...ku është caku i politikës së Lubjanës?!!!:
Lubjanë: Sllovenia angazhohet(!!!?) për pranim të Serbisë në BE
30 shtator 2007
- Kryeministri i slloven Janez Jansha, ka thënë se Serbia duhet të fitoj statusin e kandidatit për anëtarësim në BE, me një procedurë urgjente nëse i plotëson kushtet, shkruan gazeta kroate "Jutarnji list". Jansha, vlerëson se dhënien e statusit të kandidatit Serbisë, nuk duhet kushtëzuar me procesin e zgjidhjes së statusit të Kosovës.

Në Pasjan policia konfiskoi mbi 3 kg drogëMbi 3 kilogramë drogë në gjashtë paketime, që besohet të jetë e llojit heroinë, një revole dhe disa telefona mobilë janë konfiskuar...

Policia nuk lejon protestën e punëtorëve të “LGB-së”Ndonëse kishin paralajmëruar bllokimin e rrugës Gjilan-Preshevë në shenjë pakënaqësie më mos marrjen e pagave, rreth 70 punëtorë të Industrisë ë Mishit “LGB” në Velekincë, të premten nuk janë lejuar nga policia që të bllokojnë rrugën.

Një polic tenton të paguaj derivate me para të falsifikuaraNjë monedhë prej 50 eurove e dyshuar si e falsifikuar është gjetur në duart e një pjesëtari të Shërbimit Policor të Kosovës (SHPK), derisa ai po kryente pagesën për derivate...

AGPK u dërgon letër të hapur institucioneve publike të KosovësAsociacioni i Gazetarëve Profesionistë të Kosovës, në Ditën ndërkombëtare të së drejtës për t’u informuar, u ka dërguar një letër të hapur institucioneve të vendit, duke i përkujtuar edhe një herë të drejtën e çdo qytetari dhe gazetari për të pasur qasje në informatat që mbahen nga institucionet publike.

Promovohet libri “Muza e Kujtesës” i autorit Prend BuzhalaMe rastin e 40-vjetorit të krijimtarisë letrare të publicistit Prend Buzhala, të premten në Klinë u promovua libri...

Sërish ngordhin peshq në Portmilenën e UlqinitEnde pa kaluar tre javë nga helmimi masiv i peshkut në Portmilenë të Ulqinit dhe ende pa u zyrtarizuar analizat, në mëngjesin e së premtes, në të njëjtin ambient, ka ndodhur...ngordhja e peshqve.

Vazhdon takimi kushtuar ngrohjes globale Delegacione nga vendet më të ndotura të botës, e filluan dje takimin dyditor kushtuar ngrohjes globale. Në hapje të konferencës, sekretarja e Shtetit Condoleezza Rice tha se bisedimet synojnë t'i japin shtysë procesit të Kombeve të Bashkuara mbi ndryshimet klimatike.

...sport:

Superliga e Kosovës në futboll, supersfida në kryeqytet Të dielën zhvillohen të gjitha takimet e javës së shtatë të Superligës së Kosovës në futboll, ku në qendër të vëmendjes do të jetë supersfida 2 Korriku-Prishtina.

...hapur:

Mbahen bisedimet direkte për statusin e Kosovës, delegacionet paraqesin qëndrimet e njohura  Në Nju Jork ka filluar takimi i drejtpërdrejtë në mes Prishtinës dhe të Beogradit, me ndërmjetësim të treshes ndërkombëtare. Ndërkohë që disa agjenci njoftojnë se pala serbe ka prezantuar qëndrimet e njohura, pala kosovare ka thënë se nuk do të pranojë asnjë zgjidhje tjetër përveç pavarësisë së Kosovës dhe se tashmë ajo e ka ofruar projektin për marrëdhënie të mira fqinjësore me Serbinë. Udhëheqësit më të lartë të Kosovës dhe ata të Serbisë po takohen sot drejtpërdrejt në Nju Jork për të paraqitur propozimet e tyre për statusin e Kosovës.

Sot janë paraparë dy takime të nivelit të lartë: takimi i parë, mbahet në orën 15 :30 sipas kohës sonë, ndërsa pas këtij takimi të drejtpërdrejtë, treshja ndërmjetësuese do të mbajë një konferencë për media në orën 17:15, po ashtu sipas kohës sonë. Më pas do të vazhdojnë takimet e ndara të palëve me treshen ndërmjetësuese.

As nga këto takime nuk pritet me optimizëm se mund të arrihet ndonjë marrëveshje apo ndonjë risi në procesin e vendimit për statusit, për shkak të dallimeve thelbësore që kanë palët.

Prishtina do t’ia dorëzojë edhe zyrtarisht palës serbe dhe treshes ndërmjetësuese projektin për marrëdhënie të mira fqinjësore me Serbinë, duke e cilësuar çështjen e statusit dhe pavarësinë e Kosovës, si punë të kryer.

Ndërkaq, zyrtarët serbë kanë thënë se do të ofrojnë "autonomi të zgjeruar" për Kosovën dhe se mund të bisedojnë për ndërtimin e marrëdhënieve të mira në mes dy popujve, por jo edhe në mes dy shteteve të ardhshme.

Tani edhe faktorët relevantë ndërkombëtarë, të përfshirë në këtë proces duket të jenë më të vendosur që zgjidhja e statusit të Kosovës të mos vonojnë shumë pas 10 dhjetorit.

Më parë, ministri i jashtëm i Francës, Bernrad Kushenr ka theksuar se Bashkimi Evropian duhet të vendosë për statusin e Kosovës. “Çështja e Kosovës është problem evropian, nuk është problem rus apo amerikan dhe ne në Bashkimin Evropian do të jemi ata që do të vendosim, sepse do të përballemi me problemet në fund të vitit”, ka thënë Kushner. Edhe shefi i diplomacisë gjermane, Frenk Ualter Shtanmajer ka thënë se bisedimet për Kosovën kanë hyrë në fazën vendimtare. Ai ka theksuar se është kundër ndarjes së Kosovës, duke tërhequr vërejtjen se ndryshimi i kufijve në Ballkan do të sjellë pasiguri të reja.
Në takimin e sotëm pritet të caktohet agjenda edhe për takimet e ardhshme dhe duket se do të ketë një intensifikim të takimeve të drejtpërdrejta të palëve deri më 10 dhjetor, kur edhe do të përmbyllet periudha e bisedimeve shtesë për statusin e Kosovës.

Grupi i Kontaktit konfirmon se mandati i Treshes mbaron më 10 dhjetor Ministrat e Jashtëm të Grupit të Kontaktit, Britanisë së Madhe, Francës, Gjermanisë, Italisë, Rusisë dhe ShBA-së, pas një takimi dje pasdite në Kombet e Bashkuara në New York i bënë thirrje përfaqësuesve të Kosovës dhe të Serbisë që të tregojnë një shpirt konstruktiv në bisedimet e drejtpërdrejta midis që do të mbahen sot poashtu në New York.Ministri i Jashtëm i Britanisë së Madhe, David Milliband, i cili foli në emër të grupit, tha se në takimin që u zhvillua me dyer të mbyllura në selinë e organizatës botërore , kishte një pajtueshmëri se status quo-ja nuk mund të vazhdojë.
Miliband tha se mandati i gjithë procesit dhe i bisedimeve shtesë të do të përfundojë më 10 dhjetor, kur edhe treshja ndërmjetësuese ndërkombëtare do të paraqesë raportin përfundimtar para Sekretarit të Përgjithshëm, Ban Ki Moon.
"Vendet anëtare të Grupit të Kontaktit theksuan rëndësinë e angazhimit të dyja palëve dhe kjo është baza, mbi të cilën do të zhvillohen diskutimet e mëtejshme," tha ministri i Jashtëm britanik. Sipas një zëdhënësi të Departamentit të Shtetit, SHBA vazhdojnë të mbështesin treshen ndërmjetësuese, mirëpo Sekretarja e Shtetit Condoleezza Rice ka deklaruar se mandati i treshes nuk është i pambarim dhe se ky proces duhet të mbarojë më 10 dhjetor.
Në takimin e djeshëm të Grupit të Kontaktit, morën pjesë edhe përfaqësuesi i BE-së për politikë të jashtme dhe Siguri, Javier Solana, komisari evropian për zgjerim, Oli Rehn si dhe Sekretari i Përgjithshëm i NATO-së, Jaap de Hoop Scheffer.

Uisner “as optimist as pesimist” për bisedimet Përfaqësuesi amerikan në treshen ndërkombëtare, Frank Uisner, ka thënë se, nëse nuk arrihet një marrëveshje mes palëve, atëherë vendimin, se si të vazhdohet më tej, e merr sekretari i përgjithshëm i OKB-së. Në një intervistë për BBC, Uisner ka thënë se është arritur një gjendje në negociata, në të cilën palët kanë menduar mirë dhe i kanë artikuluar qëndrimet e tyre dhe janë të gatshëm të takohen. Lidhur me rezultatin e këtyre bisedimeve, Uisner ka thënë: “Unë s'jam as optimist e as pesimist. E di se kemi një punë të rëndësishme për ta kryer dhe këtë do ta kryejmë e nuk do të lëmë asnjë gur pa e luajtur nga vendi”, ka thënë Usiner. Ai ka shtuar se detyrë e treshes është të përfundojë punën. Më dhjetë dhjetor apo para asaj date ne duhet t'ia dërgojmë konkludimet tona Grupit të Kontaktit dhe sekretarit të përgjithshëm; pas kësaj i përket qeverive sovrane që të vendosin”, ka thënë përfaqësuesi amerikan në treshen ndërkombëtare.

Oli Rehn: Zgjidhja e qartë e statusit të Kosovës kërkon nisma konkrete dhe dëshirën për kompromis
28-09-2007 Uashington
Zëri i Amerikës: - Një zyrtar i lartë i Bashkimit Evropian i tha Zërit të Amerikës së e ardhmja e Kosovës është e lidhur me atë të Serbisë. Komisioneri për Zgjerim i Bashkimit Evropian, Olli Ren i bëri thirrje të dy palëve t’i japin fund shtyrjeve për një marrëveshje përfundimtare mbi statusin e Kosovës dhe të ecin përpara për një të ardhme më të mirë. 

Deri tani, muaj të tërë bisedimesh nuk kanë mundur të afrojnë Prishtinën që këmbëngul për pavarësi dhe Beogradin, që dëshiron të mbajë Kosovën si pjesë formale të Serbisë. Raundi i tanishëm i bisedimeve mbi të ardhmen e statusit të Kosovës është vendosur që të përfundojë në 10 dhjetor. Ndërkohë, Komisioneri për Zgjerim i Bashkimit Evropian, Olli Rehn i tha Zërit të Amerikës se Kosova dhe Serbia do të jenë të lidhura edhe në të ardhmen.

“Në qoftë se vemë re mbas të sotmes dhe të ardhmes së afërt, të themi 5-10-15 vite më pas, mund të shihni se të dyja, Serbia dhe Kosova, pavarësisht se cili do të jetë statusi i saktë për Kosovën, do të jenë pjesë të Bashkimit Evropian, ashtu si dhe pjesa tjetër e vendeve të Ballkanit Perëndimor. Kështu, në qoftë se shihet në një perspektivë më të largët, mund të shihet se Serbia dhe Kosova janë shumë të varura nga njera-tjetra dhe të dyja do të jenë pjesë e Bashkimit Evropian, me kushtin që të plotësojnë kërkesat e anëtarësimit”.

Por, 27 vendet anëtare të Bashkimit Evropian nuk janë të bashkuara për mënyrën se si duhet vepruar lidhur me çështjen e një pavarësie të mundshme të Kosovës, në qoftë se ajo arrihet pa një miratim formal të Organizatës së Kombeve të Bashkuara.

Shtetet e Bashkuara mbështesin pavarësinë e Kosovës, ndërsa Rusia kërcënon të verë veton, për çdo rezolutë të Këshillit të Sigurimit, me të cilën Beogradi nuk do të ishte dakort. Sekretarja e Shtetit, Kondoliza Rajs, tha këtë javë se një rezolutë “miqësore”, sipas fjalëve të saj, për statusin e Kosovës është ende e mundur.

Zonja Rajs i bëri thirrje Bashkimit Evropian që të ndërmarrë disa vendime të guximshme për statusin e Kosovës. Komisioneri Rehn tha se Bashkimi Evropian preferon një zgjidhje me mirëkuptim dhe jo një veprim të njëanshmëm.

“Ne dëshirojmë të punojmë shumë dhe seriozisht për një zgjidhje me mirëkuptim, të lëvizim çdo gur dhe më shumë, por natyrisht që ne presim që Beogradi dhe Prishtina të mbjanë një qëndrim konstruktiv. Një zgjidhje e arritur me negociata, në qoftë se mund të gjendej, sigurisht që do të ishte më e mirë për të gjithë”- tha Rehn. 

Por shumë raunde bisedimesh nuk kanë sjellë ndonjë marrëveshje midis Beogradit dhe Prishtinës. Çfarë do të ndodhë në qoftë se të dyja palët nuk bien dakort për një zgjidhje?

“Unë nuk kam dëshirë të bëj hamendje. Por në çdo rast, duhet të jetë e qartë për gjithësecilin, se duke zgjatja e kësaj agonie nuk do të ndihmojë asnjeri: rajonin, Evropën, apo dhe botën. Zgjatja e kësaj agonie do të thotë vetëm shtim i rrezikut për paqëndrueshmëri në Kosovë, që do të thotë ngadalësim i rrugës së Serbisë për në Bashkimin Evropian dhe do të dëmtonte të ardhmen e vendeve të Ballkanit Perëndimor drejt anëtarësimit të Bashkimin Evropian. Kjo nuk do të ishte në interesin e askujt”.

Ndërmjetësit e trojkës ndërkombëtare, të përbërë nga BE, SHBA dhe Rusia, thonë se ka një frymë pozitive midis negociatorëve serbë dhe atyre shqiptarë të Kosovës. Por, zoti Rehn tha se një zgjidhje e qartë kërkon propozime aktuale dhe dëshirën për kompromis.

“Por nevojitet më tepër se sa fryma. Duhen nisma konkrete dhe kjo është përgjegjësi e Beogradit dhe Prishtinës”, - tha zoti Rehn.

Grupi i Kontaktit për Kosovën u takua dje në New York, për të vlerësuar përparimin në drejtim të një zgjidhjeje përfundimtare të statusit të Kosovës.

Zoti Rehn i bëri thirrje Rusisë që të bëhet pjesë e zgjidhjes.

“Ne kemi nevojë për të gjithë partnerët në komunitetin ndërkombëtar që të kontribojnë për këtë çështje, duke përfshirë, natyrisht Federatën Ruse, e cila thotë se mbështet një zgjidhje shumëpalëshe. Gjithashtu, ne jemi në favor të një bashkëpunimi shumëpalësh të efektshëm dhe të përgjegjshëm dhe ne presim që të gjithë partnerët të praktikojnë ato që predikojnë dhe të mos kërcënojnë për veprime të njëanshme, apo me përdorimin e vetos”, - tha Komisioneri i Bashkimit Evropian për Zgjerimin, Oli Rehn. //voa//

Gjilan: Një shqiptar dhe një serb kapen me tre kilogramë narkotikë Policia në Gjilan ka arrestuar dhe po mban në parburgim një qytetar shqiptar dhe një serb, tek të cilët janë gjetur mbi tre kilogram drogë. Togeri Ismet Hashani, zëdhënës i SHPK-së në Gjilan ka bërë të ditur se gjatë kontrollit nё veturё e tyre janë gjetur dhe sekuestruar gjashtë paketime me substancё tё dyshuar narkotike qё mund tё jetё e llojit heroinё. “Po ashtu gjatë këtij operacioni ёshtё sekuestruar një revole të tipit TT i kalibrit 7.62 mm i modelit M57, tre telefona mobil me nёntё (9) kartela telefonike dhe automjeti qё ёshtё përdorur nga ana e tё dyshuarve”, ka thënë Hashani.

Nga dy tetori lëshohet në qarkullim linja hekurudhore Prishtinë - Pejë- Prishtinë Që nga dy tetori hekurudhat e Kosovës do të lëshojnë në qarkullim linjën hekurudhore Prishtinë - Pejë- Prishtinë. Në mëngjes në orën 5:50h niset treni i shpejt nga Peja i cili arrin në Prishtinë në orën 7:30h, pra për një orë e gjysmë udhëtim. Në këtë linjë treni ndalet vetëm në 4 stacione, ndërsa në linjën tjetër atë të mesditës treni ndalet në të gjitha stacionet. Bileta standarde për këtë linjë kushton 3 euro, mirëpo për studentë ka zbritje 50%, pra 1.5 euro, kurse për biletë kthyese ka zbritje 20%.

Në protestat në Birmani, vriten 13 vetë, ndër të cilët një gazetar japonez
Rangun, 28 shtator 2007
- Në kryeqytetin birmanez, Rangun, janë mbledhur sërish edhe sot mijëra demonstrues, kundërshtarë të regjimit ushtarak në vend. Përkundër shtimit të presionit ndërkombëtar, udhëheqja ushtarake në Birmani ka vepruar me ashpërsi kundër demonstruesve. Këto demonstrata konsiderohen më të mëdhatë publike në 20 vitet e fundit në këtë vend. Në përleshjet dyditëshe, humbën jetën 13 njerëz, në mesin e tyre edhe një gazetar japonez, kanë bërë të ditur medieve shtetërore. Po ashtu njoftohet për plagosjen e rreth 40 njerëzve të tjerë.

...intervista:
Obrajën: Shtetet e Bashkuara janë të gatshme të njohin pavarësinë e Kosovës
26-09-2007 Zëri i Amerikës, Uashington - Shtetet e Bashkuara janë shprehur në mënyrë të përsëritur në favor të pavarësisë Kosovës. Më së fundi qëndrimi amerikan u përsërit të hënën nga Sekretarja e Shtetit, Kondolisa Rajs. Ish këshilltari i posaçëm presidencial për Ballkanin, Xhejms Obrajën thotë se Uashingtoni është gati ta njohë pavarësinë e Kosovës, edhe pa një marrëveshje me Beogradin, ndërkohë që rusët preferojnë ta zgjasin procesin pa një afat të caktuar, megjithëse nuk e kanë deklaruar preferencën e tyre. Në një intervistë për Zërin e Amerikës, zoti Obrajën thotë se çështja është se cili është qëndrimi i Bashkimit Evropian kur bëhet fjalë për pavarësinë e Kosovës, prandaj edhe muajt e ardhshëm do të jenë vendimtarë.

Zëri i Amerikës:   Sekretarja e shtetit Kondolisa Rajs shprehu këtë javë dedikimin e Shteteve të Bashkuara për pavarësinë e Kosovës Megjithatë ajo tha se shpallja e njëanshme e pavarësisë nga vetë Kosova nuk është një ide shumë e mirë. Si mund të shkohet në pavarësinë e Kosovës, pa një shpallje të njëanshme të saj?

Xhejms Obrajën:   Komentet e Sekretares Rajs pasqyrojnë angazhimin e vendosur të Shteteve të Bashkuara për ta zgjidhur statusin e Kosovës këtë vit. Me komentet e saj ajo përpiqet të thotë se Shtetet e Bashkuara, Evropa dhe Rusia po bëjnë përpjekje të gjithanshme për të gjetur një zgjidhje të përbashkët të kësaj çështjeje, ndërkohë që shkurajojnë secilën palë, si Prishtinën edhe Beogradin që të ndërmarrin ndonjë veprim, para se të arrihet në një farë marrëveshje mes faktorëve ndërkombëtarë lidhur me kursin e së ardhmes: Populli i Kosovës të mos shpallë pavarësinë, deri sa të përcaktohet kursi i së ardhmes dhe Serbia të mos ndërmarë ndonjë veprim, si për shembull ndarja e veriut të Kosovës, ose të tërheqë popullsinë serbe nga enklavat. Fuqitë perëndimore duan që Prishtina dhe Beogradi të përmbahen nga veprime të tilla për të bërë të mundur që të bëhen të gjitha përpjekjet deri në fund të procesit. Në fund të procesit është më se e qartë se si do të zhvillohen ngjarrjet. Shtetet e Bashkuara janë në favor të pavarësisë në të ardhmen e afërt dhe janë gati ta njohin pavarësinë e Kosovës , edhe pa një marrëveshje me Beogradin, ndërkohë që rusët preferojnë ta zgjasin procesin pa një afat të caktuar, megjithëse nuk e kanë deklaruar preferencën e tyre. Çështja është tek qëndrimi i Bashkimit Evropian lidhur me pavarësinë e Kosovës. Prandaj edhe muajt e ardhshëm do të jenë vendimtarë. Kjo është koha kur udhëheqja politike e BE-së të ndjehet rehat për marrjen e vendimit, pavarësisht nëse kanë marrëveshjen e Beogradit apo të Moskës.

Zëri i Amerikës:   Raundi më i fundit i bisedimeve përfundon më 10 dhjetor. Ju thatë se Shtetet e Bashkuara do ta njohin në mënyrë të njëanshme pavarësinë e Kosovës. A mendoni ju se kjo do të ndodhë këtë vit nëse nuk arrihet një marrëveshje në Këshillin e Sigurimit?

Xhejms Obrajën:   Presidenti Bush dhe Sekretarja Rajs kanë lënë të kuptohet se Shtetet e Bashkuara do ta njohin pavarësinë e Kosovës. Ajo që duket se ata preferojnë është të arrihet një marrëveshje mes një numër vendesh evropiane, që do ta njihnin Kosovën pak pasi ajo të shpallte pavarësinë. Rezultati më i mirë është që të arrihet një zgjidhje me miratimin e Beogradit, por kjo nuk do të ndodhë, ose Moska ta pranojë në heshtje pavarësinë e Kosovës dhe kjo çështje të hidhet në vonë në Këshillin e Sigurimit, duke bërë të mundur që shtete të ndryshme të njohin pavarësinë e Kosovës. Mendoj se ky është një rezultat që nuk ka shumë të ngjarë të ndodhë. Ajo që ka më shumë të ngjarë të ndodhë është se raundi i tanishëm i bisedimeve do të dështojë. Sekretarit të Përgjithshëm të OKB-së do t’i paraqitet një raport, në të cilin do të pranohet se nuk ka perspektivë për një zgjidhje nëpërmjet bisedimeve. Në atë kohë, një grup shtetesh do të meren vesh me udhëheqjen e Kosovës se nëse ata shpallin pavarësinë këto shtete do ta pranojnë atë. Në këtë grup do të bëjnë pjesë Shtetet e Bashkuara dhe një masë kritike e vendeve anëtare të Bashkimit Evropian, 15-20 shtete, si dhe vende të tjera nga e gjithë bota dhe kjo do të ishte zgjidhja e statusit të Kosovës. Çështja për muajt e ardhshëm nuk është nëse Shtetet e Bashkuara do të veprojnë të vetme, por nëse ato do të jenë të sukseshme të bindin një numër vendesh të bashkohen në zgjidhjen e statusit të Kosovës. Nëse Uashingtoni e shtyn marrjen e vendimit përfundimtar me pak javë me shpresë që të sigurojë këtë mbështetje, ato mund ta bëjnë këtë, por prova reale është nëse administrata amerikane mund të shfrytëzojë muajt tetor e nëntor që të bindë vende të tjera të mbështesin zgjidhjen e saj të preferuar. Mendoj se kjo përpjekje ka filluar tashmë dhe nëse statusi i Kosovës do të hidhej sot në votë, ndoshta 20 vende të Bashkimit Evropian ose edhe më shumë do të njihnin pavarësinë e Kosovës.

Zëri i Amerikës:   Dhe në një skenar të tillë, si do të reagonte Serbia dhe Rusia?

Xhejms Obrajën:   Këtë gjë unë nuk e di. Mendoj se në Serbi kemi të bëjmë me dy nivele: E gjithë udhëheqja politike serbe do të jetë shumë kritike nëse meret një vendim i tillë dhe do të kalojë një farë kohe deri sa Serbia ta njohë pavarësinë e Kosovës, madje kjo çështje mund të zgjasë për një farë kohe. Beteja reale do të zhvillohet në politikën e brëdshme. Kryeministri Koshtunica është shprehur kundër të gjitha nismave perëndimore, anëtarësinë në NATO dhe në Bashkimin Evropian. Mendoj se Kosova për të është një pretekst për t’u shkëputur nga perëndimi. Kjo do të bëjë që populli serb të bëjë zgjedhjen, a duan ata të jenë pjesë e institucioneve perëndimore, ku janë anëtarë të gjithë fqinjët e tyre, apo duan të mbajnë një qëndrim të pavarur, ndoshta duke u mbështetur kryesisht tek Rusia. Mendoj se kjo nuk është një e ardhme, që shumica e serbëve duan të shikojnë për vete, por ky është një vendim që ata duhet të marrin dhe që do të shikohet qartë në zgjedhjet e Serbisë gjatë viteve të ardhshme.

Zëri i Amerikës:   Në Kosovë ekziston shqetësimi se shtyrjet dhe negociatat shtesë e kanë dobësuar mbështetjen e vendeve evropiane, në vend që ta shtojnë atë drejt një zgjidhjeje të statusit të Kosovës. Cili është komenti juaj?

Xhejms Obrajën:   Kjo është një kohë për të qënë nervoz. Ne po i afrohemi fundit të një procesi dhe asnjë palë nuk dëshiron të pranojë se është gati të marë një vendim të vështirë, sepse kjo vetë është një çështje e vështirë. Rezultati është se evropianët po e mendojnë këtë me kujdes, se e vetmja zgjidhje është të meret vendimi pa një marrëveshje nga Beogradi apo Moska. Ky është një vendim që duhet marë nga udhëheqja politike e Bashkimit Evropian duhet të marë gjatë 2 muajve të ardhshëm. Shpresoj që gjatë kësaj kohe, udhëheqësit politikë do të diskutojnë me palët e angazhuara dhe të pranojnë se nuk do të arrihet një marrëveshje dhe se mënyra më e mirë që rreth 10 milion njerëz të këtij rajoni të bëhen pjesë e Bashkimit Evropian është që Kosova të jetë e pavarur dhe Serbia të përqëndrohet në të ardhmen në vend që të luftojë për kufijtë e saj.//voa//

Stiven Shuk hetohet për "sjellje agresive", por nuk jep dorëheqje
Zëvendës shefi i UNMIK-ut Stiven Shuk ka njoftuar se Zyra për kontroll të brendshëm e OKB-së ka zhvilluar hetime për sjelljet e tij gjatë misionit në Kosovë, ashtu siç edhe kanë raportuar kohë më parë media kosovare. Ai njoftoi se ai po hetohet për akuza për "sjellje agresive" gjatë ushtrimit të detyrës së tij. Shuk tha se nuk ndjehet fajtor dhe se nuk do të jap dorëheqje. Në një konferencë të jazhtëzakonshme për gazetarë zëvendësshefi i UNMIk-ut gjenerali dhe diplomati amerikan Stiven Shuk ka njoftuar se dje ka kuptuar se, zyra e mbrendshme e Kombeve të Bashkuara për kontrollimin e personelit të misioneve të OKB-së, ka filluar hetimet ndaj sjelljeve të tij në Kosovë. Ai njoftoi se ai po hetohet dhe akuzohet kinse ka sjellje agresive gjatë ushtrimit të detyrës së tij në Kosovë:
“Askush nga zyra për kontroll të brendshëm e Kombeve të bashkuara nuk ka kontaktuar me mua, por më është bërë e ditur se hetimet ndaj meje janë duke u bërë se unë kam sjellje agresive, jam sjellur në mënyrë joprofesionale me ministrin Ethem Çeku dhe ish kryeministrin Ramush Haradinaj, dhe se kam lidhje personale me femra ndërkombëtare dhe kosovare gjatë misionit tim në Kosovë” tha ai.
Shuk tha se nuk ndjehet fajtor për akuzat ndaj tij dhe se nuk do të jap dorëheqje. Në këtë kontest ai shtoi se ndoshta është fajtor për atë se e don punën që e bën dhe ka përkushtim ndaj detyrës për të cilën është në Kosovë:” Së pari, ndoshta jam fajtor se e dua punën time, e mbështes zhvillimin e Kosovës, mbështes zgjedhjet me lista të hapura, zhvillimin ekonomik, besoj në një të ardhme të mirë për të gjithë në Kosovë, mbështes pavarësinë e mbikqyrur të Kosovës në bazë të pakos së Ahtisarit”tha Shuk.
Ai tha se nuk do të lejojë që këto apo akuza tjera që të kenë ndikim negativ në statusin e Kosovës, si dhe në kryerjen e detyrave dhe përgjegjësive të tij në Kosovës.
Ndryshe Zyra e shërbimit për mbikqyrje të brendshme e OKB-së bën kontrollimin e sjelljeve të zyrtarëve të OKB-së në misione përkatëse nëpër botë.

Karl Wokalek, shef i Zyrës Gjermane: Pavarësia është e ardhmja e Kosovës Pavarësia është e ardhmja e Kosovës. Kështu tha shefi i ri i Zyrës gjermane në Prishtinë, ambasadori Karl Vokalek në një intervistë ekskluzive për Radio Kosovën. Ai tha se BE gjithmonë deri më tani ka qenë unik për çdo problem dhe kështu do të jetë edhe me rastin e zgjidhjes së statusit për Kosovën. Sa i përket planit Ahtisaari, ai thotë se ndodhet në tavolinë, bile në mes të tavolinës. Zoti Wokalek, më 28 shtator në Nju Jork, për herë të parë drejtpërdrejt, takohen përfaqësuesit e Kosovës dhe ata të Serbisë për të diskutuar statusin e Kosovës. A shpresoni se vërtetë palët mund të arrijnë ndonjë kompromis, duke pasur parasysh qëndrimet e tyre diametralisht të kundërta që kanë?

Karl Wokalek: Konsiderojmë se të dyja palët duhet të gjejnë një kompromis. Nuk duhet të vazhdojnë të këmbëngulin në qëndrimet e veta duke thënë “vetëm kështu dhe jo ndryshe”. Problemi i Kosovës duhet të zgjidhet me kompromis. Nëse zgjidhet në mënyrë të njëanshme do të kishim një problem shtesë në Evropë dhe kjo nuk na nevojitet. Unë besoj se duhet të jemi optimistë. Ka kohë të mjaftueshme deri më 10 dhjetor, pastaj palët i njohin hapësirat e tyre manovruese dhe besoj është me shumë rëndësi që të dyja palët, Serbia dhe Kosova, të tregojnë vullnetin e mirë dhe gjatë kësaj kohe, përmes negociatave, me seriozitet të merren vesh dhe të gjejnë një zgjidhje. Në Nju Jork, palët takohen ballë për ballë dhe shpresojmë se ky rast do të shfrytëzohet prej tyre.

Zoti Wokalek, të gjithë tashmë i dinë qëndrimet e palëve që janë të kundërta. Pala kosovare është e vendosur në synimin për pavarësi, kurse pala serbe kundërshton këtë. Nga e merrni ju këtë optimizëm?

Karl Wokalek: Duhet të mbesim optimist. Një problem që shoh unë ka të bëjë me faktin se të dyja palët mendojnë se janë vetëm në botë. Serbia dhe Kosova nuk janë vetëm, kanë partnerë dhe të dyja palët duhet të marrin në konsideratë qëndrimet e partnerëve, qëndrimin e Evropës, sepse të dyja vendet ndodhen në Evropë, bashkëjetojnë me Evropën dhe besa pjesërisht edhe jetojnë nga investimet e Evropës. Më befason ky qëndrim i njëanshëm i palëve, sillen sikur mund të bëjnë vetë ashtu si duan pa marrë në konsideratë qëndrimin e partnerëve. Kështu nuk shkon dhe këtë e ka dëshmuar historia gjermane. Vetëm me marrëveshje mund të gjendet një zgjidhje paqësore për problemin.

Në rregull, por nëse deri më 10 dhjetor nuk gjendet një zgjidhje me pajtimin e të dyja palëve, për të cilën flisni ju dhe në anën tjetër, shqiptarët e shpallin pavarësinë e njëanshme a do ta njohë Gjermania pavarësinë e shpallur të Kosovës?

Karl Wokalek: Pse duhet patjetër të përgjigjem tani?!! Nëse tani përgjigjemi, kosovarët do të fortifikohen më shumë në pozicionet që kanë, do të kundërshtojnë çdo opsion dhe nuk do të bënin asgjë për të lëvizur nga qëndrimet e tyre. Prandaj, tani nuk është me rëndësi të themi qëndrimin tonë zyrtar rreth kësaj çështje. Do ta themi kur të vijë koha. Ajo që mund të themi tani është se të dyja palët duhet të negociojnë seriozisht mes veti dhe të gjejnë një zgjidhje.

Në Kosovë është krijuar një bindje se Gjermania kohëve të fundit është e përmbajtur në deklarimet për statusin e Kosovës. Tashmë, SHBA-të kanë bërë të njohur qëndrimin e tyre për pavarësi përmes presidentit Bush dhe sekretares së Shtetit. Në bord me amerikanët janë dhe britanikët, kurse tani edhe Franca. Presidenti francez Nikola Sarkozi, në një intervistë për Njy York Times thekson se pavarësia e Kosovës është e pashmangshme. Në këtë mes pyetja shtrohet: Ku mbeti Gjermania, cili është qëndrimi zyrtar i Qeverisë gjermane?

Karl Wokalek: Do të ishte keq të binim tani publik qëndrimin zyrtar të Gjermanisë, sepse me këtë do të ndikohej në procesin negociator, që duhet të zhvillohet gjatë kësaj kohe sa ka mbetur. Konsiderojmë se është akoma herët të bëjmë këtë deklarim zyrtar për statusin e Kosovës. Deklarimet që po bëhen tani nuk nxitin palët të kërkojnë zgjidhje të pajtueshme. Deklarimet që bëhen nga Amerika janë përgjegjësi e amerikanëve. Duhet ditur se Amerika nuk është Evropë dhe Amerika në të ardhmen nuk do të kujdeset për Kosovën dhe Serbinë në planin ekonomik dhe të investimeve ashtu siç do të bëjë Evropa me këto vende.

Ideja për ndarjen e Kosovës fjala vjen është përmendur nga diplomatë evropianë, si zoti Ishinger i cili në prag të takimit të Londrës i ka thënë një gaze londineze se “duhet folur vetëm për një status të mbikqyrur ndërkombëtar të Kosovës”. A është ky qëndrimi i Qeverisë gjermane, a do të thotë kjo se Gjermania përjashton opsionin e pavarësisë? “Status i mbikëqyrur ndërkombëtar?!”, Çfarë ka menduar zoti Ishinger me këtë ?

Karl Wokalek: Është ende herët të thuhet konkretisht se çfarë përmbajtje do të ketë raporti i Treshes ndërkombëtare që do t’i dorëzohet Sekretarit të përgjithshëm të OKB-së me 10 dhjetor. Tani vetëm mund të spekulojmë. Spekulimet janë interesante dhe nxitin emocionet, por nuk ndihmojnë për bisedime të kthjellëta, prandaj më me dëshirë nuk do të deklarohem.

Zoti Wokalek, më konkretisht ju lutem, nga këtë që thatë, do të thoni se Gjermania e përjashton opsionin e pavarësisë për Kosovën?


Karl Wokalek: E ardhmja e Kosovës është pavarësia. Çështja është: pavarësi e menjëhershme - kokë më vete, apo pavarësi me pëlqimin e fqinjit dhe mbështetjen e Bashkimit Evropian, kjo është çështja.

Domethënë, i thoni “Po” pavarësisë?

Karl Wokalek: Pavarësia është e ardhmja e Kosovës.

Sa i përket Planti të Ahtiasrit, sipas Qeverisë gjermane, “jeton” ky plan, apo ka “vdekur” siç thonë politikanët rusë deh serbë? Vërtetë, a ndodhet akoma në tavolinë plani i Ahtisaarit?

Karl Wokalek: Plani ndodhet në tavolinë, bile në mes të tavolinës.

Një pyetje për qëndrimin e BE përballë Kosovës. Do të përçahet BE në rastin e Kosovës, apo do të veprojë unik pas 10 dhjetorit?

Karl Wokalek: Shtroni pyetje interesante, por pse duhet të përgjigjemi tani?!

Domethënë, besoni se BE do të veprojë unike?

Karl Wokalek: Bashkimi Evropian deri më tani gjithmonë ka pasur qëndrim unik pavarësisht se çfarë problemi ka qenë në pyetje. Konsideroj megjithatë, se kjo pyetje është herët të marrë përgjigje.

Nga ana e BE në Kosovë po bëhen përgatitje për misionin e ardhshëm të BE në Kosovë. Cili është këtu kontributi i Gjermanisë?

Karl Wokalek: Gjermania është kontribuuesi më i madh i buxhetit të BE-së. Ne paguajmë 25 përqind të të gjithë buxhetit të BE-së. Gjermania edhe në të ardhmën do të ndihmojë në zhvillimin e Kosovës duke pasur parasysh edhe 25 përqind të investimeve që vijnë nga BE-ja. Ky është kontributi më i madh financiar që një vend evropian i Bashkimit Evropian paguan për Kosovën.

Me 3 tetor, Gjermania mbush 17 vite nga bashkimi i saj. Çfarë mund të mësojë politika kosovare dhe populli i Kosovës nga përvoja dhe historia juaj?

Karl Wokalek: Shumë gjëra, së pari durimin, shumë durim duhet pasur. Ka gjëra për të cilat nuk ia vlen t’i biesh murit me kokë nëse nuk është pjekur koha. Ka procese që kërkojnë shumë kohë dhe ajo që është me rëndësi gjithçka duhet zgjidhur në bashkëpunim me partnerët dhe fqinjët, sepse nuk ka mundësi të realizohet asgjë kokë më vete - pa përkrahjen e miqve. Kjo mund të funksionojë një çast, por më pasur mund të shkaktojë reaksione që mund të trazojnë rajonin. Pra, nisur nga historia e Gjermanisë, këshilloj të tregoni durim.

Një pyetje fundit: Këto ditë patëm një shpërthim me pasoja në Prishtinë. Sa e dëmton kjo prestigjin e Kosovës?

Karl Wokalet: Është një pyetje për policinë. Megjithatë, pa dilemë, Kosova dëmtohet kur brenda saj veprojnë organizata kriminale dhe kryejnë akte të tilla. Kjo është detyrë e policisë kosovare, e cila do të duhet ta marrë shumë seriozisht çështjen e krimit të organizuar në Kosovë. /Fadil Gashi/rtk/.

Gjatë muajve të verës janë shpërndarë 24 mijë dokumente udhëtimi Mbi 24 mijë persona që jetojnë jashtë Kosovës, janë pajisur me dokumente udhëtimi, gjatë muajve qershor, korrik dhe gusht, përmes programit të qeverisë për dhënien e dokumenteve të udhëtimit me procedurë të përshpejtuar. Procedimi dhe lëshimi i këtyre dokumenteve është arritur në saje të angazhimit të shtuar të shërbyesve civilë të Kosovës, në bashkëpunim me punonjësit e UNMIK-ut, thanë sot zyrtarët e ministrisë së punëve të brendshme, në një takim me përfaqësues të komunave dhe të UNMIK-ut në Prishtinë. Gjatë periudhës tremujore me procedurë të përshpejtuar janë lëshuar mbi 24 mijë dokumente udhëtimi për qytetarët që jetojnë në diasporë, nga rreth 82 mijë sa janë lëshuar gjithsej. Sekretari i përhershëm i Ministrisë së Punëve të Brendshme, Halil Bllaca, tha se për realizimin e këtij projekti është nevojitur angazhim i shtuar i shërbyesve civilë. Megjithëse gjatë kësaj periudhe janë shënuar edhe vonesa, apo edhe tensione në punë, ministri Blerim Kuqi u shpreh i kënaqur me zbatimin e këtij projekti. Drejtori i Departamentit për prodhimin e dokumenteve të udhëtimit, Enver Sylejmani theksoi se gjatë kësaj periudhe është dashur që punëtorët të punojnë me orar të zgjatur, për shkak të aplikacioneve të shumta. Ndërkaq, pjesëmarrësit nga komunat pohuan se krahasuar me vitin e kaluar, programi i sivjetshëm ishte shumë më i mirë, më i suksesshëm dhe më i organizuar.

Gjatë një bastisjeje në Gjilan, policia gjen marihuanë Policia anti-drogë në Gjilan nё orët e hershme tё mëngjesit ka arrestuar një qytetar shqiptar të moshës 24 vjeçare ngase në shtëpinë e tij gjatë bastisjes është gjetur substancë narkotike. Policia gjatë bastisjes në shtёpinë ka gjetur 37.1 gramë substancë e dyshuar tё jetё e llojit mariuhanё , ka treguar për rastin toger Ismet Hashani zëdhënës i SHPK-së në Gjilan. Sipas tij policia ka gjetur gjithashtu edhe dy plumba 9.8mm si dhe dy armë tё ftohta (thika). Mjetet e gjetura janë konfiskuar, i dyshimti është arrestuar dhe me urdhër tё prokurorit ndalet nё mbajtje, ka thënë toger Hashani.
Ndryshe, sipas zëdhënësi të policisë në Gjilan, nё Rajonin e Gjilanit gjatë kësaj jave, policia me urdhёresё tё lëshuar nga Gjykata për kundërvajtje të ndryshme ka sjell gjithsejtë 70 persona, 13 prej tyre janë dërguar menjëherë ne vuajtje të dënimit, 37 tё tjerë kanë paguar gjoba të ndryshme si dhe 20 persona janë sjell ne seanca të ndryshme gjyqësore.

Policia e Shqipërisë sekuestron 90 kilogramë marihuanë Policia e Shqipërisë ka sekuestruar 90 kilogramë marihuanë në aksin rrugor Pogradec- Qafë Thanë. Sipas medieve të Shqipërisë, droga ishte e ndarë në pako dhe e vendosur në disa çanta, në veturën që e transportonte. Policia ka thënë se beson që destinacion i drogës të ketë qenë Greqia.

Katër të plagosur në një incident para ndërtesës së Parlamentit të Maqedonisë Katër persona të plagosur dhe disa të tjerë të ndaluar është bilanci i një incidenti që ndodhi mbrëmë para ndërtesës së Parlamentit të Maqedonisë në Shkup. Policia ndërhyri kur persona të paidentifikuar u mblodhën para godinës së parlamentit pas njoftimeve se deputetët e BDI-së nuk lejoheshin të dilnin nga ndërtesa. Siç u njoftua atyre u ishte kërkuar që të qëndrojnë brenda për shkaqe sigurie. Ngjarjes i kishte paraprirë një përplasje fizike mes deputetëve shqiptarë të opozitës dhe maxhorancës, që kishte ndodhur gjatë seancës së parlamentit.

Greqia reagon ndaj përdorimit të emrit Maqedoni Emri “Maqedoni” ka ngjallur tensione diplomatike në Asamblenë e Përgjithshme të OKB-së. Përfaqësuesi grek në OKB ka reaguar menjëherë, kur drejtuesi i Asamblesë e ka ftuar Cërvenkovskin që ta marrë fjalën, duke e thirrur president i Maqedonisë. Ai ka përkujtuar se në rezolutat e OKB-së ish-republika jugosllave njihet si FYROM. Por tensioni është ngritur edhe më shumë kur Cërvenkovski në fund të fjalimit ka thënë se emri i vendit të tij është dhe do të jetë Maqedoni. Menjëherë ka reaguar me një deklaratë zyrtare edhe ministria e Jashtme greke.

Majk Tajson pranon se ka përdorur drogë Ish kampioni i botës për peshat e rënda në boks, Majk Tajson ka pranuar akuzat për posedim të lëndëve narkotike dhe për vozitje të makinës nën efektin e drogës. Ai u arrestua dhjetorin e kaluar në Arizona pasi nuk po respektonte rregullat e qarkullimit, ndërsa kishte dalë nga një klub nate. Makina e tij rrezikoi të përplasej me një makinë të policisë. Gjatë kontrollit atij iu gjetën 2,16 gram kokainë dhe u vërtetua se kishe qenë nën efektin e marihuanës. Avokati i tij tha se Tajson prej 8 muajsh është i pastër, pasi po kurohet në një qendër rehabilitimi në Kaliforni. Gjatë një seance në muajin janar 41 vjeçari nuk i kishte pranuar akuzat.

...speciale:

Habib Paqarizi
26 shtator 2007

Po lexoj në mediume për milionat e pushtetarëve, pasuritë e tyre dhe u binda se qenia në pushtet nuk qenka punë e lehtë.

Por për çudi më shkoi mendja te një miku im deputet, ushtar i të cilit kam qenë dikur, i cili nuk ka ditur ose nuk ka dashur të përvetësojë pasuri. Për tre vite të qenies së tij deputet nuk e ka shtuar asnjë cent përveç pagës së tij, nuk e ka shtuar asnjë metër katror, nuk ka blerë asnjë veture, nuk ka asnjë dyqan, asnjë vilë…

Ai tani e ka një lehtësim në mbushjen e formularit të deklarimit të pasurisë së tij, i duhet vetëm ta kopjojë formularin e 2004-es dhe ta shtojë pagën e deputetit.

Vërtet u gëzova që e gjeta një që s’ka vjedhur, por u mërzita për fatin e tij të ardhshëm në politikë, sepse pa qenë hajn do ta ketë të vështirë të bëjë karrierë në politikë, sipas parametrave aktual të bërjes së politikes.

Çka ka me kallzu ai i cili qysh nga lirimi i tij nga burgu përveç shtëpisë së familjes së tij në fshat jeton në një banesë të huazuar në Prishtinë, i cili e posedon në shfrytëzim një veturë nga partia e tij “zemërgjerë” dhe punon gjithë natën në një kompjuter që e ka donacion nga njëra nga gazetat tona ditore?

E di që ka edhe shumë të tjerë si ky, por pak prej tyre janë të ranguar në krye të listave zgjedhore të partive të politikes, ngase nuk gëzojnë interesimin e shefave për ta.

Ky është ai që dikur e pamë në bankën e të akuzuarve si i akuzuari kryesor për formimin dhe organizimin e UÇK-së, e pamë dikur kur thoshte se “101 vite mund të më dënoni, por Kosova do të jetë shtet…”, i pamë dikur qytetet tona të mbushura me posterë të tij që kërkonim lirimin e tij nga burgjet serbe… dhe sot e shohim të ranguar në numrin 38 të listës së PDK-së për deputet të Kosovës. Zor që do të fitojë vota një njeri i cili nuk ka ditur të fitojë para sa ka qenë deputet. Ai është ish Komandanti im Nait Hasani. /Habib Paqarizi / Dragobil - Malisheve (invalid i Luftës së UÇK-së)

Veçuam:
Sekretarja Rajs: Vetëm një Kosovë e pavarur mund të sjellë qëndrueshmërinë në Ballkan
Sarkozi: Pavarësia e Kosovës e paevitueshme
Çeku: Pavarësia, punë e kryer
Surroi: Kosova duhet të jetë e gatshme për pavarësi deri në fund të këtij viti
Kejsi: E ardhmja e Kosovës është pavarësia

Të rinj nga Shqipëria i bashkohen “Muajit të Rinisë” në Malishevë Rreth 30 të rinj nga qytete të ndryshme të Shqipërisë, i janë bashkuar të rinjve malishevas në aktivitete të ndryshme që zhvillohen të martën në Ditën e Rinisë, e cila organizohet në kuadër të “Muajit të Rinisë”.

Brenda 3 orëve ngordhin 6 lopë në Qirez të Skenderajt Në një interval kohor prej tri orëve, në fshatin Qirez të Skenderajt kanë ngordhur 6 krerë lopë dhe 30 të tjera janë sëmurë nga një infektim, i cili akoma nuk është diagnostifikuar...

Dënohet sulmi mbi objektet e Bashkësisë Islame në Tivar Këshilli i Bashkësisë Islame të Tivarit (KBIT) të martën e ka dënuar ashpër sulmin, nga persona aktualisht të panjohur, mbi selinë e saj në Tivarin e Vjetër. Në këtë objekt për çdo ditë falen besimtarët islamë shqiptarë, boshnjakë, myslimanë.

Shqiptarët optimistë se shumica po lëshon pe rreth kushtetutës së Malit të Zi Kryetari dhe deputeti i Alternativës shqiptare (ASH), Vasel Sinishtaj, tha të martën se në bisedimet e filluara me opozitën parlamentare.. rreth kushtetutes; shumica po lëshon.

Presidenti Topi ftohet në Samitin e Dubrovnikut Presidenti i Shqipërisë, Bamir Topi është ftuar nga homologu i tij kroat, Stipe Mesiq, për të marrë pjesë, së bashku me të gjithë krerët e shteteve të rajonit ballkanik...

Sekretarja Rajs: Vetëm një Kosovë e pavarur mund të sjellë qëndrueshmërinë në Ballkan
...Zëri i Amerikës

Sekretarja Rajs

25-09-2007 - Sekretarja amerikane e Shtetit Kondoliza Rajs tha se vetëm një Kosovë e pavarur mund të sjellë qëndrueshmërinë në Ballkan.

Zonja Rajs tha mbrëmë në një intervistë për agjencinë Rojters se Shtetet e Bashkuara janë të përkushtuara për pavarësinë e Kosovës.

Ajo tha se beson që bisedimet e tanishme mbi të ardhmen e Kosovës, me ndërmjetësinë e Uashingtonit, Rusisë dhe Bashkimit Evropian, do të rezultojnë, siç u shpreh ajo, në një “pavarësi miqësore”.

Por ajo shtoi se shpallja e njëanshme e pavarësisë nuk është një ide shumë e mirë.
 Bisedimet e tanishme për statusin e Kosovës janë në plan të përfundojnë më 10 dhjetor.//voa//

SHBA dhe BE do të njohin pavarësinë e Kosovës në dhjetor  "Kosova do të jetë e pavarur. Kjo është e vetmja zgjidhje stabilizuese për Ballkanin," ka thënë mbrëmë në një deklaratë të saj, Sekretarja Amerikane e Shtetit, Condoleezza Rice. Në një intervistë që i ka dhënë agjencisë Reuter dhe që e bëri publike Departmenti i Shtetit, Zonjusha Rice poashtu ka theksuar se Shtetet e Bashkuara janë të përkushtuara për pavarësinë e Kosovës, deklaratë kjo që ka pasur jehonë sot edhe në faqet e shtypit të përditshëm amerikan. "Shtetet e Bashkuara të Amerikës dhe shumica e vendeve të Bashkimit Evropian do ta njohin pavarësinë e Kosovës nëse ajo e shpallë atë në fillim të dhjetorit", shkruan sot e përditshmja The New York Times, duke u thirrur në burime zyrtare amerikane dhe evropiane. "Presidenti e tha shumë qartë kur ishte në Shqipëri se do të jetë një Kosovë e pavarur. Dhe do të ketë një Kosovë të pavarur dhe ne jemi të përkushtuar për këtë", ka theksuar më tej Sekretarja Rice, duke shtuar se SHBA u kanë thënë kosovarëve se shpallja e njëanshme e pavarësisë së Kosovës nuk do të ishte një ide e mirë prandaj duhet të kalojmë përmes procesit. "Ne u zotuam për një 120 ditësh për të parë nëse rrethanat, atmosfera dhe disa nga lëvizjet që mund të bëjnë palët mund të rezultojnë në një përfundim më miqësor", ka thënë Sekretarja Rice. Për pavarësinë e Kosovës deklarohet në një intervistë dhënë gazetës The Neë York Times edhe presidenti i Francës, Nicolas Sarkozy. Ai thotë se 'pavarësia e Kosovës është e pashmangshme, ndërsa Evropa duhet të qëndrojë unike dhe në fund të gjithë ne duhet të mbështesim pavarësinë e Kosovës. /S.gashi/rtk/

Pavarësia e Kosovës e paevitueshme, thotë Sarkozi
 Tri ditë para takimit të Grupit të Kontaktit në Nju Jork Bashkimi Evropian përsërit përkushtimin e tij për pavarësinë e mbikëqyrur të Kosovës. Me gjithë kundërshtimet e Rusisë, Presidenti francez Nikola Sarkozi ka thënë se pavarësia e Kosovës është e paevitueshme dhe këtë duhet ta përkrahë i gjithë Bashkimi Evropian. Presidenti francez në një intervistë të gjatë për gazetën amerikane "Nju Jork Tajms" ka thënë se pavarësia e Kosovës është e paevitueshme, duke i kërkuar Bashkimit Evropian që ta përkrahë njëzëri. Sipas tij, tashmë është e qartë se Rusia do të bllokojë Rezolutën në Këshillin e Sigurimit, por çështja e Kosovës është shtesë për vendosmërinë e Bashkimit Evropian në raport me Moskën. "A është e gatshme Evropa të lejojë që politikën e saj të jashtme t'ia diktojë Moska, apo do ta marrë vetë një vendim", ka pyetur Sarkozi. Sipas tij askush nuk dëshiron ta nënçmojë Presidentin rus Putin, por ai duhet ta kuptojë se partnerët ndërkombëtarë janë të interesuar për çështjet që kanë të bëjnë me respektimin e të drejtave të njeriut, respektimin e minoriteteve dhe sundimin e ligjit.

Kosumi: Kosova të shpallë pavarësinë pas 10 dhjetorit-çdo vonesë e dobëson pozitën e saj - Ish kryeministri i Kosovës, Bajram Kosumi, i tha Zërit të Amerikës se Prishtina duhet të bëjë të gjitha përgatitjet që pas 10 dhjetorit kur përfundojnë negociatat shtesë për statusin e Kosovës, të ndërmarrë hapat për shpalljen e pavarësisë. Në një intervistë dhënë korrespodentit të Zërit të Amerikës në Prishtinë, Besim Abazi, ish kryeministri Kosumi shpreh shqetësimin se çdo ditë e zvarritjes së procesit e dobëson pozitën e Kosovës.

Punëtorët shëndetësorë paralajmërojnë greva Punëtorët shëndetësorë të Kosovës paralajmërojnë greva në rast se qeveria nuk përmirëson kushtet në këtë sektor. Kryetari i Federatës Sindikale të Punëtorëve Shëndetësorë, Asllan Bajrami, thotë se marrëveshja e nënshkruar vitin e kaluar me qeverinë nuk po zbatohet duke dëmtuar kështu rëndë sektorin e shëndetësisë. Punëtorët shëndetësorë ngrisin prap zërin për kushtet e rënda të punës dhe neglizhencën e qeverisë për të përmirësuar kushtet e funksionimit të këtij sektori.
Sipas kryesindikalistit të shëndetësisë, Asllan Bajrami, punëtorëve shëndetësorë nuk parashihet t’u ngriten pagat duke rënë ndesh kështu me marrëveshjen e arritur vitin e kaluar ndërmjet qeverisë dhe sindikatës së shëndetësisë. Po ashtu për pikën e katërt e kësaj marrëveshje ku parashihej të kërkohen rrugë alternative për shtimin e mjeteve materiale, ai thotë se nuk është plotësuar deri më tash. Sipas Asllan Bajrami, probleme ekzistojnë edhe në sektorin e shërbimeve shëndetësore primare, të cilat janë kompetencë e komunave. Punëtorët e këtyre shërbimeve në disa komuna nuk janë paguar për kujdestarinë tash e 15 muaj. "Greva dhe protestat e punëtorëve shëndetësorë do të fillojnë shumë shpejt nëse një trajtim i tillë vazhdon nga ana e qeverisë", tha kryetari i Federatës së Sindikalistëve Shëndetësorë, Asllan Bajrami.

Vazhdon fushata kundër diskriminimit Zyra për Qeverisje të Mirë e Kryeministrit të Kosovës në bashkëpunim me OSBE-në dhe Komesariatin e Lartë për të Drejtat e Njeriut , në kuadër të fushatës, “ Java kundër Diskriminimit në Kosovë”, organizoi sot në Prishtinë, një debat, që ka për qëllim identifikimin e shkallës së njohjes së çështjes së diskriminimit dhe të adresimit. Përfaqësues të organizatave, që morrn pjesë në debatin e sotëm vlerësuan se 3 vjet pas miratimit të Ligjit kundër diskriminimit nga Parlamenti i Kosovës, janë bërë hapa pozitiv më shumë në aspektin e vetëdijësimit të institucioneve dhe popullatës rreth rëndësisë që ka ky ligj. Por, u kërkua më shumë punë zbatimin e tij adekuat në praktikë. Habit Hajredini, drejtor i Zyrës për Qeverisje të Mirë, tha se Qeveria po bënë përpjekje që ligji të zbatohet në praktikë. Ndërtimi i çfarëdo sistemi ligjor demokratik, nuk mund të paramendohet pa një Ligj kundër diskriminimit, tha ushtruesi i detyrës së Ombudspersonit, Hilmi Jashari. Ai tha se, në Kosovë zbatimi i këtij ligji ka hasur në vështërsi, duke theksuar se institucionet vendore duhet të gjejnë mekanizma që ligji të zbatohet në mënyrë efektive.
Ndërkaq përfaqësues të organizatave joqeveritare, tërhoqën vëmendjen për rëndësinë e zbatimit të këtij ligji, pasi që vlerësim i tyre është se, tash për tash, zbatimi i tij është shumë larg realitetit.

Policia ndalë një 72 vjeçar- merrej me prostitucion Polica në Gjilan ka bërë të ditur se pas një pune të organizuar mirë ka ndalë dy të dashur të cilët po detyronin një 26 vjeçare të merrej me prostitucion. “Policia fillimisht ishte informuar se një shqiptare – kosovare 26 vjeçare ishte e detyruar me dhunë që të merrej me prostitucion nga një i dyshimt shqiptar – kosovar 25 vjeçar”, ka treguar për rastin togeri Ismet Hashani, zëdhënës i SHPK –së në Gjilan. Sipas tij, pas një pune mirë të organizuar është identifikuar edhe i dyshuari i dytë po ashtu shqiptar –kosovar 72 vjeçar i cili është i implikuar në këtë rast. “Të dyshuarit akuzohen për vepër penale detyrim në prostitucion si dhe marrëdhënie seksuale me pagesë, ka thënë toger Hashani, duke mos bërë të ditur identitetin e viktimës dhe identitetin e të arrestuarve. “Me urdhër të prokurorit dy të dyshuarit janë dërguar në paraburgim, rasti është nën hetime”,ka thënë toger Hashani.

Fjalimi i Presidentit iranian në Universitetin Kolumbia shkakton protesta
Zëri i Amerikës
25-09-2007 - Presidenti i Iranit, Mahmud Ahmadinexhad, që ndodhet në Shtetet e Bashkuara për të marrë pjesë në Takimin e Asamblesë së Përgjithshme të OKB-së, mbajti dje një fjalim në Universitetin Kolumbia të Nju Jorkut.
Fjalimi i tij ishte i mbushur me polemika dhe shkaktoi protesta të organizatave të djathta, të mediave dhe politikanëve. Mijëra demonstrues ishin mbledhur jashtë ndërtesës së Universitetit Kolumbia gjatë kohës që Presidenti iranian po mbante fjalimin.
Presidenti i Universitetit Kolumbia, Li Bollinger, i cili drejtoi aktivitetin dhe i dha fjalën Presidentit iranian, i tha atij pas fjalimit se ai shfaqi të gjitha shenjat e një “diktatori të egër dhe mendjengushtë”.
Zoti Bollinger i drejtoi pyetje të vështira presidentit iranian lidhur me programin bërthamor të vendit të tij, për masat shtypëse ndaj intelektualëve, homoseksualët, e çështje të tjera për Iranin.
Udhëheqësi iranian tha se vendi i tij nuk ka homoseksualë, një koment ky që provokoi të qeshura në sallë. Zoti Ahmadinexhad tha se zoti Bollinger e kishte fyer atë dhe audiencën.
Presidenti iranian ja kishte kushtuar fjalimin e tij të përgatitur më parë, komenteve për idetë fetare dhe filozofike lidhur me kërkimin drejt së vërtetës.//voa//

2 të vdekur dhe 12 të lënduar nga një shpërthim në Prishtinë
  Shërbimi Policor i Kosovës (SHPK), konfirmoi të hënën se rreth orës 02:00, nga një shpërthim i fuqishëm që ndodhi në Bulevardin “Bill Klinton”, respektivisht në lagjen Dardania në Prishtinë.dy persona kanë humbur jetën ndërsa dymbëdhjetë të tjerë janë lënduar Nga shpërthimi vdiqën Naim Murati dhe Pleurat Sllamniku, kurse u plagos rëndë Xhelal Sinani
Shërbimi Policor i Kosovës (SHPK), konfirmoi (të hënën), se viktimat e shpërthimit që ndodhi rreth orës 02:00 në Bulevardin “Bill Klinton”, janë Naim Murati dhe Pleurat Sllamniku, kurse plagë të rënda ka marrë Xhelal Sinani, jeta e të cilit është ende në rrezik.

...edhe Zëri Amerikes njofton poashtu sikurse mdiumet e shumta ne Kosovë:

Shpërthim në qendër të Prishtinës: Vriten dy persona dhe plagosen 10 të tjerë
24-09-2007-Të paktën dy persona janë vrarë dhe dhjetë të tjerë janë plagosur nga pasojat e një shpërthimi në qendër të Prishtinës.

Korrespondenti "ZA" në Prishtinë, Besim Abazi njofton se shpërthimi i fuqishëm i cili ka ndodhur rreth orës 2 pas mesnate, ka shkatërruar disa dyqane në bulevardin Bill Klinton.

Zëdhënësi i Shërbimit Policor të Kosovës Veton Elshani tha se dy persona vdiqen nga pasojat e plagëve, ndërsa 10 të tjerë u dërguan me ambulanca në spitalin e Prishtinës. 

Tani për tani nuk dihen motivet e mundshme të këtij shpërthimi dhe nuk ka pasur të arrestuar. Forcat e policisë kanë mbyllur bulevardin, ndërsa njësitë e posaçme të forcave paqeruajtëse po kontrollojnë për mbetje eksplozivi.//voa//

Kapen hajnat që kanë vjedhur në shtëpitë e lagjes “Dardania” të Pejës Policia rajonale e Pejës konfirmoi të hënën se ka arrestuar katër persona të dyshuar për vjedhje të rënda, që janë kryer gjatë vitit...

Policia nxjerr nga “burgu shtëpiak” një nënë me tre fëmijë në Drenoc të MalishevësShërbimi Policor i Kosovës (SHPK) dhe policë ndërkombëtarë, kanë liruar nga kufizimi i lirisë së lëvizjes një nënë me tre fëmijët e saj, pasi ishte mbajtur e mbyllur në një dhomë...

...hapur:

Pala kosovare do të këmbëngulë në Nju Jork se pavarësia është e panegociueshme, tha Çeku
Prishtinë, 24 shtator 2007 - "Ne do të shkojmë në Nju Jork të vendosur dhe me besim të plotë. Ne kemi një mesazh të thjeshtë dhe të fuqishëm për të dërguar atje. Ne kemi vizion të qartë për të ardhmen e Kosovës dhe rajonit tonë", u shpreh sot Kryeministri Agim Çeku, në fjalimin e tij javor nëpërmjet radios. "Dhe e tërë kjo fillon me pavarësinë e Kosovës", nënvizoi Çeku, duke thënë se pala kosovare do të këmbëngulë se pavarësia është e panegociueshme. Sipas tij, pavarësia e Kosovës është vendosur atëherë kur regjimi i mëparshëm i Beogradit u përpoq ta shkatërrojë Kosovën, kurse pavarësia u arrit me vuajtje dhe sakrifica të të gjithë qytetarëve, tha Çeku. "Ne nuk do të pranojmë asnjë përpjekje për kthimin mbrapa të orës në një të kaluar të errët dhe të hapim debat për një çështje që është e mbyllur kaherë". Të gjitha propozimet e paqëndrueshme, si i ashtuquajturi plan për "autonomi substanciale", por edhe ndarja dhe konfederata, do të jenë përpjekje të dështuara, porositi Çeku në fjalimin e tij. Kryeministri edhe një herë theksoi se pala kosovare nuk do të pranojë që të rinegociohet Pakoja e Ahtisarit. "Kjo pako është kompromisi i vetëm i mundshëm në mes të pozicionit të Serbisë dhe Kosovës. Është bazë e fortë për shtet funksional", tha Çeku. Ai theksoi se nuk do të pranohet zgjatja e procesit për statusin, sepse siç tha, "kur nuk ka më se çfarë të bisedohet atëherë bisedimet ndërpriten"! Prishtina nuk pret që Serbia ta njohë pavarësinë e Kosovës për një kohë të shkurtër, por kërkon "raporte funksionale dhe profesionale në mes të shteteve", tha Çeku, duke shfaqur besimin se "kjo formë e marrëdhënieve, e bazuar në fqinjësi të mirë, është mënyra më e mirë jo vetëm për popullin e Kosovës, por edhe atë të Serbisë". Përballë modelit që ofron Serbia, të bazuar në kërcënime, vonesa, stagnim dhe vazhdimësi të urrejtjesne, tha Çeku, pala kosovare ofron modelin e qartësisë, fqinjësisë së mirë dhe progresit, shans ky i përbashkët i Kosovës dhe i Serbisë, që si dy fqinj të pavarur të lëvizin përpara drejt Evropës.

Ekipi i Unitetit shkon në Nju Jork për ta prezantuar vullnetin e popullit për pavarësi
Prishtinë, 24 shtator 2007 - Anëtarët e Ekipit të Unitetit vlerësuan sot se pavarësia e Kosovës është e panegociueshme dhe pa alternativë. Udhëheqësi i Ekipit të Unitetit, Presidenti Fatmir Sejdiu tha se përfaqësuesit e Prishtinës shkojnë në Nju Jork për ta prezantuar vullnetin e popullit të Kosovës për pavarësi dhe se asnjë zgjidhje tjetër nuk do të pranohet, pavarësisht ofertave të tjera që po paraqet Beogradi. Delegacioni i Kosovës niset për në Nju Jork i vendosur që edhe në takimin e drejtpërdrejtë me Beogradin të mos pranojë as një lidhje të re me Serbinë dhe të mos diskutohet pavarësia, tërësia territoriale dhe pakoja e Ahtisarit. Presidenti Sejdiu tha me këtë rast se pavarësisht qasjes së Beogradit ndaj statusit, Prishtina mbetet e angazhuar që të nxisë procesin dhe ta përfundojë sa më shpejtë. Serbia, shtoi ai, kërkon qe padrejtësisht ta mbajë Kosovën nën sovranitetin e saj. "Nuk presim diçka që mund të quhet pjesë specifike e marrëveshjes apo formë tjetër. Pavarësisht nga qëndrimi i Beogradit, ne jemi të interesuar që të nxisim procesin që të ecë sa më shpejt dhe të përfundojë ditët e negociatave shtesë", theksoi Presidenti Sejdiu. Ndërkohë lidhur me deklarimet e disa zyrtarëve serbë se autonomia është maksimumi që mund të japë Serbia për Kosovën, Presidenti Sejdiu tha se përgjigjen në këtë çështje pala kosovare ka kohë që e ka dhënë, se pavarësia është zgjidhja e vetme. Kryeministri Agim Çeku ripërsëriti qëndrimin e tij se Ekipi i Unitetit duhet te jetë unik sa i përket caktimit të datës për shpalljen e pavarësisë dhe me vendime konkrete të udhëtojë në bisedime që po zhvillohen. "Ne nuk shkojmë në Nju Jork që të caktojmë data apo të kërkojmë data, ne këtu në Prishtinë do të caktojmë datën dhe besoj se jemi në proces dhe procesit i kanë mbetur edhe disa ditë, do të kemi kohë dhe besoj që në mënyrë unanim do ta mbyllim këtë proces", theksoi Kryeministri Çeku. Ndërkaq, anëtari tjetër i këtij Ekipi, Hashim Thaçi, tha se në bisedimet e drejtpërdrejta pala kosovare udhëton me qëndrime konkrete dhe nuk do të pranojë asnjë lidhje të re që mund të propozohet nga faktor të ndryshëm. Edhe lideri i Partisë Reformiste Ora, Veton Suroi vlerësoi se propozimet e palës kosovare sa i përketë statusit i takojnë shekullit të 21-të dhe nuk vijnë nga shekulli i 19-të, oferta të cilat i propozon Serbia. Ndryshe para takimit të drejtpërdrejtë mes Prishtinës dhe Beogradit, paraprakisht të enjten do të mblidhet Grupi i Kontaktit në nivel të ministrave të jashtëm të cilët do të caktojnë agjendën e bisedimeve për takimin e 28 shtatorit.

2 të vdekur dhe disa të lënduar nga një shpërthim në Prishtinë  Naim Murati nga Bresalci i Gjilanit dhe Pleurat Sllamniku nga Prishtina, janë viktimat e shpërthimit të mbrëmshëm në Bulevardin Bill Klinton, në lagjen Dardania në Prishtinë. Drejtori i Klinikës Emergjente, Basri Lenjani thotë se njëri nga të lënduarit ende e ka jetën në rrezik, 3 janë ndalur për trajtim të mëtejshëm kurse 6 janë lëshuar në shtëpi. Zëdhënësi i SHPK-së, Veton Elshani ndërkaq nuk e mohon e as nuk e pohon ndërlidhjen e mundshme të këtij rasti me vrasjen e policit Triumf Riza. Ai thotë se policia ende është në fazën fillestare të hetimeve dhe ende nuk di për motivin. Nga 9 të lënduarit, njëri ende e ka jetën në rrezik. Drejtori i Klinikës Emergjente, Basri Lenjani thotë se njëri nga viktimat ka ardhur i vdekur në spital ndërsa tjetri nuk ka mundur t’i mbijetoj plagët në kokë. 3 të tjerë pas intervenimit janë vendosur në Klinikën e neurologjisë ndërsa 6 të tjerë janë lëshuar në shtëpi. “Është gjendje e rëndë shëndetësore. Ne e bëjmë kategorizimin e lëndimeve të kokës d.m.th shkalla e parë është lëndim i lehtë, shkalla e mesme është lëndim mesatarisht i rëndë, ndërsa i lënduari bënë pjesë në grupin e shkallës së rëndë, me glasgom komë, shkalla 4-6 që d.m.th se për çdo moment mund t’i rrezikohet jeta”,sqaron Lenjani për sa i takon gjendjes së të lënduarit rënd.Zëdhënësi i SHPK-së, Veton Elshani thotë se ende nuk dihet se kush ishte cak i sulmit dhe me çfarë mjeti eksploziv është kryer ai. Shpërthimi ka ndodhur në orën 2 pas mesnate në vendin ku ndodhen disa lokale si ai “Sekiraqa” e “Besa”. Viktimat dhe të lënduarit ndodheshin në lokale thotë Elshani. Se a ka ndërlidhje ky rast me atë të vrasjes së policit Triumf Riza, zëdhënësi Elshani shprehet:“SHPK nuk dëshiron të spekulojë me asnjë rast, mirëpo nuk përjashtohet dhe nuk përjashton asnjë mundësi. Hetuesia e policisë është duke punuar në këtë drejtim, me siguri që pas marrjes së deklaratave të para, pas punës fillestare në terren, ne do të dimë diçka më shumë”.Elshani tha se deri tash janë intervistuar disa persona por ende nuk ka të dhëna që do të orientonin hetimet në ndonjë pistë të caktuar. Shpërthimin e mbrëmshëm e ka dënuar fuqishëm Qeveria e Kosovës, duke e cilësuar atë si akt kriminal që dëmton interesat e Kosovës. Ky sulm ishte vepër kriminale që ndonëse nuk ka lidhje me procesin politik në Kosovë gjithsesi dërgon një mesazh jo të mirë për Kosovën në këtë fazë jashtëzakonisht të rëndësishme për ardhmërinë e saj, thuhet në reagimin e Qeverisë. Me këtë rast, kryeministri Çeku është shprehur se nuk do të lejohet që aktet e tilla të rrezikojnë stabilitetin e Kosovës. Do të luftojmë krimin deri në fund. Ata që përpiqen të fshehën nga ligji, herët a vonë, do të ballafaqohen me drejtësinë, ka thënë kryeministri Çeku.

Zgjedhjet mund të mbahen edhe gjatë procesit të statusit, tha ambasadori Vnend
Prishtinë, 24 shtator 2007 - Presidenti i Kosovës, Fatmir Sejdiu dhe shefi i deritashëm i OSBE së në Kosovë, Verner Vnend, vlerësuan se zgjedhjet e nëntorit janë edhe një sprovë e demokracisë në Kosovë, duke konstatuar se tash për tash nuk ka indikacione se zgjedhjet po e pengojnë zgjidhjen e statusit të Kosovës. Presidenti Sejdiu, ndërkaq, duke e falënderuar ambasadorin për punën e suksesshme të bërë në Kosovë, vlerëson se në të ardhmen, Vnend do të jetë një misionar i fortë për Kosovën. "Vnend ka qenë pjesë e proceseve të rëndësishme të zhvillimeve tona, sidomos në ngritjen dhe zhvillimeve potenciale demokratike të institucioneve demokratike të Kosovës", tha Presidenti Sejdiu pas takimit lamtumirës me shefin e OSBE së në Kosovë. Sa i përket zgjedhjeve lokale dhe parlamentare, Presidenti tha se ka një përgatitje serioze, ka një përkushtim të partive politike tek të cilat nuk ka ndonjë garë apo rivalitetit që ashpërson klimën politike. Presidenti Sejdiu gjithashtu inkurajoi komunitetin serb që të dalin në zgjedhjet e 17 nëntorit. Ndërkaq, shefi i OSBE së Verner Vnend ka falënderuar Presidentin Sejdiu për punën e suksesshme të bërë në Kosovë dhe përkrahjen e plotë që OSBE ja ka pasë nga Sejdiu. "Së bashku kemi punuar në fuqizimin e demokracisë në Kosovë, dhe tani kur po largohem nga Kosova, më duhet të them se ne kemi arritur sukses së bashku në krijimin e demokracisë në Kosovë", u shpreh Vnend. Sipas tij këto zgjedhje po mbahen jo pse Kosova nuk ka një sistem demokratik, por pse mandati i Kuvendit të Kosovës dhe Kuvendeve Komunale po skadon. "Ky është një proces normal, natyrisht se edhe procesi i statusit është një proces historik për Kosovën, mirëpo mendojmë se edhe zgjedhjet mund të mbahen gjatë procesit të statusit", tha ai. Ambasadori Vnend theksoi se zgjedhjet e nëntorit janë një sprovë e demokracisë në Kosovë, duke shtuar se "do të gjendet zgjidhja për statusin e Kosovës dhe gjithashtu mendoj se e ardhmja e Kosovës dhe e Ballkanit Perëndimor, është e vetmja mënyrë për një paqe, siguri dhe stabilitet të qëndrueshëm". Në rast të mospjesëmarrjes së serbëve në zgjedhjet e nëntorit, ambasadori Vnend tha se "të gjitha vendet të cilat nuk do të plotësohen me deputetë të pakicave do të rishpërndahen për deputetët e partive shqiptare". Ai bëri të ditur se se OSBE dhe KQZ kanë bërë që fletët e votimit do të mund të shkarkohen nga ueb faqja e KQZ së, por që nuk do të publikohen nëpër gazeta. Ai e ka përjashtuar mundësinë e keqpërdorimit të tyre. "Ajo (fletëvotimi) do të mund të shkarkohet, mirëpo kur ta dërgoni në KQZ do t'u duhet një vërtetim i qartë i identitetit tuaj se jeni i regjistruar", tha Vnend. Gjatë ditës, shefi i OSBE së në largim do të takohet edhe kryeparlamentarin Kolë Berisha.

Subjektet politike të Luginës së Preshevës kanë vendosur për themelimin e Kuvendit Kombëtar
Preshevë, 24 shtator 2007 - Subjektet politike dhe institucionale të shqiptarëve të Luginës së Preshevës kanë vendosur për themelimin e Kuvendit Kombëtar si organin më të lartë të shqiptarëve të këtij rajoni për zgjidhjen e çështjes së tyre. Liderët e partive politike të Luginës së Preshevsë, Riza Halimi, kryetar i PVD së, Ragmi Mustafa, kryetar i PDSH së, Jonuz Musliu i LPD së, Skender Destani, kryetar i BDL së dhe Orhan Rexhepi janë pajtuar se gjatë kësaj jave do të mbajnë takimin me këshilltarët shqiptarë të të tri kuvendeve komunale të Luginës së Preshevës nga 65 sa janë gjithësejt, ku do ta shqyrtojnë situatëmn aktuale politike dhe të sigurisë, në veçanti do të themelojnë Kuvendin Kombëtar. Në njkë takimi të këtyre liderëve politikë gjithashtu është vendosur edhe formimi i grupeve që do të përgatiste materialin dhe dokumentacionin e nevojshëm për themelimin e këtij organi më të lartë shqptar, i cili do ta ketë mandatin për marrjen e vendimeve dhe të veprimeve të mëtutjeshme për realizimin e platformës politike të miratuar në vitin 2006 për zgjidhjen e çështjes së shqiptarëve në Luginë të Preshevës.

Një 74 vjeçar i jep fund jetës së tij në litar Një 74-vjeçar, banor i Sllakovcit të Epërm të komunës së Gjilanit, i ka dhënë fund jetës së tij, paraditen e së premtes, duke varur veten në litar, në shtëpinë e tij...

Përreth shkollës ekonomike dyshohet se përdoret droga dhe zhvillohet prostitucioni Drejtuesit e shkollës së mesme ekonomike “Ali Hadri” në Pejë, kanë kërkuar nga zyrtarët përgjegjës të Kuvendit Komunal që të ndërmarrin masat e duhura...

Mitrovica e Gjilani rrëmbejnë çmimet kryesore të festivalit Solistja Merita Avdyli me këngën “Të dua ty” dhe kompozitori gjilanas Isa Jakupi me këngën ”Atë ditë kur u largova”, kanë rrëmbyer çmimet kryesore në Festivalin e parë të këngës Popullore Qytetare “Esat Bicurri” që është mbajtur të enjten vonë, në pallatin e kulturës “Asim Vokshi” në Gjakovë.

Lansohet fushata për vetëdijesim të popullatës për sëmundjen e HIV/AIDS-it Të premten në Prishtinë është lansuar fushata për ndryshimin e sjelljes dhe ngritjen e vetëdijes tek të rinjtë dhe popullata në përgjithësi, rreth murtajës së shekullit- HIV/AIDS-it, me sloganin “Vepro sigurt, kujdesu!”.

Skenderaj do të bëhet me palestër sportive Vetëm dy qytetarë iu kanë përgjigjur ftesës së zyrtarëve komunal të Skenderajt në dëgjimin e tretë publik, në të cilin u prezantua buxheti për periudhën 2008-2010, politikat zhvillimore si dhe investimet kapitale të cilat parashihen që të përfundojnë brenda këtij afati.

...hapur:

Hebrejtë kundër mbajtjes së një tubimi neonazist në Serbi
Beograd, 21 shtator 2007 - Kongresi Botëror i Hebrejve ka protestuar kundër mbajtjes së një tubimi neonazist në Serbi, dhe u kërkoi udhëheqësve serbë që ta ndalojnë marshin. "Mbetëm të llahtarisur kur mësuam" se tubimi i grupit neo nazist Garda Nacionale do të mbahet në Novi Sad më 7 tetor, thuhet në reagimin drejtuar presidentit Boris Tadiç dhe kryeministrit Vojisllav Koshtunica. Më 7 mars, grupi ultranacionalist Garda Nacionale mbajti një tubim kundër shkëputjes së Kosovës nga Serbia.

De Marnhac: Qëndrueshmëria – faktor thelbësorë për të ardhmen e Kosovës
21-09-2007 - Komandanti i forcave paqeruajtëse të udhëhequra nga NATO-ja në Kosovë, gjenerali francez Xavier Bout de Marnhac tha sot në Prishtinë se qëndrueshmëria e Kosovës është me rëndësi thelbësore për përcaktimin e së ardhmes së saj politike.

Ai i bëri këto komente në takimin e parë me gazetarë pas marrjes së komandës së KFOR-it, i cili sipas tij është më i përgatitur se kurrë për ruajtjen e një mjedisi të qetë dhe të sigurt. Ai tha se Kosova po kalon një periudhë të veçantë kur është e angazhuar në proces të dyfishtë, në njërën anë janë zgjedhjet, ndërsa po vazhdon edhe procesi për zgjidhjen e statusit politikë.

Që të dyja proceset janë shumë të rëndësishme për të ardhmen e Kosovës dhe gjatë kësaj periudhë është me rëndësi që të gjithë të jenë të vetëdijshëm për nevojën e ruajtjes së sigurisë dhe stabilitetit. “Perceptimi i qëndrueshmërisë së Kosovës është faktor thelbësorë për çfarëdo vendimi që do të merret për të ardhmen e saj dhe çdo prishje e këtij perceptimi do të jetë shumë e dëmshme për të gjithë qytetarët e Kosovës”, tha ai. Shtimi i postblloqeve të KFOR-it gjatë ditëve të fundit sipas tij është bërë për shkak të fushatës për zgjedhjet, ndërsa mohoi të ketë ndonjë kërcenim më të madh për sigurinë deri më 10 dhjetor, kur pritet përmbyllja e procesit të negociatave shtesë për statusin e Kosovës. Ai shprehu bindjen se as pas asaj date nuk do të ketë ndonjë kërcënim të madh për sigurinë në Kosovë, pavarësisht deklarimeve të disa zyrtarëve serb se mund të ketë dhunë në Kosovë nëse Prishtina merr ndonjë veprim të njëanshëm politikë për shpalljen e pavarësisë së saj. “Nuk besoj se ndokush përreth Kosovës që ka arsye, mund të pres që të zgjidhë situatën nëpërmjet ndonjë veprimi ushtarak. Siç e dini prapa KFOR-it qëndron tërë NATO-ja prandaj nuk duhet përmendur kërcënimet e tilla që për mua janë më shumë komente për opinionin publik, ndërsa nga pikëpamja ushtarake theksoi ai, janë komente pa kuptim”. Të tilla ai i cilësoi edhe deklaratat e zyrtarëve serb se NATO-ja po krijon një shtet të saj në Ballkan.

Rreth 16 mijë pjesëtarë të forcave paqeruajtëse kujdesen aktualisht për sigurinë në Kosovë dhe sipas zyrtarëve të NATO-s ky numër do të mbetet i pa ndryshuar të paktën deri në përfundim të procesit të zgjidhjes së statusit politikë të Kosovës. Zyrtarët e Aleancës Veri atlantike kanë pohuar se NATO-ja do të vazhdojë të jetë e pranishme në Kosovë edhe pas zgjidhjes së statusit të saj. //rd//

Kushner: Evropa mbështetet tek SHBA për gjetjen e një zgjidhjeje evropiane për Kosovën
21-09-2007-Uashington - Ministri i Jashtëm i Francës Bernard Kushner, i cili ndodhet për një vizitë dyditore në Shtetet e Bashkuara për bisedime me zyrtarë të lartë amerikanë për një sërë çështjesh, përfshirë edhe Kosovën, foli mbrëmë në një takim të organizuar nga Qendra për Studime Strategjike dhe Ndërkombëtare në Uashington për marrëdhëniet aktuale mes Shteteve të Bashkuara, Francës dhe Evropës. Lidhur me Kosovën zoti Kushner theksoi se Evropa mbështetet së tepërmi tek Shtetet e Bashkuara për gjetjen e një zgjidhjeve evropiane të statusit të saj përfundimtar.

Ministri i Jashtëm i Francës, ish administratori i Kosovës, Bernard Kushner, tha se edhe për çështjen e Kosovës pikpamjet e Francës dhe Shteteve të Bashkuara konvergjojnë, edhe pse fokusi është natyrisht i ndryshëm, sepse Kosova është në Evropë, si gjeografikisht ashtu edhe politikisht.  Janë pikërisht këto dy arsye,  gjeografike dhe politike, që Kosova është para së gjithash  çështje evropiane, tha ministri i Jashtëm francez, Bernard Kushner.

“Status kuoja mbart rreziqe, po ashtu edhe veprimet. Duke mbështetur konkluzionet e Raportit Ahtisari si dhe parimin e pavarësisë së mbikqyrur të Kosovës, me nismën tonë, Grupi i Kontaktit dhe treshja po përpiqen tani të nxisin dialogun mes serbëve dhe kosovarëve”.

Zoti Kushner theksoi se Evropa mbështetet së tepërmi tek Shtetet e Bashkuara për gjetjen e një zgjidhjeve evropiane të çështjes së Kosovës.  Me shumë rëndësi është besimi tek evropianët për të stabilizuar gjendjen në hapësirën e tyre dhe identiteti evropian në një Bashkim të hapur për Ballkanin. 

“Politika e jashtme e Bashkimit Evropian lindi në Ballkan; prandaj në asnjë mënyrë ajo nuk duhet të dështojë në Ballkan”.

Zoti Kushner tha se është me rëndësi esenciale që Shtetet e Bashkuara dhe Evropa të jenë të bashkuara, me qëllim që të shmangin tragjedi si ato të së kaluarës.  Pyetjes se si e shikon ai të ardhmen e Kosovës pas 10 dhjetorit, ministri i Jashtëm i Francës iu përgjegj:

 “Mendoj se serbët dhe shqiptarët duhet të gjejnë në farë konsensusi.  Por nuk e di nëse do t’ia arrijën kësaj.  Në dhjetor, treshja ndërkombëtare duhet t’i paraqesë raportin zotit Ban Ki Mun dhe atëhere do të shikojmë se çfarë duhet bërë.  Por është me shumë rëndësi që ne të ruajmë unitetin në lidhje me këtë çështje, për të shmangur tragjedi si ato të së kaluarës”.

Zoti Kushner, tha se nuk parashikonte asnjë situatë, në të cilën Franca do të vepronte kundër interesave amerikane dhe atyre të NATOs. (kh)/voa/

Mustafaj: Pala kosovare pashmangërisht do të shpallë pavarësinë njëanshëm
Londër, 21 shtator 2007 - Ish ministri i jashtëm shqiptar, Besnik Mustafaj, thotë se nëse komuniteti ndërkombëtar nuk imponon zgjidhjen e statusit të Kosovës, atëhere pashmangërisht pala kosovare do të shpallë pavarësinë në mënyrë të njëanshme. "Kanë bërë ç'është e mundur që e pashmangshmja, që është pavarësia, të kalojë në rrugë normale brenda Këshillit të Sigurimit. Tashti, absolutisht unë jam i bindur se shpallja e pavarësisë së njëanshme nuk është rruga më e mirë. Përkundrazi. Por në pamundësi për ta pasur zgjidhjen përmes Këshillit të Sigurimit, nuk mbetet rrugë tjetër përveçse shpallja në mënyrë të njëanshme", theksoi Mustafaj në një intervistë për BBC-në, duke shtuar se institucionet në Kosovë po përgatiten për këtë gjë. Sipas tij, traktati i miqësisë tregon se pala kosovare po përgatitet për periudhën pas pavarësisë. Mustafaj është i mendimit se takimi i fundit i treshes ndërkombëtare në Londër me delegacionet nga Kosova dhe Serbia "në përgjithësi nuk solli asnjë të re". Por, sipas tij, është e rëndësishme që u rikonfirmua që asnjëra palë nuk ka tendencën për ndarjen e Kosovës. I pyetur nëse është i mundshëm ndonjë kompromis, Mustafaj tha se nuk sheh asnjë mundësi kompromisi, andaj gjithmonë i ka kërkuar komunitetit ndërkombëtar të ndjekë "rrugën e imponimit ndaj të dyja palëve". "Nëse ne do të ishim që para një viti apo një viti e gjysmë me një status të përcaktuar, do të ishte ndërtuar krejt konteksti për të arritur tek traktati i miqësisë që propozuan kësaj here përfaqësuesit e Kosovës", tha Mustafaj.

Berisha fton Papa Benediktin e 16 të të vizitojë Shqipërinë
Romë, 21 shtator 2007 - Në kuadër të vizitës së tij në Romë, Kryeministri shqiptar Sali Berisha takoi sot paradite, së bashku me një delegacion të Internacionales së Partive të Qendrës së Djathtë, Papa Benediktin e 16 të, në rezidencën e tij, në Castel Gandolfo. Gjatë takimit, Berisha e ftoi Papa Benediktin e 16 të për të vizituar Shqipërinë, një vend mik dhe të afërt, ftesë të cilën papa Benedikti i 16 të e mirëpriti dhe u shpreh për një vizitë të shpejtë në Tiranë.

Bosnje: Bastiset shtëpia e ish anëtarit të presidencës
21-09-2007 - Paqeruajtësit ndërkombëtarë bastisën shtëpinë e ish presidentit të serbëve të Bosnjes që dyshohet se ka ndihmuar Radovan Karaxhiçin t’i shpëtojë drejtësisë.

Një zëdhënës i paqeruajtësve tha se trupat e Bashkimit Evropian të ndihmuar nga ushtarët e Natos dhe policia e serbëve të Bosnjes, bastisën shtëpinë e Mirko Saroviçit në Lukavicë të Sarajevës.

Zoti Saroviç ishte anëtar i presidencës së Bosnje-Hercegovinës për disa muaj, para se të jepte dorëheqjen në vitin 2003, pas akuzave për rolin e tij në tregëtinë e armëve me Irakun, në shkelje të sanksioneve të OKB-së.

Zëdhënësi tha se paqeruajtësit po kërkonin të gjenin gjurmë që do të çonin në arrestimin e të dyshuarit për krime lufte Radovan Karaxhiç./voa/

Revista Forbes listën e 400 më të pasurve
21-09-2007 - Për herë të parë duhet të kesh më shumë se 1 miliard dollarë që të fitosh një vend në listën e 400 amerikanëve më të pasur, sipas revistës Forbes. 

Të ardhurat minimale për tu përfshirë në listë këtë vit ishin 1, 3 miliard dollarë, 300 milion më shumë sesa vitin e kaluar. Ky ndryshim bëri që 82 miliarderë amerikanë të mos përfshiheshin në listë.

Të 400 pasanikët amerikanë të marrë sëbashku kanë një pasuri prej 1, 54 trilon dollarësh krahasuar me 1, 25 trilion dollarë që kishin vitin e kaluar. Por emrat kryesorë të listës nuk kanë ndryshuar....themeluesi i korporatës Microsoft Bill Gates udhëheq listën prej 14 vitesh, këtë herë me një pasuri totale prej 59 miliard dollarësh. Ai ndiqet nga Warren Buffet me një pasuri prej 52 miliard dollarësh dhe pas këtij të fundit qendron Sheldon Adelson me 28 miliard dollarë i njohur si manjati i kazinove.

Në dhjetëshen e listës u shtuan edhe themeluesit e Google Inc. Sergey Brin dhe Larry Page përkatësisht në vendin e pestë. Shumë prej pjesëtarëve të listës nuk kanë krijuar famë. Një prej tyre është Jim Leprino i cili i ka bërë paratë me industrinë e djathit. Ai kontroll të gjithë furnizimet me djathë për biznesin e picave. Pjestari më i ri i listës është 33 vjeçari John Arnold me 1,5 miliard dollarë...nga investimet në bursë. //voa//

U mbajt Festivali i Këngës Qytetare "Esat Bicurri"

Merita Abdyli do të jetë emri i shënuar si interpretuesja më e mirë e festivalit të parë të këngës qytetare “Esat Bicurri” të mbajtur në Gjakovë, që në përkujtim dhe nderim të këngëtarit të mirënjohur Esat Bicurri, tash e tutje do të jetë tradicional.Në mesin e gjashtëmbëdhjetë interpretëve konkurrues që kanë kënduar gjysëmlive, Merita Avdyli me këngën “Të dua ty” nga juria në përbërje Zekeria Çarkagjia, Sami Piraj, Mufarete Laze dhe Agim Gjakova ka përfituar epitetin e më të shquarës për tu rradhitur pas saj Mukadeze Çanga me këngën “se e ka një mall bylbyli” dhe Visar Peja me këngën “më për ty s’du me ndi”.Këta solistë kanë patur sfidantë tjerë nga vende të ndryshme të trojeve shqiptare për të rrëmbyer këto vende, në mesin e te cilëve kanë qenë këngëtarët Artan Bakija, Agim Basha, Migjen Nikoliqi, Halil Mala Shemsi Hasanaga e të tjerë.Po nga e njëjta juri ka ardhur deri te përcaktimi për kompozimin më të mirë që i ka takuar Isa Jakupit, orkestrimi më i mirë i ka takuar Butrint Bicurrit ndërsa për tekstin më të mirë të këngës nga juria është vlerësuar Mevlyde Saraçi.Ky festival i këngës qytetare është organizuar nga Ministria për Kulturë dhe Drejtoria e Kulturës e Kuvendit Komunal të Gjakovës.Mevlyde Saraçi, drejtore e Drejtorisë së Kulturës, duke folur për edicionin e parë të tij ka thënë se “Gjakova,si vatër e kulturës po vendos themelet e festivalit i cili do të jetë i hapur për të  gjithë krijuesit”.Për Saraçin ku festival është i posaçëm, sepse siç u shpreh ajo “ky është festivali më i veçantë, nuk është si të tjerat”. Postuar me datë:21-09-20

Një banakier vritet në vendin e punës A.L. banakier i lokalit “Home”, i moshës 27 vjeçare, është therë të enjten me thikë, në vendin e tij të punës dhe nga plagët e marra ka vdekur në Qendrën Klinike Universitare të Kosovës (QKUK).

Policia arrestoi një fajdexhi Njësiti i krimeve ekonomike i hetimeve Rajonale në Prizren, të enjten, në shtëpinë e tij, arrestoi Pal Morinën nga fshati Grazhdanik...

Bardhi hedh poshtë akuzat e Dinoshës dhe Shkrelit Pozita e shqiptarëve në Mal të Zi, në tekstin e Propozim-kushtetutës, është skajshmërisht diskriminuese, më keq se sa në kushtetutën ekzistuese apo në ato të kohës së sistemeve të mëparme.

FMN paralajmëron Rumaninë për shkak të rritjes së pagave Fondi Ndërkombëtar Monetar (FMN) të enjten ka paralajmëruar Rumaninë për shkak të rritjes së shpejtë të pagave, e cila mund të rrezikojë konkurrencën e ekonomisë së saj.

...hapur:

Akad.Stavileci: Ndërkombëtarët dhe negociatat janë "në një udhë pa krye"
Pragë/Prishtinë, 20 shtator 2007
- Bashkësia ndërkombëtare në vend që zgjidhjen e çështjes së Kosovës t'ia linte popullit të Kosovës që të vendosë për të ardhmen e tij, sipas parimit të vetëvendosjes, zgjodhi një rrugë tjetër, për të cilën dihej vetëm fillimi dhe jo fundi, thotë akad. Esat Stavileci. Ai vlerësoi për radion "Evropa e lirë" se "bashkësia ndërkombëtare, bashkë me negociatat, janë gjendur në një udhë pa krye". Procesi mund të riciklohet, pohon ai, kurse zgjidhja mund të kërkohet vetëm po qe se arrihet një konsensus i plotë në bashkësinë ndërkombëtare, që sipas tij, vështirë se do të arrihet për shkak të "interesave të ndryshme që kanë disa prej vendeve anëtare të Bashkimit Evropian", tha akad.Stavileci. "Nuk do të ishte mirë që të krijohet përshtypja që më datën 10 dhjetor i gjithë procesi do të mbyllet", thotë akad.Stavileci, duke shprehur drojën se pas kësaj date bashkësia ndërkombëtare do të përpiqet të kërkojë modalitete të tjera që do t'i përafronin pikëpamjet e dy fuqive të mëdha. Sipas tij, tani në fakt "nuk është lufta mes Prishtinës e Beogradit, sa është lufta mes dy fuqive të mëdha, SHBA ve dhe Rusisë, për të fituar pozicione në kurriz të Kosovës". Në anën tjetër, akad. Esat Stavileci konsideron se "është momenti i fundit që të mendohet për shpalljen e pavarësisë së Kosovës nëpërmjet Kuvendit të Kosovës", kurse "Bashkimi Evropian të vihet para një akti të kryer", i cili që më herët është deklaruar se është për një pavarësi të kushtëzuar apo pavarësi formale të Kosovës. Duke folur për procesin zgjedhor që përputhet me procesin e përcaktimit të statusit në dy muajt e ardhshëm, akad. Stavileci i quan "gabime në hapa" po qe se këto dy procese interferohen në problemin e statusit të Kosovës. "Përgjithësisht, nëse Bashkimi Evropian blen kohë, atëherë për blerjen e kohës do t'i shërbenin edhe zgjedhjet, sepse zgjedhjet do të mund të largonin vëmendjen nga interesimi për statusin e Kosovës", tha akad.Stavileci, duke i sugjeruar delegacionit të Kosovës, "që të jetë shumë i vëmendshëm, që të mos bëjë gabime në hapa, por të përcaktojë prioritete me rastin e marrjes së vendimeve".

Ekipi i Unitetit kthehet nga Londra me optimizëm për procesin negociator  Delegacioni i Kosovës është kthyer sot nga Londra, me bindjet se 10 dhjetori do të shënojë fundin e procesit, pas të cilit , si rezultat i kësaj, do të pasojë krijimi i shtetit të Kosovës. Udhëheqësi i delegacionit kosovar, presidenti Fatmir Sejdiu tha se prezantimi i palës kosovare në Londër dhe dokumentet e traktatit për marrëdhënie fqinjësore me Serbinë, janë vlerësuar lartë nga Treshja ndërmjetësuese në bisedimet shtesë. Anëtarët e Ekipit të Unitetit, u shprehën kundër vazhdimit të procesit negociues pa një afat dhe pa objektiv të caktuar. Duke folur në aeroportin e Prishtinës, menjëherë pas kthimit nga Londra, udhëheqësi i Ekipit, presidenti Fatmir Sejdiu tha se marrëveshja ndërmjet Kosovës e Serbisë mund të arrihet vetëm nëse Beogradi heq dorë nga kundërshtimi i pavarësisë së Kosovës. Sejdiu tha se Treshja ndërkombëtare për statusin e ka për borxh të nxjerr konkluzione se është arritur apo nuk është arritur marrëveshje mes palëve gjatë bisedimeve shtesë, dhe këtë pritet ta bëjë deri me 10 dhjetor.
Ndërkohë, kryeministri Agim Çeku tha se pala kosovare po sillet si delegacion shtetëror në fazën shtesë të bisedimeve. Traktati i marrëveshjes me Serbinë, sipas tij, ishte mesazh para botës se Kosova e pavarur do të jetë në të mirë të rajonit. Kryeministri Çeku premtoi se Kosova nuk do të pres edhe gjatë kohë dhe se Ekipi i Unitetit është duke diskutuar për hapat e ardhshëm që do të shërbejnë për përmbylljen e statusit me shpalljen e pavarësisë:
Anëtari tjetër i Ekipit Negociator dhe kryetari i PDK-së, Hashim Thaçi shprehu besimin e tij se pas 10 dhjetorit, Kosova pret të ketë një përkrahje edhe më të fuqishme për pavarësinë e saj.
Duke folur për agjendën e mëtejshme për bisedimet, presidenti Fatmir Sjediu konfirmoi pjesëmarrjen e palës kosovare në takimin me palën serbe në Nju Jork, të thirrur për datën 28 shtator. Ai tha se agjenda nuk është qartësuar ende por kjo pritet të bëhet në dy- tre ditët e ardhshme.

Kushner bisedon me zyrtarët amerikanë për Kosovën  Shefi i diplomacisë franceze Bernar Kushner shkon sot për vizitë në Shtetet e Bashkuara të Amerikës ku me zyrtarët me të lartë amerikanë do të bisedojë për çështjet e ndryshme, duke përfshirë edhe Kosovën. Kushner sot do të takohet me ministrin amerikan të mbrojtjes Robert Gejts, kurse nesër me sekretaren amerikane të shtetit Kondoliza Rajs dhe këshilltarin për sigurinë kombëtare, Stefen Hedli. Shefi i diplomacisë franceze me zyrtarët amerikanë do të shqyrtojë çështjen e Iranit. Shtetet e Bashkuara të Amerikës kanë nisur sërish përpjekjet për futjen e sanksioneve të ashpra ndaj Iranit, kurse Franca para do kohe paraqiti qëndrime për Iranin të cilat janë shumë më afër me qëndrimet e Shteteve të Bashkuara të Amerikës se sa më parë. Procesi i përcaktimit të statusit të ardhshëm të Kosovës do të jetë, gjithashtu, njëra ndër temat e bisedës së Kushnerit në Uashington, thekson Asoshijete Pres.Kushner dhe zyrtarët amerikanë do të bisedojnë edhe për Irakun, gjendjen në rajonin sudanez Darfur dhe konferencën e planifikuar për Lindjen e Afrët, e cila duhet të mbahet me ndërmjetësimin e Shteteve të Bashkuara të Amerikës.

Samarxhiq: Konflikti rreth Kosovës mund të zgjasë me dekada Pas luftës së viteve 1998-1999, dëbimit masovik, intervenimit të NATO-s dhe pas tetë viteve nën kujdestarinë e Kombeve të Bashkuara, ka pak gjasa të arrihet zgjidhja që shqiptarët e Kosovës të kthehen në "qytetarë lojalë" të Serbisë, ka thënë ministri për Kosovën në qeverinë serbe, Sllobodan Samarxhiq. "Ne përpiqemi të jemi realistë sa më shumë që është e mundur", ka thënë ai. "Ata e kërkojnë pavarësinë. Sa i përket Serbisë, ata nuk mund ta fitojnë atë. Pra, na duhet të gjejmë një mes", ka thënë Samarxhiq në një intervistë për agjencinë Reuters. "Ne jemi në kërkim të një kompromisi historik, i cili do t'i kënaqte interesat legjitime të të dy palëve", ka theksuar ministri serb. "Nëse njëra palë ia imponon zgjidhjen palës tjetër, ne vetëm do ta shtyjmë konfliktin tonë, dhe ai mund të zgjatë me dekada", ka thënë Samarxhiq.

“Koalicioni për parlament të pastër” protestoi para Agjencisë Antikorrupsion Organizata për Demokraci, Antikorrupsion dhe Dinjitet “Çohu” dhe partnerët e saj në Koalicionin “Shoqëria civile për një parlament të pastër”, sot mbajtën protestë para zyrave të Agjencisë Kundërkorrupsion të Kosovës, më qëllim që të ftojë këtë institucion që të respektojë ligjin, duke i hapur për opinion formularët e pasurisë së zyrtarëve publikë.“Transparenca do të duhej të ishte parim themelor i këtij institucioni në luftimin e korrupsionit, ndërsa Agjencia Kundërkorrupsion e Kosovës, me mospublikimin e formularëve të pasurisë së zyrtarëve publikë, edhe vet bënë shkelje të ligjit dhe mbron korrupsionin”, tha në këtë protestë Avni Zogiani, lider i organizatës “Çohu”, duke shtuar se mbajtja e këtyre formularëve sekret nuk po bëhet nga presioni politik, por kjo, në fakt, paraqet vendim politik.” Në gjitha vendet e rajonit, të gjitha vendet e Evropës Perëndimore dhe në SHBA janë të garantuara me ligj informacionet ndaj aseteve të zyrtarëve publik, sepse puna e tyre dhe aktivitetet mundësohet nga paraja publike. Në këtë situatë, duhet të jepet llogari se si po shpenzohen paratë publike”, tha ai.
Një vit pas themelimit, Agjencia Kudërkorrupsion është bërë “paravan i korrupsionit”, tha Zogiani, duke shtuar se “ata zgjodhën rrugën e mostransparencës, mbylljes ndaj publikut kosovar, rrugën e mosdhënies llogari për paratë publike”.
Protestuesve të Koalicionit “Shoqëria civile për një parlament të pastër” nuk iu drejtua asnjë zyrtar i Agjencisë Kundërkorrupsion të Kosovës, ndërsa drejtori i tij, Hasan Preteni ishte në udhëtim zyrtar jashtë vendit.

Policia heton gjuajtjen me armë në shtëpinë e serbëve Një shtëpi e familjes serbe në Livoq të Epërm të Gjilanit është gjuajtur sot me armë të zjarrit ka bërë të ditur policia në Gjilan. Togeri Ismet Hashani, ka treguar se policia pas marrjes së informatës se ka pasur gjuajte me armë i është përgjigjur rastit me urgjencë duke dalë ne vendin e ngjarjes.“Nga hetimet e para mësohet se është gjuajtur me armë zjarri në drejtim të shtëpisë së një serbi kosovar banor lokal i këtij fshati. Si pasojë e gjuajtjes nga arma e zjarrit një predhë ka depërtuar ne xhamin e derës së hyrjes të shtëpisë së tij. Fatmirësisht nuk ka pasur tё lënduar lidhur me këtë rast”, tha toger Hashani. Sipas tij, policia në vend të ngjarjes ka gjetur pesë pesë gëzhoja të shkrepura nga pushka automatike e kalibrit 7.62 mm. “Deri më tani askush nuk është arrestuar, policia nuk di motivet, njësitet rajonale të hetimeve janë duke i zhvilluar hetimet”, ka thënë toger Hashani, zëdhënës rajonal i SHPK-së në Gjilan.

Shqipëri: Opozita akuzon për abuzime në rrugën Durrës-Kukës  Seanca plenare e Kuvendit u përfshi sot për një pjesë të rëndësishme kohe që rreth orës 11 nga debati për rrugën Durrës-Kukës-Morinë me drejtim Prishtinën. Debatet u përqendruan në akuzat e opozitës për abuzime në këtë rrugë. Deputeti i Partisë Socialiste, Erion Braçe kërkoi që kryeministri Sali Berisha të jepte shpjegime të detajuara për rrugën Durrës-Kukës. Sipas nënkryetarit të deputetëve socialistë Braçe, kryeministri është takuar me zyrtarët e kompanisë turke që po kryen punimet në rrugë, 6 ditë përpara se të shpallej tenderi. Zoti Braçe tha se kjo linte dyshime për abuzime dhe se qeveria e prokuroi tenderin e rrugës, aksin Rrëshen-Kalimash, pa pasur asnjë projekt konkret. Deputeti Braçe hodhi poshtë pretendimet, sikurse u shpreh, të qeverisë, se Banka Botërore, e cila ka ndihmuar një pjesë të rrugës, kishte sugjeruar ndonjë kompani të veçantë për ta ndërtuar atë. Zoti Braçe shtoi se Banka Botërore nuk ka sugjeruar asnjë kompani të veçantë dhe se ndërtimi i rrugës ka një akuzë themelore, mungesën e projektit. Deputeti Braçe tha se kryeministrit duhet të japë shpjegime në prokurori për hetimet mbi këtë çështje dhe po ashtu ish-ministri i Transportit, sot ministër i Jashtëm, Lulzim Basha. Mirëpo, deputeti Blerim Çela nga Partia Demokratike hodhi poshtë akuzat dhe qëndrimet e opozitës dhe tha se ka shumë njerëz që nuk kanë dëshirë që rruga mbarëkombëtare Durrës-Kukës të përfundojë. /d.n/

Del Ponte sot në Beograd Kryeprokurorja e Gjykatës së Hagës, Karla Del Ponte mbërrinë sot në Beograd që me zyrtarët e Serbisë ta shqyrtojë bashkëpunimin në shkallë politike dhe operative me gjykatën, ka deklaruar zëdhënësja e saj, Olga Kavran. Zonja del Ponet vizitën po e bën me kërkesë të BE të cilit më pas do t'ia paraqes vlerësimin e bashkëpunimit të Beogradit me gjykatën. Kavran ka thënë se në fillim të verës, Beogradi serish ka filluar të bashkëpunojë me Gjykatën kurse qeveria dhe
shërbimet relevante kanë shfaqur dhe kanë demonstruar përkushtimin e vetë ndaj këtij bashkëpunimi. Mirëpo, tre muaj kanë kaluar nga atëherë dhe prokurorja pret rezultate të reja dhe për këtë do ta njoftojë BE. Gjykata e Hagës është duke i kërkuar katër të akuzuar nga Serbia për krime të luftës në BeH dhe Kroaci – gjeneralin Ratko Mlladiq, Radovan Karaxhiqin, Stojan Zhuplaninin dhe Goran Haxhiqin. Prokuroria konsideron se Mlladiq gjendet në Serbi dhe përgjegjësia më e madhe është në autoritetet e Beogradit edhe për arrestimin e tre të akuzuarve të tjerë.

Ekspertët thonë se diplomacia në procesin për zgjidhjen e statusit të Kosovës ka dështuar
20-09-2007 -Zëri i Amerikës, Uashington
 Diplomacia në procesin për zgjidhjen e statusit të Kosovës ka dështuar dhe ka ardhur koha që udhëheqësit politikë ndërkombëtar të marrin një vendim, dhe jo 3 ndërmjetësit ndërkombëtarë. Kështu u shprehën tre analistë me përvojë në çështjet e Ballkanit në një diskutim që u zhvillua në qendrën Udrou Uilson me temë: Kosova në Balancë, Një Provë për Diplomacinë.

Pjesëmarrësit në diskutim kritikuan mënyrën se si po zhvillohen negociatat. Ata janë të një mendimi se vendimi për statusin e Kosovës duhet të meret nga udhëheqës të lartë politikë e jo nga tre diplomatët ndërkombëtarë.

Ish këshilltari i posaçëm presidencial për Ballkanin, Xhejms O’Brajën theksoi se procesi duhet të përfundojë këtë vit. Megjithatë ai u shpreh skeptik që fuqitë e mëdha janë gati për atë që do të pasojë procesin e statusit. 

“Fuqitë e mëdha, përfshirë këtu Shtetet e Bashkuara, Britaninë dhe Francën, të pasura nga Gjermania e Italia, duhet të marrin përsipër gjendjen që do të pasojë pavarësinë e Kosovës. Unë nuk shikoj një nivel të tillë angazhimi intensiv politik të këtyre vendeve, megjithëse mendoj se duhet të ndodhë dhe ky është mesazhi themelor. Vendet evropiane duhet të pranojnë se negociatat janë të padobishme. Dështimi i trojkës nuk do të jetë i mjaftueshëm të bindë udhëheqësit politikë evropianë se negociatat kanë marë fund. Kjo mund të arrihet vetëm nëse këta udhëheqës ulen në bisedime të drejtpërdrejta me Prishtinën e Beogradin për një farë kohe për t’i kuptuar nga afër shqetësimet e tyre dhe kjo duhet të bëhet para 10 dhjetorit. Edhe për këtë nuk shikoj asnjë përgatitje”.

Zoti O’Brajën, një nga drejtuesit e Grupit Ollbrajt, thotë se Bashkimi Evropian duhet të pranojë përgjegjësitë që ka në zgjidhjen e statusit të Kosovës, sepse BE-ja është e interesuar të konsolidojë territorin e saj dhe të qartësojë marrëdhëniet me Serbinë. Njerëzit, tha ai, duhet të kenë frikë nga pasojat e vonesave. Popullata e Kosovës, shtoi ai, është lodhur nga qeverisja ndërkombëtare e veçanërisht nga premtimet, që nuk janë mbajtur.

Tim Xhudah, specialist i çështjeve ballkanike dhe autor i librit “Kosova: Lufta dhe Hakmarrja”, është dakord me zotin O’Brajën se komuniteti ndërkombëtar ka bërë shumë gabime në procesin për marrjen e vendimit përfundimtar për Kosovën.

Aktualisht kur bëhet fjalë për zgjidhjen e statusit të Kosovës, tha zoti Xhudah, i rëndësishëm është Bashkimi Evropian, e jo Shtetet e Bashkuara, Serbia apo Rusia. Jetike, thotë ai, është krijimi i të ashtuquajturës “masë kritike”, pra e numrit të vendeve që do të jenë të gatshme të njohin pavarësinë. Nuk mjaftojnë vetëm Shtetet e Bashkuara, Britania e Franca, por do të duhet një numër më i madh vendesh, rreth 20 prej tyre.

Kjo “masë kritike” tani për tani nuk ekziston dhe nuk mendoj se do ta dimë një gjë të tillë deri më 11 dhjetor. Nuk mendoj se Shtetet e Bashkuara do ta njohin pavarësinë e Kosovës pa mbështetjen e Britanisë, Francës dhe disa vendeve të tjera, që do të krijonin të ashtuquajturën “masë kritike”.

Zoti Xhudah nuk është i sigurtë se çdo të ndodhë, por nëse nuk zgjidhet statusi i Kosovës, thotë ai, ekziston mundësia e shpërthimit të dhunës.

Këshilltari i politikës së jashtme në kabinetin e kryeministrit Çeku, Borut Gërgiç, përsëriti shqetësimin se esenca e problemit në procesin e statusit të Kosovës është se udhëheqësit politikë nuk po bëjnë atë që duhet të bëjnë, të marrin një vendim përfundimtar.

Zoti Gërgiç pohoi se do të vija diku kur komuniteti ndërkombëtar, fuqitë perëndimore, duke të pranojnë çmimin që janë të gatshme të paguajnë për pavarësinë e Kosovës dhe të zgjidhin më pas problemet që lindin si rezultat. Ai vuri në dukje fushatën e Sllovenisë drejt pavarësisë, e cila është gati të marë presidencën e Bashkimit Evropian.

“Në se Sllovenia do të kishte dëgjuar komunitetin ndërkombëtar në atë kohë, ajo nuk do të kishte shpallur pavarësinë sepse komuniteti ndërkombëtar ishte kundër. Asnjeri nuk mendonte në fillim të viteve 90-të kur Sllovenia shpalli pavarësinë nga Jugosllavia se ajo do të ishte sot aty ku është. Herët a vonë duhet të meret një vendim, dikush duhet të marë guximin e ta bëjë këtë, dhe mendoj se kjo do të bëhet nga vetë kosovarët”.

Ndërkohë zoti O’Brajën vuri në dukje se mënyra më e mirë për shmangjen e kundërshtimit të Rusisë është që Moska të vihet në pozitë të tillë, ku mund të mos jetë dakord, por  jo të përdorë veton. Ky është modeli i ndjekur në të gjitha negociatat mbi Ballkanin në vitet 90-të, me përjashtim të Dejtonit. Kjo ndodhi me Rusinë në çështjen e Kosovës në vitin 1999, thotë ai.

Sipas zotit O’Brien, fuqitë perëndimore gabuan në fillim të këtij viti, kur menduan se rezoluta për Kosovën do të miratohej në Këshillin e Sigurimit, ku Rusia do të votonte ose do të abstenonte. 

Zoti O’Brien shprehu mendimin se ndoshta administrata amerikane duhet të shqyrtojë përparësitë e saj, madje ai mendon se çështja e Kosovës duhet të zgjidhet tani e jo t’i lihet administratës së ardhshme.    //voa//

Kosova shënon një rritje të ekonomisë për 3 për qind
Prishtinë, 20 shtator 2007
- Në vitin 2006 Kosova ka shënuar një rritje të ekonomisë për 3 për qind. Kjo nuk është një e arritur e madhe por është shumë pozitive për ekonominë kosovare, vlerësoi shefi i Shtyllës IV të UNMIK ut Andrea Vitkovski. Ai theksoi se pas tetë viteve, zhvillimi ekonomik në Kosovë ka shënuar përmirësime, ndërkaq pas zgjidhjes së statusit ekonomia e Kosovës do të përmirësohet dukshëm. Eksporti i vendit ka shënuar rritje për 54 për qind, me një rritje modeste të importit në 5 për qind, që do të thotë që ka indikatorë të përmirësimit të gjendjes ekonomike. Njëra ndër çështjet që mbetet më e rënduar është shkalla e lartë e papunësisë që arrin deri në 44 për qind sipas numrit të regjistruar të të papunëve e që nuk do të thotë që kjo përqindje nuk është edhe më e madhe. (R.K.)

Gruevski: Kanadaja ka vendosur ta njohë vendin me emrin Maqedoni
20-09-2007 - Kryeministri i Maqedonisë Nikola Gruevski tha se Kanadaja ka vendosur ta njohë vendin e tij me emrin Maqedoni. Udhëheqësi maqedonas e përshëndeti vendimin, duke thënë se njoftimin ia dha ambasada kanadeze në Shkup. Nuk pati konfirmim të menjëhershëm nga autoritet kanadeze.

Në Athinë, zyrtarët thanë se Ministrja e Jashtme Dora Bakojanis do të marrë kontakt me homologun kanadez për të protestuar ndaj vendimit. Greqia këmbëngul që vendi fqinj të njihet me emrin Ish Republika Jugosllave e Maqedonisë, emër me të cilin u pranua në OKB në vitin 1993.

Maqedonia e shpalli pavarësinë në vitin 1991. Por Greqia nuk ka pranuar ta njohë atë me emrin Maqedoni, pasi siç thotë Athina, termi “Maqedoni”, i referohet një rajoni në Greqinë veriore. Shtetet e Bashkuara, Rusia dhe Kina përdorin emrin Maqedoni në marrëdhëniet dypalëshe. Ndërsa Natoja, Bashkimi Evropian dhe Kombet e Bashkuara përdorin emrin e mëparshëm. //voa//

Opozita braktis interpelancën e Ministrit Basha
20-09-2007- Deputetët e opozitës socialiste u larguan sot nga parlamenti në Tiranë në shenjë proteste ndaj refuzimit të Ministrit të Jashtëm Lulezim Basha për të bashkëpunuar me organet e drejtesisë që po hetojnë fondet e rrugës Durres-Kukës.

Opozita doli nga salla sapo u njoftua se ministri Basha do të paraqitej ne interpelance lidhur me dyshimet e socialistëve për shpërdorim të fondeve publike dhe korrupsion në tenderat e rrugës së re që lidh Shqiperinë me Kosovën.

Një përfaqësues i të majteve tha para se të dilte nga salla e parlamentit se shpjegimet e detajuara ministri Basha duhet t'i dërgoje në prokurori. Ministri i Jashtëm, Lulëzim Basha, me parë Minister i Transporteve, i quajti akuzat per abuzime me tenderat si spekullime te motivuara politikisht, si nga opozita ashtu edhe nga prokuroria, te cilat bashkërisht, sipas tij, po mundohen te njollosin ndertimin me te rendesishem te maxhorances qe perfundon ne vitin 2009.

Zoti Basha tha se socialistët e penguan me çdo menyrë, kur ishin në pushtet, ndërtimin e kësaj rruge, të mirëpritur nga te dy anet e kufirit qe ndan Shqiperine me Kosoven.

Po sot gjykata mbajti në arrest pa afat Zv/Ministrin e Transporteve, Nikolin Jakaj, dhe 8 zyrtarë të tjerë, që u akuzuan për korrupsion dhe abuzime me tenderat e disa rrugëve të tjera. Gjykata nuk pranoi që të akuzuarit të hetoheshin në gjendje të lirë, kundrejt garancive financiare, pasi dëmi që ata u kanë shkaktuar fondeve publike të caktuara për ndërtim rrugësh është shumë i madh. Sipas burimeve policore, ky dëm mendohet se shkon në disa milionë dollarë, apo disa dhjetëra milionë dollarë. /voa/

Amerikanët rinovojnë objektin e Muzeut të Gjakovës Me ndërmjetësimin e Zyrës Amerikane do të bëhet rinovimi i objektit të Muzeut të Gjakovës, në të cilin do të investohen 60 mijë dollarë nga Fondi i ambasadorit për ruajtje të kulturës në Departamentin amerikan të Shtetit.

...hapur:

Ekipi i Unitetit takohet me Treshen negociatore  Ekipi i Unitetit kryesuar nga presidenti Fatmir Sejdiu, u takua në Londër me Treshen ndërkombëtare për statusin e Kosovës. Udhëheqësit më të lartë të Kosovës para treshes paraqitën një traktat miqësie me Serbinë, me të cilin propozohet vendosja e marrëdhënieve të reja në fusha të ndryshme. Në vazhdim sjellim në tërësi dokumentin e Ekipit të Unitetit...

Kosova dhe Serbia:
Një marrëdhënie e re e bazuar në miqësi, bashkëpunim dhe respektim të ndërsjellë

Trojka ShBA/BE/Rusi kërkoi nga udhëheqësit e Kosovës që të mendojnë në mënyrë gjithëpërfshirëse mbi llojet e marrëdhënieve që në i dëshirojmë me Serbinë. Ky propozim shpaloset në prezantimin e delegacionit të Kosovës dorëzuar Trojkës më 30 gusht në Vjenë.

Për shkak të historisë tragjike të kohës së fundit, posaçërisht pas kolapsit të Jugosllavisë dhe dhunës tragjike të viteve të nëntëdhjeta, nuk është e mundur që Serbia dhe Kosova të mbesin në të njëjtin shtet. Megjithatë, Kosova është e përgatitur që të elaborojë një vizion të ri të guximshëm për marrëdhënien Serbi-Kosovë të bazuar në miqësi, bashkëpunim dhe respekt të dyanshëm. Në shpresojmë që idetë tona të reja do të ndihmojnë në gjetjen e kuptimit të përbashkët me Serbinë dhe të shpien në marrëveshje kompromisi për pavarësinë e mbikëqyrur të Kosovës.

Vizioni jonë i marrëdhënieve të ardhshme në mes të Kosovës dhe Serbisë bazohet në:

1) Marrëdhënie të mira fqinjësore
2) Bashkëpunim për çështjet me interes të dyanshëm
3) Mbrojtje të plotë të pakicave tona
4) Përparim në çështjen e personave të pagjetur dhe kthimin e të zhvendosurve
5) Themelimin e organeve të përbashkëta për bashkëpunim përmes një Traktati
6) Partneritet në realizimin e vizionit tonë të përbashkët për integrim Euroatlantik

Ne besojmë se ky vizion më së miri do të realizohej përmes një Traktati të ri gjithëpërfshirës të Miqësisë dhe Bashkëpunimit në mes të Kosovës dhe Serbisë. Ne mirëpresim diskutimet me Beogradin mbi mënyrën e institucionalizimit të kësaj marrëdhënieje të re.

Parimet tona: Vizioni i Kosovës për një Marrëdhënie të re me Serbinë

1) Kosova kërkon marrëdhënie të mira fqinjësore me Serbinë në kontekstin e integrimit Euroatlantik.
Për shkak të gjeografisë dhe interesave të përbashkëta, Kosova dhe Serbia duhet të zhvillojnë një marrëdhënie të re të bazuar në lidhje fqinjësore. Nëse nuk e ndërtojmë këtë marrëdhënie, atëherë rrezikojmë kthimin e dhunës dhe mosmarrëveshjeve të viteve të nëntëdhjeta. Prandaj, ne Serbisë i zgjasim dorën e sinqertë të miqësisë. Përderisa nuk duhet t’i harrojmë kurrë ngjarjet e dhimbshme të shoqëruara me ndarjen e Jugosllavisë, ne kërkojmë pajtim të plotë dhe normalizim të marrëdhënieve në mes të popujve tanë.
Ne jemi të inkurajuar nga fakti se Kosova ashtu dhe Serbia kërkojnë një të ardhme më të ndritshme si anëtarë të plotë të bashkësisë Euroatlantike të demokracive. Ky synim i i përbashkët mund të jetë baza e marrëdhënieve tona të reja.

2) Kosova do të zbatojë një plan të detajuar të bashkëpunimit mbi çështjet me interes të përbashkët (energjia, tregtia, krimi, lëvizja e njerëzve dhe mallrave, etj.);
Kosova dhe Serbia tanimë ndajnë lidhje të thella të bazuara në histori, ekonomi, kulturë dhe etnicitet. Ne përballemi me sfida dhe rreziqe të përbashkëta. Prandaj, adresimi i këtyre sfidave dhe sigurimi i një të ardhmeje paqësore dhe me prosperitet do të mbështetet në dialog intensiv, të rregullt në mes të popujve tanë dhe qeverive tona.
Ne duhet të punojmë së bashku që të adresojmë rreziqet që kapërcejnë kufijtë, siç janë krimi i organizuar, degradimi i mjedisit dhe trafikimi i njerëzve. Ne po ashtu duhet të bashkëpunojmë në përpjekjet për të ndërtuar dhe reformuar ekonomitë tona, përfshirë zhvillimin e infrastrukturës fizike dhe institucionale, komunikimet, energjinë dhe lirinë e lëvizjes së njerëzve, mallrave dhe shërbimeve.
Në duhet po ashtu të diskutojmë me Serbinë për mënyrat e zmadhimit dhe institucionalizimit të këtij bashkëpunimi, posaçërisht përmes marrëveshjes detyruese ndërkombëtare (Traktatit) në mes të Kosovës dhe Serbisë i cili do të ofronte bazë të gjerë për një marrëdhënie të re më bashkëpunuese. Në po ashtu mund të parashohim marrëveshje pasuese të cilat do të zhvillonin edhe më shumë planet tona për bashkëpunim dhe do të arrinin partneritet më të thellë institucional në fusha specifike prioritare.

3) Kosova do të zbatojë masa të plota për mbrojtjen e të drejtave të pakicave të saja (p.sh. Dispozitat e Marrëveshjes së Ahtiraarit).
Serbia ka një interes të kuptueshëm në mirëqenien e qytetarëve serbë të Kosovës. Kuvendi i Kosovës tanimë është pajtuar në një varg masash mbrojtëse dhe garancive të pashembullta për komunitetet joshqiptare të Kosovës. Ne besojmë se mbrojtja e pakicave tona nuk është e domosdoshme vetëm për demokratizim dhe zhvillim të mëtutjeshëm të Kosovës por edhe për përmirësimin e marrëdhënieve tona me Serbinë dhe për nivele më të mëdha të besimit të dyanshëm dhe stabilitetit të përgjithshëm.
Si pjesë e vizionit tonë për marrëdhënie të reja me Serbinë, ne konfirmojmë përsëri gatishmërinë tonë për zbatimin e të gjitha këtyre masave të të drejtave të pakicave sa më parë që është e mundur. Ne do të vëmë prioritete në decentralizim, mbrojtje të trashëgimisë fetare/kulturore dhe mbrojtjet ligjore të pakicave. Ne kërkojmë nga Beogradi që të na ndihmojë në zbatimin e këtyre dispozitave duke inkurajuar serbët e Kosovës që të shfrytëzojnë maksimalisht të drejtat e gjera civile dhe të njeriut në të cilat kanë të drejtë.

4) Kosova do të përkrahë progresin e menjëhershëm në kthime të personave të zhvendosur dhe zbardhjen e fatit të personave të pagjetur;
Nuk mund të ketë përfundim të qëndrueshëm të statusit pa zotim në pajtim të pas luftës. Për lëvizur përtej kësaj trashëgimie të dhimbshme ne propozojmë një përpjekje të re për adresimin e çështjeve me emocionuese që kanë mbetur nga konflikti në Kosovë: kthimi i personave të zhvendosur/refugjatëve dhe personat e pagjetur.
Mosbesimi në mes të Beogradit dhe Prishtinës në këto çështje kërkon ndërmjetësim dhe ndihmë të jashtme. Ne propozojmë që udhëheqësit e Kosovës dhe Serbisë bashkërisht të kërkojnë nga Sekretari i Përgjithshëm i OKB-së emërimin e një të Dërguari të posaçëm për Kthimin e personave të zhvendosur/refugjatëve dhe personat e pagjetur me mandat të:

a) vlerësimit të përparimit të arritur në kthimin e personave të zhvendosur të të gjitha përkatësive etnike dhe për të dhënë rekomandime për veprime të mëtutjeshme;
b) vlerësuar përparimin e bërë në gjetjen dhe identifikimin e personave të pagjetur dhe për të dhënë rekomandime për veprime të mëtutjeshme;
c) mbledhur palët për t’i diskutuar këto çështje më thellësisht.

Në këto çështje mund të bëhet përparim i menjëhershëm dhe nuk duhet të pritet zgjidhja e statusit të Kosovës më vonë këtë vit. Udhëheqësit e Kosovës janë të përgatitur për t’i diskutuar këto çështje me udhëheqësit e Serbisë në çdo kohë dhe e mirëpresin ndihmën e Trojkës në mundësimin e takimeve të tilla.

5) Kosova përkrah krijimin e organeve të përbashkëta për bashkëpunim që do të themeloheshin në Traktatin e miqësisë dhe bashkëpunimit në mes të Kosovës dhe Serbisë.
Në shumë vende të botës (p.sh. Beneluks) shtetet kanë themeluar organe të përhershme për lehtësimin e dialogut dhe bashkëpunimit. bazuar kryesisht në këto modele të mirënjohura, Traktati jonë i propozuar i miqësisë dhe bashkëpunimit do të krijonte Këshillin e përhershëm të bashkëpunimit Kosovë-Serbi për të siguruar një forum për konsultime të rregullta në çështjet prioritare me interes të përbashkët.
Këshilli i përhershëm i bashkëpunimit do të caktojë takime, do të identifikojë fusha të reja për bashkëpunim ndërqeveritar dhe do të mundësojë konsultime në çështjet e ndjeshme që prekin interesat e të dyjave palëve. Këshilli do të sponsorizojë takime të nivelit të lartë në të cilat udhëheqësit tanë mund të ulen dhe diskutojnë të gjitha çështjet e tilla. Ky Këshill mund të sigurojë bazën për zgjerimin dhe thellimin e marrëdhënies sonë të re me Serbinë.

6) Kosova dhe Serbia do të jenë partnere të plota në procesin e integrimit Euroatlantik.
Si Kosova ashtu edhe Serbia janë zotuar në integrim më të afërt në strukturat euroatlantike. Ne besojmë se ky është shtegu më i mirë në një të ardhme më demokratike, prosperitare dhe të sigurt për tërë rajonin tonë. Ne besojmë se Kosova dhe Serbia duhet të punojnë së bashku për të avancuar këtë synim të përbashkët.
Ne propozojmë themelimin e një partneriteti për të ndihmuar njëri-tjetrin në arritjen e standardeve të larta për anëtarësim në BE dhe NATO. Ne mund t’i ndajmë mësimet e mësuara dhe të ndërtojmë në sukseset e njëri-tjetrit. Vendet e rajonit tonë të Kartës së Adriatikut tanimë janë duke punuar së bashku në realizimin e anëtarësisë në NATO. Ky model tregon se shtetet mund të avancojnë prospektet e tyre Euroatlantike nëse punojnë së bashku dhe bashkëpunojnë.

SHTOJCA I:
Traktati i miqësisë dhe bashkëpunimit në mes të Kosovës dhe Serbisë
Palët kontraktuese të Kosovës dhe Serbisë:
Duke i njohur lidhjet e thella në mes të popujve të Kosovës dhe Serbisë, përfshirë lidhjet e lashta historike, kulturore, etnike dhe ekonomike;
Me keqardhje ndaj periudhave të konfliktit dhe luftës që na kanë ndarë, në veçanti ngjarjet që kanë të bëjnë me kolapsin e dhunshëm të Jugosllavisë në vitet e nëntëdhjeta;
Duke deklaruar dëshirën e sinqertë për t’u konfrontuar me trashëgiminë e së kaluarës së fundit me një frymë pajtimi dhe faljeje, ndërsa i sjellim para drejtësisë ata që kanë bërë krime të luftës;
Duke besuar se edhe Kosova edhe Serbia e ndajnë fatin e përbashkët të integrimit me të afërt në komunitetin euroatlantik të demokracive, që do të shpie në një të ardhme më të sigurt, demokratike dhe prosperuese për të gjithë;
Duke shpresuar se integrimi euroatlantik do t’i sjellë të gjithë popujt e Evropës juglindore më afër së bashku dhe do të vazhdojë të eliminojë barrierat që kanë ndarë kombet tona;
Duke pranuar se rrethanat e veçanta historike dhe interesat e përbashkëta do të kërkojnë marrëdhënie jashtëzakonisht të afërta dhe miqësore në mes të Kosovës dhe Serbisë për shumë vite në të ardhmen;
Të bindur se mekanizmat e rregullt, të institucionalizuar të bashkëpunimit dhe dialogut për çështjet e shqetësimeve të përbashkëta mund të ndihmojnë në zvogëlimin e tensioneve, zmadhimin e stabilitetit rajonal dhe avancimin e interesave të përbashkët të Kosovës dhe Serbisë,
Solemnisht pajtohen që të lidhin Traktatin e miqësisë dhe bashkëpunimit si vijon:

Kapitulli I: Qëllimi dhe parimet
Neni 1
Qëllimi i këtij Traktati është që të promovohet paqja, miqësia dhe bashkëpunimi në mes të Kosovës dhe Serbisë, në mënyrë që të promovohet stabiliteti, demokracia dhe prosperiteti për të gjithë.
Neni 2
Në marrëdhëniet e tyre me njëri tjetrin, Palët do të drejtohen përmes parimeve vijuese:
a.) bashkëpunimi reciprok për sovranitetin dhe integritetin territorial të njëri-tjetrit
b.) heqja dorë nga përdorimi apo kërcënimi i përdorimit të dhunës në zgjidhjen e çështjeve kontestuese;
c.) respektimi i të drejtave të njeriut dhe lirive themelore të të gjithë qytetarëve pa diskriminim të çfarëdo lloji, përfshirë, veçanërisht mbrojtjen e plotë të identitetit etnik, gjuhësor, kulturor dhe fetar të të gjitha komuniteteve pakicë dhe pjesëtarëve të tyre;
d.) liria e lëvizjes së personave, mallrave dhe kapitalit;
e.) bashkëpunimi dhe dialogu në çështjet e interesit të përbashkët.

Kapitulli II: Zotimi në integrimin euroatlantik
Neni 3
Palët konfirmojnë dëshirën e tyre për të integruar shoqëritë dhe ekonomitë e tyre në tërësi në komunitetin euroatlantik të demokracive, në veçanti për t’i ndërmarrë të gjitha masat e nevojshme për t’u anëtarësuar në Bashkimin Evropian dhe NATO sa më herët që është e mundur.
Neni 4
Palët do të bashkëpunojnë dhe do ta ndihmojnë njëra-tjetrën kurdoherë që është e mundur në përmbushjen e standardeve të larta dhe kërkesave tjera për integrim në BE dhe NATO. Palët nuk do të ndërmarrin asnjë veprim që do të pengonte përmbushjen e këtyre kërkesave.

Kapitulli III: Siguria dhe zgjidha paqësore e çështjeve kontestuese
Neni 5
Në pajtim me parimet e Kartës së OKB-së, Palët konfirmojnë zotimin e tyre në zgjidhjen paqësore të të gjitha kontesteve në mes tyre, dhe nuk do të përdorin dhunën apo kërcënojnë me përdorim të dhunës në marrëdhëniet e tyre në çfarëdo mënyre që do të ishte në papajtueshmëri me Qëllimet e Kombeve të Bashkuara.
Neni 6
Palët do të ndërmarrin masa për zmadhimin e bashkëpunimit të sigurisë, përfshirë zhvillimin e masave të reja për ndërtimin e besimit dhe sigurisë anembanë kufirit të tyre të përbashkët. Palët kërkojnë ndihmën e NATO-së dhe Organizatës për Siguri dhe Bashkëpunim në Evropë (OSBE) që të zhvillojnë dhe zbatojnë masat të tilla sapo që të jetë e mundur një gjë e tillë. Palët do të përpiqen që të arrijnë transparencë maksimale në vendosjen dhe veprimin e personelit të tyre të sigurisë, posaçërisht pranë kufijve të tyre të përbashkët.

Kapitulli IV: Bashkëpunimi në çështjet prioritare të interesit të përbashkët
Neni 7
Palët do të mundohen të intensifikojnë dhe thellojnë bashkëpunimin në të gjitha çështjet e interesit të përbashkët. Palët fillimisht do të përqendrojnë përpjekjet e tyre në fushat prioritare në vijim:
a.) çështjet ekonomike, përfshirë energjinë, tregtinë dhe harmonizimin me standardet e BE-së dhe zhvillimin e një strategjie të përbashkët të rritjes dhe zhvillimit ekonomik në pajtim me iniciativat ekonomike rajonale;
b.) përpjekjet në luftën kundër krimit, posaçërisht në fushat e terrorizmit, narkotikëve, trafikimit e njerëzve, kontrabandën e armëve, krimin e organizuar dhe krimin etnik;
c.) mbrojtja dhe ruajtja e trashëgimisë fetare dhe trashëgimive tjera kulturore;
d.) shëndeti dhe mirëqenia e komuniteteve tona pakicë, përfshirë zbatimin e masave të posaçme për mbrojtjen dhe promovimin e të drejtave të tyre, sigurisë dhe jetesës;
e.) zbardhja e fatit të të gjithë personave të pagjetur nga lufta e viteve të nëntëdhjeta.
f.) shëndetësia publike;
g.) transportimi;
h.) lehtësimi i lëvizjes tejkufitare të njerëzve dhe mallrave;
i.) kthimi i refugjatëve dhe personave të zhvendosur të të gjitha përkatësive etnike;
j.) çështjet mjedisore;
Neni 8
Palët do të krijojnë grupe punues për çështje specifike, të përbëra nga specialistë politikë dhe teknikë, për të zhvilluar dhe avancuar prioritetet e përbashkëta në të gjitha këto çështje prioritare të interesit të përbashkët. Aty ku është e nevojshme, këto grupe punuese do të përfshijnë përfaqësues të grupeve të shoqërisë civile dhe organizatave relevante ndërkombëtare.

Kapitulli V: Këshilli i përhershëm i bashkëpunimit Kosovë – Serbi
Neni 9
Brenda gjashtë muajve pasi të ketë hyrë në fuqi ky Traktat, Palët do të themelojnë Këshillin e përhershëm të bashkëpunimit Kosovë-Serbi. Ky Këshill do të përbëhet nga dhjetë anëtarë, pesë nga të cilët emërohen nga Serbia dhe pesë emërohen nga Kosova. Këshilli do të funksionojë përmes konsensusit dhe do të ketë përgjegjësi për të:
a.) mbikëqyrë dhe lehtësuar bashkëpunimin në të gjitha fushat me interes të përbashkët;
b.) mbajtur takime të rregullta për këmbimin e informatave dhe këshillime për të gjitha çështjet që mund të ndikojnë në interesat e cilësdo Palë;
c.) përkrahur, sipas kërkesës, takime të rregullta të grupeve punuese të cekura në nenin 8, përfshirë asistencën në caktimin e agjendës së takimeve dhe sigurimit të ndihmës logjistike;
d.) vlerësuar rezultatet e iniciativave të bashkëpunimit dhe për të rekomanduar fusha të reja për avancimin e bashkëpunimit në mes të Kosovës dhe Serbisë;
e.) kërkuar dhe mundësuar ndërmjetësime të palës së tretë në çështjet veçanërisht të ndjeshme me interes të përbashkët, siç janë personat e pagjetur apo kthimi i refugjatëve dhe personave të zhvendosur.
Neni 10
Këshilli do të mbledh Takime të nivelit të lartë të Palëve së paku çdo gjashtë muaj, ku do të përfshihen Kryetarët, Kryeministrat dhe Ministrat e Jashtëm të Kosovës dhe Serbisë. Cilado Palë mund të propozojë çfarëdo çështje për t’u marrë në konsideratë apo për t’u futur në veprim në Takimin e nivelit të lartë.
Neni 11
Këshilli do të eksplorojë mundësinë e themelimit të sekretariatit për të lehtësuar bashkëpunimin dhe dialogun në mes të Kosovës dhe Serbisë
Neni 12
Këshilli do të mundësojë dialogun në mes të Deputetëve të Kuvendit të Serbisë dhe atyre të Kuvendit të Kosovës, përfshirë krijimin e grupeve punuese ndër-parlamentare për avancimin e bashkëpunimin legjislativ.

Kapitulli VI: Kërkesa për shtetet dëshmitare
Neni 13
Në rast të çfarëdo kontesti në mes të Palëve, Palët kërkojnë që Franca, Gjermania, Italia, Federata Ruse, Mbretëria e Bashkuar dhe Shtetet e Bashkuara të Amerikës të ofrojnë ndërmjetësim neutral dhe të ndërmerr përpjekje tjera për të ndihmuar zgjidhjen paqësore të kontestit.
Neni 14
Ky Traktat nënshkruhet nga udhëheqësit e Kosovës dhe Serbisë dhe ratifikohet në pajtim me procedurat kushtetuese të secilit shtet. Ai do të hyjë në fuqi pas ratifikimit nga të dyja Palët dhe do të depozitohet pranë Kombeve të Bashkuara.
Neni 15
Ky traktat do të përkthehet në gjuhën shqipe, serbe dhe angleze. Versioni në gjuhën angleze është autoritar.

Ki Moon: Pa iluzione se zgjidhja për Kosovën do të jetë e lehtë  Në hapjen e punimeve të Asamblesë së Përgjithshme të Kombeve të Bashkuara në New York, Sekretari i Përgjithshëm, Ban ki Moon, në një konferencë për shtyp tha dje se ishte i përkushtuar që në bashkëpunim me vendet anëtare të organizatës botërore do të bëjë përpjekje në zgjidhjen e problemeve kryesore ndërkombëtare. Ai tha se do të takojë mbi 100 udhëheqës të vendeve
gjatë sesionit të 62-të të Asamblese së Përgjithshem, sesion që do të tubojë në New York burrshtetas nga shumica e vendeve të botës. "Unë nuk kam asnjë iluzion se qoftë Lindja e Mesme, apo Kosova apo Afganistani, apo edhe ndryshimet klimatike, se këto probleme do të
zgjidhen brenda natës. Zgjidhja e këtyre çështjeve kërkon një rrugë të gjatë dhe një punë mjaft të mundimshme", tha Sekretari Ban ki Moon. Asambleja e Përgjithshëm këtë vit u tha se do të përqëndrohej në
zgjidhjen e cështjeve globale me një qasje multilaterale. Kryesues i Asamblesë së Përgjithshme për këtë vit u zgjiodh ish ministri i jashtëm i Maqedonisë, Srgjan Kerim.
Ndërkaq, kur është fjala tek Kosova dhe prania e saj në Kombet e Bashkuara, pas takimit të Londrës, javën e ardhshme në New York më 27 shtator do të organizohet një takim midis treshes ndërmjetësuese ndërkombëtare me përfaqësuesit e delegacioneve të Kosovës dhe të
Serbisë, dhe një ditë më vonë është planifikuar edhe takimi dhe bisedimet e drejtëpërdrejta të këtyre delegacioneve.

Berisha është ftuar nga Bushi të marrë pjesë në një takim në Nju Jork
Tiranë, 19 shtator 2007
- Me ftesë të Presidentit amerikan Xhorxh Bush, Kryeministri i Shqipërisë Sali Berisha do të marrë pjesë në tryezën e rrumbullakët me temë "Demokracia dhe shoqëria civile". Në këtë aktivitet i cili do të zhvillohet në datën 25 shtator, në Nju Jork do të marrin pjesë 20 kryetarë shtetesh, midis të cilëve Kancelarja e Gjermanisë Merkel, presidenti i Turqisë, Çekisë, kryeministri kanadez etj.

KMDLNJ gjykimin ndaj Albin Kurtit e cilëson si "proces të montuar politik"
Prishtinë, 19 shtator 2007
- KMDLNJ pohon se në gjykatën e Qarkut në Prishtinë kryesuesi i trupit gjykues Mauricio Salustro nuk e lejoi liderit të lëvizjes Vetëvendosje, Albin Kurti, ta lexojë mbrojtjen e tij me pretekst se aty nuk ka asgjë relevante duke ia mohuar kështu të drejtën e Kurtit ta paraqesë mbrojtjen e tij. Gjykimi është shtyrë për kohë të pacaktuar meqë Albin Kurti nuk e pranon atë trup gjykues dhe mbetet që kryetari i Gjykatës së Qarkut në Prishtinë të marrë vendim për caktimin e një trupi gjykues tjetër. Nëpërmjet një deklarate, KMDLNJ e cilëson këtë gjykim si proces të montuar politik që nga fillimi i tij, sepse, siç pohon, përgjegjësit kryesorë për vrasjen e protestuesve paqësorë janë larguar nga Kosova. Edhe përgjegjësit për ushtrimin fizik të dhunës ndaj protestuesve paqësorë të "Vetëvendosjes", pjesëtarët e SHPK së nuk janë marrë asnjëherë në përgjegjësi dhe tani janë si palë e dëmtuar dhe si dëshmitarë, pohon KMDLNJ dhe thekson se kërkesat e Albin Kurtit janë "ekskluzivisht politike", andaj "synohet të mohohet liria e shprehjes, liria e organizimit dhe liria e protestimit në mënyrë paqësore si edhe veprimit politik alternativ". KMDLNJ pohon se "Albin Kurti po keqtrajtohet nëpër burgje hetuese dhe arreste shtepiake vetëm se vlerësohet se është pengesë për proceset aktuale politike e jo pse ka kryer ndonjë vepër penale". KMDLNJ gjithashtu gjykon sjelljet e pjesëtarëve të SHPK së që e pengonin Albin Kurtin t'i japë deklaratë mediave, sepse nuk i është kufizuar kontakti me media.

Topi çmon qëndrimet e Hungarisë në mbështetje të Paketës Ahtisari
Tiranë, 19 shtator 2007
- Presidenti i Shqipërisë, Bamir Topi, në lidhje me situatën në rajon e veçanërisht mbi statusin e ardhshëm të Kosovës, ka vlerësuar qëndrimet konstante të Hungarisë në mbështetje të Paketës Ahtisari, në funksion të pavarësimit të Kosovës. Këto komente Topi i bëri në pritjen e organizuar për ambasadorin e ri të Hungarisë në Tiranë, Sandor Molnari. Nga ana e tij ambasadori hungarez është shprehur se vendi i tij është thellësisht i interesuar për një zgjidhje afatgjatë dhe se do punojë për të mbështetur procesin për statusin e Kosovës.

Pavarësia e vetmja zgjidhje për Kosovën, thonë Topalli e Ahmeti Pavarësia e Kosovës, zbatimi i Marrëveshjes së Ohrit dhe anëtarësimi në NATO dhe në Bashkimin Europian i shtetit shqiptar dhe maqedonas, përbënë pajtimin e plotë mes kryetares së Kuvendit të Shqipërisë, Jozefina Topalli dhe kryetarit të Bashkimit Demokratik për Integrim të shqiptarëve në opozitë në Ish-Republikën Jugosllave të Maqedonisë, Ali Ahmeti. Zyrtarët Topalli dhe Ahmeti, të cilët u takuan sot në Tiranë, thanë se pavarësia e Kosovës, mbështetja e planit “Ahtisari” përbëjnë të vetmen rrugë për zgjidhjen e statusit përfundimtar të Kosovës. Ata theksuan se pavarësia si e vetmja zgjidhje garanton paqe, qëndrueshmëri rajonale, europiane dhe më gjerë. Sa i përket marrëveshjes së Ohrit, zyrtarët Topalli dhe Ahmeti u përqendruan në vullnetin e nevojshëm për ta zbatuar atë marrëveshje si dhe për sfidat e integrimit në NATO dhe në Bashkimin Europian. Theksi u vu në integrimin në NATO në prag të samiti të Bukureshtit, në të cilin Tirana dhe Shkupi presin ta marrin ftesën për anëtarësim. Në tërësi bisedimet u zhvilluan mbi këto çështje si dhe në bashkëpunimin në çdo lëmi, politike, ekonomike e kulturore mes Tiranës dhe Shkupit. Zoti Ahmeti shoqërohej në takim nga kryetari i Komunës së Strugës, Ramiz Merko.

Tadiq: Kosovarët presin dështimin e bisedimeve që të shpallin pavarësinë  Presidenti i Serbisë, Boris Tadiq, ka deklaruar se tregtia - “Kosova për Bashkimin Evropian” - nuk vjen në konsideratë, dhe se, kompromisi për statusin e Kosovës është i mundshëm. Kompromisi, sipas Tadiqit, është i mundshëm, nëse bota do ta ndërpriste nxitjen për shqiptarët e Kosovës për pavarësi, ka deklaruar Tadiq, për gazetën çeke, "Hospodarzske novini", për të shtuar se, “me mbështetjen që kanë nga jashtë, shqiptarët, nuk do të dëshirojnë të marrin pjesë në bisedime”."Ata do të presin që bisedimet të dështojnë, dhe më pastaj, do të shpallin pavarësinë”, ka thënë Tadiq, për të shtuar se, “ky është skenari më i keq, pasojë më e rëndë e të cilit, mund të jetë lufta”.Tadiq ka shtuar po ashtu se, pengesa më e madhe për hyrjen e Serbisë në BE, do të ishte pavarësia eventuale e Kosovës.

Del Ponte nesër në Beograd Kryeprokurorja e Gjykatës së Hagës, Karla Del Ponte mbërrinë nesër në Beograd që me zyrtarët e Serbisë ta shqyrtojë bashkëpunimin në shkallë politike dhe operative me gjykatën, ka deklaruar zëdhënësja e saj, Olga Kavran. Zonja del Ponet vizitën po e bën me kërkesë të BE të cilit më pas do t'ia paraqes vlerësimin e bashkëpunimit të Beogradit me gjykatën. Kavran ka thënë se në fillim të verës, Beogradi serish ka filluar të bashkëpunojë me Gjykatën kurse qeveria dhe
shërbimet relevante kanë shfaqur dhe kanë demonstruar përkushtimin e vetë ndaj këtij bashkëpunimi. Mirëpo, tre muaj kanë kaluar nga atëherë dhe prokurorja pret rezultate të reja dhe për këtë do ta njoftojë BE. Gjykata e Hagës është duke i kërkuar katër të akuzuar nga Serbia për krime të luftës në BeH dhe Kroaci – gjeneralin Ratko Mlladiq, Radovan Karaxhiqin, Stojan Zhuplaninin dhe Goran Haxhiqin. Prokuroria konsideron se Mlladiq gjendet në Serbi dhe përgjegjësia më e madhe është në autoritetet e Beogradit edhe për arrestimin e tre të akuzuarve të tjerë.

Arestohget Zëvendësministrin e Transporteve të Shqipërisë dhe një grup zyrtarësh për korrupsion
Tiranë, 19 shtator 2007
Policia shqiptare arrestoi Zëvendësministrin e Transporteve të Shqipërisë Nikolin Jaka dhe një grup zyrtarësh nën akuzat për korrupsion dhe shpërdorim fondesh publike. Një përfaqësues i policisë shqiptare hodhi poshtë pretendimet për motive politike në këto arrestime, duke theksuar se tenderët e këtyre zyrtarëve u hetuan me kujdes. Sipas policisë shpërdorimet shkojnë nga disa qindra mijë dollarë deri në disa milion dollarë.

BE ja nënshkroi marrëveshje për vizat me 5 vende të Ballkanit
Bruksel, 19 shtator 2007
- Bashkimi Evropian nënshkroi sot marrëveshje për lehtësimin e vizave me 5 vende të Ballkanit, duke e bërë më të lehtë dhe më pak të kushtueshme për qytetarët e këtyre vendeve që të udhëtojnë në bllokun me 27 vende. Marrëveshjet u nënshkruan sot në Bruksel me Shqipërinë, Bosnje Hercegovinën, Malin e Zi, Serbinë dhe Maqedoninë. Në një deklaratë të BE së thuhej se këto 5 vende ranë gjithashtu dakord të marin shtetasit e tyre, që gjehen se jetojnë ilegalisht në vendet anëtare të Bashkimit Evropian. Zëvendëspresidenti i Komisionit Evropian, Franko Fratini, tha se zbatimi i këtyre marrëveshjeve dhe një përparim i dukshëm në fushat si drejtësia, liria dhe siguria, do t'i krijojë Komisionit mundësinë për të strukturuar një regjim të lirë të vizave për qytetarët e vendeve të Ballkanit Perëndimor. Ndërsa Komisioneri për Zgjerimin, Oli Ren shtoi se këto marrëveshje ndihmojnë kontaktet njerëzore mes qytetarëve të Bashkimit Evropian dhe Ballkanit Perëndimor, duke u bërë edhe një provë se Bashkimi Evropian është plotësisht i angazhuar në perspektivën evropiane të rajonit. Marrëveshjet që hyjnë në fuqi nga 1 janari i ardhshëm u arritën në afatin më të shpejtë të mundshëm nga BE dhe vec lehtësive të tjera parashikojnë edhe përgjysmimin e tarifave për viza deri në 35 euro.

KKSHA më 21 shtator ndan çmimin tradicional "Duart e shpresës
Nju Jork, 19 shtator 2007
- Këshilli Kombëtar Shqiptaro Amerikan (KKSHA) më 21 shtator në Nju Jork ndan çmimin tradicional "Duart e shpresës". Me këtë çmim sivjet nderohet ish komandanti suprem i NATO s, gjenerali Vesli Klark, i cili komandoi forcat e NATO s në kohën e sulmeve ajrore të Aleancës Veri atlantike ndaj Serbisë, në vitin 1999. Krahas këtij çmimi, sivjet do të ndahen edhe çmimi për vepër jetësore. Me këtë çmim do të nderohen post mortem Presidenti historik i Kosovës, Dr. Ibrahim Rugova, dhe komandanti legjendar i Ushtrisë Çlirmitare të Kosovës, Adem Jashari. Përpos gjeneralit Klark dhe përfaqësuesve të familjeve të presidentit Ibrahim Rugova dhe komandantit Adem Jashari, në darkën vjetore do të marrin pjesë edhe shumë personalitete të shquara politike, zyrtarë dhe diplomatë amerikanë e ndërkombëtarë, si edhe personalitete të shquara politike, publike e kulturore dhe biznesmenë të njohur nga Kosova, Shqipëria, Maqedonia, Lugina e Preshevës dhe trojet shqiptare në Mal të Zi. Fitues të çmimeve të deritashme vjetore të Këshillit Kombëtar Shqiptaro Amerikan janë: ish presidenti i Shteteve të Bashkuara, Bill Klinton, ish sekretarët e shtetit, Xhejms Bejker e Medlin Ollbrajt, ish ndihmës sekretari i shtetit Xhejms Rubin, senatori Bob Doll, ish shefi i UNMIK ut Soren Jesen Petersen, aktivistja për të drejtat e njeriut Bjanka Xheger dhe personalitetet e shquara shqiptaro amerikane: Anthony Athanas, Xhim Xhema, Elez Biberaj, Ilir Zherka, Bruno Selimaj, Pjetër Kola dhe Ekrem Bardha. Darka e 11 vjetore e Këshillit Kombëtar Shqiptaro Amerikan, i cili është një manifestim lobistik me shumë autoritet në qarqet zyrtare amerikane, organizohet në frymën e mirëkuptimit e bashkëpunimit të personalieteteve e autoriteteve shqiptare nga të gjitha trojet etnike.

Artisti suedez ekspozon një karikaturë të profetit Muhamet, me gjithë kërcënimet me vdekje
Stokholm, 19 shtator 2007- Artisti suedez Lars Vilks ka ekspozuar një karikaturë të profetit Muhamet me gjithë kërcënimet me vdekje që i ka dërguar Al Kaida në Irak. Vilks ka thënë se seriozisht i kupton kërcënimet, por se nuk frikohet dhe se ka bërë një seri të vizatimeve të Muhametit për të testuar kufijtë e lirisë artistike. Vizatimet e tij pas botimit nëpër gazeta kanë shkaktuar protesta në botën islamike, por edhe në disa vende evropiane. Të shtunën e kaluar lideri i Al Kaidës në Irak Abu Omar al Bagdadi ka ofruar një shpërblim për vrasjen e Vilksit.

Erdogan për shfuqizimin e ndalimit të shamisë në universitet
Ankara, 19 shtator 2007 - Kryeministri i Turqisë, Rexhep Taip Erdogan do të shfuqizojë urdhërin për mosmbajtjen e shamisë së kokës në universitetet e vendit. Për gazetën "Fajnenshëll tajms" ai tha se e drejta për shkollim të lartë nuk mund të dëmtohet për shkak të një fustani të një gruaje. Ngjashëm mendon edhe presidenti Abdullah Gyl. Partia qeveritare konservatore-fetare aktualisht po punon për një kushtetutë të re. E paqartë është nëse anulimi i ndalimit të shamisë së kokës në universitete do të sanksionohet në kushtetutë.

Nga tajfuni "Vifa" evakuohen rreth 2 milionë njerëz
Shangai, 19 shtator 2007 – I shoqëruar me reshje të mëdha, taifuni "Vifa", i vlerësuar si shumë i rrezikshëm, ka mbërritur në jug të Shangait. Në këtë rajon, sipas të dhënave të autoriteteve, janë evakuar rreth 2 milionë njerëz për t'i shpëtuar stuhisë më të rëndë të këtij dhjetëvjeçari. Para mbërritjes, një nga qytetet më të mëdha në botë, u paralizua pasi u ndalua çdo lloj transporti. Zonat e prekura nga tajfuni që lëviz me shpejtësi ere prej 230 km në orë, nuk kanë energji elektrike dhe kanë rënë në panik. Njoftime për viktima ose të plagosur deri tani nuk ka.

Memorandumi MPB-MEM vlerësohet shkelje e të drejtave të njeriut Institucioni i Ombudspersonit dhe aktivistë të KMDLNJ-së, pohuan për KosovaLive se Memorandumi i mirëkuptimit mes Ministrisë së Punëve të Brendshme, Ministrisë së Energjisë dhe Minierave dhe Korporatës Energjetike të Kosovës (KEK) mbi kushtëzimin e regjistrimit të automjeteve me pagesën e faturave të energjisë elektrike është jo ligjor dhe shkelje e të drejtave të njeriut.

Drenica përfiton nga programi i qeverisë për shlyerjen e borxhit ndaj KEK-ut Para dyerve të arkës së njësisë së Korporatës Energjetike të Kosovës (KEK) në Skenderaj, është shtuar radha, pasi personat që gëzojnë asistencë sociale janë duke shfrytëzuar afatin e dhënë nga Ministria e Punës dhe Mirëqenies Sociale për të shlyer detyrimet vjetore ndaj KEK-ut.

“Rotary Club” nga Anglia ia dhuroi Pejës tre aparate të aritmisë së zemrës Shëndeti primar i Pejës, të martën është pasuruar me tre aparate mjekësore që përdoren të pacientët me aritmi të ndryshme të zemrës...

Arrestohen tre persona për plagosjen e një të riu nga Carrabregu Policia rajonale e Pejës konfirmoi të martën se ka arrestuar tre persona, të cilët të hënën mbrëma dyshohet se tentuan të vrasin një 19 vjeçar...

30 ditë paraburgim për dy të dyshuar për tentim dhunimi të një femre Dy personave të moshës 21 vjeçare, njëri nga fshati Shkozë i Malishevës dhe tjetri nga fshati Qubrel i Skenderajt...30 ditë paraburgim, të dyshuar për tentim dhunimi të një femre...

Hajnat sulmojnë shkollën e re “Ahmet Delija”në Skenderaj Shkolla Fillore “Ahmet Delija” në Skenderaj ka qenë cak i hajnave natën ndërmjet të hënës dhe të martes.

Shkrimet e Albin Kurtit botohen në librin “Zgjohu– për rezistencë drejtë lirisë” Në lokalet e Institutit Albanologjik të Prishtinës, të martën është bërë promovimi i librit “Zgjohu– për rezistencë drejtë lirisë”, i autorit Albin Kurti, që përmban 103 shkrime nga viti 2003 deri në vitin 2005.

Fillon zgjerimi i objektit të Fakultetit Filozofik Kompania “Mabetex” ka filluar punimet për zgjerimin dhe renovimin e Fakultetit Filozofik, bazuar në një memorandum të nënshkruar...

Partia në pushtet insiston në mbajtjen e Tuzit nën Podgoricë Shefi i grupit të këshilltarëve të Partisë Demokratike të Socialistëve në Komunën Urbane të Tuzit, Halil Dukovic, tha të martën se nuk do ta përkrah vendimin e shumicës...

Sëmundje e panjohur godet një fshat të Perusë pas rënies së meteorit Banorët e një fshati në jug të Perusë janë goditur nga një sëmundje e panjohur, jo shumë kohë pas rënies së një meteori në afërsi të tyre, njoftuan autoritetet vendore.

...hapur:

Bush dhe Socrates diskutuan për Kosovën  Kosova dhe uniteti evropian rreth çështjes së saj ka qenë njëra nga temat kryesore në takimin e djeshëm në Shtëpinë e Bardhë në Washington midis presidentit amerikan George Bush dhe kryeministrit të Portugalisë, Jose Socrates. Presidenti Bush në deklaratën e tij para
gazetarëve ndër të tjera theksoi se bisedimet me mysafrin evropian ishin shtrirë jo vetëm në çështjet bilaterale, por edhe ato ndëratlantike dhe rolin e Portugalisë si vend kryesues i Bashkimit Evropian, në një dialog gjithpërfshirës për çështjet e interesit të
përbashkët. "Biseduam për çështjet si Darfuri dhe Doha. Biseduam për Kosovën dhe Lindjen e Mesme. Dhe të dy u zotuam që të punojmë bashkë që nëse nuk mund t'i zgjidhim këto probleme, atëherë të paktën t'i lehtësojmë
ato", tha presidenti Bush. Edhe kryeministri i Portugalisë premtoi unitetin e Bashkimit Evropian, një çështje për të cilën Shtetet e Bashkuara kanë këmbëngulur, sidomos në vendimet që priten të mirren rreth Kosovës nga fundi i këtij viti. "Diskutimet tona rreth Kosovës tregojnë se bashkëpunimi midis Evropës dhe Shteteve të Bashkuara është shumë i rëndësishëm për siguri dhe stabilitet në botë. Unë i garantova presidentit se prioriteti i parë
që kam ndërmend kur është fjala tek Kosova është që ta mbajmë Evropën unike. Do të bëjë gjithë që mundem për t'u përballur me këtë problem delikat dhe është me rëndësi për Evropën që të tregojë forcën dhe unitetin e saj", tha kryeministri Socrates.

Kosova mbizotëron takimin mes Presidentit Bush dhe Kryeministrit portugez Sokrates në Shtëpinë e Bardhë
Zëri i Amerikës 18-09-2007
Gjendja në Kosovë ishte një nga çështjet kryesore që u diskutuan në takimin e djeshëm në Shtëpinë e Bardhë, midis Presidenti Bush dhe Kryeministrit të Portugalisë, Jose Sokrates, vendi i të cilit ka tani presidencën e radhës të Bashkimit Evropian:

Kryeministri i Portugalisë tha se ai është duke u përpjekur për realizimin e një qëndrimi të përbashkët për të ardhmen e Kosovës në anën tjetër të Atlantikut, brenda vendeve evropiane.

Duke folur me gazetarët mbas takimit të tij me Presidentin Bush, Jose Sokrates tha se amerikanët dhe evropianët janë dakord për nevojën e gjetjes së një zgjidhjeje për çështjen e Kosovës.

“Diskutimet tona rreth Kosovës tregojnë se bashkëpunimi midis Evropës dhe Shteteve të Bashkuara është shumë i rëndësishëm për sigurinë dhe stabilitetin në botë. Dhe unë e garantova Presidentin Bush se përparësia ime përsa i përket çështjes së Kosovës, është që Evropa të jetë e bashkuar në qëndrimin e saj”, - tha Kryeministri portugez.

Bisedimet ndërkombëtare rreth Kosovës aktualisht kanë ngecur, pasi qeveria serbe e mbështetur nga Rusia, ka kundërshtuar të pranojë kërkesën për pavarësi të këtij territori.

Kryeministri Sokrates la të kuptohet se ka vështirësi për të arritur një konsensus evropian mbi këtë problem, por e bëri të qartë se ai është i vendosur për të arritur sukses.

“Unë do të bëj ç’është e mundur për t’u përballur me problemin delikat, por është e rëndësishme për Evropën, që për të përballuar këtë sfidë, të tregojë se është një Evropë e fortë dhe e bashkuar”,- tha zoti Sokrates.

Kosova ishte vetëm një nga vendet problematike të botës, që u diskutua gjatë takimit në Shtëpinë e Bardhë. Presidenti Bush tha se kishte biseduar për një sërë çështjesh me kryeministrin portugez, si gjakderdhja në rajonin e Darfurit në Sudan dhe për bisedimet e tregëtisë globale.

“Biseduam për probleme si Darfuri dhe Doha. Biseduam po ashtu për Kosovën dhe Lindjen e Mesme. Dhe që të dy jemi të vendosur të punojmë së bashku, për t’u përpjekur që, nëse nuk mund t’i zgjidhim këto probleme, të paktën t’i vemë në një pozicion më të mirë.",- tha Presidenti Bush 

Zoti Bush, gjithashtu përmendi përpjekjet e Portugalisë për të ndihmuar popullin e Afganistanit dhe të Irakut. Ai tha se këto vende që duan lirinë e vlerësojnë mbështetjen e Portugalisë.//voa//

Shtyhet shyrtimi i projektligjit për shitjen e banesave Komisioni për Bujqësi, Pylltari, Zhvillim Rural, Mjedis dhe Planifikim Hapësinor, shtyu për javën e ardhshme, shyrtimin e projektligjit për shitjen e banesave. Kjo pasi komisioni nuk mundi të japë përgjigje se kush mund t’i shesë banesat, të cilat tash nuk kanë pronar legjitim. Anëtarët e komisionit nuk ishin të sigurt nëse këtë të drejtë mund t’ia kalojnë komunave ku ndodhen banesat. Ky projketligj synon që ta zgjidhë problemin e banesave që kanë mbetur të paprivatizuara.

AKM miratoi shpalljen e rrethit 29 të privatizimit Bordi i Agjencisë Kosovare të Mirëbesimit miratoi sot shpalljen e rrethit të 29-të të privatizimit, ku bëjnë pjesë 6 ndërmarrje të vjetra, prej të cilave do të krijohen 11 ndërmarrje të reja. Bordi rikonfirmoi vendimin e mëhershëm për privatizimin e Ndërmarrjes Inex-Brezovica. Në mbledhjen e sotme, bordi i AKM-së ratifikoi edhe kontratat e ndërmarrjeve të privatizuara më herët. Ministri i Tregtisë dhe Industrisë, Bujar Dugolli, tha pas mbledhjes se kanë vendosur gjithashtu të vazhdojnë mandatet e anëtarëve të vjetër të bordeve të ndërmarrjeve publike, deri në zgjedhjen e bordeve të reja.

Vdekja e akademik Musa Haxhiut humbje e madhe për shkencën Dje në Klivlend të SHBA, në moshën 68-vjeçare ndërroi jetë akademik Musa Haxhiu. I ndjeri ka qenë profesor në Fakultetin e Mjekësisë të Universitetit të Prishtinës. Gjatë viteve 90-të ka qenë kryetar i Akademisë së Shkencave dhe të Arteve të Kosovës. Ndërkaq, 15 vitet e fundit ka punuar ne Klivlend dhe në Uashington, në fushën e hulumtimeve mjekësore. Sot në Akademinë e Shkencave dhe Arteve dhe në Fakultetin e Mjekësisë u mbajtën mbledhje përkujtimore. Kolegët e profesor Haxhiut thanë se vdekja e parakohshme e tij është humbje e madhe për Kosovën dhe shkencën në përgjithësi. Akademik Haxhiu ndërroi jetë dje në Shtetet e Bashkuara të Amerikës. Ai njihet për hulumtimet shkencore të botuara nëpër organet me prestigjioze të shkencave mjekësore në botë.
Akademik Musa Haxhiu ishte njëri ndër shkencëtarët më të shquar që ka dhënë mjekësia e Kosovës në tërë periudhën nga vitet 60 –ta. Ai një jetë të tërë ia kushtoi vetëm shkencës dhe hulumtimit shkencorë. Akademik Haxhiu ishte jo vetëm mjek i cilësisë më të lartë që ka pasur Kosova, por në radhë të parë shkencëtar i mirëfilltë. Kryetari i Akademisë së Shkencave dhe Arteve të Kosovës, akademik Rexhep Ismajli, në mbledhjen komemorative tha se me studimet e tij, profesor Haxhiu ka bërë emër të çmuar dhe të respektuar në fushën e shkencës.“Vdekja e parakohshme e akademik Musa Haxhiut është një humbje e madhe për shkencën e Kosovës, për shkencën shqiptare dhe për shkencën në tërësi. ASHAK dhe shkenca në Kosovë, shkencat biomjeksore në radhë të parë, humbën shkencëtarin e shquar dhe një nga pikat e referencës në këtë drejtim”, tha Ismajli. Akademik Musa Haxhiun e përkujtuan sot edhe profesorët dhe studentët e Universitetit të Prishtinë. Rektori Enver Hasani tha se profesor Musaja punoi në Universitetin e Prishtinës me përkushtimin më të madh, ndërkaq puna intelektuale e tij është shenjë e përgjegjësisë qytetare. kademik Musa Haxhiu u lind në Pejë në vitin 1939. Studimet i përfundoi në Universitetin e Beogradit. Ai punoi si profesor dhe dekan në fakultetin e Mjekësisë në Prishtinë. Në vitin 1990 profesor Haxhiu u zgjodh kryetar i Akademisë së Shkencave dhe Arteve të Kosovës. Për vite të tëra ishte i ftuar si profesor në shumë universitete të ndryshme evropiane ndërsa veprimtarinë e vet shkencore e zhvilloi kryesisht në Shtetet e Bashkuara të Amerikës.

Arrestimet e zyrtareve nuk janë sulme politike, thotë zv/ministri i brendshëm Strazimiri Ministria e Brendshme në Tiranë tha sot se arrestimet e 6 zyrtarëve të lartë në një grup prej 9 personash për abuzime me tenderët, nuk janë bërë me arsye politike. Për operacionin „Duart e pastra“ për abuzime me tenderët publikë, favorizime firmash të veçanta, shpërdorim detyre, mitmarrje apo vendosje gjobash pjesëmarrësve në tender, foli sot zëvendësministri i Brendshëm, Gent Strazimiri. Ai deklaroi rreth orës 14 se akuza e ngritur ndaj zyrtarëve është për shpërdorim detyre dhe se kodi nuk parashikon arrestime për ngjyrat partiake. Duke dhënë detaje zoti Strazimiri saktësoi se zyrtarët u denoncuan nga qytetarët, se operacioni ka mbyllur vetëm fazën e parë dhe se akuza u plotësua nga përgjimet e bisedave telefonike. Zëvendësministri i Brendshëm shtoi se asnjë prej të arrestuarve nuk bëri rezistencë në çastin e ndalimit. Zoti Strazimiri i bëri deklaratat pasi dy prej të arrestuarve, janë pjesëtarë të partive të koalicionit qeveritar që udhëheq Partia Demokratike e kryeministrit Sali Berisha. I arrestuari kryesor, zëvendësministri i Punëve Publike, Transportit dhe Telekomunikacionit, Nikolin Jaka është propozuar nga Partia Demokristiane e ministrit të Shëndetësisë, Nard Ndoka, kurse Drejtori i Përgjithshëm i Rrugëve, Ilirjan Berzani nga Partia Demokrate e Re, Reformatorët e ministrit të Arsimit dhe Shkencës, Genc Pollo. Sakaq, dy drejtues të lartë demokristianë komentuan se partia e tyre është e pozicionuar qartë kundër korrupsionit. Kryetari Nard Ndoka deklaroi megjithatë se segmente të caktuara priren për të sulmuar demokristianët dhe se uronte që arrestimet të mos ishin selektive. Zoti Ndoka theksoi se nuk ka dijeni si ministër Shëndetësie për arrestimet, se demokristianët po e përcjellin me vëmendje ngjarjen dhe se janë të deklaruar kundër abuzimit me pushtetin. Më pas, Nikollë Lesi, kryetar i deputetëve demokristianë tha se nëse dy zyrtarët e propozuar nga Partia Demokristiane rezultojnë nga gjykata si të fajshëm, kjo forcë duhet të distancohet publikisht prej tyre. (d.ndrenika/rtk)

Maqedonia dhe BE nenshkruan marreveshje për lehtesim vizash‏ Maqedonia dhe Bashkimi Evropian kanë nënshkruar sot marrëveshjen për lehtësim të vizave dhe riatdhesim . Siç njofton zyra e Bashkimit Evropian në Shkup, Marrëveshjën në Bruksel e kanë nënshkruar ministrja e Punëve të Brendshsme të Maqedonisë, Gordana Jankullovska dhe evrokomesari për Siguri dhe Drejtësi Franko Fratini.Në bazë të këtij dokumenti, disa kategori të qytetareve të Maqedonisë mund të marrin viza në kohëzgjatje deri në pesë vite.

NATO ja duhet të pezullojë Partneritetin për Paqe me Serbinë, thotë Shtiner NATO ja duhet të pezullojë Partneritetin për Paqe me Serbinë," theksoi deputeti liberal gjerman, Rainer Shtiner në një deklaratë për shtyp ku kërkoi pezullimin e programit "Partneritet për Paqe" me Serbinë. "Partneriteti është një çështje e respektit dhe mirënjohjes së së ndërsjelltë, gjë që aktualisht nuk po shihet tek pala serbe", shkruan eksperti i Evropës Juglindore. "NAT0- ja i bëri Serbisë një koncesion të madh në nëntor të vitit të kaluar në samitin e Rigës, kur pranoi përfshirjen e saj në programin e partneritetit për paqe. Dhe ky koncesion me sa duket nuk solli ndonjë dobi. Koshtunica po e drejton Serbinë në një qorrsokak, Nato ja nuk ka përse ta shpërblejë këtë rrugë", përfundon Shtiner, në deklaratën e tij.

Ish-komandanti i SHP të UÇK-së tërheq kandidaturën për deputet Ish-komandanti i Shtabit të Përgjithshëm të UÇK-së, Azem Syla, i propozuar për deputet nga PDK-së ka njoftuar se tërhiqet nga gara për deputet në Kuvendin e ri të Kosovës.

Ligjvënësit kërkojnë nga qytetarët të mos bien pre e provokimeve të Serbisë Ligjvënësit kosovarë kërkuan të hënën nga ministri i Punëve të Brendshme (MPB), Blerim Kuqi, që gjatë ditës t’iu sjell një pasqyrë të situatës së sigurisë në “Lagjen e Boshnjakëve”, në pjesën veriore të Mitrovicës, ku dyshohet se situata mund të eskalojë në dhunë për shkak të provokimeve të bëra nga ana e disa banorëve serbë, ditë më parë.

Samarxhiq: Zgjedhjet lokale për serbët e Kosovës të mbahen njëkohësisht me ato në Serbi Kreu i shtetit të Serbisë ka vendosur të hënën që zgjedhjet lokale në komunat me shumicë serbe në Kosovë të mbahen njëkohësisht me zgjedhjet lokale të cilat në Serbi do të shpallen në një kohë të ardhshme, tha ministri për Kosovë Sllobodan Samarxhiq.

Pezullohen nga puna dy punonjës të QKUK-së Dr. Ilir Azizi- mjek specialist, Klinika e Gjinekologjisë dhe Teuta Osmani- mjek specialist, Klinika e Ortopedisë pranë QKUK-së janë pezulluar nga puna, pasi që dyshohet se kanë diploma të rrejshme nga Trakijski Univerzitet i Bullgarisë...

“Forca” fuqimisht kritikon projekt-planin urbanistik të Ulqinit Projekt-plani i Përgjithshëm Urbanistik që ka nxjerrë pushteti lokal i Ulqinit në diskutim publik është parcial edhe i cunguar, konsideron një zyrtar i lartë i partisë më të madhe në Kuvendin e kësaj komune bregdetare.

Sektori bankar në Maqedoni, më i dobëti në rajon Sektori bankar në Maqedoni është më i dobëti në Evropën Juglindore, me gjithsej potencialin për vitin 2006 në vlerë 3.4 miliardë euro, i cili është më i vogël se ai në Shqipëri që ka potencial 5 miliardë.

Klaus-Tadiq: Zgjidhja për Kosovën s’mund të jetë vetëm në favor të njërës palë Zgjidhja për Kosovën s’mund të jetë vetëm në favor të njërës palë, dhe duhet të arrihet me marrëveshje përmes bisedimeve, vlerësuan presidentët e Serbisë dhe Çekisë, Boris Tadiq dhe Vaclav Klaus.

Hapen solemnisht “Ditët e Trashëgimisë Evropiane 2007” Në kompleksin e Çarshisë së Vjetër të Gjakovës, pikërisht tek ish hamami, të hënën, solemnisht u hapën “Ditët e Trashëgimisë Evropiane”, që është aksion i përbashkët i Këshillit të Evropës dhe Komisionit Evropian.

Emri i Esat Bicurrit i sjell Gjakovës festival të këngës qytetare E organizuar nga Drejtoria për Kulturë, Rini dhe Sport e Kuvendit Komunal (KK) të Gjakovës, të enjten mbahet Festivali i parë i këngës qytetare “Esat Bicurri”, ku do të interpretohen 16 këngë të reja të krijuesve nga të gjitha trevat shqiptare.

Në Tetovë sot fillon Seminari Ndërkombëtar për Albanologji Në Universitetin Shtetëror në Tetovë (USHT) sot fillon Seminari i parë Ndërkombëtar për Albanologji.

Gjendet një varrezë me ushtarë gjermanë në Podgoricë Në Podgoricë është zbuluar një varrezë me ushtarë gjermanë, të cilët në këtë qytet kishin vdekur gjatë Luftës së Dytë Botërore.

...informacione të hapura:

Presidenti Sejdiu priti ambasadorin kanadez, McDougall Presidenti i Kosovës Fatmir Sejdiu priti sot ambasadorin e Kanadasë në Beograd, z. Robert McDougall me të cilin bisedoi për zhvillimet që kanë të bëjnë me procesin e zgjidhjes së statusit të Kosovës. Me këtë rast, presidenti shprehu vizionin e qartë të palës kosovare për përmbylljen e procesit pas 120 ditëve të angazhimeve shtesë me qëllim krijimin e një të ardhme më të mirë për të gjithë qytetarët e Kosovës duke theksuar se pavarësia e saj është e pa alternativë. Presidenti theksoi qëndrimin e Ekipit të Unitetit për pakon e Presidentit Ahtisari si dokument i mbyllur dhe zotimin e institucioneve të Kosovës për zbatimin e saj. Ambasadori Mc Dougall shprehu përkrahjen e Kanadasë për procesin duke premtuar angazhime të mëtejshme për Kosovën.

"Traktati i fqinjësisë së mirë" nuk është sinjal për tjetër lëshim nga ana e Prishtinës, thotë Ekipi i Unitetit  "Traktati për fqinjësi të mirë me Serbinë" që do të ofrohet në takimin e Londrës më 19 shtator, nga Ekipi i Unitetit vlerësohet si një vizion i Kosovës për marrëdhëniet shtetërore me Serbinë pas statusit e jo sinjal se Prishtina mund të bëj lëshime të tjera rreth statusit. Kryesuesi i Ekipit të Unitetit, Fatmir Sejdiu tha se pavarësisht sinjaleve që po dërgon Beogradi, për Prishtinën është e rëndësishme që ofron vizion për fqinjësi të mirë në të ardhmen. “Do të prezentojmë në mënurën më të mirë të mundshme atë që e kemi mandat dhe themi se pavarësia e Kosovës është e panegociueshme. Për ne është me rëndësi që Kosova të bëhet faktor i rëndësishm i prodhimit të stabilitetit në rajon si dhe shtetet tjera sovrane dhe është interesimi i jonë që të kemi një fqinjësi të mirë me të gjitha vendet për rreth, në këtë rast edhe me Serbinë”, tha Sejdiu.
Ndërsa kryeministri Çeku, tha se ky traktat dërgon mesazhin që pala kosovare as që dëshiron të bisedojë për çështjen e statusit e lëre më të bëjë koncesione për të. “Sepse ne shkojmë atje si shtet dhe dëshirojmë t’i nxjerrim bisedimet në rrafshint e çështjeve teknike mes dy shteteve sovrane e të pavarura. Me këtë traktat dëshirojmë që të imponojmë që të bisedohet për çështje përtej statusit, për çështjet përtej pavarësisë dhe pavarësia të konsiderohet si çështje e kryer”, theksoi kryeministri.
Edhe anëtari tjetër i Ekipit të Unitetit, Hashim Thaçi, tha se dokumenti është ofertë shtetërore e Kosovës për Serbinë, kurse për sa i takon strategjisë dalëse të Ekipit të Unitetit pas 10 dhjetorit, Thaçi u shpreh se në çdo rrethanë do të përgjigjen në mënyrën më pozitive të mundshme, në koordinim me partnerët, Uashingtonin dhe Brukselin, për vendimet e ardhshme që do t’i marrin. "Por, çdo vendim që do të nxirret, do të jetë plotësisht në përputhshmëri me vullnetin e qytetarëve të Kosovës, për shtet të pavarur e sovran”, tha Thaçi.

Serbët nesër në Londër takojnë Treshen, propozojnë rendin e ditës për bisedime Një nga përfaqësuesit serb në negociatat për Kosovën, Sllobodan Samarxhit, ka paralajmëruar për mediat beogradase se në takimin nesërm me "Treshen" ndërmjetësuese (Uizner, Ishinger, Harcenko), delegacioni serb do të paraqes propozimin për rendin e ditës në bisedimet me ekipin e shqiptarëve të Kosovës, duke thënë se bisedimet në fakt ende nuk kanë filluar dhe se takimet e deritashme kanë qenë “konsultime”. "Delegacioni ynë nuk di të paraqes programin e tij, por vetëm propozimin për rendin e ditës në bisedimet direkte ", ka thënë Samarxhiq, duke rikujtuar se ato bisedime pritet të mbahen më 28 shtator në Nju Jork. Ai tha se tema e statusit të Kosovës ka pesë ”nën-tema”, pa sqaruar se cilat janë ato. "Bisedimet e vërteta do të fillojnë në tetor” tha ai, duke shtuar se procesi i deritashëm paraqet vetëm “konsultime”.
Delegacioni i Kosovës takohet pasnesër me Treshen në Londër.

Procesi Haradinaj: Komandanti i njësisë speciale serbe akuzon UÇK-në për sulme mbi serbët Në Gjykatën Ndërkombëtare të Hagës, ka vazhduar procesi gjyqësor ndaj ish-kryeministrit të Kosovës, Ramush Haradinajt dhe dy bashkëluftëtarëve të tij, Idriz Balajt dhe Lahi Brahimaj. Para trupit gjykues është paraqitur dëshmitari i Prokurorisë nënkoloneli i xhandarmerisë serbe Rade Repiq. Në fillim të seancës së sotme, trupi gjykues ka dëgjuar vërejtjet e ekipit të mbrojtjes së zotit Haradinaj, Balaj e Brahimaj lidhur me raportet kontradiktore të ekspertëve të mjekësisë ligjore të caktuar nga prokuroria rreth trupave të gjetur në Liqenin e Radoniqit. Mbrojtja kontestoi raportin e profesor Dyrel dhe kërkoi që për këtë çështje të ftohet profesoresha Lekont, e cila është hequr nga lista e dëshmitarëve-ekspertë të prokurorisë.
Gjatë dëshmisë së tij, nënkoloneli Repiq, u përgjigj në pyetjet e prokurorit Rej lidhur me udhëheqjen e njësisë speciale të policisë serbe në Kosovë prej marsit të vitit 1998 e deri në fund të luftës. Ai pranoi se fillimisht kishte komanduar me njësitë speciale të policisë serbe në Skënderaj, konkretisht në fabrikën e municionit afër lagjes Jasharaj në Prekaz e pastaj edhe në Junik e rajone të tjera të Dukagjinit.
Repiq, njësitë e armatosura të Ushtrisë Çlirimtare të Kosovës, që zhvillonin luftë mbrojtëse, i akuzoi për ndalimin, arrestimin, kontrollimin dhe keqtrajtimin e serbëve dhe të shqiptarëve lojalë ndaj Serbisë, si dhe për sulme mbi policinë serbe- pa e përfillur terrorin që ka ushtruar policia dhe ushtria serbe mbi shqiptarët në vazhdimësi, e në veçanti gjatë luftës në Kosovë 1998-1999./rtk/

Në Gjilan u shënua Dita e Dëshmorëve të UÇK-së Me vendosjen e luleve në varrezat e dëshmorëve dhe akademinë përkujtimore kushtuar dëshmorëve, është shënuar sot në Gjilan 17 shtatori Dita e Dëshmorëve të UÇK-së. “Është kjo ditë që na bashkon krenarinë dhe përkujtimin për më të dashurit tanë që u flijuan ”, tha Ilir Tahiri në emër të Shoqatës së Familjeve të dëshmorëve.Në akademi kanë folur Liri Kajtazi, zv kryetare e komunës dhe Xhavit Dauti dhe Ahmet Daku në emër të Organizatës së veteranëve të UÇK-së. “Veteranët nuk do të ndalen pa realizimin e amanetit të dëshmorëve”, tha Ahmet Isufi, ish komandant i Zonë së Karadakut të UÇK-së, duke shtuar se amaneti i dëshmorëve së shpejti do të sendërtohen me pavarësinë e Kosovës. “Pavarësia është çështje ditësh”, tha Isufi 

Musliu: NATO të mundësojë sigurinë në Luginën e Preshevës Udhëheqësi i Lëvizjes për Progres Demokratik Jonuz Musliu deklaroi sot se kjo parti do të kërkojë praninë e NATO-s në Luginën e Preshevës. Musliu ka thënë se partia e ka ngritur këtë iniciativë pas deklaratës së kryeministrit Vojisllav Koshtunica se ekziston mundësia e destabilizimit me rastin e përcaktimit të statusit të Kosovës. "Do të kërkojmë që NATO të jetë i pranishme në Bujanoc dhe Preshevë për të ruajtur sigurinë, sepse nuk duam të vijë deri tek shkallëzimi i dhunës në këtë rajon", ka thënë Musliu, për të shtuar se kërkesën do t'ia parashtrojë të gjitha institucioneve kompetente.

Gjykata Evropiane e dënon Microsoft-in me 497 milion euro gjobë Koncerni për prodhimin e programeve kompjuterike Microsoft ka humbur betejën me BE-në për shkelje të ligjit anti-trust. Gjykata Evropiane e instancës së parë e ka hedhur poshtë ankimimin e koncernit kundër gjobës prej 497 milionë eurosh të vendosur nga komisioni i BE-së në pranverën e 2004-s. Gjykatësit ishin të mendimit se Microsoft ka shfrytëzuar pushtetin e tij në treg në mënyrë të palejuar duke gërshetuar programin e tij Windows me atë Media Player. Për këtë arsye Microsoft kishte paraqitur ankimim në gjykatën në Luksemburg pasi e konsideronte veten të penguar pa të drejtë në ushtrimin e aktivitetit të tij të biznesit. Gjykata ka urdhëruar më tej Microsoft-in të bëjë publike detaje teknike në mënyrë që konkurrentët të mund të përshtasin programet e tyre soft me Windows-in.
Microsoft njoftoi se vendimi i gjykatës do të shqyrtohet dhe më pas do të merret vendim për një apel të ri.(DW)

Një punonjës komune arrestohet si i dyshuar për plaçkitje të arkës komunale Pas arrestimit të të dyshuarit të parë para dhjetë ditësh për plaçkitjen e armatosur që është kryer në hapësirat e drejtorisë së financave në muajin prill, policia rajonale e Pejës konfirmoi të premten për KosovaLive arrestimin një punonjësi komune.

Dy nxënës të Klinës qëllohen me thikë nga një person Dy nxënës kanë marrë plagë me thikë në oborrin e shkollës së mesme në Klinë, nga një person i cili nuk është nxënës i kësaj shkolle.

Dy ferizajas arrestohen për keqpërdorimin e një femre Dy ferizajas janë arresuar të premten dhe janë dërguar në paraburgim 72 orësh, pasi dyshohen për  keqpërdorimin e një femre.

Policia arreston në qendër të qytetit një të dënuar me 14 muaj burg Një qytetar i dënuar nga gjykata me 14 muaj burg, por që nuk ka respektuar urdhëresën e gjykatës, është arrestuar nga policia në qendër të Gjilanit

Komuna e Malishevës kërkon verifikimin e diplomave të SHLP të Gjakovës Këshilltarët e Kuvendit Komunal të Malishevës, kërkuan të premten unanimisht nga organet përgjegjëse që të verifikimin e diplomave të SHLP të Gjakovës.

“Gratë në të zeza” nga Holanda ndihmojnë shkollën e Runikut Organizata joqeveritare “Gratë në të zeza” nga Holanda kanë ndihmuar shkollën fillore “Shote Galica” të Runikut...

Vujanovic mohon akuzat se i ka quajtur shqiptarët terroristë Kryetari i Malit të Zi, Filip Vujanovic, mohoi akuzat e Lidhjes Demokratike në Mal të Zi (LDMZ) dhe të Alternativës shqiptare (ASH)...se i ka quajtur shqiptarët terroristë.

Presioni i Beogradit rreth zgjedhjeve nxit reagime të ndryshme të serbëve kosovarë Përfaqësuesit e serbëve të Kosovës, reaguan të premten në mënyra të ndryshme ndaj vendimit të Qeverisë së Serbisë që nuk i porositë ata të dalin në zgjedhjet parlamentare dhe lokale të Kosovës, të caktuara për 17 nëntor 2007.

Georgievski thotë se Maqedonia është kundër ndarjes së Kosovës Kryeparlamentari i Maqedonisë, Lubisha Georgievski, tha të premten në Tiranë, se Shkupi zyrtar është kundër çdo zgjidhje që do të çonte në ndarjen e territorit të Kosovës.

Gjukanoviqi edhe zyrtarisht u bë milioner Ish-kryeministri malazez, Millo Gjukanoviq edhe zyrtarisht u bë milioner, pasi në bursën realizoi fitim prej thuajse tre milionë eurove, shkruan gazeta podgoricase “Vijesti”.

Banka Qendrore e Bosnjes, Malit të Zi dhe Serbisë nënshkruan marrëveshje bashkëpunimi Banka Qendrore e Bosnjes dhe Hrcegovinës, Banka Nacionale e Serbisë dhe Banka Qendrore e Malit të Zi nënshkruan në Sarajevë një marrëveshje bashkëpunimi, përmes të cilës mundësohet transferi dhe kryerja e pagesave ndërkombëtare...

...hapur:

Çeku: Kosova duhet ta shpallë pavarësinë para fundit të këtij viti Kryeministri, Agim Çeku, ka përsëritur se Kosova duhet ta shpallë pavarësinë, para fundit të këtij viti. “Nuk do të pranojmë negociata tjera shtesë, vonesa apo shtyrje të zgjidhjes së statusit”, ka thënë ai. Çeku ka deklaruar se Kuvendi i Kosovës do të shpallë pavarësinë, dhe ka ofruar garanci që pavarësia e saj do të njihet menjëherë nga disa shtete të fuqishme, në veçanti, Shtetet e Bashkuara të Amerikës.

SHBA: Nëse nuk arrihet ujdia, jetësohet plani Ahtisaari dhe pavarësia  Nënsekretari i shtetit për çështje Politike i Shteteve të Bashkuara të Amerikës, Nicholas Burns, ka ritheksuar edhe njëherë qëndrimin zyrtar të Uashingtonit për bisedimet dhe për statusin e Kosovës, duke thënë se në mungesë të një marrëveshje të negociuar, do të jetësohet plani i ndërmjetësuesit Ahtisari. Nënsekretari Burns i tha këto fjalë duke folur mbrëmë para shumë ekspertëve dhe një numër ambasadorësh në Këshillin e Atlantikut në Uashington ku u përqendrua në marrëdhëniet midis Shteteve të Bashkuara dhe Turqisë, duke theksuar nevojën e rivendosjes së partneritetit me të si një aleat kyç strategjik. Ai tha se ashtu siç ishte Gjermania partner kyç i Amerikës në shekullin e 20-të, në shekullin 21 do të jetë Turqia, për të cilën tha se 'ka demokracinë më impresive nga vendet e botës islamike, një vend me një identitet të dyfishtë, atë evropian dhe të lindjes së Mesme'. Burns tha se Turqia ka pasur një rol jashtëzakonisht të rëndësishëm gjatë krizës në Kosovë më 1998 dhe 1999. Turqia edhe sot ka rreth 600 ushtarë në kuadër të KFOR-it në Kosovë, në një kohë kur ne po shkojmë drejtë pavarësisë së Kosovës në fund të vitit 2007.Ndërkaq në segmentin e pyetje-përgjigjeve duke u ndërlidhur me zhvillimet në rajon dhe nevojën e një stabiliteti dhe paqe afatgjate në Evropë, nënsekretari Burns tha se vëmendja e Uashingtonit ndaj Evropës kryesisht është e përqendruar kah Kosova dhe bisedimet shtesë që po mbahen duke thënë se Shtetet e Bashkuara do të mbështesin cilëndo marrëveshje që do të arrihej nga palët përmes negociatave dhe ndërmjetësimit ndërkombëtar. Mirëpo theksoi më tej Burns, në mungesë të një marrëveshje, Uashingtoni do ta bëj të qartë pozicionin e tij. Ai tha se nëse edhe pas dhjetë dhjetorit nuk do të ketë ujdi midis palëve, atëherë Shtetet e Bashkuara të Amerikës do të argumentojnë dhe do të shfaqin mbështetjen e tyre konkrete dhe të fuqishme për planin Ahtisaari, si një zgjidhje më e mirë dhe ai plan çon drejt pavarësisë së Kosovës. /s.gashi/rtk/

Misioni i KFOR-it në Kosovë i nevojshëm, thotë Scheffer Është shumë e rëndësishme që KFOR-i të vazhdojë të kryejë misionin e tij dhe të garantojë paqe e stabilitet në Kosovë, ka thënë në Berlin sekretari i përgjithshëm i NATO-s, Jaap De Hoop Scheffer, gjatë një takimi me kancelaren gjermane Angela Merkel, me ministrin e jashtëm Frank Walter-Steinmeier dhe atë të mbrojtjes Jozef Jung. ”Në këtë kontekst e shohë si shumë të rëndësishëm edhe bashkëpunimin e NATO-s dhe Bashkimit Evropian”, ka deklaruar Scheffer në konferencën për shtyp. Scheffer ka shpjeguar se edhe pala gjermane shprehë gatishmërinë për vazhdimin e mandatit të sektorit gjerman dhe se Gjermania mbështet përgatitjen e misionit civil evropian në Kosovë. Në pyetjen se çfarë roli do të luajë NATO-ja pas dhjetë dhjetorit në rast të ndonjë dështimi negociatash apo eskalimi të mundshëm të situatës në Kosovë, sekretari i përgjithshëm i NATO-s për RTK është përgjigjur “se është me rendësi që KFOR-i të
tregojë edhe më tutje prezencën e tij e me këtë të shprehë edhe garancinë për paqe dhe stabilitet në vend”.Nëse me pyetni kështu është shprehur Scheffer, atëherë mund të përgjigjem se NATO-ja në këto momente nuk do dhe nuk guxon të luajë ndonjë rol të posaçëm në këtë rast . “Mendoj se i mbetet detyrë treshes ndërkombëtare dhe vet KFOR-it që të mbajnë përgjegjësinë dhe të përkushtohen me efektivitet rreth zhvillimeve politike në Kosovë”, ka thënë sekretari i përgjithshëm i NATO-s, Jap de Hoop Scheffer në Berlin.

Ischinger thotë se statusi i Kosovës duhet të arrihet "tash e jo pas pesë vitesh"  Bashkësia ndërkombëtare duhet të vendosë për statusin e Kosovës "tash e jo pas pesë vitesh" sepse ekziston rreziku që të destabilizohet i tërë rajoni i Ballkanit, deklaroi Wolfgang Ischinger, anëtar i treshes ndërkombëtare për statusin e Kosovës. Më tutje, në intervistën për televizionin rumun Realitatea, ai theksoi se "çfarëdo shtyrje e marrjes së vendimit për të ardhmen e Kosovës nuk do të arrijë asgjë tjetër pos që do ta rrisë rrezikun e jostabilitetit, jo vetëm në Kosovë por edhe në gjithë rajonin". Zoti Ischinger ka thënë se Bashkimi Evropian "mund të përpiqet për t'i dhënë Serbisë një impuls dhe që t'i ofrojë perspektivën e pranimit në BE, sipas modelit rumun"

BE: Politikë e re ndaj emigrantëve, pritet aplikimi i kartës blu Europa po ndjek tani gjurmët e SHBA-ve për sa i përket politikës ndaj emigrantëve. Më në fund edhe në Bruksel janë të bindur për domosdoshmërinë e tyre, sidomos pas parashikimeve për rënien e fuqisë punëtore pas vitit 2011. Komisioni Europian ka vendosur të aplikojë edhe në BE kartën blu, ekuivalenten e kartës së gjelbër të SHBA-ve. Sipas zevëndëspresidentit të Komisionit, Franko Fratini, Europa do të kërkojë emigrantë që kanë një shkollim dhe zotësi për të bërë punë të caktuara. Sot 25% e këtyre personave janë thithur nga SHBA-të dhe vetëm 5% nga Evropa.

Teatri Kombëtar i Gjakovës triumfoi në Dibër Trupa artistike e Teatrit Kombëtar të Gjakovës është kthyer të mërkurën mbrëma nga Dibra e Maqedonisë me çmimin e parë të fituar në Festivalin e teatrove shqiptare.

Përfundoi festivali i gjashtë “Teatri shqiptar në Maqedoni-Dibra 2007”Trupa artistike e Teatrit Kombëtar të Gjakovës “ka rrëmbyer” çmimin e parë “Sulejman Pitarka” në Festivalin e teatrove shqiptare, i cili është mbajtur në Dibër të Maqedonisë, për shfaqjen “Hanibali i Nëntokës”.

intervista:
nga: kosovapress:

Mua më duket se kjo heshtje është sikurse heshtja para stuhisë

13 shtator 2007

Albin Kurti

Lideri i Lëvizjes Vetëvendosje!, Albin Kurti në një intervistë për Kosovapress ka thënë se negociatorët e Kosovës me moskokëçarjen e tyre, me lakminë e madhe për para dhe privilegje e pozita, kanë bërë aq shumë koncesione ndaj Serbisë që në fund po e fusin Kosovën në një copëtim të brendshëm territorial dhe në luftëra të reja. Prandaj sipas tij të ndalësh këta negociator do të thotë edhe të punosh për lirinë e Kosovës, por edhe të parandalosh luftën. Mirëpo Kurti ka potencuar se nëse bëhet ndarja e Kosovës, atëherë jo vetëm Vetëvendosje!, por i gjithë populli do të shndërrohet në mekanizëm çlirimtar dhe do të tregojë se di të luftojë pa frikë e të veprojë ashtu si duhet për lirinë e Kosovës pa kursyer asgjë.

Kosovapress: Albin tash gati 7 muaj ju jeni i pranguar. Sa ka ndikuar kjo në punën dhe aktivitetet tuaja?

Kurti: Më 10 shtator bëhen 7 muaj që unë ndodhem i izoluar, prej tyre 5 muaj në paraburgim dhe 2 muaj në arrest shtëpiak. Izolimi sigurisht që ka ndikuar në aktivitetin tim për shkak se për 5 muaj nuk kam mundur të kontaktoj as me aktivistët e Lëvizjes Vetëvendosje!, por as me qytetarët e Kosovës, me të cilët jam takuar nëpër tubimet e shumta publike gjithandej nëpër Kosovë. Sidoqoftë, në këta dy muaj arrest shtëpiak kam mundur që të kontaktoj me aktivistët dhe me qytetarët që më kanë vizituar, por edhe më tutje mbase angazhimi im kryesor mbetet i pamundur. Kjo për shkak se i kam të pamundura tubimet nëpër fshatra dhe qytete të Kosovës. Në këtë pikë unë mbetem edhe më tutje shumë i dëmtuar.

Kosovapress: Ka ndikuar ky izolim sadopak në qëndrimet e juaja dhe veprimet konkrete në terren të Vetëvendosje!-s?

Kurti: Mendoj se nuk kanë ndikuar. Edhe më tutje janë mbajtur demonstrata e organizuar aksione të ndryshme. Madje demonstrata më masive që ka organizuar Lëvizja Vetëvendosje! është ajo e 3 marsit, e në të cilën nuk kam marrë pjesë unë, sepse isha në burg. Po ashtu Vetëvendosja vazhdon t’i përmbahet manifestit dhe gjitha materialeve dhe teksteve të saj që ka prodhuar deri tani. Edhe parimet janë po ato që kanë qenë dhe unë mendoj se nuk ka kurrfarë dyshimi në këtë aspekt. Qëndrimet e mia politike janë po ato, mbase ca edhe më të fuqishme tash. Fatkeqësisht gjendja po bëhet më e keqe me këto negociata që po shpijnë drejt një konference të re ndërkombëtare, e cila do të mbahet mbase dikur në vitin e ardhshëm. Në këtë rast Serbia, Rusia, por edhe qarqe evropiane, përmes Grupit Negociator të Kosovës, do ta formalizojnë ndarjen e brendshme të Kosovës, por edhe krijimin e një lidhje të re të Kosovës me Serbinë.  

Kosovapress: Ka zëra të qytetarëve që thonë se Vetëvendosja është më e pazëshme si asnjëherë më parë prej themelimit të saj deri në demonstratën e 10 shkurtit. Qëndron kjo?

Kurti: Unë nuk mendoj se është kështu. Asisoj mund të mendojnë ata që nuk na kanë përcjell sa duhet. Ne nuk jemi aspak më të pazëshëm. Të gjithë aktivistët tonë janë çdo ditë në terren dhe zhvillojnë aktivitetet e zakonshme, siç është shpërndarja e gazetës që s’është ndalur së botuari asnjëherë, pavarësisht asaj sa aktivistë kanë qenë në burg; mandej, radioemisioni rregullisht transmetohet në dhjetëra radiostacione lokale gjithandej Kosovës etj. Njëkohësisht, edhe takimet e tubimet që i kemi qoftë me intelektualë e profesorë, por edhe me popullin e zakonshëm në Kosovë, veç sa janë intensifikuar. Është çështje tjetër nëse njerëzit e masin aktivitetin e Lëvizjes vetëm me demonstrata, ku e fundit ishte më 30 qershor. Ashtu siç është një çështje tjetër bllokada që Lëvizjes sonë ia bëjnë mediat kryesore në vend. Ne konsiderojmë se dalëngadalë po pjekën kushtet për demonstrata të reja, por muaji korrik dhe gusht nuk kanë qenë muajt që demonstratat do të jepnin ndonjë fryt.

Kosovapress: Ju keni qenë kundër negociatave dhe ato kanë ndodh në vazhdimësi. Tani kanë filluar edhe negociatat e reja 120 ditëshe, të cilat politikanët po i quajnë si përpjekje të fundit për definimin e statusit. Do të ketë zgjidhje brenda këtij viti?

Kurti: Jo, zgjidhje nuk do të ketë brenda këtij viti, sepse në radhë të parë mënyra e tyre është e gabuar. Me negociata me Serbinë nuk mund të ketë zgjidhje, por vetëm rritje të problemit.

Kosovapress: Kundrejt procesit për zgjidhjen e statusit do të organizohen edhe zgjedhjet e përgjithshme dhe lokale në Kosovë. Çka do të thotë kjo?

Kurti: Jo domosdoshmërish do të mbahen këto zgjedhje. Këtë e kanë thënë edhe vet Grupi Negociator me në krye Joakim Rykerin. Tendenca për t’i mbajtur këto zgjedhje vjen nga synimi që të shmanget drejtimi i pakënaqësisë së qytetarëve nga përpjekja për liri e pavarësi tek votimet për parti. Dhe, e dyta, përveç që duan ta ruajnë Grupin Negociator, janë të interesuar që ta kenë edhe një koalicion ma të fuqishëm në Qeverinë e ardhshme të Kosovës, një koalicion të llojit LDK-PDK. Kjo bëhet që në atë konferencën ndërkombëtare me më shumë lehtësi të bëhet edhe ndarja e Kosovës edhe lidhja federative mes Kosovës dhe Serbisë.

Kosovapress: Do të bëjë Lëvizja Vetëvendosje! fushatë kundër zgjedhjeve, që qytetarët të mos dalin në votime?

Kurti: Ne kemi deklaruar se jemi kundër këtyre zgjedhjeve dhe sigurisht që konform këtij deklarimi edhe do të ndërmarrin aktivitet tona.

Kosovapress: Keni dhënë kritika të shumta për anëtarët e Ekipit Negociator. Çka mendoni për ta dhe si do ti përkufizonit veç e veç, duke përfshirë këtu edhe Lutfi Hazirin dhe Blerim Shalën?

Kurti: Dallimet ndërmjet tyre po zhduken sa më shumë që ata po rrinë bashkë. Për mendimin tim ata janë një grup sejmenësh që i shkojnë prapa Joakim Rykerit dhe mbase secilit diplomat ndërkombëtar që vjen këtu me projektet e veta, e të cilat zakonisht s’kanë qenë në favor të Kosovës.

Kosovapress: Në çfarë situate do të jetë Kosova pas 6-7 muajve nëse vazhdohet me proceset e deritashme?

Kurti: Nëse bëjnë lidhje të re varësie të Kosovës nga Serbia dhe provojnë me çfarëdo forme ose ta ndajnë përbrenda Kosovën ose të implementojnë në terren pakon e Ahtisarit, fatkeqësisht neve na presin gjakderdhje e luftëra të reja. Prandaj, sot të angazhohesh kundër këtij procesi nuk do të thotë të angazhohesh vetëm për lirinë e Kosovës, por edhe kundër luftës në Kosovë. Pikërisht këta negociatorët e Kosovës me moskokëçarjen e tyre, me lakminë e madhe për para dhe privilegje e pozita, kanë bërë aq shumë koncesione ndaj Serbisë që në fund po e fusin Kosovën në një copëtim të brendshëm territorial dhe në luftëra të reja. Prandaj të ndalësh këta do të thotë edhe të punosh për lirinë e Kosovës, por edhe të parandalosh luftën.

Kosovapress: Si e shpjegoni faktin që edhe përkundër gjendjes sociale-ekonomike shumë të rëndë dhe proceseve politike kaq negative, populli po hesht?

Kurti: Mua më duket se kjo heshtje është sikurse heshtja para stuhisë. Të them të drejtën më vjen mirë që është kështu, sepse po tregohet se njerëzit janë shumë të pakënaqur, por po duan që shpërthimi i pakënaqësisë së tyre të jetë i mençur dhe të mos jetë dosido. Përveç kësaj ekziston edhe një pjesë e popullatës që është shumë e pakënaqur, ankohet pothuajse tërë ditën, mirëpo kjo pakënaqësi e saj nuk bëhet dinamike. Sigurisht që është edhe pjesa tjetër e popullatës që është shumë më e paktë në numër por fatkeqësisht më e organizuar dhe më e fuqishme, dhe e cila shtresë e popullit është e afërt me politikanët e biznesmenët. Ata përfitojnë nga kjo situatë dhe rrjedhimisht janë kundër ndryshimit të saj.

Kosovapress: Në këtë rrafsh ju keni punuar që sa vjet. Pse atëherë po dalim pak njerëz në organizimet e juaja, sidomos kohën e fundit?

Kurti: Demonstratat tona nuk janë shumë më masive se disa mijëra njerëz për shkak të kësaj pakënaqësisë pasive. E kjo pakënaqësi që përkundër faktit se është e madhe dhe e gjerë megjithatë mbetet pasive rezulton nga shkëputja që i është bërë çështjes së Kosovës nga Kosova. Bushi, Putini, Grupi i Kontaktit e Këshilli i Sigurimit, merren me Kosovën për ta bërë qytetarin të ndihet i parëndësishëm dhe ai të besojë gabimisht që s’mund të ndikojë. Tjetra arsye është se tek njerëzit që kanë qenë të mashtruar për 18 vjet, ose tek ata që kanë qenë të mashtruar për 8 vjet, zgjimi i tyre është ca edhe traumatik edhe i ngadalshëm. Nuk mund të ndodh lehtë ngritja e qytetarëve në këso situate. Mbase ia vlen të përmendet edhe një faktor shtesë këtu: stina e verës në Kosovës e cila është jashtëzakonisht e heshtur, për shkak të kthimit masiv të diasporës e cila sjell para dhe në këtë mënyrë përkundër mjerimit social dhe stagnimit ekonomik disi i qetëson gjërat.

Kosovapress: Me rrethanat dhe kushtet e sotme, për sa kohë Lëvizja do t’i bënte qytetarët për vete dhe të sjell ndryshime, për 3, 6 muaj, një vit, apo  sa?

Kurti: Nuk është se nuk kemi bërë ndryshime, por nuk jam në gjendje të tregoj se kur do ta bënte ndryshimin rrënjësor, për shkak se kjo nuk varet e gjitha nga ne, por edhe nga vet populli. Unë do të kisha dëshiruar që kjo të ndodh për disa muaj, pra maksimalisht të matet me muaj kjo kohë.

Kosovapress: Përmendëm në fillim se jeni që 7 muaj herë në burg e herë në arrest të rreptë shtëpiak. Çka nëse vazhdojnë të ju mbajnë kështu edhe për 3 apo më shumë muaj?

Kurti: Unë nuk pres mirë prej tyre. Kam qenë një kontribuues i mirë për Lëvizjen Vetëvendosje!, por Lëvizja ka ditur dhe mundur të vazhdojë edhe pa mua. Do të përpiqem që t’i shfrytëzoj maksimalisht mundësitë që i kam për të kontribuar edhe pse tani e kam shumë ma vështirë se sa përpara. Pra, unë nuk pres që këta do të më bëjnë ndonjë të mirë, për shkak se edhe situata politike po vjen duke u ashpërsuar, por edhe duke i njohur ata gjykatës dhe prokurorë me motivet e qëndrimet e tyre krejtësisht politike kur bëhet fjalë për rastin tim.

Kosovapress: Keni thënë disa herë se do të shndërroheni në mekanizëm çlirimtar. Do të ndodh kjo vetëm nëse Serbia hynë në Kosovë, apo edhe në rast të ndarjes së Kosovës dhe administrimin e asaj pjese vazhdon ta bëjë bashkësia ndërkombëtare?

Kurti: Nëse bëhet ndarja e Kosovës, atëherë një pjesë e saj do të qeveriset nga Serbia dhe strukturat e saj duke legalizuar këtë. Kështu që ajo pjesë do të konsiderohet e okupuar dhe konform kësaj do të veprohet. Sidoqoftë, duhet të shikojmë se si saktësisht janë rrethanat në mënyrë që të marrim një vendim dhe veprim të qartë për këtë. Por, se po na çojnë drejt luftës me këto negociata kjo është shumë e sigurt. Unë nuk mendoj që atëherë vetëm Vetëvendosje! do të shndërrohet në mekanizëm çlirimtar, por i gjithë populli do të tregojë se ka duruar mjaft, është nëpërkëmbur mjaft, dhe di të luftojë pa frikë, e të veprojë ashtu si duhet për lirinë e Kosovës pa kursyer asgjë.

Kosovapress: Janë dhënë edhe teza të ndërrimit të territoreve si veriun me Luginën e Preshevës. Mund të ndodh kjo dhe a është e pranueshme?

Kurti: Nuk është e mundshme kjo. Dmth. edhe për ata të cilët është i pranueshëm ky ndërrim, ai nuk është i mundur. Serbia aktualisht i kontrollon të dyja pjesët. Prandaj të pretendosh shkëmbim territoresh të cilat nuk i kontrollon vet, kjo do të thotë të jesh injorant në politikë dhe mbase jo vetëm në politikë.  

Kosovapress: Meqë i ka të dyja pjesët Serbia. Si mund t’i kthejmë ato?

Kurti: Mendoj që për këtë çështje problemi qëndron në Prishtinë, e më së shumti tek UNMIK-u dhe institucionet e Kosovës, të cilët jo vetëm që kanë toleruar një gjendje të tillë, por edhe po e mbajnë të tillë duke e ushqyer. Prandaj zgjidhja është një trysni e madhe gjithpopullore kundër sistemit politik dhe institucioneve të tija qofshin ato ndërkombëtare ose vendore./Intervistoi: Kreshnik Llabjani/(09.09.2007)

LDK kandidon Isa Mustafën nga për kryetar të PrishtinësLidhja Demokratike e Kosovës (LDK), të mërkurën gjatë prezantimit të listës zyrtare të kandidatëve për kryetarë të komunave dhe për deputet të Kuvendit të Kosovës, njoftoi se kandidati i saj për kryetar të Prishtinws është këshilltari aktual i kryetarit, Fatmir Sejdiu, Isa Mustafa.

Gjermania investon edhe 2,3 mil. € në sektorin e ujërave në Dukagjin Përfaqësues të lartë të Zyrës ndërlidhëse të shtetit gjerman në Kosovë dhe të Bankës Gjermane KfW, prezantuan të mërkurën në Pejë, programin e pestë më radhë të investimeve që do t’i bëjnë në sistemin e ujësjellësve të Pejës, Klinës, Istogut dhe Junikut, të cilat funksionojnë nën kulmin e ujësjellësit rajonal “Hidrodrini”.

...hapur:

Në mesnatë përfundon afati për dorëzimin e listave për zgjedhjet e 17 nëntorit  Sekretariati i Komisionit Qëndror të Zgjedhjeve konfirmoi se deri në mesnatë do të presë aplikacionet e subjekteve për zgjedhjet parlamentare e lokale të 17 nëntorit. Shefi i Sekretariatit Mazllum Baraliu, tha për Radio Kosovën se ky proces po zhvillohet mbarë dhe se deri tani janë paraqitur subjekte politike që përfaqësojnë të gjitha komunitetet që jetojnë në Kosovë. Partia Demeokratike e Kosovës e ka zyrtarizuar listën e kandidatëve për deputetë të Kuvendit. Listës i prinë kryetari i saj Hashim Thaçi ndërsa ajo pasohet nga figurat qendrore të partisë. Për zgjedhjet lokale, PDK
e ka publikuar kandidaturën e Fatmir Limajt për kryetar të Prishtinës. Po ashtu disa nga figurat qendrore të partisë do të kandidojnë për kryetarë të komunave prej nga vijnë. Kështu Bajram Rexhepi do të kandidojë për kryetar të Mitrovicës, Hajrediqn Kuqi do të kandidojë për kreun e komunës së Pejës, Enver Hoxhaj do të kandidojë për kryetar të Theranëdës ish Suharekës dhe Bajrush Xhemajli do të kandidojë për kryetar në komunën e Ferizajit. Sipas liderit të PDK-së kandidimi i njerëzve më të fortë të partisë nëpër komunat e Kosovës dëshmon seriozitetit e kësaj partie ndaj qytetarëve të vendit.“Partia Demokratike e Kosovës është e vendsour të udhëheq me vizion, forcë dhe parime. Për këtë arsye kam kërkuar nga bashkpuntorët e ngushtë që të kandidojnë edhe për kryetarë komunash”, ka thënë Thaçi.
Ndryshe Lidhja Demokratike e Kosovës pasdite ka zyrtarizuar listat e saj për zgjedhjet e 17 nëntorit. Problemi kryesor ishte caktimi i kandidatit për kryetar të ardhshëm të kryeqytetit, ndersa ndërkohë u konfirmua se kandidat i LDK per Prishtine eshte Isa Mustafa.
Edhe LDK disa nga figurat e saj qendrore i ka kandiduar në zgjedhet për kryetarë komunash- si Eqrem Kryeziu në Prizren dhe Astrit Haraqija ne Gjakovë. Në Pejë kandidat është Agim Bërdynaj, ndërsa në Podujevë Ilaz Pireva.
Alenaca për Ardhëmërinë e Kosovës e ka publikuar listën e saj, derisa partia Ora thotë se e ka finalizuar listën me kandidatët për deputetë dhe këshilltarë të kuvendeve komunale, listë të cilën sot e dorëzon në Sekretariatin e KQZ-së.
Lidhja Demokratike e Dardanisë, e Nexhat Dacit gjithashtu thotë se e ka të gatshme një listë por ende nuk e ka zyrtarizuar.
Ndërkohë, Aleanca Kosova e Re ka publikuar listën për deputetë të cilës i prin Bexhet Pacolli. Ai është shprehur i bindur se klasa politike e Kosvës do të jetë më ndryshe pas zgjedhjeve të 17 nëntorit, andaj i ka ftuar kandiadtët e partisë së tij që të dëshmojnë seriozitet dhe përgjegjësi në këtë garë zgjedhore.Pacolli nuk e ka publikuar kandidatin e partisë së tij për kreyqytetin, me arsyetimin se pret vendimet e partive të mëdha, në mënyrë që pastaj t’ua paraqes kundërkandidatin. Ndryshe kjo parti i ka publikuar kandidatët për kryetarë të komunëve tjera të Kosovës. Risi në këtë listë është kandidimi i Nexhmedin Spahiut për postin e kryetarit të Mitrovicës.

Di Carlo: SHBA mbështet planin Ahtisari nëse palët nuk bien dakord për një variant tjetër  Zëvendës-Ndihmës Sekretarja e Shtetit Rozmari di Karlo ka theksuar qëndrimin amerikan se në mungesë të një zgjidhjeje të pranueshme për statusin e Kosovës nga Prishtina dhe Beogradi, Uashingtoni e konsideron planin Ahtisari si rrugëzgjidhjen më të mirë për të ardhmen, duke konsideruar se procesi i tanishëm "është raundi i fundit i negociatave", sepse "ky nuk është një proces pa fund". Duke folur për fazën në të cilën ndodhet aktualisht procesi për statusin përfundimtar të Kosovës, zonja Di Karlo tha për "Zërin e Amerikës" se"palët vazhdojnë të jenë larg për sa i përket arritjes së një zgjidhjeje kompromisi" ndonëse janë dakord në një numër çështjesh. Megjithatë ajo shpreson që në takimet në Londër dhe Nju Jork të ketë propozime të reja për të gjetur një zgjidhje që përmbush interesat e përbashkëta. "Qëndrimi i Shteteve të Bashkuara është se ne do të pranojmë cilëndo zgjidhje që të pranojnë palët. Por përgjegjësia mbetet mbi palët për të dalë me propozime", theksoi Di Karlo. Në lidhje me shqetësimet për dallimet që ekzistojnë brenda BE-së për çështjen Kosovës, Di Karlo tha se Kosova është një problem evropian, prandaj është shumë e rëndësishme që vendet e Bashkimit Evropian të luajnë një rol kyç dhe se Uashingtoni synon të mbështesë përpjekjet e tyre.

Dëmet nga zjarret e sivjetme mbi 3.7 milionë euro Dëmet e shkaktuara nga zjarret në Kosovë gjatë kësaj vere, kapin shumën prej mbi 3 milionë e 700 mijë euro, ka vlerësuar Komitetit ndërministror për menaxhimin e emergjencave. Sipas këtij komiteti, janë djegur afër 7 mijë hektarë me pyje dhe afër 1 mijë e 500 hektarë sipërfaqe bujqësore, dhe objekte të tjera. Dëmet që janë shkaktuar nga zjarret në Kosovë, në periudhën 8 korrik - 5 gusht të këtij viti, kapin shumën prej mbi 3 milionë e 700 mijë euro. Në këtë analizë të Komitetit Ndërministror për menaxhimin e emergjencave janë përfshirë afër 7 mijë hektarë sipërfaqe me pyje të djegura, rreth 1 mijë e 500 hektarë sipërfaqe bujqësore, dhe objekte banimi e objekte tjera. Me gjithë këto dëme, kryesuesi i këtij komiteti, ministri i punëve të brendshme, Blerim Kuqi, vlerësoi se është menaxhuar mirë situata rreth zjarreve në Kosovë. “Mendojmë se çështja e zjarreve është menaxhuar mirë, duke pasur parasysh se për herë të para qeveria jonë është ndodhur me një situatë të tillë” tha Blerim Kuqi.
Ndërsa kryeshefi ekzekutiv i agjencisë pyjore të Kosovës, Muzafer Luma, tha se pjesa më e madhe e pyjeve të djegura kanë qenë joproduktive. “Në këto pyje që janë përfshirë në zjarre vetëm 5 -10 për qind janë pyje produktive që kanë kushtuar shumë. Gjithë kjo sipërfaqe është me pyje të degraduara, shkurre dhe kategori të tjera të pyjeve. Kompleksi i pyjeve të mëdha, ku ka shumë masë drunore, duke filluar që nga bjeshkët e Nemuna dhe deri te Sharri, janë menaxhuar dhe janë mbrojtur mirë”, tha Luma.
Sanimi i gjendjes nënkupton pastrimin e masës së djegur, pyllëzimin e sipërfaqes së djegur dhe mirëmbajtjen e atyre kulturave derisa të rehabilitohen. Luma thotë se sipërfaqet e djegura të pyjeve mund të sanohen për 2 apo 3 vjet, në qoftë se do të gjenden mjete e nevojshme.
Tash për tash, mbetet e paqartë, çështja e kompensimit të këtyre dëmeve. Ministri Kuqi tha se nuk është në kompetencë të Komitetit Ndërministror për kompensimin e dëmeve, i cili ka pasur një fond vetëm prej 700 mijë euro për menaxhimin e situatës rreth zjarreve. Komiteti Ndërministror për menaxhimin e emergjencave do të përfundojë punën më 15 shtator. Ndërkaq, zyrtarë të policisë raportojnë për 22 persona të arrestuar dhe për 675 raste janë nën hetime, të cilët akuzohen për vënien e zjarreve.

Sejdiu: Qëndrimi për pavarësinë është pa alternativë "Ne kemi vizionin tonë politik për pavarësinë e Kosovës dhe nuk ka asnjë qasje tjetër që të na shtyjë të mendojmë diçka tjetër", është shprehur Presidenti i Kosovës Fatmir Sejdiu në një intervistë për radion "Evropa e lirë". Edhe po të shtrohej aspekti i statusit ose çështja themelore e të ardhmes së Kosovës, theksoi ai, pala kosovare do të japë qëndrimin që tashmë e ka."Qëndrim tjetër nuk kemi, është qëndrim pa alternativë", nënvizoi Presidenti Sejdiu, duke shtuar se në këtë periudhë do të ofrohet edhe një vizion plus që ka të bëjë me marrëdhëniet e ardhshme të Kosovës dhe të Serbisë, si dy shtete sovrane dhe të pavarura në ndërtimin dhe zhvillimin e raporteve të fqinjësisë së mirë. Bëhet fjalë për një projekt që mund të ketë natyrën e një "traktati ndërkombëtar", tha Presidenti Sejdiu. "Për ne është me rëndësi që të ofrojmë projektin për të ardhmen, projektin që dëshiron raporte të mira ndërfqinjësore, që dëshiron raporte të mira mes dy popujve tanë dhe që do të jetë po ashtu një kontribut i veçantë për zhvillimin e marrëdhënieve të mira në rajon, të fqinjësisë së mirë të përgjithshme, për të lehtësuar kështu paralel edhe proceset për integrimet tona në rrjedhat euro atlantike", sqaroi më tej Presidenti i Kosovës. Fatkeqësisht, shtoi ai, institucionet e Serbisë kanë një logjikë dhe një gjykim tjetër dhe shprehen me ambiciet që "praktikisht janë ide të tejkaluara dhe të pamundshme, që në bërthamën e tyre apo në emëruesin e përbashkët ta mbajnë nën koloni Kosovën dhe popullin e saj". "Serbia me idenë e saj themelore do ta dëshironte Kosovën pa shqiptarë, sikurse e kanë shprehur shumë herë në projektet e hershme e të tanishme dhe natyrisht do ta dëshironte Kosovën e kristaleve të bukura dhe e pasurive të pashtershme minerale, të tokës së mirë që ajo ka e që është dhunti e Zotit dhe natyrisht të zhvillojë proceset e saj në kuptimin e rolit hegjemon në Evropën Juglindore, ambicie që nuk e heq as sot nga rendi i ditës", theksoi Presidenti Sejdiu. Në pyetjen nëse ky është angazhimi i fundit i Prishtinës dhe çfarë do të bëhet nëse edhe pas 10 dhjetorit kërkohet një angazhim tjetër shtesë, Presidenti Sejdiu pasi kujtoi procesin, në veçanti periudhën me presidentin Ahtisaari, tha se e konsideron atë proces të mbyllur. "Prandaj, për ne është me rëndësi që të kuptojnë se janë shterur të gjitha mundësitë. Këtë angazhim shtesë e kemi dhënë si pjesë prapë të një përcaktimi, për të ndihmuar në këtë radhë edhe gjithë qasjen e atyre që dëshirojnë të përfundojnë procesin, duke mbështetur vullnetin e popullit të Kosovës, pra pavarësinë e Kosovës" mbi bazën e propozimit të Ahtisarit. Në anën tjetër, Presidenti theksoi se është i nevojshëm ky bashkëpunim, sepse "Kosova ka nevojën e një partneriteti në ecje, pra edhe ndihmën e bashkësisë ndërkombëtare, edhe njohjen e pavarësisë së saj në procesin kur ajo mund të marrë një vendim". Por, paralelisht, tha ai, "është edhe një shans për të dëshmuar seriozitetin, argumentet tona dhe për të thënë botërisht se cila do të jetë perspektiva jonë mbi bazë të këtyre argumenteve që shtrojmë", sepse siç tha, "status quo ja nuk prodhon asgjë, prodhon kriza dhe realisht krizat nuk janë në interes as të Kosovës, as të rajonit e as të Evropës". I pyetur nëse 10 dhjetori mund ta gjejë Kosovën në vakum institucional, Presidenti Sejdiu tha se është shumë me rëndësi që Parlamenti i Kosovës dhe institucionet e tjera kanë mandatin e tyre të plotë. "Nga aspekti juridik dhe nga shumë aspekte të tjera, deputetëve të Parlamentit të Kosovës mandati u vazhdon deri në ditën e verifikimit të deputetëve të rinj që do të zgjidhen", tha Presidenti Sejdiu dhe vuri në dukje se "çdo institucion e ka rolin dhe legjitimitetin e vet veprues dhe ne do të veprojmë mbi këtë bazë".

Plaçkitje e armatosur në Drenas – plagosen dy policë dhe një qytetarë Dy pjesëtarë të Shërbimit Policor të Kosovës si dhe një qytetar janë plagosur gjatë një grabitje me armë zjarri në një argjendari në Drenas / ish Gllogovc/. Plaçkitja ka ndodhur rreth orës 15:30 min, në qendër të Drenasit. Sipas dëshmitarëve të cilët kanë qenë në vendin e ngjarjes plaçkitësit ishin të maskuar dhe të veshur me uniforma të policisë.Policia ka vazhduar me ndjekjen të plaçkitësve të cilët ishin në një veturë golf 2 ngjyrë të kaltër. Zëdhënësi i policisë, Veton Elshani pasqaruar se ndjekja e policia ka vazhduar ndjekjen e plaçkitësve për rreth 15kiometera, mirëpo plaçkitësit e kishin braktisur makinën me të cilën po largoheshin dhe kishin vazhduar ikjen në këmbë.
SHPK e ka konfiskuar veturën.
Të plagosurit janë dërguar në spital dhe gjendja e tyre nuk është e rëndë.

Putini emëron një kryemnistër të ri të Rusisë Presidenti i Rusisë Vladimir Putin e ka emëruar Viktor Zubkov për kryeministër të ri të vendit. Njoftimin e bëri publik zëdhënësi i parlamentit Boris Gryzlov, duke thënë se pret që Duma ta miratojë propozimin e Putinit të premten më 14 shtator. Hapi pasoi dorëheqjen e qeverisë së kryeministrit Mikhail Fradkov. Kandidati i ri për kryeministër ka qenë në krye të agjencisë për hetimin e krimeve financiare.

Koshtunica paralajmëron kundër shpalljes së pavarësisë së Kosovës
12-09-2007  Kryeministri i Serbisë, Vojislav Koshtunica, paralajmëroi  sot në Bruksel kundër shpalljes së njëanëshme  dhe njohjes së pavarësisë së Kosovës.  Por Shtetet e Bashkuara i përmbahen deklaratës së tyre të korrikut se plani Ahtisari është zgjidhja më e mirë nëse palët në negociata nuk bin dakord për një zgjidhje tjetër.

Kryeministri i Serbisë, Vojislav Kostunica, tha sot në Bruksel,se deklaratat e përsëritura të zyrtarëve amerikanë në mbështetje të pavarësisë së Kosovës kërcënojnë stabilitetin në Ballkan. 

"Më duhet të paralajmëroj kundër deklaratave në favor të shpalljes së njëanëshme të pavarësisë në qoftë se negociatat dështojnë”, tha ai pas bisedimeve që pati në Bashkimin Evropin. "Ne jemi të mendimit se komuniteti ndërkombëtar dhe gjithë institucionet e Bashkimit Evropian duhet të bëjnë të njejtin paralajmërin dhe jo vetëm në këtë periudhë negociatash, që të mos dërgohen mesazhe të tilla”.

Zoti Koshtunica ritheksoi pikpamjen e Beogradit se mënyra më e mirë për të shkuar përpara është që Kosovës t’i jepet autonomi e zgjeruar në kuadrin e Serbisë.

"Do të doja të theksoja se propozimi serb është mëse konstruktiv, mëse konkret dhe mëse i detajuar, kur është fjala për autonominë e zgjeruar të Kosovës brenda Serbisë”.

Shefi i politikës së Jashtme të Bashkimit Evropian, Havier Solana, tha se do të bëjë ç’është e mundur që ky proces të përfundojë me një zgjidhje”.

Por ai paralajmëroi se procesi nuk do të zgjatë pafundësisht.

"Afati, siç dihet, është 11 dhjetori, kur Sekretari i Përgjithshëm i Kombeve të Bashkuara do të donte të kishte raportin”.

Negociatat për satusin e Kosovës, të ndërmjetësura nga Shtetet e Bashkura, Bashkimi Evropian dhe Rusia, kanë hyrë në fazën e tyre përfundimtare, por Uashingtoni ua ka bërë të qartë shqiptarëve se do ta njohi pavarësinë e Kosovës, nëse negociatat dështojnë.  Në një intervistë me Zërin e Amerikës ditët e fundit, ndihmës-sekretarja e Shtetit, Rozmeri di Karlo u shpreh:

“Nëse palët nuk arrijnë një marrëveshje, qëndrimi ynë mbetet i njëjtë: e thamë më 20 korrik së bashkë me bashk-sponsorizuesit e tjerë të projekt-rezolutës për Kosovën në Nju Jork se nëse palët nuk arrijnë një marrëveshje, ne mendojmë se plani Ahtisari mbetet alternativa më e mirë për të vazhduar në të ardhmen”.

Kryeministri i Serbisë, Vojislav Koshtunica këmbëngul se “Kombet e Bashkuara dhe Këshilli i Sigurimit janë institucionet e vetme në kuadrin e të cilave duhet trajtuar dhe zgjidhur çështja e statusit të Kosovës”. //voa//

..intervista:
Zëri Amerikës:

Di Carlo: SHBA mbështet planin Ahtisari nëse palët nuk bien dakord për një variant tjetër
Procesi i negociatave 120 ditëshe do të vazhdojë javën e ardhshme me takimin Treshes ndërkombëtare me delegacionin e Prishtinës dhe atë të Beogradit në Londër. Bashkësia ndërkombëtare ka theksuar se do të pranojë çdo zgjidhje kompromisi që gjejnë palët në këto negociata. Por ndërkohë që nuk ka pasur shenja për kompromis, Zëvendës – Ndihmës Sekretarja e Shtetit Rozmari di Karlo nënvizoi qëndrimin amerikan se në mungesë të një zgjidhjeje të pranueshme si nga Prishtina dhe Beogradi, Uashingtoni e konsideron planin Ahtisari si rrugëzgjidhjen më të mirë për të ardhmen.

Zëri i Amerikës: Zonja Di Karlo, janë zhvilluar tashmë takimet e para në kuadër të negociatave 120 ditëshe. Në ç’fazë ndodhet aktualisht procesi për statusin përfundimtar të Kosovës?

Rozmari di Karlo: Takimet sapo kanë filluar. Janë zhvilluar 2 takime. Trojka shkoi në rajon, në Beograd dhe Prishtinë si dhe zhvilloi takime në Vjenë dy javë më parë. Pas pak ditësh do të kemi takimin e Londrës. Palët po fillojnë të parashtrojnë propozimet e tyre dhe të sqarojnë plotësisht dëshirat e tyre. Është mjaft e qartë se palët vazhdojnë të jenë larg për sa i përket arritjes së një zgjidhjeje kompromisi, megjithatë ata bien dakord në një numër çështjesh.

Zëri i Amerikës: A pritet ndonjë propozim më i qartë në takimet në Londër dhe Nju Jork dhe a do të ketë një qëndrim më të prerë nga Shtetet e Bashkuara për të theksuar çfarë presin nga këto negociata?

Rozmari Di Carlo: Shpresojmë se po. Shpresojmë se do të shohim propozime të reja. Shpresojmë se palët do ta shfrytëzojnë këtë mundësi për të gjetur një zgjidhje që përmbush interesat e përbashkëta. Qëndrimi i Shteteve të Bashkuara është se ne do të pranojmë cilëndo zgjidhje që të pranojnë palët. Por përgjegjësia mbetet mbi palët për të dalë me prozime.

Zëri i Amerikës: Beogradi ka kërkuar sqarime lidhur me qëndrimin e Shteteve të Bashkuara për sa i përket statusit të ardhshëm të Kosovës. A mund të sqaroni ju lutem edhe një herë qëndrimin amerikan ndaj kësaj çështjeje?

Rozmari Di Carlo: Ne jemi të angazhuar në këtë periudhë bisedimesh mes palëve. Ne e konsiderojmë këtë periudhë si shumë të rëndësishme. Megjithatë, ajo nuk do të vazhdojë pafundësisht. Sekretari i Përgjithshëm i OKB-së, Ban Ki-mun i ka kërkuar Grupit të Kontaktit t’i raportojë atij më 10 dhjetor, prandaj duhet të punojmë intensivisht në javët dhe muajt e ardhshëm. U kemi kërkuar palëve të angazhohen në mënyrë konstruktive dhe dëshirojmë që ata të arrijnë një marrëveshje. E theksoj edhe një herë, një marrëveshje mes tyre do të ishte në interes të të gjithëve. Megjithatë, nëse palët nuk arrijnë një marrëveshje, qëndrimi ynë mbetet i njëjtë: e thamë më 20 korrik së bashkë me bashk-sponsorizuesit e tjerë të projekt-rezolutës për Kosovën në Nju Jork se nëse palët nuk arrijnë një marrëveshje, ne mendojmë se plani Ahtisari mbetet alternativa më e mirë për të vazhduar në të ardhmen.

Zëri i Amerikës Pra propozimi për pavarësi, edhe nëse Beogradi nuk e mbështet këtë propozim?

Rozmari Di Carlo: Do të ritheksoj se ne dëshirojmë që palët të arrijnë në marrëveshje. Duam që ata ta shfrytëzojnë këtë rast për të gjetur një zgjidhje që ta pranojnë të dyja palët. Ne i mbështesim këto përpjekje dhe do të mbështesim çdo zgjidhje që ata mund të gjejnë bashkarisht. Megjithatë, siç e thamë më 20 korrik dhe siç u përsërit kohët e fundit nga Ministri i Jashtëm francez dhe Sekretari i Jashtëm Britanik, nëse palët nuk arrijnë në kompromis, e konsiderojmë planin Ahtisari si zgjidhjen më të mirë për të ardhmen. 

Zëri i Amerikës: Sa shqetësues është fakti që fuqitë evropiane nuk po dalim me një zë të vetëm mbi këtë çështje?

Rozmari Di Carlo: Kosova është një problem evropian, është një çështje që lidhet me politikat evropiane të sigurimit. Prandaj është shumë e rëndësishme që të zgjidhet në një formë të tillë që Bashkimi Evropian të luajë një rol kyç. E dimë se evropianët kanë zhvilluar diskutime shumë serioze, e dimë sa e rëndësishme është kjo çështje për ta. I gjithë Ballkani është i rëndësishëm për ta. Evropa e ka bërë të qartë se Ballkani perëndimor do të gjejë vend në Evropë sapo të përmbushë kriteret. Është e rëndësishme për Evropën të jetë e bashkuar, është e rëndësishme që Evropa të jetë në gjendje të zgjidhë problemet e sigurisë në rajon. Synimi ynë është të mbështesim përpjekjet e tyre. 

Zëri i Amerikës: Ju përmendët datën 10 dhjetor kur pritet që Grupi i Kontaktit t’i raportojë Sekretarit të Përgjithshëm të OKB-së Ban Ki-mun. Nëse nuk arrihet kompromis mes palëve, si do të vazhdohet më tutje. A do të ketë negociata të mëtejshme?

Zëri i Amerikës: Mendoj se duhet t’u japim palëve kohë. Janë zhvilluar vetëm disa takime dhe do të shohim se ç’del nga raundi i ardhshëm i diskutimeve. Ne jemi të angazhuar që t’i raportojmë Sekretarit të Përgjithshëm të OKB-së më 10 dhjetor. Mandati i Trojkës përfundon më 10 dhjetor. Në këndvështrimin tonë, dhe nga pikëpamja e shumë vendeve evropiane, ky është raundi i fundit i negociatave. Siç e thashë, ky nuk është një proces pa fund. //voa//

Dollari amerikan ka rënë në nivel rekord kundrejt euros
Uashington, 12 shtator 2007 – Dollari amerikan ka rënë në nivel të ulët rekord kundrejt euros. Dollari amerikan ka rënë në 1.388 për një euro, duke kaluar kështu rekordin e mëparshëm prej 1.3852, që ka qenë vënë më 24 korrik.

6 vjet pas 11 shtatorit, zyrtarët amerikanë besojnë se Al Kaida përbën kërcënim

11 shtator 2001

 Zëri i Amerikës
11-09-2007 Deborah Tejt, Uashington - Amerika sot përkujton 6-vjetorin e sulmeve terroriste të 11 shtatorit të vitit 2001, me ceremoni që do të zhvillohen në Nju Jork dhe Uashington.

Presidenti Bush, Zëvendës Presidenti Çejni dhe Sekretarja e Shtetit Kondoliza Rajs, do të mbajnë një minutë heshtje në oborrin e Shtëpisë së Bardhë. Në Nju Jork, punëtorët e shpëtimit dhe familjarë të viktimave do të lexojnë emrat e 2 750 viktimave të vrarë në Nju Jork.

Sipas njoftimete, hartuesi i sulmeve, udhëheqësi i al-Kaidës Osama bin Laden, do të publikojë një vidio-kasetë të re me rastin e këtij përvjetori. Një faqen kompjuterike islamike thuhej se bin Ladeni do të bëjë të njohur dëshirën e fundit të njërit prej vetëvrasësve më 11 shtator.

Gjashtë vjet pas sulmeve terroriste të 11 shtatorit në Shtetet e Bashkuara, zyrtarë të administratës së Presidentit Bush thanë se grupet ekstremiste islamike, dhe veçanërisht al-Kaida, vazhdojnë të jenë kërcënim për Shtetet e Bashkuara. Korrespondentja e Zërit të Amerikës, raporton nga Kongresi ku zyrtarët dëshmuan përpara një komisioni të Senatit.

Drejtori për Sigurimin Kombëtar, Majkëll Çertoff, në një paraqitje përpara Komisioneve të Senatit për Sigurimin Kombëtar dhe të Marrëdhënieve Qeveritare, dha një vlerësim të fundit mbi kërcënimet që paraqesin grupet radikale islamike.

“Ata ende përpiqen të ndërmarrin sulme mbi Shtetet e Bashkuara, mundësisht në territorin e saj, dhe në qoftë se jo, kundër pikave strategjitke amerikane gjetkë. Unë mendoj se ata janë duke parë dy mundësi, të përgatisin operativë të cilët të mund të ndërmarrin sulme nga vende të tjera të botës, dhe gjithashtu, ata janë duke shpresuar t’i radikalizojnë ata brenda këtij vendi”.

Drejtori i Zbulimit Kombëtar, Majkëll Mekonell tha se al-Kaida është fuqizuar, pavarësisht përpjekjeve të Shtetet e Bashkuara për të shkatërruar këtë rrjet terrorist.

“Fakti se ata janë strehuar në zonat fisnore midis Afganistanit dhe Pakistanit, i ka dhënë mundësi të ambientohen dhe të përfitojnë me strehim, dhe me udhëheqësit e përkushtuar, ata kanë rikrijuar lidhjet ndërmjetëse. Por ata nuk kane nje numer te madh rekrutësh për të ndërmarrë akte që ata do të donin të kryenin”.

Dëshima u bë vetëm pak ditë mbasi udhëheqësi i al-Kaidës u paraqit në një video-kasetë në prag të 6-vjetorit të sulmeve terroriste mbi Qendrën Botërore të Tregëtisë dhe ne Pentagon.

Drejtori i Zbulimit Kombëtar, Mekonell tha se video-kaseta u analizua, por ai nuk beson se Bin Ladeni ishte duke thënë ndonjë mesazh specifik për pasuesit e tij.

“Deri tani, ne nuk mendojmë se ky është një sinjal. Ai e ka bërë këtë vazhdimisht”.,- tha ai.

Zoti Mekonell tha se kërkimet për Osama bin Ladenin dhe për zëvendësin e tij, Ajman al-Zavahiri vazhdojnë të jenë përparësi për Shtetet e Bashkuara dhe burime të konsiderueshme janë vënë në dispozicion të kërkimit.

Drejtori i FBI-së, Robert Muller i tha Komisionit të Senatit se agjencia e tij është duke punuar kundër përpjekjeve të grupeve radikale për të rekrutuar përkrahës në Shtetet e Bashkuara.

“Ne kemi individë në Shtetet e Bashkuara, të cilët janë besnikë të kësaj ideologjie, të ideologjisë ekstremiste dhe ne punojmë me homologët tanë, që të kemi mundësinë t’i identifikojmë dhe pas identifikimit, ne përcaktojmë se a ka pjesëmarrës të tjerë këtu, apo në vende të tjera të botës; ne punojmë t’i shkatërrojmë këto komplote”.

Drejtori i FBI-së, Muller tha se agjencia e tij është duke punuar me komunitetin mysliman amerikan, për të gjetur mënyra për të bërë të njohur problemin e radikalizmit.//lk

Kosovarët të motivuar për integrimin evropian, pavarësisht vështirësive Kosovarët thonë se janë të vetëdijshëm për vështirësitë me të cilat do të përballen gjatë procesit të përmbushjes së standardeve për integrim të vendit në strukturat euro-atlantike, por theksojnë se e vlerësojnë shumë të rëndësishëm këtë proces dhe do të jenë të motivuar për të bërë gjithçka që Kosova t’i bashkohet familjes së vendeve të Bashkimit Evropian (BE).

Arrestohen dy të dyshuar që nuk përfillën urdhrat e policisë Dy të dyshuar, janë arrestuar në orët e para të së hënës dhe po mbahen në paraburgim me urdhër të prokurorit, pasi kishin demoluar një lokal dhe kishin ikur nga...urdhrat e policisë.

Afër kampit “Karagaç” plagosen rëndë katër të rinj pejanë Katër të rinj nga Peja, mesnatën e kaluar kanë pësuar lëndime të rënda trupore nga sulmi që është kryer me automatik nga persona tash për tash të panjohur.

Tre të vrarë në Vaksincë të Kumanovës Komandanti i stacionit policor të Kumanovës dhe dy sulmues janë vrarë gjatë shkëmbimit të zjarrit mbrëmë në fshatin Vaksincë të Kumanovës.

Brenda ditës në botë kryhen 3.000 vetëvrasje Të hënën bota shënon Ditën ndërkombëtare të parandalimit të vetëvrasjeve, ka njoftuar Organizata Botërore e Shëndetësisë, sipas të cilës kjo ditë paraqet rastin që t’i bashkojë njerëzit dhe të merren masa, sikurse janë mjekimi adekuat i personave me sëmundje mentale..tj.

Përurohet lokali i ri i Bibliotekës së Kuvendit Me një ceremoni solemne, të hënën u përurua lokali i ri i Bibliotekës së Kuvendit të Kosovës, i cili nga të pranishmit u vlerësua se do të krijojë një ambient...

Festivali i filmit “9 Eleven” edhe këtë shtator bashkoi krijuesit e filmitOrganizatorët e Festivalit tradicional të filmit “9 Eleven”, thanë të hënën për KosovaLive se këtë vit në këtë festival po marrin pjesë 21 filma, ndërkaq vetëm 6 prej tyre do të shpërblehen me çmimet e festivalit.

Kosova Press së shpejti në 4 gjuhë Agjencia e Pavarur e Lajmeve Kosova Press në vazhdën e ngritjeve të kapaciteteve dhe kualitetit të informimit sa më të shpejtë dhe të saktë të qytetarëve e institucioneve me ngjarjet më të reja në Kosovë dhe botë, duke ju falënderuar një donacioni të dhënë nga Zyra amerikane në Prishtinë së shpejti do të fillojë përkthimin e lajmeve të Kosova Press-it edhe në gjuhën serbo-kroate dhe turke. Në këtë mënyrë Agjencia e Pavarur e Lajmeve Kosova Press do të kontribuojë shumë më shumë në informimin e drejtë për ngjarjet dhe zhvillimet në Kosovë edhe të minoritetet që flasin këto gjuhë në Kosovë dhe rajon. Kosova Press është duke emituar lajme në gjuhën Shqipe dhe Angleze. Kosova Press është Agjenci e Pavarur e Lajmeve e themeluar më 4 janar 1999. Është një nga themelueset dhe anëtare Asociacionit të Agjencive të Pavarura Private të Evropës Juglindore (APNA).

Federer fitues i US Openit për herë të katërt radhazi Tenisti i parë në botë, zvicerani Roxher Federer për herë të katërt radhazi ka fituar trofeun e më të mirit...

..hapur:

Merkel e Sarkozi diskutojnë sot për Kosovën  Kancelarja gjermane, Angela Merkel, dhe presidenti francez, Nikolas Sarkozi, do të diskutojnë sot edhe për procesin e statusit të Kosovës. Në takimin e rregullt mes tyre që do të mbahet në afërsi të Berlinit, Merkel dhe Sarkozi pritet të fokusojnë nevojën e qëndrimit unik të Bashkimit Evropian për çështjen e Kosovës. Ata do të diskutojnë gjithashtu për politikat e Bashkimit Evropian.

Mesiq dhe Ryker pajtohen për nevojën e zgjidhjes së statusit Kreytari i Kroacisë Stipe Mesiq ka pritur në Zagreb në një takim shefin e UNMIK-ut Joakim Ryker , ku temë kryesore ishte statusi i Kosovës. Sipas njoftimit të shkurtër zyrtar, kryetari kroat Mesiq është informuar për rrjedhën e procesit kosovar ndërsa bashkëbiseduesit janë pajtuar që zgjidhja e problemit të statusit është e nevojshme.

Serbia mbetet kërcënim serioz për sigurinë në Kosovë dhe rajon, thotë Çeku  Kryeministri i Kosovës, Agim Çeku ka reaguar sot sërish rreth deklaratave nga Beogradi për kthimin e ushtrisë dhe policisë serbe në Kosovë. Në fjalimin javor në Radio Kosovë, Çeku tha se Serbia vazhdon të mbetet kërcënim serioz për sigurinë në Kosovë dhe mbarë rajonin. Ai shtoi se Kombet e Bashkuara, Bashkimi Evropian dhe shtetet tjera demokratike të botës duhet të alarmohen dhe veprojnë zëshëm ndaj një fryme të tillë luftënxitëse. Kryeministri Çeku u ka bërë thirrje edhe njëherë shteteve demokratike të botës që të veprojnë zëshëm ndaj atyre që përdorin retorikë luftënxitëse. Duke aluduar në kërcënimet e fundit që vijnë nga Beogradi, kryeministri Çeku në fjalimin javor në Radio Kosovë tha se duhet “ t’i thuhet stop” çdo tentative të tillë, qoftë edhe në fazën deklarative.
“Kjo tregon se Serbia vazhdon të mbetet kërcënim serioz sigurie për Kosovën dhe mbarë rajonin. Por Serbia nuk është në pozitë që të kërcënojë me luftë 2 milionë qytetarët të Kosovës pasi plaçkiti, torturoi, dhunoi, dogji dhe varu deri në ‘99-të. KB, BE dhe shtetet demokratike të botës duhet të alarmohen dhe veprojnë zëshëm dhe energjikisht ndaj një fryme të tillë luftënxitëse”, ka thënë Çeku.
Ai më këtë ndërlidhi edhe terrorizmin që tronditi SHBA-të 6 vite më parë dhe mënyrën se si populli amerikan përballoi dhembjen dhe lufton kërcënimet terroriste.
Çeku po ashtu ka përshëndetur qëndrimin e faktorit politik në Shqipëri, karshi çështjes së Kosovës.
Kryeministri Ceku në fjalimin javor drejtuar qytetarëve të Kosovës ka dënuar edhe njëherë vrasjen makabre të Triumf Rizës, duke premtuar ndërmarrjen e masave konkrete në nivel institucional për efikasitet në drejtësi.
“Kapaciteti i njeriut për drejtësi e bën të mundshme demokracinë mirëpo pritja e disa individëve për padrejtësi, e bën ruajtjen e rendit dhe zbatimit të ligjit të domosdoshme”, ka thënë Çeku.
Duhet të angazhohemi për veprim të shpejtë dhe efikas. Nuk do të jetë lehtë por nuk do t’i ndalim përpjekjet për drejtësi dhe paqe, tha mes tjerash kryeministri Agim Çeku, në fjalimin e tij javor drejtuar qytetarëve përmes valëve të Radio Kosovës.

Edhe pas 3 orë diskutimesh Kryesia e LDK-së pa vendim për listat zgjedhore  Kryesia e Lidhjes Demokratike të Kosovës, nuk arriti të marrë një vendim përfundimtar për listat zgjedhore me të cilat do të garoj në zgjedhjet e 17 nëntorit. Mbledhja e sotme është karakterizuar me pakënaqësi të shumta. Anëtari i kryesisë Ali Lajçi, tha se tërhiqej nga të gjitha listat zgjedhore, pasi siç tha ai, ato po bëhen mbi bazën e familjarizimit dhe klaneve. Rreth 3 orë diskutime nuk mjaftuan që Kryesia e Lidhjes Demokratike të Kosovës, të marrë një vendim për listat zgjedhore me të cilat do të marrë pjesë në zgjedhjet e 17 nëntorit. Burime nga mbledhja e sotme kanë bërë të ditur se ka pasur diskutime të tensionuara për shkak të renditjes së listës për deputetë të LDK-së, si dhe për kandidatët e kësaj partie për kryetarë komunash.
Mospajtimet brenda kryesisë i ka konfirmuar edhe anëtari i saj, Ali Lajqi. Ai tha se listat zgjedhore janë duke u përgatitur në baza klanore dhe farefisnore.
“Ka mjaft familjarizëm, ka mjaft spekulime, ka mjaft grupime klanore të cilat i çorodisin edhe zgjedhjet”, ka thënë Lajçi.
Pas diskutimeve të dështuara në kryesi, çështja e listave zgjedhore të LDK-së, po diskutohet në mbledhjen e Këshillit të Përgjithshëm të partisë.
Kjo u konfirmua nga kryetari i LDK-së dhe Presidenti i Kosovës, Fatmir Sejdiu.
”Ne e kemi një propozim që do ta dërgojmë në Këshillin e Përgjithshëm”, tha shkurt, presidenti Sejdiu.
Mbledhje e Këshillit të Përgjithshëm të LDK-së, është duke vazhduar dhe pas saj pritet të qartësohen gjërat rreth listave zgjedhore të cilat partia duhet t’i dorëzojë më së largu deri të mërkurën.

Persona të panjohur kanë shtënë me armë zjarri ndaj 4 të rinjve pejanëKatër persona të rinj, prej 19 deri në 20 vjeç, kanë marrë lëndime trupore, si pasojë e një tentim vrasje, që ka ndodhur mbrëmë pas mesnate në afërsi të kampit “Karragaç”, në Pejë. Ndaj këtyre të rinjve, siç njofton Policia Rajonale e Pejës, me armë zjarri AK 47, kanë shtënë persona tash për tash të panjohur. Për shkak të plagëve serioze, i riu Yll Sylqa, është dërguar për shërim në Qendrën Klinike Universitare të Kosovës, ndërsa tre të tjerë, po shërohen në Spitalin Rajonal të Pejës.
Deri tani, policia nuk ka arrestuar asnjë person si të dyshimtë, për këtë tentim vrasje. /rtk./

Në Ferizaj policia arreston dy persona të dyshuar për trafikim me qenie njerëzore Policia e Ferizajt ka shoqëruar të premten në mëngjes dy persona të moshës 50-vjeçare, të cilët më pas janë dërguar në paraburgim 72-orësh, të dyshuar për trafikim me qenie njerëzore. Të dyshuarit janë kapur në rrugën “Rexhep Bislimi” në orët e hershme të mëngjesit, tek po tentonin t’i rrëmbejnë tri vajza, dy prej të cilave ishin të moshës 15 e 16-vjeçare. Njësiti rajonal i hetimeve për trafikimin e qenieve njerëzore, ka shoqëruar në stacionin e policisë edhe tri vajzat viktima, të cilat me kërkesën e tyre dhe me pëlqimin edhe të prindërve, janë kthyer në shtëpi.

Në Rahovec u mbajt “Festa e vjeljes së rrushit” Në Rahovec u organizua për herë të katërt festa tradicionale “Festa e vjeljes së rrushit”, e cila mbahet nën patronatin e presidentit të Kosovës. Në këtë festë ishin të pranishëm shumë përfaqësues qeveritar dhe lokal të vendit. Nisjen e kësaj feste me prerje të një kalaveshi të rrushit e ka bërë Kryetari i Kosovës, Fatmir Sejdiu, i cili njëherit ka bërë thirrje për ruajtjen dhe vazhdimësinë e kësaj tradite shumëvjeçare. Zëvendësministri i Ministrisë së Bujqësisë Tomë Hajdaraj, ka thënë se është kjo festë është një dëshmi që fermerët duhen të ndihmohen. Sipas tij, këtë vit rrushi është i cilësisë më të mirë.

Rruga Durrës-Kukës-Morinë, objekt sulmesh politike mes dy partive kryesore
Zëri i Amerikës
10-09-2007Në Shqipëri, ndërtimi i rrugës Durrës-Kukës-Morinë është kthyer në objekt të sulmeve politike mes dy partive kryesore.

Socialistët akuzojnë qeverinë për shkelje të rënda në procedurat e tenderit dhe abuzime me fondet e dhëna për ndërtimin e segmentit Rrëshen-Kalimash, 57 kilometra, kostoja e të cilit është disa qindra milionë Euro.

Demokratët u përgjigjën dje, duke deklaruar se socialistët vetëm po trillojnë dhe shpifin, duke dëshmuar sipas tyre, tendencën antizhvillim dhe papërgjegjshmërinë për rëndësinë ekonomike dhe strategjike të këtij korridori kombëtar.

Sipas Partisë Demokratike, procedurat e ndërtimit të kësaj rruge janë në përputhje të plotë me legjislacionin, janë kryer në kushtet e konsulencës dhe transparencës së plotë me institucionet ndërkombëtare dhe reflektojnë standartet më të larta të ekspertizës ndërkombëtare në këtë fushë. Kjo çështje do të jetë objekt edhe i një komisioni hetimor parlamentar.

Kryeministri Sali Berisha, në një intervistë për Zërin Amerikës tha se nuk i druhet hetimeve, pasi gjithshka është bërë në mënyrë transparente. Por për procedurat e ndërtimit të këtij aksi ka hapur një dosje hetimore dhe Prokuoria, e cila ka gjetur shkelje dhe ka marrë tashmë të pandehur tre ish zyrtarë të lartë të Ministrisë së Transporteve.

Demonstratë para Shtëpisë së Bardhë në mbrojtje të të drejtave të shqiptarëve në Mal të Zi
Astrit Lulushi
Zëri i Amerikës, Uashington
10-09-2007Një grup shqiptaro amerikanësh demonstruan sot në Uashington në mbrojtje të të drejtave të shqiptarëve në Mal Të zi dhe trajtimin e tyre të barabartë me pakicat e tjera etnike në këtë republikë. Ata i bënë thirrje qeverisë amerikane e kongresit që të ndërhyjë për këtë çështje pranë autoriteteve të Podgoricës. Siç njofton kolegu ynë Astrit Lulushi ndër shqetësimet tjera të demonstruesve në Uashington ishte edhe çështja e 14 shqiptarëve të arrestuarave një vit më parë, përfshi 3 shqiptaro amerikanë nën akuza për plane terroriste. Të akuzuarit i kanë hedhur poshtë akuzat, ndërsa gjyqi ndaj tyre ende vazhdon. 

 Demonstrata para Shtëpisë së Bardhë u organizua nga Shoqata Malesia e Madhe me qëndër në Miçigan. Qëllimi i tyre  është për të tërhequr vemendjen e zyrtarëve amerikanë rreth gjendjes së të drejtave politike, shoqërore dhe ekonomike të shqiptarëve në Mal të Zi. Demonstruesit e ardhur nga disa shtete të Amerikës, kryesisht nga Miçigani, mbanin flamujë shqiptarë e amerikanë si dhe pankarta  ku protestohej vazhdimi i mbajtjes në burg në Mal të Zi të 14 shqiptarëve përfshi 3 shqiptaro amertikanë të akuzuar nga Podgorica zyrtare për futje armësh për qëllime terroriste në mal të Zi. Veprimtari i komunitetit shqiptar të Miçiganit, afaristi Luigj Gjokaj, thotë se është bërë më shumë se një vit që Mali i Zi është shpallur i pavarur nga unioni me Serbinë, por shqiptarët në  këtë republikë si edhe më parë ende nuk trajtohen si të barabartë me grupet e tjera etnike.

Zoti Gjokaj shton se qëllimi i kësaj proteste është për të dënuar me tone më të ashpra vuajtjet fizike dhe mendore që të burgosurit shqiptarë po provojnë në duart e policisë malazeze. Zoti Gjokaj thotë se këto akte janë të ngjashme me ato që regjimi jugosllav përdorte dikur ndaj shqiptarëve.

Pjesmarrësit në demonstratë i bëjnë thirrje qeverisë malazeze që të heqë dorë plotësisht nga praktika diskriminuese ndaj shqiptarëve dhe të lejojë respektimin e të drejtave të njeriut. Ata u bëjnë thirrje demokracive evropiane dhe Shteteve të Bashkuara që t’i kërkojnë Malit të Zi që të zbatojë ligjet ndërkombëtare për mbrojtjen e pakicave.

Organizatorët e protestës thonë se shqiptarët e Amerikës do të vazhdojnë të kërkojnë mbrojtjen me ligj të të drejave të shqiptarëve në Mal të Zi, zbatimin e tyre dhe përfshirjen e tyre në strukturat politike, në mënyrë që shqiptarët të gëzojnë të drejta të barabarta me popullsinë sllave që përbën shumicën në Mal të zi. Në demonstratë ndodhej edhe ish deputeti në parlamentin e Malit të Zi, Lek Lulguri. Ai tha se pas demostratës në Shtëpinë e Bardhë ata po sot do të marshojnë drejt ambasadës së Malit të Zi, pak blloqe më tej. Një shqetësim tjetër i ish deputetit Lulguri është edhe çështja e qeverisjes vendore të komunave të banuara nga shqiptarët në Mal të Zi. Ai përmend çështjen e komunës së Tuzit e banuar kryesisht nga shqiptarë.

Ish deputeti Lulguri thotë se përpjekjet për vetqeverisje deri tani nuk kanë patur sukses dhe për këtë ai fajëson kundërshtimin këmbëngulës të qeverisë qëndrore, por edhe mosmarrëveshjet mes politikanëve apo partive politike shqiptare në Mal të Zi.

Zvicerani Roxher Federer - kampion botëror i tenisit për të katërtën herë
Zëri i Amerikës
 10-09-2007 Tenisti zviceran Roxher Federer u bë dje përsëri kampioni botëror i tenisit, për të katërtën herë me radhë, duke u bërë gjithashtu sportisti i parë, pas amerikanit Bill Tilden i cili kishte fituar 4 herë rreshtazi kampionatin e tenisit në vitet 1920.

24-vjeçari Federer fitoi mbrëmë në një ndeshje të fortë me 20-vjeçarin serb Novak Xhokoviç në qytetin e Nju Jorkut, ku u zhvillua kampionati botëror i tenisit.

Ylli zviceran i tenisit ka tani 12 tituj të rëndësishëm, vetëm dy më pak se amerikani Pete Sampras, i cili fitoi 14 tituj gjatë karrierës së tij si tenist.

.../ereniku.net/...speciale nga bashkëpuntorët tanë:

Në fillim të vitit 2008, 1.000 trupa ushtarake nga Missiuri nisen për në Kosovë

BEQIR SINA, Nju Jork,
10 shtator 2007

Kontigjent,i i ushtarëve nga Missiuri me mision jashtë Shteteve të Bashkuara, është nga misionet më të mëdha nga ky vend që prej Luftës së Parë Botërore

 JEFFERSON CITY, Mo. Në fillim të vitit 2008 - ushtarët, e këtij kontigjenti pasi i kanë kryer të gjitha përgatitjet, do të jenë në Kosovë. Ata do të shkojnë atje në kuadrin e një misioni paqeruajtës. Zëdhënsja e tyre thotë se kjo  forcë ushtarake që është më e madhja prej Luftës së Parë Botërore, nga shteti federal në jug të SHBA-s, Missiuri,  është e angazhuar të përballojë me profesionalizëm të gjitha sfidat e sigurisë në Kosovë , pasi për herë të parë nën një komandë, aty do të sikronizohen disa formacione ushtarake amerikane, nga disa baza ushtarake.

    Divizioni i ri i drejtuar nga "The Guard's 110th Combat Support Brigade" nga Kansas City, me ushtarë të Gardës Kombëtare nga Missouri, shumë shpejt do t'i bashkëngjitet forcave të tjera amerikane, që janë të angazhuara aktualisht në Kosovë. Përgatitja e një kontigjenti para këtij që niset nga Missiuri me 1000 ushtarë e rezervistë, si dhe njësia e re e cila  përbëhej nga rreth 1 mijë e 300 trupa amerikane, kryesisht e përbërë nga anëtarë të gardës dhe rezervistë, e nisur kjo muajin gusht, do t'i shërbejnë në mënyrë efikase, paqes e sigurisë në Kosovë, në pragë të shpalljes së statutit të saj final. Status i cili pritet të përfundojë më 10 dhjetor 2007. 

 

     Kontigjenti më i ri ka rreth 1.000 ushtarë, pjestarë këta nga  Garda Kombëtare e Missourit i cili pritet të niset në fillim të vitit të ardhshëm, për mision e tyre paqeruajtës në Kosovë. Autoritetet ushtarake nga Missouri, kanë thënë se ky kontigjent, me mision jashtë Shteteve të Bashkuara, është nga misionet më të mëdha nga ky vend që prej Luftës së Parë Botërore. Autoritetet ushtarake amerikane, thonë gjithashtu, se ata nuk kanë vendosur ndonjë datë saktë se kur do të niset ky kontigjent, por kanë përcaktuar kohorin e nisjes i cili sipas tyre duhet të jetë aty kah mesi i muajve janar - prill 2008, tha zëdhënsja me gradën kapitene Tammy Spicer.

   Batalioni "The Guard's 110th Combat Support Brigade" nga Kansas City, do të në udhëheqie të këtij kontigjenti, me ushtarë të Gardës Kombëtare nga Missouri, të cilët tashmë po nisen në misionin e tyre paqeruajtës në Kosovë. Ky kontigjent, tha zëdhënsja  Tammy Spicer, është i përgatitur të bëjë kombinimin e formacioneve sipas brigadave ushtarake me disa funksione luftarake, nën një komandë të vetme.. Ajo tha se kjo është hera e parë që krijohet një kombinacion e till ushtarak me elemente të veçanta, sipas divizioneve përkatëse, të cilat, do të vihen në funksion për herë të parë në Kosovë, ka pohuar  zëdhënsja kapitenia Tammy Spicer.

   Të mobilizuar dhe përgatitur për këtë mision, në kudër të këtij kontigjenti nga Missiuri janë disa divizione unite si: 110th CSB, of Kansas City: Joint Force
Missouri Headquarters, of Jefferson City; 70th Troop Command, of Jefferson Barracks (St. Louis), 1st Battalion - 129th Field Artillery, of Maryville; 1128th Forward Support Company, of Marshall; the 735th Quartermaster Company, of De Soto; 135th Signal Company, of Lexington; 135th Rear Operations Center, of St. Louis; the 70th Mobile Public Affairs Detachment, of Jefferson City; and the 3175th Military Police Company, of Warrenton./postuar: 08 shtator 2007/

 - Shtyhet diskutmi i ministrave të BE-së për Kosovën
 - Prishtina zyrtare shprehu gatishmëri që të krijojë marrëdhënie të mira me Serbinë, si dy vende të pavarura dhe sovrane
 - Ischinger: Nuk do të lihet asnjë gurë pa u lëkundur për të gjetur një zgjidhje për statusin e Kosovës
 - Shërbyesit civilë alarmojnë se korrupsioni dhe familjarizmi po dëmtojnë ndërtimin e institucioneve të mirëfillta
 - Në UP vitin e ri akademik do ta fillojnë 7.670 studentë
 - U vu ne përdorim blloku A4 i TC “Kosova A”
 - Greqia paralajmëron veto në anëtarësimin e Maqedonisë në NATO dhe në BE

Pas Vjenës edhe takimi i Londrës mbahet pa agjendë specifike Pas takimit të Vjenës, pesë anëtarët e Ekipit të Unitetit do të takohen më 19 shtator në Londër me treshen ndërkombëtare për statusin pa ndonjë agjendë të caktuar, mirëpo negociatorët kosovarë planifikojnë që atje të dorëzojnë një dokument në të cilin do të specifikohen marrëdhëniet e Kosovës me Serbinë pas statusit, si dy shtete sovrane.

Qytetarët i bëjnë homazhe tenorit Luçiano Pavaroti Mijëra njerëz të premten i bënë homazhet e fundit tenorit Luçiano Pavaroti në katedralen e shtëpisë së tij në Modena të Italisë.

...hapur:

Ekipi i Unitetit shkon në përbërje të plotë në takimin e Londrës Ekipi Negociator i cilëson të papërgjegjshme dhe luftënxitëse deklaratat kërcënuese të zyrtarëve serbë. Zëdhënësi Skënder Hyseni tha se Kosova është pjesë e një sistemi global të mbrojtjes dhe se Beogradi do ta marrë përgjigjen adekuate si nga Kosova ashtu edhe nga institucionet vendimmarrëse në botë. Këto komente ai i bëri pas takimit të sotëm të Ekipit të Unitetit, i cili diskutoi rreth pjesëmarrjes në takimin e Londrës, më 19 shtator. Ekipi i Unitetit do të shkojë në përbërje të plotë në takimin e Londrës më 19 shtator, edhe pse nuk ka agjendë shumë të qartë, apo më saktë është një agjendë e ngjashme me atë të takimit të fundit në Vjenë. Zëdhënësi Skënder Hyseni tha se takimi i radhës është më shumë një parapërgatitje për takimin e Nju Jorkut dhe për proceset e mëtutjeshme. Por, ai tha se Ekipi i Unitetit, deri të martën e ardhshme, do të konceptojë më qartë në një dokument qëndrimet që do t’i paraqesë në Londër. “Pozicioni i Kosovës do të jetë pavarësi mbi pakon e Ahtisarit. Ai është qëndrim i padiskutueshëm dhe i panegociueshëm. Edhe në takimin e Londrës vetëm mund të vazhdojmë të elaborojmë më tutje, të japim hollësi rreth asaj çka do ta quajmë: trakt, marrëveshje, apo marrëveshje mirëkuptimi, mbetet të vendoset në takimet e ekipit”. Ai tha se pala kosovare do të bëjë punën e vet në procesin e negociatave, pa u përqendruar dhe pa pasur frikë nga parimet dhe qëndrimet e Beogradit. Me këtë rast, Hyseni i quajti deklarata “të çmenduara” dhe luftënxitëse kërcënimet e zyrtarëve serbë të Beogradit se Serbia do ta përdorë edhe forcën në rast të shpalljes së pavarësisë së Kosovës.
“Kosova është pjesë e një sistemi global të mbrojtjes tashmë. T’u e pas një kontegjitet të forcave të NATO-s në Kosovë, lirisht mund të thuhet se Kosova është pjesë e asaj. Dhe vërtetë deklarata, ndoshta mund të thuhet edhe “të çmendura” që mund të dalin, luftënxitëse, si duket vështirë po kuptohet në Beograd se luftërat kanë mbaruar një herë e mirë në këtë pjesë”.
Varësisht prej zhvillimeve, Hyseni tha se Beogradi do ta marrë përgjigjen adekuate, si prej Kosovës ashtu edhe prej institucioneve dhe qendrave vendimmarrëse në botë. Në takimin e Londrës treshja do të takohet fillimisht me palën serbe, më 18 shtator ndërsa të nesërmen do të takojë delegacionin e Kosovës. Hyseni përsëriti qëndrimin e Ekipit të Unitetit se Kosova do të paraqesë vetëm pikëpamjet për ndërtimin e raporteve fqinjësore me Serbinë, pas zgjidhjes së statusit. “Deshtëm - s’deshtëm ne, deshti -s’deshti Beogradi, Kosova dhe Serbia mbeten aty ku janë, do të jenë vende fqinjë.
Ekipi i Unitetit javën e ardhshme do të specifikojë më mirë një dokument që do ta marrë me vete në Londër, e që nuk mund të ndryshojë shumë prej dokumenteve të mëhershme apo parimeve tashmë të njohura të platformës kosovare për zgjidhjen e statusit. Ekipi i Unitetit ka diskutuar sot edhe rreth përgatitjeve të procesit zgjedhor, sepse zgjedhjet do të jenë një temë konstante në agjendën e ekipit. Hyseni tha se nuk do të lejohet vakuumi institucional dhe se institucionet e reja do të themelohen në afat optimal të mundshëm.

Shtyhet diskutmi i ministrave të BE-së për Kosovën  Ministrat e Punëve të Jashtme të BE-së, e kanë shtyrë për nesër takimin për Kosovën, i cili fillimisht ishte caktuar të mbahej sot në Vaina do Castelo të Portugalisë, ka bërë të ditur një zëdhënëse e diplomacisë portugeze. Në takim, shefat e diplomacive të BE-së do të përpiqen të shmangin ndarjen e rrezikshme rreth statusit të ardhshëm të Kosovës si dhe do të përpiqen të gjejnë mënyrën e reagimit nëse eventualisht Kosova shpallë njëanshëm pavarësinë, bën të ditur agjencia Reuters. "Kosova është sigurisht sfida më e madhe më të cilën ballafaqohet Evropa", ka deklaruar në Bruksel shefi i diplomacisë së Portugalisë, shtetit i cili tash kryeson BE-në, Luis Amado.
Ministrat e Jashtëm të vendeve të Bashkimit Evropian, mblidhen sot dhe nesër në takimin joformal në qytetin portugez, Vijana Du Kastelo. Në këtë takim ata do të diskutojnë për mundësitë e shmangies së përçarjes në rastin e Kosovës. “Kosova është test nëse mund të krijohet një politikë e përbashkët e sigurisë”, ka thënë një diplomat për agjencinë gjermane “DPA”.
Mundësia që shqiptarët e Kosovës të shpallin pavarësinë, më 10 dhjetor, do të dominojë në këtë takim të ministrave të BE-së, që do të informohen nga përfaqësuesi i tyre për statusin e Kosovës, Wolfgang Ischinger rreth përparimeve të arritura, e i cili, siç pohon agjencia Reuters, ka tërhequr vërejtjen se janë të vogla gjasat që të arrihet ndonjë marrëveshje.
Ndërkaq, siç njofton agjensia Rojters, të shtunën, para ministrave lidhur me nivelin e negociatave të deritanishme do të raportojë ndërmjetësi i BE në treshen negociatore, Volfgangn Ishinger.

Uashingtoni kërkon sqarim nga Beogradi pas komentit të zyrtarit serb për Kosovën  Qëndrimi amerikan lidhur me statusin e Kosovës është i qartë, nëse dështojnë bisedimet, statusi që do të jetë i bazuar në planin e Ahtisaarit. New York, 7 shtator. Në takimin e djeshëm të zyrtarëve të politikës së jashtme amerikane është biseduar për deklaratën kërcënuese rreth Kosovës të zyrtarit serb ndërkaq nga zëdhënësi ajo u quajt 'fatkeqe'
që nuk ndihmon në zgjidhjen. Ishin këto komentet e para të zyrtarëve amerikanë pas deklaratës së zyrtarit serb, e cila dje u botua në të përditshmet The New York Times dhe botimin të saj në Evropë, The International Herald Tribune ku ai kishte folur për një përgjigje
ushtarake serbe në rast të shpalljes së pavarësisë së Kosovës.Përkundër deklaratës tjetër të ministrit të jashtëm serb i cili ka thënë se përdorimi i forcës nuk ishte një opsion, zëdhënësi i Departmentit të Shtetit tha se megjithatë Washingtoni kërkonte një qartësim nga qeveria serbe. "Kjo çështje duhet të zgjidhet me mjete diplomatike… Qëndrimi ynë lidhur me statusin e Kosovës është i qartë: ne duam të arrihet një marrëveshje në këto bisedime, mirëpo nëse kjo nuk ndodhë, atëherë Grupi i Kontaktit ka deklaruar se është i gatshëm të lëvizë përpara rreth vendimit mbi statusin qw do të jetë i bazuar në planin e Ahtisaarit", tha zëdhënësi Tom Casey.
Zëdhënësi duke theksuar se deklaratat e djeshme të dy zyrtarëve serbë ishin kontradiktore në mes vete, ai shtoi se Shtetet e Bashkuara të Amerikës këmbëngulin dhe kërkojnë një qartësim përmes ambasadës
amerikane në Beograd për të deklaruar se cili në fakt është qëndrimi i qeverisë serbe./s.gashi/rtk/

07-09-2007 Departamenti amerikan i Shtetit tha dje se po kërkon sqarim nga Beogradi, pasi një zyrtar i lartë serb tha se Serbia mundet të përdorë forcën, për të parandaluar pavarësinë e Kosovës. Bisedimet për Kosovën do të rifillojnë përsëri në Nju Jork më 18 shtator. 

Departamenti i Shtetit e kritikoi si “acarues dhe fatkeq” një koment të zyrtarit më të lartë serb për Kosovën, se Beogradi mund të përgjigjet ushtarakisht ndaj shpalljes së pavarësisë së Kosovës. Por Departamenti i Shtetit, po ashtu, beson se komentet e zbutura të Ministrit të Jashtëm Vuk Jeremiç përfaqësojnë në fakt politikën aktuale të Serbisë.

Komentet e Ministrit të Jashtëm serb pasuan ato të zyrtarit të lartë serb Dushan Prorokoviç, Sekretar i Shtetit për Kosovën, i cili thonte në një intervistë të botuar të mërkurën në gazetën “International Herald Tribune”, se Serbia është e gatshme të përdorë forcën, për t’i parandaluar vendet perëndimore ta njohin Kosovën si shtet të pavarur.

Prorokoviç, zyrtar i lartë i Partisë Demokratike të Serbisë të Kryeministrit Vojisllav Koshtunica, tha se Beogradi po shqyrton edhe hapa të tjerë, përfshi mbylljen e kufirit me Kosovën dhe vendosjen e një embargoje tregtare ndaj saj.

Në një konferencë shtypi, Zëdhënësi i Departmentit amerikan të Shtetit, Tom Kejsi, tha se Shtetet e Bashkuara po kërkojnë sqarimin e komenteve të zotit Prorokoviç nga qeveria e Beogradit:

"Sigurisht, që këto janë komente të pajustifikueshme dhe nuk e ndihmojnë aspak çështjen. Ajo që është më e rëndësishme, madje, do të thoja se ne jemi të mendimit, se këto deklarata nuk përfaqësojnë pikëpamjet e qeverisë së Serbisë që në fakt, ne e kuptojmë, sepse Ministri i Jashtëm i Serbisë u tha zyrtarëve të Bashkimit Evropian në Bruksel, se përdorimi i forcës nuk është një mundësi që do të shfrytëzonte Serbia në trajtimin e çështjes së statusit të Kosovës" ,- tha zëdhënësi.

Ministri i Jashtëm Jeremiç, i cili konsiderohet si reformator dhe pro-Perëndimit, u citua të ketë thënë në Bruksel, se Serbia nuk do të kërcënonte ushtarakisht, apo nuk do të ndërmerrte një veprim të kësaj natyre, i cili do ta destabilizonte më tej situatën. Por ai paralajmëroi, po ashtu, se njohja diplomatike e Kosovës do të shkaktonte një reagim të ashpër në Serbi dhe do të nxiste pretendime të tjera territoriale në Ballkan e gjetkë.

Shtetet e Bashkuara, krahas me Rusinë dhe me Bashkimin Evropian, po i mbikqyrin bisedimet mes udhëheqësve kosovarë dhe serbë, që janë në plan të rifillojnë më 18 shtator në Nju Jork. Kombet e Bashkuara kanë caktuar 10 dhjetorin si afat për përfundimin e negocitave lidhur me statusin përfundimtar të Kosovës që kanë vazhduar për një kohë të gjatë.

Në se nuk arrihet një marrëveshje, Shtetet e Bashkuara dhe aleatët e Bashkimit Evropian në Grupin e Kontaktit thonë se do të kërkojnë pavarësinë e mbikqyrur të Kosovës, sipas propozimit të të dërguarit të OKB-së, zotit Marti Ahtisaari.

Rusia, një tjetër anëtar i Grupit të Kontaktit, e mbështet aleaten e tij për një kohë të gjatë, Serbinë, e cila e kundërshton me forcë idenë e pavarësisë, por nga ana tjetër, shton se do t’i jepte Kosovës një autonomi në shkallë të gjerë.//voa//

Presidenti Sejdiu tha se vendi ynë ka burime ekonomike për t'u zhvilluar e për të qenë të pavarur
Rahovec, 7 shtator 2007 - Presidenti i Kosovës Fatmir Sejdiu sot mori pjesë në festën tradicionale të vjeljes së rrushit në Rahovec, ku ishin të pranishëm edhe kryeministri Agim Çeku, përfaqësues të UNMIK-ut e të KFOR-it dhe zyrtarë lokalë. Duke folur në këtë manifestim, Presidenti Sejdiu vlerësoi se festa tradicionale e vjeljes së rrushit, e ideuar nga Presidenti Rugova, është bërë një festë shumë e rëndësishme e manifestimit të begative tona natyrore, të punës së vyeshme të vreshtarëve dhe bujqve tanë dhe e aftësisë sonë që me cilësinë e rrushit t'u konkurrojmë edhe vendeve me traditë të gjatë të prodhimit të rrushit dhe verës. "Ne jemi të vetëdijshëm, por edhe krenarë për tokën që kemi, për diellin që rrezon mbi këto vreshta të begatshme dhe për traditën tonë të prodhimit të rrushit. Kjo është edhe arsyeja themelore që ky manifestim mbahet nën patronatin e Presidentit të Kosovës", theksoi Sejdiu. Gjithashtu ai tha se ajo që shihet këtu dhe anembanë Kosovës, flet se vendi ynë "ka burime ekonomike për t'u zhvilluar, për të qenë të pavarur: tokë të mirë, punëtorë të rinj dhe të vyeshëm, ndërmarrës të zotët", por edhe që të sigurohet kapital për investime. Në vijim të fjalës së tij Presidenti u premtoi vreshtarëve përkrahjen e institucioneve të Kosovës në mënyrë që në të ardhmen të ketë angazhime edhe më të mëdha që të punohet çdo pëllëmbë e tokës, që të sigurohet drithi dhe buka, por për të qenë edhe konkurrentë dhe për të eksportuar produktet tona bujqësore. Gjithashtu Presidenti premtoi ngritjen e infrastrukturën, e cila mbështet prodhimtarinë bujqësore dhe agroindustrinë, zhvillimin e tregut të produkteve bujqësore si dhe kreditimin e favorshëm për bujqit dhe agrobiznesin. Presidenti në fund të fjalës së tij uroi që ky bereqet të jetë edhe më i begatshëm në vitet që vijnë, kurse "popull të jetë më i pasur dhe më i kënaqur në pavarësinë që po e presim dhe po na pret".

Koalicion parazgjedhor mes PDK-së dhe PLK-së – i pari në prag të zgjedhjeve të ardhshme Përmes një komunikate për opinion të lëshuar nga Zyra për informim pranë Partisë Demokratike bëhet e ditur se sot edhe formalisht do të zyrtarizohet koalicioni mes kësaj partie (PDK) dhe Partisë Liberale të Kosovës, për zgjedhjet e ardhshme lokale e parlamentare, të cilat pritet të mbahen me 17 nëntor të këtij viti. Nënshkrimi i marrëveshjes për koalicion mes këtyre dy subjekteve politike pritet të bëhet sot në selinë e Partisë Demokratike të Kosovës.Gjatë një takimi të zhvilluar mbrëmë në selinë e PLK-së me Z. Christophe Lucta, përgjegjës për çështje politike pranë Zyrës së Francës në Prishtinë, Gjergj Dedaj pat shprehur gatishmërinë e liberalëve të Kosovës për të arritur marrëveshje për koalicion parazgjedhor me subjektet politike opozitare të Kosovës, ngase siç theksoi ai “partitë aktualisht në pushtet kanë dështuar në qeverisjen e tyre dhe nuk i kanë mbajtur premtimet elektorale dhe është momenti i nevojshëm dhe mbase i duhur për ndërrimin e pushtetit, dhe, kjo do të ndodhë me fitoren bindëse të opozitës në zgjedhjet e ardhshme në Kosovë”.

Greqia paralajmëron veto në anëtarësimin e Maqedonisë në NATO dhe në BE Greqia do të vërë veto në anëtarësimin e Maqedonisë në NATO dhe në Bashkimin Evropian, nëse Shkupi nuk bie dakord për kompromis lidhur me emrin, ka deklaruar kryeministri grek Kostas Karamanlis. "Nuk vjen parasysh që Shkupi të anëtarësohet në çfarë do organizate, pavarësisht nëse quhet NATO apo BE", përderisa "ky vend nuk e pranon emrin, i cili është i pranueshëm për të gjithë", tha Karamanlis. Ai saktësoi se Athina do të shfrytëzojë çdo të drejtë që ta mbrojë politikën e jashtme të saj, dhe se këtë do ta bënte çdo qeveri greke.

Arritja e një zgjidhjeje për Kosovën do të ketë rezultate pozitive për Maqedoninë edhe rajonin, tha Cërvenkovski
Londër, 7 shtator 2007 - Presidenti maqedonas Branko Cërvenkovski tha se situata rreth Kosovës në gjithë Evropën po trajtohet shumë seriozisht, ndaj edhe Maqedonia si fqinj i drejtpërdrejtë i Kosovës dhe Serbisë nuk nënvlerëson tërësisht rreziqet nga zgjidhja e pritshme. "Unë nuk këmbëngul se ardhmëria e Maqedonisë varet nga ajo që do të ndodhë në Kosovë, mirëpo është fakt se varësisht nga ajo se në ç'drejtim do të shkojnë punët në Kosovë dhe lidhur me Kosovën, edhe ne do të ndjejmë pasoja të caktuara", është shprehur Cërvenkvski në një intervistë për BBC-në. Arritja e një zgjidhjeje që do të garantojë stabilitet të qëndrueshëm në rajon, theksoi ai, do të ketë rezultate pozitive edhe për Maqedoninë edhe për vendet e tjera të rajonit. Por, shtoi ai, nëse në Kosovë shpërthen ndonjë trazirë ose paqëndrueshmëri, "së pari fqinjët e parë do t'i ndjenin ato pasoja negative", theksoi Cërvenkovski, duke shtuar se Shkupoi ndjek "me vëmendje ngjarjet lidhur me Kosovën". Megjithatë, Presidenti maqedonas shpreson që përpjekjet plotësuese të bashkësisë ndërkombëtare dhe negociatat e ringjallura, do të gjejnë një zgjidhje, ndonëse siç tha, "pozicionet midis Beogradit dhe Prishtinës nuk janë të ndryshme, por të kundërta". "Besoj se kjo do të jetë një zgjidhje e cila në fund të fundit do ta obligojë edhe komunitetin ndërkombëtar që të jetë garant i asaj që do të ndodhë edhe në Kosovë edhe në rajon", tha Cërvenkovski.

Luçiano Pavarotti më 2005

Legjendari i operas italiane, Luciano Pavaroti, i cili e solli operan pranë njerëzve të thjeshtë si një nga tenorët më të mëdhenj të shekullit të 20-të, vdiq në shtëpinë e tij në Italinë veriore. Ai ishte 71 vjeç.

Manaxheri i tenorit, Terri Robson tha se Pavaroti vdiq dje në mëngjes në shtëpinë e tij në Modena. Ai ishte i sëmurë me kancer të pankreasit për më shumë se një vit. Mijëra njerëz u rreshtuan në rrugët e qytetit të Modenës dje dhe shpërthyen në duartrokitje në shenjë respekti kur makina e funeralit që mbante arkivolin me trupin e Pavarotit po shkonte nga shtëpia e tij në katedralen e qytetit, për ceremoninë e varrimit që do të zhvillohet nesër.

Opera shtetërore e Vjenës ngriti një flamur të zi në shenjë zije dhe rojet në Pallatin e Bukinkamit në Britani luajtën arien e njohur nga opera Turandot e Puçinit të kënduar nga Pavaroti, “Nessun Dorma”.

Tenori spanjoll, Plaçido Domingo tha se ai gjithmonë e admiroi madhështinë e zërit që zoti i dha Pavarotit. Një tenor tjetër spanjoll, Jose Carreras e quajti Pavarotin një mik të dashur.

Në një deklaratë të Shtëpisë së Bardhë, Presidenti dhe zonja Bush e quajtën Pavarotin një humanitar të madh si dhe një nga këngëtarët më të përkryer të të gjithë kohërave.

Pavaroti lindi në Modena në vitin 1935. Në vitin 1961 mbas shumë vitesh studimi, ai fitoi një konkurs kënge dhe më pas iu ofrua një rol në operan e “Bohema” të Puçinit. Ai bëri debutimin e tij të parë operistik në vitin 1963 në Londër dhe më pas dhe shfaqje në Operan Metropolitane të New Yorkut, pesë vjet me vonë.

Një herë Pavaroti e përshkroi veten e tij si një skllav të zërit të tij të jashtëzakonshëm. Ai tha se të jesh një tenor është njësoj si të jesh sportist që kërkon stërvitje të vazhdueshme.//voa//

---

LAJMET
E enjte 06 shtator 2007

Raundi i dytë i bisedimeve më 19 shtator në Londër Kryetari i Kosovës, Fatmir Sejdiu ka marrë të enjten ftesën, për një takim të ri me treshen ndërkombëtare diplomatike, parashikuar për 19 shtator në Londër, ndërsa vendimi për pjesëmarrjen e Prishtinës në këtë takim, do të merret të premten në mbledhjen e radhës të Grupit të Unitetit.

Dronov i dorëzoi ftesën Sejdiut për takimin e Londrës Presidenti i Kosovës, Fatmir Sejdiu, të enjten priti shefin e Zyrës ruse në Prishtinë, Andrei Dronov, ku u diskutua për gjendjen e përgjithshme në vend, me theks të veçantë për procesin e përcaktimit të statusit politik të Kosovës.

Ruecker kërkon në Berlin perspektivë të qartë për Kosovën Shefi i UNMIK-ut, Joachim Ruecker, gjatë një takimi në Berlin me shefin e diplomacisë gjermane, Frank-Walter Steinmeier, kërkoi të enjten një perspektivë të qartë për Kosovën pas 10 dhjetorit.Ryker: Kosova nuk duhet të bie në amulli më 11 dhjetor 2007 Shefi i UNMIK-ut, Joakim Ryker, gjatë një takimi të enjten me shefin e diplomacisë gjermane, Frank Ualter Shtajnmajer, ka shfaqur shpresën se zgjidhja për statusin e Kosovës do të gjendet deri më 10 dhjetor...

Shefat e diplomacive të Grupit të Kontaktit takohen më 27 shtator Takimi i shefave të diplomacive të vendeve të Grupit të Kontaktit për Kosovën do të mbahet më 27 shtator në Nju Jork, paralajmëruan ministrat e jashtëm të Francës dhe Britanisë së Madhe, Bernar Kushner dhe Dejvid Miliband.

Ryker më 30 shtator raporton në Këshillin e Sigurimit Shefi i UNMIK-ut, Joakim Ryker do t’i paraqesë në fund të këtij muaji KS të KB-ve raportin për situatën në Kosovë, thuhet në faqen e internetit të Këshillit të Sigurimit, të cilin këtë muaj e udhëheq Franca.

Berisha thotë se pavarësia e Kosovës garanton stabilitet Vetëm pavarësia e Kosovës garanton stabilitet në Ballkan, ka thënë kryeministri i Shqipërisë Sali Berisha, duke tërhequr vërejtjen se shtyrja e zgjidhjes së statusit mund t'i paraprijë kaosit.

Avni Arifi emërohet zëdhënës i Qeverisë së Kosovës
Pas dorëheqjes së Ulpiana Lamës, Qeveria e Kosovës ka emëruar në postin e zëdhënësit të saj Avni Arifin. "Unë do ta ushtrojë këtë funksion që nga data 12 i këtij muaji", tha Arifi për Kosovapress.

Fushata zgjedhore e vë në pikëpyetje funksionin e Kuvendit Anëtarët e Kryesisë së Kuvendit, deklaruan të enjten, se ligjvënësi kosovar nuk mund të funksionojë normalisht gjatë periudhës së zgjedhjeve, për faktin se shumë deputetë do të angazhohen në fushatën elektorale dhe si pasojë do shkaktojnë mungesë kuorumi nëpër komisione, për t’i miratuar kryesisht ligjet që dalin si obligim nga Pakoja e Ahtisaari-t.

Partia e Zef Morinës kërkon koalicion me LDK-në Partia Demokristiane për Integrim (PDKI), e drejtuar nga Zef Morina ka kërkuar nga Lidhja Demokratike e Kosovës (LDK)...

Gjenerali Marnak: Askush nuk do të guxojë të hyjë në Kosovë Askush nuk do të guxojë të hyjë në Kosovë, jo vetëm tash por në asnjë kohë me qëllim të destabilizimit të sigurisë, ka thënë të enjten komandanti i ri i KFOR-it, gjenerallejtënant Ksavier But de Marnak, sipas të cilit KFOR-i do të bëjë...çdo gjë për ruajtjen e qetësisë.

KFOR dhe SHPK garantojnë bashkëpunim për stabilitetin e Kosovës Komandanti i ri i KFOR-it, gjenerali francez Xavier Bount De Marnhac dhe kreu i Shërbimit Policor të Kosovës (SHPK), Sheremet Ahmeti, deklaruan të enjten se do të angazhohen në vazhdimësi për t’u ofruar siguri dhe qetësi të gjithë qytetarëve të Kosovës.

Në 8 vjetorin e themelimit, SHPK thotë se u shërben të gjithë kosovarëve Shërbimi Policor i Kosovës (SHPK), në tetë vjetorin e themelimit, konsideron se është njëri ndër institucionet më të besueshme dhe më të respektuara në Kosovë, si dhe një institucion që ofron mbrojtje dhe siguri për të gjithë qytetarët e vendit.

Konkursi për drejtor menaxhues të PTK-së shpallet në dhjetor Bordi i Drejtorëve të PTK-së ka vendosur të enjten që konkursi për drejtor menaxhues të PTK-së të shpallet më 1 dhjetor, ndërkohë që drejtori aktual - Etrur Rrustemaj, në bazë të marrëveshjes së mëhershme, do të vazhdojë të qëndrojë...

Gjakovarët kërkojnë zbardhjen e vrasjes së policit para 4 vjetësh Në katër vjetorin e vrasjes së policit Hajdar Ahmeti të enjten, në fshatin Berjahë të Gjakovës, përfaqësues...të të afërmve, kerkojnë zbardhjen e vrasjes.

Përfundoi Muaji i rinisë “Gjakova 2007” Me kongresin e të rinjve, në Gjakovë është përmbyllur Muaji rinor i organizuar nga Drejtoria për Kulturë, Rini dhe Sport i Kuvendit Komunal dhe i mbështetur nga Ministria e Kulturës, Rinisë dhe Sporteve.

Digjet tërësisht Shkolla fillore “Kuvendi i Drenicës” në Murg të Skenderajt Në ditën e tretë të fillimit të vitit të ri shkollor, objekti i Shkollës fillore “Kuvendi i Drenicës”, në fshatin Murgë...digjet tërësisht.

Kosova prezantohet me gjashtë xhudistë në Split të Kroacisë Më 8 shtator në Split të Kroacisë organizohet turneu ndërkombëtar në xhudo, ndërsa Kosova në këtë aktivitet, ku merr pjesë për herë të pestë, do të prezantohet me gjashtë garues në të dy konkurrencat...

...hapur:

Presidenti Sejdiu merr ftesën për takimin e Londrës  Presidenti Sejdiu priti shefin e Zyrës ruse në Prishtinë, Andrei Drenov. Në këtë takim u diskutua për gjendjen e përgjithshme në vend, me theks të veçantë për procesin e përcaktimit të statusit politik të Kosovës. Me këtë rast, shefi i Zyrës ruse në Prishtinë i dorëzoi presidentit Sejdiu ftesën për një takim të ri me treshen ndërkombëtare, i paraparë të mbahet në datën 19 shtator në Londër. Një njoftim i lëshuar nga zyra e Presidentit, konfirmon se takimi i Prishtinës me ndërmjetësuesit amerikanë, evropianë dhe rusë për statusin e Kosovës do të mbahet më 19 shtator në Londër.
Ndërkohë, lidhur më këtë çështje, presidenti Sejdiu ka caktuar për nesër një takim të Ekipit të Unitetit, në të cilin do të bisedohet për pjesëmarrjen në takimin e Londrës.
Po ashtu është paraparë që treshja ndërmjetësuese ndërkombëtare do të takohet në Londër edhe me delegacionin serb, mirëpo ende nuk ka konfirmime nëse Beogradi zyrtar ka marrë ftesë për këtë takim.
Takimi në Londër praktikisht do t’iu paraprijë bisedimeve të drejtpërdrejta ndërmjet Prishtinës dhe Beogradit për statusin e Kosovës, të cilat pritet të mbahen në fund të muajit shtator në Nju Jork në kuadër të sesionit Asamblesë së Përgjithshme të Kombeve të Bashkuara.
Presidenti Fatmir Sejdiu ka ritheksuar të mërkurën, pas një takimi me parlamentarët e Danimarkës, se pavarësia e Kosovës është e panegociueshme.
Ai nuk përjashtoi mundësinë e pjesëmarrjes në bisedime, kur do të mund të diskutohet edhe çështja e statusit, por tha se Kosova do të paraqesë edhe njëherë argumentet për pavarësinë e saj. Parlamentarët danezë thanë se Danimarka e mbështetë zgjidhjen e shpejt të statusit të Kosovës, e cila do të mundësonte një stabilitet më të madh në Evropë.

Në fund të shtatorit Joahim Ryker raporton para Këshillit të Sigurimit të KB Shefi i UNMIK-ut Joakim Ryker do ta paraqesë me 30 shtator në Këshillin e Sigurimit të Kombeve të Bashkuara raportin për situatën në Kosovë, bëhet e ditur nga informacioni në faqen e internetit të KS të OKB, të cilin këtë muaj e kryeson Franca. Kryesuesi i KS, ambasadori francez Zhan-Moris Riper, paralajmëroi për 25 shtator edhe takimin e shefave të shteteve anëtare të organit më të lartë ekzekutiv të organizatës botërore. Në Nju Jork, sipas paralajmërimeve, në margjinat e sesionit vjetor të Këshillit të Sigurimit të Kombeve të Bashkuara, që fillon me 18 shtator, do të mbahet edhe takimi i shefave të diplomacive të vendeve të Grupit të Kontaktit për Kosovë, të cilin e përbëjnë Shtetet e Bashkuara të Amerikës, Rusia, Britania e Madhe, Franca,Gjermania dhe Italia.
Negociatat e drejtpërdrejta të delegacioneve të Beogradit dhe Prishtinës për ardhmërinë e Kosovës, siç ka paralajmëruar i dërguari i Rusisë në “treshen” negociatore të Grupit të kontaktit, Aleksandar Bocan-Harçenko, do të mund të zhvilloheshin me 27 shtator në Nju Jork.
Përveç përfaqësuesit rus në “treshe”, e cila është e angazhuar në negociatat lidhur me statusin e ardhshëm të Kosovës, janë edhe përfaqësuesi i Shteteve të Bashkuara të Amerikës, Frenk Uizner dhe përfaqësuesi i Bashkimit Evropian, Volfgang Ishinger.//voa//

Moore: Kërcënimet serbe-teatër për pazarllëk Duke komentuar kërcënimet e herëpashershme të zyrtarëve serbë se Beogradi do të përdorë forcën në rast të pavarësimit të Kosovës, analisti i radios "Evropa e lirë", Patrik Mur, e hedh poshtë këtë mundësi, duke shtuar se "në Kosovë ka trupa të NATO s të armatosura deri në dhëmbë", të cilat "lehtë do t'ia dilnin në krye" me ushtrinë serbe me pak përvojë dhe komandantë "shumë më pak të motivuar". Interesi kryesor për serbët e zakonshëm, tha Mur, është që të hyjnë në Bashkimin Evropian, të përmirësojnë gjendjen sociale dhe se duke zhvilluar luftëra nuk do ta fitojnë asgjë. Analisti Mur theksoi se zyrtarët serbë po përpiqen të bëjnë sa më shumë zhurmë për ta rikthyer vëmendjen tek vetja, duke krijuar atmosferë të nervozës e të histerisë, me shpresë që të fitojnë një marrëveshje më të mirë deri më 10 dhjetor. "Këtë kryesisht e shoh si një stërvitje për pazarllëk rreth statusit. Serbia nuk e udhëheq Kosovën prej vitit 1999. Shumica e politikanëve serbë e dinë se e kanë humbur Kosovën, dhe në fakt më nuk kanë se çfarë të humbin. Pra, shohim se po luhet vetëm një teatër i madh", nënvizoi Patrik Mur, një ndër analistët më të mirë të çështjes së Kosovës.

Për ta penguar pavarësinë e Kosovës, Serbia do ta përdorë edhe forcën, thotë Prorokoviq  Serbia është e gatshme të përdorë edhe forcën për t'i penguar vendet perëndimore që ta njohin pavarësinë e Kosovës, e transmeton International Herald Tribune, sekretarin shtetëror për Kosovën Dushan Prorokoviq. Sipas gazetës, Prorokoviq ka paralajmëruar një varg masash "të ashpra" nëse Kosova shpallë pavarësinë dhe nëse Perëndimi do ta njohë atë. Prorokoviq ka thënë se masat e tilla mund të jenë vendosja eventuale e forcave serbe në Kosovë, bllokada e kufijve të Kosovës dhe embargoja tregtare.
Zyrtari serb ka thënë se në rast të shpalljes së pavarësisë, do të bëhej e pavlefshme marrëveshja e Kumanovës.
"Pa marrëveshjen e Kumanovës, ushtria jonë mund të kthehet pa kufizime legale. Mund ta kalojë kufirin dhe të lëvizë nëpër tërë Kosovën pa asnjë pengesë legale", ka thënë Prorokoviç.
Ndërkohë, ministri i Jashtëm Vuk Jeremiq ka thënë se Serbia nuk do përgjigjet ushtarakisht nëse Kosova njëanshëm e shpall pavarësinë. Jeremiq i tha gazetës Financial Times se shpallja e pavarësisë së Kosovës do ta hapte "kutinë e Pandorës" të problemeve të sigurisë në rajon.
"Nuk do të kontribuojmë në destabilizimin e Kosovës me mjete fizike, ushtarake apo të sigurisë. Do të përdoren të gjitha burimet diplomatike dhe politike, pa ato të sigurisë dhe të mbrojtjes. Politikisht, moralisht dhe praktikisht, ne nuk mund ta shesim Kosovën në një Serbi demokratike" tha ai.

 Policia gjermane është vënë në kërkim edhe të dhjetë të dyshuarve tjerë Autoritetet gjermane janë vënë në kërkim të 10 personave për të cilët dyshohet se kanë ndihmuar tre të arrestuarit e djeshëm që të planifikojnë sulme në objektet amerikane. Një zyrtar i lartë i sigurisë tha se 10 të dyshuarit janë shtetas gjermanë, turq dhe të nacionaliteteve të tjera. Prokurorja gjermane, Monika Harms, tha se tre të arrestuarit e djeshëm ishin trajnuar në kampe të ndryshme në Pakistan, dhe kishin siguruar mbi 700 kilogramë lëndë kimike dhe eksploziv.

---

LAJMET
E mërkurë 05 shtator 2007

Tërmet në perëndim të Shqipërisë, nuk raportohet për viktima e dëme Shqipëria është zgjuar sot nga lëkundjet e një tërmeti me intensitet 4.8 shkallë të Rihterit. Sipas institutit sizmologjik epiqendra e tij ishte në Maminas të Durrësit, ku lëkundjet kane qenë më të forta. Tërmeti ka rënë në orën 7 e 10 minuta dhe ka zgjatur afro 10 sekonda. Sipas medieve të Shqipërisë, lëkundjet e tokës që u shtrinë në një thellësi deri në 10 kilometra pranë zonës së Durrësit, u ndjenë me këtë intensitet edhe në Tiranë, Elbasan, Librazhd dhe Prrenjas. Mendohet se shkak i këtij tërmeti ka qenë shiu i rënë gjate natës pas një thatësire të tej zgjatur që ka prekur vendin. Autoritetet kanë thënë se nga ky tërmet nuk ka pasur viktima ose dëmtime.

Sejdiu optimist në unitetin evropian për çështjen e Kosovës Pavarësisht hezitimeve që vihen re këtë kohë, kosovarët shpresojnë se të gjitha vendet e Bashkimit Evropian (BE) do të mbajnë qëndrim unik në përkrahje të zgjidhjes që i jep Kosovës pavarësi me mbikëqyrje ndërkombëtare.

Qeveria rikonfirmon fokusimin drejt zgjidhjes së statusit politik të vendit Kabineti Qeveritar, në mbledhjen e rregullt të saj, ka shprehur edhe një përkushtimin që gjithë potencialin e saj ta orientojë në drejtim të zgjidhjes së statusit politik të vendit, ndërkaq është shprehur optimiste se deri në dhjetor, Bashkimi Evropian do të unifikojë qëndrimin pro pavarësisë.

Sejdiu emëron Imri Ahmetin për këshilltar politik Kryetari i Kosovës, Fatmir Sejdiu emëroi të mërkurën Imri Ahmetin për këshilltar politik në Kabinetin e kryetarit.

Presim që qeveria ta suspendojë memorandumin MPB-MEM, thotë UNMIK Administrata e UNMIK-ut, ka kërkuar të mërkurën nga Qeveria e Kosovës që ta suspendojë memorandumin ndërmjet Ministrisë së Punëve të Brendshme (MPB) dhe Ministrisë së Energjetikës dhe Minierave (MEM), i cili ua kushtëzon qytetarëve të Kosovës regjistrimin e automjeteve me prezantimin e fletëpagesave të faturave të energjisë elektrike.

Lama lë postin e zëdhënëses dhe këshilltares politike të Çekut Kryeministri i Kosovës, Agim Çeku ka miratuar kërkesën e zëdhënëses dhe këshilltares së tij politike, Ulpiana Lame për lirim nga postet e saj të deritanishme për shkaqe objektive.

Partitë politike ende pa emra konkretë për kryetarë të komunave Partitë politike në vend edhe përkundur përgatitjeve të bëra për certifikim për zgjedhjet, të cilat pritet të zhvillohen më 17 nëntor të këtij viti, ende nuk janë të gatshme të japin emra konkretë për kandidatët e tyre për kryetarë të komunave, ndërsa vlerësojnë se gara do të jetë e ashpër.

Prokuroria reagon ndaj kandidimit të Haradinajt në zgjedhje Olga Karvan, përfaqësuese për media e Prokurorisë së Hagës, të mërkurën gjatë një konference për media...reagon ndaj kandidimit të Haradinajt në zgjedhje.

UNMIK: Haradinaj mund të marrë pjesë në procesin zgjedhor Zyrtarë të UNMIK-ut kanë thënë të mërkurën duke u bazuar në Kornizën Kushtetuese të Kosovës, ish-kryeministrit Ramush Haradinaj do t’i lejohet pjesëmarrja...

KQM-ja akuzon qeverinë për politikë të gabuar ndaj KEK-ut Zyrtarë të Departamentit për Energjetikë dhe Miniera në Kabinetit për Qeverisje të Mirë (KQM) të Partisë Demokratike të Kosovës (PDK), thanë se Korporata Energjetike e Kosovës (KEK) me fajin e menaxhmentit të saj dhe të Qeverisë, ka arritur kulmin e anarkisë.

Me urdhëresë të gjykatës 47 persona arrestohen dhe çohen në gjykatë
05.09.2007 - Gjilan Brenda gjashtë ditëve të fundit, me urdhëresë të lëshuar nga Gjykata për kundërvajtje të ndryshme, policia ka arrestuar apo sjellë në gjykatë...

Plaçkitet një postë në Gjakovë Njëra nga postat e Gjakovës, ka qenë cak i plaçkitjes nga dy persona të maskuar, të cilët kanë marrë më vete...çka kanë mundur...

Filluan punimet për ndërtimin e Katedrales “Nënë Tereza” Megjithë kundërshtimin dhe përgojimet e shumta, të mërkurën në Prishtinë në lokacionin e Gjimnazit “Xhevdet Doda”, filluan punimet për ndërtimin e Katedrales “Nënë Tereza”, duke e cilësuar atë të shenjtë dhe të nevojshme për Kosovën.

Veteranët e luftës kërkojnë nga MASHT t’i ndihmojë fëmijët me libra shkollor Organizata e veteranëve të luftës, dega në Klinë, ka kërkuar të mërkurën nga MASHT-it që të ndihmojë fëmijët e kategorive të dala nga lufta e UÇK-së...

Sllovenët pendohen për vendosjen e euros Sllovenët janë penduar që kanë vendosur euron, meqë pas tetë muajve aq sa përdorin valutën evropiane përballen me pasoja negative dhe varfëri, shkruajnë mediat vendore.

BE kundërshton ndarjen e Kosovës
Bruksel, 5 shtator 2007 - Bashkimi Evropian kundërshton ndarjen e Kosovës, ka thënë Komisionari për zgjerim i unionit Oli Ren, pas takimit me shefin e diplomacisë së Serbisë, Vuk Jeremiq.

...hapur:

Hagë: Prokuroria reagon ndaj kandidimit të Haradinajt në zgjedhjeNë Gjykatën Ndërkombëtare të Hagës, ka vazhduar procesi gjyqësor ndaj ish-kryeministrit të Kosovës, Ramush Haradinajt dhe dy bashkëluftëtarëve të tij, Idriz Balajt dhe Lahi Brahimajt. Në seancë të mbyllur dhe me masa mbrojtëse, edhe sot është paraqitur dëshmitari i prokurorisë me shifrën 3. Trupi gjykues i ka rekomanduar Prokurorisë që Brenda një jave ta reduktojë numrin e dëshmitarëve të paraparë, në mënyrë që të mundësohet që sa më parë të fillojnë dëshmitë e tyre edhe dëshmitarët e mbrojtjes së të akuzuarve.
Në fillim të seancës së sotme, në emër të trupit gjykues, kryesuesi, Alfons Orie, informoi palët lidhur me rrjedhën e deritashme të procesit gjyqësor ndaj Ramush Haradinajt, Idriz Balajt dhe Lahi Brahimajt. Ai tha se deri tani prokuroria ka paraqitur 49 dëshmitarë, ka shpenzuar 125 orë pune ose 62,8 për qind të kohës së paraparë. Asaj i kanë mbetur në dispozicion edhe mbi 39 orë. Zoti Orie, i rekomandoi Prokurorisë që brenda një jave të reduktojë numrin e dëshmitarëve të saj të paraparë për këtë proces, në mënyrë që të mundësohet sa më parë të fillojnë dëshmitë e tyre edhe dëshmitarët e mbrojtjes së të akuzuarve.
Në vijim të seancës së sotme, sërish nën masa të posaçme mbrojtëse, me “dëshminë” e tij është paraqitur dëshmitari i prokurorisë me shifrën 3, i cili është përgjigjur në pyetjet e ekipit të mbrojtjes së të akuzuarve.
Avokati kryesor i zotit Ramush Haradinaj, Ben Emerson, kërkoi nga trupi gjykues sqarime konkrete lidhur me paraqitjen e dëshmitarit të radhës të Prokurorisë. Për këtë çështje u tha se do të bisedohet në seancë të mbyllur.
Po ashtu, në Hagë, në një konferencë të posaçme me gazetarë, përfaqësuesja për media e Prokurorisë, Olga Karvan, ka shprehur “brengosje” lidhur me paralajmërimin që ish-kryeministri i Kosovës Ramush Haradinaj të jetë bartës i listës së Aleancës për Ardhmërinë e Kosovës në zgjedhjet parlamentare në Kosovë, të caktuara për 17 nëntor.
"Kandidimi eventual i zotit Haradinaj- sipas zonjës Karvan- nuk do t’i kontribuojë sigurisë së dëshmitarëve dhe gatishmërisë së tyre që të paraqesin dëshminë në Gjykatën ndërkombëtare të Hagës".
Karvan shtoi se nga trupi gjykues i procesit ndaj Haradinajt, Balajt e Brahimajt, 14 dëshmitarë që kanë marrë ftesat që në mënyrë të detyrueshme të dëshmojnë kanë refuzuar, ndërsa 10 dëshmitarë të mbrojtur kanë njoftuar Prokurorinë se janë kërcënuar haptas në rast se dëshmojnë në Hagë.
Zëdhënësi i Gjykatës Ndërkombëtare të Hagës, Refik Hoxhiq nuk ka arritur të përgjigjet në pyetjet e gazetarëve se çfarë masash mund të ndërmarr Sekretariati i kësaj gjykate pas kandidimit të zotit Haradinaj në zgjedhjet e reja në Kosovë./rtk/

Qeveria rikonfirmon fokusimin në zgjidhjen e statusit të Kosovës  Qeveria e Kosovës shpreson që Bashkësia Ndërkombëtare dhe Bashkimi Evropian do të unifikojnë së shpejti qëndrimin për pavarësinë e mbikëqyrur të Kosovës. Zyrtari për informim në qeveri, Bedri Gashi, tha se kabineti qeveritar ka marrë qëndrim sot që të fokusohet edhe më tutje në veprimet që kanë të bëjnë me statusin e Kosovës, ku përfshihet edhe përgatitja e projektligjeve që dalin nga pakoja e Ahtisarit. “Qeveria e Kosovës shpreson që bashkësia ndërkombëtare dhe Bashkimit Evropian do të unifikojnë së shpejti qëndrimin për pavarësinë e mbikëqyrur të Kosovës dhe do ta kapërcejnë këtë hendek të krijuar në lidhje me zgjidhjen e drejtë të çështjes së Kosovë që ka vetëm një emërtim, pavarësia e Kosovës”, tha Gashi.
Në mbledhjen e sotme të qeverisë, Ministri i Energjisë dhe Minierave Et’hem Çeku ka paraqitur një raport për përgatitjet me furnizimin me energji elektrike gjatë periudhës së dimrit. Aty thuhet se janë krijuar vështirësi të caktuara në lidhje me furnizimin me energji dhe se reduktimet gjatë muajit shtator do të shtohen. Mirëpo, qeveria nuk ka paraparë furnizimin me energji përmes importit, prandaj u bënë thirrje qytetarëve për kursimin e energjisë. “Gjatë muajit shtator do të ketë vështirësi në furnizimin me energji elektrike për shkak se është paraparë të bëhet remonti i dy blloqeve të Kosovës B dhe gjatë muajit tetor do të futen në përdorim. Qeveria e Kosovës apelon gjithë qytetarëve që të kursejnë energjinë elektrike”, tha Çeku. Qeveria ka vlerësuar po ashtu se sa i përket inkasimit të borxheve për energjinë elektrike janë bërë përparime veçanërisht në muajin e fundit kur është shënuar rritje prej 47 për qind.

Nuk ka rreziqe në kufirin mes Maqedonisë dhe Kosovës, thotë ministrja Jankullovska Zgjidhja e statusit përfundimtar të Kosovës është proces i rëndësishëm dhe padyshim që Maqedonia, si pjesë e rajonit, duhet t'i ndjekë të gjitha ngjarjet, tha sot në Ohër ministrja maqedonase e Punëve të Brendshme , Gordana Jankullovska. Ajo ka theksuar se kufiri me Kosovën po sigurohet me patrullim të përbashkët mes policisë kufitare të Maqedonisë dhe KFOR-it , dhe se për momentin nuk ekzistojnë rreziqe serioze për sigurinë në Maqedoni.

Brenda 6 ditëve të fundit policia e Gjilanit ka shpënë para gjykatës 47 kundërvajtës Brenda gjashtë ditëve të fundit, për vepra të ndryshme kundërvajtëse janë arrestuar dhe janë sjellë në gjykatë 47 qytetarë të Gjilanit, konfirmoi sot policia e këtij qyteti. Zëdhënësi rajonal i Shërbimit Policor të Kosovës në Gjilan, togeri Ismet Hashani, tha se nga 47 qytetarët, 5 prej tyre menjëherë janë dërguar në vuajtje të dënimit, 36 të tjerë kanë paguar gjoba të ndryshme, si dhe 6 të tjerë janë sjellë në seanca të ndryshme gjyqësore. Togeri Hashani, tha se qytetarët duhet të jenë të vetëdijshëm se nuk mund t’i ikin ligjit dhe se janë përgjegjës për veprat e tyre.

SHPK në Gjilan me 6 shtator hapë dyert për qytetarët Në shenjë nderimi të ditës së themelimit të SHPK-së, policia e Gjilanit me 6 shtator do të hapë dyert për të gjithë qytetarët e rajonin, që të kenë mundësi që të t’i vizitojnë stacionet dhe njësitet e ndryshme. Komandantja rajonale e SHPK-së në Gjilan Elmina Mahmuti, tha se “komandantët e stacioneve dhe udhëheqësit e njësive rajonale tё policisë do tё jenë tё nderuar qё pёr nderë tё 6 shtatorit ditës sё themelimit tё SHPK-sё ditën e enjte me 6 shtator 2007 duke filluar nga ora 10:00 do t’i presin qytetarët e interesuar qё tё vizitojnë komandën rajonale dhe repartet tjera tё strukturave tё policisë rajonale”. Sipas saj qytetarët do tё kenё rastin tё njoftohen mё pёr së afërmi me punën e përditshme tё pjesëtarëve tё SHPK-sё. Për nderë tё ditës së themelimit, SHPK ka organizuar edhe manifestime tё shumta sportive ku pjesëtarë tё SHPK-sё kanë zhvilluar gara nё disiplina tё shumta dhe janë treguar rezultate vetëmohuese, përgatitje e kënaqshme fizike dhe vrull sportiv.

Përvjetori i Nënës Tereze në Kosovë shënohet me fillimin e ndërtimit të katedrales që mban emrin e saj
 10 vjetorit i vdekjes së humanistes shqiptare Nëna Terezë, u shënua sot edhe në Prishtinë me disa aktivitete të organizuara nga Kisha Katolike në Kosovë. Në oborrin e ish gjimnazit “Xhevdet Doda”, është zhvilluar ceremonia e fillimit të ndërtimit të Kishës Katedrale që i kushtohet humanistes Nëna Terezë. Presidenti i Kosovës, Fatmir Sejdiu, tha se “Katedralja do të jetë një objekt që do të prezantojë vlerën tonë, identitetin dhe ndjenjën tonë ndaj besimeve. Prishtina, tha presidenti Sejdiu, me këtë qasje do të ketë ndjenjën për të ecë më shpejt me vlera të reja. Katedralja është projekt i Ipeshkëvisë së Kosovës, ndërkaq do të financohet nga Konferencat Ipeshkvore të disa vendeve evropiane nga kontributet e besimtarëve katolikë. Vetë Papa Benedikti XVI ka ndarë një pjesë të mjeteve për ndërtimin e kësaj Katedrale e cila do të kushtojë disa miliona euro.
Në Shqipëri programe të veçanta të shënimit të përvjetorit
10 vjetori i vdekjes së Nobelistes së paqes me origjinë shqiptare, Nënë Tereza, po përcillet në Shqipëri me një program veprimtarish në përkujtim të humanistes që njihet dhe respektohet në të gjithë botën.
Protagonistët e kalendarit 10 ditor (5 shtator deri më 15 shtator) të përkujtimit të Nënë Terezës janë artistë, historianë, studiues te veprës së saj, filatelistë, kineastë etj., të cilët po i risjellin publikut brenda dhe jashtë Shqipërisë aktivitetin dhe rolin e shënjtores që gjithë jetën ja fali paqes, dashurisë e dhembshurisë njerëzore.
Në rrugët kryesore të Tiranës prej ditësh janë vendosur billboard-e të përmasave të mëdha me portretin e saj. Në shtëpinë ku ka jetuar vetë Nënë Tereza dhe e motra është vendosur një pllakë përkujtimore. Në Muzeun Historik Kombëtar është hapur një ekspozitë dokumentare dhe fotografike me titull: “Memoriali për Nënë Terezën”. Ministri i Kulturës Ylli Pango e konsideron prezencën e Nënë Terezës në Muze si të përkohshëm me këtë format, pasi nga institucioni i tij është planifikuar hapja e një pavioni të veçantë e të përhershëm.
“Kemi lidhje me perfaqesues te shoqatatave te bashkëatdhetarëve tanë në Itali dhe me diasporën në vende të ndryshme, të cilët kanë nisur prej kohësh ngritjen e nje fondi të posaçëm për ndërtimin e pavionit të Nënë Terezës, që do të jetë një pavion madhështor dhe do të bëhet pjesë organike e Muzeut Historik Kombëtar”, thotë ministri i Kulturës Ylli Pango.
Ndërkohë piktorët më të njohur shqiptarë kanë hapur në sallën e madhe të Galerisë Kombëtare të Arteve në kryeqytet një ekspozitë me titullin domethënës: “Mrekullitë e Dashurisë” ku ka punime të frymëzuara nga aktiviteti i Nënë Terezës. Në një nga pikat më strategjike hyrëse në territorin shqiptar, në një vend të dukshëm të aeroportit ndërkombëtar “Nënë Tereza” është vendosur i saj.
Në ditët e memories dhe nderimit të shënjtores së madhe do të jenë protagonistë dhe fëmijët, të cilët veç koncerteve do të hapin një ekspozitë kolektive mbi figurën e Nënë Terezës. Pjesë e programit do të jenë edhe ekspozita dokumentare dhe simpoziumi që do të organizojë biblioteka kombëtare, shfaqja e disa filmave dokumentarë ku në qëndër është po humanistja e madhe me origjinë shqiptare.
Përmbyllja e aktivitetit 10 ditor do të bëhet me një koncertin e madh të paqes që do të mbahet pasditen e 15 shtatorit në Tiranë me pjesëmarrjen e artsitëve më të njohur nga Shqipëria dhe trevat ku jetojnë shqiptarët.
Përvjetori shënohet edhe në Kalkuta
Lutje të veçanta janë thënë në varrin e Nënë Terezës me rastin e 10-vjetorit të vdekjes së saj. Qindra njerëz morën pjesë në ceremoninë e rastit në Kalkutë, ku shumë vetë bën thirrje për shenjtërimin e shpejtë të murgeshës shqiptare. Nënë Tereza është nderuar me çmimin Nobel për punën e bërë në Indi.
Por korrespondentët thonë se ka patur dyshime lidhur me shenjtërimin e saj pas botimit të disa letrave, të cilat Nën Tereza kishte dashur t'i hidhte. Në këto letra tregohet se ajo kishte dyshime për sa i takon Zotit gjatë kohës që ka shërbyer në kasollet e Kalkutës. Nënë Tereza është lumturuar, një proces që është një hap përpara kanonizimit siç quhet nga Kisha Katolike procesi i shenjtërimit. Aktivitetet për shënimin e përvjetorit të vdekjes zhvillohen edhe në Maqedoni. (e.h)

Këshilltari i Koshtunicës e quan Malin e Zi “kuazishtet" Aleksandar Simiq, këshilltari i kryeministrit serb Koshtunica, duke komentuar një aferë më një prift ortodoks serb, të implikuar në arratinë e Mlladiqit dhe Karaxhiqit, e të cilit i është ndaluar hyrja në Malin e Zi, ka deklaruar se “problem i vërtet është arbitrariteti i një kuazishteti të themeluar në hovin e separatizmit në hapësirën e ish Jugosllavisë “. Përfaqësuesit malazias kanë deklaruar se kjo deklaratë është ofendim për Malin e Zi dhe për qytetarët e saj. (RFE)

...speciale:
nga bashkëpunëtorët tanë:

Çështja e Kosovës do të diskutohet në Konferencën e Komitetit ushtarak të NATO-së në Kanada

 BEQIR SINA, 05 shtator 2007 Nju Jork

OTTAWA - CANADA : Kanadaja njëra prej vendeve të NATO-s, që ka edhe numërin më të madh të ushtarave, në kuadër të Aleancës Veri Atlantike, në fund të kësaj jave do të jetë nikoqiria e takimit të shefave të NATO-s. Konferncë, e cila, do të mbahet në kryeqytetin e Kanadas - Ottawa dhe në qytetin Victoria. Më se 100 delegatë, përfshirë edhe ministrat e mbrojtjes nga 26 vendet anëtare të NATO-s, do të marrin pjesë në konferencën e shefave të NATO-s.

Shefi i Mbrojtjes së Kanadas Gjeneral Rick Hillier, së bashku me Gen. Ray Henault, shefi i komitetit ushtarak të NATO-s, do të mbajnë zyrtarishtë, rolin e udhëheqësit të kësaj konference .

Takimi i shefave fillon të mërkurën, me diskutimet e Shefave të Shtabeve të Përgjithshëm të Ushtrive , nga vendet anëtare të NATO-s, ku ata do të marrin pjesë në Konferencën e Komitetit ushtarak të NATO-së. Konferenca në qytetin Viktoria, do të vazhdojë 3 ditë prej 6 deri më 9 shtator. Aty sipas raporteve zyrtare, të dala nga selia e NATO-s në Bruksel, thuhet se do të diskutohen aftësitë komplete të NATO-së, për pjesëmarrje në operacione të ardhshme, si dhe gjendja e tanishme e operacioneve të aleancës në Afganistan dhe në Kosovë. Çështja e Kosovës dhe roli i NATO-s, pritet të diskutohen gjatë konferencës.

Ditën e enjte  Governatori i Ottawas Gen. Michaëlle Jean, do të shtroi një darkë për nder të pjesmarrësve. Takimi formalisht përfundon të shtunën, por, do të njihet i mbyllur ditën e diel kur në një konferncë shtypi  Shefi i Mbrojtjes së Kanadas Gjeneral Rick Hillier, së bashku me Gen. Ray Henault, shefi i komitetit ushtarak të NATO-s,  udhëheqësit të kësaj konference,pritet  të dalin me dekleratën e përbashkët. Kanadaja, ka qënë nikoqiri i këtyre takimeve për herë të fundit më 1997. Dhe pjesmarrëse ushtarake dy vjet më parë në kuadër të NATO-s, gjatë luftës në Kosovë. Në luftën e Kosovës, luftë ajrore e cila zgjati 78 ditë dhe përfundojë me largimin e sërbisë nga Kosova, Gjeneral Rick Hillier, ka qënë një nga udhëheqësit e lart të NATO-s./derguar: 05 shtator 2007/

---

LAJMET
E marte 04 shtator 2007

Njoftim: Dje 03 shtatori 2007, në Shtetet e Bashkuara ishte Dita e Punës, një festë që kremtohet të hënën e parë të shtatorit. Kjo festë u krijua nga lëvizja punëtore mbi 100 vjet më parë, në respekt të kontributit të mbarë punonjësve dhe më vonë u shpall festë federale.Kjo ditë zakonisht kalohet me aktivitete zbavitëse, si pikniqe me familjen dhe miqtë. Edhe ERENIKU.NET festoi këtë ditë dhe mu për këtë arësye dje nuk emetuam lajme ditore.
/ redaksia - ereniku.net - new york/

....lajmet: E marte 04 shtartor 2007

Lordi Johnston shpreson se Rusia do ta shikojë pozicionin e saj ndaj Kosovës
Marsh kundër krimit në Prishtinë
Kryetari i PDK-së, Hashim Thaçi kërkoi ndihmën e KFOR-it për të parandaluar krimin e organizuar
AAK konfirmon se Agim Çeku nuk do të garojë në zgjedhjet e ardhshme
Tërmkolli thotë se administratës do t'i bëhet analiza vertikale dhe horizontale
Ministria e Shëndetësisë financoi renovimin e Shtëpisë së shëndetit në Skenderaj
Ministria e Kulturës, Zyra britanike dhe OJQ CHWB, lansuan projekti për ruajtjen dhe menaxhimin e trashëgimisë kulturore
Me manifestime të ndryshme Istogu po shënon muajin e rinisë

Lordi Johnston shpreson në qartësimin e Rusisë karshi statusit të Kosovës Lordi Russel Johnston, raportues për Kosovën i Asamblesë Parlamentare të Këshillit të Evropës, tha të martën në Prishtinë, se është i befasuar dhe i vjen keq për qëndrimin e Rusisë rreth çështjes së statusit të Kosovës, mirëpo shpreson se kjo e fundit do ta shikojë më drejtë dhe më qartë këtë çështje.

Harqenko nuk e fsheh se Grupi i Kontaktit ka biseduar për ndarjen e Kosovës Përfaqësuesi rus në treshen ndërmjetësuese, Aleksandër Harqenko, ka deklaruar të martën se Grupi i Kontaktit ka diskutuar çështjen e ndarjes së Kosovës, por palët biseduese, Prishtina dhe Beogradi janë shprehur se ndarja është e papranueshme.

Kushner i bëri thirrje Evropës të tregojë unitet në çështjen e Kosovës Ministri i Jashtëm francez, Bernanrd Kushner, gjatë një takimi të martën me homologun e tij rumun, Andrej Qorojanu, i bëri thirrje Evropës të tregojë unitet në çështjen e Kosovës.

Protestë kundër krimit dhe vrasjes së policit Triumf Riza në Prishtinë
Mijëra qytetarë morën pjesë në marshin kundër krimit me moton ”Triumf gjithmonë me ty”Mijëra qytetarë nga mbarë vendi dhe krerë të institucioneve të vendit, marshuan të martën në Prishtinë, në shenjë proteste ndaj vrasjes së policit Triumf Riza dhe ndaj krimit në përgjithësi në vend. Në shenjë revolte për vrasjen e pjesëtarit të SHPK-së, Triumf Riza, më shumë se pesë mijë qytetarë të Kosovës dhe përfaqësues të institucioneve morën pjesë të martën në Prishtinë, në marshin kundër krimit me moton ”Triumf gjithmonë me ty”.

 

 

 

Familjarët e 5 viktimave të Dubravës kërkojnë sqarime dhe drejtësi nga institucionet
Me një protestë simbolike, të martën në Prishtinë, kanë defiluar para institucioneve ndërkombëtare dhe vendore, anëtarët e familjeve të 5 viktimave, të cilat humbën jetën 4 vjet më parë në burgun e Dubravës...

Haziri tha se propozimi i Ahtisaari-t ofron mbrojtje të mjaftueshme për pakicat Zëvendëskryeministri Lutfi Haziri tha të martën në Prishtinë se bazë e vendimit për statusin përfundimtar të vendit duhet të jetë propozimi i të dërguarit të posaçëm të OKB-së për statusin, Martti Ahtisaari...

PDK i drejtohet gjykatës pasi prokuroria hedh poshtë padinë ndaj Kryeziut Pas hedhjes poshtë nga ana e Prokurorisë së Qarkut në Prizren të aktpadisë ndaj kreut komunal, Eqrem Kryeziut, këshilltarët e Partisë Demokratike të Kosovës i drejtohen gjykatës.

Monk mirëpret përkrahjen qytetare kundër krimit Komisionari i policisë së UNMIK-ut, Richard Monk tha të martën në Prishtinë se është goditur thellë nga ndërgjegjësimi i qytetarëve, të cilët po marshonin rrugëve të kryeqytetit duke shprehur mllefin me vrasjen e policit, Triumf Riza dhe kundër krimit në përgjithësi në vend.

Arrestohet personi që ka plaçkitur kasafortën e Drejtorisë së financave në Pejë Pas gati pesë muaj hetime, policia e Pejës ka arrestuar një 29 vjeçar, si të dyshuar për plaçkitjen e armatosur që është kryer në hapësirat e Drejtorisë komunale të financave në muajin prill.

Tërmkolli rithekson se reforma nuk parasheh largim të punëtorëve nga puna Ministrja e Shërbimeve Publike (MSHP), Melihate Tërmkolli, konfirmoi të martën se ka filluar zbatimi i projektit për rishikimin funksional të institucioneve qeveritare, përmes të cilit, sipas saj, parashikohet rishikimi apo analiza vertikale dhe horizontale e institucioneve të vendit.

Jezercasit dalin fitues me trysni: pushteti ua plotëson kërkesat Banorët e Jezercit të Ferizajt kanë dalë fitues me anë të trysnisë ndaj pushtetit. Këmbëngulja e tyre për të mos e dhënë ujin e lumit të fshatit...

Austria e interesuar për investime në komunën e Malishevës Zyrtarët komunal të Malishevës, shprehën të martën optimizëm se Austria do të financojë projekte...

Personat me aftësi të kufizuara në shërbimet komunale Kanë filluar punën praktike në administratën e përgjithshme në KK-në e Gjakovës, persona me aftësi të kufizuar të komunitetit të verbërve...

Gjatë verës kufijtë e Kosovës i kaluan 1 mil. veta Zyrtarë të Shërbimit Doganor të Kosovës (SHDK) dhe ata të Asociacionit të Sigurimeve, theksuan të martën në Prishtinë, se projekti i ashtuquajtur Integrimi i menaxhuar i kufijve (IMB), i cili është aplikuar në pikat kufitare të Kosovës, ka përmirësuar dukshëm kushtet e kalimit dhe ka zvogëluar kohën e pritjeve në kufi.

Lansohet projekti për ruajtjen dhe menaxhimin adekuat të trashëgimisë kulturore Ministria e Kulturës, Rinisë dhe Sporteve (MKRS), Zyra britanike në Prishtinë dhe Organizatën joqeveritare Trashëgimia kulturore pa kufij (CHWB), të martën në Prishtinë nënshkruan një Memorandum mirëkuptimi që ka për qëllim ngritjen e kapaciteteve kosovare për mbrojtjen dhe menaxhimin e trashëgimisë kulturore.

Hasani: Largohem sepse s’dua t’i shkelë ligjet në emër të koncesioneve Ushtruesi i detyrës së drejtorit të Institutit Albanologjik të Prishtinës (IAP), Ismail Hasani dha të martën dorëheqje nga ky post, siç tha, në shenjë reagimi ndaj përpjekjeve demagogjike për njollosjen e personalitetit...

...informacione të hapura:

 Mijëra qytetarë mbajtën në Prishtinë marshin protestues kundër vrasjes së policit, Triumf Riza
Mijëra qytetarë sot në Prishtinë mbajtën marsh protestues kundër vrasjes së policit, Triumf Riza, si dhe kundër akteve të krimit në vend. Moto e protestës ishte “Triumf gjithmonë me ty-marshi kundër krimit”. Marshimi ka filluar nga vendi i krimit në Dardani, për të vazhduar përmes Bulevardit “Nëna Terezë”, nëpër Rrugën “Luan Haradinaj” dhe Rrugën “UÇK-së” e deri tek Gjykata e Qarkut në Prishtinë, duke hedhur parulla që bënin thirrje për luftë kundër krimit. Në marsh, përveç kryeministrit Çeku të shoqëruar nga një delegacion dhe përfaqësuesve të partive politike, këtij marshi i janë bashkuar edhe një staf ndërkombëtar nga organizatat e ndryshme qeveritare dhe joqeveritare.
Kryeministri Agim Çeku premtoi angazhimin e qeverisë për ta luftuar krimin pasi, sipas tij, sundimi i ligjit është prioritet i parë i qeverisë që ai e drejton.
“Drejtësia do të triumfojë mbi krimin, këtë ia kemi borxh edhe Triumfit edhe shumë policëve të tjerë që kanë rënë në krye të detyrës. Por ia kemi borxh edhe Kosovës, edhe të ardhmes së saj. Ne vërtet jemi këtu për të dëshmuar vullnetin tonë për ta luftuar krimin deri në fund”, ka thënë kryeministri Agim Çeku.
Këtë premtim për ta luftuar krimin e dha kryeministri Agim Çeku, derisa bashkë me mijëra qytetarë marshuan sot nëpër rrugët e kryeqytetit për ta dënuar vrasjen e policit Triumf Riza.
Në marshin “Gjithmonë me ty”, organizuar nga vet qytetarët, të pranishëm ishin edhe shumë përfaqësues të institucioneve, partive politike, organizatave joqeveritare etj.
Ministri i Punëve të Brendshme, Blerim Kuçi, duke pranuar neglizhencën në sistemin e drejtësisë premtoi se në të ardhmen do të ketë më shumë koordinim në këtë drejtim.
“Ne kemi dal për të përkrahur çdo iniciativë që ka të bëjë me luftën kundër krimit. Së bashku me qytetarët ne do t’i koordinojmë këto çështje dhe besoj se do të jemi më të suksesshëm. Sa i përket gjyqësisë edhe ne i kemi disa vërejtje, nuk jemi të kënaqur me punën e gjyqësisë, mirëpo, ndoshta ky është një presion pozitiv për të filluar sa më shpejtë reforma në gjyqësi”, ka thënë ministri i Brendshëm Kuçi.
Qytetarët, që njëherësh ishin edhe organizatorë të marshit, fajin për vrasjen e Triumfit dhe shumë policëve e qytetarëve të Kosovës, ia hedhin drejtësisë që Kosovës, e cila sipas tyre, vetë e ka lejuar zhvillimin e krimit.
“Drejtësia në Kosovë nuk ka pasur ndonjë triumf të madh. Triumfi ka qenë një ithtarë i drejtësisë, ka qenë njeri shumë i drejtë. Një djalë i cili parimet e veta nuk i ka shkelur për asgjë, prandaj edhe u vra nga dora kriminele. Po të mos kishte qenë i tillë ndoshta do të ishte gjallë, por ja që krimi në Kosovë ka marrë përmasa më të mëdha se sa që e kemi menduar se do të merrte ndonjëherë”, thotë një qytetare.
Solidarizim me qytetarët që marshuan sot e ka shprehur edhe shefi i Zyrës britanike në Prishtinë, David Blunt.
“Vrasja e çdokujt është tragjedi. Vrasja e policit është sulm ndaj shoqërisë. E dënoj këtë akt brutal. Kam menduar gjatë për t’iu bashkangjitur marshit të sotëm, por erdha në përfundim se kjo është diçka që u takon vetë qytetarëve të Kosovës, pra mundësi që të shprehin atë që e ndjejnë. Por dua që ta dinë se shpirtërisht edhe unë kam marshuar me ju”, tha Blunt i cili në gjuhën shqipe ngushëlloi familjen e policit të vrarë.
Pjesëtari i Njësitit për Mbrojtje të Afërt të SHPK-së, Triumf Riza, është vrarë të enjten e kaluar në lagjen Dardania të Prishtinës. Lidhur me vrasjen e tij policia po i mban në paraburgim 10 persona.
Çeku, përsëriti se prioritet i qeverisë që ai e drejton vazhdon të jetë sundimi i ligjit.
“Ne ndoshta mund të mos kemi rezultate të plota, ashtu çfarë duhet, ose kërkon opinioni por nuk kemi mungesë vullneti. Ne jemi duke diskutuar me ministrin dhe komisionarin masat që duhet ndërmarrë me qëllim që të jemi shumë më aktiv në luftimin e krimin, dhe çrrënjosjen e krimit nga Kosova, nga jeta jonë e përditshme dhe mos të kemi raste të tilla”, ka thënë kryeministri Agim Çeku.
Deklarata e Komisionerit të Policisë Richard Monk
Derisa shikoja marshin e sponzorizuar nga Iniciativa Qytetare e Kosovës kundër Krimit dhe Korrupsionit i cili në qetësi parakalonte pranë Shtabit të Përgjithshëm të Policisë isha i goditur thellë nga ndërgjegjësimi i marshuesve që në karierën time policore asnjëherë nuk kam parë diçka të tillë. Përkrahja e treguar nga qytetarët e Kosovës për policinë sot ishte e jashtëzakonshme. Dhe fakti që pjesmarrja e shumë të rinjve sot ka përforcuar krenarinë time për popullin e Kosovës. Në fytyrat e policëve përreth meje mund të shihja se ata ishin të befasuar dhe të frymëzuar.
Demokracia është e vështirë për punën policore. I vë policët në pozita të jashtëzakonshme dhe të rrezikshme. Derisa ata e pranojnë këtë si pjesë të punës së tyre, kur ata kuptojnë se kanë përkrahjen e popullit, puna bëhet shumë më e lehtë. Këtë përkrahje ne e pamë sot. Dhe e di se familja e Triumf Rizës ndihet në të njëjtën mënyrë.
Puna policore ka rezultat kur policija dhe komuniteti punojnë së bashku. Askush nuk mund ta kryejë këtë punë i vetëm. Neve na duhet ndihma e secilit person në Kosovë për të na ndihmuar t'a luftojmë krimin dhe korrupsionin. Mos lejoni që shkeljet e ligjit t'ju mallkojnë jetët tuaja dhe mbani fëmijët tuaj larg lulëzimit të tij. Kur komuniteti punon së bashku që krimin të mos e lejoj në lagjen e tij, atëherë të gjithë ne fitojmë".

Harchenko paralajmëron bisedime direkte Prishtinë-Beograd në fund të shtatorit  Përfaqësuesit e Serbisë dhe Kosovës do të zhvillojnë bisedime të drejtpërdrejta për statusin e ardhshëm të Kosovës në pjesën e dytë të këtij muaji, ka deklaruar përfaqësuesi rus në treshen negociatore, Aleksandër Botsan Kharchenko. Në një intervistë për gazetën “Vremija Novosti” ai ka thënë se nëse dialogu i drejtpërdrejtë zhvillohet, kjo do të jetë "pikë kthese" në procesin negociator. Sipas të dërguarit rus nuk përjashtohet mundesia që në bisedime Beogradi të përfaqësohet në nivel më të lartë.
Ai tha se palët në Vjenë kanë shprehur gatishmërinë për mbajtjen e dialogut të drejtpërdrejtë në New York. Gjatë intervistës për gazetën ruse, Harchenko po ashtu ka thënë se Grupi i Kontaktit në Vjenë ka diskutuar edhe për ndarjen e Kosovës.
“Ne jemi fokusuar në këtë çështje gjatë takimeve me palët. Beogradi dhe Prishtina kanë thënë se kjo është e papranueshme dhe kjo nuk është në agjendë“, ka deklaruar Harchenko, duke shtuar se treshja do të pranojë çdo vendim që është i pranueshëm për të dyja palët.

Plasnik thërret për ruajtjen e unitetit të BE-së rreth Kosovës
 Ministrja e Jashtme e Austrisë Ursula Plasnik tha se Kosova nuk është test i pjekurisë vetëm për politikën e jashtme të BE-së, por edhe provim i pjekurisë evropiane për Beogradin dhe Prishtinën. "Kemi interes të përbashkët që të ruhen uniteti dhe vendosmëria e Bashkimit Evropian. Kjo është edhe në interesin e Beogradit dhe Prishtinës. Serbia dhe Kosova duan të inkuadrohen në Bashkimin Evropian, e jo në Rusinë apo Shtetet e Bashkuara", u ka thënë Plasnik ambasadorëve të Austrisë. Ajo ka paralajmëruar se në Vjenë do të organizohet një konferencë e grave nga Kosova dhe Serbia.

Jep dorëheqje drejtuesi i deritashëm i Institutit Albanologjik Përmes një deklarate për media, bëhet e ditur se drejtori i deritashëm i Institutit Albanologjik, Ismail Hasani, ka dhënë dorëheqje. Vendimi pason problemet e shfaqura lidhur me statusin e akademik Rexhep Qosjes dhe lidhur me çështje të tjera të shfrytëzimit të objektit të Institutit. Hasani akuzon "klanin e Qosjes", duke thënë se "rezistenca kundër procesit të reformimit bashkëkohor të Institutit Albanologjik, është frikë e shkencëtarëve të rrejshëm nga konkurrenca e vlerave, është përpjekje për të ruajtur privilegjet e fituara pa meritë dhe orvatje për të fshehur paligjshmërinë".
"Gjithçka që kam ndërmarrë gjatë kësaj periudhe sa kam qenë në krye të Institutit Albanologjik të Prishtinës, e them me plot përgjegjësi morale e penale, ka qenë e bazuar në ligjshmëri dhe pa asnjë tendencë personale" thotë ai.
"Po largohem nga Instituti Albanologjik, me ndjenjën e keqardhjes se humbi një shans i mirë për çlirimin e këtij institucioni nga mendësia e së kaluarës dhe fudullëku, të cilin qytetarët e Kosovës e kanë ndëshkuar me kohë", thotë nder tjera Ismail Hasani.

Kriza energjetike nuk ka rënduar ekonominë, thotë Bode Ministri i Financave të Shqipërisë, Ridvan Bode tha sot se kostoja financiare e shkaktuar nga mungesa e energjisë në Shqipëri është e barabartë me mbi 110 milionë dollarë. Por, ministri Bode shtoi se kjo situatë ende nuk ka krijuar pasoja negative në ekonomi, pasi është ende herët për të matur efektet. Ministri Bode garantoi se frika mbi pasojat ekonomike
nuk mund të ekzistojë sepse situata po menaxhohet, pasi edhe inflacioni ka qenë më i ulët se në vitin e kaluar.

Uragani Felix i afrohet Amerikës Qendrore Dhjetëra mijëra njerëz janë strehuar dhe shumë të tjerë janë evakuuar, ndërsa uragani Felix i është drejtuar Amerikës Qendrore. Stuhia e shkallës 4. po bëhet gjithnjë e më e fuqishme teksa u afrohet brigjeve të Nikaraguas dhe Hondurasit me shpejtësi prej 260 km/orë. Fuqia e uraganit ka rritur frikën se mund të përsëritet skenari i vitit 1998, kur një stuhi e ngjashme shkaktoi vdekjen e 10 mijë njerëzve në Amerikën Qendrore.

Sot në Sidnej fillon takimi i rregullt i vendeve të Azi-Paqësorit Sot në Sindnej të Australisë fillon takimi i përvitshëm i vendeve të Azi- Paqësorit, ku pritet të marrë pjesë edhe presidenti amerikan Xhorxh Bush. Në fokus të takimit pritet të jenë çështjet ekonomike dhe ato të mjedisit. Pjesëmarrësit priten të kërkojnë arritjen e një lloj konsensusi për çështjen e debatueshme të ndryshimeve klimatike. Në margjina të takimit presidenti Bush do të zhvillojë edhe takime kokë më kokë me udhëheqësit rajonalë.

...informacione shkeputur nga dje:

Serbët lokalë demolojnë pesë vetura në magjistralen Gjilan-Bujanoc Policia në Gjilan ka bërë të ditur për vandalizimin e pesë veturave në afërsi të enklavës së Ranillugut nё rrugën magjistrale Gjilan-Kamenicë. Togeri Ismet Hashani ka bërë të ditur se nё pjesën e rrugës përball fshatit Ranillug, në orët e hershme të mëngjesi të ditës së sotme, pesë automjete civile janë gjuajtur me gurë dhe mjete tjera tё forta, me kёtё rast tre persona tё gjithë Shqiptar – Kosovar janë lënduar si pasoj e këtyre gjuajtjeve dhe kanë kërkuar ndihmën e mjekut ne qendrën e mjekёsisё familjare ne Kamenicë.
Ai ka bërë të ditur se nё vendin e ngjarjes kanë dal njësitet policore nga Kamenica ku kanё gjetur disa dëshmi si shishe alkooli dhe grafite tё shënuara ne gjuhën serbe.
“Motivet e këtij sulmi vandal nuk dihen, rasti ёshtё duke u hetuar”, ka thënë toger Hashani, zëdhënës i SHPK-së në Gjilan.

Në Kushevicë të Podujevës policia zbulon dhe konfiskon rreth 4 mijë fije drogë - kanabis sativa  Përmes një komunikate për opinion policia ka njoftuar se sot në fshatin Kushevicë të Podujevës janë zbuluar dhe konfiskuar rreth 4 mijë fije për të cilat dyshohet të jenë drogë e llojit Kanabis Sativa. Aksioni është kryer nga Njësiti rajonal për hetimin e krimit respektivisht specialistët e luftës kundër drogës. Më tutje policia sqaron se bimët e dyshuara janë gjetur të mbjella në një parcelë prej 4 - 5 ari, zonë kjo e cila për një kohë relativisht të gjatë kishte qenë nën vëzhgimin e policisë.
Në vazhdimësi të këtij operacioni, respektivisht menjëherë pas gjetjes së bimëve të dyshuara, policia ka filluar kërkimin e të dyshuarve dhe se aktualisht janë duke u intervistuar disa persona të cilët kanë pasur lidhje me mbjelljen e fijeve të dyshuara, thuhet mes tjerash në një komunikatë për opinion nga Zyra për marrëdhënieve me publikun dhe mediat, pranë Komandës Rajonale në Prishtinë.

Amerikanët festojnë Ditën e Punës
03 shtator 2007 - Sot në Shtetet e Bashkuara është Dita e Punës, një festë që kremtohet të hënën e parë të shtatorit.

Kjo festë u krijua nga lëvizja punëtore mbi 100 vjet më parë, në respekt të kontributit të mbarë punonjësve dhe më vonë u shpall festë federale. Në mesazhin e përvitshëm me rastin e kësaj feste,

Presidenti Bush tha se begatia e vendit është realizuar në saj të punës së palodhur dhe mjeshtërisë së burrave dhe grave punëtore. Kjo ditë zakonisht kalohet me aktivitete zbavitëse, si pikniqe me familjen dhe miqtë.

---

arkiv: lajmet Gusht 2007

---