnë këtë fillim të shekullit 21 ku nuk do të duhej të ketë probleme të mbijetesës. Kjo shtresë përbën një numër jo të vogël të përqindjes së popullatës dhe pajtohen me çdo ndryshim vetëm për të siguruar ekzistencën e tyre për jetesë.
Dhe më në fund janë shumë të kënaqur disa pseudo politikanë të cilët çdo ditë shiheshin në ekranet televizive si njerëz që e kanë timonin e Kosovës në duart e veta. Për ta është me rëndësi që të vazhdojnë një jetë luksoze dhe të përgëzohen nga përkrahësit e tyre se janë të shumë dhe të respektuar  nga populli.

           Qazim Doda, New York
            27 shkurt 2007
                                           A ka luftë në Kosovë:? - Lufta në Kosovë nuk guxon as të mendohet se lere më të fillojë, sepse nuk dihet kundër kujt duhet të bëhet luftë Janë shumë njerëz që e sollën Kosovën në këtë situatë duke filluar nga Serbët, një pjesë e të huajve dhe më në fund ishin vetë një numër i madh i shqiptarëve që ishin vënë në shërbim të të huajve dhe i rifilluan edhe lidhjet e tyre të mëhershme me serbët. Kjo e bën të pamundur edhe identifikimin e rrymës së re që do të mundej t’ju kundërvihej këtyre njerëzve sepse në luftërat qytetare nuk mund të ketë fitues në asnjë mënyrë. Pra, lufta nuk është një opsion i dobishëm, mirëpo edhe për të qëndruar indiferent ndaj momenteve ku po vendoset fati i popullit është një sfidë e madhe për ata që e duan Kosovën.

Çka humbëm në pasluftën e Kosovës? - Këto situata populli shqiptarë i ka përjetuar edhe më herët por rezistenca aktive e luftëtarëve brez pas brezi e ruajti të paktën territorin shqiptarë të pa nënshtruar para armiqve. Vetëm pas luftës së Kosovës, para syve të botës me dëshirën e politikanëve tanë të cilët u gjendën të pa-aftë për të identifikuar veten e tyre se kënd e përfaqësojnë, na humbën më shumë se gjysma e territoreve tona jashtë Shqipërisë administrative.

Humbja territoriale fillon  nga Lugina e Preshevës, Ilirida, mijëra hektarë në kufirin me Maqedoninë (Debellde).  Zona me vlerë për kulturën, ekonominë dhe historinë brenda territorit të Kosovës si dhe Malësia bashkë me Plavën, Gucinë dhe Ulqinin. Kjo është një humbje e madhe që brezat e ardhshëm do të na akuzojnë pse jetuam edhe ne me këta njerëz kaq të dëmshëm për popullin.

Kultokracia në Kosovë - Kosova udhëhiqet nga parti pa strukturë partiake sepse vetë partia më e madhe ka ballafaqime të paparashikueshme me kultin, për këta njerëz Kosova është vetëm një vend ku mund të luftohet për kultin dhe jo fusha ku do të duhej të zhvillohej beteja për pavarësinë. Do të shkojnë dekada të tëra ku historianët dhe analistët e kësaj kohe do të mundohen ta gjejnë zanafillën e virusit të kultit në Kosovë sepse sistemi i ri i kultokracisë bëri që shqiptarët të jenë vetëm humbës.

Kjo nuk ndodhi vetëm me parti që udhëhiqnin pushtetin, sepse edhe opozita ra në gjumë të thellë, e cila me mungesën e të qenit më konstruktive i bëri pushtetarët të ndjehen të pa-fajshëm në qëndrimet e tyre të cilat nuk ishin në pajtim me kërkesat e popullit të Kosovës.

Identiteti i shqiptarëve

     Në Kosovë do të na quajnë forcërisht Kosovarë, në Mal të Zi Malazez, në Maqedoni Maqedonas dhe në Luginën e Preshevës Serbian, kështu do të konfigurojnë në dokumentet e udhëtimit jashtë vendit, kjo është dhurata që na dha bashkësia evropiane që edhe identitetin ta ndërrojmë forcërisht edhe pse jemi një popull autokton.

Keqinterpretimi i  kombit dhe shtetësisë

     Dikur ideja për krijimin e shtetit dhe kombit u kuptua ndryshe kur ishte nevoja e formimit të një Italie Etnike dhe si rezultat ideja e Mazzinit :”secilit popull shteti i vet dhe secilit shtet populli i vet,” u bë realitet në atë kohë. Mirëpo, vetëm disa qindra kilometra larg nga vendi ku kjo ide u realizua, keqinterpretimi i saj u bë varr i madh për kombin shqiptarë.

Faktori ndërkombëtar i ndihmuar nga politikanët e përgjumur shqiptarë arriti në idenë e re që po e eksperimenton  në kombin shqiptarë: “Secilit shtet artificial populli shqiptarë dhe secilit shqiptarë shteti i huaj artificial,” Kjo po ndodhë në momentin kur Evropa dhe SHBA-të po mundohen të zgjidhin problemet edhe në Afrikë dhe Azi duke ju ofruar të drejtën për vetëvendosje dhe në Kosovë njëri ndër popujt më të vjetër po bëhet viktimë e shijeve sllave.

Simbolet e Kosovës

     Ajo që nuk ka ndodhur në asnjë shtet të botës po eksperimentohet në Kosovë, simbolet kombëtare janë të përbuzura, ato duhet të përcaktohen nga të huajt. Kundërshtimi kryesor në vetë planin e Ahtisaarit bie kur serbët lejohen të trashëgojnë diçka që pretendojnë se është pronë e tyre si dhe të përdoren simbolet e tyre kombëtare të Serbisë, në anën tjetër shqiptarët duhet të pajtohen me simbole të stilit Jugosllav që nuk mund të paraqesin asnjë shenjë identiteti se janë shqiptarë. Ky eksperiment edhe nëse pranohet për momentin, do të ketë pasoja në të ardhmen dhe len një derë të hapur për konflikte të reja në Evropën e Re.

Ekzistenca e Shtetit të Kosovës

     Me planin e Ahtisaarit Kosova nuk përmendet si shtet, por i ka të gjitha atributet e shtetit siç i kishte në gjirin e vet kushtetuta e vitit 1974, nuk dihet akoma se si mund të ekzistojë si një shtet i mirëfilltë kur resurset kryesore që vinin nga gjigandi i Trepçës janë në duart e serbëve dhe u jepet e drejta që në aspektin ekonomik drejtpërsëdrejti të dirigjohen nga Serbia.

Nëse shteti i ri i Kosovës bazohet në përkrahjen financiare nga diaspora ky mund të jetë një gabim i madh sepse asnjë shtet në botë nuk ka mundur të ekzistojë nga diaspora e vet. Financimi i institucioneve të Kosovës do të jetë i pa mundur dhe asnjëherë nuk mund të ketë qeveri të përsosur.

Propagandimi në popull se ky plan e çon Kosovën drejt rrugës së pavarësisë na e rikujton atë shtresën e politikanëve të fundit të viteve të 80-ta kur deklaronin se ndryshimi i amendamenteve nuk e dëmton Kosovën dhe kërkonin nga populli që të vazhdonin gjumin e tyre. Vetë mos-bashkëpunimi i ekipit të unitetit me popullin e Kosovës tregon se në Vjenë janë luajtur lojëra të ndyra që populli nuk duhet të dijë për to.

Është fatkeqësi që në Kosovën e pasluftës arritën të udhëheqin njerëzit që nuk kishin dy nga elementet kryesore të cilat nevojiteshin për të udhëhequr; e para ishte shkollimi adekuat dhe tjetra ishte karakteri i fortë moral që do të reflektonte se janë të pa-korruptuar.

Ushtria e Kosovës  

     Disa politikan që pretendonin se marrin vesh në politikë thoshin se TMK-ja do të jetë ushtria e ardhshme e Kosovës pa e përmendur se edhe tash është ushtria e Kosovës, mirëpo me planin famëkeq të Ahtisaarit kjo ushtri nuk guxon të ekzistojë dhe duhet të krijohet një ushtri shumetnike që do të ketë hierarkinë e përzier dhe do të jetë e kontrolluar nga jashtë. Edhe pse TMK-ja është shumetnike nuk pranohet sepse ajo është e krijuar nga ish ushtarët e UÇK-së, a nuk tregon kjo një përbuzje të popullit shqiptarë të Kosovës?!

TMK-ja duhet të ekzistojë edhe nëse Forca e Sigurisë së Kosovës do të formohet, sepse kjo simbolizon UÇK-në ka lidhjet shpirtërore me çdo shqiptarë që e deshi Kosovën e lirë. Duhet të kihet parasysh se FSK-ja do të ketë armatim më të lehtë se çdo familje serbe në Kosovë dhe nuk do të ketë mundësi për ruajtjen e kufijve të vendit. Kjo forcë e re çfarëdo që të jetë nuk ka mundësi të dirigjohet nga shqiptarët sepse të huajt do të kenë fuqinë e marrjes së vendimeve.

Dëshmorët e ri të Kosovës dhe proceset e montuara politike

     Vrasja e dy qytetarëve të Kosovës solli në pikëpyetje autoritetin edhe ashtu të zbehur të OKB-së sepse përdorja e plumbave mbi protestuesit paqësorë ishte jashtë ligjore dhe jo-demokratike. Nuk dihet se nga u mor një vendim i tillë që të vriten shqiptarët vetëm pse ata e shprehin pakënaqësinë e tyre ndaj një plani që nënkupton uzurpimin e lirisë për të vendosur për fatin e vet.

Prapë disa nga udhëheqësit e përgjumur të Kosovës u munduan t’i etiketojnë protestat si të dhunshme dhe arsyetuan përdorimin e dhunës në protestues që solli vrasjen e dy  shqiptarëve dhe plagosjen e dhjetave të tjerëve. Bastisjet e shpeshta dhe arrestimet,  si dhe torturat në qelitë e burgut i përkujtojnë popullit të Kosovës Serbinë e Vjetër dhe shqiptarët e pandërgjegjshëm që ishin në shërbim të saj.

Në vitet e okupimit pushteti i atëhershëm etiketonte rininë studentore si nacionalistë, irredentistë e çfarë nuk u thoshte vetëm për ta arsyetuar dhunën mbi ta, kurse në këto vitet e së ashtuquajturës liri në Kosovë dhunuesit e popullit nuk kërkojnë falje por mundohen të transferojnë fajësinë e tyre tek ndonjëri që është viktimë e tyre. Në këtë rast Albin Kurti po mbahet në burg pa arsye dhe po i kënaqë shijet e ish pushtuesve të cilët  përdorën çdo metodë ta likuidojnë në burgjet e tyre në Serbi.

Arrestimi i atyre që vranë qytetarët e Kosovës dhe sjellja e drejtësisë në fuqi tregon se ne mund të jemi të aftë për të mbajtur shtetin e Kosovës, tash është koha kur proceset e montuara politike duhet të ndalen sepse kjo rini që po mbahet në burgje vetëm pse shprehu mendimin e lirë do të jetë shtylla kryesore e shtetit të ri.