Një numër i ekspertëve shqiptare i kane shpalosur këto mangësi të kësaj marëveshjeje që më 2001. Megjithatë, rrethanat politiko-ushtarake te asaj kohe si dhe ndikimi i fuqishem i qendrave nderkombetare te vendosjes bënë që kontrata te nenshkruhej e tille ç'farë është sot. Por zhvillimet e pergjithshme shoqërore - (politike, ekonomike,demografike, kulturore etj ) nuk jane procese statike, të ngurta, të pandryshueshme në vete.Ato ndryshojne, lëvizin, marrin forma tjera me kalimin e viteve, në kohë dhe hapësirë.Kështu edhe raportet e brendshme në Maqedoni janë në ndryshim te vazhdueshem me kalimin e kohës.

Këto raporte regullohen me aktet më të larta ligjore të vendeve sovrane, pra me kushtetutë dhe ligje.Marrëveshja e Ohrit me gjithë të metat e saj është pjesë përbërëse e kushtetutes.Ajo nuk realizohet në plotësine e saj gati tet? vite.Për këto dhe shume arsye tjera partitë politike fituese të zgjedhjeve te blloku shqiptar (n? këte rast BDI) duhet t? ndryshojnë strategjinë e veprimit politik.Kur themi ndryshim strategjie, nuk kuptojme edhe ndryshim te mjeteve.Mjetet mbeten gjithmonë procesi politik demokratik dhe lufta politike brenda institucioneve shtetërore dhe për këto institucione.

Bashkimi Demokratik për integrim, si trashëgimtare e vlerës më të madhe kombëtare të shqiptarëve në Maqedoni që nga lufta e dytë botërore -Ushtrise Clirimtare Kombëtare - u tregua i përkushtuar n? mbrojtjen e vlerave të demokracisë si në zgjedhjet e vitit 2006 ashtu edhe me 1 e 15 qershor 2008.Per më tepër qendrimi i Bashkimit Demokratik per Integrim në bisedat e 2006-ës për formimin e qeverisë me mandatarin Gruevski ishte parimor dhe shumë i drejtë.Dështimi i këtyre negociatave nuk mund ti faturohet BDI-së.Ishin tjera arsyet që shtynë VMRO-në të ndërmarrë veprime gati gati aventureske per mosrespektimin e vullnetit legjitim te shqiptarëve në vend.E bëri këtë ngaqë ia sugjeruan qarqet sërbë, bullgare apo greke, e bëri që ti shërojë komplekset e vitit 2001, apo veproi k?shtu i shtyrë nga nacional-shovinizmi primitiv që në disa raste e karakterizon veprimin dhe mendimin politik të kësaj partie është irelevante sot dhe këtu.Fakt është se qeveria maqedonase e formuar më 2006 nuk kishte legjitimitetin e duhur demokratik që të qeveriste këtë vend, së paku jo në pjesët perëndimore të tijë.
Kjo keqqeverisje e Vmro-se dhe marionetës së saj Pdsh, shkaktoi kriza të pandërprera politike të cilave duhet t'iu vije fundi me formimin e qeverisë së re mes fitueses shqiptare BDI-se dhe asaj maqedonase (këtu maqedonase në kuptim etnik) Vmro. Por Bashkimi Demokratik per Integrim në asnjë mënyrë nuk mund të bjerë pre e malverzimeve shantazuese që i shohim ditët e fundit në mediat e shkruara dhe vizive maqedonisht-folëse.

Deklaratat e kohëpaskohshme të Gruevskit dhe ministrit të tijë infantil të punëve të jashtmë se në qeveri "do të përfshihet ajo parti shqiptare që respekton standardet demokratike" janë për shqiptarët më tepër se fyese dhe denigruese.Për tu shprehur më drejtë, këto jane deklarata fashizoido-raciste të nxjerra ndoshta nga fjalori i fillimviteve të shekullit XIX t? kolonialistit anglez në Afrikë Cecil Rhodes-it, apo nga fjalori i diktatorëve të banana-republikave Amerikano-latine të viteve 1960-90 që deklaronin se "do i jepnin popullit parlamentarizmin kur ky të piqej për demokraci". Procesi zgjedhor i 1 qershorit u shkatërua nga struktura të uniformuara dhe pa uniforma të MPB-së dhe shërbimeve tjera shtetërore nën kontrollin direkt qeveritar të Gruevskit, njëjtë sikundër nën presionin ndërkombëtarë po këto struktura treguan se kur janë të interesuara mund të garantojneë zgjedhje të lira e të drejta si ato te pjesshmet më 15 qershor.BDI i fitoi me meritë këto zgjedhje dhe ajo dhe vetëm ajo medoemos të jetë pjesë e ekzekutivit të vendit si përfaqësuese e shqiptarëve në të.Pra, ta themi edhe njëherë shumë qartë e pa ekuivoke: BDI- si fituese absolute e votave shqiptare duhet të jetë parti e vetme shqiptare në qeveri.

Përndryshe, nëse Gruevski vazhdon me manipulime të tipit "dy parti shqiptare" në qeveri, atëherë BDI duhet te insistojë në masë të njëjtë për përfshirjen edhe të një partie etnike maqedonase në qeveri, e kjo natyrshëm i bie të jetë partia e dytë për nga numri i votave maqedonase-LSDM. Ose do respektohen procedurat dhe përvojat demokratike të cilat në gjithë botën e demokracisë parlamentare thonë qartë që fituesi formon qeveri, ose le të realizohet maksima e Gruevskit - "të gjithë në qeveri".Por kjo të "gjithë në qeveri" duhet te vlejë njëkohësisht si për shqiptarët ashtu edhe për maqedonasit etnikë në shtetin dyetnik e shumëetnik të Maqedonisë..Kjo tu b?het më shumë se e qartë edhe disa ndërkombëtarëve të cilat shpehsherë shfaqin tendenca të rënies në pozitat e "më të fortit".Dhe "të fortin" në këtë rast si rezultat i numrave te votave të fituara duket se po e luan Vmro e Gruevskit bashkë me kompani.

Për këto dhe shumë arsye tjera, e sidomos për faktin e gabimeve të rënda të së kaluarës kur nuk realizoi marrëveshjen e Ohrit dhe nuk u imponua sa duhet dhe si duhet në qeveri, Bashkimi Demokratik per Integrim duhet te jetë i vendosur që të mos bëhet pjesë e qeverisë së ardhshme pa përmbushjen e së paku nëntë kushteve kryesore që do i shpalosim në vazhdim. 1.Preambula e kushtetutes - (komb shtetformues, bartës i sovranitetit, "lufta e perbashket"..etj)

Preambula apo pjesa hyrëse e kushtetutës megjithëse nuk përbën detyrim juridik është shumë e rëndësishme pasi shpreh karakterin, brendinë si dhe frymën në të cilën është përpiluar (miratuar) ajo.Prandaj që në preambulë është e nevojshme që të bëhen ndryshimet e nevojshme të cilat do hapnin rrugën dhe njëkohësisht do ishin edhe në frymën e ndryshimeve tjera të mëdha e të domosdoshme që do pasonin atë.Preambula e sotme e kushtetutës së këtij vendi është e papranueshme për popullin shqiptar këtu.Ajo nuk shpreh vullnetin e qytetarëve shqiptarë, te cilët siç e përsërisim vazhdimisht, në bazë të standardeve ndërkombëtare e europiane duke u bazuar ne numrin e tyre tek popullsia e gjithmbarshme në këtë shtet, duhet medoemos te pyeten për vendime të tilla kardinale e substanciale si çështja ne fjalë.

Kombi shqiptar në Maqedoni është automatikisht popull shtetformues në bazë të fuqisë numerike si dhe autoktonisë teritoriale të tij.Duke u bazuar në këtë, në preambulë bashkë me kombin maqedonas si bartës i barabartë i sovranitetit duhet te emërtohet tekstualisht edhe kombi shqiptar.Të hiqet menjëhere ajo fjalia mbi "pjesën e kombit shqiptar"që i barazon 30 % shqiptarë të popullsisë së Maqedonisë me 2% romë, 2% sërbë , 2% Vllehë, e 2% pseudo"turq" dhe të vendoset urgjentisht fjalia si vijon -"bartes te perbashkët të sovranitetit në Republikën e Maqedonisë jane dy kombe të barabarta - kombi maqedonas dhe kombi shqiptar të cilët e krijuan këtë shtet me koncenzuzin e tyre te përbashkët politik".Jo me luften e tyre pasi shqiptarët kanë luftuar që të shtetformohen vetë si Shqipëri në të gjitha tokat e tyre, kurse shumica e maqedonasve në atë kohë as që jane marrë me çështje të tilla politike e shtetformuese.Edhe vetë kryengritja e a.q e "Shën Ilisë" më 1903 e njohur edhe si beteja për Republikën e Krushevës ka qenë një aferë e përbashkët e qarqeve nacionaliste bullgare te Sofjes, disa nacionalistëve të paktë në numër maqedonas pro-bullgarë si dhe në shumicë çështje dhe betejë e shqiptarëve muslimanë e ortodoksë si dhe vllehëve te Maqedonisë perëndimore për çlirim nga okupatori Turk e jo e shumicës së maqedonasve të atëhershëm, të cilët në atë kohë kanë qenë te dyzuar në lojalitetin e tyre të dyfishtë etnik duke u paraqitur herë si bullgarë dhe herë si sërbë.

Si atëherë edhe sot e kësaj dite Maqedonia perëndimore (ku gjendet Krusheva) ka qenë në shumicë derrmuese e banuar nga shqiptarë muslimanë, shqiptarë ortodoksë dhe pak katolikë si dhe nga disa xhepa te vegjël të vllehëve dhe sllavëve të papërcaktuar etnikisht.Andaj preambula e gënjeshtërt nga ana historike duhet të hidhet poshtë si falsifikat i pastër historik dhe të rishkruhet urgjentisht.Sepse falsifikimi i historisë sjell rreziqe të mëdha për të ardhmen e rajonit sic shihet qartë në kontestin gati 20 vjecar Athinë-Shkup për çështjen e emrit.Për këtë më poshtë.Këtu neve na intereson më shumë që shqiptarët të paraqiten në preambulë si element konstituiv dhe bartës i sovranitetit - njëjtë dhe të barabartë me maqedonasit etnikë. E kjo medomos të ndodhë pasi "sovraniteti buron nga populli, është në duart e popullit për popullin". Dhe populli në Maqedoni është 30% shqiptarë.Nëse nuk ndahet sovraniteti atëherë do ndahet populli bashkë me teritorin e popullit.

2.Gjuha zyrtare

Kushtetuta e Republikës së Maqedonise duhet të përcaktojë qartë që "në gjithë teritorin e vendit si dhe në marrëdhëniet me jashtë gjuhë zyrtare dhe shkrim zyrtar janë gjuha maqedone dhe shkrimi i saj cirilik dhe gjuha shqipe dhe shkrimi i saj latin".Kjo të qendroje tekstualisht në kushtetutë.Perqindjet e tipit 20 apo 30 janë të parapara si mekanizma te organizmave ndërkombetarë të sferës së lirive e të drejtave të njëriut që meren me mbrojtjen e minoriteteve.Shqiptarët në Maqedoni nuk kanë qenë, nuk janë e as që e kanë ndërmend që të jenë ndonjëherë minoritet në trojet e veta etnike.Kjo shkaku i numrave e jo për ndonjë arsye nacionaliste apo ekstremiste siç propagandon nacional-shovinizmi sllav, se gjoja shqiptarët kërkojnë shumë e gjithmonë dalin me kërkesa të reja.Apo siç shkruan me eufemizma ndonjë dashamirës europian i shovinizmit maqedonas " shqiptarët në Maqedoni janë një minoritet shumë aktiv politikisht".Shqiptarët nuk kërkojnë asgjë më shumë se ç'u takon në bazë të të gjitha konventave ndërkombëtarë që i regullojnë çështjet nga këto fusha.
Nuk ka shtet në hartën politike të kontinentit europian ku gjuha e 25% te banorëve (shtetasve) të tijë mos të jetë edhe gjuhë zyrtare ne gjithë teritorin e atij shteti.Për më tepër, shtete me përkatësi etnike të përzier të perafërt me shifrat e Maqedonisë si Belgjika, Zvicra apo Bosnja e Hercegovina shkaku i këtyre numrave jane regulluar me kushtetute e me marrëveshje ndërkombëtare si shtete të përbëra, d.m.th si federata e konfederata.Shqiptarët në Maqedoni kane pranuar rregullim unitar e centralist te shtetit e pushtetit.Ky është një lëshim i pafalshëm i klasës politike shqiptare këtu, i bërë të detyruar në një masë të madhe nga rethanat gjeopolitike të së kaluarës dhe në një masë më të vogël nga paaftësia dhe mediokriteti korruptiv i atyre vetë.Por më 2008, në mes të Europës, të instalohen praktika gjuhësore mesjetare, pra të vendosen kufizime përqindjesh minoritare për gjuhën e një kombi i cili lëviz nga 25-35% të numrit të popullsisë!!!.Kjo ndodh vetëm në Maqedoni dhe vetëm më shqiptarët.Nuk ka rast tjetër të ngjashëm në gjithë Europën.Ndodh edhe në Greqi (rasti me 2 milione arvanitët), por në një konteskst dhe rethana krejtësisht tjera.Nuk mund të kufizohet me përqindje gjuha shqipe në Maqedoni.Përqindjet janë praktikuar për mbrojtjen kulturore të minorancave të tilla si vllehet, sërbët, romët, grekët, bullgarët, kroatët, boshnjakët, si dhe për të ashtuquajturit"turq" - të cilët në realitet ekzistojnë vetëm në pjesë të caktuara të Maqedonisë lindore e për grupe tjera numerikisht të papërfillshme.Këto përqindje nuk mund të aplikohen asesi e kurrësesi për gjuhën e një kombi shtetformues që përbën zyrtarisht 25 e jozyrtarisht mëse 35 % të numrit të përgjithsshëm të popullsisë ne këtë vend.

3.Simbolet shtetërore

Asnjë nga shtetet europiane dyetnike apo shumëetnike që kanë proporcione të pëerafërta të përzierjes etnike si Maqedonia, pra Belgjika, Zvicra apo Bosnja dhe Hercegovina nuk i kan? vendosur simbolet me karakter etnik te vetëm një grupi te caktuar etnik si simbole shtetërore të detyrueshme për gjith banorët e tijë.Nje rast i tillë unikat në Europe ekziston vettem në Maqedoni (dhe ne kushte të caktuara edhe në Greqi me masën dy milionëshe shqiptare "arvanitoi") ku simbolet etnike me të cilat vetë-identifikohet populli (kombi) maqedonas jane shpallur njëkohësisht edhe si simbole zyrtare identifikuese brenda e jashtë shtetit të Republikes dyetnike e me shumë minoranca tjera të Maqedonisë. E kjo eshtë bërë pa vullnetin e qytetarëve shqiptarë, që per nga numri i popullsisë kanë të drejtë të pyeten n? këso rastesh.Dhe jo vetëm që kanë të drejtë të konsultohen por edhe nuk mund të vendoset pa miratimin e tyre.Kjo del nga numrat e banorëvë qe sot bashkëjetojnë në vendin tonë.Kjo buron nga vetë demokracia koncenzuale mbi të cilën pretendohet te ndërtohet ky shtet, që gjeografikisht shtrihet në Europë.Pra, flamuri shtetërorë, himni shtetërorë (kombëtarë) si dhe stema e Republikës kërkohet te përmbajnë në vete elemente identifikuese të dy kombeve shtetformues ose të jene tërësisht neutrale nga ana etnike.Kështu i kanë rregulluar flamujt, himnet e stemat e tyre Zvicra, Belgjika,Bosnja Hercegovina, bile edhe Kosova e 94% shqiptarëve etnikë.Këto janë rregullat e vendosura nga Bashkimi Europian drejt të cilit aspirojmë gjithë së bashku.Nuk mund në këtë shtet ku edhepse më shumë se 40% e popullsisë s'ka lidhje me kulturën sllave e maqedonase, prapë se prapë simbolet etnike te këtij grupi sllavo-jugor imponohen si simbole shtetërore të Republikës së Maqedonisë.Kjo cështje duhet të marrë zgjidhje të menjëhershme e sa më baraspeshuese të mundshme.

4.Bartesit e tre posteve kryesore shtetërore

Njëri nga tre postet kryesore reprezentative ose ekzekutive, edhe atë: posti i kryeministrit, kryetarit të parlamentit ose kryetarit të shtetit (presidentit te Republikës) medoemos tu takojë shqiptarëve etnikë ne vend.Kjo mund te arrihet shumë lehtë me një ndryshim të vogël në dispozitat kushtetuese dhe në ligjin mbi zgjedhjen e kryetarit të republikës.Pra,presidenti të zgjidhet (votohet-emërohet) nga parlamenti e jo nga populli.Kjo do kishte si pasoje marjen e disa kompetencave të rëndësishme nga kryetari (presidenti) dhe delegimin apo dhënien e po këtyre kryeministrit dhe kreut te kuvendit.Në këtë mënyrë dobësohet ndjeshëm fuqia ndikuese e Presidentit n? çeshtjet administrativo-ekzekutive.Si zakonisht presidentët e zgjedhur në mënyrë të drejpërdrejtë nga populli kanë fuqi më të madhe vendimmarrëse se kryetarët e emëruar nga kuvendet.Por forma të ndërmjetme të zgjidhjes së kontesteve e formulime të mundshme juridike kanë ekzistuar gjithmonë.Politika shqiptare në Maqedoni duhet të luftojë e kujdeset për sa më shumë kompetenca të një presidenti të ardhshëm të zgjedhur nga Parlamenti republikan në bazë të dispozitave të reja kushtetuese..Kryesorja është që njëri nga bartësit e tre funksioneve kryesore ne këtë vend të jetë perfaqësues i 30% të popullsisë shqiptare këtu.

5.Formimi i qeverisë pas zgjedhjeve te lira, të drejta e dyetnike

Të përcaktohet qartë me dispozite kushtetuese që "ne nje shtet te tille unitar të centralizuar e dyetnik (bietnik) si Fyromi i sotëm, qeverinë e formojnë partitë politike fituese që perfaqesojne maqedonasit etnikë apo me anëtarësi etnike maqedonase dhe partia politike fituese përfaqësuese e shqiptarëve etnikë ose me anëtarësi etnike shqiptare".Pra, ky parim të bëhët urgjentisht pjesë e kushtetutes.Nuk ka këtu parim të dyfishtë apo Badinter.Në kushtetutë të shkruhet tekstualisht e pikë për pike ajo qe thamë më lartë.Gjithashtu zgjedhjet të jenë të lira, të drejta, transparente, të monitoruara nga ndërkombëtarë e vendorë njëkohësisht dhe të pranuara si të tilla nga populli shqiptar në Maqedoni, nga vëzhgues të paanshëm ndërkombëtarë si dhe nga Republika e Shqipërise e Republika e Kosovës si dy shtete shqiptare të interesuara për stabilitet në rajon.Pasi shumë lehtë mund të ndodhë të këmi "zgjedhje" si ato të 1 qershorit ku nga strukturat policore shtetërore maqedonase u vodhën gati 50 % e votave të qytetarëve shqiptarë.Faktori politik nga Shqiperia dhe Kosova, intelektualët e njohur shqiptarë, intelegjencia shqiptare bashkë me opinionin publik përparimtar në vend dhe jashte tijë, duhet te ushtrojnë presionin e tyre të domosdoshëm që kjo marreveshje të respektohet dhe të pranohet si dispozitë kushtetuese edhe nga humbësit shqiptar137 të zgjedhjeve.

6.Numri i Ministrive

Duke pasur parasysh që ministritë jane?organet më të larta të adinistrateës publike apo organet më të larta shtetërore që përcaktojnë-planifikojnë, hartojnë-zhvillojnë dhe kontrollojnë-mbikëqyrin zhvillimet e gjithmbarshme politike e ekonomike në një shtet, kërkohet të bëhet një riregullim transparent e mjaft demokratik edhe i burokracisë qeveritare ne Maqedoni.Numri i ministrave shqiptarë në kabinetin e sotëm me 15 ministra të mos jetë kurrë më i ulët se gjashtë-shtatë (6-7).Në tre rastet e mëposhtme, njëra nga tre ministritë medoemos të jetë me ministër shqiptarë, edhe atë:

a).Ministria e mbrojtjes ose e punëve të brendshme
b).Ministria e ekonomisë ose e financave
c).Ministria e punëve të jashtme ose e drejtësisë
Te ministria e punëvë të jashtme është i domosdoshëm kompromisi, pasi edhe shqiptarët duhet të udh?heqin me këtë ministri në periudha të caktuara kohore.
Përvec këtyre ministrive, shqiptarët duhet te insistojnë edhe në ministrite e transportit dhe lidhjes, arsimit dhe kulturës pasi në këto fusha kemi ngecje gati shekullore si komb.
Infrastruktura e qyteteve shqiptare është e ngjashme me orientalizmin primitiv të tipit "Afganistani i luftës civile", kurse arsimi dhe kultura jone kombëtare gjenden pak mbi nivelin mesjetarë të saj. Në gjithë ministritë tjera ku shqiptarët nuk janë ministra, zëvendësministri të jetë medoemos shqiptarë etnik (nga partia fituese e zgjedhjeve kuptohet).Gjithashtu sekretarët shtetërorë të përfshihën së paku në numër të njëjtë me ministrat e z.ministrat.Pjesa tjetër e titullarëve më të ulët si dhe e administratës tjetër publike jopolitike, në përgjithësi të reflektojë përqindjet e popullsisë në gjithë vendin.Këtu të kihet kujdes e të mos lejohet që në emër të shqiptarëve ne organet shtetërore të punësohen persona apatridë e pa ndjenja kombëtare të cilët ne shtëpite e tyre nuk flasin shqip, sic ndodh zakonisht në Gostivar, e më pak në pjesë tjera të vendit.

7.Çështja në lidhje me emrin e vendit

Greqia dhe Serbia si dy femijë ilegjitimë të Rusisë dhe Europës kanë qenë deri vonë të përkëdhelurat e ketyre dy gjigantëve botërorë.Perderisa Sërbia me agresionet e hapura dhe masakrat ç'njerëzore të viteve 1990-99 e ka humbur këtë dorë të butë që e financonte e ndihmonte vazhdimisht, Greqia vazhdon të jetë e perkëdhelura (tani pa shoqërinë sërbe) e Europes, Rusisë e Amerikës njëkohësisht.Duke qenë gruaja e Rusisë dhe dashnorja e perëndimit, e për më tepër duke u financuar prej tij, Greqia e kamuflon paksa politikën e saj shoviniste, por shpirti agresiv bizantin i mësuar historikisht me zhvatjen e teritoreve e ç'do gjëje tjetër të huaj nuk gjen dot qetësi.Në vazhdën e kontesteve artificiale dhe tensioneve absurde që i prodhon vazhdimisht shteti grek ne marrëdhënie me të gjithë fqinjët e tij hyn edhe absurditeti më i madh nga të gjithë: çështja e emrit kushtetues te Maqedonisë.Ka nja 20 vite që Greqia merret me këtë "çështje të re kombëtare" të saj.Aty kah vitet 1986-87 duke parandjerë shpërbërjën e ish-Jugosllavisë (apo ndoshta edhe të mirëinformuar nga aleati i tyre Millosheviqi), grekët ndermorrën një reformë (organizim të ri territorial) duke bashkuar tre provincat e tyre veriore në kufi me Jugosllavinë e atëhershme.Provinc?n e re të sapoformuar në kuadër të ndarjeve të tyre administrative e quajtën me një emër të ri: Maqedonia (Makedonia).Me këtë i paraprinë edhe pavarësimit të Maqedonisë, të cilën u përpoqën ta ndajnë bashkë me Sërbinë, dhe do e kishin realizuar planin po të mos ishte fobia greke nga ujku turk që u qendron grekëve si shpatë Damokleu mbi kokë dhe memzi pret ndonje rast të "thyerjes se integritetit territorial"të ndonjë vendi nga Greqia, qe t'ia marre kësaj pastaj ishujt e Egjeut, të cilët ishuj edhe ashtu në bazë te së drejtës ndërkombëtare detare duhej ti takojnë Turqisë. Me pavarësimin e Maqedonisë më 1991-92 atavizmat greke u ngritën në qëndrime zyrtare të diplomacisë e shtetit grek.Thelbi i çështjes qëndron në pretendimet greke se "sllavo-maqedonët", sic i quajnë ata maqedonasit e sotëm u vjedhin historinë, kulturën dhe në një të ardhme ndoshta jo shumë të largët mund të paraqesin edhe pretendime teritoriale ndaj "Maqedonisë greke".Tani, që maqedonasit e sotëm bëjnë disa përpjekje krejtësisht absurde e joshkencore që të vjedhin historinë e maqedonasve antikë është shumë e vërtetë.Maqedonasit e sotem janë sllavë etnikë të jugut me fe ortodokse që s'kanë asnjë lidhje gjuhësore me maqedonët antikë.Edhe uzurpimi i simboleve antike maqedone si p.sh "Dielli i Verginës"eshtë një nga sëmundjet e shumta greko-sllave ballkanike për përvetësimin e kulturave të huaja, një process që ndodh pa u ndalur përgjatë gjithë historisë sonë të njohur.Është një process historik i vjedhjeve, plackitjeve, vrasjeve masive-gjenocideve e asimilimeve ku si gjithmonë më të humbur dalin shqiptarët.E ku si gjithmonë, greke e sllavë bëhen bashkë kundër shqiptarëve.Por,edhe grekët nuk kanë asnjë të drejtë të pretenduar historike ndaj maqedonëve antikë.Populli antik maqedon është cilësuar nga të gjithë autorët antikë grekë si "barbar" d.m.th jogrek.Poashtu edhe fiset ilire q? banonin në atë që shovinizmi grek e quan sot "Epir"apo kontinent, autorët antikë grekë i quanin njëjte si "barbare", pra jogrekë.Madje maqedonasit antikë një kohë të gjatë nuk pranoheshin nga fiset greke në lojërat olimpike pasi ishin "barbaroi" - jogrekë.Tjetër gjë pastaj se Leka i Madh (Aleksandri i Maqedonisë) e simpatizonte kulturën greke apo se mësuesi i tij ishte "greku"me origjinë barbare Aristoteli.Maqedonasit antikë nuk ishin grekë etnikë.Gjuha e maqedonasve megjithë ndikimet e influencat greke që ishin të natyrshme për atë kohe s'ka asnjë lidhje me greqishten e vjetër.Prandaj në këtë luftë të pandershmë ndaj njëri-tjetrit gabohen rëndë të dyja palët.Por, grekët e maqedonasit e sotëm sllavishtfolës dine c'bëjnë. Tani,vëmendja dhe fokusi i intersimit tonë për këtë çështje ka të bëjë me qëndrimin ndaj këtij problemi të participientit shqiptarë në qeverinë e ardhshme te Maqedonisë.Bashkimi Demokratik per Integrim, si fitues i zgjedhjeve te popullata shqiptare ne Maqedoni dhe si perfaqesues i vullnetit politik të më shumë se 800.000 shqiptarëve duke i mbrojtur të drejtat historike të shqiptarëve duhet të përzihet fuqishëm në çështjen e emrit.Është shumë e rezikshme që 30% e popullsisë të mos përfaqësohet në këto bisedime që percaktojnë vetë emrin e shtetit te tyre.Qeveritarët shqiptarë ne ekzekutivin e Shkupit duhet t? jenë shumë të kujdesshëm në lidhje me mundësite e ndryshme të ndonjë kompromisi të mundshëm greko-sllavo-maqedonas në kurriz te së kaluarës, te tashmes dhe të ardhmes shqiptare këtu.Ministrat shqiptarë në qeveri të jenë pjesë aktive, serioze dhe konstruktive në këto bisedime.Një ndër kushtet e BDI-së për formimin e qeverisë së re të jetë edhe përfshirja e plote e me kompetenca vendimmarrëse e ekspertëve shqiptarë në ekipin negociator me Athinën për çështjen e emrit.Përfaq?simi politik shqiptar të jetë prezent dhe shumë aktiv në kuadër të qëndrimeve të harmonizuara praprakisht, në të gjitha takimet diplomatike në lidhje me këtë cështje me ndermjetësin ndërkombëtarë Metju Nimic n? Nju-Jork, Shkup apo Athinë.Është absolutisht e papranueshme dhe e pafalshme mungesa totale e shqiptarëve në këto bisedime.Gjithashtu, ministrat shqiptarë të jenë në kontakte të ç'doditshme me Tiranën dhe Prishtinën në mënyrë që ky process të dalë me perfitime për shqiptarët, p.sh me njohjen e pavarësise së Kosovës edhe nga aleati numër një i Sërbisë në rajon-Greqia. 8. Njohja e Republikës së Kosovës

Pavarësimi i Kosovëes nga Sërbia është fitorja e dytë më e rëndësishme e shqiptarëve në historinë tonë më të re, pas pavaresimin të shtetit amë të gjithë shqiptarëve - Shqipërisë më 1912.Është një ndodhi,ngjarje, fenomen, process që hap perspektiva e mundësi të mëdha për çuarjen përpara dhe shpejtimin e disa proceseve si dhe hapjen e disa çështjeve tjera në interes të shqiptarëve, si ne fqinjësi në Ballkan, poashtu edhe më gjerë në Europë e Amerikë.Duke e kuptuar shume mirë këtë gjendje cilësisht të re e të pakrahasueshme me të kaluarën në raportet balkanike, Sërbia haptas e Greqia fshehtas në plan regjional, si dhe Rusia e Spanja në plan global, po bëjnë nje lufte kriminale e të paprinciptë për të bllokuar e vonuar sa më shumë që të jetë e mundur procesin e pakthyeshëm të njohjes së pavarësise se Kosovës.Rusia është duke shantazhuar në mënyra të ndryshme disa nga shtetet më me influencë të konferencës islamike (si Irani e Indonezia për shëmbull) dhe republikat islamike të Azise qëndrore bashkë me Gjeorgjinë e Azerbaijxhanin.Kurse Spanja në mënyrë shumë më perfide e të rafinuar është duke e bërë një vëprim të tillë me gati të gjitha shtetet spanjishtfolëse të Amerikës së mesme dhe jugore .Dhe këto shtete të marra së bashku janë mëse 70% e mbi 200 anëtareve të OKB-së sot.Edhe blloku sllavo-ortodoks i Europës (perveç Bullgarisë) i është bashkuar Rusisë ne këto përpjekje antishqiptare në plan global.Kina dhe India qëndrojnë në pozita pritëse e dyshuese të shtyra nga inercioni tradicional antiamerikan i politikave të tyre. Shikuar nga ky aspekt, ç'do njohje e pavarësise së Kosovës nga cilido shtet në botë është shumë e mirëseardhur për Kosovën tani.Kjo eshtë veçanërisht e rëndësishmë pas paralajmërimëvë sërbe për ankesë ndaj vendimit për shpalljen e pavarësise se Kosovës në gjykaten e se drejtës ndërkombetare ne OKB.Analisti i njohur shqiptar z.Kastriot Myftaraj në një shkrim të tijin të disa muajve më parë e pati analizuar shumë pedantëerisht raportin e forcave në këtë gjykatë,numrin e shteteve,numrin e gjykatesve,origjinën etnike të tyre,motivet e mundshme nga mund të niseshin këta gjykatës ne votimin e tyre përfundmitar (motive këto që mund të mos kenë fare lidhje me rastin e Kosoves) etj. dhe arrinte ne perfundime shumë të zymta në lidhje me vendmin përfundimtar të kësaj gjykate. Me këtë situate shumë serioze dhe me këto afate të shkurta kohore janë duke luftuar shteti i njomë i Kosvës që duan ta ekzekutojnë që në fillimet e tij dhe gjithë shqiptarët tjerë sot.Pra situata është më shumë së serioze.PDSh duke mos pasur fuqi të duhur elektorale e cila perkthehej me ndikim shumë të reduktuar ne ekzekutivë, nuk ishte në gjendje të ndikonte në njohjen e pavarëesisë së Kosovës nga qeveria maqedonase.Kjo parti gaboi dhe i dëmtoi rëndë interesat shqiptare që në start më 2006, kur si parti pakicë luftoi me c'do kusht që të ishte në qeverinë e Gruevskit apo partnerit të tyre strategjik, siç vazhdojnë ta quajnë akoma edhe pas fiaskos së 15 qershorit.Mirëpo ky partneri strategjik nuk i pyeti dhe nuk i respektoi fare në lidhje me vendimin për njohjen e pavarësisë së Kosovës.Të mos flasim pastaj për ato premtimet e famshme të tipit të "60 ditëve" në lidhje me statusin e gjuhës shqipe apo luftëtarëve të UÇK-së që dolën mashtrime të pastra elektorale e nuk dukeshin gjëkundi as pas 18 muajve keqqeverisjeje.Sic duket ishin të zënë me organizimin e ekspeditave nd?shkuese policore nëpër fshatrat shqiptare të Maqedonisë.

Tani e gjithë përgjegjësia kalon tek Bashkimi Demokratik per Integrim, i cili nuk duhet në asnjë mënyrë të hyjë në qeveri pa realizimin e kësaj cështjeje më të rëndësishme rajonale për gjithë shqiptarët sot.Njohja zyrtare e pavarësisë së Republikës së Kosovës nga ana e Republikës së Maqedonisë dhe vendosja e shpejtë e marrëdhënieve diplomatike në rang ambasadash është cështje mbi cështjët për fituesin shqiptar të zgjedhjeve sot.
BDI e ka shansin historik që ta vërë Gruevskin me kompani- para faktit t? kyer "s'ka formim qeverie pa njohje të shtetit sovran të Kosovës".Dhe si fituese absolute e zgjedhjeve paralamentare te blloku politik shqiptar, BDI e ka te drejtën morale, politike dhe kombëtare ta kerkojë me ngulm një gjë të tillë.

9.Statusi juridik i luftetarëve te Ushtrisë Clirimtare Kombëtare

Kjo është një çështje mbi çështjet.?shtë sa emocionale aq edhe juridike, shumë e drejtë, e rëndësishme, madhore, patriotike, morale, njerëzore, humane, quajeni si të doni.T? gjitha perfshihen brenda saj.Shpirti shqiptar është aty.
Thënë më drejtë, është një borxh moral dhe kombëtare i partisë trashegimtare të UÇK-së, pra e Bashkimit Demokratik p?r Integrim, ndaj gjithë atyre që dhane atë më të shtrenjtën, jetën, si dhe ndaj gjithë atyre që lanë pjesë nga trupi tyre maleve duke larë me gjak gjithë tokën shqiptare në Maqedoni.Nga gjaku i tyre i cili ujiti fushat e malet tona mbiu ai filiz i njomë qe sot ritet fuqishëm para nesh,ndër syte tane:mbiu vetë liria, drejtësia, dinjiteti i munguar i shqiptarit të Iliridës, i kerrusur nën barrën e rëndë të robërise shekullore.Ai gjak fitoi mbi nd?rgjegjen e mykur të diplomacisë europiane të asaj kohe e cila e quante Maqedoninë "oaz? paqeje" si dhe mbi shumë nacionalshovinizma ballkanikë.Ai gjak ndikoi shumë më tepër se kaq.Ai demokratizoi Maqedoninë.Dhe partia perfaqesuese e kësaj shtrese bëri shumë pak për ta.Ajo nuk e morri përsipër seriozisht kauzen e tyre,duke u dhënë shkas spekulimi elektoral atyre që mohojnë vetë epopenë e lavdishme të shqiptarëve të Maqedonisë- luftën e vitit 2001.

BDI-as që duhet të mendojë për stolet e rehatshme qeveritare pa zgjidhjen e kësaj çështjeje.Perndryshe do i mallkojë gjaku i jetimëve të atyre dëshmorëve.Dhe ai mallkim i rëndë nuk do u hiqet përjetë dhe do i ndjekë nga pas kudo e kurdo.Nuk ka asgjë më të tmershmë se mallkimi i nënave të dëshmorëve të kombit.Femijët e tyre, një pjesë e trupit të tyre, dhanë jetën për të mirën e përgjithshme, për të mirën e përbashkët, për të mirën publike, për komb, për flamur. Kush guxon ti harojë ata? Prandaj, para se të formohet qeveria, parimisht, me shkrim dhe me gojë, para gjith? kamerave e para gjithë mediave, para gjithë ambasadorëve e diplomatëve të huaj e të vendit - BDI duhet të kërkojë q? ligji i njëjtë i cili funksionon për terroristet sllavo-maqedonas që ranë në luftëra agresive atje ku se kishin vendin - te aprovohet menjëherë, që në mbledhjen e parë të parlamentit të ri, edhe për pjesëtarët e Ushtrisë Clirimtare Kombëtare,te cilët ranë në mbrojtje të pragut të shtëpive të tyre si dhe në mbrojtje të nderit e dinjitetit personal, familjar e kombëtarë. Pra pakoja e njëjtë e cila vlen për të a.q "mbrojtësat"e integritetit territorial të vendit duhet të vlejë pikë për pike edhe për pjesëtarët e UCK-së.Pensione shtetërore për familjarët e dëshmorëve në proporcion të njëjtë me pjesëtarët e ushtrisë e policisë maqedonase.Ndërtimi i shtëpive për familjarët e tyre, përparësi gjate punësimit për pjesëtarët e familjes së ngushtë së dëshmorëvë, bursa studimi që nga arsimi parashkollor e deri ne shkollimin e lartë e pasuniversitar për pasardhësit e drjetpërdrejtë të tyre, organizime të paguara nga shteti për kampingje verore e dimërore për këta fëmijë, dhënie përparësie gjatë hapjes së bizneseve të tyre,kreditimi me interesa të ulta nga bankat gjatë investimeve familjare, organizimi me regull e pa keqpërdorime politike të përvjetorëve të rënies së tyre, ngritja e lapidarëve për të gjithë e shumë mënyra të tjera të cilat do i bënin këta familjarë krenarë për veprën e bijve më të mirë të tyre dhë tanëve njëkohësisht.Këto benificione janë minimumi i minimumit që BDI duhet të përmbushë në ditët e para të qeverisjëes së saj.

Perfundim:

Këto ndryshime kushtetuese dhe politike duhet të jenë "conditio sine qua non" për formimin e qeverisë së re të pas 15 qershorit si dhe për vetë ekzistenceën dhe mbijetesën e Maqedonisë si shtet i pavarur dhe sovran.

Këto janë kerkesat më minimaliste, më të buta, më dëmokratike e më njerëzore që përfaqësuesit politikë të një popullsie autoktone dhe shtetformuese duhet ti parashtrojnë në tavolinën e bisedimeve e në fund të fundit, ti realizojnë vetë.Shqiptarët në këtë vend,te gjithë ne bashkë, duhet të heqim dorë nga mentaliteti i lypsarit të përjetshëm.Ne nuk kërkojmë të drejta nga askush.Ne i realizojmë vetë të drejtat tona të pamohueshme. Nëse edhe këte here nuk realizohen objektivat e lartpermendura, e që jane shume te natyrshme, të drejta, e të domosdoshme për një shtet si Fyromi që gjendet në prag të anëtarësimit në Be e Nato, dhe nëse BDI futet në qeveri me shpresën se këto kërkesa të drejta do të realizohen me kalimin e kohës, atëherë partia në fjalë duhet të dënohet nga elektorati shqiptarë njëjtë si u dënua PDSh-ja në tre palë zgjedhjet e fundit dhe PPD-ja para kësaj.Largimi nga skena politike drejt margjinave të shoqërisë e historisë është shpërblimi i vetëm dhe me koston më të ulët të mundshme për shpërdorimin e idealeve dhe votave të lara me gjakun e të rinjve tanë. /Valon Kurtishi Tetovë 19 qershor 2008 /